Ndongamu wa Bisangilu bia Mudimu

Lumingu lua dia 8 Kasuamansense

Musambu 109

Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Kankamija bantu bonso bua batangile bande wa video wa Unis grâce à l’enseignement divin bua kudilongolola ku diyukidilangana dia mu Tshisangilu tshia Mudimu tshia lumingu lua dia 22 Kasuamansense. Pa kuenza mudimu ne ngenyi idi mu dibeji dia 8, longolola manaya a bilejilu abidi mîpi pa mushindu wa kufila bibejibeji, dimue bua kufila Tshibumba tshia Nsentedi tshia dia 15 Kasuamansense ne dikuabu bua Réveillez-vous! wa dia 22 Kasuamansense.

Min. 35: “Udi utumikila malu auvua mulonge mu mpungilu wa distrike wa ‘Balongeshi ba Dîyi dia Nzambi’ anyi?” Diyukidilangana ne bateleji pa programe wa mpungilu, dia kuenzabu kudi mulombodi wa Dilonga dia Tshibumba tshia Nsentedi. Panyima pa munite umue wa mbuelelu, angata minite 10 anyi 12 bua kumvuija malu a dituku dionso dia mpungilu. Ufile ngenyi minene pa ka-mutu ka bualu konso mu mêyi makese, ne pashishe ulombe bateleji bua bumvuije (1) mushindu udibu badienzeje bua kutumikila malu avuabu batulongeshe, (2) mushindu udi dienza nunku dibambuluishe ne (3) malu makuabu adibu bela meji ne: badi ne bua kuenza kabidi. Wele nkonko idi yelesha bantu meji bua kubakankamija bakule ne musangelu. Ubambuluishe bonso bua bumvue mushinga wa ditumikila bionso bidibu balonge.

Musambu 151 ne disambila dia nkomenu.

Lumingu lua dia 15 Kasuamansense

Musambu 113

Min. 10: Mamanyisha a mu tshisumbu. Luapolo lua konte.

Min. 15: Utu ne ‘mutshima wa butumike’ anyi? (1 Bak. 3:9, NW) Muyuki kudi mukulu, muimanyine pa Tshibumba tshia Nsentedi tshia dia 15 Kashipu 1998, dibeji dia 29-31. Leja mishindu itudi mua kuleja butumike mu dienza mudimu ne bena mu tshisumbu.

Min. 20: Tuenzayi mudimu biakane ne bibejibeji bietu. Mutangidi wa mudimu ne musadidi wa ku bibejibeji badi bayikila bua mushindu udi diabanya dia bibejibeji mu tshisumbu. Badi baleja bungi bua bibejibeji butu tshisumbu tshipeta ku ngondo yonso ne babufuanyikija ne bungi busanga bua bibejibeji bidi bantu bafila mu buambi. Bidi bimueneka ne: bibejibeji bia bungi bidi bibolela panshi anyi batu babimansha. Mmushindu kayi udi bamanyishi mua kuenza mudimu bilenga ne bibejibeji bietu? Bana betu aba nebayikile bua malu muanda-mutekete adi mu tshitupa tshia Tshisangilu tshia Mudimu etshi: “Ikalayi ne muoyo wa bibejibeji!” tshidi mu lumingu lua dia 4 Kasuamansense 1999. Badi bakonkonona bualu bulonda mu Tshibumba tshia Nsentedi tshia dia 15 Luishi 1998, dibeji dia 28-29, ne baleja imue mishindu idibu mua kutumikila ngenyi idimu mu muaba unudi. Balombe muntu yonso bua kuteta mishindu ya tshilejilu ya difila bibejibeji itudi baleje bua ngondo yonso mu Mudimu wetu wa Bukalenge.

Musambu 156 ne disambila dia nkomenu.

Lumingu lua dia 22 Kasuamansense

Musambu 120

Min. 10: Mamanyisha a mu tshisumbu. Enza mudimu ne ngenyi idi mu dibeji dia 8, bua kulongolola manaya a bilejilu abidi mîpi adi aleja mushindu wa kufila bibejibeji, dimue ne Tshibumba tshia Nsentedi tshia dia 1 Kasuabanga ne dikuabu ne Réveillez-vous! wa dia 8 Kasuabanga.

Min. 10: Mmunyi muwandamuna? Umvuija mu mêyi makese malu adi mu mukanda wa Comment raisonner dibeji dia 399-400, mudibu bafila diandamuna ku lukonko lua: ‘Bantemu ba Yehowa badi bafika ku diumvuija Bible munyi?’ Enza dinaya dia tshilejilu dilongolola bimpe bua kuleja mushindu wa kuandamuna lukonko elu panudi nupinganyina muntu, pashishe ubikile muntu ne musangelu bua kubuela mu bisangilu bia tshisumbu.

