Mepuzho a Kwisambapo mu Buku Wami wa Mashimikila a mu Baibolo

Jishimikila 1

Lesa Watendekele Kulenga Bintu

1. Nanchi bintu byonse byawama byafumine kwepi, kabiji ambako ne kya kumwenako?

2. Kintu ka Lesa kyo alengele patanshi?

3. Mambo ka malaika mutanshi kyo anemena?

4. Londolola byajinga ntanda ku ntendekelo. (Mona kipikichala.)

5. Lesa watendkele byepi kunengezha ntanda ya kwikalapo banyama ne bantu?

Mepuzho akwabo:

1. Tanga Yelemiya 10:12.

   Byubilo ka bya kwa Yehoba bimweka kupichila mu bintu byo alenga? (Isa. 40:26; Loma 11:33)

2. Tanga Kolose 1:15-17.

   Lubaji ka Yesu lo aingijile pa kulenga bintu, kabiji kino kyakonsha kwitulengela kumumonanga byepi? (Kolo. 1:15-17)

3. Tanga Ntendekelo 1:1-10.

   1. Ñanyi walengele ntanda? (Nte. 1:1)

   2. Ki ka kyamwekele pa juba jitanshi ja kulengwa kwa bintu? (Nte. 1:3-5)

   3. Londolola byamwekele pa juba ja bubiji ja kulengwa kwa bintu. (Nte. 1:7, 8)

Jishimikila 2

Bujimi Bwawama

1. Lesa wanengezhezhe byepi ntanda kwikala ke muzhi wetu?

2. Londolola misango ya banyama Lesa bo alengele. (Mona kipikichala.)

3. Mambo ka bujimi bwa Edena kyo bwawamijile?

4. Lesa wakebelenga ntanda yonse kwikala ka?

Mepuzho akwabo:

1. Tanga Ntendekelo 1:11-25.

   1. Lesa walengele ka pa juba ja busatu? (Nte. 1:12)

   2. Lesa walengele ka pa juba ja buna? (Nte. 1:16)

   3. Lesa walengele banyama ba mutundu ka pa juba ja butanu ne pa juba ja butanu na jimo? (Nte. 1:20, 21, 25)

2. Tanga Ntendekelo 2:8, 9.

   Bichi ka bibiji byanema Lesa byo abikile mu bujimi bwa Edena, kabiji byaimenejilengako ka?

Jishimikila 3

Mwanamulume Mutanshi ne Mwanamukazhi Mutanshi

1. Nga kipikichala kiji mu Jishimikila 3 kyapusana byepi na kiji mu Jishimikila 2?

2. Ñanyi walengele mwanamulume mutanshi, kabiji uno mwanamulume wajinga ñanyi jizhina?

3. Mwingilo ka Lesa ye apele Adama?

4. Mambo ka Lesa kyo alajikile Adama mu tulo tukatampe?

5. Ba Adama ne Evwa bafwanyijilwe kwikala myaka inga, kabiji mwingilo ka Yehoba ye akebelenga amba bengilenga?

Mepuzho akwabo:

1. Tanga Salamo 83:18.

   Lesa ñanyi jizhina, kabiji kifulo ka kyanema kyo aji nakyo pano pa ntanda ponse? (Yele. 16:21; Da. 4:17)

2. Tanga Ntendekelo 1:26-31.

   1. Lesa wapezhezheko kulenga ka pa juba ja butanu na jimo, kabiji kino kilengwa kyapuseneko byepi na banyama? (Nte. 1:26)

   2. Lunengezho ka Lesa lo abikileko ku bantu ne banyama? (Nte. 1:30)

3. Tanga Ntendekelo 2:7-25.

   1. Ki ka kyavwangilemo mu mwingilo wa kwa Adama wa kutumba banyama mazhina? (Nte. 2:19)

   2. Nga Ntendekelo 2:24 itukwasha byepi kuyuka Yehoba byo amona masongola, kwabenamo ne kwipala? (Mat. 19:4-6, 9)

Jishimikila 4

Ene Mambo o Bebapangijile mu Muzhi Wabo

1. Pa kipikichala, ki ka kibena kumweka kwi ba Adama ne Evwa?

2. Mambo ka Yehoba o ebakambwijile?

3. Muloolo wabuujile Evwa amba ka?

4. Ñanyi walengjile muloolo kwamba ne Evwa?

5. Mambo ka Adama ne Evwa o bebapangijile mu Paladisa?

Mepuzho akwabo:

1. Tanga Ntendekelo 2:16, 17 ne 3:1-13, 24.

   1. Bwipuzho muloolo bo aipwizhe Evwa bwajinga byepi bwa kubepela Yehoba? (Nte. 3:1-5; 1 Yoa. 5:3)

   2. Evwa waikala byepi muntu ye twafwainwa kufunjilako? (Fili. 4:8; Yako. 1:14, 15; 1 Yoa. 2:16)

   3. Mu ñanyi jishinda Adama ne Evwa mo bakankejilwe kuswa mambo o balengele? (Nte. 3:12, 13)

   4. Bakelubi bajinga ku musela wa bujimi bwa Edena batumbijikile byepi bumfumu bwa Yehoba? (Nte. 3:24)

2. Tanga Lumwekesho 12:9.

   Satana washinda byepi mu kusendula bantu ku bukalama bwa Lesa? (1 Yoa. 5:19)

Jishimikila 5

Bwikalo Bwatendeka Kukatazha

1. Bwikalo bwa kwa Adama ne Evwa bwajinga byepi byo bafumine mu bujimi bwa Edena?

2. Ki ka kyatendekele kumwekela ba Adama ne Evwa, kabiji mambo ka?

3. Mambo ka baana ba kwa Adama ne Evwa kyo bakotela ne kufwa?

4. Inge Adama ne Evwa baji bakokejile Yehoba, bwikalo bwabo ne baana babo bwakonsheshe kwikala byepi?

5. Kusatuka kwa kwa Evwa kwamuletejile ñanyi misongo?

6. Baana babalume babiji batanshi ba kwa Adama ne Evwa bajinga bañanyi mazhina?

7. Nga baana bakwabo baji pa kipikichala bañanyi?

Mepuzho akwabo:

1. Tanga Ntendekelo 3:16-23 ne 4:1, 2.

   1. Kufingwa kwa mushiji kwalengejile byepi bwikalo bwa kwa Adama kukatazha? (Nte. 3:17-19; Loma 8:20, 22)

   2. Mambo ka jizhina ja kuba’mba Evwa, jilumbulula’mba ‘mumi,’ kyo jafwanyijilwe? (Nte. 3:20)

   3. Yehoba wibobijile byepi lusa ba Adama ne Evwa nangwatu panyuma ya kulenga mambo? (Nte. 3:7, 21)

2. Tanga Lumwekesho 21:3, 4.

   Ñanyi “bintu bitanshi” byo ukeba’mba bikafumishiwepo?

Jishimikila 6

Mwana wa Mulume Wawamine ne Watamine

1. Mingilo ka Kaina ne Abela yo baingijilenga?

2. Ñanyi bupe bwapaine Kaina ne Abela kwi Yehoba?

3. Mambo ka Yehoba o atemenwejile bupe bwa kwa Abela, kabiji mambo ka kyo ashikijilwe bupe bwa kwa Kaina?

4. Kaina wajinga muntu wa mutundu ka, kabiji Yehoba waesekele byepi kumukwasha?

5. Kaina waubile byepi byo ajinga bunke na nkasanji mungye?

6. Londolola kyamumwekejile Kaina panyuma ya kwipaya nkasanji.

Mepuzho akwabo:

1. Tanga Ntendekelo 4:2-26.

   1. Yehoba walondolwele byepi lukatazho lwajinga na Kaina? (Nte. 4:7)

   2. Kaina wamwesheshe byepi byajinga mu muchima wanji? (Nte. 4:9)

   3. Yehoba umona byepi boba bechila mashi abula mambo? (Nte. 4:10; Isa. 26:21)

2. Tanga 1 Yoano 3:11, 12.

   1. Mambo ka Kaina kyo azhingijile, kabiji kino kitujimunako byepi lelo jino? (Nte. 4:4, 5; Maana. 14:30; 28:22)

   2. Baibolo umwesha byepi amba nangwa kya kuba ba mu kisemi kyetu bonse bamukana Yehoba, atweba twakonsha kutwajijila kwikala bakishinka? (Sala. 27:10; Mat. 10:21, 22)

3. Tanga Yoano 11:25.

   Mulaye ka walaya Yehoba ku boba bafwa na mambo a bololoke? (Yoa. 5:24)

Jishimikila 7

Muntu Wachinchikile

1. Enoka wapuseneko byepi?

2. Mambo ka bantu bajingako mu moba a kwa Enoka kyo baubijilenga bintu byatama?

3. Bantu baubilenga ñanyi bintu byatama? (Mona kipikichala.)

4. Mambo ka Enoka kyo afwanyijilwe kuchinchikila?

5. Kala bantu baikalanga myaka inga, bino Enoka waikele myaka inga?

6. Ki ka kyaubiwe Enoka byo afwile?

Mepuzho akwabo:

1. Tangai Ntendekelo 5:21-24, 27.

   1. Enoka wajinga na bulunda bwa mutundu ka na Yehoba? (Nte. 5:24)

   2. Kwesakana na byaamba Baibolo, ñanyi muntu waikele myaka yavula, kabiji wafwile na myaka inga? (Nte. 5:27)

2. Tanga Ntendekelo 6:5.

   Pano pa ntanda patamine byepi panyuma ya lufu lwa kwa Enoka, kabiji kino kyaesakana byepi na ano moba etu a lelo? (2 Timo. 3:13)

3. Tanga Bahebelu 11:5.

   Kyubilo ka kyajinga na Enoka kyamulengejile ‘kumutokesha Lesa pa muchima,’ kabiji ki ka kyafuminemo? (Nte. 5:22)

4. Tanga Yuda 14, 15.

   Bena Kilishitu lelo jino bakonsha kulonda byepi byachinchikile Enoka pa kujimuna bantu pa mambo a kwiya kwa nkondo ya Amagedonyi? (2 Timo. 4:2; Hebe. 13:6)

Jishimikila 8

Babiyangala Bajingako Panopantanda

1. Ki ka kyamwekele bamalaika bamo ba Lesa byo baumvwijile Satana?

2. Mambo ka bamalaika bamo kyo balekejile mingilo yabo mwiulu ne kwiya panopantanda?

3. Mambo ka o kyatamijile bamalaika kwiya panopantanda ne kwialula abo bene mu mibiji ya bumuntu?

4. Baana ba bamalaika bapuseneko byepi?

5. Byonka byo wamona pa kipikichala, baana ba bamalaika baubilepo byepi byo baikele ke babiyangala?

6. Enoka byo afwile, ñanyi muntu wawama waikeleko panopantanda, kabiji mambo ka Lesa kyo amutemenwejile?

Mepuzho akwabo:

1. Tangai Ntendekelo 6:1-8.

   Buku wa Ntendekelo 6:6 umwesha byepi Yehoba byo eumvwa pa byubilo byetu? (Sala. 78:40, 41; Maana. 27:11)

2. Tangai Yuda 6.

   Nanchi bamalaika “babujilwe kulama bukulumpe bwabo bene” mu moba a kwa Nowa baikala byepi ke ba kwituvululako mu ano moba? (1 Ko. 3:5-9; 2 Pe. 2:4, 9, 10)

Jishimikila 9

Nowa Wafiikile Bwato

1. Bantu banga bajinga mu kisemi kya kwa Nowa, kabiji baana banji babalume basatu bajinga bañanyi mazhina?

2. Ñanyi mwingilo mukatampe Lesa ye apele Nowa kwingila, kabiji mambo ka?

3. Bantu baubile byepi Nowa byo ebabuujile kyo afiikijilenga bwato?

4. Lesa wabuujile Nowa kuba byepi na banyama?

5. Lesa byo ashinkile kinzhilo kya bwato, Nowa ne kisemi kyanji baubile byepi?

Mepuzho akwabo:

1. Tanga Ntendekelo 6:9-22.

   1. Ki ka kyalengejile Nowa kwikala mupopweshi wawama wa Lesa wa kine? (Nte. 6:9, 22)

   2. Yehoba umvwa byepi pa bukapondo, kabiji kino kyakonsha kwitulengela kuba byepi pa kusala bintu bya kisangajimbwe? (Nte 6:11, 12; Sala. 11:5)

   3. Twakonsha kulonda byepi Nowa umvwe twatambulwila mikambizho kupichila mu jibumba ja Yehoba? (Nte. 6:22; 1 Yoa. 5:3)

2. Tanga Ntendekelo 7:1-9.

   Kitutundaika byepi mu ano moba byo kiji kuba’mba Yehoba wamonanga Nowa muntu wajinga mbulwakoloka kwikala mololoke? (Nte. 7:1; Maana. 10:16; Isa. 26:7)

Jishimikila 10

Muyulo Mukatampe

1. Mambo ka bamo kyo babujile kutwela mu bwato mvula byo atendekele kunoka?

2. Yehoba walengejile mvula kunoka mute ne bufuku pa moba anga, kabiji mema ayujile byepi?

3. Ki ka kyamwekele ku bwato mema byo atendekele kutekankana pa ntanda?

4. Nanchi babiyangala bapulukile muyulo nyi, kabiji ki ka kyamwekanyikile ku bashabo?

5. Ki ka kyamwekele ku bwato byo papichile bañondo batanu?

6. Mambo ka Nowa kyo aswishijile kikwangala kulupuka mu bwato?

7. Nowa wayukile byepi amba mema pa ntanda anyeka?

8. Lesa waambile amba ka kwi Nowa ne ku kisemi kyanji byo baikele mu bwato kukilaila pa mwaka umo?

Mepuzho akwabo:

1. Tanga Ntendekelo 7:10-24.

   1. Bintu byonse bipema byavizhiwe byepi panopantanda? (Nte. 7:23)

   2. Papichile moba anga pa kuba’mba mema a muyulo anyeke? (Nte. 7:24)

2. Tanga Ntendekelo 8:1-17.

   Buku wa Ntendekelo 8:17 umwesha byepi amba nkebelo ya Yehoba Lesa ya ino ntanda kechi yaaluka ne? (Nte. 1:22)

3. Tanga 1 Petelo 3:19, 20.

   1. Bamalaika basatukile byo babwelele mwiulu, mambo abo achibilwe byepi? (Yuda 6)

   2. Jishimikila ja kwa Nowa ne kisemi kyanji jikosesha byepi luketekelo lwetu mwi Yehoba byo akonsha kupulusha bantu banji? (2 Pe. 2:9)

Jishimikila 11

Kakongolo Katanshi

1. Kwesakana na byo kyamweshiwa pa kipikichala, ki ka kyaubile Nowa kimyetu kitanshi kyo afumine mu bwato?

2. Mukambizho ka Lesa ye apele Nowa ne kisemi kyanji panyuma ya Muyulo?

3. Mulaye ka Lesa ye alayile?

4. Umvwe twamona kakongolo, ki ka kyo ke tuvululako?

Mepuzho akwabo:

1. Tanga Ntendekelo 8:18-22.

   1. Twakonsha kupana byepi “bwema bwawama” kwi Yehoba mu ano moba? (Nte. 8:21; Hebe. 13:15, 16)

   2. Bintu ka Yehoba byo amwene byajinga mu michima ya bantu, kabiji twakonsha kwingijisha byepi luno lujimuno? (Nte. 8:21; Mat. 15:18, 19)

2. Tanga Ntendekelo 9:9-17.

   1. Lulayañano ka Yehoba lo alayañene na bilengwa byonse bya panopantanda? (Nte. 9:10, 11)

   2. Lulayañano lwa kakongolo lukatwajijila kwingila kufika kimye ka? (Nte. 9:16)

Jishimikila 12

Banabalume Batungile Kyamba Kikatampe

1. Nimalode wajinga ñanyi, kabiji Lesa wiumvwinenga byepi pe aye?

2. Mambo ka bantu baji pa kikye kipikichala o bafyatwijilenga matafwali?

3. Mambo ka Yehoba kyo abujile kusekela pa mwingilo wa kushimika?

4. Lesa walekeshe byepi mwingilo wa kushimika kyamba?

5. Muzhi bamutelanga amba ka, kabiji aja jizhina jilumbulula ka?

6. Ki ka kyamwekejile bantu bo avulañenye Lesa milaka yabo?

Mepuzho akwabo:

1. Tanga Ntendekelo 10:1, 8-10.

   Byubilo ka byamwesheshe Nimalode, kabiji lujimuno ka lo tufunjilako ku kino? (Mana. 3:31)

2. Tanga Ntendekelo 11:1-9.

   Mulanguluko ka wajinga na bantu pa kushimika kyamba, kabiji mambo ka o bakankejilwe kupwisha uno mwingilo? (Nte. 11:4; Manaa. 16:18; Yoa. 5:44)

Jishimikila 13

Abalahama Mulunda na Lesa

1. Bantu ba mutundu ka baikalanga mu muzhi wa Ula?

2. Nga awe muntu uji pa kikye kipikichala ñanyi, wasemekelwe mu mwaka ka, kabiji kwepi ko aikalanga?

3. Lesa waambijile Abalahama kuba ka?

4. Mambo ka Abalahama kyo bamutelelanga’mba mulunda na Lesa?

5. Ñanyi wayile ne Abalahama byo afumine ku Ula?

6. Lesa wamubujile amba ka Abalahama byo afikile ku ntanda ya Kenana?

7. Lesa wamulayile amba ka Abalahama byo afikizhe myaka ya kusemwa 99?

Mepuzho akwabo:

1. Tanga Ntendekelo 11:27-32.

   1. Bulongo ka bwajinga pe Abalahama ne Lota? (Nte. 11:27)

   2. Nangwa kya kuba’mba Tela ne kisemi kyanji bebaswishishe kuya ku Kenana, twayuka byepi amba Abalahama ye mwine watendekele lwendo, kabiji mambo ka o aubijile bino? (Nte. 11:31; Byu. 7:2-4)

2. Tanga Ntendekelo 12:1-7.

   Yehoba wabayishisheko byepi lulayañano lwa Abalahama byo afikile mu ntanda ya Kenana? (Nte. 12:7)

3. Tanga Ntendekelo 17:1-8, 15-17.

   1. Jizhina ka jo bamutumbile Abulama byo afikizhe myaka ya kusemwa 99, kabiji mambo ka? (Nte. 17:5)

   2. Ñanyi mapesho a kulutwe na lwendo Yehoba o alayile Sala? (Nte. 17:15, 16)

4. Tanga Ntendekelo 18:9-19.

   1. Pa Ntendekelo 18:19, paji ñanyi mitembo ya bansemi babalume? (Mpitu. 6:6, 7; Efi. 6:4)

   2. Kya kumwenako ka kyapichilemo Sala kimwesha amba kechi twakonsha kufya bintu biji byonse kwi Yehoba ne? (Nte. 18:12, 15; Sala. 44:21)

Jishimikila 14

Lesa Waesekele Lwitabilo lwa kwa Abalahama

1. Mulaye ka Lesa ye alayile Abalahama, kabiji Lesa walamine byepi mulaye wanji?

2. Kwesakana na byo kyamweshiwa pa kipikichala, Lesa waesekele byepi lwitabilo lwa kwa Abalahama?

3. Abalahama waubilepo byepi nangwa kya kuba kechi wayukile mwatajile mukambizho wa Lesa ne?

4. Ki ka kyamwekejile Abalahama kimye kyo atolele kiswi amba epaye mwananji?

5. Lwitabilo lwa kwa Abalahama mwi Lesa lwakosele byepi?

6. Kintu ka Lesa kyo apele Abalahama amba alambule, kabiji kyajinga byepi?

Mepuzho akwabo:

1. Tanga Ntendekelo 21:1-7.

   Mambo ka Abalahama kyo atwajile mwananji ku mukanda pa juba ja butanu na busatu? (Nte. 17:10-12; 21:4)

2. Tanga Ntendekelo 22:1-18.

   HIzaka wamwesheshe byepi lukokelo ku bashanji ba Abalahama, kabiji kino kyaimenejileko byepi kintu kikatampe kyamwekele kulutwe na lwendo? (Nte. 22:7-9; 1 Ko. 5:7; Fili. 2:8, 9)

Jishimikila 15

Mukazhanji Lota Watajile Kunyuma

1. Mambo ka Abalahama ne Lota kyo baabenejilemo?

2. Mambo ka Lota kyo asajilepo kuya na kwikala mu Sodoma?

3. Bantu ba mu Sodoma bajinga byepi?

4. Bamalaika babiji bamujimwineko amba ka Lota?

5. Mambo ka muka Lota kyo aalukijile ke jibwe ja mukele?

6. Lufunjisho ka lo twafwainwa kufunjilako ku mukazhanji Lota?

Mepuzho akwabo:

1. Tanga Ntendekelo 13:5-13.

   Pa kupwisha makatazho aji pa bantu, lufunjisho ka lo twafwainwa kufunjilako kwi Abalahama? (Nte. 13:8, 9; Loma 12:10; Fili. 2:3, 4)

2. Tanga Ntendekelo 18:20-33.

   Lumvwañano lwajinga pakachi ka kwa Yehoba ne Abalahama lwitulengela byepi kuketekela’mba Yehoba ne Yesu baketuchibila mambo mu bololoke? (Nte. 18:25, 26; Mat. 25:31-33)

3. Tanga Ntendekelo 19:1-29.

   1. Jino jishimikila ja mu Baibolo jimwesha ka kutazha ku kwilaala kwa banabalume nangwa banabakazhi bonka bonka? (Nte. 19:5, 13; Levi 20:13)

   2. Lupusano ka lwajinga pe Lota ne Abalahama pa byo baubile kwesakana na mikambizho yafumine kwi Lesa, kabiji twakonsha kufunjilako ka ku kino? (Nte. 19:15, 16, 19, 20; 22:3)

4. Tanga Luka 17:28-32.

   Muchima wa kwa muka Lota wajinga byepi kutazha ku bintu bya ku mubiji, kabiji twakonsha kufunjilako ka ku kino? (Luka 12:15; 17:31, 32; Mat. 6:19-21, 25)

5. Tanga 2 Petelo 2:6-8.

   Umvwe twalonda Lota, byubilo byetu byakonsha kwikala byepi kutazha ku bantu babula kwakamwa Lesa bo twaikala nabo kinkalankulo? (Ezi. 9:4; 1 Yoa. 2:15-17)

Jishimikila 16

Izaka Wasongwele Mwanamukazhi Wawama

1. Nga awe mwanamulume ne mwanamukazhi baji pa kikye kipikichala bañanyi?

2. Abalahama waubile byepi pa kukebela mwananji mwanamukazhi wa kusongola, kabiji mambo ka?

3. Lulombelo lwa kalume wa kwa Abalahama lwakumbwilwe byepi?

4. Libeka wakumbwile byepi byo bamwipwizhe amba kana ukeba kusongolwa kwi Izaka nyi?

5. Ki ka kyalengejile Izaka kwikala wa lusekelo jikwabo?

Mepuzho akwabo:

1. Tanga Ntendekelo 24:1-67.

   1. Byubilo ka byawama Libeka byo amwesheshe kimye kyo asambakene kalume wa kwa Abalahama ku mushima? (Nte. 24:17-20; Maana. 31:17, 31)

   2. Abalahama byo anengezhezhe masongola a kwa Izaka kyaikala byepi kya kumwenako kyawama ku bena Kilishitu ba mu ano moba? (Nte. 24:37, 38; 1 Ko. 7:39; 2 Ko. 6:14)

   3. Mambo ka o twafwainwa kwikelapo na kimye kya kulanguluka langulukapo, byonka byaubile Izaka? (Nte. 24:63; Sala. 77:12; Fili. 4:8)

Jishimikila 17

Mapasa Apusene

1. Isao ne Yakoba bajinga bañanyi, kabiji bapusene byepi?

2. Isao ne Yakoba bajinga na myaka ya kusemwa inga kimye kyafwile nkambo yabo Abalahama?

3. Ñanyi kintu kyaubile Isao kyalengejile bainanji ne bashanji kuba bulanda?

