យោបល់សម្រាប់សិក្សា
របៀបចងចាំខគម្ពីរ
តើអ្នកធ្លាប់ពិបាកចាំខគម្ពីរដែលអ្នកចូលចិត្តឬទេ? ខគម្ពីរនោះប្រហែលជាបានសម្រាលទុក្ខអ្នក ជួយអ្នកឲ្យយកឈ្នះគំនិតមិនត្រឹមត្រូវ ឬជាខគម្ពីរដែលអ្នកចង់ប្រាប់អ្នកឯទៀត។ (ចសព. ១១៩:១១, ១១១) សូមពិចារណាអំពីយោបល់ខ្លះដែលអាចជួយអ្នកឲ្យចាំខគម្ពីរ។
សូមប្រើស្លាកភ្ជាប់ដែលមាននៅក្នុងកម្មវិធីJWបណ្ណាល័យ។ សូមបង្កើតស្លាកភ្ជាប់មួយថា«ខគម្ពីរដែលចូលចិត្ត» ហើយរក្សាទុកខគម្ពីរណាដែលអ្នកចង់ចាំក្នុងស្លាកភ្ជាប់នោះ។a
សូមសរសេរខគម្ពីរនៅកន្លែងណាដែលអ្នកងាយឃើញ។ សូមសរសេរខគម្ពីរដែលអ្នកចង់ចាំលើក្រដាសមួយ ហើយទុកក្រដាសនោះនៅកន្លែងដែលអ្នកងាយឃើញ។ បុគ្គលខ្លះបិទក្រដាសនោះលើកញ្ចក់ រីឯបុគ្គលខ្លះទៀតបិទវាលើទ្វារទូរទឹកកក។ ឯបងប្អូនខ្លះទៀត ពួកគេថតខគម្ពីរដែលពួកគេចង់ចាំ ហើយដាក់តាំងរូបនោះលើអេក្រង់ទូរស័ព្ទឬកុំព្យូទ័ររបស់ពួកគេ។
សូមធ្វើកាតមួយចំនួន។ សូមសរសេរឈ្មោះខគម្ពីរនៅម្ខាងកាត ហើយនៅម្ខាងទៀតនៃកាតនោះ សូមសរសេរពាក្យខគម្ពីរ។ ក្រោយមក សូមមើលកាតដែលមានឈ្មោះខគម្ពីរ ហើយព្យាយាមចាំពាក្យក្នុងខគម្ពីរនោះ។ មួយវិញទៀត សូមមើលម្ខាងទៀតនៃកាតនោះដែលមានពាក្យខគម្ពីរ ហើយព្យាយាមចាំថា ខនោះនៅឯណាក្នុងគម្ពីរ។
a ដើម្បីបានព័ត៌មានថែមទៀត សូមមើលវីដេអូដែលមានចំណងជើងថា អង្គការមានសមិទ្ធផលផ្សេងៗ—យោបល់ក្នុងការប្រើJWបណ្ណាល័យ និងចូរមានអំណរក្នុងការជួយមនុស្សឲ្យក្លាយទៅជាអ្នកបម្រើព្រះយេហូវ៉ា ដោយទទួលយកជំនួយពីលោក ឧបករណ៍ស្រាវជ្រាវ នៅគេហទំព័រjw.org/km។