Kupwila Kwa Mingilo Kwa Mu Kweji Wakitema
Yenga Ushilula 9 Kweji 9
Min 10: Misapu imutala. Misapu itala Mwingilo Wetu wa Bulopwe.
Min 20: “Tusapulei Myanda Miyampe Pampikwa Kuleka’byo.” Kishinte ne mīsambo na bemvwaniki. Tela milangwe imo-imo ilupwilwe mu Auxiliaire pour une meilleure intelligence de la Bible, paje 1216, mus. 7.
Min 15: “Tusapulei Myanda Miyampe ya Bulopwe na Mikanda.” (Mus. 1-5) Ingidija musāngo umbajinji bu kitwelelo. Wibashintulwile na binenwa bikankamika bukwashi budi na mukanda Ikalai ne bumi bwa nsangaji nansha “Monaipo bidi!” mu busapudi. Teakanya byakumwenako biná bipitulukwe’mo senene bilombola muswelo ukokeja kwingidijibwa ino mikanda musunsa umbajinji wimonwa na muntu nansha ulongwa kujokelamo kupya. Byakumwenako bitala pa mukanda Ikalai ne bumi bwa nsangaji bikalongwa na musapudi nkasampe, ukashindikilwa na shandi nansha na inandi. Basapudi bakokeja kupāna mikanda mikwabo na kulonda ino misapwilo ilombwelwe.
Lwimbo 136 ne milombelo yamfulo.
Yenga Ushilula 16 Kweji 9
Min 15: Misapu imutala. Lapolo wa mukōlo. Wibakankamike pa mwanda utala “Miswelo Mishileshile ya Kupāna,” na kwingidija milangwe idi mu Kiteba kya Mulami kya 1 kweji 12, 1993, paje 29-31 (Falanse).
Min 15: “Tusapulei Myanda Miyampe ya Bulopwe na Mikanda.” (Mus. 6-8) Nena mu kīpi myanda idi mu mukanda Umbikalo. Byakumwenako bikalonda misapwilo iletelwe itala pa kwimona kubajinji ne pa kujokelamo kupya. Kankamika musapudi yense akajokele kukamona boba baikele kwitabija mikanda.
Min 15: “Byabuntu Bitulwanga Mwanda wa Mwingilo Wingila Sosiete Usambakane Konso Konso.” Kishinte kya kyanga na mukulumpe. Tala Mwingilo Wetu wa Bulopwe wa kweji 8, 1996. Tela bibalwa bibala-binga bitanwa mu Annuaire bilombola kwendelela kwa mwingilo wa Bulopwe mu matanda amo-amo alombwelwe.
Lwimbo 9 ne milombelo yamfulo.
Yenga Ushilula 23 Kweji 9
Min 10: Misapu imutala. Bandaula kapango “Malondololo ku Bipangujo Byenu.”
Min 15: “I Ani Ubwenye Bisakibwa Mwanda wa Kusapula?” Mukulumpe wisamba kino kishinte na basapudi babidi nansha basatu. Kokela milangwe na kulombola’mba bufundiji botutambulanga ye bulumbuluke kutabuka, kadi ye bwitukumbenyanga bisakibwa byonso mwanda wa twikale bengidi ba Leza. Kekudipo buluji nansha bumo botufwaninwe kwimwena bu ketwafikīle pa ludingo lwa kusapula.
Min 20: “Muswelo wa Kulonga Bana-babwanga na Dibuku Buyuki.” Mīsambo na bemvwaniki ikemanina pa musāngo 17-26 wa dyani dyantentekelo ku Mwingilo Wetu wa Bulopwe wa kweji 7, 1996. Teakanyai’ko kitatyi kya kwisambila pa myanda yabine imonwanga mu busapudi na basapudi bendejanga bifundwa na dibuku Buyuki. Bakokeja kushintulula, na binenwa bikankamika, muswelo obaingidije madingi adi mu dyani dyantentekelo ne moebakwashishe bamona kwendeja bifundwa bya Bible byendelela kumeso byabinebine. Kankamika basapudi bonso bekale kulama senene dyani dyantentekelo ne kwiditanga kumeso kwa kushilula kwendeja kifundwa kipya.
Lwimbo 189 ne milombelo yamfulo.
Yenga Ushilula 30 Kweji 9
Min 10: Misapu imutala. Bandaula kapango “Kubungakana Kwapabula kwa Difuku Dimo.” Sapula mpangiko ikwetwe ya kusapula kumfulo kwa yenga.
Min 20: Ta Mutyima ku Masomo Afunda Bobe Bana. Kishinte na mukulumpe. Bandaula milangwe idi mu mukanda Les Témoins de Jéhovah et l’instruction, paje 2-5, ilombola’mba tufwijanga’ko pamwanda wa bufundiji bwakamweno bupānwa ku masomo. Lombola muswelo otukokeja kushintulwila badimu na manwa buluji botulondelanga dibajinji bitungo bya kumushipiditu kupita’ko mingilo ya kungitu. Pituluka mu milangwe ya “Mfulo ya Mwanda,” idi pa paje 31. Kankamika bambutwile bekale kwingidija milangwe itanwa mu Réveillez-vous! wa 8 kweji 9, 1988, paje 11.
Min 15: Dibuku dyotukapāna mu kweji 10. Tukengidija dibuku La vie: comment est-elle apparue? Évolution ou création? Lombola’mba dino dibuku disambila pa mitwe ya myanda mishileshile. Mashapita 1-15 afundijanga kamo ne kamo katala pa lupata lwa kwātambile būmi pano pantanda; shapita 16 wipangulanga kipangujo kikomenwanga bantu bavule: “Mwanda Waka Leza Ulekele Masusu Ekale’ko?”; mashapita 17-18 ōbakanga lwitabijo pa Bible amba i Kinenwa kya Leza kisonekwe ku bukomo bwa mushipiditu ne ufwaninwe kukulupilwa; mashapita 19-20 akokelanga milangwe pa myanda miyampe ya Bulopwe itala pa būmi bwa pano pantanda ikekala ke paladisa ne ashintulula bintu bifwaninwe kulonga mwanda wa kwibumona. Kyakumwenako: musapudi wabwino ukengidija mulangwe umo mu ino mwanda wa kupāna mu kīpi dibuku Création. Mukokeja kukapāna ano mabuku Comment s’assurer une vie de famille heureuse ne Ukokeja kwikala ne būmi bwanyeke mu Paladisa pano pantanda shi kipwilo kikidi nao mu kibīko.
Lwimbo 113 ne milombelo yamfulo.