4. Mambo ka Isao kyo amuzhingijile nkasanji, aye Yakoba?

5. Mikambizho ka Izaka yo apele mwananji Yakoba?

Mepuzho akwabo:

1. Tanga Ntendekelo 25:5-11, 20-34.

   1. Yehoba waambijile jimo amba ka kutazha ku baana babiji ba kwa Libeka? (Nte. 25:23)

   2. Lupusano ka lwajinga pa byubilo bya kwa Yakoba ne Isao kutazha ku bubeji? (Nte. 25:31-34)

2. Tanga Ntendekelo 26:34, 35; 27:1-46; ne 28:1-5.

   1. Isao wamwesheshe byepi kubula lusanchilo pa bintu bya ku mupashi ? (Nte. 26:34, 35; 27:46)

   2. Pa kuba’mba Yakoba atambule mapesho a Yehoba, Izaka wa mubujile kuba byepi? (Nte. 28:1-4)

3. Tanga Bahebelu 12:16, 17.

   Kya kumwenako kya kwa Isao kimwesha byepi byakonsha kufumamo ku boba babula kutako muchima ku bintu bya ku mupashi?

Jishimikila 18

Yakoba Wayile ku Halana

1. Nga awe mwanamukazhi wa kyanyike uji pa kikye kipikichala ñanyi, kabiji Yakoba wamubijilepo ka?

2. Yakoba wafwainwe kuba byepi pa kuba’mba asongole Lechela?

3. Labanyi waubile byepi kimye byo kyafikile kya kuba’mba Yakoba asongole Lechela?

4. Labanyi waubile byepi kimye byo kyafikile kya kuba’mba Yakoba asongole Lechela?

Mepuzho akwabo:

1. Tanga Ntendekelo 29:1-30.

   1. Nangwa kya kuba Labanyi wamujimukijile Yakoba, Yakoba wamwesheshe byepi amba winemekele, kabiji twafwainwa kufunjilako ka ku kino? (Nte. 25:27; 29:26-28; Mat. 5:37)

   2. Kya kumwenako kya kwa Yakoba kimwesha byepi lupusano luji pa butemwe bwa kine ne kwifwalama kwabula kufwainwa? (Nte. 29:18, 20, 30; Lwimbo. 8:6)

   3. Banabakazhi ka bana baikajile lubaji lwa kisemi kya kwa Yakoba, mo asemejile baana babalume? (Nte. 29:23, 24, 28, 29)

Jishimikila 19

Yakoba Waikele na Kisemi Kikatampe

1. Baana batanu na umo ba kwa Yakoba bo asemejile mu mukazhanji mutanshi aye Liya bajinga bañanyi mazhina?

2. Baana babiji Yakoba bo asemejile mu muzha wa kwa Liya aye Zilipa bajinga bañanyi?

3. Nanchi baana babiji Yakoba bo asemejile mu muzha wa kwa Lechela aye Biliha bajinga bañanyi mazhina?

4. Nanchi baana babiji Lechela bo asemene bajinga bañanyi, kabiji ki ka kyamwekele kimye mwana wa bubiji kyo asemekelwe?

5. Kwesakana na byo wamona pa kikye kipikichala, Yakoba wajinga na baana babalume banga, kabiji ki ka kyafuminemo mwi abo?

Mepuzho akwabo:

1. Tanga Ntendekelo 29:32-35; 30:1-26; ne 35:16-19.

   Kwesakana na byonka byo kyamweshiwe ku baana 12 ba kwa Yakoba, nga baana ba Bahebelu bebatumbanga byepi mazhina mu kimye kya kala?

2. Tanga Ntendekelo 37:35.

   Nangwa kya kuba amba Daina ye yenka waambiwapo mu Baibolo, twayuka byepi amba Yakoba wajinga na baana babakazhi bavula? (Nte. 37:34, 35)

Jishimikila 20

Daina Watainwe mu Lukatazho

1. Mambo ka Abalahama ne Izaka kyo babujile kukeba baana babo kusongola bantu ba mu ntanda ya Kenana?

2. Nanchi Yakoba waswishishe mwananji wa mukazhi kwisampa bulunda na bakamwale ba ku Kenana nyi?

3. Nga awe mwanamulume ubena kutala Daina pa kipikichala ñanyi, kabiji kintu ka kyatama kyo aubile?

4. Nanchi bakolojanji Daina, abo ba Shimeona ne Levi baubile byepi pa kumvwa byamwekele?

5. Nanchi Yakoba waswile byaubile Shimeona ne Levi nyi?

6. Nanchi lukatazho lwatendekele byepi mu kisemi?

Mepuzho akwabo:

1. Tanga Ntendekelo 34:1-31.

   1. Nanchi Daina byo ayanga na kukaya na banabakazhi bena Kenana kyajinga kya mapuso nyi? Londolola. (Nte. 34:1)

   2. Mambo ka Daina kyo ebikijile mu lukatazho lwa kumuja kisungu? (Nga. 6:7)

   3. Bakyanyike ba mu ano moba bakonsha kumwesha byepi amba baumvwina lujimuno lwa kya kumwenako kya kwa Daina? (Maana. 13:20; 1 Ko. 15:33; 1 Yoa. 5:19)

Jishimikila 21

Yosefwa Bamushikilwe ku Bakolojanji

1. Mambo ka bakolojanji Yosefwa kyo bamubijile kichima, kabiji baubile byepi?

2. Bakolojanji Yosefwa bakebelenga ku muba byepi, bino Lubenyi waambile amba ka?

3. Ki ka kyamwekele musulushi mwina Ishimela byo apichilenga?

4. Bakolojanji Yosefwa baubile byepi pa kuba’mba bashabo bamone amba kya kine Yosefwa wafwa?

Mepuzho akwabo:

1. Tanga Ntendekelo 37:1-35.

   1. Bena Kilishitu bakonsha kulonda byepi kya kumwenako kya kwa Yosefwa pa kwamba pa bubi bubena kubiwa mu kipwilo? (Nte. 37:2; Levi 5:1; 1 Ko. 1:11)

   2. Ki ka kyalengejile bakolojanji ku muba kintu kyatama Yosefwa? (Nte. 37:11, 18; Mana. 27:4; Yako. 3:14-16)

   3. Byubilo ka byaubile Yakoba bimwesha amba kijitu bulongo kuba bulanda? (Nte. 37:35)

Jishimikila 22

Yosefwa Bamutaile mu Kaleya

1. Yosefwa byo bamutwajile ku Ijipita wajinga na myaka ya kusemwa inga, kabiji ki ka kyamumwekejile byo afikile kokwa?

2. Yosefwa watainwe byepi mu kaleya?

3. Kifulo ka Yosefwa kyo bamupele byo ajinga mu kaleya?

4. Yosefwa byo ajinga mu kaleya, bintu ka byo aubijile kaseya ne kuki wa kwa Felo?

5. Ki ka kyamwekele kaseya byo bamufumishe mu kaleya?

Mepuzho akwabo:

1. Tanga Ntendekelo 39:1-23.

   Byo kwabujile mizhilo ya kukanya bulalelale mu moba a kwa Yosefwa, ki ka kyamulengejile kunyema muka Potifwalo? (Nte. 2:24; 20:3; 39:9)

2. Tanga Ntendekelo 40:1-23.

   1. Londolola kiloto kyalotele kaseya, kabiji ne Yehoba byo amukwashishe Yosefwa kwikilotolola. (Nte. 40:9-13)

   2. Kiloto ka kyalotele kuki, kabiji kyalumbulwilenga ka? (Nte. 40:16-19)

   3. Kalume wa kishinka ne wa maana ulonda byepi byubilo bya kwa Yosefwa? (Nte. 40:8; Sala. 36:9; Yoa. 17:17; Byu. 17:2, 3)

   4. Nanchi Ntendekelo 40:20 ikwasha byepi bena Kilishitu byo bafwainwa kumonanga kusekelela juba ja kusemwa? (Sapwi. 7:1; Mako 6:21-28)

Jishimikila 23

Biloto bya kwa Felo

1. Ki ka kyamwekele kwi Felo bufuku bumo?

2. Mambo ka kaseya kyo amuvulukijile Yosefwa?

3. Kwesakana na byo kyamweshiwa pa kipikichala, ñanyi biloto bibiji byalotele Felo?

4. Yosefwa waambile amba biloto byalumbulwilenga ka?

5. Yosefwa waikajile byepi muntu wanema mu Ijipita ne kwikala wa kibiji kwi Felo?

6. Mambo ka bakolojanji Yosefwa kyo bayiijile ku Ijipita, kabiji mambo ka o bakankejilwe kumuyuka Yosefwa?

7. Kiloto ka Yosefwa kyo avulukile, kabiji kyamukwashishe kuyuka ka?

Mepuzho akwabo:

1. Tanga Ntendekelo 41:1-57.

   1. Yosefwa wakinkile byepi manungo mwi Yehoba, kabiji mu ñanyi jishinda bena Kilishitu lelo jino mo bakonshesha kulondela kya kumwenako kyanji? (Nte. 41:16, 25, 28; Mat. 5:16; 1 Pe. 2:12)

   2. Myaka ya kajo mu Ijipita ne myaka ya kipowe kya nzala yalondejilepo yapusana byepi na kajo ka ku mupashi ka bena Kilishitu ba mu ano moba na Kilishitendomu? (Nte. 41:29, 30; Amo. 8:11, 12)

2. Tanga Ntendekelo 42:1-8 ne 50:20.

   Nanchi kyatama bapopweshi ba Yehoba kufukamina muntu ne kumupa mushingi na mambo a kifulo kyanji umvwe kyo kisho kya ku yoyo ntanda nyi? (Nte. 42:6)

Jishimikila 24

Yosefwa Wibesekele Bakolojanji

1. Mambo ka Yosefwa kyo aambijile bakolojanji amba bamwendela ntanda?

2. Mambo ka Yakoba kyo aswishishe mwananji mukala, aye Benjamina kuya ku Ijipita?

3. Katomeno ka siliva ka kwa Yosefwa katainwe byepi mu jisaka ja kwa Benjamina?

4. Yuda wipaine kuba ka pa kuba’mba Benjamina bamulekeko?

5. Nanchi bakolojanji Yosefwa baalukile byepi?

Mepuzho akwabo:

1. Tanga Ntendekelo 42:9-38.

   Byambo byaambile Yosefwa bitanwa pa Ntendekelo 42:18 byaikala byepi milaye yawama ya kuvululako boba baji na mutembo mu jibumba ja Yehoba mu ano moba? (Ne. 5:15; 2 Ko. 7:1, 2)

2. Tanga Ntendekelo 43:1-34.

   1. Nangwa kya kuba Lubenyi ye wajinga mubeji, kyamwekanyika byepi kuba’mba Yuda ye waikajile ke wakwambilako balongo banji? (Nte. 43:3, 8, 9; 44:14, 18; 1 Moba. 5:2)

   2. Yosefwa waesekele byepi bakolojanji, kabiji mambo ka? (Nte. 43:33, 34)

3. Tanga Ntendekelo 44:1-34.

   1. Byo aesekele kwifya ku bakolojanji, Yosefwa wimwesheshe byepi aye mwine? (Nte. 44:5, 15; Levi 19:26)

   2. Bakolojanji Yosefwa bamwesheshe byepi amba bapimpula byubilo byabo byatama byo baubile ku nkasabo kala? (Nte. 44:13, 33, 34)

Jishimikila 25

Kisemi Kyavilukijile ku Ijipita

1. Ki ka kyamwekele Yosefwa byo elumbulwijile ku bakolojanji?

2. Bintu ka Yosefwa byo alumbulwijile bakolojanji mu butekanye?

3. Felo waambile’mba ka byo aumvwine amba bakolojanji Yosefwa baiya?

4. Kisemi kya kwa Yakoba kyabayile byepi byo bavilukijile ku Ijipita?

5. Kisemi kya kwa Yakoba kyatendekele kutelwa amba ka, kabiji mambo ka?

Mepuzho akwabo:

1. Tanga Ntendekelo 45:1-28.

   Jishimikila ja kwa Yosefwa jiji mu Baibolo jimwesha byepi amba Yehoba wakonsha kuzhalulula kintu kyakonsha kuletela bakalume banji bulemo kya kuba mwafuma ne byawama? (Nte. 45:5-8; Isa. 8:10; Fili. 1:12-14)

2. Tanga Ntendekelo 46:1-27.

   Yehoba wamulayile’mba ka Yakoba byo ayilenga ku Ijipita? (Nte. 46:1-4)

Jishimikila 26

Yoba Wajinga Muntu Waakamwanga Lesa

1. Yoba wajinga muntu wa mutundu ka?

2. Satana waesekele ku muba ka, nanchi wakonsheshe nyi?

3. Yehoba wapele Satana lūsa lwa kuba ka, kabiji mambo ka?

4. Mambo ka mukazhanji Yoba kyo amwambijile amba ‘munenai Lesa bya mwenga, mufwe’? (Mona kipikichala.)

5. Kwesakana na byo wamona pa kipikichala kya bubiji, Yehoba wapesheshe byepi Yoba, kabiji mambo ka?

6. Umvwe twaikala babukishinka kwi Yehoba byonka byajinga Yoba, mapesho ka o tukatambula?

Mepuzho akwabo:

1. Tanga Yoba 1:1-22.

   Bena Kilishitu lelo jino bakonsha kulonda byepi Yoba? (Yoba 1:1; Fili. 2:15; 2 Pe. 3:14)

2. Tanga Yoba 2:1-13.

   Mu ñanyi mashinda abiji apusana mo baubijile ba Yoba ne mukazhanji kimye Satana kyo ebaletejile lumanamo? (Yoba 2:9, 10; Maana. 19:3; Mika 7:7; Mala. 3:14)

3. Tanga Yoba 42:10-17.

   1. Bilambu byatambwile Yoba byaesakana byepi pamo na byobya byatambwile Yesu na mambo a bukishinka bwanji? (Yoba 42:12; Fili. 2:9-11)

   2. Twatundaikwa byepi na mapesho atambwile Yoba na mambo a bulumbuluke bwanji kwi Lesa? (Yoba 42:10, 12; Hebe. 6:10; Yako. 1:2-4, 12; 5:11)

Jishimikila 27

Ndamakyalo Watama Walamine Ijipita

1. Awe mwanamulume uji na kikote pa kikye kipikichala ñanyi, kabiji ñanyi ye abena kupuma?

2. Panyuma ya lufu lwa kwa Yosefwa, ki ka kyamwekejile bena Isalela?

3. Mambo ka bena Ijipita kyo batendekejile kuchiina bena Isalela?

4. Felo wapaine ñanyi mukambizho ku basemeshi bakwashanga banabakazhi bena Isalela mu kimye kya kupapa?

Mepuzho akwabo:

1. Tanga Kulupuka 1:6-22.

   1. Mu ñanyi jishinda Yehoba mo atendekele kufikizha mulaye wanji ye alayañene ne Abalahama? (Lupu. 1:7; Nte. 12:2; Byu. 7:17)

   2. Basemeshi ba Kihebelu banemekele byepi bumi? (Lupu. 1:17; Nte. 9:6)

   3. Yehoba wafwetele byepi basemeshi na mambo a bukishinka bwabo? (Lupu. 1:20, 21; Maana. 19:17)

   4. Satana wakebele kuvulañanya byepi nkebelo ya Yehoba kutazha ku lukunwa wa kwa Abalahama walaiwe? (Lupu. 1:22; Mat. 2:16)

Jishimikila 28

Mosesa byo Bamupulwishe Saka Akiji Mwana

1. Nga awe mwana uji pa kikye kipikichala ñanyi, kabiji wakwata ku munwe wa kwa ñanyi?

2. Bainanji Mosesa bamupulwishe byepi kuchina kumwipaya?

3. Nga awe kashimbi uji pa kikye kipikichala ñanyi, kabiji waubilepo ka?

4. Mwana wa kwa Felo wa mukazhi byo ataine mwana, Milyama wafukwilepo kuba ka?

5. Mwana mfumu waambile’mba ka kwi bainanji Mosesa?

Mepuzho akwabo:

1. Tanga Kulupuka 2:1-10.

   Jishuko ka inanja Mosesa jo ajinga najo ja kufunjisha Mosesa kufuma ku bwanyike, kabiji kino kyaikala byepi kya kumwenako kyawama ku bansemi ba mu ano moba? (Lupu. 2:9, 10; Mpitu. 6:6-9; Mana. 22:6; Efi. 6:4; 2 Timo. 3:15)

Jishimikila 29

Ene Mambo Alengejile Mosesa Kunyema

1. Mosesa wakomejile kwepi, bino bintu ka byo ayukile pe bainanji?

2. Mosesa waubilepo ka byo afikizhe myaka ya kusemwa 40?

3. Mosesa waambile’mba ka ku mwina Isalela wapumine mukwabo, kabiji awa mwanamulume wamukumbwile’mba ka?

4. Mambo ka Mosesa kyo afumijile ku Ijipita?

5. Mosesa wanyemejile kwepi, kabiji ñanyi ye akataine kokwa?

6. Mosesa waubilepo ka mu myaka 40 panyuma ya kufuma mu Ijipita?

Mepuzho akwabo:

1. Tanga Kulupuka 2:11-25.

   Nangwa kya kuba wafunjile mu masukulu abena Ijipita pa myaka yavula, Mosesa wamwesheshe byepi bukishinka bwanji kwi Yehoba ne ku bantu banji? (Lupu. 2:11, 12; Hebe. 11:24)

2. Tanga Byubilo 7:22-29.

   Twakonsha kufunjilako ka kwi Mosesa byo akebelenga aye mwine kufumya bena Isalela mu buzha? (Byu. 7:23-25; 1 Pe. 5:6, 10)

Jishimikila 30

Kipuupu Kyatemenenga

1. Nga awe mutumba uji pa kikye kipikichala bamutela’mba ka?

2. Londolola kintu kya kukumya kyamwene Mosesa kimye kyo ayile ku mutumba na kujisha mikooko.

3. Jiwi jafumine mu kipuupu kyatemenenga jaambile’mba ka, kabiji jajinga ja kwa ñanyi?

4. Mosesa wakumbwile byepi Lesa byo amwambijile’mba akatangijile bantu ba Lesa ne kwibafumya mu Ijipita?

5. Lesa waambijile Mosesa kwamba’mba ka umvwe bantu bamwipuzha’mba ñanyi wakutuma?

6. Mosesa wakonsheshe kumwesha byepi amba kya kine Lesa ye wamutumine?

Mepuzho Akwabo:

1. Tanga Kulupuka 3:1-22.

   Bintu byapichilemo Mosesa bitupa byepi luketekelo lwa kuba’mba Yehoba wakonsha kwitukwasha nangwa kya kuba twiumvwa’mba kechi twafikapo kwingila mwingilo wa ku mupashi ne? (Lupu. 3:11, 13; 2 Ko. 3:5, 6)

2. Tanga Kulupuka 4:1-20.

   1. Byubilo bya kwa Mosesa byaalukile byepi byo aikele mu ntanda ya Mijanyi pa myaka 40, kabiji aba babena kukanamina mashuko a mu kipwilo bafwainwa kufunjilako ka ku kino? (Lupu. 2:11, 12; 4:10, 13; Mika 6:8; 1 Timo. 3:1, 6, 10)

   2. Nangwa kya kuba amba betukambula kwi Yehoba kupichila mu jibumba janji, kya kumwenako kya kwa Mosesa kyakonsha kwitupa ñanyi luketekelo? (Lupu. 4:12-14; Sala. 103:14; Hebe. 12:4-11)

Jishimikila 31

Ba Mosesa ne Alona Bamonañene ne Felo

1. Nga bya kukumya byaubile Mosesa ne Alona byaubile ka ku bena Isalela?

2. Mosesa ne Alona bamubujile’mba ka Felo, kabiji Felo wakumbwile’mba ka?

3. Kwesakana na byo kyamweshiwa pa kikye kipikichala, ki ka kyamwekele Alona byo ataile kamama kanji panshi?

4. Yehoba wakambwile byepi Felo, kabiji Felo waubilepo byepi?

5. Ki ka kyamwekele panyuma ya myalo jikumi?

Mepuzho akwabo:

1. Tanga Kulupuka 4:27-31 ne 5:1-23.

   Felo watazhizhe mwepi byo aambile’mba: “Yehoba ye ñanyi”? (Lupu. 5:2; 1 Sam. 2:12; Loma 1:21)

2. Tanga Kulupuka 6:1-13, 26-30.

   1. Mu ñanyi jishinda Yehoba mo abujile kwiyukisha kwi Abalahama, Izaka ne Yakoba? (Lupu. 3:13, 14; 6:3; Nte. 12:8)

   2. Kitulengela kwiumvwa byepi pa kuyuka’mba Yehoba waingijishe Mosesa, nangwa kya kuba Mosesa wiumvwine’mba kechi wafikijilemo kwingila mwingilo ye bamupele ne? (Lupu. 6:12, 30; Luka 21:13-15)

3. Tanga Kulupuka 7:1-13.

   1. Mosesa ne Alona byo bachinchikile ne kwamba byonse bibakambizhe Yehoba kwi Felo, kya kumwenako ka kyo bashila bakalume ba kwa Yehoba ba mu ano moba? (Lupu. 7:2, 3, 6; Byu. 4:29-31)

   2. Yehoba wamwesheshe byepi bukata bwanji pa tubalesa twa mu Ijipita? (Lupu. 7:12; 1 Moba. 29:12)

Jishimikila 32

Myalo Jikumi

1. Kwingijisha bibye bipikichala, londolola myalo itanshi isatu yo aletele Yehoba mu Ijipita.

2. Lupusano ka lwajinga pa myalo itanshi isatu ne yonse yashala?

3. Abya wakonsha kutongola mwalo wa buna, wa butanu ne wa butanu na umo nyi?

4. Londolola mwalo wa butanu na bubiji, wa butanu na busatu ne wa butanu na buna.

5. Yehoba wabujile bena Isalela kuba ka, mwalo wa bujikumi saka akyangye kubiwa?

6. Mwalo wa bujikumi wajinga byepi, kabiji ki ka kyamwekele byo aubiwe?

Mepuzho akwabo:

1. Tanga Kulupuka 7:19-8:23.

   1. Nangwa kya kuba bañanga ba mu Ijipita baubile bingelekezha bipasha na myalo itanshi ibiji ya kwa Yehoba, ki ka kyo bebakanjikizhe kwitaba panyuma ya mwalo wa busatu? (Lupu. 8:18, 19; Mat. 12:24-28)

   2. Mwalo wa buna wamwesheshe byepi amba Yehoba uji na bulume bwa kupokolola bantu banji, kabiji kuyuka bino kwakonsha kulengela bantu ba Lesa kwiumvwa byepi byo bakapita mu “malwa akatampe” aambijilwe jimo? (Lupu. 8:22, 23; Lum. 7:13, 14; 2 Moba. 16:9)

2. Tanga Kulupuka 8:24; 9:3, 6, 10, 11, 14, 16, 23-25; ne 10:13-15, 21-23.

   1. Ñanyi mabumba abiji o bamanyikile ku myalo jikumi, kabiji kino kyakonsha kwitulengela kwiumvwa byepi pa byo tumona oa mabumba mu ano moba? (Lupu. 8:10, 18, 19; 9:14)

   2. Kulupuka 9:16 kwitukwasha byepi kuyuka’mba Yehoba waswisha Satana kwikalako ne buji lelo? (Loma 9:21, 22)

3. Tanga Kulupuka 12:21-32.

   Kijiilo kya Lupitailo kyalengejile byepi bantu bavula kupuluka, kabiji Kijiilo kya Lupitailo kyaimenejilengako ka? (Lupu. 12:21-23; Yoa. 1:29; Loma 5:18, 19, 21; 1 Ko. 5:7)

Jishimikila 33

Kwabuka Kalunga Kachila

1. Bena Isalela babalume, kuvwangako banabakazhi ne baana babo bafumine mu Ijipita bajinga banga, kabiji bañanyi bakwabo bo bafumine nabo?

