Hanjekenu Hamutu Wansañu Wumu, Ilaña Hanenu Magazini Ejima
Mumagazini etu ejima mwekalaña nsañu yayiwahi yashiyashana. Chatela tuhanjeki nyitu yansañu yayivulu nawenimatala, chikuwaha neyi tuhanjeka hamutu wansañu wumu hohu. Neyi twikala asoñama nawa twiluka nsañu yidi mumagazini, tunateli kutonda mutu wansañu muKaposhi Kakutalila hela muAwake! wukuleta ikoku kudi mwiniitala. Chakutalilahu, neyi tumona yuma yahemeshañawu anyana mwitala hela hanzi, tunateli kuhanjeka hachibaaba chinakuhosha hansañu yachisaka. Neyi tuwana iyala hetala, tunateli kuhanjeka hansañu yakeñañawu amayala amavulu, chidi neyi nfulumendi yayiwahi. Hela chakwila tunateli kuhanjeka hamutu wansañu wumu hohu, twatela kumushila mwiniitala magazini ejima neyi namwekeshi mpwila.