របៀបរស់នៅជាគ្រិស្តសាសនិក
អ្នកអាចផ្សព្វផ្សាយនិងបង្រៀន!
ពេលម៉ូសេបានទទួលភារកិច្ចពីព្រះយេហូវ៉ា គាត់មិនបានគិតថាគាត់អាចមានសមត្ថភាពដើម្បីបំពេញភារកិច្ចនោះទេ។ (និក្ខ. ៤:១០, ១៣) តើអ្នកធ្លាប់មានអារម្មណ៍ដូចនោះទេ? តើអ្នកកំពុងសិក្សាគម្ពីរជាមួយសាក្សីព្រះយេហូវ៉ាឬទេ? តើអ្នកសង្ស័យថាអ្នកអាចផ្សព្វផ្សាយពីផ្ទះមួយទៅផ្ទះមួយបានឬយ៉ាងណាឬទេ? ឬប្រហែលអ្នកជាមនុស្សវ័យក្មេងម្នាក់ដែលស្ទាក់ស្ទើរផ្សព្វផ្សាយនៅសាលារៀន។ ឬប្រហែលអ្នកភ័យខ្លាចក្នុងការចូលរួមផ្សព្វផ្សាយសាធារណៈប្រភេទខ្លះ ឬផ្សព្វផ្សាយតាមទូរស័ព្ទ។ បើដូច្នេះ សូមសុំអង្វរព្រះយេហូវ៉ាឲ្យលោកផ្ដល់សកម្មពលបរិសុទ្ធរបស់លោក។ (១ពេ. ៤:១១) សូមមានទំនុកចិត្តថាលោកអាចជួយអ្នកឲ្យបំពេញភារកិច្ចណាក៏ដោយដែលលោកផ្ដល់ឲ្យអ្នក។—និក្ខ. ៤:១១, ១២
សូមទស្សនាវីដេអូចូរធ្វើជា . . . អ្នកផ្សព្វផ្សាយដែលមានចិត្តក្លាហាន រួចមកឆ្លើយសំណួរដូចតទៅនេះ៖
តើបងស្រីអាអូយ៉ាម៉ាបានប្រឈមមុខនឹងការពិបាកអ្វី?
តើអ្វីបានជួយគាត់ឲ្យមានកម្លាំងចិត្តនិងចិត្តក្លាហាន?—យេ. ២០:៧-៩
ដោយសារបានព្យាយាមធ្វើអ្វីជាច្រើនក្នុងកិច្ចបម្រើព្រះយេហូវ៉ា តើគាត់បានទទួលប្រយោជន៍យ៉ាងណា?
តើព្រះយេហូវ៉ាអាចជួយអ្នកឲ្យយកឈ្នះការពិបាកណាខ្លះក្នុងកិច្ចបម្រើផ្សាយ?