2. Felo wiumvwine byepi byo aswishishe bena Isalela kuya, kabiji waubilepo ka?

3. Yehoba waubile byepi pa kuba’mba bena Ijipita babule kulukuka bantu banji?

4. Ki ka kyamwekele Mosesa byo atanyikile kichi kyanji pa Kalunga Kachila, kabiji bena Isalela baubilepo byepi?

5. Ki ka kyamwekele bena Ijipita byo bapupijile bena Isalela mu kalunga?

6. Bena Isalela bamwesheshe byepi amba basangalele ne kusanchila Yehoba pa byo ebapulwishe?

Mepuzho akwabo:

1. Tanga Kulupuka 12:33-36.

   Yehoba waubile byepi pa kuba’mba bantu banji bebafwete pa myaka yabo yonse yo bebamanyikilenga ku bena Ijipita mu buzha? (Lupu. 3:21, 22; 12:35, 36)

2. Tanga Kulupuka 14:1-31.

   Byambo bya kwa Mosesa byanembwa pa Kulupuka 14:1-31 bifika byepi pa michima ya bakalume ba Yehoba lelo jino byo babena kutengela nkondo ya Amagedonyi? (2 Moba. 20:17; Sala. 91:8)

3. Tanga Kulupuka 15:1-8, 20, 21.

   1. Mambo ka bakalume ba Yehoba kyo bafwainwa kumwimbila ya kumutota? (Lupu. 15:1, 2; Sala. 105:2, 3; Lum. 15:3, 4)

   2. Kya kumwenako ka kyaamba pa kutumbijika Yehoba kyamwesheshe Milyama ne babakazhi ku Kalunga Kachila kyo bashila babakazhi ba bwina Kilishitu ba mu ano moba? (Lupu. 15:20, 21; Sala. 68:11)

Jishimikila 34

Kajo ka Mutundu Ungi

1. Pa kikye kipikichala, bantu babena kuwola ka pa mushiji, kabiji bekatela’mba ka?

2. Mikambizho ka Mosesa yo apele bantu pa kuwola manna?

3. Yehoba wabujile bantu kuba ka pa juba ja butanu na jimo, kabiji mambo ka?

4. Kya kukumya ka Yehoba kyo aubilenga umvwe manna bealama kufika ku juba ja butanu na bubiji?

5. Yehoba wajishishe bena Isalela manna pa moba anga?

Mepuzho akwabo:

1. Tanga Kulupuka 16:1-36 ne Kubala 11:7-9.

   1. Nga Kulupuka 16:8 kumwesha byepi byo twafwainwa kunemeka bakalama batongolwa na Lesa mu bipwilo bya bwina Kilishitu? (Hebe. 13:17)

   2. Byo bajinga mu kiselebwa, bena Isalela bebavululangamo byepi kuketekela mwi Yehoba pa juba pa juba? (Lupu. 16:14-16, 35; Mpitu. 8:2, 3)

   3. Mu bukifwanyikizho Yesu walumbulwile byepi mwatajile manna, kabiji tumwenamo byepi mu kako “kajo kafuma mwiulu”? (Yoa. 6:31-35, 40)

2. Tanga Yoshua 5:10-12.

   Bena Isalela bajiile manna pa moba anga, baesekelwe byepi na kano kajo, kabiji twakonsha kufunjilako ka ku jino jishimikila? (Lupu. 16:35; Bala. 11:4-6; 1 Ko. 10:10, 11)

Jishimikila 35

Yehoba Wapaine Mizhilo Yanji

1. Byo papichile bañondo babiji panyuma ya kufuma mu Ijipita, bena Isalela batebelejile kwepi?

2. Yehoba waambijile bantu banji kuba ka, kabiji bakumbwile amba ka?

3. Mambo ka Yehoba kyo apelejile Mosesa mabwe abiji apapakana?

4. Kununga pa Mikambizho Jikumi, mizhilo ka ikwabo Yehoba yo apele bena Isalela?

5. Ñanyi mizhilo ibiji Yesu yo aambile’mba yo ikatampe?

Mepuzho akwabo:

1. Tanga Kulupuka 19:1-25; 20:1-21; 24:12-18; ne 31:18.

   Byambo byanembwa pa Kulupuka 19:8 bitukwasha byepi kuyuka byavwangamo mu kwipana kwa bwina Kilishitu? (Mat. 16:24; 1 Pe. 4:1-3)

2. Tanga Mpitulukilo ya mu Mizhilo 6:4-6; Bena Levi 19:18; ne Mateo 22:36-40.

   Bena Kilishitu bamwesha byepi butemwe bo batemwa Lesa ne bakwabo? (Mako 6:34; Byu. 4:20; Loma 15:2)

Jishimikila 36

Mwana Ñombe wa Kulenga na Ngolode

1. Bantu babena kuba ka pa kikye kipikichala, kabiji mambo ka?

2. Mambo ka Yehoba kyo azhingijile, kabiji Mosesa waubile byepi kimye kyo amwene byaubilenga bantu?

3. Mosesa waambijile banabalume bamo kuba ka?

4. Twakonsha kufunjilako ka ku jino jishimikila?

Mepuzho akwabo:

1. Tanga Kulupuka 32:1-35.

   1. Jino jishimikila jimwesha byepi Yehoba byo amona kupajika mpopwelo ya bubela ne mpopwelo ya kine? (Lupu. 32:4-6, 10; 1 Ko. 10:7, 11)

   2. Bena Kilishitu bakonsha kujimuka byepi pa kusala bintu byakisangajimbwe nabiji kwimba ne kuzha? (Lupu. 32:18, 19; Efi. 5:15, 16; 1 Yoa. 2:15-17)

   3. Mukoka wa bena Levi waikala byepi kya kumwenako kyawama mu kwikala ba bololoke? (Lupu. 32:25-28; Sala. 18:25)

Jishimikila 37

Tente wa Kupopwelamo

1. Akye kishimikwa kiji pa kikye kipikichala bekitelanga’mba ka, kabiji bekingijishanga ku ka?

2. Mambo ka Yehoba kyo aambijile Mosesa kushimika tente ye bashimukulwilenga kwakubula kukatazhiwa?

3. Kibokoshi ka kiji mu kibamba kicheche ku mpelo ya tente, kabiji bi ka biji mu kino kibokoshi?

4. Yehoba wasajile ñanyi kwikala ñanga mukatampe, kabiji ñanga mukatampe waingilanga mwingilo ka?

5. Tongola bintu bisatu biji mu kibamba kikatampe kya tente.

6. Ñanyi bintu bibiji biji mu lubanza wa tente wa lusambakeno, kabiji bebingijishanga ku ka?

Mepuzho akwabo:

1. Tanga Kulupuka 25:8-40; 26:1-37; 27:1-8; ne 28:1.

   Nga bakelubi bajinga pa “jikwachi ja lushimuno” baimenangako ka? (Lupu. 25:20, 22; Bala. 7:89; 2 Mfu. 19:15)

2. Tanga Kulupuka 30:1-10, 17-21; 34:1, 2; ne Bahebelu 9:1-5.

   1. Mambo ka Yehoba kyo aambijile pa buneme bwa bañanga baingijilanga mu tente wa lusambakeno kwikala ba butooto, kabiji kino kyakonsha kwitulengela kubapo ka mu ano moba? (Lupu. 30:18-21; 40:30, 31; Hebe. 10:22)

   2. Mutumwa Paulo wamwesheshe byepi amba tente wa lusambakeno ne lulayañano lwa mizhilo kechi bya kebewenga pa kimye kyo anembelenga ino nkalata ku bena Kilishitu Bahebelu ne? (Hebe. 9:1, 9; 10:1)

Jishimikila 38

Bamwendela Ntanda 12

1. Wamonapo ka ku kikye kizanze kya mañanzañanza kiji pa kipikichala, kabiji kyafumine kwepi?

2. Mambo ka Mosesa kyo atumijile bamwendela ntanda 12 ku Kenana?

3. Bamwendela ntanda jikumi baambile amba ka byo baletele sawakya kwi Mosesa?

4. Bamwendela ntanda babiji baketekejile byepi mwi Yehoba, kabiji bañanyi mazhina?

5. Mambo ka Yehoba kyo azhingijile, kabiji wabujile Mosesa amba ka?

Mepuzho akwabo:

1. Tanga Kubala 13:1-33.

   1. Bañanyi basajilwe kuya na kwendela ntanda, kabiji jishuko ka jikatampe jo baikele najo? (Bala. 13:2, 3, 18-20)

   2. Mambo ka mweno ya kwa Yoshua ne Kaleba kyo yapusenejile ku ya bamwendela ntanda bakwabo, kabiji tufunjilako ka ku kino? (Bala. 13:28-30; Mat. 17:20; 2 Ko. 5:7)

2. Tanga Kubala 14:1-38.

   1. Lujimuno ka lo twafwainwa kulonda kutazha ku kunyinyichila boba bemenako Yehoba panopantanda? (Bala. 14:2, 3, 27; Mat. 25:40, 45; 1 Ko. 10:10)

   2. Kubala 14:24 kumwesha byepi amba Yehoba watemwa bakalume banji bonse pa muntu pa muntu? (1 Mfu. 19:18; Maana. 15:3)

Jishimikila 39

Kamama ka kwa Alona Kamenene Maluba

1. Bañanyi basatukijile buntangi bwa kwa Mosesa ne Alona, kabiji baambile’mba ka kwi Mosesa?

2. Mosesa wabujile Kola ne bantu banji 250 kuba ka?

3. Mosesa waambile’mba ka ku bantu, kabiji ki ka kyamwekele byo apwishishetu kwamba?

4. Ki ka kyamwekejile Kola ne bantu banji 250?

5. Mwana wa kwa Alona aye Eleaza waubile byepi na tumababula twa bantu bafwile, kabiji mambo ka?

6. Mambo ka Yehoba kyo alengejile kamama ka kwa Alona kumena maluba? (Mona pa kipikichala.)

Mepuzho akwabo:

1. Tanga Kubala 16:1-49.

   1. Kola ne bantu banji baubile byepi, kabiji mambo ka byubilo byabo o byaikejile bya bunsatuki kwi Yehoba? (Bala. 16:9, 10, 18; Levi 10:1, 2; Maana. 11:2)

   2. Milanguluko ka yatama yajinga na Kola ne bantu 250 “ba mu jibumba bo basalulwile mu kipwilo”? (Bala. 16:1-3; Maana. 15:33; Isa. 49:7)

2. Tanga Kubala 17:1-11 ne 26:10.

   1. Kusapuka kwa kamama ka kwa Alona kwamwesheshenga ka, kabiji mambo ka Yehoba kyo akambizhizhe’mba bekafye mu jikwachi? (Bala. 17:5, 8, 10)

   2. Lujimuno ka lwanema lo twafwainwa kufunjilako ku kayukilo ka kamama ka kwa Alona? (Bala. 17:10; Byu. 20:28; Fili. 2:14; Hebe. 13:17)

Jishimikila 40

Mosesa Wapumine mu Jibwe

1. Yehoba walamine byepi bena Isalela byo bajinga mu kiselebwa?

2. Ki ka bena Isalela kyo bejizhañenyenga kimye kyo bakokolokelenga pa Kadeshi?

3. Yehoba wapele byepi bantu ne banyama babo mema?

4. Nga awe muntu ubena kwitongola aye mwine pa kikye kipikichala ñanyi, kabiji mambo ka kyo abena kubila bibye?

5. Mambo ka Yehoba kyo azhingijile Mosesa ne Alona, kabiji wibakambwile byepi?

6. Ki ka kyamwekele pa Mutumba wa Hola, kabiji ñanyi waikele ñanga mukatampe wa bena Isalela?

Mepuzho akwabo:

1. Tanga Kubala 20:1-13, 22-29 ne Mpitulukilo ya mu Mizhilo 29:5.

   1. Tufunjilako ka kwi Yehoba byo alamine bena Isalela mu kiselebwa? (Mpitu. 29:5; Mat. 6:31; Hebe. 13:5; Yako. 1:17)

   2. Yehoba walangulukilepo byepi pa byakankelwe Mosesa ne Alona kuzhijika jizhina janji ku meso abena Isalela? (Bala. 20:12; 1 Ko. 10:12; Lum. 4:11)

   3. Twakonsha kufunjilako ka ku byaubile Mosesa kimye kyo bamukambwile kwi Yehoba? (Bala. 12:3; 20:12, 27, 28; Mpitu. 32:4; Hebe. 12:7-11)

Jishimikila 41

Muloolo wa Lubemba

1. Pa kipikichala, kintu ka kyo bapomba ku kichi, kabiji mambo ka Yehoba kyo aambijile Mosesa kwikipomba ku kichi?

2. Bantu bakankelwe kumwesha byepi lusanchilo pa bintu byonse Lesa byo ebobijile?

3. Bantu baambijile Mosesa kuba ka Yehoba byo atumine miloolo yashinta amba ibakambule bena Isalela?

4. Mambo ka Yehoba kyo aambijile Mosesa kubunda muloolo wa lubemba?

5. Lufunjisho ka lo twakonsha kufunjilako ku jino jishimikila?

Mepuzho akwabo:

1. Tanga Kubala 21:4-9.

   1. Lujimuno ka lo tufunda pa kunyinyita kwa bena Isalela pa bintu byawama bibobijile Yehoba? (Bala. 21:5, 6; Loma 2:4)

   2. Mu bitota bya kulutwe, bena Isalela baingijishe byepi muloolo wa lubemba, kabiji Mfumu Hezekiya waubile byepi? (Bala. 21:9; 2 Mfu. 18:1-4)

2. Tanga Yoano 3:14, 15.

   Nanchi kupomba muloolo wa lubemba ku kichi kumwesha byepi Yesu byo bamupopejile ku kichi? (Nga. 3:13; 1 Pe. 2:24)

Jishimikila 42

Mbongolo Waambile

1. Balaka ye ñanyi, kabiji watumine Balamu kuya na kuba ka?

2. Mambo ka mbongolo wa kwa Balamu kyo afukamijile mu jishinda?

3. Balamu waumvwine mbongolo saka aamba’mba ka?

4. Malaika waambile’mba ka kwi Balamu?

5. Ki ka kyamwekele Balamu byo aesekele kufinga bena Isalela?

Mepuzho akwabo:

1. Tanga Kubala 21:21-35.

   Mambo ka Bena Isalela kyo bashinjile Mfumu Sihona wa bena Amoli ne Mfumu Oga wa ku Bashana? (Bala. 21:21, 23, 33, 34)

2. Tanga Kubala 22:1-40.

   Balamu wajinga na ñanyi milanguluko byo aesekele kufinga bena Isalela, kabiji twakonsha kufunjilako ka ku kino? (Bala. 22:16, 17; Maana. 6:16, 18; 2 Pe. 2:15; Yuda 11)

3. Tanga Kubala 23:1-30.

   Nangwa kya kuba Balamu waambile uba nobe mupopweshi wa Yehoba, byubilo byanji byapuseneko byepi? (Bala. 23:3, 11-14; 1 Sam. 15:22)

4. Tanga Kubala 24:1-25.

   Nga jino jishimikila ja mu Baibolo jikosesha byepi lwitabilo lwetu pe Yehoba byo afikizha nkebelo yanji? (Bala. 24:10; Isa. 54:17)

Jishimikila 43

Yoshua Waikele Ntangi

1. Nga abe banabalume baimana ne Mosesa pa kikye kipikichala bañanyi?

2. Yehoba waambijile Yoshua amba ka?

3. Mambo ka Mosesa kyo akanjijile pa Mutumba wa Nebo, kabiji Yehoba wamwambijile’mba ka?

4. Mosesa wafwile saka aji na myaka ya kusemwa inga?

5. Mambo ka bantu o baumvwijile bulanda, pano ki ka kibalengejile kwikala balusekelo?

Mepuzho akwabo:

1. Tanga Kubala 27:12-23.

   Mwingilo ka wanema Yoshua ye bamupele kwi Yehoba, kabiji Yehoba ubena kulama byepi bantu banji mu ano moba? (Bala. 27:15-19; Byu. 20:28; Hebe. 13:7)

2. Tanga Mpitulukilo ya mu Mizhilo 3:23-29.

   Mambo ka Yehoba kyo abujile kuswisha Mosesa ne Alona kuya ku ntanda ya mulaye, kabiji twakonsha kufunjilako ka ku kino? (Mpitu. 3:25-27; Bala. 20:12, 13)

3. Tanga Mpitulukila ya mu Mizhilo 31:1-8, 14-23.

   Byambo bya kupezhako ku bena Isalela bimwesha byepi amba Mosesa waswile kumukambula kwi Yehoba? (Mpitu. 31:6-8, 23)

4. Tanga Mpitulukilo ya mu Muzhilo 32:45-52.

   Mambo a Lesa akonsha kuwamisha byepi bwikalo bwetu? (Mpitu. 32:47; Levi 18:5; Hebe. 4:12)

5. Tanga Mpitulukilo ya mu Muzhilo 34:1-12.

   Nangwa kya kuba Mosesa kechi wamonañene na Yehoba luntunanwa ne, nanchi Mpitulukilo ya mu Mizhilo 34:10 imwesha ka kutazha ku bulunda bwanji na Yehoba? (Lupu. 33:11, 20; Bala. 12:8)

Jishimikila 44

Lehaba Wafile Bamwendela Ntanda

1. Lehaba waikalanga kwepi?

2. Nga abe banabalume babiji baji pa kikye kipikichala bañanyi, kabiji mambo ka o baijile mu muzhi wa Yeliko?

3. Mfumu wa ku Yeliko wakambizhe Lehaba kuba ka, kabiji Lehaba wakumbwile’mba ka?

4. Lehaba wakwashishe byepi aba banabalume babiji, kabiji ñanyi bukwasho bo akebelenga naye?

5. Nga bamwendela ntanda babiji balayañene ka ne Lehaba?

Mepuzho akwabo:

1. Tanga Yoshua 2:1-24.

   Mulaye wa kwa Yehoba wanembwa pa Kulupuka 23:28 wafikizhiwe byepi kimye bena Isalela kyo balukukile bena Yeliko? (Yosh. 2:9-11)

2. Tanga Bahebelu 11:31.

   Kya kumwenako kya kwa Lehaba kimwesha byepi buneme bwa luketekelo? (Loma 1:17; Hebe. 10:39; Yako. 2:25)

Jishimikila 45

Kwabuka Mukola wa Yodano

1. Kya kukumya ka kyaubile Yehoba pa kuba’mba bena Isalela babuke Mukola wa Yodano?

2. Ñanyi byubilo bya luketekelo byaubile bena Isalela pa kuba’mba babuke Mukola wa Yodano?

3. Mambo ka Yehoba kyo aambijile Yoshua kubungizha mabwe akatampe 12 kufuma panshi ya mukola?

4. Ki ka kyamwekele bañanga byo baabukiletu mukola wa Yodano?

Mepuzho akwabo:

1. Tanga Yoshua 3:1-17.

   1. Kwesakana na byonka byo kyamweshiwa na jino jishimikila, twafwainwa kuba ka pa kuba’mba tutambule bukwasho ne mapesho a Yehoba? (Yosh. 3:13, 15; Maana. 3:5; Yako. 2:22, 26)

   2. Mukola wa Yodano wajinga byepi kimye bena Isalela kyo bamwabukile pa kutwela mu ntanda ya mulaye, kabiji kino kyatumbijikile byepi jizhina ja Yehoba? (Yosh. 3:15; 4:18; Sala. 66:5-7)

2. Tanga Yoshua 4:1-18.

   Mabwe 12 o bafumishe mu Yodano ne kwialumbika ku Giligala ajinga na ñanyi mwingilo? (Yosh. 4:4-7)

Jishimikila 46

Bibumbu bya Yeliko

1. Yehoba wabujile banabalume banzhita ne bañanga kuba ka pa moba atanu na jimo?

2. Banabalume bafwainwe kuba ka pa juba ja butanu na abiji?

3. Kwesakana na byo wamona pa kipikichala, ki ka kibena kubiwa ku bibumbu bya Yeliko?

4. Mambo ka lutambo uchila kyo abena kupepela mu kipenze?

5. Yoshua wabujile banabalume banzhita kuba ka ku bantu ne muzhi wabo, kabiji ne kuba ka ku siliva, ngolode, mukuba ne kapotwe?

6. Bamwendela ntanda babiji bebabujile kuba ka?

Mepuzho akwabo:

1. Tanga Yoshua 6:1-25.

   1. Nanchi kuzhokoloka muzhi wa Yeliko kwaubile bena Isalela pa juba ja butanu na busatu kwipasha byepi na mwingilo wa Bakamonyi ba kwa Yehoba wa kusapwila mambo awama mu ano moba apelako? (Yosh. 6:15, 16; Isa. 60:22; Mat. 24:14; 1 Ko. 9:16)

   2. Nga bungauzhi bwanembwa pa Yoshua 6:26 bwafikizhiwe byepi panyuma ya kupitapo myaka 500, kabiji tufunjilako ka ku byambo bya Yehoba? (1 Mfu. 16:34; Isa. 55:11)

Jishimikila 47

Ngivi mu Isalela

1. Awe muntu ubena kuzhika bya buneme byafuma ku Yeliko pa kikye kipikichala ñanyi, kabiji nga bamukwashishengako bañanyi?

2. Mambo ka byubilo byaubile Akana pamo ne ba mu nzubo yanji kyo byatamijile bingi?

3. Yehoba waambile’mba ka kimye Yoshua kyo aipwizhe pa ene mambo bena Isalela kyo bebashinjile mu nkondo ku mutumba wa Ai?

4. Akana ne kisemi kyanji byo bebaletele kwi Yoshua, ki ka kibamwekejile?

5. Ñanyi lufunjisho lwanema lo twafwainwa kufunjilako ku luzhachisho lwa kwa Akana?

Mepuzho akwabo:

1. Tanga Yoshua 7:1-26.

   1. Milombelo ya kwa Yoshua yamwesheshe ka kutazha ku bulunda bwanji na Mulenga wanji? (Yosh. 7:7-9; Sala. 119:145; 1 Yoa. 5:14)

   2. Kya kumwenako kya kwa Akana kimwesha ka, kabiji kyaikala byepi ke kya kwitujimunako? (Yosh. 7:11, 14, 15; Mana. 15:3; 1 Timo. 5:24; Hebe. 4:13)

2. Tanga Yoshua 8:1-29.

   Mwingilo ka ye tuji nanji pa muntu pa muntu mu kipwilo kya bwina Kilishitu mu ano moba? (Yosh. 7:13; Levi 5:1; Mana. 28:13)

Jishimikila 48

Bena Gibeona Bajinga ba Maana

1. Bena Gibeona bapuseneko byepi na bena Kenana baikalanga ku mizhi ya kipikipi?

2. Kwesakana na byo kyamweshiwa pa kipikichala, bena Gibeona baubile byepi, kabiji mambo ka?

3. Mulaye ka Yoshua ne bantangi ba bena Isalela ye balayañene na bena Gibeona, kabiji bayukile ka panyuma ya kupitapo moba asatu?

