Ndongamu wa Bisangilu bia Mudimu

Lumingu lua dia 13 Tshiongo

Musambu 69

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji 4, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Tshiongo ne Réveillez-vous! wa dia 22 Tshiongo. Mu dinaya dionso, nebaleje muntu bibejibeji ebi bionso bibidi, nansha bikalabu bamumvuije anu bualu bua tshibejibeji tshimue.

Min. 15: Tubatshimune katuyi babambile dîyi. Muyuki ne diyukidilangana ne bateleji. Tshikadilu tshimpe tshia muena Kristo tshidi tshiyisha bantu bikole. Ntshikadilu tshidi tshisake bamue bena dibaka badi kabayi bena kuitabuja bua kulua batendeledi ba Yehowa. (1 Pet. 3:1, 2) Londaku malu adi mu Tshibumba tshia Nsentedi tshia dia 1 Tshiongo 1999 dibeji 4; ne tshia dia 1 Kasuamansense 1995 dibeji dia 10-11; ne mu Annuaire 1995 dibeji dia 46. Udianjile kulongolola bua bantu babidi anyi basatu kulondabu malu mimpe adibu bamone adi akolesha ku muoyo mafumine ku ditumikila dia mibelu ya mu Bible muaba unudi.

Min. 20: “Tukumbajayi mutshipu wetu wa didilambula.”a Kunyima kua tshikoso 3, wele muntu mukulumpe umue anyi mupiankunde ukadi mutambule nkonko. Mmateta ne ntatu kayi bikadiye mupete katshia watambula? Ntshinyi tshiakamuambuluisha bua kutshimuna ntatu ayi? Mmunyi mudi dilambula muoyo wende kudi Yehowa dimuambuluishe?

Musambu 22 ne disambila dia nkomenu.

Lumingu lua dia 20 Tshiongo

Musambu 44

Min.  8: Mamanyisha a mu tshisumbu. Luapolo lua konte.

Min. 15: Nutuku nukonkonona Mifundu dituku dionso anyi? Muyuki ne diyukidilangana ne bateleji. Kankamija bantu bonso bua kuikalabu babala kakanda ka Tukonkononayi Mifundu dituku dionso​—2003. Umvuija mêyi a mbangilu adi mu dibeji 3-4. Fila ngenyi pa mushindu udi bena mu mêku mua kuikalabu bakonkonona mvese wa dituku pamue. Bua kuleja buimpe bua dikonkonona dia mvese wa dituku dionso, ukonkonone bilejilu bia mvese ibidi ta isatu ya matuku a ngondo udi kumpala ne mumvuija ayi. Buejamu dinaya dia tshilejilu dîpi dia mulume ne mukajende bakonkonona pamue mvese wa dituku dia lelu ne mumvuija ende.

Min. 22: “Tulongeshayi bakuabu muakulu mukezuke.”b Panyima pa tshikoso 6, mumanyishi umue mupiluke enze dinaya dia tshilejilu pa mushindu wa kutuadija dilonga dia Bible dia bimanyine ku tshibi mu dikumbula muntu, enze nunku ne diambuluisha dia dimue dia ku maleja adi mu tshisakidila tshia Mudimu wetu wa Bukalenge wa Tshiongo 2002, dibeji 4. Bakonkonone tshikoso tshimue tshia mu broshire wa Utulomba. Mumanyishi au ajikije ne lukonko ludiye ujula pa tshikoso tshidi tshilonda, ne bumvuangane bua kulua kuluandamuna mu dikumbula dialonda. Kankamija bantu bonso bua kuela meji ni bantu bonso batubu bakumbula badi mua kuanyisha bua kulonga Bible mushindu eu.

Musambu 68 ne disambila dia nkomenu.

Lumingu lua dia 27 Tshiongo

Musambu 92

Min. 10: Mamanyisha a mu tshisumbu. Vuluija bamanyishi bua kufilabu luapolo lua mudimu wa buambi. Ku diambuluisha dia ngenyi mifila mu dibeji 4, enzayi manaya a tshilejilu abidi mashilangane pa mushindu wa kufila Tshibumba tshia Nsentedi tshia dia 1 Luishi ne Réveillez-vous! wa dia 8 Luishi. Umvuija mu mêyi makese mushindu utudi mua kupinganyina bantu batuvua bashile bibejibeji.​—Tangila Mudimu wetu wa Bukalenge wa Tshimungu 2002, dibeji dia 8 tshikoso tshia 10.

