‘O Vondadi ia Nzambi a i Bhange’

1. Diebhi o diambu phala o kiônge kionene kia muvu ua sidivisu ua 2012, ni mukonda kima kiambote o kuzuela o maka iá?

¹ Etu, a tu bhange mukonda dia vondadi ia Jihova. (Dij 4:11) kieji tu bhonza o ku kumbidila o vondadi ia Nzambi, sé ku di longa ni ku bhanga o vondadi ia Nzambi. Kiki, ki kima kioso-kioso ngó kala ki tu mona, mukonda tua tokala ku bhânga ni ‘jivondadi ja xitu ni ja muxima’ mba, ni “ioso ia uabhela kubhanga o matumbu, kejiia Nzambi.” (Efe 2:3; 1 Phe 4:3; 2 Phe 2:10) Sé o kikuatekesu kia Nzambi, ‘eji tu kuata mu kibhetu kia Diabhu, ni ku tu bhangesa kutumaka o vondadi iê.’ (2Ti 2:26) Kienhiki, o kiônge kionene phala o muvu ia 2012, kia-nda kuatekesa kala muthu mudietu, ku kalakala ia lungu ni ibhingilu itatu mu musambu ua bhange Jezú. Ni mambu iambe: ‘O Vondadi ia Nzambi a i Bhange’—Mat 6:10.

2. Ibhuidisu iebhi a-nda itambuijila mu kiônge kionene?

² Ibhuidisu A-nda Itambuijila: Kioso ki ua-nda kuívua o milongi, sota o itambuijilu ia ibhuidisu íii: O kuila kuala kima kia beta dingi kota, o kuívua o maka Nzambi ndenge?

Kiebhi ki tu tena kuijiia iebhi o vondadi ia Nzambi phala etu?

Mukonda diahi tua tokala ku kala polondo, phala ku sanga o athu oso?

Kiebhi ki u tena ku sanga o ku zediua kuambote ku muenhu?

Minzangala, ihi i mua tokala o ku bhanga phala kulondekesa kua Jihova?

Mbote iebhi ijila mu ku bhanga o vondadi ia Nzambi?

Mukonda diahi kua bhingi lusolo ku suínisa ni ku kolokotesa akuetu?

3. Kiebhi ki tu tena ku katula mbote mu ujitu iú ua nzumbi?

³ Bhanga ioso phala ku kala mu kiônge kiki, ni kuívua kiambote o milongi. Mulongexi ua Betele, mba kafunga ka ilunga nange ua-nda kala-bhu kala mujitu. Ande dia ku mateka ni kioso ki zubha o mbandu, divue kiambote se ua mesena kuzuela ni muéne, ni muhatu uê, se dikaza. Kioso ki ua-nda vutuka ku bhata, “kana ku jimba i ua di longo,” maji bhitulula o milongi ni muiji, ni kuzuela kiebhi ki mu tena ku kalakala kumoxi mu ku bhana o vondadi ia Nzambi ni nguzu ioso—Tiia. 1:25.

4. Mukonda diahi kima kiambote kuta ku pholo o vondadi ia Nzambi ku muenhu uetu?

⁴ Kua kambe ngó kithangana, oso ene mu sota o jihanji jâ, ni ku dituna ku belesela o vondadi ia Jihova, a-nda ku a buika. (1 Nzuá 2:17) Tua sakidila kiavulu Jihova uene mu tu bhana o kudia kuku kua tokala, mu kithangana kia soko, phala ku tu kuatekesa kuta ku pholo o vondadi ia Nzambi!