4. Ki ka kyamwekejile ba mfumu ba mu mizhi ikwabo byo baumvwine amba bena Gibeona balenga bulunda na bena Isalela?

Mepuzho akwabo:

1. Tanga Yoshua 9:1-27.

   1. Yehoba byo akambizhe mukoka wa bena Isalela “konauna bena kyalo bonse,” byubilo ka byo bamwesheshe pa kubula konauna bena Gibeona? (Yosh. 9:22, 24; Mat. 9:13; Byu. 10:34, 35; 2 Pe. 3:9)

   2. Byo akakachijile ku mulaye ye alayañene na bena Gibeona, Yoshua washile byepi kya kumwenako kyawama ku bena Kilishitu ba mu ano moba? (Yosh. 9:18, 19; Mat. 5:37; Efi. 4:25)

2. Tanga Yoshua 10:1-5.

   Jibumba jikatampe ja mu ano moba jibena kulonda byepi bena Gibeona, kabiji kino kibalengela kunenwa bibi ku ka? (Yosh. 10:4; Zeka. 8:23; Mat. 25:35-40; Lum. 12:17)

Jishimikila 49

Juba Jaimenetu Pamo

1. Pa kikye kipikichala, Yoshua ubena kwamba’mba ka, kabiji mambo ka?

2. Yehoba wakwashishe byepi Yoshua ne banabalume banzhita yanji?

3. Yoshua washinjile bamfumu batama banga, kabiji kyamusendejile moba anga?

4. Mambo ka Yoshua kyo aabenyejile ntanda ya Kenana?

5. Yoshua wafwile saka aji na myaka inga, kabiji ki ka kyamwekejile bantu panyuma ya lufu lwanji?

Mepuzho akwabo:

1. Tanga Yoshua 10:6-15.

   Byo twayuka’mba Yehoba waimikijile bena Isalela juba ne ñondo, twakonsha kwikala na ñanyi luketekelo mu ano moba? (Yosh. 10:8, 10, 12, 13; Sala. 18:3; Maana. 18:10)

2. Tanga Yoshua 12:7-24.

   Ñanyi walengejile kushinda bamfumu 31 ba mu Kenana, kabiji kino kyanemena ka kwi atweba mu ano moba? (Yosh. 12:7; 24:11-13; Mpitu. 31:8; Luka 21:9, 25-28)

3. Tanga Yoshua 14:1-5

   Ntanda yaabenwe byepi mu mikoka ya bena Isalela, kabiji kino kimwesha ka ku bintu bya buswanyi mu Paladisa? (Yosh. 14:2; Isa. 65:21; Ezi. 47:21-23; 1 Ko. 14:33)

4. Tanga Mitonyi 2:8-13.

   Byonka byajinga Yoshua mu Isalela, bañanyi ano moba babena kukokesha michima ya bantu basenduka mu lwitabilo? (Mito. 2:8, 10, 11; Mat. 24:45-47; 2 Tesa. 2:3-6; Titu. 1:7-9; Lum. 1:1; 2:1, 2)

Jishimikila 50

Banabakazhi Babiji Bachinchikile

1. Bañanyi bajinga ba mitonyi, kabiji tongaulapo bamo mazhina abo?

2. Mwingilo ka wanema waingilanga Debola, kabiji mwavwangile ka?

3. Bena Isalela byo bebazakamishe ku Mfumu Yabina ne mukulumpe wa nzhita yanji aye Sisela, byambo ka byaambile Yehoba kwi Mutonyi Balaka kupichila mwi ngauzhi Debola, kabiji waambile’mba munema ukaya kwi ñanyi?

4. Yaela wimwesheshe byepi amba mwanamukazhi walumbuluka?

5. Ki ka kyamwekele panyuma ya lufu lwa Mfumu Yabina?

Mepuzho akwabo:

1. Tanga Mitonyi 2:14-22.

   Bukaji bwa Yehoba bwibabukijile byepi bena Isalela, kabiji twafwainwa kufunjilako ka ku kino? (Mito. 2:20; Mana. 3:1, 2; Ezi. 18:21-23)

2. Tanga Mitonyi 4:1-24.

   Banabakazhi ba bwina Kilishitu ba mu ano moba bakonsha kufunjilako ka ku kya kumwenako kya lwitabilo ne kuchinchika byamwesheshe Debola ne Yaela? (Mito. 4:4, 8, 9, 14, 21, 22; Mana. 31:30; 1 Ko. 16:13)

3. Tanga Mitonyi 5:1-31.

   Lwimbo wa kushinda waimbile Balaka ne Debola wakonsha kwingijishiwa byepi ke lulombelo kutazha ku nkondo yo tubena kutengela pa juba ja Amagedonyi? (Mito. 5:3, 31; 1 Moba. 16:8-10; Lum. 7:9, 10; 16:16; 19:19-21)

Jishimikila 51

Luta ne Naomi

1. Naomi witaine byepi mu ntanda ya bena Moabu?

2. Naomi ne Olipa bo bañanyi?

3. Naomi byo abujile Luta ne Olipa amba babwelemo kwabo, abo baubilepo byepi?

4. Boaza ye ñanyi, kabiji wakwashishe byepi Luta ne Naomi?

5. Mwana wasemene Boaza ne Luta bamutumbile jizhina ka, kabiji mambo ka o twafwainwa kumuvulukilanga?

Mepuzho akwabo:

1. Tanga Luta 1:1-17.

   1. Byambo ka bya butemwe bwakosa byaambile Luta? (Luta 1:16, 17)

   2. Milanguluko ya kwa Luta imwesha byepi byubilo bya ‘mikooko ikwabo’ ku bena Kilishitu bashingwa baji panopantanda mu ano moba? (Yoa. 10:16; Zeka. 8:23)

2. Tanga Luta 2:1-23.

   Luta washile byepi kya kumwenako kyawama ku banabakazhi ba mu ano moba? (Luta 2:17, 18; Maana. 23:22; 31:15)

3. Tanga Luta 3:5-13.

   1. Boaza wamwene byepi Luta byo akebelenga kusongolwa kwi aye mu kifulo kya kusongolwa ku nsongwalume?

   2. Tufunjilako ka ku byubilo bya kwa Luta kutazha ku butemwe bwakosa? (Luta 3:10; 1 Ko. 13:4, 5)

4. Tanga Luta 4:7-17.

   Banabalume ba bwina Kilishitu ba mu ano moba bakonsha kwikala byepi nobe Boaza? (Luta 4:9, 10; 1 Timo. 3:1, 12, 13; 5:8)

Jishimikila 52

Gidiona ne Banabalume Banji 300

1. Bena Isalela baikele byepi mu makatazho, kabiji mambo ka?

2. Mambo ka Yehoba kyo abujile Gidiona amba uji na bantu bavula mu nzhita yanji?

3. Bantu banga bashajilepo kimye Gidiona kyo aambijile aba baumvwine moyo kubwelamo ku nzubo?

4. Kwesakana na kikye kipikichala, londolola Yehoba byo aubile pa kukepesha kibelengelo kya bashilikale ba kwa Gidiona kufikatu ku banabalume 300.

5. Gidiona wanengezhezhe byepi banabalume 300, kabiji bena Isalela bashinjile byepi mu bulwi?

Mepuzho akwabo:

1. Tanga Mitonyi 6:36-40.

   1. Gidiona waketekejile byepi kyaswa muchima wa Yehoba kubiwa?

   2. Atweba lelo jino tuyuka byepi kyaswa muchima wa Yehoba? (Maana. 2:3-6; Mat. 7:7-11; 2 Timo. 3:16, 17)

2. Tanga Mitonyi 7:1-25.

   1. Twakonsha kufunjilako ka ku banabalume 300 bajimukile kukila boba bazenzalele? (Mito. 7:3, 6; Loma 13:11, 12; Efi. 5:15-17)

   2. Byonka banabalume 300 byo bafunjile kupichila mu kumona byaubilenga Gidiona, nga atweba tufunda byepi kupichila mu kumona Gidiona Mukatampe, aye Yesu Kilishitu? (Mito. 7:17; Mat. 11:29, 30; 28:19, 20; 1 Pe. 2:21)

   3. Nga Mitonyi 7:21 witukwasha byepi kusekela mu mwingilo yense ye betupa mu jibumba ja Yehoba? (1 Ko. 4:2; 12:14-18; Yako. 4:10)

3. Tanga Mitonyi 8:1-3.

   Umvwe twapusenamo na mulongo nangwa nyenga, twakonsha kufunjilako byepi kwi Gidiona byo apwishishe makatazho anji na bena Efelaimu? (Mana. 15:1; Mat. 5:23, 24; Luka 9:48)

Jishimikila 53

Mulaye wa kwa Yefita

1. Yefita ye ñanyi, kabiji kimye ka kyo aikeleko?

2. Mulaye ka Yefita ye alayañene na Yehoba??

3. Mambo ka Yefita kyo aumvwijile bulanda kimye kyo abwelelenga ku nzubo panyuma ya kushinda bena Amonyi?

4. Mwana Yefita wamukazhi waambile’mba ka byo ayukile mulaye uba shanji?

5. Mambo ka bantu kyo bamutemwejile mwana wamukazhi wa kwa Yefita?

Mepuzho akwabo:

1. Tanga Mitonyi 10:6-18.

   Lujimuno ka lo twakonsha kulonda ku bena Isalela byo babujile bukishinka kwi Yehoba? (Mito. 10:6, 15, 16; Loma 15:4; Lum. 2:10)

2. Tanga Mitonyi 11:1-11, 29-40.

   1. Twayuka byepi amba Yefita byo apaine mwananji wa mukazhi ke “mulambo wa kusoka” kechi kyalumbulwile’mba kumulambula kupichila mu kumusoka ke mulambo ne? (Mito. 11:31; Levi 16:24; Mpitu. 18:10, 12)

   2. Mu ñanyi jishinda Yefita mo apaine mwananji ke mulambo?

   3. Twakonsha kufunjilako ka ku byubilo bya kwa Yefita kutazha ku luchipo lo achipile kwi Yehoba? (Mito. 11:35, 39; Sapwi. 5:4, 5; Mat. 16:24)

   4. Mwana wa mukazhi wa kwa Yefita waikala byepi wa kumwenako wawama ku bansongwakazhi babena kukeba kutendeka mwingilo wa kimye kyonse? (Mito. 11:36; Mat. 6:33; Fili. 3:8)

Jishimikila 54

Muntu Wakijilepo Bulume

1. Muntu wajinga na bulume bukatampe waikeleko myaka ya kala ñanyi, kabiji ñanyi wamupele bulume?

2. Pa kimye kimo, Samisonyi waubile ka ku bokwe mukatampe, kwesakana na byo ubena kumona pa kipikichala?

3. Bintu ka bya mu bufyamfya Samisonyi byo abujilenga Delila pa kikye kipikichala, kabiji kino kyalengejile byepi kumukwata ku bena Filishitiya?

4. Samisonyi walengejile byepi balwanyi bena Filishitiya 3,000 kufwa pa juba jo afwile?

Mepuzho akwabo:

1. Tanga Mitonyi 13:1-14.

   Manowa ne mwina kwanji baikala byepi ba kumwenako bawama ku bansemi pa kukomesha baana babo? (Mito. 13:8; Sala. 127:3; Efi. 6:4)

2. Tanga Mitonyi 14:5-9 ne 15:9-16.

   1. Mashimikila a kwa Samisonyi a byo aipaile bokwe, kumutaula ntambo ya bukumo yo bamutabele, ne kwingijisha mubanga wa mwana mbongolo kwipailako banabalume 1,000 amwesha byepi bingila mupashi wazhila wa Yehoba?

   2. Mupashi wazhila witukwasha byepi mu ano moba? (Mito. 14:6; 15:14; Zeka. 4:6; Byu. 4:31)

3. Tanga Mitonyi 16:18-31.

   Kwendañana na babi kwaletelejile byepi Samisonyi, kabiji twafwainwa kufunjilako ka ku kino? (Mito. 16:18, 19; 1 Ko. 15:33)

Jishimikila 55

Mwana Mucheche Waingijijilenga Lesa

1. Nga awe mwanyike uji pa kikye kipikichala ñanyi, kabiji nga abe bakwabo bañanyi?

2. Lulombelo ka Hana lo alombele juba jimo byo ailenga ku tente wa lusambakeno wa Yehoba, kabiji Yehoba wamukumbwile byepi?

3. Samwela wajinga na myaka ya kusemwa inga byo bamuletele na kwingijilanga ku tente wa lusambakeno wa Yehoba, kabiji bainanji bamubilanga ka pa mwaka pa mwaka?

4. Baana ba kwa Eli bajinga bañanyi mazhina, kabiji bajinga banabalume bamutundu ka?

5. Yehoba wamwichile byepi Samwela, kabiji byambo ka byo amwambijile?

6. Samwela waikele ke ñanyi byo akomene, kabiji ki ka kyamumwekejile byo akotele?

Mepuzho akwabo:

1. Tanga 1 Samwela 1:1-28.

   1. Kya kumwenako ka kyawama kya mitwe ya bisemi kyashile Elekana kya kutangijila mu mpopwelo ya kine? (1 Sam. 1:3, 21; Mat. 6:33; Fili. 1:10)

   2. Twakonsha kufunjilako ka ku kya kumwenako kya kwa Hana byo alukuchilenga na lukatazho lo abujile kuyuka mwakubila? (1 Sam. 1:10, 11; Sala. 55:22; Loma 12:12)

2. Tanga 1 Samwela 2:11-36.

   Eli wanemekele byepi baana banji kukila Yehoba, kabiji kino kyakonsha kwikala byepi lujimuno kwi atweba? (1 Sam. 2:22-24, 27, 29; Mpitu. 21:18-21; Mat. 10:36, 37)

3. Tanga 1 Samwela 4:16-18.

   Ñanyi mawi a bulanda afumine ku nkondo, kabiji alengejile Eli kuba byepi?

4. Tanga 1 Samwela 8:4-9.

   Bena Isalela bazhingijishe byepi Yehoba, kabiji twakonsha kutundaika byepi Bufumu bwanji mu bukishinka mu ano moba? (1 Sam. 8:5, 7; Yoa. 17:16; Yako. 4:4)

Jishimikila 56

Saulo Mfumu Mutanshi wa Bena Isalela

1. Samwela waubilenga ka pa kikye kipikichala, kabiji mambo ka?

2. Mambo ka Yehoba kyo atemwejile Saulo, kabiji wajinga muntu wa mutundu ka?

3. Mwana wa kwa Saulo wajinga ñanyi jizhina, kabiji waubile ka?

4. Mambo ka Saulo kyo apanyijile mulambo mu kifulo kya kupembelela Samwela?

5. Twakonsha kufunjilako ka ku jishimikila ja kwa Saulo?

Mepuzho akwabo:

1. Tanga 1 Samwela 9:15-21 ne 10:17-27.

   Kutekanya kwa kwa Saulo kwa mukwashishe byepi kuchinuzhuka kuvumbukila bantu bamubilenga mukeyu? (1 Sam. 9:21; 10:21, 22, 27; Maana. 17:27)

2. Tanga 1 Samwela 13:5-14.

   Ñanyi mambo alengele Saulo byo ajinga ku Giligala? (1 Sam. 10:8; 13:8, 9, 13)

3. Tanga 1 Samwela 15:1-35.

   1. Ñanyi mambo akatampe alengele Saulo kutazha kwi Agagi, mfumu wa ku Amaleki? (1 Sam. 15:2, 3, 8, 9, 22)

   2. Saulo waesekele kwikangaizha byepi ne kwifumya mu mambo? (1 Sam. 15:24)

   3. Lujimuno ka lo twakonsha kumvwina mu ano moba umvwe betujimunako? (1 Sam. 15:19-21; Sala. 141:5; Maana. 9:8, 9; 11:2)

Jishimikila 57

Lesa Wassajile Davida

1. Nga awe mwanyike uji pa kikye kipikichala ñanyi jizhina, kabiji twayuka byepi amba wajimukile bingi?

2. Davida waikalanga kwepi, kabiji bashanji ne ba nkambo yanji bajinga bañanyi mazhina?

3. Mambo ka Yehoba kyo atumijile Samwela kuya ku nzubo ya kwa Yese ku Betelema?

4. Ki ka kyamwekele Yese byo aletele baana banji babalume batanu na babiji kwi Samwela?

5. Davida byo bamuletele, Yehoba wamwambijile Samwela amba ka?

Mepuzho akwabo:

1. Tanga 1 Samwela 17:34, 35.

   Abye byonse byamwekele bimwesha byepi amba Davida waketekejile mwi Yehoba? (1 Sam. 17:37)

2. Tanga 1 Samwela 16:1-14.

   1. Byambo bya Yehoba biji pa 1 Samwela 16:7 bitukwasha byepi kubula kwikala na misalululo ne kubula kutala ku bilungi bya bantu? (Byu. 10:34, 35; 1 Timo. 2:4)

   2. Kya kumwenako kya kwa Saulo kimwesha byepi amba umvwe Yehoba wafumyamo mupashi wazhila mu muntu, mupashi watama wakonsha kwiya mwi aye nangwa kwikala na muchima wa kukeba kuba byubilo byatama? (1 Sam. 16:14; Mat. 12:43-45; Nga. 5:16)

Jishimikila 58

Davida ne Goliata

1. Goliata wakatazhanga byepi nzhita ya bena Isalela?

2. Goliata wabayile byepi, kabiji Mfumu Saulo walayile kupana kilambu ka ku muntu wakonsheshe kwipaya Goliata?

3. Davida waambile’mba ka Saulo byo amubujile’mba kechi wakonsheshe kulwisha Goliata ne, mambo wakijinga mwanyike??

4. Pa kukumbula Goliata, Davida wamwesheshe byepi amba waketekejile mwi Yehoba?

5. Kwesakana na byo wamona pa kikye kipikichala, Davida waingijishe ka pa kwipaya Goliata, kabiji ki ka kyamwekele ku bena Filishitiya panyuma ya kino?

Mepuzho akwabo:

1. Tanga 1 Samwela 17:1-54.

   1. Ki ka kyalengelanga Davida kubula kwikala na moyo, kabiji twakonsha kulonda byepi kuchinchika kwanji? (1 Sam. 17:37, 45; Efi. 6:10, 11)

   2. Mambo ka bena Kilishitu kyo bafwainwa kuchinuzhukila mupashi wa kwitota nabiji wajingapo ne Goliata umvwe ke bakaye bisela? (1 Sam. 17:8; Nga. 5:26; 1 Timo. 4:8)

   3. Byambo bya kwa Davida bimwesha byepi amba waketekejile mu bukwasho bwa Lesa? (1 Sam. 17:45-47; 2 Moba. 20:15)

   4. Mu kifulo kya kulondolola mwatajile bulwi bwajinga pakachi ka mazhita abiji, jino jishimikila jimwesha byepi amba ino nkondo kya kine yajinga pakachi ka balesa babubela ne Lesa wakine, aye Yehoba? (1 Sam. 17:43, 46, 47)

   5. Nga bashingwa bashalapo balonda byepi kya kumwenako kya kwa Davida kya kuketekela mwi Yehoba? (1 Sam. 17:37; Yele. 1:17-19; Lum. 12:17)

Jishimikila 59

Ene Mambo Davida o Anyemejile

1. Mambo ka Saulo kyo aubijilenga Davida kichima, pano mwana wa kwa Saulo aye Yonafwanyi wapuseneko byepi?

2. Ki ka kyamwekele juba jimo Davida byo aimbijilenga Saulo pa jisense?

3. Saulo waambile’mba Davida wafwainwe kuba ka saka akyangye kusenda mwana wa kwa Saulo aye Mikala kwikala mukazhanji, kabiji mambo ka Saulo kyo aambijile bino?

4. Davida byo aimbijilenga Saulo pa jisense, ki ka kyamwekele pa kimye kya busatu, kwesakana na byo kyamweshiwa pa kipikichala?

5. Mikala wakwashishe byepi Davida kupuluka, kabiji Davida waubilepo ka pa myaka itanu na ibiji?

Mepuzho akwabo:

1. Tanga 1 Samwela 18:1-30.

   1. Butemwe bwakosa bwajinga pe Yonafwanyi ne Davida bumwesha byepi butemwe buji pakachi ka ‘mikooko ikwabo’ ne “kajitanga kacheche”? (1 Sam. 18:1; Yoa. 10:16; Luka 12:32; Zeka. 8:23)

   2. Byo kiji kuba’mba Yonafwanyi ye wafwainwe kuswana Saulo, 1 Samwela 18:4 umwesha byepi amba Yonafwanyi wakokejile muntu wasajilwe kwikala mfumu?

   3. Kya kumwenako kya kwa Saulo kimwesha byepi amba kichima kyakonsha kulengela muntu kulenga mambo aleta lufu, kabiji kino kitujimunako byepi? (1 Sam. 18:7-9, 25; Yako. 3:14-16)

2. Tanga 1 Samwela 19:1-17.

   Yonafwanyi wabikile byepi bumi bwanji mu kizumba byo ayile na kwisamba ne Saulo? (1 Sam. 19:1, 4-6; Maana. 16:14)

Jishimikila 60

Abigaila ne Davida

1. Awe mwanamukazhi ubena kutundaila Davida pa kikye kipikichala ñanyi jizhina, kabiji wajinga muntu wa byubilo ka?

2. Nabala ye ñanyi?

3. Mambo ka Davida kyo atumijile bantu banji kuya na kukeba bukwasho kwi Nabala?

4. Nabala waambile’mba ka ku bantu ba kwa Davida, kabiji Davida waubile byepi?

5. Abigaila wamwesheshe byepi amba mwanamukazhi wa maana?

Mepuzho akwabo:

1. Tanga 1 Samwela 22:1-4.

   Kisemi kya kwa Davida kitushila byepi kya kumwenako kyawama pa byo twafwainwa kwitundaikanga pa muntu pa muntu mu balongo bonse ba bwina Kilishitu? (Maana. 17:17; 1 Tesa. 5:14)

2. Tanga 1 Samwela 25:1-43.

   1. Mambo ka Nabala kyo bamulondolwela’mba muntu washinta? (1 Sam. 25:2-5, 10, 14, 21, 25)

   2. Banabakazhi ba bwina Kilishitu bakonsha kufunjilako ka ku kya kumwenako kya kwa Abigaila? (1 Sam. 25:32, 33; Mana. 31:26; Efi. 5:24)

   3. Abigaila wakainye Davida kubula kuba ñanyi bintu bibiji byatama? (1 Sam. 25:31, 33; Loma 12:19; Efi. 4:26)

   4. Davida byo aumvwijile byambo byaambile Abigaila kino kikwasha byepi banabalume ba mu ano moba kumona banabakazhi byonka Yehoba byo ebamona? (Byu. 21:8, 9; Loma 2:11; 1 Pe. 3:7)

Jishimikila 61

Davida Waswanyikilwe ke Mfumu

1. Davida ne Abishai baubile byepi Saulo byo alajile mu kampu wanji?

2. Mepuzho ka Davida o aipwizhe Saulo?

3. Davida byo ashile Saulo, wayile kwepi?

4. Ki ka kyalengejile Davida kumvwa bingi bulanda ne kunemba lwimbo wawama bingi?

5. Davida wajinga na myaka ya kusemwa inga byo aswaine ke mfumu mu Hebulona, kabiji tongaulapo ne mazhina amo a baana banji babalume?

