Ndongamu wa Bisangilu bia Mudimu

Lumingu lua dia 10 Tshisua-munene

Musambu 205

Min. 13: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Kankamija bantu bonso bua kutangilabu bande wa video wa Jusqu’aux extrémités de la terre bua kudilongolola bua diyukidilangana dienzeka mu lumingu lua dia 24 Tshisua-munene, anyi kuangata mukanda wa Prédicateurs, dibeji dia 521-546. Ne ngenyi idi mu dibeji dia 8, leja mushindu wa kufila (1) Tshibumba tshia Nsentedi tshia dia 15 Tshisua-munene ne (2) Réveillez-vous! wa dia 22 Tshisua-munene.

Min. 12: Majinga a tshisumbu.

Min. 20: “Mabenesha adi muntu upeta padiye uleja dianyisha bua dinanga dia Yehowa​—Tshitupa 2.”a Panuafika ku tshikoso 2-6, lomba bana betu bua balonde malu avuabu bamone pavuabu basamba bantu badi ne kanyinganyinga peshi ne buôwa pa kumona malu a tshikisu adi menzeke matuku adi panshi aa ne tshidiwu makebe; babasamba ne mêyi adi akolesha ku mutshima ne afila ditekemena. Dianjila kudilongolola bua kuleja mu dinaya dimue ta abidi malu awu anu muvuawu menzeke.

Musambu 222 ne disambila dia nkomenu.

Lumingu lua dia 17 Tshisua-munene

Musambu 211

Min. 10: Mamanyisha a mu tshisumbu. Luapolo lua konte. Manyisha tshidi tshisumbu tshilongolola bua mudimu wa buambi wa pa buawu mu dia 25 ngondo wa dikumi ne muibidi ne dia 1 ngondo wa kumpala.

Min. 22: “Manyisha Dîyi dia Nzambi bimpe menemene.”b Enzayi dinaya dia tshilejilu diakanyine pa malu adibu baleje mu tshikoso 4. Kabidi, enzayi dinaya dia tshilejilu pa mushindu muimpe unutu nuenza muaba unudi bua kukankamija anyi kusamba bantu badi ne kanyinganyinga bua malu adi enzeka matuku aa pa buloba. Udi mua kulonda mu tshikoso bumue bualu bumona. Ebeja badi mu tshisangilu bua bumvuije bua tshinyi badi bamona ne: dienza mudimu ne Bible didi diambuluisha bikole bua malu atudi tuyisha kupatulawu bipeta bimpe.

Min. 13: ‘Nudi ne wenu Bible.’ Diyukidilangana ne bateleji dimanyine pa mukanda wa Comment raisonner, dibeji dia 411. Bikala bantu kabayi basua kututeleja bualu tudi tuyisha ne Bible wa Traduction du monde nouveau, ntshinyi tshitudi mua kuamba? Dianjila kulongolola bua bamanyishi bafike ku diumvuija mu mêyi abu nkayabu mandamuna adi mu mukanda eu.

Musambu 225 ne disambila dia nkomenu.

Lumingu lua dia 24 Tshisua-munene

Musambu 218

Min. 10: Mamanyisha a mu tshisumbu. Manyisha mukanda wa kufila mu ngondo wa kumpala ne mikanda idi mu stoke wa tshisumbu. Ku diambuluisha dia ngenyi idi mu dibeji dia 8, enzayi manaya a tshilejilu abidi pa mushindu wa kufila bibejibeji, dinaya dimue ne Tshibumba tshia Nsentedi tshia dia 1 Tshiongo ne dikuabu ne Réveillez-vous! wa dia 8 Tshiongo. Benze dinaya dimue kudi nsonga.

Min. 10: “Kalasa ka Mudimu wa Teokrasi bua 2002.” Muyuki kudi mutangidi wa kalasa. Kankamija bantu bonso bua bikale ne tshisumi mu dienza midimu yabu ya mu kalasa.

Min. 25: “Tuyishayi ne bande wa video wa Jusqu’aux extrémités de la terre.” Diyukidilangana ne bateleji. Kankamija bantu bonso bua bele meji bimpe pa bukuabu bualu budibu mua kuenza bua kufikisha lumu luimpe kudi bakuabu, muaba unudi anyi muaba udi dijinga dia bungi. Tangila Mudimu wetu wa Bukalenge wa ngondo wa Kashipu 2001, dibeji 4. Padi bande kayiku, nuangate mukanda wa Prédicateurs, dibeji dia 521-546, ne Tshibumba tshia Nsentedi tshia dia 1 Tshiongo 1999, dibeji 6. Mu ngondo muibidi netukonkonone bande wa video wa Noé: il marchait avec Dieu.

