Diambulula dia mu Kalasa ka Mudimu wa Teokrasi
Diambulula edi nedienzeke ne mikanda mibuikila pa biena-bualu bilonga mu Kakasa ka Mudimu wa Teokrasi kutuadija ku lumingu lua dia 6 Kabitende too ne lua dia 20 Tshisua-munene 1999. Funda mandamuna onso audi mua kuikala nawu pa dibeji dikuabu bilondeshile dîba difidibue.
[Dimanyisha: Padi diambulula dienzeka, wenze mudimu amu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifidibue yonso bua makebulula ebe mu Tshibumba tshia Nsentedi to.]
Andamunayi Bulelela peshi Dishima ku biambilu bidi bilonda ebi:
1. Yehowa mmulekele bukokeshi bua bantu nkayabu bua kujadika ne: nkokeshilu wende utu misangu yonso muakane. (Dut. 32:4; Yobo 34:10-12; Yel. 10:23) [w97 15/2 dib. 5 tshik. 3]
2. Bible udi uleja ne: Nzambi udi upisha didiabakena dionso. [w97 1/12 dib. 30 bik. 3-4]
3. Baledi badi balama mmuenenu muakane pa malanda ne bana babu bakadi basele pa kuanyisha mêyi-maludiki a Nzambi pa bumfumu ne bulongame bulenga. (Gen. 2:24; 1 Kol. 11:3; 14:33, 40) [fy dib. 164 tshik. 6]
4. Mâko 6:31-34 udi umvuija ne: luse luvua lukuate Yezu bua musumba wa bantu anu bua mabedi abu ne bupele. [w97 15/12 dib. 29 tshik. 1]
5. Bikala muena Kristo wa mu kasumbu ka mikoko mikuabu kayi ne mushindu wa kubuela mu Tshivulukilu tshia lufu lua Yezu, udi ne bua kutshisekelela kunyima kua ngondo umue bilondeshile dîyi-diludiki didi mu Nomba 9:10, 11. (Yone 10:16) [Dibala dia Bible dia ku lumingu luonso; tangila w93-F 1/2 dib. 31 tshik. 9.]
6. Nansha mudi bakaku bena Kristo kabayi bangata bujitu bua tatu ne mamu bua kukuna munda mua bana babu malelela a mu Bible, badi mua kusakidila ku mudimu wa baledi pa kuambuluisha muana bua kukola mu nyuma. (Dut. 6:7; 2 Tim. 1:5; 3:14, 15) [fy dib. 168 tshik. 15]
7. Nsumuinu 6:30 udi uleja ne: mu nsombelu mikuabu badi mua kubingisha buivi anyi kubumona bu buakane. [g97-F 8/11 dib. 19 tshik. 2]
8. Mu 1530, William Tyndale ke uvua muntu wa kumpala wa kukuata mudimu ne Dîna dia Nzambi, Yehowa mu nkudimuinu wa mu Anglais wa Mifundu ya tshiena-Ebelu. [w97 15/9 dib. 28 tshik. 3]
9. Lelu’eu, tshimenga tshia disokomena tshidianjila kuleja tshidi ndongoluelu wa Nzambi bua ditukuba ku lufu bua ditupa ku dîyi-dituma diende pa ngikadilu wa tshijila wa mashi. (Nom. 35:11) [Dibala dia Bible dia ku lumingu luonso; tangila w95 15/11 dib. 17 tshik. 8.]
10. Dîna dia Dutelonome, didi diumvuija “Mukenji Muibidi,” ndiakanyine bualu mukanda eu wa mu Bible udi anu diambulula patupu dia Mikenji. [Dibala dia Bible dia ku lumingu luonso; tangila si-F dib. 36 tshik. 4.]
Andamunayi ku nkonko idi ilonda eyi:
11. Mampa abidi mela luevene avua muakuidi munene ulambula mu Tshibilu tshia Pentekoste adi tshimfuanyi tshia tshinyi? (Lew. 23:15-17) [Dibala dia Bible dia ku lumingu luonso; tangila w98 1/3 dib. 13 tshik. 21.]
