របៀបរស់នៅជាគ្រិស្តសាសនិក
ចូរពឹងផ្អែកលើព្រះយេហូវ៉ាពេលមានមនុស្សសម្លុតធ្វើបាប
ពេលយើងទទួលរងការសម្លុតធ្វើបាប នេះអាចនាំឲ្យយើងឈឺចាប់ និងបាក់ទឹកចិត្ត។ បើយើងភ័យខ្លាចការបៀតបៀនពីអ្នកឯទៀតដោយសារយើងបម្រើព្រះយេហូវ៉ា នេះក៏អាចធ្វើឲ្យចំណងមិត្តភាពរបស់យើងជាមួយលោកចុះខ្សោយដែរ។ តើតាមរបៀបណាយើងអាចការពារខ្លួនពីពួកអ្នកសម្លុតធ្វើបាប?
អ្នកគោរពប្រណិប័តន៍ព្រះយេហូវ៉ាជាច្រើននាក់បានយកឈ្នះពួកអ្នកសម្លុតធ្វើបាបដោយពឹងផ្អែកទៅលើព្រះយេហូវ៉ា។ (ចសព. ១៨:១៧) ជាឧទាហរណ៍ អេសធើរបានបកអាក្រាតគម្រោងការរបស់បុរសដ៏អាក្រក់ម្នាក់ឈ្មោះហាម៉ាន។ (អេធ. ៧:១-៦) មុនធ្វើដូច្នេះ នាងបានបង្ហាញទំនុកចិត្តទៅលើព្រះយេហូវ៉ាដោយតមអាហារ។ (អេធ. ៤:១៤-១៦) ព្រះយេហូវ៉ាឲ្យពរចំពោះការប្រព្រឹត្តរបស់នាង ហើយការពារនាងនិងរាស្ត្ររបស់លោក។
ប្អូនៗអើយ បើប្អូនប្រឈមមុខនឹងអ្នកសម្លុតធ្វើបាប ចូរសុំជំនួយពីព្រះយេហូវ៉ា ហើយនិយាយជាមួយមនុស្សពេញវ័យអំពីបញ្ហានោះ ដូចជាឪពុកម្ដាយរបស់ប្អូន។ ប្អូនអាចប្រាកដថាព្រះយេហូវ៉ានឹងជួយប្អូនដូចលោកបានជួយអេសធើរដែរ។ តើប្អូនអាចធ្វើអ្វីថែមទៀតដើម្បីស៊ូទ្រាំនឹងការសម្លុតធ្វើបាប?
សូមទស្សនាវីដេអូជីវិតកាលយុវវ័យ តើតាមរបៀបណាខ្ញុំអាចយកឈ្នះការសម្លុតធ្វើបាប? រួចឆ្លើយនឹងសំណួរដូចតទៅនេះ៖
តើប្អូនៗវ័យក្មេងអាចរៀនអ្វីពីគំរូរបស់ឆាលីនិងហ្វឺរីន?
តើឪពុកម្ដាយអាចរៀនអ្វីពីយោបល់របស់ឆាលី និងហ្វឺរីនស្ដីអំពីរបៀបដែលពួកគាត់អាចផ្ដល់ជំនួយដល់កូនៗដែលរងការសម្លុតធ្វើបាបពីអ្នកឯទៀត?