Musambu 24 ne disambila dia nkomenu.

Lumingu lua dia 31 Tshisua-munene

Dimanyisha: Bisumbu kabiena ne bua kushintulula Tshisangilu tshia Mudimu tshia lumingu lua dia 31 Tshisua-munene bua kutshienza mu matuku adi kumpala kua lumingu elu nansha, amba anu bikala mutangidi wa tshijengu ukumbula tshisumbu lumingu alu. Mu bisumbu bionso, badi ne bua kulonda ndongamu wa Tshisangilu tshia Mudimu bua kukonkonona anu mudibu baleje amu malu adi mu tshisakidila adi akula bua mpungilu. Bikala lumingu alu kuikale mpuilu wa tshijengu, balombodi ba dilonga dia mukanda nebamanyishe muaba ne matuku enzeka mpungilu miaba itubu benzela dilonga dia mukanda.

Musambu 140

Min. 10: Mamanyisha a mu tshisumbu. Uvuluije bamanyishi bua bafile luapolo luabu lua mudimu bua ngondo wa Tshisua-munene. Bikala tshisumbu tshienu tshishintulula mêba a bisangilu mu tshidimu tshiatuadija etshi, kankamija muntu yonso bua kutungunuka ne kulua pa tshibidilu mu bisangilu pa mêba adibu bashintulule aa. Numanyishe bapiabapia bonso ne bawetu bakuabu badi kabatshiyi bayisha dishintuluka edi.

Min. 15: Nemekayi bakulu. Basadidi ba mudimu babidi ta basatu badi bayukidilangana pa Tshibumba tshia Nsentedi tshia dia 1 Kabalashipu 1999, dibeji dia 18-19. Badi bumvuija majitu a bungi adi bakulu ne bua kuambula, tshilejilu midimu yabu nkayabu, majitu abu a mu dîku ne midimu ya mu tshisumbu. Lejayi tshidi muntu yonso mua kuenza bua kubakankamija, kubapepejila bujitu ne kulonda bulombodi buabu. Basadidi ba mudimu aba badi bitaba se: bulelela bakulu badi benza mudimu wa mushinga mukole ne mbakanyine ‘kubanemeka ne kanemu kuonso.’​—1 Tes. 5:12, 13, MMM.

Min. 20: “‘Bamanyishi ba Bukalenge ba tshisumi’: Mpungilu wa Distrike wa Bantemu ba Yehowa bua tshidimu tshia 2002.”c Sekretere ke watshienza, ne neatambe kunemenena pa tshikoso 4-11. Panuafika ku tshikoso 3, ubale mukanda wa dia 15 Tshisua-munene 2001 mufundila bisumbu bua muaba udibi ne bua kuya kubuela mu mpungilu. Ela bena mu tshisumbu kalumbandi ne musangelu bua mudibu batuadija kudilongolola bua kubuela mu mpungilu.

Musambu 219 ne disambila dia nkomenu.

Lumingu lua dia 7 Tshiongo

Musambu 20

Min. 10: Mamanyisha a mu tshisumbu.

Min. 20: Enza malu bimpe menemene mu muoyo webe. Bena mu dîku badi bayikila pa Tshibumba tshia Nsentedi tshia dia 15 Tshimungu 1998, dibeji dia 8-9. Tatu wa dîku mmusue bua bena mu dîku badifundile bipatshila bidi mua kubatuadila disanka pamutu pa kubatekesha mu mikolo. Badi babala mibelu ya mu Bible idi mu tshiena-bualu etshi idi ileja mushindu wa kupeta disanka, pa kutuma lungenyi ku mushinga wa dijingulula dia malu, kumanya mua kuteka malu adi ne mushinga wa bungi pa muaba wa kumpala ne kabidi kumanya mua kueyemena anu Yehowa. Badi batela malu adibu bamone ne: adi akengela kuakaja mu dîku.

Min. 15: Tukenketayi bimpe Nzubu wetu wa Bukalenge. Muyuki kudi mukulu. Tangilayi mushindu udi Nzubu wa Bukalenge. Ntshinyi tshinudi balongolole bua disukula dia Nzubu wa Bukalenge yonso mujima kumpala kua Tshivulukilu? Mbintu kayi bidi bikengela kulongolola kumpala kua dituku adi? Leja bidi bena mu tshisumbu ne bua kuenza bua kuambuluisha. Akula ne dishindika bua kuleja ne: muaba wetu wa ntendelelu udi ne bua kuikala mulengele ne wa kunemeka anu mudibi bikengela bua nzubu wa Yehowa.​—Mus. 84:1.

Musambu 126 ne disambila dia nkomenu.

[Mêyi adi kuinshi]