12. Jibilé wa bena Kristo wakatuadija tshikondo kayi, ne mbudikadidi bua mushindu kayi buvuaye mutuale tshikondo atshi? (Lew. 25:10) [Dibala dia Bible dia ku lumingu luonso; tangila w95 15/5 dib. 24 tshik. 14.]
13. Bilondeshile malu mafunda mu mukanda wa Nomba, dipandishibua ndisuikakaja ku malu kayi asatu? [si-F dib. 30 tshik. 1]
14. Mmushindu kayi uvua Mose muikale tshilejilu tshimpe mu dileja ne: kavua ne mukawu? (Nom. 11:29) [Dibala dia Bible dia ku lumingu luonso; tangila w95 15/9 dib. 17 tshik. 11.]
15. Mmunyi mudi bualu bua Kola, Datana ne Abilama buleja ne: dimona malu kaditu misangu yonso difikisha ku ditabuja? [w97 15/3 dib. 4 tshik. 2]
16. Mmalu kayi abidi a dinemeka baledi bakulakaje adibu baleje mu Matayo 15:3-6 ne 1 Timote 5:4? [fy mab. 173-175 bik. 2-5]
17. Ndilongesha kayi dia mushinga didi dishindika mu Nomba 26:64, 65? [Dibala dia Bible dia ku lumingu luonso; tangila g95-F 8/8 mab. 10-11 bik. 5-8.]
18. Mmunyi mudi tshilejilu tshia Pinehasa tshituambuluisha bua kujingulula tshidi diditshipa kudi Yehowa diumvuija? (Nom. 25:11) [Dibala dia Bible dia ku lumingu luonso; tangila w95 1/3 dib. 16 bik. 12-13.]
19. Mmunyi mudi muntu mu tshimenga tshia disokomena tshidianjila kuleja mua ‘kupatuka mikalu’ ya tshimenga? (Nom. 35:26, MMM) [Dibala dia Bible dia ku lumingu luonso; tangila w95 15/11 dib. 20 tshik. 20.]
20. Mmunyi muvua Codex Sinaïticus muikale dibenesha bua dikudimuna dia Bible? [w97 15/10 dib. 11 tshik. 2]
Kumbajayi miaba idi mishale patupu mu biambilu bidi bilonda ebi:
21. Yehowa mmulekele bubi bua buikaleku bua kushindika musangu umue bua kashidi bulelela bua nshindamenu bua se: yeye nkayende ke udi ․․․․․․․․ ne se: ․․․․․․․․ mikenji yende didi ne mushinga mukole bua ditalala ne diakalenga bia kashidi bua bifukibua biende bionso. (Mus. 1:1-3; Nsu. 3:5, 6; Muam. 8:9) [w97 15/2 dib. 5 tshik. 4]
22. Mukanda wa Lewitiki udi wa pa buawu bualu udi wela kashonyi pa ․․․․․․․․ wa mashi, pa kuleja ne: ditumika nawu dimuepele didi dianyisha didi anu ․․․․․․․․. [si-F dib. 29 tshik. 33]
23. Mu diumvuangana ne Musambu wa 144:15b, diakalenga dilelela nngikadilu wa mutshima, mushindamene pa ․․․․․․․․ dilelela ne ․․․․․․․․ mimpe ne Yehowa. [w97 15/3 dib. 23 tshik. 7]
24. Bible wakapatulabu mu dikudimuna Bible wa tshiena-Ebelu mu tshiena-Greke tshivua tshitangalake, wakajika bu mu 150 K.B.B., bakalua kumubikila ne: ․․․․․․․․; nkudimuinu wa Bible wa Jérôme mu Latin wakalua kumanyika bu ․․․․․․․․, ․․․․․․․․, wakajika bu mu 400 B.B. [w97 15/8 dib. 9 tshik. 1; dib. 10 tshik. 4]
25. Pa kushindamena pa miyuki ya Belâma ne Kola mifunda mu mukanda wa Nomba, Yuda wakadimuija bena Kristo bua badilame ku mateyi a ․․․․․․․․ ne ․․․․․․․․. [si-F dib. 35 tshik. 35]
Sungulayi diandamuna dijalame mu tshionso tshia ku biambilu bidi bilonda ebi:
26. Musangu umue ku tshidimu, mu (Tshibilu tshia Mitanda; Dituku dia Dibuikidila; Pasaka), tshisamba tshia Isalele tshijima, kusangisha ne benyi basombi ba mu ditunga bavua batendelela Yehowa, bavua ne bua (kulekela mudimu kayi wonso; kufuta tshia dikumi; kufila mulambu wa mamuma a diambedi) ne kulama tshijila. (Lew. 16:29-31) [Dibala dia Bible dia ku lumingu luonso; tangila w96 1/7 dib. 10 tshik. 12.]