Min. 15: Utuku unemeka muaba wenu wa ntendelelu anyi?c (w93 15/6 dib. 28-31) Muyuki ne diyukidilangana ne bateleji kudi mukulu. Sakidila ngenyi miangatshila mu mukanda wa Mudimu wetu, dibeji dia 61-62, ne mu Mudimu wetu wa Bukalenge wa Kasuabanga 1999, dibeji dia 7.

Min. 20: Ambuluishayi bakuabu bua kusemena pabuipi ne Yehowa. Muyuki ne diyukidilangana ne bateleji. Netufile mukanda mupiamupia wa Approchez-vous de Jéhovah mu ngondo muibidi. Yukidilayi pa dimanyisha difundila babadi mu dibeji 3, pashishe umvuije amue malu manene adi mu mukanda eu. Tshitupa tshionso tshia ku binayi ebi ntshishindamene pa umue wa ku ngikadilu minene inayi ya Yehowa. Kudi nshapita umue mu tshitupa tshionso udi umvuija muvua Yezu muleje ngikadilu muine au ne nshapita mukuabu udi umvuija mushindu utudi petu mua kuidikija ngikadilu eu. Kudi bimfuanyi bia malu a mu Bible bidi biuwule mu mabeji majima-majima 17. Kudi kabidi tuzubu tua “Nkonko ya kuelela meji” idi ituambuluisha bua kuela meji pa malu makuabu a mushinga mukole a mu tshiena-bualu tshionso. Wambulule kazubu ka “Ngenyi mifila ya mushindu wa kuleja mukanda wa Approchez-vous de Jéhovah,” ne usungule muanetu wa balume mukumbane bua kuenzaye dinaya dimue dia tshilejilu ku adibu bafile aa.

Musambu 124 ne disambila dia nkomenu.

Lumingu lua dia 3 Luishi

Musambu 9

Min. 15: Mamanyisha a mu tshisumbu. Konkononayi kazubu ka Mandamuna ku nkonko yenu.

Min. 12: Tuidikijayi ditabuja diabu. Sungula mukulu umue udi mukuatshile Yehowa mudimu ne budipuekeshi ne lulamatu kukadi bidimu bia bungi, umuele nkonko. (Eb. 13:7) Mmunyi muvuaye mufike ku dimanya bulelela? Nntatu kayi ivuaye mutshimune bua kushalaye mulamate bulelela? Mmalu kayi a mu nyuma peshi adi akankamija avua mamuambuluishe bua kuya kumpala? Ntshinyi tshivuaye muenze bua kufikaye ku dipeta mudimu udiye nawu mu tshisumbu mpindieu? (1 Tim. 3:1) Ntshinyi tshidi tshimuambuluishe bua kulama nkatshinkatshi pankatshi pa majitu a mu tshisumbu, a ku mudimu wende ne a mu dîku diende? (1 Tim. 5:8) Mmunyi mudiye udiumvua bua mudimu wa pa buawu udiye nawu wa kuambuluisha bakuabu mu tshisumbu?

Min. 18: “Mudimu udi ulomba budipuekeshi.”d Panudi nufika mu tshikoso 3, webeje bateleji bua bafile ngenyi pa mushindu wa kuandamuna padi muntu kampanda mu teritware utupenda anyi utuandamuna ne mêyi mabi, anyi kabidi ututandisha. Panudi nufika mu tshikoso 4, ufile mumvuija adi mu mukanda wa Étude perspicace, volime 1, dibeji 1158, tshikoso 2. Shindika bualu bua ne: mudimu wa buambi udi ulomba kuikala ne budipuekeshi nansha bantu buobu batuakidila bimpe mu teritware wetu.​—w02 15/8 dib. 19.

Musambu 133 ne disambila dia nkomenu.

[Mêyi adi kuinshi]