Ndongamu wa Bisangilu bia Mudimu

DIMANYISHA: Mudimu wetu wa Bukalenge newikale ne programe wa Tshisangilu tshia Mudimu bua lumingu luonso mu ngondo ikala mpungila ya distrike ne bua kuenzeka. Bisumbu bidi mua kumuakajilula mudibi bikengela bua bantu bapete mushindu wa kubuela mu Mpungilu wa Distrike wa “Bamanyishi ba Bukalenge ba Tshisumi.” Padibi biakanyine, nuangate minite 15 mu Tshisangilu tshia Mudimu tshia ndekelu kumpala kua lumingu lua mpungilu bua kuvuluijangana mibelu idi ne mushinga ne mikumbanyine idi mu tshisakidila tshia ngondo eu. Mu ngondo wa dikumi, nebalongolole Tshisangilu tshia Mudimu tshijima bua kukonkonona malu manene a mu mpungilu. Bua kumona mua kudilongolola ku diyukidilangana adi, yonso wa kutudi udi ne bua kufundaku mu tshikoso malu manene a mu mpungilu, kabidi ne malu masunguluke atudi tujinga bua kuatumikila muntu ne muntu mu nsombelu wetu anyi mu buambi. Pashishe netumvuije mushindu utudi batumikile ngenyi eyi kubangila katshia tubuela mu mpungilu. Nebitukankamije bonso bua kuteleja muntu ne muntu ulonda mudi dilongesha dimpe ditudi bapete edi dimuambuluishe.

Lumingu lua dia 13 Lumungulu

Musambu 37

Min. 15: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8, enzayi manaya a tshilejilu pa mushindu wa kufila Tshibumba tshia Nsentedi tshia dia 15 Lumungulu ne Réveillez-vous! wa dia 22 Lumungulu. Mu dinaya dionso, leja mushindu wa kutshimuna tshipumbishi tshia muyiki etshi: “Ndi ne midimu.”​—Tangila mukanda wa Comment raisonner dibeji dia 19-20 anyi kakanda ka Mua kutuadija ne kutungunuka ne mayuki pa Bible dibeji dia 11-12.

Min. 15: “Dikoleshangana ku muoyo dia pa buadi.” Muyuki. Jula bateleji muoyo wa kubuela mu mpungilu yonso mujima. Kolesha bantu bonso bua kubuela mu bitupa bionso, kubangila mu Ditanu mu dinda to mu Dia lumingu dilolo.

Min. 15: “Tungunuka ne kuipatshila tshidi tshimpe.”a Uleje ne: bidi bikengela kuanyisha bionso bidi bilongolola bua miaba ya dilala bienza bua diakalenga dietu. Wele kashonyi pa mavuluija asatu adi mu tshikoso 2. Umvuija bua tshinyi bidi ne mushinga bua tuetu bonso kuikala ne ngikadilu mimpe.

Musambu wa 115 ne disambila dia nkomenu.

Lumingu lua dia 20 Lumungulu

Musambu 13

Min. 15: Mamanyisha a mu tshisumbu. Luapolo lua konte. Konkononayi kazubu ka Mandamuna ku nkonko yenu.

Min. 12: “Kumbaja majinga ebe a mu nyuma.” Muyuki ne diyukidilanga ne bateleji. Leja bimpe bua tshinyi muntu yonso udi ne bua kuikala ne ntema mikole ku programe yonso wa mpungilu. Wimanyina pa mushinga wa kutumikila bitudi tulonga pamutu pa kuikala anu kuteleja patupu. Wakuila pa dimanyisha didi kulu eku pa bidi bitangila tshidibu balongolola bua Tshisangilu tshia Mudimu mu ngondo wa dikumi, patuenza diambulula dia ngenyi menene ya mpungilu wa distrike mu tshisumbu. Lomba bantu bonso bua bikale bangata note. Lomba bua bantu baleje muvua programe wa tshidimu tshishale mubambuluishe.

Min. 18: “Tuikalayi ne budipuekeshi mu mvuadilu ne mu ndengejilu wa mubidi ne nsuki.”b Tshienzabu kudi mukulu, neabale tshikoso tshionso panyima pa bamane kutshikonkonona. Ambuluisha bantu bonso bua bamanye mudibi bikengela kuikala ne budimu bua bidi bitangila mmuenekelu wetu patudi mu bantu.

Musambu 169 ne disambila dia nkomenu.

