Kubabundwa Bitango Bipya

Kiteba kya Mulami kya difuku 1 Kweji 2, 2001, kyaletele lapolo ulombola muswelo wendelela bulongolodi bwa Batumoni ba Yehova kumeso mu mwingilo wabo wa kusapula Bulopwe ntanda yonso. Kadi kyashintulula mwingidila bitango biyukene mungya bijila bya Leta mwanda wa kupēleja mwingilo wa kusambakanya myanda miyampe. Bino bitango bidi na mvubu mwanda bilondanga bijila bya mu kibundi ne mu matanda mudi Batumoni ba Yehova, enka na mwikisakila Kinenwa kya Leza. (Loma 13:1) Uno wetu mwingilo wendanga na bintu bivule kya pamo, ne kadi i mukatampe mpata, o mwanda Kitango Kyendeji kyaitabije kubundwa kwa bitango bikwabo bya kukwatakanya bisakibwa bimobimo bya Batumoni ba Yehova mu États-Unis. Bitango bipya bine i bino:

Christian Congregation of Jehovah’s Witnesses

Religious Order of Jehovah’s Witnesses

Kingdom Support Services, Inc.

Bino bitango byonso bikengidila pamo na Watch Tower Bible and Tract Society of Pennsylvania ne Watchtower Bible and Tract Society of New York, Inc. Tubafwija’ko kala boba bonso bakalonda buno bujadiki bwatūla’ko Kitango Kyendeji mwanda wa kuvuija kiselwa kyakyo kya kulama lupeto lonso lwa Mfumwetu.​—Mat. 24:45-47.