Min. 25: “Dikonkonona dia buobume bulelela bua buena-muntu mu bande wa video wa Unis grâce à l’enseignement divin.” Diyukidilangana ne bateleji. Wenze mudimu ne tshikoso tshia kumpala bu mbuelelu wa muyuki ne tshia ndekelu bu nkomenu. Bua diyukidilangana pa bande wa video eu kuikaladi dia musangelu, ela nkonko yonso idi milongolola. Bikalaku bantu mu tshisumbu tshienu bavua babuele mu mpungilu mu matunga makuabu, ubalombe bua balonde tshidi meji abu bua muvuabu badimuene ne abu abidi buena-muntu ne buobumue bua nsangilu wetu. Anyi udi mua kutangila miyuki idibu balonda idi mu Annuaire 1994 dibeji dia 7-9, ne Annuaire 1995 dibeji dia 8-11. (Pikala bena mu tshisumbu kabayi batangile bonso bande wa video au, nudi mua kupetela ngenyi mu mukanda wa Prédicateurs dib. 254 tshik. 1-3; dib. 269, 278-282.) Mu ngondo wa dikumi ne muibidi netumone bande wa video wa Jusqu’aux extrémités de la terre.

Musambu 47 ne disambila dia nkomenu.

Lumingu lua dia 29 Kasuamansense

Musambu 164

Min. 12: Mamanyisha a mu tshisumbu. Uvuluije bamanyishi bua bafile luapolo luabu lua mudimu bua ngondo wa dikumi. Mikanda ya difila mu ngondo wa dikumi ne umue ke broshire wa Utulomba ne mukanda wa Dimanya. Longolola dinaya dia tshilejilu dîpi edi: “Mu matuku aa adi malu a mfranga makole, bantu ba bungi badi bapangila bua kuenza bintu bidibu nabi dijinga. Udiku wela meji bua se: mbulamatadi ya bantu neyijikije tshilumbu etshi kakuyi kansungasunga anyi? [Lekela muntu andamune. Pashishe wambe ne:] Ndi mupete mulayi udi ukolesha ku muoyo mu mukanda wa Nzambi.” Bala Misambu 72:12-14. Pashishe fila broshire wa Utulomba anyi mukanda wa Dimanya, ne usakidila mêyi makuabu adi makumbanyine a mu mukanda au uudi ufila.

Min. 15: Majinga a tshisumbu.

Min. 18: “Utu udia biakane mu nyuma anyi?”a Lomba bateleji bua bafile mumvuija makuabu adi mu Tshibumba tshia Nsentedi tshia dia 15 Tshisanga 1997, dibeji dia 28-31, bua kumvuija bua tshinyi ne mmunyi mutudi mua kudienzeja bua tuetu kuikala ne bibidilu bilenga bia kudia biakudia bia mu nyuma.

Musambu 181 ne disambila dia nkomenu.

Lumingu lua dia 5 Kasuabanga

Musambu 167

Min. 10: Mamanyisha a mu tshisumbu.

Min. 18: Didilongolola mu dîku bua bisangilu. Tatu udi uyikila ne bena mu dîku diende pa mushindu udibu mua kudilongolola bonso bua kufila mandamuna mu bisangilu. Badi benza mudimu ne lungenyi lufila mu Tshibumba tshia Nsentedi tshia dia 1 Kashipu 1999, dibeji dia 19 tshikoso tshia 9, bua kulongolola mandamuna a kufila mu dilonga dia Tshibumba tshia Nsentedi tshia lumingu alu. (1) Muntu yonso wa mu dîku udi usungula lukonko lumue anyi ibidi yandamunaye. (2) Panyima pa bamane kusungula bikoso biabu ebi, badi bakeba mushindu wa kuandamuna mu mêyi abu nkayabu. (3) Badi basungula mvese minene idi mitela mu tshikoso, bayukila bua mushindu udi mvese yonso mikale yumvuangana ne tshiena-bualu, ne baleja tshiambabu bua kumulamakaja ne dilongesha didi dipatuka mu tshiena-bualu. Bonso badi bazuka bua kuya kuandamuna mu bisangilu.

Min. 17: “Udi ne tshipatshila kayi?”b Ushindamene pa mushinga wa kuambuluisha balongi bua kumona bulenga bua dibuela mu bisangilu bietu. Wenze dinaya dilongolola bilenga didi dileja mushindu wa kufika ku dilua mu bisangilu, ukuate mudimu ne mukanda wa Dimanya nshapita wa 17, tshikoso 6-8.

Musambu 186 ne disambila dia nkomenu.

[Mêyi adi kuinshi]