6. Kwepi kukwabo Davida ko atendekele kulama?

Mepuzho akwabo:

1. Tanga 1 Samwela 26:1-25.

   1. Byambo bya kwa Davida byanembwa pa 1 Samwela 26:11 bimwesha byubilo ka kutazha ku malamuna a Lesa? (Sala. 37:7; Loma 13:2)

   2. Umvwe twibikako na ngovu kukeba kumwesha butemwe ku bantu babula kwitutala bulongo, nanchi byambo bya kwa Davida bitanwa pa 1 Samwela 26:23 byakonsha kwitukwasha byepi kwikala na milanguluko yawama? (1 Mfu. 8:32; Sala. 18:20)

2. Tanga 2 Samwela 1:26.

   Bena Kilishitu bakonsha kwikala byepi na butemwe bwa ‘kwitemwisha abo bene na bene’ byonka byajinga Davida ne Yonafwanyi? (1 Pe. 4:8; Kolo. 3:14; 1 Yoa. 4:12)

3. Tanga 2 Samwela 5:1-10.

   1. Davida walamine pa bufumu myaka inga, kabiji kino kimye kyaabenwe byepi? (2 Sam. 5:4, 5)

   2. Ki ka kyalengejile Davida kutumbalala, kabiji kino kyaikala byepi ke kya kwituvululako mu ano moba? (2 Sam. 5:10; 1 Sam. 16:13; 1 Ko. 1:31; Fili. 4:13)

Jishimikila 62

Makatazho Aishile mu Nzubo ya kwa Davida

1. Na mambo a bukwasho bwa kwa Yehoba, ki ka kyaishile kumwekanyika ku ntanda ya Kenana?

2. Juba jimo pa kimabanga, ki ka kyamwekanyikile kimye Davida kyo ajinga peulu ya mutenge wa nzubo yanji?

3. Mambo ka Yehoba kyo amuzhingijile Davida?

4. Pa kikye kipikichala Yehoba watumine ñanyi kwambila Davida pa mambo anji, kabiji awa muntu waambile’mba ki ka kikamwekela Davida?

5. Lukatazho ka lwaikele ne Davida?

6. Davida byo afwile, ñanyi waswaine pa bufumu mu bena Isalela?

Mepuzho akwabo:

1. Tanga 2 Samuel 11:1-27.

   1. Kupayankana mu mwingilo wa kwa Yehoba kwitulamawizha byepi?

   2. Davida witaine byepi mu mambo, kabiji bakalume ba Yehoba ba mu ano moba bafunjilako ka ku kino? (2 Sam. 11:2; Mat. 5:27-29; 1 Ko. 10:12; Yako. 1:14, 15)

2. Tanga 2 Samwela 12:1-18.

   1. Bakulumpe mu kipwilo ne bansemi bakonsha kufunjilako ka kwi Natana byo asolomokele Davida pa kuba’mba amujimuneko? (2 Sam. 12:1-4; Maana. 12:18; Mat. 13:34)

   2. Mambo ka Yehoba kyo amubijileko lusa Davida? (2 Sam. 12:13; Sala. 32:5; 2 Ko. 7:9, 10)

Jishimikila 63

Solomone Mfumu wa Maana

1. Yehoba waipwizhe Solomone amba ka, kabiji wamukumbwile byepi?

2. Yehoba byo asekejile pa bintu byalombele Solomone, walayile kumupa ka?

3. Lukatazho ka lwakosa banabakazhi babiji lo baletele kwi Solomone?

4. Kwesakana na byo ubena kumona pa kikye kipikichala, Solomone wapwishishe byepi lulwe lukatazho?

5. Bukalama bwa kwa Solomone bwajinga byepi, kabiji mambo ka?

Mepuzho akwabo:

1. Tanga 1 Bamfumu 3:3-28.

   1. Nga banabalume bo bapa mingilo mu jibumba ja Lesa mu ano moba bakonsha kufunjilako ka ku byambo byafumine panshi ya muchima wa kwa Solomone byanembwa pa 1 Bamfumu 3:7? (Sala. 119:105; Maana. 3:5, 6)

   2. Bintu byalombele Solomone byaikala byepi kya kumwenako kyawama pa bintu byo twafwainwa kulomba? (1 Mfu. 3:9, 11; Maana. 30:8, 9; 1 Yoa. 5:14)

   3. Solomone byo apwishishe lukatazho lwajinga na banabakazhi babiji, witupa bukishinka ka kutazha ku bukalama bwa kulutwe na lwendo bwa kwa Solomone Mukatampe, aye Yesu Kilishitu? (1 Mfu. 3:28; Isa. 9:6, 7; 11:2-4)

2. Tanga 1 Bamfumu 4:29-34.

   1. Yehoba wakumbwile byepi Solomone byo alombele’mba ekale na muchima watekanya? (1 Mfu. 4:29)

   2. Umvwe twalanguluka pa kwibikako kwa bantu byo bakebelenga kumvwa maana a kwa Solomone, nga atweba twafwainwa kwikala na ñanyi byubilo kimye kyo tubena kufunda Mambo a Lesa? (1 Mfu. 4:29, 34; Yoa. 17:3; 2 Timo. 3:16)

Jishimikila 64

Solomone Washimikile Nzubo ya Lesa

1. Papichile myaka inga pa kuba’mba Solomone apwishe kushimika nzubo ya Yehoba, kabiji mambo ka kyo pataijilwe mali avula?

2. Nzubo ya Lesa yajinga na bibamba binga, kabiji ki ka kyajinga mu kibamba kya mukachi?

3. Solomone waambile’mba ka mu lulombelo byo apwishishe kushimika nzubo ya Lesa?

4. Yehoba wamwesheshe byepi amba wasekejile pa lulombelo lwa kwa Solomone?

5. Solomone bamulengejile kuba ka ku bakazhi banji bavula, kabiji ki ka kyamumwekejile?

6. Mambo ka Yehoba kyo amuzhingijile Solomone, kabiji Yehoba waambile’mba ka kwi aye?

Mepuzho akwabo:

1. Tanga 1 Byambo bya Moba 28:9, 10.

   Kwesakana na byambo byanembwa pa 1 Byambo bya Moba 28:9, 10, bintu ka byo twafwainwa kwibikako kubanga mu bwikalo bwetu? (Sala. 19:14; Fili. 4:8, 9)

2. Tanga 2 Byambo bya Moba 6:12-21, 32-42.

   1. Solomone wamwesheshe byepi amba kishimikwa kyashimikwa na bantu kechi mwakonsha kwikala Lesa Mwine Wakila ne? (2 Moba 6:18; Byu. 17:24, 25)

   2. Byambo bya kwa Solomone byanembwa pa 2 Byambo bya Moba 6:32, 33 bimwesha ka pe Yehoba? (Byu. 10:34, 35; Nga. 2:6)

3. Tanga 2 Byambo bya Moba 7:1-5.

   Byonka baana ba Isalela byo bamutumbijikile Yehoba pa kumona lukumo lwanji, nga atweba mu ano moba twakonsha kuba byepi umvwe twalanguluka pa bibusa bya Yehoba byo akobila bantu? (2 Moba. 7:3; Sala. 22:22; 34:1; 96:2)

4. Tanga 1 Bamfumu 11:9-13.

   Bwikalo bwa kwa Solomone bumwesha byepi buneme bwa kwikala bakishinka kufika ne ku mpelo? (1 Mfu. 11:4, 9; Mat. 10:22; Lum. 2:10)

Jishimikila 65

Bufumu Bwaabene

1. Tela mazhina a babo banabalume babiji baji pa kikye kipikichala, kabiji bañanyi?

2. Ahiya waubile ka na kivwalo kyo avwajile, kabiji kino kyubilo kilumbulula ka?

3. Solomone wakebelenga kuba ka kwi Yeloboma?

4. Mambo ka bantu kyo babikijile Yeloboma pa bufumu bwa bisaka jikumi?

5. Mambo ka Yeloboma kyo alengejile baana bañombe ba ngolode babiji, kabiji ki ka kyaubiwe ku ino ntanda palutwe kacheche?

6. Ki ka kyaubiwe ku bufumu bwa bisaka bibiji ne ku nzubo ya Yehoba ya mu Yelusalema?

Mepuzho akwabo:

1. Tanga 1 Bamfumu 11:26-43.

   Yeloboma wajinga muntu wa mutundu ka, kabiji Yehoba wamulayile ka umvwe watwajijila na kulama malamuna a Lesa? (1 Mfu. 11:28, 38)

2. Tanga 1 Bamfumu 12:1-33.

   1. Bansemi ne bakulumpe mu kipwilo bakonsha kufunjilako ka ku kya kumwenako kyatama kya kwa Lehoboma kutazha ku kubula kwingijisha bulongo bulume? (1 Mfu. 12:13; Sapwi. 7:7; 1 Pe. 5:2, 3)

   2. Kwi ñanyi bakyanyike ba mu ano moba ko bafwainwa kutambula lutangijilo kimye kyo babena kufukula kuba bintu byanema mu bwikalo? (1 Mfu. 12:6, 7; Maana. 1:8, 9; 2 Timo. 3:16, 17; Hebe. 13:7)

   3. Ki ka kyalengejile Yeloboma kulenga mapunzha abiji a kupopwelapo mwana ñombe, kabiji kino kyamwesheshe byepi kubula kwikala na lwitabilo lukatampe mwi Yehoba? (1 Mfu. 11:37; 12:26-28)

   4. Ñanyi walengejile bantu ba mu bufumu bwa bisaka jikumi kusatukila bupopweshi bwa kine? (1 Mfu. 12:32, 33)

Jishimikila 66

Yezebeli, Muka Mfumu Watamine Bingi

1. Yezebeli wajinga ñanyi?

2. Mambo ka Mfumu Ahaba kyo aumvwijile bulanda juba jimo?

3. Yezebeli waubile byepi pa kuba’mba atambule bujimi bwa miñanzañanza bwa Nabota ne kwibupana ku mwata wanji, aye Ahaba?

4. Yehoba watumine ñanyi kuya na kukambula Yezebeli?

5. Byonka byo wamona pa kikye kipikichala, ki ka kyamwekele Yehu byo afikile ku jilapa ja kwa Yezebeli?

Mepuzho akwabo:

1. Tanga 1 Bamfumu 16:29-33 ne 18:3, 4.

   Bwikalo mu Isalela bwatamine byepi mu kimye kya Mfumu Ahaba? (1 Mfu. 14:9)

2. Tanga 1 Bamfumu 21:1-16.

   1. Nabota wamwesheshe byepi kuchinchika ne kuketekela mwi Yehoba? (1 Mfu. 21:1-3; Levi 25:23-28)

   2. Umvwe twalefulwa twakonsha kufunjilako ka ku kya kumwenako kya kwa Ahaba kya kuchinchika? (1 Mfu. 21:4; Loma 5:3-5)

3. Tanga 2 Bamfumu 9:30-37.

   Twakonsha kufunjilako ka ku kizaku kya kwa Yehu kya kuba kyaswa muchima wa Yehoba? (2 Mfu. 9:4-10; 2 Ko. 9:1, 2; 2 Timo. 4:2)

Jishimikila 67

Yehoshafwata Waketekejile mwi Yehoba

1. Yehoshafwata ye ñanyi, kabiji waikeleko mu moba a bañanyi?

2. Mambo ka bena Isalela o baumvwijile moyo, kabiji bavula baubile byepi?

3. Yehoba wakumbwile byepi lulombelo lwa kwa Yehoshafwata?

4. Yehoba waubile ka nkondo saka ikyangye kutatula?

5. Lufunjisho ka lo twafwainwa kufunjilako kwi Yehoshafwata?

Mepuzho akwabo:

1. Tanga 2 Byambo bya Moba 20:1-30.

   1. Yehoshafwata wamwesheshe byepi bakalume bakishinka ba Yehoba byo bafwainwa kuba umvwe ke bapite mu makatazho? (2 Moba 20:12; Sala. 25:15; 62:1)

   2. Yehoba kimye kyonse byo engijishapo jishinda mwa kumvwañena na bantu banji, nga ano moba wingijisha jishinda ka? (2 Moba 20:14, 15; Mat. 24:45-47; Yoa. 15:15)

   3. Lesa byo akaleta “nkondo ya aja juba jikatampe ja Lesa, Wa bulume bonse,” nga atweba moba etu akekala byepi pamo nobe a kwa Yehoshafwata? (2 Moba 20:15, 17; 32:8; Lum. 16:14, 16)

   4. Umvwe kebalondele byaubanga bena Levi, ba painiya ne bamishonale bakonsha kukwasha byepi mu mwingilo wa kusapwila mwaya ntanda yonse mu ano moba? (2 Moba. 20:19; Loma 10:13-15; 2 Timo. 4:2)

Jishimikila 68

Baana Babiji Basangwilwe

1. Nga abe bantu basatu baji pa kipikichala bañanyi, kabiji ki ka kyamwekejile kalombwana?

2. Elaija walombelenga ka kutazha ku kalombwana, kabiji ki ka kyamwekele?

3. Kalume wa kwa Elaija wajinga ñanyi jizhina?

4. Mambo ka Elisha kyo bamwambijile kuya ku nzubo ya mwanamukazhi mwina Shunema?

5. Elisha waubile ka, kabiji ki ka kyaubiwe ku mwanyike wafwile?

6. Yehoba uji na bulume bwa mutundu ka, kwesakana na byo bwamweshiwe kupichila mwi Elaija ne Elisha?

Mepuzho akwabo:

1. Tanga 1 Bamfumu 17:8-24.

   1. Lukookelo lwa kwa Elaija ne luketekelo byaesekelwe byepi? (1 Mfu. 17:9; 19:1-4, 10)

   2. Mambo ka luketekelo lwa mwanamukazhi wafwijilwe wa ku Zalefwata kyo lwawamijile? (1 Mfu. 17:12-16; Luka 4:25, 26)

   3. Kintu kyapichilemo mwanamukazhi wafwila wa ku Zalefwata kimwesha byepi bukine bwa byambo bya kwa Yesu bitanwa mu Mateo 10:41, 42? (1 Mfu. 17:10-12, 17, 23, 24)

2. Tanga 2 Bamfumu 4:8-37.

   1. Mwanamukazhi wa ku Shunema witufunjisha byepi kutazha ku kutambulwila benyi? (2 Mfu. 4:8; Luka 6:38; Loma 12:13; 1 Yoa. 3:17)

   2. Mu ñanyi mashinda mo twakonsha kumwesha byubilo bya lusa ku bakalume ba Lesa mu ano moba? (Byu. 20:35; 28:1, 2; Nga. 6:9, 10; Hebe. 6:10)

Jishimikila 69

Kamwale Wakwashishe Mwine Kiyangala

1. Nanchi wayuka byaambilengapo iwe kamwale uji pa kipikichala nyi?

2. Nga awe mwanamukazhi uji pa kipikichala ñanyi, kabiji kamwale waubilenga ka ku nzubo ya mwanamukazhi?

3. Elisha wakambizhe kalume wanji kumubula’mba ka Nemani, kabiji mambo ka Nemani kyo azhingijile?

4. Ki ka kyamwekele Nemani byo aumvwijile kalume wanji?

5. Mambo ka Elisha kyo akanyijile bupe bwa kwa Nemani, bino Gehazi waubilepo byepi?

6. Ki ka kyamwekejile Gehazi, kabiji tufunjilako ka ku kino?

Mepuzho akwabo:

1. Tanga 2 Bamfumu 5:1-27.

   1. Kya kumwenako kitushijile kamwale mwina Isalela kitundaika byepi bakyanyike lelo jino? (2 Mfu. 5:3; Sala. 8:2; 148:12, 13)

   2. Mambo ka o kyawamina kuvulukilanga kya kumwenako kya kwa Nemani umvwe twatambula lujimuno lwa mu Binembelo? (2 Mfu. 5:15; Hebe. 12:5, 6; Yako. 4:6)

   3. Lufunjisho ka lo twafwainwa kufunjilako umvwe twaesakanya kya kumwenako kya kwa Elisha ne kya kwa Gehazi? (2 Mfu. 5:9, 10, 14-16, 20; Mat. 10:8; Byu. 5:1-5; 2 Ko. 2:17)

Jishikila 70

Yona ne Jisabi Jikatampe

1. Yona wajinga ñanyi, kabiji Yehoba wamwambijile kuba ka?

2. Yona byo abujilenga kukeba kuya kwamwambijile Yehoba, waubile byepi?

3. Yona wibabujile’mba ka bantu bavuwilenga bwato pa kuba’mba kinkunkwila kileke?

4. Kwesakana na byo ubena kumona pa kikye kipikichala, ki ka kyamwekejile Yona byo aibijile pa mema?

5. Yona waikele moba anga munda ya jisabi, kabiji waubilenga ka byo ajinga momwa?

6. Yona wayile kwepi byo bamulashile ku jisabi jikatampe, kabiji tufunjilako ka ku kino?

Mepuzho akwabo:

1. Tanga Yona 1:1-17.

   Kwakubula nangwa kuzhinaukatu ne, Yona wiumvwine byepi pa mwingilo wanji wa kusapwila ku bena Ninevwa? (Yona 1:2, 3; Maana. 3:7; Sapwi. 8:12)

2. Tanga Yona 2:1, 2, 10.

   Kintu kyapichilemo Yona kitulengela byepi kwikala na luketekelo amba Yehoba wakonsha kukumbula milombelo yetu? (Sala. 22:24; 34:6; 1 Yoa. 5:14)

3. Tanga Yona 3:1-10.

   1. Tutundaikwa byepi pa kuyuka’mba Yehoba watwajijile na kwingijisha Yona nangwa kya kuba patanshi wakankelwe kwingila mwingilo wanji? (Sala. 103:14; 1 Pe. 5:10)

   2. Kintu kyapichilemo Yona na bena Ninevwa kitufunjisha ka pa mambo a kuzhachishisha jimo bantu ba mu nyaunda yetu? (Yona 3:6-9; Sapwi. 11:6; Byu. 13:48)

Jishimikila 71

Lesa Walayile Paladisa

1. Isaya wajinga ñanyi, kimye ka kyo ajingako, kabiji kintu ka Yehoba kyo amumwesheshe?

2. Kyambo kya kuba amba “paladisa” kilumbulula ka, kabiji kituvululamo ka?

3. Yehoba wabujile Isaya kunemba’mba ka pa Paladisa mupya?

4. Mambo ka ba Adama ne Evwa kyo baelejile muzhi wabo wawama?

5. Yehoba walaya ka ku bantu bamutemwa?

Mepuzho akwabo:

1. Tanga Isaya 11:6-9.

   1. Byambo bya kwa Lesa bimwesha byepi mutende ukekala pakachi ka banyama ne bantu mu ntanda ipya? (Sala. 148:10, 13; Isa. 65:25; Ezi. 34:25)

   2. Kufikizhiwa ka kwa ku mupashi kwa byambo bya kwa Isaya kubena kubiwa mu bantu ba kwa Yehoba lelo jino? (Loma 12:2; Efi. 4:23, 24)

   3. Ñanyi wafwainwa kupewa munema pa bantu byo babena kupimpula byubilo byabo luno ne byo bikapimpulwa mu ntanda ipya? (Isa. 48:17, 18; Nga. 5:22, 23; Fili. 4:7)

2. Tanga Lumwekesho 21:3, 4.

   1. Binembelo bimwesha byepi amba kwikala kwa kwa Lesa pamo na bantu kilumbulula amba wikala nabo mu bukifwanyikizho, kechi kwikala nabo panopantanda ne? (Levi 26:11, 12; 2 Moba. 6:18; Isa. 66:1; Lum. 21:2, 3, 22-24)

   2. Mipolo ne misongo ya mutundu ka ikapwa? (Luka 8:49-52; Loma 8:21, 22; Lum. 21:4)

Jishimikila 72

Lesa Wakwashishe Mfumu Hezekiya

1. Nga awe mwanamulume uji pa kipikichala ñanyi, kabiji mambo ka kyo aikajila na makatazho avula?

2. Hezekiya waletele makalata a mutundu ka ku meso a Lesa, kabiji Hezekiya walombele’mba ka?

3. Hezekiya wajinga mfumu wa mutundu ka, kabiji byambo ka byo bamutumijile kwi Yehoba kupichila mwi ngauzhi Isaya?

4. Malaika wa Yehoba waubile ka ku bena Asilya, kwesakana na byo kyamweshiwa pa kipikichala?

5. Nangwa kya kuba Bufumu bwa bisaka bibiji bwaikele mu mutende, ki ka kyamwekele Hezekiya byo afwile?

Mepuzho akwabo:

1. Tanga 2 Bamfumu 18:1-36.

   1. Nga muntu waambijilengako bena Silya aye Labashake wakebele byepi konauna lwitabilo lwa bena Isalela? (2 Mfu. 18:19, 21; Lupu. 5:2; Sala. 64:3)

   2. Bakamonyi ba kwa Yehoba balonda byepi kya kumwenako kya kwa Hezekiya umvwe ke besambe na bantu bashikwa mwingilo wabo? (2 Mfu. 18:36; Sala. 39:1; Maana. 26:4; 2 Timo. 2:24)

2. Tanga 2 Bamfumu 19:1-37.

   1. Bantu ba Yehoba balonda byepi kya kumwenako kya kwa Hezekiya mu bimye bya makatazho? (2 Mfu. 19:1, 2; Mana. 3:5, 6; Hebe. 10:24, 25; Yako. 5:14, 15)

   2. Ñanyi binkunka bisatu Mfumu Senakelibu byo apichilemo pa kushindwa kwanji, kabiji ñanyi ye aimenejilengako mu bungauzhi? (2 Mfu. 19:32, 35, 37; Lum. 20:2, 3)

3. Tanga 2 Bamfumu 21:1-6, 16.

   Mambo ka o kyafwainwa kwambiwa amba Manase ye wajinga mfumu wakijilemo kutama pa bamfumu bonse balamine mu Yelusalema? (2 Moba 33:4-6, 9)

Jishimikila 73

Mfumu Wawama wa Bena Isalela Wapeleleko

1. Yosiya wajinga na myaka inga byo aikele ke mfumu, kabiji watendekele kuba ka byo afikizhe myaka itanu na ibiji pa bufumu?

2. Yosiya ubena kuba ka pa kipikichala kitanshi?

3. Ñanga mukatampe wataine ka kimye bantu kyo bawamishishenga nzubo ya Lesa?

4. Mambo ka Yosiya kyo atabawijile bivwalo byanji?

5. Ñanyi byambo kufuma kwi Yehoba ngauzhi wa mukazhi aye Hulada byo abujile Yosiya?

