Ndongamu wa Bisangilu bia Mudimu

Lumingu lua dia 11 Kashipu

Musambu 49

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Enza mudimu ne ngenyi idi mu dibeji 6 (pikalayi miakanyine teritware wenu) bua kuleja mushindu wa kufila Tshibumba tshia Nsentedi tshia dia 15 Kashipu ne Réveillez-vous! wa dia 22 Kashipu. Nudi mua kuenza mudimu ne ngenyi mikuabu miakanyine. Mu dinaya dionso, leja tshia kuenza padi muntu wamba ne: “Ndi ne mudimu.”​—Tangila mukanda wa Comment raisonner, dib. 19-20 anyi kakanda ka Mua kutuadija ne kutungunuka ne mayuki pa Bible, dib. 11-12.

Min. 15: Tufile broshire mu Kashipu ne Tshimungu: Tshitupa 2. Muyuki ne diyukidilangana ne bateleji bishindamene pa tshisakidila. Umvuija mu tshikoso mushindu wa kuenza mudimu ne tshisakidila, wakule bua malu adi mu kazubu kadi mu dibeji 3 pamue ne malu manene a mu Mudimu wetu wa Bukalenge wa Tshiongo 2005, dibeji dia 8. Leja mushindu (udi muakanyine teritware wenu) wa kufila broshire musangu wa kumpala panudi nupetangana ne muntu. Enzayi manaya abidi anyi asatu. Mumanyishi utshidi nsonga enze dinaya nansha dimue.

Min. 20: “Tumanyishayi bantu ba bungi menemene lumu luimpe.”a Panudi nufika mu tshikoso 4, nukonkonone malu adi akankamija adi mu mukanda wa mu dia 10 ngondo wa kumpala 2003 udi wakula bua kuya muaba udibu ne dijinga dikole dia bamanyishi mu teritware wetu. Mu tshikoso 5, nukonkonone ngenyi idi mu Mudimu wetu wa Bukalenge wa Kabalashipu 2005, dibeji dia 8, idi miakanyine teritware wenu.

Musambu 88 ne disambila dia nkomenu.

Lumingu lua dia 18 Kashipu

Musambu 173

Min. 10: Mamanyisha a mu tshisumbu. Konkonona mu tshikoso malu adi mu Tshibumba tshia Nsentedi tshia dia 15 Tshimungu 2000, dibeji dia 32. Leja bulenga bua kuikala ne tshibidilu tshia kubala Bible dituku dionso, nansha dîba dia dikisha anyi dîba dikuabu ditudi katuyi mu mudimu wa matuku onso.

Min. 15: “Tulombolayi malonga a Bible mimpe: Tshitupa tshia 11.”b Longolola dinaya didi dileja mulombodi wa dilonga ne mumanyishi mupiamupia badilongolola bua kuenza dikumbula dipiadipia. Badi bakonkonona malu avuabu bayukile ne muntu musangu wa kumpala ne basungula bualu bua kumupinganyina nabu. Badi kabidi balongolola mushindu mupepele wa kutuadija muyuki ne lukonko luelabu ku ndekelu kua muyiki wabu. Dinaya didi dijika padibu bajinga kuambulula dinaya didibu balongolole.

Min. 20: Ambuluisha bakuabu bua banange Bible. Diyukidilangana mu nkonko ne mandamuna dimanyine mu mukanda wa Tutendelelayi Nzambi, dibeji dia 24-25, tshikoso 3-6. Ela nkonko idi mu mukanda. Sakidila amue malu adi mu broshire wa Un livre pour tous, dibeji dia 32.

Musambu 10 ne disambila dia nkomenu.

Lumingu lua dia 25 Kashipu

Musambu 138

Min. 15: Mamanyisha a mu tshisumbu. Luapolo lua konte, ubala ne mukanda wa dianyisha wa kudi biro bietu. Enza mudimu ne ngenyi idi mu dibeji 6 (pikalayi mikumbanyine teritware wenu). Leja mushindu wa kufila Tshibumba tshia Nsentedi tshia dia 1 Tshimungu ne Réveillez-vous! wa dia 8 Tshimungu. Nudi mua kuenza mudimu ne ngenyi mikuabu miakanyine. Mu dinaya dimue, leja mushindu wa kufila bibejibeji padi mpunga umueneka mu tshisalu anyi muaba mukuabu udi bantu ba bungi.

Min. 10: Bueja bulelela mu muoyo wa muanebe. (Dut. 6:7) Muyuki kudi mukulu muangatshila mu Tshibumba tshia Nsentedi tshia dia 15 Tshimungu 2002, dibeji dia 30-31. Leja patoke mibelu ya mu Bible idi mua kuambuluisha muledi muena Kristo udi muena dibaka nende kayi Ntemu mua kukolesha bana.

Min. 20: “Dibanza ditudi nadi kudi bakuabu.”c Sakidila ngenyi ya mu Tshibumba tshia Nsentedi tshia dia 1 Kashipu 2000, dibeji dia 11, tshikoso tshia 13.

Musambu 82 ne disambila dia nkomenu.

Lumingu lua dia 1 Tshimungu

Musambu 187

Min. 15: Mamanyisha a mu tshisumbu. Vuluija bamanyishi bua kufilabu luapolo luabu lua mudimu lua ngondo muisambombo. Lomba bateleji bua babulule mukanda wa Kalasa ka Mudimu mu dibeji dia 70 ne nuyukidilangane pa tshikoso tshia 1-2 ne kazubu kadi kamba ne: “Mua kuandamuna mu bisangilu.”

Min. 15: “Ambuluishayi bana benu bua kuyishabu bimpe.” Muyuki ne diyukidilangana ne bateleji. Enzeja dinaya didi dileja muledi uyisha ne muanende mu mushindu mupepeja. Muledi ajikije dinaya pa kumvuija mushindu wa kufila mapa.

Min. 15: Udiku mutete kushintulula mushindu uutu uyukila ne bantu anyi? Muyuki ne diyukidilangana ne bateleji muimanyine mu Mudimu wetu wa Bukalenge wa Tshiongo 2005, dibeji 6. Ambulula ngenyi idibu bafile ne leja mudi muntu mua kushintulula mushindu wa kufila mukanda wa ngondo wa muanda mukulu. Enzeja manaya abidi anyi dimue.

Musambu 218 ne disambila dia nkomenu.

[Mêyi adi kuinshi]