Ndongamu wa Bisangilu bia Mudimu

Lumingu lua dia 12 Tshimungu

Musambu 76

Min.  7: Mamanyisha a mu tshisumbu ne makuabu makanyine a mu Mudimu wetu wa Bukalenge. Bua bisangilu bia mudimu wa buambi bia matuku adi alonda, tudi tulomba bisumbu bua kulongololabi ne kuenza manaya a tshilejilu abidi, benze mudimu ne ngenyi idi mu dibeji dia 10: dinaya dimue bua kuleja mua kufila Tshibumba tshia Nsentedi tshia dia 15 Tshimungu ne dikuabu bua Réveillez-vous! wa dia 22 Tshimungu. Mu dinaya dionso, uleje mushindu kampanda wa kuandamuna padi muntu ukukosa ku dîyi wamba ne: “Bua tshinyi nutu nukumbulangana misangu mivule nunku?”​—Tangila kakanda ka Mua kutuadija ne kutungunuka ne mayuki pa Bible dibeji dia 12 anyi mukanda wa Comment raisonner, dibeji dia 20.

Min. 20: “Difundila bipatshila bia mu nyuma.”a Panudi nufika mu tshikoso 5, wakuile pa malu adi akankamija bantu bua mudimu wa bumpanda-njila bua pa tshibidilu, bua Kalasa ka Dilongesha Mudimu ne mudimu wa ku Betele adi mu mukanda wa Mudimu wetu, mu dibeji dia 113-116.

Min. 18: “Tudi ne tshia-mudimu tshipiatshipia bua kutuadija malonga a Bible ne bantu!” Diyukidilangana ne bateleji dienza mutangidi wa mudimu. Basadidi babanyine muteleji yonso trakte mupiamupia eu wa: Aimeriez-vous en savoir plus sur la Bible? umue umue bikalayiku. Ku diambuluisha dia malu adi mu kazubu ka “Mushindu wa kufila bibejibeji,” nuenze manaya a tshilejilu abidi malongolola bilenga. Mumanyishi umue neafile Tshibumba tshia Nsentedi ne mukuabu Réveillez-vous! Mu dinaya dionso, mumanyishi udi ujikija pa kupesha muntu trakte wa En savoir plus sur la Bible; ku bantu abu, muntu umue mmuitabe tshibejibeji ne mukuabu mmutshibenge. Ambila bamanyishi bonso bua kupesha bantu bonso badibu bapetangana nabu mu buambi trakte eu. Bisumbu bia miakulu mikuabu pa kumusha bia Mfualansa, tudi tubilomba bua kumanya malu adi mu tshiena-bualu etshi bimpe menemene ne adi mu trakte wa mu Mfualansa, nansha bikala trakte ya mu muakulu wenu kayiyi mianji kuikalaku.​—Tangila mukanda mutumina bisumbu bionso wa dia 10 Tshimungu 2001.

Musambu 191 ne disambila dia nkomenu.

Lumingu lua dia 19 Tshimungu

Musambu 182

Min. 12: Mamanyisha a mu tshisumbu. Luapolo lua konte. Nukonkonone tshiena-bualu tshia: “Programe mupiamupia wa mpuilu wa pa buende wa dituku dimue.” Manyisha dituku dienzeka mpuilu wa pa buende eu ne ambila bantu bonso bua kufika kumpala kua dîba ne kuteleja programe yonso ku ntuadijilu ne ku ndekelu kuende. Kankamija bamanyishi bua kubikila bantu bapiabapia ne balongi ba Bible.

Min. 15: Ntshinyi tshidi tshibapangisha bua kuyukila netu? Diyukidilangana ne bateleji ne dinaya dia tshilejilu. Mu mudimu wetu tutu tupetangana misangu ya bungi ne bantu badi kabayi basue bua kuyukila netu pa mayisha abu. Bualu ebu budi mua kutupangisha bua kumanyisha bakuabu lumu luimpe lua Bukalenge. Tuetu bamanye tshidi tshibapangisha bua kuyukilabu netu, bidi mua kutuambuluisha bua kumona mua kuakaja mêyi atuamba ikala mua kubakoka bua kuitababu bua kuamba tshidi mu meji abu. Yukidilanganayi pa mushindu wa kuakaja mbuelelu wetu patudi tupetangana ne bantu badi: (1) Kabayi babutshiuka bua malu a ntendelelu, nansha malu a ntendelelu wabu mene. (2) Banange bilele bia ntendelelu bivua bankambua babu ne bidi dîku dinemekela bikole. (3) Bumvua bundu bua kuakula bua mayisha abu bualu kabena ne mvese ya nsongo ya kufila bua kumvuija malongesha abu aa nansha. (4) Ne badi ne ngenyi mibi pa bidi bitutangila bualu baluishi betu mbatutangalajile lumu lubi. Udi mua kuakaja malu aa bilondeshile malu adi enzeka muaba unudi, nutambe kuimanyina pa mmuenenu udi nende bantu misangu ya bungi. Sakidila dinaya dîpi didi dileja mushindu wa kukoka ntema ya muntu ku tshidi Bible wamba.