Mepuzho akwabo:

1. Tanga 2 Byambo bya Moba 34:1-28.

   1. Kya kumwenako ka Yosiya kyo ashile ku bakyanyike bakonsha kupita mu makatazho? (2 Moba 33:21-25; 34:1, 2; Sala. 27:10)

   2. Bintu ka byanema Yosiya byo aubile pa kuba’mba atwale bupopweshi bwa kine palutwe mu myaka 18 ya bukalama bwanji? (2 Moba 34:3, 8)

   3. Lufunjisho ka lo twafwainwa kufunjilako pa kulama bulongo mapunzha a kupwilapo kwesakana na bya kumwenako bitushijile Mfumu Yosiya ne Hilikiya Ñanga Mukatampe? (2 Moba 34:9-13; Maana. 11:14; 1 Ko. 10:31)

Jishimikila 74

Muntu Wabujile Kuchina

1. Nga awe mwanamulume uji pa kipikichala ñanyi?

2. Yelemiya walangulukilenga’mba ka pa kwikala ngauzhi, bino Yehoba wamubujile’mba ka?

3. Byambo ka Yelemiya byo atwajijile na kubula bantu?

4. Bañanga baesekele byepi kulekesha Yelemiya, bino aye waubile byepi pa kwibamwesha’mba kechi wachiine ne?

5. Ki ka kyamwekejile bena Isalela byo babujile kuleka byubilo byabo byatama?

Mepuzho akwabo:

1. Tanga Yelemiya 1:1-8.

   1. Kwesakana na kya kumwenako kya kwa Yelemiya, ki ka kimwesha’mba muntu wafikilamo kwingila mwingilo wa Yehoba? (2 Ko. 3:5, 6)

   2. Kya kumwenako kya kwa Yelemiya kitundaika byepi bena Kilishitu bakyanyike lelo jino? (Sapwi. 12:1; 1 Timo. 4:12)

2. Tanga Yelemiya 10:1-5.

   Kya kumwenako ka kyawama kyaingijishe Yelemiya pa kumwesha’mba kyatama bingi kuketekela bankishi? (Yele. 10:5; Isa. 46:7; Ha. 2:19)

3. Tanga Yelemiya 26:1-16.

   1. Pa kupana byambo bya lujimuno lelo jino, bashingwa bashalapo balondela byepi mukambizho wa Yehoba ye apaine kwi Yelemiya wa kuba’mba: “Kushapo nangwa kyambo kimotu ne”? (Yele. 26:2; Mpitu. 4:2; Byu. 20:27)

   2. Kya kumwenako ka kyawama Yelemiya kyo ashijile Bakamonyi ba kwa Yehoba pa kupana lujimuno ku bantu bonse mu ano moba? (Yele. 26:8, 12, 14, 15; 2 Timo. 4:1-5)

4. Tanga 2 Bamfumu 24:1-17.

   Bintu ka byatama byafuminemo bena Yuda byo babujile bukishinka kwi Yehoba? (2 Mfu. 24:2-4, 14)

Jishimikila 75

Bansongwalume Bana mu Babilona

1. Nga abe bansongwalume bana baji pa kikye kipikichala bañanyi, kabiji mambo ka o baikejile mu muzhi wa Babilona?

2. Nebukaneza wanengezhezhenga ka pa babe bansongwalume bana, kabiji wakambizhe bakalume banji kuba ka?

3. Danyela walombele ka kutazha kwi aye mwine ne balunda nanji basatu pa mambo a bya kuja ne bya kutomas?

4. Panyuma ya kuja bishu pa moba jikumi, Danyela ne balunda nanji basatu bamwekelenga byepi byo bebesakenye pamo na bansongwalume bakwabo?

5. Danyela ne balunda nanji basatu baishile byepi ku kipango kya mfumu, kabiji mu ñanyi jishinda mo bakijile bañanga ne bantu ba maana?

Mepuzho akwabo:

1. Tanga Danyela 1:1-21.

   1. Bulume bwa mutundu ka bwakonsha kwitukwasha kushinda meseko ne bukoke bwetu? (Da. 1:8; Nte. 39:7, 10; Nga. 6:9)

   2. Mu ñanyi mashinda bakyanyike lelo jino mo bakonsha kwibongwela nangwa kwibakanjikizha bintu bimona bamo amba ko “kajo kawama”? (Da. 1:8; Maana. 20:1; 2 Ko. 6:17-7:1)

   3. Jishimikila ja mu Baibolo ja banyike Bahebelu bana jitukwasha byepi kumwesha lusanchilo kutazha ku kufunda maana a ino ntanda? (Da. 1:20; Isa. 54:13; 1 Ko. 3:18-20)

Jishimikila 76

Yelusalema Waonawinwe

1. Kwesakana na kikye kipikichala, ki ka kyamwekanyikile ku muzhi wa Yelusalema ne ku bena Isalela?

2. Ezikyo wajinga ñanyi, kabiji bintu ka bya kukumya Yehoba byo amumwesheshe?

3. Na mambo a kuba’mba bena Isalela kechi bajinga na munema wa kunemeka Yehoba ne, wibalayile’mba ka?

4. Mfumu Nebukaneza waubile ka bena Isalela byo bamusatukijile?

5. Mambo ka Yehoba kyo aswishishe kuno konaunwa kukatampe kubiwa ku bena Isalela?

6. Ntanda ya bena Isalela yashajile byepi ke masala, kabiji pa myaka inga?

Mepuzho akwabo:

1. Tanga 2 Bamfumu 25:1-26.

   1. Zedekiya wajinga ñanyi, ki ka kyamumwekejile, kabiji kino kyafikizhe byepi bungauzhi bwa mu Baibolo? (2 Mfu. 25:5-7; Ezi. 12:13-15)

   2. Yehoba wapelemo ñanyi mambo pa bubi bonse bwaubile bena Isalela? (2 Mfu. 25:9, 11, 12, 18, 19; 2 Moba. 36:14, 17)

2. Tanga Ezikyo 8:1-18.

   Kilishitendomu ubena kulondela byepi bena Isalela basatukile ne kutatula kupopwela juba? (Ezi. 8:16; Isa. 5:20, 21; Yoa. 3:19-21; 2 Timo. 4:3)

Jishimikila 77

Kechi Bafukamine Panshi Ne

1. Nebukaneza mfumu wa Babilona wakambizhe bantu kuba ka?

2. Mambo ka balunda nanji Danyela basatu kyo babujijile kufukamina lukipashañano wa ngolode?

3. Nebukaneza byo apele Bahebelu basatu lūsa lwa kufukama jikwabo, bamwesheshe byepi amba baketekejile mwi Yehoba?

4. Nebukaneza wakambizhe bantu banji kuba ka kwi ba Shadalaka, Meshaka ne Abedenego?

5. Nebukaneza wamwene ka byo atajile mu kintengwa?

6. Mambo ka mfumu kyo atumbijikile Lesa wa ba Shadalaka, Meshaka ne Abedenego, kabiji kya kumwenako ka kyo betushila?

Mepuzho akwabo:

1. Tanga Danyela 3:1-30.

   1. Byubilo ka byamwesheshepo bansongwalume basatu Bahebelu byafwainwa bakalume ba Lesa bonse kulonda umvwe ke bapite mu makatazho abena kweseka bukishinka bwabo? (Da. 3:17, 18; Mat. 10:28; Loma 14:7, 8)

   2. Lufunjisho ka lwanema Yehoba Lesa lo afunjishe Nebukaneza? (Da. 3:28, 29; 4:34, 35)

Jishimikila 78

Kuboko Kwanembelenga pa Lubumbu

1. Ki ka kyamwekele kimye mfumu wa ku Babilona byo ajinga na kijiilo kikatampe ne kwingijisha makapu ne michiba yafumine ku nzubo ya Lesa ku Yelusalema?

2. Beleshaza waambile’mba ka ku bantu banji ba maana, bino ki ka kyo bakankelwe kuba?

3. Bansemi babakazhi babujile mfumu kuba ka?

4. Kwesakana na Danyela byo abujile mfumu, mambo ka Lesa kyo atumijile kuboko kunemba pa lubumbu?

5. Danyela walumbulwile byepi byambo byanembelwe pa lubumbu?

6. Ki ka kyamwekele Danyela byo akyambilenga?

Mepuzho akwabo:

1. Tanga Danyela 5:1-31.

   1. Lupusano ka luji pa moyo wa kwakamwa Lesa ne moyo waumvwine Beleshaza kimye kyo amwene kuboko na kunemba pa lubumbu? (Da. 5:6, 7; Sala. 19:9; Loma 8:35-39)

   2. Danyela wamwesheshe byepi kuchinchika kukatampe kimye kyo esambilenga na Beleshaza ne babinemanga banji? (Da. 5:17, 18, 22, 26-28; Byu. 4:29)

   3. Mu ñanyi jishinda kitango 5 kya mu buku wa Danyela mo kilumbulwila buneme bwa bumfumu bwa Yehoba bwa pa bilengwa byonse? (Da. 4:17, 25; 5:21)

Jishimikila 79

Danyela mu Jiyengo na Mabokwe

1. Daliusa wajinga ñanyi, kabiji wa mumonanga byepi Danyela?

2. Bantu bakichima balengejile Daliusa kuba byepi?

3. Danyela waubile byepi byo ayukile’mba kwalengwa muzhilo mupya?

4. Mambo ka Daliusa kyo azhingijile ne kutoñama bufuku bonse, kabiji waubilepo byepi juba jalondejilepo?

5. Danyela wamukumbwile’mba ka Daliusa?

6. Ki ka kyamwekejile bantu batama bakebelenga kwipaya Danyela, kabiji Daliusa wanembele byambo ka ku bantu ba mu bufumu bwanji?

Mepuzho akwabo:

1. Tanga Danyela 6:1-28.

   1. Lunengezho lwa kwipaya Danyela lwituvululako ka ku balwanyi byo beseka kuzhiisha mwingilo wingijiwa na Bakamonyi ba kwa Yehoba ba mu ano moba? (Da. 6:7; Sala. 94:20; Isa. 10:1; Loma 8:31)

   2. Nga bakalume ba Yehoba ba mu ano moba balonda byepi Danyela mu kunekenena “bakulumpe balama kyalo”? (Da. 6:5, 10; Loma 13:1; Byu. 5:29)

   3. Twakonsha kulonda byepi kya kumwenako kya kwa Danyela kya kwingijila Yehoba “moba onse”? (Da. 6:16, 20; Fili. 3:16; Lum. 7:15)

Jishimikila 80

Bantu ba Lesa Bafumine mu Babilona

1. Kwesakana na byo kyamweshiwa pa kipikichala, bena Isalela baubilenga ka?

2. Kilusa wafikizhe byepi bungauzhi bwa Yehoba kupichila mwi Isaya?

3. Kilusa wabujile bena Isalela bakankelwe kubwela ku Yelusalema amba ka?

4. Bintu ka Kilusa byo apele bena Isalela kubwezha ku Yelusalema?

5. Bena Isalela baendele moba anga pa kuba’mba bafike ku Yelusalema?

6. Papichile myaka inga ntanda yabo byo yashajiletu kwa kubula bantu?

Mepuzho akwabo:

1. Tanga Isaya 44:28 ne 45:1-4.

   1. Yehoba waambilepo byepi pa kufikizhiwa kwa bungauzhi bwaambilenga pe Kilusa? (Isa. 55:10, 11; Loma 4:17)

   2. Bungauzhi bwa kwa Isaya bwaambilenga pe Kilusa bumwesha byepi bulume bwa Yehoba bwa kwambila jimo bintu bikamweka kulutwe na lwendo? (Isa. 42:9; 45:21; 46:10, 11; 2 Pe. 1:20)

2. Tanga Ezela 1:1-11.

   Umvwe twalonda kya kumwenako kya boba bakankelwe kubwela ku Yelusalema, nga atweba lelo jino twakonsha ‘kukwasha’ byepi boba bakeba kutendeka mwingilo wa kimye kyonse? (Eze. 1:4, 6; Loma 12:13; Kolo. 4:12)

Jishimikila 81

Kuketekela mu Bukwasho bwa Lesa

1. Bantu banga baendele lwendo lwalepa kufuma ku Babilona kuya ku Yelusalema, kabiji bataine ka byo bafikile?

2. Bena Isalela batendekele kushimika ka byo bafikile, bino balwanyi babo baubile byepi?

3. Nanchi Hagai ne Zekaliya bo bañanyi, kabiji byambo ka byo baambijile bantu?

4. Mambo ka Tatenai kyo atumijile nkalata ku Babilona, kabiji bamukumbwile’mba ka?

5. Ezela waubile byepi byo ayukile’mba kwajinga nkebelo ya kushimika nzubo ya Lesa?

6. Ezela walombelenga ka pa kikye kipikichala, lulombelo lwanji lwakumbwilwe byepi, kabiji tufunjilako ka ku kino?

Mepuzho akwabo:

1. Tanga Ezela 3:1-13.

   Umvwe twaya ku mpunzha kwabula kipwilo kya bantu ba Lesa, twafwainwa kutwajijila kuba ka? (Eze. 3:3, 6; Byu. 17:16, 17; Hebe. 13:15)

2. Tanga Ezela 4:1-7.

   Kya kumwenako ka Zelubabele kyo ashijile bantu ba Yehoba pa mambo a kupajika lwitabilo? (Lupu. 34:12; 1 Ko. 15:33; 2 Ko. 6:14-17)

3. Tanga Ezela 5:1-5, 17, 17 ne 6:1-22.

   1. Mambo ka balwanyi o bakankejilwe kulekesha mwingilo wa kushimika nzubo ya Lesa? (Eze. 5:5; Isa. 54:17)

   2. Byubilo bya bakulumpe ba Bayudea bitundaika byepi bakulumpe ba bwina Kilishitu kukeba lutangijilo lwa Yehoba mu kimye kya kutalañana na bakajimbuluzhi? (Eze. 6:14; Sala. 32:8; Loma 8:31; Yako. 1:5)

4. Tanga Ezela 8:21-23, 28-36.

   Saka tukyangye kuba kintu kiji kyonse, kya kumwenako ka kya kwa Ezela kyawama kulonda? (Eze. 8:23; Sala. 127:1; Mana. 10:22; Yako. 4:13-15)

Jishimikila 82

Modekai ne Eshita

1. Ba Modekai ne Eshita bajinga bañanyi?

2. Mambo ka Mfumu Ahaselusa kyo akebejilenga kusongola mwanamukazhi mukwabo, kabiji ñanyi ye asongwele?

3. amane wajinga ñanyi, kabiji ki ka kyo azhingijile?

4. Muzhilo ka walengelwe, kabiji Eshita waubilepo byepi byo atambwijile muluwe kufuma kwi Modekai?

5. Ki ka kyamwekejile Hamane ne Modekai?

6. Bena Isalela bapulukile byepi ku balwanyi babo?

Mepuzho akwabo:

1. Tanga Eshita 2:12-18.

   Eshita wamwesheshe byepi buneme bwa kwikala na “muchima wa bukimote ne wazhindama”? (Esh. 2:15; 1 Pe. 3:1-5)

2. Tanga Eshita 4:1-17.

   Byonka Eshita byo bamupele jishuko ja kwikalamo na lubaji mu mpopwelo ya kine, nga atweba jishuko ka jo betupa mu ano moba ja kumwesheshamo munema ne bukishinka kwi Yehoba? (Esh. 4:13, 14; Mat. 5:14-16; 24:14)

3. Tanga Eshita 7:1-6.

   Nga bantu ba Lesa lelo jino babena kupita byepi mu bizumba bya kumanyikwa byonka byo kyajinga kwi Eshita? (Esh. 7:4; Mat. 10:16-22; 1 Pe. 2:12)

Jishimikila 83

Nsakwa ya Yelusalema

1. Bena Isalela beumvwanga byepi muzhi wabo wa Yelusalema byo abujile kuzhokolokwa na nsakwa?

2. Nehemiya wajinga ñanyi?

3. Nehemiya waingilanga mwingilo ka, kabiji awe mwingilo wanemejile ka?

4. Byambo ka byalengejile Nehemiya kumvwa bulanda, kabiji waubilepo byepi?

5. Mfumu Atazakeshi waubijile byepi Nehemiya lusa?

6. Nehemiya wanengezhezhe byepi mwingilo wanji wa buntungi pa kuba’mba balwanyi ba bena Isalela baleke kwibakatazha?

Mepuzho akwabo:

1. Tanga Nehemiya 1:4-6 ne 2:1-20.

   Nehemiya wakebele byepi lutangijilo lwa Yehoba? (Ne. 2:4, 5; Loma 12:12; 1 Pe. 4:7)

2. Tanga Nehemiya 3:3-5.

   Bakulumpe ne bankwasho mu kipwilo bakonsha kufunjilako ka ku lupusano lwajinga pakachi ka bena Tekoa ne “babineme babo”? (Ne. 3:5, 27; 2 Tesa. 3:7-10; 1 Pe. 5:5)

3. Tanga Nehemiya 4:1-23.

   1. Ki ka kyatundaikile bena Isalela kutwajijila mwingilo wa kushimika nangwa kya kuba bebakatazhizhenga bingi? (Ne. 4:6, 8, 9; Sala. 50:15; Isa. 65:13, 14)

   2. Mu ñanyi jishinda kya kumwenako kya bena Isalela mo kitutundaikila lelo jino?

4. Tanga Nehemiya 6:15.

   Byo kiji kuba’mba nsakwa ya Yelusalema yapwile kushimikwa mu bañondotu babiji, kimwesha ka kutazha ku lwitabilo lukatampe? (Sala. 56:3, 4; Mat. 17:20; 19:26)

Jishimikila 84

Malaika Waishile kwi Maliya

1. Nga awe mwanamukazhi uji pa kipikichala ñanyi?

2. Ngabaliela wabujile Maliya amba ka?

3. Ngabaliela wamulumbulwijile byepi Maliya amba ukekala na mwana nangwa kya kuba kechi wakisambakenepo na mwanamulume ne?

4. Ki ka kyamwekele kimye Maliya kyo afwakashijile Elisabeta mulongo wanji?

5. Yosefwa walangulukile kuba ka byo ayukile’mba Maliya wajinga pepi kwikala na mwana, bino mambo ka kyo apimpwijile milanguluko yanji?

Mepuzho akwabo:

1. Tanga Luka 1:26-56.

   1. Luka 1:35 umwesha byepi bumbulwakoloka bwa kwa Adama bwajinga mu jike ja lusemo ja kwa Maliya kimye bumi bwa Mwana Lesa kyo bwatuntulwijilwe mwi aye kufuma mwiulu? (Hagai 2:11-13; Yoa. 6:69; Hebe. 7:26; 10:5)

   2. Yesu bamunemekele byepi saka akyangye kusemwa? (Luka 1:41-43)

   3. Kya kumwenako ka kyawama Maliya kyo ashijile bena Kilishitu ba mu ano moba bo bapa mingilo iikajila? (Luka 1:38, 46-49; 17:10; Maana. 11:2)

2. Tanga Mateo 1:18-25.

   Nangwa kya kuba Yesu kechi bamutumbile jizhina ja Emanuele ne, nanchi mwingilo ye aingijile mu bumuntu wafikizhe byepi mwayila jino jizhina? (Mat. 1:22, 23; Yoa. 14:8-10; Hebe. 1:1-3)

Jishimikila 85

Yesu Wasemekejilwe mu Kipaka

1. Nga awe mwana uji pa kikye kipikichala ñanyi, kabiji Maliya wamulajikile mu ka?

2. Mambo ka Yesu kyo asemekejilwe mu kipaka kya banyama?

3. Nga abe banabalume babena kutwela mu kipaka pa kikye kipikichala bañanyi, kabiji malaika wibabujile’mba ka?

4. Mambo ka Yesu kyo anemena?

5. Mambo ka Yesu kyo atelelwa’mba Mwana Lesa?

Mepuzho akwabo:

1. Tanga Luka 2:1-20.

   1. Mwingilo ka waingijile Kesala Augusatusa wa kufikizhiwa kwa bungauzhi bwa kusemwa kwa Yesu? (Luka 2:1-4; Mika 5:2)

   2. Muntu wakonsha kwikala byepi pa boba batelwa’mba ‘bantu ba byubilo byawama’? (Luka 2:10, 11; Efi. 3:8, 9; Lum. 11:15; 14:6)

   3. Umvwe aba Bayudea bakafunga bekepeshe ne kusangalala na mambo a kusemwa kwa Mupulushi, nanchi kishinka ka bakalume ba Lesa ba mu ano moba kyo bafwainwa kusangalela? (Luka 2:10, 11; Efi. 3:8, 9; Lum. 11:15; 14:6)

Jishimikila 86

Banabalume Batangijilwe na Kabangabanga

1. Nga abe banabalume baji pa kipikichala bañanyi, kabiji mambo ka umo kyo abena kutongwela munwe ku kabangabanga kakema

2. Mambo ka Mfumu Heloda kyo azhingijile, kabiji waubilepo byepi?

3. Kabangabanga kakema katangijile banabalume kwepi, pano mambo ka kyo babwelejilemo kwabo kwingijisha jishinda jingi?

4. Heloda wapaine ñanyi mukambizho, kabiji mambo ka?

5. Yehoba waambijile Yosefwa kuba ka?

6. Ñanyi walengejile kabangabanga kukema, kabiji mambo ka?

Bwipuzho bukwabo:

1. Tanga Mateo 2:1-23.

   Yesu waikele moba anga kabiji waikelenga kwepi kimye kyo bamufwakashijile ku ba maana bakumusela? (Mat. 2:1, 11, 16)

Jishimikila 87

Yesu Saka Akiji Mwanyike mu Nzubo ya Lesa

1. Yesu wajinga na myaka inga pa kikye kipikichala, kabiji kwepi ko ajinga?

2. Yosefwa ne kisemi kyanji baubanga ka pa mwaka pa mwaka?

3. Byo papichile juba jimo kimye kyo bailenga ku nzubo, mambo ka Yosefwa ne Maliya kyo babwelejilemo ku Yelusalema?

4. Kwepi Yosefwa ne Maliya ko bamutaine Yesu, kabiji mambo ka bantu kyo bakuminye?

5. Yesu waambile’mba ka ku bainanji, ba Maliya?

6. Twafwainwa kwikala byepi nobe Yesu pa kufunda pe Lesa??

Mepuzho akwabo:

1. Tanga Luka 2:41-52.

   1. Nangwa muzhilo waji wa kuba’mba kanatu banabalume bonka bo bafwainwe kutanwa ku kijiilo kya pa mwaka, kya kumwenako ka kyawama kyamwesheshe Yosefwa ne Maliya ku bansemi ba ano moba? (Luka 2:41; Mpitu. 16:16; 31:12; Maana. 22:6)

   2. Yesu Kilishitu wamwesheshe byepi kya kumwenako kyawama ku bakyanyike ba ano moba byo bafwainwa kukokela bansemi babo? (Luka 2:51; Mpitu. 5:16; Maana. 23:22; Kolo. 3:20)

2. Tanga Mateo 13:53-56.

   Bañanyi balongo bana ba kwa Yesu batongolwa mu Baibolo, kabiji palutwe kacheche babiji baingijishiwe byepi mu kipwilo kya bwina Kilishitu? (Mat. 13:55; Byu. 12:17; 15:6, 13; 21:18; Nga. 1:19; Yako. 1:1; Yuda 1)

Jishimikila 88

Yoano Wabatizhe Yesu

1. Nga abo bantu babiji baji pa kipikichala bañanyi?

2. Nanchi muntu bamubatizha byepi?

3. Yoano wabatizhanga bantu ba mutundu ka?

4. Kishinka ka kyalengejile Yesu kwambila Yoano amba amubatizhe?

5. Lesa wamwesheshe byepi amba wasekelamo Yesu byo abatizwe?

6. Ki ka kyamumwekejile Yesu byo ayile bunke mungye pa moba 40?

7. Bañanyi bajinga baana ba bwanga batanshi ba kwa Yesu, kabiji kya kukumya ka kitanshi kyo aubile?

Mepuzho akwabo:

1. Tanga Mateo 3:13-17.

   Kya kumwenako ka kyashile Yesu pa mambo a kubatizhiwa kwa baana banji ba bwanga? (Sala. 40:7, 8; Mat. 28:19, 20; Luka 3:21, 22)

2. Tanga Mateo 4:1-11.

   Nanchi Yesu byo aingijishanga bulongo Binembelo kyakonsha kwitutundaika byepi kutanganga Baibolo kimye kyonse? (Mat. 4:5-7; 2 Pe. 3:17, 18; 1 Yoa. 4:1)

3. Tanga Yoano 1:29-51.

   Kwi ñanyi Yoano Mubatishi ko atumine baana banji ba bwanga, kabiji twakonsha ku mulonda byepi lelo jino? (Yoa. 1:29, 35, 36; 3:30; Mat. 23:10)

4. Tanga Yoano 2:1-12.

   Nanchi kya kukumya kitanshi kyaubile Yesu kimwesha byepi amba Yehoba kechi ufya bintu byonse byawama ku bakalume banji ne? (Yoa. 2:9, 10; Sala. 84:11; Yako. 1:17)

Jishimikila 89

Yesu Watokesheshe mu Nzubo ya Lesa

1. Mambo ka banyama kyo bebapotesheshenga pa nzubo ya Lesa?

2. Ki ka kyalengejile Yesu kuba bukaji?

3. Kwesakana na byo ubena kumona pa kipikichala, nanchi Yesu waubilenga ka papo, kabiji nga abo banabalume bapoteshenga bankunda wibakambizhe’mba ka?

