Diambulula dia mu Kalasa ka Mudimu wa Teokrasi

Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 7 Kabitende too ne lua dia 21 Tshisua-munene 1998. Funda mandamuna onso audi mua kuikala nawu pa dibeji dikuabu bilondeshile dîba difidibue.

[Dimanyisha: Padi diambulula dienzeka, wenze mudimu amu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifidibue yonso bua makebulula ebe mu Tshibumba tshia Nsentedi to.]

Andamunayi Bulelela peshi Dishima ku biambilu bidi bilonda ebi:

1. Mu 2 Timote 1:6, muaku ‘tshipedi’ udi umvuija bukokeshi bua kuakula miakulu mivule buvua bupesha Timote ku diambuluisha dia spiritu munsantu wa Nzambi. [Dibala dia Bible dia ku lumingu luonso; tangila w85-F 1/5 dib. 16 tshik. 15.]

2. Muena nkristo mupie udi ‘wibidija makokeshi a tshiumvuilu bua kusunguluja malu mimpe ne mabi’ pa kuikala ne tshibidilu tshia kutumika ne dimanya kayi dionso didiye nadi dia Dîyi dia Nzambi. (Eb. 5:14) [Dibala dia Bible dia ku lumingu luonso; tangila w85-F 15/6 dib. 9 tshik. 7.]

3. Nansha Bantemu ba Yehowa bikale mua kudifundisha ku mikanda ya mbulamatadi bu nsangilu wa malu a Nzambi, bukenji bua kutungunuka ne ntendelelu mulelela kabuena bufumina kudi muntu nansha umue anyi kudi mbulamatadi kampanda nansha. [jv-F dib. 696 tshik. 1]

4. Yakobo mufundi wa Bible ke yeye umue-umue uvua tshikuma-mbila wa “bapostolo ne bakulu” mu tshikondo tshivuabu bangate dipangadika pa muanda wa ditengula. (Bien. 15:6, 13; Yak. 1:1) [si-F dib. 233-234 bik. 2, 3]

5. Nansha mudi 1 Petelo 5:13 uleja ne: Petelo uvua ku Babilone pakafundaye mukanda wende wa kumpala, bijadiki bidi bileja ne: dîna edi dia Babilone ndîna disokome dia Roma. [si-F dib. 237 tshik. 4]

6. Tshiambilu “muluishi wa Kristo neafike” tshidi mu 1 Yowanese 2:18, (MMM) tshidi tshileja muntu umue. [Dibala dia Bible dia ku lumingu luonso; tangila rs-F dib. 35 tshik. 1.]

7. Ditapuluka diakenzeka bua meji avua nawu Paulo bua Mâko, ditela mu Bienzedi 15:36-41, kadiakajika nansha. [it-2-F dib. 216 tshik. 5]

8. Mukanda wa Buakabuluibua mmuteka ku ndekelu kua Bible bualu uvua mukanda wa ndekelu mufunda kudi mupostolo Yone. [si-F dib. 248 tshik. 1]

9. Buakabuluibua 13:11-15 udi umvuija mu bujalame mushindu uvua Bukokeshi bua Buloba bujima bua Angleterre ne États-Unis bulue bu mukuatshishi ne mufidi wa muoyo kudi Nsangilu wa Matunga ne kudi mupinganyi wende, O.N.U. [Dibala dia Bible dia ku lumingu luonso; tangila w88-F 15/12 dib. 19 tshik. 3.]

10. Dîyi-dituma dia kunangangana umue ne mukuabu, difunda mu Yone 13:34, divua ‘mukenji mupiamupia’ bualu divua dia mu matuku a panyima pa Mikenji ya Mozese. [jv-F dib. 711 tshik. 4]

Andamunayi ku nkonko idi ilonda eyi:

11. Bidi biumvuija tshinyi padibu bamba ne: mutangidi kêna ne bua kuikala “mukumianganyi”? (Tito 1:7) [Dibala dia Bible dia ku lumingu luonso; tangila w90-F 1/9 dib. 27 tshik. 21.]

12. Mmunyi mutudi bamanye se: Loi ne Eunike bavua balongeshe Timote Mifundu? [it-2-F dib. 162 tshik. 2]

13. Ntshinyi tshivua Yezu usua kuamba mu tshiambilu etshi: ‘Kuakasua nyama mishipa ne bintu bifila’? (Eb. 10:5) [Dibala dia Bible dia ku lumingu luonso; tangila w96 1/7 dib. 14 tshik. 3.]

14. Mmunyi mudi bena nkristo mua ‘kutshimuna bulongolodi ebu’? (1 Yone 5:3, 4, NW) [si-F dib. 243 tshik. 12]

15. Tshiambilu tshia Petelo tshia ‘kulama bikole mu lungenyi dikalaku dia dituku dia Yehowa’ tshidi tshiumvuija tshinyi? (2 Pet. 3:12, NW) [Dibala dia Bible dia ku lumingu luonso; tangila w97 1/9 dib. 19 tshik. 2.]

16. Bukezuke bua mu nyuma budi bukonga tshinyi, ne mmunyi mudibu buambuluisha bua kukuba dîku? (2 Kol. 7:1) [fy dib. 46 tshik. 14]

17. Mu diumvuangana ne Buakabuluibua 1:7, mmunyi muikala aba bakatua Yezu difuma mua kumumona “ulua ne matutu”? [Dibala dia Bible dia ku lumingu luonso; tangila w93 1/5 dib. 22 tshik. 7.]