Min. 18: “Tulejayi lulamatu lua buena-Kristo padi umue wa mu dîku dietu muikala muipata mu tshisumbu.”b (Tshikoso 1-8.) Tshia kuenzabu kudi mukulu mupiluke ne diambuluisha dia nkonko idi mifilamu. Badishe tshikoso tshionso kudi muanetu wa balume udi mubadi mulenga.

Musambu 136 ne disambila dia nkomenu.

Lumingu lua dia 26 Tshimungu

Musambu 189

Min. 10: Mamanyisha a mu tshisumbu. Ku diambuluisha dia ngenyi idi mu dibeji dia 10, mpanda-njila muambuluishi anyi wa pa tshibidilu umue enze dinaya dia tshilejilu dimue pa mushindu wa kufila Tshibumba tshia Nsentedi tshia dia 1 Kabitende ne mumanyishi umue enze dikuabu pa mushindu wa kufila Réveillez-vous! wa dia 8 Kabitende. Lomba bamanyishi bonso bua kuikalabu babala ne bantu mvese padibu bayukila nabu.

Min. 17: “Tulongayi mua kuyukidishangana!”c Ku ndekelu kua diyukidilangana edi, ambila bamanyishi bua kubala nshapita wa “Mushindu wa kuyikila ne bantu bilenga” mu mukanda wa Kalasa ka Mudimu wa Nzambi kadi kakuambuluisha, dibeji dia 62-65, pikalawu ukadiku.

Min. 18: “Tulejayi lulamatu lua buena-Kristo padi umue wa mu dîku dietu muikala muipata mu tshisumbu.”d (Tshikoso 9-14) Tshia kuenzabu kudi mukulu udi mupiluke ne diambuluisha dia nkonko idi mifilamu. Badishe tshikoso tshionso kudi muanetu wa balume udi mubadi mulenga.

Musambu 125 ne disambila dia nkomenu.

Lumingu lua dia 2 Kabitende

Musambu 84

Min. 10: Mamanyisha a mu tshisumbu. Vuluija bamanyishi bua kufilabu luapolo lua ngondo wa muanda-mukulu. Akula mu tshikoso bua ngenyi idi mu tshiena-bualu tshia “Bala pamue ne bana bebe” tshipatula mu Tshibumba tshia Nsentedi tshia dia 1 Lumungulu 1999, dibeji dia 25.

Min. 20: Dilongolola kumpala kua kuya. Diyukidilangana ne dinaya dia tshilejilu. Didilongolola dilenga didi difikisha ku bipeta bimpe mu mudimu wetu wa buambi. Nunku, Dianjila: (1) Kukeba mikanda iwikala nayi dijinga. (2) Kuikala ne tubeji tua note ya ku nzubu ne ku nzubu bungi bukumbane ne bike anyi kreyon. (3) Bikalabi bikengela mashinyi bua kuya, longolola makuta a kufuta njila. (4) Ikala mujadike bungi bua bantu bawikala ne bua kupinganyina. (5) Longolola malu awamba. Pawikala ne bua kulombola tshisangilu tshia mudimu wa buambi, ikala ne karte ya teritware bungi bukumbane. Yukila ne bateleji pa mishindu ibidi anyi isatu itudi mua kuenza bua kufila mukanda wa Dimanya mu buambi mu ngondo wa tshitema. Longolola dinaya dia tshilejilu ne umue wa ku mishindu ya dileja eyi, ne kabidi babale ne mvese mu dileja adi.​—Tangila ngenyi idi mu Mudimu wetu wa Bukalenge wa Kashipu 1997, dibeji 4, ne wa Kabalashipu 1996, dibeji dia 8.

Min. 15: Majinga a tshisumbu. Anyi lomba bateleji bua balonde malu adibu bamone mu buambi bua mu mpukapuka, pamuapa mu diyisha lumu luimpe miaba itu bantu bimanyikila mashinyi, mu taksi anyi mu bise, mu mpangu ya dijikijila lutetuku, mu bisalu, ku ngala wa kawulu ne mu miaba mikuabu yonso idi bantu ba bungi. Longolola dinaya dia tshilejilu dimue anyi abidi adi aleja malu anu muvuawu menzeke.

Musambu 99 ne disambila dia nkomenu.

[Mêyi adi kuinshi]