បញ្ហាផ្លូវចិត្តមានកាន់តែច្រើនឡើងលើពួកយុវវ័យ តើគម្ពីរចែងយ៉ាងណា?

កាលពីថ្ងៃច័ន្ទ ទី១៣ ខែកុម្ភៈ ឆ្នាំ២០២៣ មជ្ឈមណ្ឌលត្រួតពិនិត្យនិងបង្ការជំងឺឆ្លង(CDC)នៅសហរដ្ឋអាម៉េរិក បានចេញសេចក្ដីរាយការណ៍មួយស្ដីអំពីសុខភាពផ្លូវចិត្តដែលកើតឡើងចំពោះពួកយុវវ័យនៅទីនោះ។ គេសង្កេតឃើញថាសិស្សវិទ្យាល័យជាង៤០ភាគរយ ប្រឈមមុខនឹងជំងឺធ្លាក់ទឹកចិត្តនិងការអស់សង្ឃឹម។

វេជ្ជបណ្ឌិតខាតលីន អ៊ីធីអឺ ជាប្រធានCDCនៃផ្នែកសុខភាពយុវវ័យនិងសិស្សសាលា(DASH)បាននិយាយថា៖«យើងបានឃើញថាបញ្ហាផ្លូវចិត្តរបស់ពួកយុវវ័យគឺកាន់តែធ្ងន់ធ្ងរឡើងៗក្នុងអំឡុង១០ឆ្នាំកន្លងមកនេះ។ ជាពិសេស សុខភាពផ្លូវចិត្តរបស់យុវតីគឺកាន់តែយ៉ាប់យ៉ឺនជាងមុនឆ្ងាយណាស់។ បន្ថែមទៅទៀត មានយុវតីកាន់តែច្រើនមានគំនិតឬគម្រោងសម្លាប់ខ្លួន ហើយខ្លះថែមទាំងព្យាយាមសម្លាប់ខ្លួនទៀតផង»។

របាយការណ៍នោះបានរៀបរាប់ថា៖

ចំណោមយុវតី១០នាក់ មានម្នាក់ឬច្រើនជាង(១៤ភាគរយ) បានត្រូវគេបង្ខំឲ្យរួមភេទ។ វេជ្ជបណ្ឌិតអ៊ីធីអឺបាននិយាយថា៖«រឿងនេះគឺពិតជាគួរឲ្យព្រួយបារម្ភខ្លាំងណាស់ ព្រោះក្នុងចំណោមយុវតី១០នាក់ យ៉ាងហោចណាស់មានម្នាក់ឬច្រើនជាងបានត្រូវគេរំលោភ»។
ក្នុងចំណោមយុវតីបីនាក់យ៉ាងហោចណាស់មានម្នាក់(៣០ភាគរយ) បានប៉ុនប៉ងសម្លាប់ខ្លួន។
ក្នុងចំណោមយុវតីប្រាំនាក់យ៉ាងហោចណាស់មានបីនាក់(៥៧ភាគរយ) តែងតែក្រៀមក្រំចិត្តឬអស់សង្ឃឹម។

ស្ថិតិនេះគឺគួរឲ្យសោកស្ដាយណាស់។ គ្រាយុវវ័យគួរតែជាគ្រាដែលមានអំណរនិងសុភមង្គល។ តើអ្វីអាចជួយពួកយុវវ័យឲ្យយកឈ្នះការតានតឹងចិត្តដែលពួកគេមាននៅសព្វថ្ងៃនេះ? តើគម្ពីរចែងយ៉ាងណា?

គម្ពីរផ្ដល់ជំនួយដែលមានប្រយោជន៍សម្រាប់ពួកយុវវ័យ

គម្ពីរបានរៀបរាប់យ៉ាងជាក់លាក់ថាគ្រាដែលយើងកំពុងរស់នៅជាគ្រាដ៏តានតឹងចិត្ត។ គម្ពីរហៅគ្រានេះថា‹គ្រាលំបាកខ្លាំងណាស់›។ (ធីម៉ូថេទី២ ៣:១-៥) ទោះជាយ៉ាងនេះក្ដី គម្ពីរផ្ដល់ដំបូន្មានដែលមានប្រយោជន៍គ្រប់សម័យកាល ដែលជួយយុវវ័យរាប់លាននាក់នៅទូទាំងពិភពលោកឲ្យស៊ូទ្រាំនឹងបញ្ហាដែលពួកគេកំពុងជួបប្រទះ។ សូមពិចារណាអត្ថបទដែលមានមូលដ្ឋានក្នុងគម្ពីរដូចខាងក្រោម៖

ជំនួយសម្រាប់យុវវ័យដែលមានគំនិតចង់សម្លាប់ខ្លួន

ជំនួយសម្រាប់យុវវ័យដែលធ្លាក់ទឹកចិត្ត ក្រៀមក្រំចិត្ត ឬមានអារម្មណ៍អវិជ្ជមាន

ជំនួយសម្រាប់យុវវ័យដើម្បីយកឈ្នះការសម្លុតធ្វើបាបដោយផ្ទាល់ឬតាមអ៊ីនធឺណិត

ចុះបើគេសម្លុតធ្វើបាបខ្ញុំ?
ចុះបើគេសម្លុតធ្វើបាបខ្ញុំតាមអ៊ីនធឺណិត?
ចូរយកឈ្នះការសម្លុតធ្វើបាបដោយមិនប្រើកណ្ដាប់ដៃ (គំនូរជីវចលលើក្ដារខៀន)

ជំនួយសម្រាប់យុវវ័យចំពោះការបៀតបៀនកេរ្តិ៍ខ្មាសនិងការរំលោភបំពានផ្លូវភេទ

គម្ពីរបានផ្ដល់ដំបូន្មានដែលមានប្រយោជន៍សម្រាប់ឪពុកម្ដាយ

គម្ពីរផ្ដល់ដំបូន្មានដ៏មានប្រយោជន៍ក្នុងការជួយឪពុកម្ដាយដើម្បីអាចជួយកូនវ័យជំទង់របស់ពួកគេយកឈ្នះការពិបាកនោះ។ សូមពិចារណាអត្ថបទដែលមានមូលដ្ឋានក្នុងគម្ពីរខាងក្រោមនេះ៖

គម្ពីរ​ផ្ដល់​ជំនួយ​ដែល​មាន​ប្រយោជន៍​សម្រាប់​ពួក​យុវវ័យ

គម្ពីរ​បាន​ផ្ដល់​ដំបូន្មាន​ដែល​មាន​ប្រយោជន៍​សម្រាប់​ឪពុក​ម្ដាយ

គម្ពីរផ្ដល់ជំនួយដែលមានប្រយោជន៍សម្រាប់ពួកយុវវ័យ

គម្ពីរបានផ្ដល់ដំបូន្មានដែលមានប្រយោជន៍សម្រាប់ឪពុកម្ដាយ