Ndongamu wa Bisangilu bia Mudimu

Lumingu lua dia 9 Kashipu

Musambu 4

Min.  8: Mamanyisha a mu tshisumbu ne makuabu makanyine a mu Mudimu wetu wa Bukalenge.

Min. 17: Luapolo lua mudimu lua ngondo muinayi. Kudi mutangidi wa mudimu. Leja malu manene a luapolo lua mudimu wa buambi lua ngondo muinayi. Ela bamanyishi bavua bayishe bikole ngondo au nkonko. Bakule bua disanka didibu bapete bualu bavua bayishe bikole ne kabidi baleje tshidibu benza bua kushalabu anu bawenza bikole.​—Tangila tshisakidila tshia Mudimu wetu wa Bukalenge wa Luabanya 2001, tshik. 28-30.

Min. 20: “Udiku mua kuenza mudimu muaba udi dijinga dia bungi anyi?”a Buejamu malu adi akankamija avua bamanyishi bamone mu miaba idi kule pa nkayayi peshi miaba itubu bayisha mu mpukapuka.​—Tangila mukanda wa Mudimu wetu, dib. 112.

Musambu 42 ne disambila dia nkomenu.

Lumingu lua dia 16 Kashipu

Musambu 10

Min. 10: Mamanyisha a mu tshisumbu. Luapolo lua konte.

Min. 15: Bansonga: elayi meji bimpe bua midimu inudi nusua kuenza mu matuku enu a muoyo. Tatu ne muanende tshitende (wa nsongalume ta nsongakaji) badi bayikila ne mukulu udi mumanye mianda ya bungi ya malu a midimu. Bamane kuela meji bua malu a mu Tshisangilu tshia Mudimu kukadi mbingu ibidi, nsonga eu udi ubanga kujinga bua kulua mpanda-njila wa pa tshibidilu kadi ki mmumanye tshidiye mua kuenza bua kupetaku bia kudikuatshisha nabi to. Mukulu udi umvuija mushinga wa kuikala ne nkatshinkatshi mu mmuenenu wetu wa malu. (Tshibumba tshia Nsentedi tshia dia 1 Kabitende 1999, dib. 11, tshik. 13) Mbia meji bua kulonga imue midimu ya bianza bua kudikuatshisha. Ke tshidi bavule benze pa kulonga imue midimu idi kayiyi ilomba dîba divule ne itudisha muntu mfranga anu mikese. (Tshibumba tshia Nsentedi tshia dia 1 Luishi 1996, dib. 14; Les jeunes s’interrogent, dib. 178) Badi bayikila bua amue malu adi mu Réveillez-vous! wa dia 8 Luabanya 1996, dib. 9-11, ne imue mibelu mimpe ya mua kupeta anyi kudienzela mudimu wa nkayebe.

Min. 20: Bantemu ba Yehowa: Mbanganyi? Mmalu kayi atubu balongesha? Diyukilangana ne bateleji ne dinaya dia tshilejilu. Konkononayi broshire eu bua kumanya mua kuenza nende mudimu bua kumanyisha bakuabu malu adi atutangila tuetu ne mudimu wetu. Broshire eu, udi uleja tshitudi (dib. 3-5), udi umvuija amue malu etu ne mudimu wetu mu tshikondo etshi (dib. 6-11), udi uleja malu atudi tuitabuja adi atusunguluja ne bitendelelu bikuabu (dib. 12-14), udi umvuija lumu luimpe lutudi tumanyisha ne mutudi tulumanyisha (dib. 15-21), udi uleja mudi mudimu wetu wambuluisha bantu (dib. 22-24), udi umvuija tshipatshila tshia bulongolodi buetu pa buloba bujima (dib. 25-26) ne udi wandamuna nkonko itu bantu batamba kujula pa malu adi atutangila (dib. 27-31). Dinaya dia tshilejilu: mumanyishi udi wandamuna lumue lukonko ludi nalu muntu udi ujinga kumanya malu a Bantemu ku idi mu dib. 29 ku diambuluisha dia broshire, pashishe mumanyishi udi umuleja dibikila didi ku ndekelu mu dibeji dia panyima pa broshire. Kankamija bonso bua benze mudimu ne broshire eu bua balela babu badi kabayi Bantemu bafike ku ditumanya bimpe, bua kukolesha dijinga dia kumanya bivule kudi batudi tupinganyina ne bua kulombola badi balonga netu Bible bua balue mu bulongolodi.

