របៀបរស់នៅជាគ្រិស្តសាសនិក
សូមអញ្ជើញមនុស្សគ្រប់រូបក្នុងតំបន់ផ្សាយឲ្យចូលរួមពិធីរំលឹក!
ក្នុងអំឡុងសកម្មភាពពិសេសនៃការចែកចាយលិខិតអញ្ជើញ ដែលចាប់ផ្ដើមនៅថ្ងៃទី២៧ ខែកុម្ភៈ យើងនឹងអញ្ជើញមនុស្សឲ្យបានច្រើនបំផុតក្នុងតំបន់ផ្សាយរបស់យើងឲ្យចូលរួមពិធីរំលឹកមរណភាពរបស់គ្រិស្ត។ យើងក៏ត្រូវផ្ដោតអារម្មណ៍ជាពិសេសទៅលើអ្នកដែលចាប់អារម្មណ៍ផងដែរ ដើម្បីយើងអាចបង្កើនចំណាប់អារម្មណ៍ពួកគេថែមទៀត។
ជំហានផ្សេងៗដែលយើងគួរពិចារណា
អ្នកអាចនិយាយពាក្យផ្សាយដូចតទៅ៖
«យើងកំពុងជូនលិខិតនេះ ដើម្បីអញ្ជើញមនុស្សឲ្យចូលរួមពិធីដ៏សំខាន់មួយ។ នៅថ្ងៃទី២៣ ខែមីនា មនុស្សរាប់លាននាក់ទូទាំងពិភពលោក នឹងជួបជុំគ្នាដើម្បីប្រារព្ធពិធីរំលឹកមរណភាពលោកយេស៊ូគ្រិស្ត។ ក្នុងពិធីនោះ យើងនឹងស្ដាប់សុន្ទរកថាដោយឥតគិតថ្លៃដែលមានមូលដ្ឋានពីគម្ពីរ ស្តីអំពីមរណភាពរបស់លោក ថាតើផ្ដល់ប្រយោជន៍យ៉ាងណាដល់យើងទាំងអស់គ្នា។ លិខិតអញ្ជើញនេះប្រាប់អំពីពេលវេលានិងទីកន្លែងនៃកម្មវិធីពិសេសនេះ ដែលនឹងត្រូវធ្វើឡើងនៅតំបន់ដែលលោកអ្នករស់នៅ។ យើងសូមអញ្ជើញលោកអ្នកយ៉ាងកក់ក្ដៅ»។
បើបុគ្គលណាម្នាក់បង្ហាញចំណាប់អារម្មណ៍ . . .
ស្នើផ្ដល់សៀវភៅស្តើងសម្រាប់ពិធីរំលឹក
ទុកសំណួរដើម្បីត្រឡប់ទៅជួបម្ដងទៀត។
បង្ហាញវីដេអូអំពីពិធីរំលឹក
ទុកសំណួរដើម្បីត្រឡប់ទៅជួបម្ដងទៀត។
ពេលអ្នកត្រឡប់ទៅជួប អ្នកអាច . . .
បង្ហាញវីដេអូហេតុអ្វីគួររៀនគម្ពីរ?
រួចស្នើផ្ដល់សៀវភៅជំនួយសិក្សាគម្ពីរ។
ស្នើផ្ដល់សៀវភៅតើព្រះគម្ពីរពិតជាបង្រៀនយ៉ាងណា?
ប្រាប់ព័ត៌មានថែមទៀតអំពីពិធីរំលឹក ដោយមើលនៅទំព័រ២៣៦-២៣៨។ រួចស្នើផ្ដល់សៀវភៅ។
ស្នើផ្ដល់សៀវភៅស្តើងចូរស្ដាប់ព្រះ
ពន្យល់អត្ថន័យនៃមរណភាពរបស់គ្រិស្ត ដោយមើលនៅទំព័រ១៨-១៩។ រួចស្នើផ្ដល់សៀវភៅស្តើង។