18. Mmunyi mudi bena nkristo batalamuke ‘bikala badimuke ne bashala batabale’? (Luka 21:34, 36, NW) [jv-F dib. 714 tshik. 4]

19. Mmunyi mudi aba badi benze bulongolodi bumue bulelela bua bena nkristo lelu’eu bafika ku ngumvuilu mujalame wa Dîyi dia Nzambi? [jv-F dib. 708 tshik. 3]

20. Mmalu-malomba kayi a mu Mifundu adi bulongolodi bumu’epele bulelela bua bena nkristo ne bua kukumbaja mu matuku a ku nshikidilu? [jv-F dib. 706 tshik. 3]

Kumbajayi miaba idi mishale patupu mu biambilu bidi bilonda ebi:

21. Mulume ne mukaji badi ne bua ․․․․․․․․ umue kudi mukuabu, balama mu lungenyi ne: ․․․․․․․․ udi ne mushinga kupita mmuenekelu wa pa mutu. [fy dib. 26 kazubu ka diambulula]

22. Mukanda wa Paulo mufundila bena Ebelu udi uleja ne: bitupa bishilashilangane bia ․․․․․․․․ bivua bu tshitembelu tshifila kudi Nzambi tshifunkuna malu manene avua alua kumpala, onso akalua kushikila mu ․․․․․․․․, dikumbana dia Mikenji. [si-F dib. 232 tshik. 23]

23. Mu 2 Petelo 1:5-8, mupostolo Petelo udi ufila mubelu bua kuenza ․․․․․․․․ bua kulubuluja ngikadilu ya buena Nzambi yatuepula ku dikala ․․․․․․․․ anyi ku ․․․․․․․․. [si-F dib. 240 tshik. 9]

24. Padi balume ne bakaji bayukidilangana, ․․․․․․․․ ne ․․․․․․․․ bidi ne mushinga mukole. [fy dib. 36 tshik. 21]

25. Mariya mamuende wa Yezu uvua muena tshisa tshia ․․․․․․․․ ne wa mu ndelanganyi ya Davidi; ku butuangaji buende, Yezu uvua ne bukenji bua ․․․․․․․․ bua kupeta ‘nkuasa wa butumbi wa tatu wende Davidi.’ (Luka 1:32) [it-2-F dib. 227 tshik. 5]

Sungulayi diandamuna dijalame mu tshionso tshia ku biambilu bidi bilonda ebi:

26. Pavua Paulo mu lukanu bua musangu wa kumpala ku Roma, (Onezifore; Onesimo; Onana), mupika uvua munyeme ku nzubu kua (Filipe; Festus; Filemona), uvua munkatshi mua aba bakateleja diyisha diende. [si-F dib. 227 tshik. 2]

27. Badi bumvuija (dinanga; kanemu; diakidilangana) bu “dipesha bakuabu bunême, dibapesha lumu.” [fy dib. 30 tshik. 7]

28. Mu Luka 14:28, Yezu udi wakula bua (didianza-kupangadija; dibenga kutulakaja mfranga; diepuka kusomba mfranga). [fy dib. 40 tshik. 4]

29. “Bukokeshi” butela mu Yuda 8 budi bumvuija (muaba wa Yezu; bumfumu bukulu bua Yehowa; bukokeshi bufila kudi Nzambi mu tshisumbu tshia bena nkristo). [si-F dib. 247 tshik. 9]

30. Mu Buakabuluibua 11:11 (NW), “matuku asatu ne tshitupa,” akamueneka bashadile bela manyi bu bitalu ku mêsu kua baluishi babu, adi umvuija (bidimu bisatu ne tshitupa; lupolo luipi; ngondo isatu ne tshitupa). [Dibala dia Bible dia ku lumingu luonso; tangila re dib. 167 tshik. 21.]

Suikakajayi mvese idi ilonda eyi ku biambilu bifila kuinshi eku:

Nsu. 8:30; Mat. 19:13-15; Eb. 2:1; Yak. 4:15; 1 Pet. 3:4

31. Bua kukandamena buenzeji bua dimuangalaka dia malu a mu bulongolodi ebu adi kumpala kuetu dîba dionso, tudi ne bua ‘kuteya ntema mipite ya pa tshibidilu’ ku Dîyi dia Nzambi ku diambuluisha dia bibidilu bimpe bia dilonga ne ndongamu muimpe wa dibala dia Bible. [Dibala dia Bible dia ku lumingu luonso; tangila w98 1/1 dib. 7 tshik. 9.]

32. Musangu wonso utudi tupangadija malu bua matuku atshilualua, tudi ne bua kukonkonona ne muoyo umue bua kumona né adi mumvuangane ne dilongolola dia Nzambi. [Dibala dia Bible dia ku lumingu luonso; tangila w97 15/11 dib. 21 bik. 10-11.]

33. “Meji matukije ne mapole” a mukaji ne mamu muena nkristo kaena asankisha anu bayende to, kadi bia mushinga mukole, adi asankisha Nzambi kabidi. [Dibala dia Bible dia ku lumingu luonso; tangila w89-F 15/5 dib. 18 tshik. 12.]

34. Pa kulonda tshilejilu tshia Yehowa, tatu muimpe udi ne bua kudienzeja bua kukolesha malanda a musangelu, a dinanga ne muanende biangatshile amu ku ntuadijilu wa muoyo wa muana. [fy dib. 53 tshik. 7]

35. Bu muvua Yezu kayi muleje kansungasunga mu dibenesha bana bakese, katuena ne bua kumona bana ba bakaji bu bapuekele kudi ba balume nansha. [fy dib. 52 tshik. 4]