4. Pa kumona byaubilenga Yesu, baana ba bwanga bavulukile ka?

5. Nkambi ka mwapichile Yesu kimye kyo abwelelenga ku Ngalilea?

Bwipuzho bukwabo:

1. Tanga Yoano 2:13-25.

   Inge twaamba’mba tumone byazhingijile Yesu na mambo a boba baubilenga busulu mu nzubo ya Lesa, nanchi mweno ka yafwainwa pa mambo a busulu mu Nzubo ya Bufumu? (Yoa. 2:15, 16; 1 Ko. 10:24, 31-33)

Jishimikila 90

Byo Ajinga na Mwanamukazhi ku Mushima

1. Mambo ka Yesu kyo aimenejile ku mushima mu Samaliya, kabiji waambilenga ka ku mwanamukazhi?

2. Mambo ka mwanamukazhi kyo akumishe, byambo ka Yesu byo aambile kwi aye, kabiji mambo ka?

3. Mema a mutundu ka mwanamukazhi o alangulukilenga’mba Yesu o aambilengapo, kabiji alumbulwilenga ka?

4. Mambo ka mwanamukazhi kyo akuminye’mba bamuyuka kwi Yesu, kabiji wamuyukile byepi?

5. Lufunjisho ka lo twakonsha kufunjilako ku jishimikila ja mwanamukazhi ku mushima?

Mepuzho akwabo:

1. Tanga Yoano 4:5-43.

   1. Umvwe twalondela kya kumwenako kya kwa Yesu, byubilo ka byo twakonsha kumwesha ku bantu bamishobo nangwa baji na nkomeno yapusana pusana? (Yoa. 4:9; 1 Ko. 9:22; 1 Timo. 2:3, 4; Titu. 2:11)

   2. Mapesho ka ekala na muntu waikala ke mwana wa bwanga wa kwa Yesu? (Yoa. 4:14; Isa. 58:11; 2 Ko. 4:1)

   3. Twakonsha kumwesha byepi lusanchilo nobe mwanamukazhi mwina Samaliya, ao wakebeshe kubulako bakwabo bintu byo afunjile? (Yoa. 4:7, 28; Mat. 6:33; Luka 10:40-42)

Jishimikila 91

Yesu byo Afunjishishe ku Mutumba

1. Pa kikye kipikichala, kwepi kwafunjishishenga Yesu, kabiji bañanyi baikala ku bwipi ne aye?

2. Nga batumwa jikumi na babiji mazhina abo bañanyi?

3. Bufumu ka bwasapwijilengapo Yesu?

4. Yesu wafunjishishe bantu kulombelela ka?

5. Yesu waambilepo’mba ka pa bantu byo bafwainwa kumvwañananga?

Mepuzho akwabo:

1. Tanga Mateo 5:1-12.

   Mashinda ka o twakonsha kumwesheshamo’mba twata muchima ku bintu bya ku mupashi? (Mat. 5:3; Loma 10:13-15; 1 Timo. 4:13, 15, 16)

2. Tanga Mateo 5:21-26.

   Nga Mateo 5:23, 24 waambapo’mba ka pa bulunda bwetu na balongo betu byo bwakwatankana na bulunda bwetu na Yehoba? (Mat. 6:14, 15; Sala. 133:1; Kolo. 3:13; 1 Yoa. 4:20)

3. Tanga Mateo 6:1-8.

   Mashinda ka amo a kwilundumikilamo bena Kilishitu o bafwainwa kuchinuzhuka? (Luka 18:11, 12; 1 Ko. 4:6, 7; 2 Ko. 9:7)

4. Tanga Mateo 6:25-34

   Yesu wafunjishe’mba ka pa ene mambo o twafwainwa kuketekela mwi Yehoba pa kukeba bintu bya ku mubiji? (Lupu. 16:4; Sala. 37:25; Fili. 4:6)

5. Tanga Mateo 7:1-11.

   Tufunjilako ka ku kishimpi kitanwa pa Mateo 7:5? (Maana. 26:12; Loma 2:1; 14:10; Yako. 4:11, 12)

Jishimikila 92

Yesu Wasangwile Bafu

1. Nga bashanji iwe mwanyike uji pa kipikichala bañanyi, kabiji mambo ka abo ne benakwabo kyo baikela na bulanda?

2. Nanchi Yelusa waubile byepi byo ataine Yesu?

3. Ki ka kyamwekele Yesu byo ailenga ku nzubo ya kwa Yelusa, kabiji mawi a mutundu ka o atambwijile byo akijinga pa lwendo?

4. Mambo ka bantu bajinga mu nzubo ya kwa Yelusa kyo bamusekejile Yesu?

5. Kimye batumwa basatu, bashanji ne bainanji uno kamwale byo bayile pamo ne Yesu mu kibamba kya kwa kamwale, Yesu waubile ka?

6. Ñanyi muntu mukwabo ye basangwile kwi Yesu kufuma ku bafu, kabiji kino kimwesha ka?

Mepuzho akwabo:

1. Tanga Luka 8:40-56.

   Yesu wamwesheshe byepi lusa ne kukokamuchima ku mwanamukazhi wajinga na kikola kya kupita mashi, kabiji bakulumpe ba bwina Kilishitu mu ano moba bafwainwa kufunjilako ka ku kino? (Luka 8:43, 44, 47, 48; Levi 15:25-27; Mat. 9:12, 13; Kolo. 3:12-14)

2. Tanga Luka 7:11-17.

   Mambo ka aba bafwisha batemwe babo kyo bataina lutekenesho mwi Yesu kwesakana na byo aubijile mwanamukazhi wafwijilwe wa ku Naina? (Luka 7:13; 2 Ko. 1:3, 4; Hebe. 4:15)

3. Tanga Yoano 11:17-44.

   Yesu wamwesheshe byepi amba kijitu bulongo kujila umvwe twafwisha mutemwe? (Yoa. 11:33-36, 38; 2 Sam. 18:33; 19:1-4)

Jishimikila 93

Yesu Wajishishe Bantu Bavula

1. Kintu ka kyatama kyamwekejile Yoano Mubatizhi, kabiji kyalengejile Yesu kwiumvwa byepi?

2. Yesu wajishishe byepi mabumba a bantu a mulondejilenga, kabiji miseke inga ya kajo yashajilepo?

3. Mambo ka baana ba bwanga o baumvwijile moyo kimye kya bufuku, kabiji ki ka kyamwekejile Petelo?

4. Yesu wajishishe byepi mabumba a bantu mu kimye kya bubiji?

5. Mambo ka o kikawamina umvwe Yesu Mfumu wa Lesa akekale ke kalama panopantanda?

Mepuzho akwabo:

1. Tanga Mateo 14:1-32.

   1. Jishimikila jiji mu Mateo 14:23-32 jimwesha byepi bumuntu bwa kwa Petelo?

   2. Binembelo bimwesha byepi amba Petelo wakomene mu maana ne kuleka kwikala na muchima wa kanswatu? (Mat. 14:27-30; Yoa. 18:10; 21:7; Byu. 2:14, 37-40; 1 Pe. 5:6, 10)

2. Tanga Mateo 15:29-38.

   Yesu wamwesheshe byepi munema pa bya kuja byafumine kwi Shanji? (Mat. 15:37; Yoa. 6:12; Kolo. 3:15)

3. Tanga Yoano 6:1-21.

   Bena Kilishitu mu ano moba bakonsha kulondela byepi kya kumwenako kya kwa Yesu Kilishitu kya kunemeka kafulumende? (Yoa. 6:15; Mat. 22:21; Loma 12:2; 13:1-4)

Jishimikila 94

Watemenwe Baana ba Bacheche

1. Nanchi batumwa bepachikilenga ka kimye kyo babwelelenga pa lwendo lwalepa?

2. Mambo ka Yesu o aletejile mwana mucheche ne kumwimika kulutwe ya batumwa?

3. Mu ñanyi jishinda batumwa mo bafwainwe kufunjilako ne kwikala nobe banyike ba bacheche?

4. Byo papichile bañondo, Yesu wamwesheshe byepi amba watemenwe banyike ba bacheche?

Mepuzho akwabo:

1. Tanga Mateo 18:1-4.

   Mambo ka Yesu o aingijishanga bya kumwenako pa kufunjisha? (Mat. 13:34, 36; Mako 4:33, 34)

2. Tanga Mateo 19:13-15.

   Byubilo ka biji na baana ba bacheche byo twafwainwa kulonda pa kuba’mba tukekale na mapesho a mu bufumu? (Sala. 25:9; 138:6; 1 Ko. 14:20)

3. Tanga Mako 9:33-37.

   Yesu wafunjishe byepi baana banji ba bwanga pa mambo a kukeba kwikala pa bifulo bikatampe? (Mako 9:35; Mat. 20:25, 26; Nga. 6:3; Fili. 2:5-8)

4. Tanga Mako 10:13-16.

   Yesu wapelele byepi kumusolomoka, kabiji bakulumpe ba bwina Kilishitu bakonsha kufunjilako ka ku kya kumwenako kyanji? (Mako 6:30-34; Fili. 2:1-4; 1 Timo. 4:12)

Jishimikila 95

JIshinda jo Afunjishishengamo Yesu

1. Mepuzho ka muntu umo o aipwizhe Yesu, kabiji mambo ka?

2. Yesu jimo jimo waingijishanga ka pa kufunjisha, kabiji bintu ka byo twafunda kala pa Bayudea ne bena Samaliya?

3. Mu jishimikila jashimikizhe Yesu, ki ka kyamwekejile Muyudea wailenga mu jishinda jaya ku Yeliko?

4. Ki ka kyamwekele kimye ñanga Muyudea ne mwina Levi byo bapichilenga mu mukwakwa?

5. Pa kikye kipikichala, ñanyi ubena kukwasha Muyudea ye bakozha?

6. Yesu byo apwishishe kushimikizha jishimikila, bwipuzho ka bo aipwizhe, kabiji mwanamulume wakumbwile’mba ka?

Mepuzho akwabo:

1. Tanga Luka 10:25-37.

   1. Mu kifulo kya kupana mukumbu, Yesu wakwashishe byepi muntu wayukile mizhilo? (Luka 10:26; Mat. 16:13-16)

   2. Yesu waingijishe byepi bya kumwenako pa kuba’mba apwishe misalululo yajinga mu bantu bamutelekelenga? (Luka 10:36, 37; 18:9-14; Titu. 1:9)

Jishimikila 96

Yesu Wabukilenga Bakolelwenga

1. Yesu waubilenga ka kimye kyo apitañenenga mu ntanda?

2. Byo papichile myaka isatu kufuma kimye kyo abatizwe Yesu, bintu ka byo abujile batumwa banji?

3. Abe bantu baji pa kipikichala bañanyi, kabiji Yesu wamubijile ka mwanamukazhi?

4. Mambo ka mukumbu wa kwa Yesu kyo alengejile bantangi ba bupopweshi bamukainyenga kumvwa bumvu?

5. Kimye Yesu ne baana banji ba bwanga kyo bafikile kwipi na Yeliko, Yesu waubijile ka bampofu babiji balulombo?

6. Mambo ka Yesu kyo aubilanga byakukumya?

Mepuzho akwabo:

1. Tanga Mateo 15:30, 31.

   Bulume bwa Yehoba bwamweshiwe byepi kupichila mwi Yesu, kabiji kyakonsha kwitulengela kwiumvwa byepi pa mulaye wa kwa Yehoba wa ntanda ipya? (Sala. 37:29; Isa. 33:24)

2. Tanga Luka 13:10-17.

   Yesu byo aubile bya kukumya bikatampe pa juba ja Sabado, kimwesha byepi amba ukobila bantu bintu byawama mu kimye kya Bukalama bwanji bwa Myaka Kiumbi Kimo? (Luka 13:10-13; Sala. 46:9; Mat. 12:8; Kolo. 2:16, 17; Lum. 21:1-4)

3. Tanga Mateo 20:29-34.

   Aje jishimikila jimwesha byepi amba Yesu kechi wapayankene na bintu bikwabo kya kukankalwa kukwasha bantu ne, kabiji ki ka kyo twakonsha kufunjilako? (Mpitu. 15:7; Yako. 2:15, 16; 1 Yoa. 3:17)

JIshimikila 97

Yesu Waishile Nobe Mfumu

1. Yesu byo afikile pa muzhi mucheche kwipitu na Yelusalema, waambijile baana banji ba bwanga kuba ka?

2. Pa kikye kipikichala, ki ka kyamwekele Yesu byo afikile kwipi na muzhi wa Yelusalema?

3. Baana babacheche baubile byepi kimye kyo bamwene Yesu saka abena kubuka bampofu ne bantu balemana?

4. Yesu waambile’mba ka ku bañanga bazhingijile?

5. Twakonsha kwikala byepi nobe baana babacheche batumbijikile Yesu?

6. Baana ba bwanga bakebelenga kuyuka ka?

Mepuzho akwabo:

1. Tanga Mateo 21:1-17.

   1. Nanchi kutwela kwa kwa Yesu mu Yelusalema nobe Mfumu kwapusene byepi na byashinjilwe bakulumpe ba nzhita ya bena Loma? (Mat. 21:4, 5; Zeka. 9:9; Fili. 2:5-8; Kolo. 2:15)

   2. Bakyanyike bakonsha kufunjilako ka ku bakalombwana bena Isalela baambilenga byambo byanembwa mu Salamo 118 kimye Yesu kyo atwelelenga mu Nzubo ya Lesa? (Mat. 21:9, 15; Sala. 118:25, 26; 2 Timo. 3:15; 2 Pe. 3:18)

2. Tanga Yoano 12:12-16.

   Nanchi kilumbulula ka bantu byo baingijishe mapambo a bisonga kutumbijikilamo Yesu? (Yoa. 12:13; Fili. 2:10; Lum. 7:9, 10)

Jishimikila 98

Mutumba wa Olobeta

1. Yesu ye wepi pa kikye kipikichala, kabiji bañanyi bo aji nabo?

2. Bañanga baesekele kuba ka kwi Yesu mu nzubo ya Lesa, kabiji waambile’mba ka kwi abo?

3. Batumwa baipwizhe Yesu amba ka?

4. Mambo ka Yesu kyo abujile batumwa banji bintu bimo bikamwekananga panopantanda kimye kyo akekala ke Mfumu mwiulu?

5. Yesu waambile’mba ki ka kikamwekana panopantanda saka akyangye kufumyapo bubi bonse?

Mepuzho akwabo:

1. Tanga Mateo 23:1-39.

   1. Nangwa Binembelo bimwesha’mba kwingijisha mazhina a mushingi a ino ntanda kujitu bulongo, nga byambo bya kwa Yesu bitanwa pa Mateo 23:8-11 bimwesha ka kutazha ku kwingijisha mazhina a mushingi mu kipwilo kya bwina Kilishitu? (Byu. 26:25; Loma 13:7; 1 Pe. 2:13, 14)

   2. Bintu ka Bafaliseo byo baesekele kwingijisha pa kuba’mba bakanye bantu kwikala bena Kilishitu, kabiji nga ano moba bantangi ba bupopweshi babena kwingijisha byepi mashinda epashako? (Mat. 23:13; Luka 11:52; Yoa. 9:22; 12:42; 1 Tesa. 2:16)

2. Tanga Mateo 24:1-14.

   1. Buneme bwa kuchinchika bwaambiwapo byepi mu Mateo 24:13?

   2. Byambo bya kuba’mba “ku mpelo” bitanwa pa Mateo 24:13 bilumbulula ka? (Mat. 16:27; Loma 14:10-12; 2 Ko. 5:10)

3. Tanga Mako 13:3-10.

   Byambo ka bitanwa pa Mako 13:10 bimwesha’mba mambo awama abena kukebewa kusapwilwa bukiji bukiji, kabiji abye byambo bya kwa Yesu bitulengela kubapo ka? (Loma 13:11, 12; 1 Ko. 7:29-31; 2 Timo. 4:2)

Jishimikila 99

Mu Nzubo ya Peulu

1. Byonka byo kyamweshiwa pa kipikichala, mambo ka Yesu ne batumwa banji 12 kyo baikajile mu kibamba kikatampe kya nzubo ya peulu?

2. Nga awa muntu ubena kulupuka ñanyi, kabiji ubena kuya na kuba ka?

3. Kijiilo ka kiikajila kyatendekeshe Yesu panyuma ya kupwisha Kijiilo kya Lupitailo?

4. Kijiilo kya Lupitailo kyavulwilengako bena Isalela ka, kabiji kijiilo kiikajila kivululako ka baana ba bwanga ba kwa Yesu?

5. Panyuma ya Kijiilo kya Nkambo kya Mabanga, Yesu wabujile baana banji ba bwanga amba ka, kabiji baubile ka?

Mepuzho akwabo:

1. Tanga Mateo 26:14-30.

   1. Nga Mateo 26:15 umwesha byepi amba Yudasa waubijilemotu kya nshiji kusololamo Yesu?

   2. Mashi a kwa Yesu aichikile engila ñanyi nkebelo ibiji? (Mat. 26:27, 28; Yele. 31:31-33; Efi. 1:7; Hebe. 9:19, 20)

2. Tanga Luka 22:1-39.

   Mu ñanyi jishinda Satana mo aingijishe Yudasa? (Luka 22:3; Yoa. 13:2; Byu. 1:24, 25)

3. Tanga Yoano 13:1-20.

   1. Kwesakana na jishimikila jiji pa Yoano 13:2, nanchi Yudasa twakonsha kumupamo mambo pa byo aubile nyi, kabiji bakalume ba Lesa bakonsha kufundako ka ku kino? (Nte. 4:7; 2 Ko. 2:11; Nga. 6:1; Yako. 1:13, 14)

   2. Lufunjisho ka lwanema lwitushijile Yesu? (Yoa. 13:15; Mat. 23:11; 1 Pe. 2:21)

4. Tanga Yoano 17:1-26.

   Yesu watazhizhe mwepi pa kulombelelako baana banji ba bwanga kwikala “ke umo”? (Yoa. 17:11, 21-23; Loma 13:8; 14:19; Kolo. 3:14)

Jishimikila 100

Yesu byo Ajinga mu Bujimi

1. Yesu ne baana banji ba bwanga baile kwepi byo bafumine mu nzubo ya peulu, kabiji Yesu wibabujile kuba ka?

2. Yesu wataine ka byo abwelele kwajinga baana banji ba bwanga, kabiji kino kyaubiwe pa bimye binga?

3. Bañanyi baishile mu bujimi, kabiji Yudasa Isakaliota waubile ka, kwesakana na bibena kumwesha kipikichala?

4. Mambo ka Yudasa kyo amufyompejile Yesu, kabiji Petelo waubilepo ka?

5. Yesu waambile’mba ka kwi Petelo, pano ki ka Yesu kyo abujile kwambila Lesa amba atume bamalaika?

Mepuzho akwabo:

1. Tanga Mateo 26:36-56.

   1. Lujimuno Yesu lo ajimwineko baana banji ba bwanga lwaikala byepi kya kumwenako kyawama ku bakulumpe ba bwina Kilishitu? (Mat. 20:25-28; 26:40, 41; Nga. 5:17; Efi. 4:29, 31, 32)

   2. Mweno ya kwa Yesu yajinga byepi kutazha ku kwingijisha bilwilo ku mukwetu muntu? (Mat. 26:52; Luka 6:27, 28; Yoa. 18:36)

2. Tanga Luka 22:39-53.

   Malaika byo amwekele kwi Yesu mu bujimi bwa Ngesemani na kumukosesha, nanchi kino kyalumbulwile’mba Yesu wakokele mu lwitabilo lwanji nyi? Londolola. (Luka 22:41-43; Isa. 49:8; Mat. 4:10, 11; Hebe. 5:7)

3. Tanga Yoano 18:1-12.

   Yesu wapokolwele byepi baana banji ba bwanga ku balwanyi banji, kabiji twakonsha kufunjilako ka ku kino kya kumwenako? (Yoa. 10:11, 12; 18:1, 6-9; Hebe. 13:6; Yako. 2:25)

Jishimikila 101

Yesu Bamwipayile

1. Nanchi ñanyi walengejile kuba’mba Yesu afwe?

2. Batumwa baubile byepi Yesu byo bamusendele ku bantangi ba bupopweshi?

3. Ki ka kyamwekele ku nzubo ya kwa Kaifasa ñanga mukatampe?

4. Mambo ka Petelo kyo afumijilepo ne kutatula kujila?

5. Yesu byo bamuletele kwi Pilato, bañanga bakatampe babijikile’mba ka?

6. Ki ka kyamwekejile Yesu pa Kitanu na kimye kya mute, kabiji walayañene’mba ka na kapondo wajinga pa kichi ku bwipi ne aye?

7. Nga Paladisa waambilepo Yesu ukekela kwepi?

Mepuzho akwabo:

1. Tanga Mateo 26:57-75.

   Mambo ka ba mu kije kikatampe kya Bayudea o bemwesheshe’mba batama michima? (Mat. 26:59, 67, 68)

2. Tanga Mateo 27:1-50.

   Mambo ka o twafwainwa kwambila’mba bulanda bwaumvwine Yudasa kechi bwafumine panshi ya muchima ne? (Mat. 27:3, 4; Mako 3:29; 14:21; 2 Ko. 7:10, 11)

3. Tanga Luka 22:54-71.

   Lufunjisho ka lo twafwainwa kufunjilako kwi Petelo byo amukaine Yesu kimye kya bufuku kyo bamusolwelemo ne kumukwata? (Luka 22:60-62; Mat. 26:31-35; 1 Ko. 10:12)

4. Tanga Luka 23:1-49.

   HYesu waubile byepi pa buchibamambo bwatama bo bamubijile, kabiji twafwainwa kufunjilako ka ku kino? (Luka 23:33, 34; Loma 12:17-19; 1 Pe. 2:23)

5. Tanga Yoano 18:12-40.

   Kishinka ka kimwesha’mba nangwa kya kuba Petelo waikajile na moyo wa kuchina bantu pa kimye kicheche, moyo wapwile ne kubwela kwikala mutumwa wakosa? (Yoa. 18:25-27; 1 Ko. 4:2; 1 Pe. 3:14, 15; 5:8, 9)

6. Tanga Yoano 19:1-30.

   1. Yesu wajinga byepi na mweno yafwainwa ya bintu bya ku mubiji? (Yoa. 2:1, 2, 9, 10; 19:23, 24; Mat. 6:31, 32; 8:20)

   2. Byambo byaambile Yesu kwipi na kufwa bimwesha byepi amba watumbijikile bumfumu bwa Yehoba? (Yoa. 16:33; 19:30; 2 Pe. 3:14; 1 Yoa. 5:4)

Jishimikila 102

Yesu Wasangulwa

1. Awe mwanamukazhi uji pa kipikichala ñanyi, nga abe banabalume babiji bañanyi, kabiji kwepi ko baji?

2. Mambo ka Pilato kyo aambijile bañanga amba batume bashilikale ba kuya na kulama kilende kya kwa Yesu?

3. Malaika waubile ka ku manyanshi pa juba ja busatu Yesu saka afwa kala, kabiji bañanga baubilepo ka?

4. Mambo ka banabakazhi bamo kyo bakuminye kimye kyo baile ku kilende kya kwa Yesu

5. Mambo ka Petelo ne Yoano kyo bayijile ku kilende kya kwa Yesu, kabiji bataineko ka?

6. Ki ka kyamwekele ku mubiji wa kwa Yesu, pano bino waubilepo ka pa kuba’mba amweshe baana banji ba bwanga amba mumi?

Mepuzho akwabo:

1. Tangai Mateo 27:62-66 ne 28:1-15.

   Pa juba ja lusanguko lwa kwa Yesu, bañanga bakatampe, Bafaliseo ne bakulumpe balengele byepi mambo mupashi wazhila? (Mat. 12:24, 31, 32; 28:11-15)

2. Tanga Luka 24:1-12.

   Jishimikila ja lusanguko lwa kwa Yesu jimwesha byepi amba Yehoba wanemeka banabakazhi kwikala bakamonyi baketekelwa? (Luka 24:4, 9, 10; Mat. 28:1-7)

3. Tanga Yoano 20:1-12.

   Nanchi Yoano 20:8, 9 witukwasha byepi kwikala batekanya umvwe kechi twaumvwisha kufikizhiwa kwa bungauzhi bwa mu Baibolo ne? (Mana. 4:18; Mat. 17:22, 23; Luka 24:5-8; Yoa. 16:12)

Jishimikila 103

Byo Bajinga mu Kibamba Saka Bashinkako

1. Maliya waambile’mba ka ku mwanamulume ye alangukilenga’mba ye watalanga pa bujimi, pano ki ka kyamulengejile kuvulukamo’mba awe muntu wajinga Yesu kya kine?