27. Tshimue tshia ku bipatshila bia Komite wa bakudimunyi ba Bible wa Traduction du monde nouveau tshivua tshia kupatula nkudimuinu uvua (mu mishindu yonso wa ku muaku ku muaku; wambulula miakulu ya ntuadijilu pa kuyumvuija munga mushindu; mu diumvuangana ne ngumvuilu kampanda wa malongesha) bua kupesha mubadi mushindu mupepele wa kusemena pabuipi ne bimanyinu bia miakulu ya ku ntuadijilu ne ngenzelu ya ngenyi misanga. [w97 15/10 dib. 11 tshik. 5]
28. Bilondeshile Ebelu 13:19, masambila a munanunanu a bena kuitabuja netu adi mua kuikala ne buenzeji pa (tshidi Nzambi ulekela bua tshienzeke; tshikondo tshidi Nzambi mua kuenza bualu; mushindu udi Nzambi mua kuakaja malu). [w97 15/4 dib. 6 tshik. 1]
29. Bavua balombe bena Isalele bua kuela ‘muonji wa bleu ku malenda a bilulu’ biabu bua kuikalabi bu (tshilengejilu tshia tshijila; tshimanyinu tshia budipope; tshivuluiji tshidi tshimueneka tshia kuikala batapuluke ne bantu bakuabu bu tshisamba tshia Yehowa). (Nom. 15:38, 39) [Dibala dia Bible dia ku lumingu; tangila w84-F 15/1 dib. 20 tshik. 16.]
30. Malu malonda mu mukanda wa Dutelonome adi angata (ngondo ibidi; tshidimu tshimue; bidimu bibidi), ne diafunda diakajika ku ntuadijilu kua (1513; 1473; 1467) K.B.B. [si-F dib. 36 tshik. 6]
Suikakajayi mvese idi ilonda eyi ku biambilu bifila kuinshi eku:
Nom. 16:41, 49; Mat. 19:9; Luka 2:36-38; Kolos. 2:8; 3:14
31. Budikengeshi kabuena bufikisha ku bunsantu bua pa buabu anyi ku dikenkeshibua dilelela to. [g97-F 8/10 dib. 21 tshik. 3]
32. Masandi ke kabingila kamuepele ka mu Mifundu bua kushipa dibaka ne kadi kafila njila bua diselulula. [fy mab. 158-159 tshik. 15]
33. Kudifila bikole mu midimu ya Nzambi, nansha ku bukulakaje, kudi mua kuambuluisha bua kutshimuna kanyinganyinga ka muntu udi mujimije muena dibaka. [fy mab. 170-171 tshik. 21]
34. Ditobolola mushindu udi Yehowa ukumbaja dilumbuluisha diakane ku butuangaji bua basadidi bende batekibue didi mua kufikisha ku bipeta bibi. [Dibala dia Bible dia ku lumingu luonso; tangila w96 15/6 dib. 21 tshik. 13.]
35. Dinanga didi kadiyi dia budisui didi disuika bena dibaka pamue ne dibenzeja bua bajinge bua kuenzelangana tshidi tshitambe buimpe umue kudi mukuabu ne kudi bana babu. [fy dib. 187 tshik. 11]