Mwazatishahu Dehi Chipapilu Chakunyima yaMagazini?
Antu neyi atambula magazini, kakavulu atalaña chipapilu chahewulu kufumahu atalaña chipapilu chakunyima. Chipapilu chakunyima chaKaposhi Kakutalila kawantu amavulu chikweti malwihu amavulu akuleta ikoku ninaambala yefu yinakumwekesha hakuwana nsañu.
Tunateli kuzatisha ichi chipapilu chakunyima kulonda twiluki chakwihula lwihu nikutachika kuhanjeka. Neyi twazatilaña mwiluña dakushimwina kakavulu, twatela kuhimpa njila jakushimwinamu kuhitila mukuzatisha malwihu ashiyashana kakweji kejima. Neyi mwiniitala wudi nanyidimu, tunateli kumuleja mazu antesha nakumuleja lwihu lumu hamalwihu adi hachipapilu chakunyima nakuhosha netu, “Neyi munakukeña kwiluka ñakwilu, nateli kuyishiila iyi magazini nawa tukahanjeka neyi munawani mpinji.” Akwakushimwina amakwawu atachikaña kuhanjeka kuhitila mukumuleja mwiniitala chipapilu chakunyima yamagazini nakumuleja kutondahu lwihu lumu lunakeñiyi. Kuhiñahu akumuleja hakuwana ñakwilu nikutaña nsona yatondawu dehi chadimu. Hadaha munateli kutoñojokahu njila jikwawu jakuzatishilamu chipapilu chakunyima kulonda antu ekaleña nampwila yakutambula Kaposhi Kakutalila.