2. Ki ka kyamwekejile baana ba bwanga babiji bayilenga ku muzhi wa ku Emasa?

3. Kintu ka kya kukumya kyamwekejile baana ba bwanga babiji kimye kyo babujilenga batumwa amba bamumona Yesu?

4. Bimye binga Yesu byo amwekele ku baana banji ba bwanga?

5. Tomashi waambile’mba ka byo aumvwine’mba baana ba bwanga bamumona Nkambo, pano ki ka kyamwekele byo papichile moba atanu na asatu?

Mepuzho akwabo:

1. Tanga Yoano 20:11-29.

   Nanchi pa Yoano 20:23 Yesu waambilenga’mba waswisha bantu kulekelañanako mambo nyi? Lumbulula. (Sala. 49:2, 7; Isa. 55:7; 1 Timo. 2:5, 6; 1 Yoa. 2:1, 2)

2. Tanga Luka 24:13-43.

   Twakonsha kunengezha byepi muchima wetu pa kuba’mba aswe bukine bwa mu Baibolo? (Luka 24:32, 33; Eze. 7:10; Mat. 5:3; Byu 16:14; Hebe. 5:11-14)

Jishimikila 104

Yesu Wabwelele Mwiulu

1. Baana ba bwanga banga bamumwene Yesu pa kimye kimo, kabiji bintu ka byo esambilenga nabo?

2. Bufumu bwa Lesa bo bu ka, kabiji bwikalo bukekala byepi panopantanda kimye Yesu kyo akekala ke Mfumu mu myaka kiumbi kimo?

3. Moba anga Yesu po amwekelenga ku baana banji ba bwanga, pano kimye kya kuba ka kyafikile?

4. Byo kwashajiletu pacheche kusha baana banji ba bwanga, Yesu wibabujile’mba bobe ka?

5. Ki ka kibena kumwekana pa kipikichala, kabiji Yesu walekele byepi kumwekana?

Mepuzho akwabo:

1. Tanga 1 Kolinda 15:3-8.

   Mambo ka mutumwa Paulo kyo aambijile na luketekelo pa lusanguko lwa kwa Yesu, kabiji bintu ka bena Kilishitu ba ano moba byo bafwainwa kwamba na luketekelo? (1 Ko. 15:4, 7, 8; Isa. 2:2, 3; Mat. 24:14; 2 Timo. 3:1-5)

2. Tanga Byubilo 1:1-11.

   Nanchi mwingilo wa busapwishi wakumbene byepi, kwesakana na byo kyaambijilwe jimo pa Byubilo bya Batumwa 1:8? (Byu. 6:7; 9:31; 11:19-21; Kolo. 1:23)

Jishimikila 105

Bapembejilenga mu Yelusalema

1. Kwesakana na bibena kumwesha kipikichala, ki ka kyamwekele ku baana ba bwanga ba kwa Yesu bapembejilenga mu Yelusalema?

2. Benyi baishile ku Yelusalema batambwijile ñanyi kintu kya kubula kuketekela?

3. Petelo walumbulwile ka ku bantu?

4. Bantu beumvwine byepi panyuma ya kuteleka kwi Petelo, kabiji wibabujile’mba bobe ka?

5. Bantu banga babatizwe pa juba ja Pentekosita mu 33 C.E.?

Mepuzho akwabo:

1. Tanga Byubilo 2:1-47.

   1. Byambo byaambile Petelo bitanwa mu Byubilo bya Batumwa 2:23, 36 bimwesha byepi amba Bayudea bonse bajingamo na lubaji mu lufu lwa kwa Yesu? (1 Tesa. 2:14, 15)

   2. Petelo witushijile byepi kya kumwenako kyawama kya kulumbulula Binembelo? (Byu. 2:16, 17, 29, 31, 36, 39; Kolo. 4:6)

   3. Petelo waingijishe byepi “bakii ba bufumu bwa mwiulu,” bo bamulayile kumupa kwi Yesu? (Byu. 2:14, 22-24, 37, 38; Mat. 16:19)

Jishimikila 106

Bebakasulwile mu Kaleya

1. Ki ka kyamwekejile Petelo ne Yoano byo batwelelenga mu nzubo ya Lesa na kimye kya mute?

2. Petelo waambile’mba ka ku mwanamulume walemene, kabiji Petelo wamupele kintu ka kyanema kukila mali?

3. Mambo ka bantangi ba bupopweshi kyo bazhingijile, kabiji baubile ka kwi Petelo ne Yoano?

4. Petelo waambile’mba ka ku bantangi ba bupopweshi, kabiji lujimuno ka lo bebapele?

5. Mambo ka bantangi ba bupopweshi o baumvwijile kichima, pano ki ka kyamwekele kimye batumwa kyo bebabikile ja bubiji mu kaleya?

6. Batumwa bakumbwile byepi byo bebechile mu kije kya Saniedilini?

Mepuzho akwabo:

1. Tanga Byubilo 3:1-10.

   Nangwa kya kuba’mba kechi betupa bulume bwa kuba bya kukumya ne, byambo bya kwa Petelo bitanwa pa Byubilo bya Batumwa 3:6 bitukwasha byepi kuyuka buneme bwa mambo a Bufumu? (Yoa. 17:3; 2 Ko. 5:18-20; Fili. 3:8)

2. Tanga Byubilo 4:1-31.

   Umvwe ke tutalañane na mikiika mu mwingilo, mu ñanyi jishinda mo twakonsha kulonda balongo betu ba bwina Kilishitu ba mu myaka kitota kitanshi? (Byu. 4:29, 31; Efi. 6:18-20; 1 Tesa. 2:2)

3. Tanga Byubilo 5:17-42.

   Bantu bamo babula Bakamonyi, kikale bakala nangwa ba mu ano moba, bamwesha byepi kukokamuchima ku mwingilo wa busapwishi? (Byu. 5:34-39)

Jishimikila 107

Setepena Bamwashile Mabwe

1. Setepena wajinga ñanyi, kabiji Lesa wa mukwashishenga kuba ka?

2. Byambo ka byaambile Setepena byalengejile bantangi ba bupopweshi kuzhingila?

3. Bantu byo bakulumwijile Setepena pangye ya muzhi, bamubile ka?

4. Awe mwanamulume uji pa kipikichala waimana kwipi na bivwalo ñanyi?

5. Setepena walombele’mba ka kwi Yehoba, saka akyangye kufwa

6. Pa kulonda kya kumwenako kya kwa Setepena, twafwainwa kuba byepi umvwe muntu wituba kintu kyatama?

Mepuzho akwabo:

1. Tanga Byubilo 6:8-15.

   Byubilo ka bya bujimbijimbi bantangi ba bupopweshi byo beseka kwingijisha pa kuba’mba balekeshe mwingilo wa kusapwila wa Bakamonyi ba kwa Yehoba? (Byu. 6:9, 11, 13)

2. Tanga Byubilo 7:1-60.

   1. Ki ka kyamukwashishe Setepena kulwila bulongo mambo awama byo ajinga mu kije kya Saniedilini, kabiji twakonsha kufunjilako ka ku kya kumwenako kyanji? (Byu. 7:51-53; Loma 15:4; 2 Timo. 3:14-17; 1 Pe. 3:15)

   2. Byubilo ka byo twakonsha kumwesha ku boba bakanya mwingilo wetu? (Byu. 7:58-60; Mat. 5:44; Luka 23:33, 34)

Jishimikila 108

Byo Bailenga mu Jishinda Jaya ku Damasakasa

1. Saulo waubile byepi Setepena byo bamwipaile?

2. Saulo byo ajinga mu jishinda ja kuya ku Damasakasa, kintu ka kya kukumya kyamwekele?

3. Yesu wabujile Saulo kuba ka?

4. Mikambizho ka Yesu yo apele Ananyasa, kabiji Saulo watendekele byepi kumona jibiji?

5. Saulo batendekele kumutela’mba ka, kabiji watendekele kwingila ñanyi mwingilo?

Mepuzho akwabo:

1. Tanga Byubilo 8:1-4.

   Nanchi kumanyikwa kwa kipwilo kya bwina Kilishitu kya katataka kwalengejile kusampanya byepi lwitabilo lwa bena Kilishitu, kabiji kintu ka kipashako kyamwekanyika mu ano moba etu a lelo? (Byu. 8:4; Isa. 54:17)

2. Tanga Byubilo 9:1-20.

   Ñanyi mwingilo mukatampe Yesu ye aambile kwi Saulo? (Byu. 9:15; 13:5; 26:1; 27:24; Loma 11:13)

3. Tanga Byubilo 22:6-16.

   Twakonsha kwikala byepi nobe Ananyasa, kabiji mambo ka kino o kyanemena? (Byu. 22:12; 1 Timo. 3:7; 1 Pe. 1:14-16; 2:12)

4. Tanga Byubilo 26:8-20.

   Nanchi Paulo byo aalukile ke mwina Kilishitu kyakonsha kutundaika byepi boba baji na bena kwabo babula mu lwitabilo? (Byu. 26:11; 1 Timo. 1:14-16; 2 Timo. 4:2; 1 Pe. 3:1-3)

Jishimikila 109

Petelo Wapempwile Koneleusa

1. Nga awe mwanamulume wafukama pa kipikichala ñanyi?

2. Malaika waambile’mba ka kwi Koneleusa?

3. Lesa walengejile Petelo kumona ka kimye kyo ajinga pa musemi wa nzubo ya kwa Shimona mu muzhi wa Yopa?

4. Mambo ka Petelo kyo aambijile Koneleusa amba kechi wafwainwe ku mufukamina ne ku mupopwela ne?

5. Mambo ka baana ba bwanga Bayudea bajinga ne Petelo kyo bakuminye?

6. Lufunjisho ka lwanema lo twafwainwa kufunjilako kwi Petelo byo afwakashijile Koneleusa??

Mepuzho akwabo:

1. Tanga Byubilo 10:1-48.

   Nanchi byambo byaambile Petelo bitanwa mu Byubilo bya Batumwa 10:42 bimwesha ka kutazha ku mwingilo wetu wa kusapwila mambo awama a Bufumu? (Mat. 28:19; Mako 13:10; Byu. 1:8)

2. Tanga Byubilo 11:1-18.

   Byubilo ka byamwesheshe Petelo kimye lutangijilo lwa Yehoba ku Bangetila kyo lwafikile, kabiji twakonsha kulonda byepi kya kumwenako kyanji? (Byu. 11:17, 18; 2 Ko. 10:5; Efi. 5:17)

Jishimikila 110

Timoti Waikele Nkwasho wa kwa Paulo

1. Awe mwanamulume wa kyanyike uji pa kipikichala ñanyi, waikalanga kwepi, kabiji bainanji ne bankambo yanji bajinga bañanyi mazhina?

2. Timoti waambile’mba ka kimye Paulo kyo amwipwizhe inge wakebelenga kwingijila pamo ne Silasa ne Paulo mu mwingilo wa kusapwila ku bantu baikalanga kwalepa?

3. Kwepi baana ba bwanga ba kwa Yesu ko batelelwe kimye kitanshi amba bena Kilishitu?

4. Paulo, Banabasa, ne Timoti byo bafumine mu Lisitila, bayile ku ñanyi mizhi imo?

5. Timoti wakwashishe byepi Paulo, kabiji mepuzho ka bakyanyike ba ano moba o bakonsha kwiipuzhanga abo bene?

Mepuzho akwabo:

1. Tanga Byubilo 9:19-30.

   Mutumwa Paulo waingijishe byepi maana kimye kyo apichilenga mu makatazho na mambo a kusapwila mambo awama? (Byu. 9:22-25, 29, 30; Mat. 10:16)

2. Tanga Byubilo 11:19-26.

   Nanchi byambo byanembwa mu Byubilo 11:19-21, 26 bimwesha byepi amba mupashi wa Yehoba ubena kutangijila mwingilo wa kusapwila?

3. Tanga Byubilo 13:13-16, 42-52.

   Nga Byubilo 13:51, 52 bimwesha byepi amba baana ba bwanga kechi balefwilwe na mambo a kwibamanyika ne? (Mat. 10:14; Byu. 18:6; 1 Pe. 4:14)

4. Tanga Byubilo 14:1-6, 19-28.

   Nanchi byambo bya kuba’mba “bebafikizhe kwi Nkambo” byakonsha kwitukwasha byepi kupwisha bijikila biji byonse kimye kyo tubena kukwasha bakatataka? (Byu. 14:21-23; 20:32; Yoa. 6:44)

5. Tanga Byubilo 16:1-5.

   Nanchi Timoti byo aswile kutwela mu mukanda kimwesha byepi buneme bwa kuba bintu “byonse na mambo a mambo awama.”? (Byu. 16:3; 1 Ko. 9:23; 1 Tesa. 2:8)

6. Tanga Byubilo 18:1-11, 18-22.

   Nanchi Byubilo bya Batumwa 18:9, 10 bimwesha byepi kutazha kwi Yesu byo evwangilemo mu kutangajila mwingilo wa kusapwila, kabiji akye kyakonsha kwitupa ñanyi luketekelo lelo jino? (Mat. 28:20)

Jishimikila 111

Nsongwalume Walaajile Tulo

1. Nga awe nsongwalume walaala pa kipikichala ñanyi, kabiji ki ka kyamumwekejile?

2. Paulo waubile byepi byo ayukile’mba nsongwalume wafwa?

3. Paulo, Timoti ne bakwabo mo baendejilenga bayilenga kwepi, kabiji ki ka kyamwekele byo bakokolokejile pa mpunzha itelwa’mba Miletusa?

4. Lujimuno ka ngauzhi Agabusa lo apele Paulo, kabiji ki ka kyamwekele kwesakana na byo aambile?

Mepuzho akwabo:

1. Tanga Byubilo 20:7-38.

   1. Kwesakana na byambo byaambile Paulo bitanwa pa Byubilo 20:26, 27, twakonsha kwikala byepi ‘babinga ku mashi a bantu bonse’? (Ezi. 33:8; Byu. 18:6, 7)

   2. Mambo ka bakulumpe o “bakwachisha ku mambo a kishinka” pa kufunjisha? (Byu. 20:17, 29, 30; Titu. 1:7-9; 2 Timo. 1:13)

2. Tanga Byubilo 26:24-32.

   Paulo waingijishe byepi bwina Loma bwanji pa kusapwila mambo awama o atambwile kufuma kwi Yesu? (Byu. 9:15; 16:37, 38; 25:11, 12; 26:32; Luka 21:12, 13)

Jishimikila 112

Bwato Bwalobejile pa Mema

1. Ki ka kyamwekele ku bwato bwajingamo Paulo byo bwapichilenga ku bwipi na jikuji ja Keleta?

2. Paulo waambile’mba ka ku bonse bajinga mu bwato?

3. Bwato bwalalaikile byepi mu bipimvwa?

4. Mukulumpe wa bashilikale wibakambizhe kuba ka, kabiji bantu banga bapulukile ne kuya ku kitulu mu mutende?

5. Jizhina ka ja jikuji po bafikijile, kabiji ki ka kyamwekejile Paulo byo kwakile bulongo?

Mepuzho akwabo:

1. Tanga Byubilo 27:1-44.

   uketekela mu bukine bwanembwa mu Baibolo kwitukosesha byepi umvwe twatanga jishimikila ja kwa Paulo byo aendele na bwato kuya ku Loma? (Byu. 27:16-19, 27-32; Luka 1:3; 2 Timo. 3:16, 17)

2. Tanga Byubilo 28:1-14.

   Umvwe bantu ba ku Melita babulanga kupopwela Lesa balamine mutumwa Paulo ne bakwabo mo balobejile na “lusa lukatampe,” bena Kilishitu bafwainwa kumwesha ka kabiji kikatakata mu ñanyi jishinda? (Byu. 28:1, 2; Hebe. 13:1, 2; 1 Pe. 4:9)

Jishimikila 113

Paulo byo Ajinga mu Loma

1. Paulo wasapwijile kwi ñanyi byo ajinga mu kaleya ku Loma?

2. Pa kikye kipikichala, ñanyi mwenyi uji ku tebulu, kabiji ubena kwingijilako Paulo mwingilo ka?

3. Epafolodita wajinga ñanyi, kabiji wasendele ka byo abwelelemo ku Filipai?

4. Mambo ka Paulo kyo anembejile nkalata ku mulunda nanji aye Filemonyi?

5. Paulo waubile byepi byo bamufumishe mu kaleya, kabiji ki ka kyamumwekejile palutwe kacheche?

6. Yehoba waingijishe ñanyi kunemba mabuku apelako mu Baibolo, kabiji buku wa Lumwekesho waamba pa ka?

Mepuzho akwabo:

1. Tanga Byubilo 28:16-31 ne Filipai 1:13.

   Paulo byo ajinga mu kaleya ku Loma waingijishe byepi kimye kyanji, kabiji lwitabilo lwanji lwakosa lwalengejile kipwilo kya bwina Kilishitu kuba byepi? (Byu. 28:23, 30; Fili. 1:14)

2. Tanga Filipai 2:19-30.

   Byambo ka bya lusanchilo byaambile Paulo kutazha kwi Timoti ne Epafolodita, kabiji twakonsha kulonda byepi kya kumwenako kya kwa Paulo? (Fili. 2:20, 22, 25, 29, 30; 1 Ko. 16:18; 1 Tesa. 5:12, 13)

3. Tanga Filemonyi 1-25.

   1. Ki ka kyalengejile Paulo kutundaika Filemonyi kubanga bintu byawama, kabiji kino kyakonsha kwikala byepi kya kumwenako ku bakulumpe mu kipwilo ba ano moba? (File. 9; 2 Ko. 8:8; Nga. 5:13)

   2. Byambo bya kwa Paulo bitanwa pa Filemonyi 13, 14 bimwesha byepi amba wanemekele jiwi ja mu muchima ja bantu bonse mu kipwilo? (1 Ko. 8:7, 13; 10:31-33)

4. Tanga 2 Timoti 4:7-9.

   Byonka byajinga mutumwa Paulo, twakonsha kwikala byepi na luketekelo amba Yehoba uketufweta umvwe twaikala ba bukishinka ne ku mpelo? (Mat. 24:13; Hebe. 6:10)

Story 114

Mpelo ya Bintu Byonse Byatama

1. Mambo ka Baibolo kyo aambila pa bambili baji mwiulu?

2. Nkondo ya kwa Yehoba na bantu batama ba panopantanda beitela’mba ka, kabiji iji na ñanyi nkebelo?

3. Kwesakana na kikye kipikichala, ñanyi ukatangijila mu bulwi, mambo ka kyo avwajila munchinya, kabiji mpoko yanji yatwa kubiji ilumbulula ka?

4. Umvwe twatala pa Jishimikila 10 ne 15, mambo ka kyo tubujila kukumya’mba Lesa ukonauna bantu batama?

5. Nga Mashimikila 33, 36, ne 76 amwesha byepi amba Lesa ukonauna bantu batama nangwa betela’mba ba mupopwela aye?

Mepuzho akwabo:

1. Tanga Lumwekesho 19:11-16.

   1. Binembelo bimwesha byepi kya kine kuba’mba Yesu Kilishitu ye wenda pa mbili utoka? (Lum. 1:5; 3:14; 19:11; Isa. 11:4)

   2. Nanchi mashi aichijilwe pa kivwalo kya kwa Yesu amwesha byepi amba kushinda kwanji kukobiwa? (Lum. 14:18-20; 19:13)

   3. Bañanyi bavwangiwamo mu nzhita ilondela Yesu pa mbili wanji utoka? (Lum. 12:7; 19:14; Mat. 25:31, 32)

Jishimikila 115

Paladisa Mupya Panopantanda

1. Baibolo umwesha byepi bikekala bwikalo bo tukeyowanga panopantanda mu Paladisa?

2. Baibolo walaya’mba ka ku boba bakekalanga mu Paladisa?

3. Kimye ka Yesu kyo akamona kuba’mba alwe lupimpu lwawama lwafikizhiwa?

4. Yesu byo ajinga panopantanda, kintu ka kyo aubile kyamwesheshenga byo akoba inge waikala Mfumu mu bufumu bwa Lesa?

5. Yesu ne bantu bo akalamanga nabo mwiulu bakoba byepi kimye kyo bakalamanga ino ntanda?

Mepuzho akwabo:

1. Tanga Lumwekesho 5:9, 10.

   Mambo ka o twafwainwa kwikela na luketekelo lwa kuba’mba aba bakalamanga ino ntanda mu kimye kya Bukalama bwa Myaka Kiumbi Kimo bakekala bamfumu ne bañanga ba lusa? (Efi. 4:20-24; 1 Pe. 1:7; 3:8; 5:6-10)

2. Tanga Lumwekesho 14:1-3.

   Kilumbulula ka byo kiji kuba’mba jizhina ja Tata ne ja Mwana mukooko anembwa pa bilungi bya ba 144,000? (1 Ko. 3:23; 2 Timo. 2:19; Lum. 3:12)

Jishimikila 116

Byo Twakonsha Kwikala Myaka ne Myaka

1. Pa kuba’mba twikale myaka ne myaka twafwainwa kuyuka ka?

2. Twakonsha kufunda byepi pe Yehoba ne Yesu, kwesakana na byo kyamweshiwa na kashimbi ne balunda nanji pa kipikichala?

3. Buku ka mukwabo ye ubena kumona pa kipikichala, kabiji mambo ka o twafwainwa kumutangila jonse?

4. Kununga pa kufunda pe Yehoba ne Yesu, bintu ka bikwabo bikebewa pa kuba’mba twikale na bumi bwa myaka ne myaka?

5. Lufunjisho ka lo tufunjilako ku Jishimikila 69?

6. Kya kumwenako kyawama kya kwa Samwela byo ajinga mwanyike mu Jishimikila 55 kimwesha ka?

7. Twakonsha kulonda byepi kya kumwenako kya kwa Yesu, kabiji inge twauba bino, kintu ka kyo tukakonsha kuba kulutwe na lwendo?

Mepuzho akwabo:

1. Tanga Yoano 17:3.

   Binembelo bimwesha byepi amba kuyuka Yehoba Lesa ne Yesu Kilishitu kulumbulula byavula kechi kulabijilatu bishinka konka ne? (Mat. 7:21; Yako. 2:18-20; 1 Yoa. 2:17)

2. Tanga Salamo 145:1-21.

   1. Bishinka ka bimo bitulengela kutumbijikanga Yehoba? (Sala. 145:8-11; Lum. 4:11)

   2. Yehoba ‘wawama byepi ku bonse,’ kabiji kino kyakonsha kwitufwenyesha byepi ku bwipi ne aye? (Sala. 145:9; Mat. 5:43-45)

   3. Umvwe twamutemwa Yehoba, kino kiketulengela kuba ka? (Sala. 119:171, 172, 175; 145:11, 12, 21, 21)