Musambu 50 ne disambila dia nkomenu.

Lumingu lua dia 23 Kashipu

Musambu 19

Min. 10: Mamanyisha a mu tshisumbu.

Min. 15: Majinga a tshisumbu.

Min. 20: “Dilonga dia mukanda wa Muntu mutambe bunene wa katshia ne katshia.”b

Musambu 53 ne disambila dia nkomenu.

Lumingu lua dia 30 Kashipu

Musambu 22

Min. 10: Mamanyisha a mu tshisumbu. Vuluija bamanyishi bua bafile luapolo lua mudimu lua Kashipu.

Min. 20: Bansonga: Ikalayi ne busunguluji panudi nusungula tulasa tunudi nujinga kuenza. Mukulu udi uyukila ne bamue baledi ne bana babu bakadi bansonga bua tshilumbu tshia ditungunuka ne tulasa. Mukulu udi uyikila nabu mu Tshibumba tshia Nsentedi tshia 1 Kabitende 1999, dib. 16-17, tshik. 11-13, ne ubumvuija bua tshinyi badi ne bua kuteka mudimu wa ku dîba ne ku dîba pa muaba wa kumpala mu malu abu onso. (Tshibumba tshia Nsentedi tshia 1 Tshisua-munene 1996, dib. 18-19, tshik. 13-15) Pashishe badi bakonkonona mibelu idi mu Réveillez-vous! wa dia 8 Luabanya 1998, dib. 20-21, baleja mudibi bikengela kujingulula bimpe ne bibi bidi muntu mua kupeta padiye utungunuka ne tulasa uya natu kule ne kabidi buimpe bua kulonga bikese bidi mua kumupetesha bidiye mua kudiambuluisha nabi eku utungunuka ne lukunukunu ne mudimu wende wa buambi. Bonso badi bitaba se: badi ne bua kulonda mubelu wa Yezu udi utulomba bua kuteka malu a Bukalenge pa muaba wa kumpala.​—Mat. 6:33.

Min. 15: Une bonne nouvelle pour toutes les nations (Lumu luimpe bua bisamba bionso). Diyukidilangana ne bateleji. Leja mushindu utudi mua kuyisha bantu ne broshire wa Une bonne nouvelle pour toutes les nations. Leja mu tshikoso malu a mu ka-tshiena-bualu ka: “Comment utiliser cette brochure” (mushindu wa kuenza mudimu ne broshire eu), mu dib. 2, ne bala mukenji udibu bafunda mu mfualansa.

Musambu 57 ne disambila dia nkomenu.

Lumingu lua dia 6 Tshimungu

Musambu 25

Min. 15: Mamanyisha a mu tshisumbu. Lomba bateleji bua balonde malu avua menzeke pakayishabu mu mpukapuka dîba divuabu baya ku mpungilu wa distrike, peshi pavuabu baya kutangila balela babu badi kabayi Bantemu.

Min. 10: “Programe mupiamupia wa mpuilu wa tshijengu.” Muyuki. Manyisha dituku dienzeka mpuilu wa tshijengu wa musangu udi ulonda. Bonso badi ne bua kuenza muabu muonso bua kubikila balongi babu ba Bible. Kankamija bamanyishi badi kabayi banji kutambula bua bele meji bimpe bua kuleja patoke didilambula diabu kudi Yehowa mu mpuilu wa musangu udi ulonda. Lomba bantu bonso bua babuele mu bitupa bionso bibidi bia dituku dionso.

Min. 20: “Kanuelakanyi to!”c Padi dîba dikaleku, londela bantu malu adi mu Tshibumba tshia Nsentedi tshia 15 Tshisua-munene 1999, dib. 25.

Musambu 63 ne disambila dia nkomenu.

[Mêyi adi kuinshi]