Mashinda a Kwisambilamo

Kutatula Mafunjisho a Baibolo pa Kibelushi Kitanshi mu October

“Bantu bavula balanguluka amba Baibolo ke bukutu muji maana a bantu. Nga anweba mulangulukapo amba ka? [Lekai akumbule, apa bino mutange 2 Petelo 1:19-21] Byambo bya bungauzhi biji mu Baibolo bitulengela kuketekela byambo bijimo. Kibaba kya butanu na bubiji kiji mu uno magazini kyaamba pa bungauzhi buji mu Baibolo bwafikizhiwa kala.” Mupai magazini ne kunengezha kukabwelako na kumumwesha byotufunda Baibolo.

Kyamba kya Usopa July–September

“Bantu bamo mu byalo byavula balanguluka amba bakonsha kwisamba na balongo babo bafwile kala. Nanchi mwalanguluka amba kijitu bulongo kuba bino nyi? [Lekai akumbule.] Monai Lesa byo aamba pa kino kishinka. [Tangai Mpitulukilo ya mu mizhilo 18:10-12a.] Kino kibaba kyalumbulula kuyuka bukine pa bikala bantu bafwa byo kwakonsha kwituzhikijila ku bujimbijimbi.” Zhikulai pa kibaba kiji pa jipa 10 ne kumushila magazini.

Awake! October

“Bansemi bavula bakeba baana babo kufunda kufika palepa. Nanchi mwalanguluka amba bakyanyike bapwisha masukulu ano moba benegezha ku makatazho a mu bwikalo nyi? [Lekai akumbule.] Akimonai Baibolo byo aamba pa buneme buji mu kwikala na maana. [Tangai Musapwishi 7:12.] Uno magazine waamba pa bishinka bitanu byakonsha kukwasha bakyanyike kuba bulongo ku sukulu.”