Lumingu lua dia 27 Lumungulu

Musambu 208

Min. 12: Mamanyisha a mu tshisumbu. Vuluija bamanyishi bua bafile luapolo lua mudimu wa buambi lua ngondo muitanu. Ku diambuluisha dia ngenyi idi mu dibeji dia 8, longolola dinaya dia tshilejilu bua muambi wa lumu luimpe muntu mukulumpe aleje mua kufila Tshibumba tshia Nsentedi tshia dia 1 Kabalashipu ne mu dikuabu dinaya muambi wa lumu luimpe muana bua yeye aleje mua kufila Réveillez-vous! wa dia 8 Kabalashipu. Kunyima kua dinaya dionso, uleja mushindu mulenga wa kubueja mvese mu diyuki dietu patudi tufila tshibejibeji.

Min. 15: “Tshisumbu tshienu tshidi ne teritware munene anyi?” Muyuki ne diyukidilangana ne bateleji dialombola mutangidi wa mudimu. (Bisumbu bidi ne teritware mikese bidi mua kuenza biobi tshiena-bualu tshia ne: “Enza mudimu bimpe ne dîba diudi nadi,” tshidi mu Mudimu wetu wa Bukalenge wa Kabalashipu 1999.) Leja bungi bua teritware idi nayi tshisumbu tshienu ne bungi bua inudi bajikije tshidimu tshishale. Umvuije mushindu unudi mua kuenza mudimu ne ngenyi idibu bafile bilondeshile muaba unudi basombele. Konkonona malu bua matuku adi kumpala anudi balongolola bua kumona mua kuyisha mu teritware itubu benzela mudimu anu mu mpukampuka.

Min. 18: “Utu wenza mudimu ne broshire wa Utulomba bua kutuadija dilonga Bible ne bantu anyi?” (Muntu yonso ikale ne tshisakidila tshia Mudimu wetu wa Bukalenge wa Tshiongo 2002 bua diyukidilangana edi.) Tuadija tshitupa etshi ne dinaya dia tshilejilu dilongolola bilenga kudi mumanyishi didi dileja mushindu wa kutuadija dilonga dia Bible ne muntu, ne mumanyishi eu enza mudimu ne tshilejilu tshidi mu tshikoso 3. Pashishe, uleja ngenyi minene idi mu broshire ne mushindu udiye milongolola bilenga bua kutuadija malonga. Leja mushinga wa kuambulula ngenyi ya kuenza nayi mudimu idi mu tshisakidila dia Tshiongo 2002. Konka bateleji bua baleje ngenyi idibu bamone mipatula bipeta bilenga. Bua kujikija, ambulula dinaya dia tshilejilu dia ntuadijilu adi.

Musambu 93 ne disambila dia nkomenu.

Lumingu lua dia 3 Kabalashipu

Musambu 178

Min. 15: Mamanyisha a mu tshisumbu. Longolola bua bambi ba lumu luimpe balonde bipeta bilenga bidibu bapeta bualu badi bampanda-njila ba pa tshibidilu anyi bambuluishi bua ngondo muisatu, muinayi anyi muitanu.

Min. 15: Mushindu udi mukanda wa Comment raisonner wenza mudimu ne nkudimuinu mikuabu ya Bible. Muyuki wa tshikoso, pashishe diyukidilangana ne bateleji. Bala tshikoso tshia 1 dibeji dia 8 mu mukanda wa Comment raisonner ne umvuija bua tshinyi ne mushindu utudi mua kutamba kuikala tuenza mudimu pa Bible mu buambi. Leja liste wa bikepeshilu bia mêna a nkudimuinu ya Bible mu dibeji 6 ne umvuija bua tshinyi tudi tutela imue mvese idi miangatshila mu nkudimuinu eyi. Nuakule bua mibelu idibu bafila bua kutudimuija nayi idi mu Tshibumba tshia Nsentedi tshia dia 1 Kasuamansense 1997 dibeji dia 16, tshikoso 2 ne dibeji dia 20 tshikoso tshia 15. Wenza mudimu ne tshiena-bualu bu mudi tshia: “Succession apostolique,” “Images,” ne “Trinité” mu mukanda wa Comment raisonner, lomba bateleji bua baleje bua tshinyi bidi ne mushinga bua kuikala kufuanyikija nkudimuinu patudi tulongesha bantu bulelela.

Min. 15: “Ditabuja dietu didi ditusaka ku bienzedi bilenga.”c Panudi nufika mu tshikoso 2, ela muambi wa lumu luimpe wa tshisumi nkonko mu minite mikese. Mumanyishi mukuabu umvuija mushindu udi kuyisha bantu bakuabu kuambuluisha bua kuleja ne kukolesha ditabuja diende.

Musambu 56 ne disambila dia nkomenu.

[Mêyi adi kuinshi]