JEREMIA
1 Magi e weche Jeremia* wuod Hilkia, achiel kuom jodolo ma nodak Anathoth+ e piny Benjamin. 2 Wach Jehova nobirone e higa mar 13 ma Ruoth Josia+ wuod Amon+ ne locho e wi Juda. 3 Wachno nobirone bende e ndalo loch Jehoyakim+ wuod Josia ruodh Juda, nyaka e giko loch Zedekia+ wuod Josia ruodh Juda e higa mar 11 mar lochne, nyaka kinde ma Jerusalem noter e tuech e dwe mar abich.+
4 Wach Jehova ne obirona niya:
Ne aketi janabi ne ogendni.”
6 To ne awacho niya: “Yaye Jehova Wuon Loch Duto!
Ok ang’eyo wuoyo,+ nimar pod an mana rawera.”+
7 Eka Jehova nowachona niya:
“Kik iwach ni, ‘Pod an mana rawera.’
Nimar onego idhi ir ji duto ma abiro ori irgi,
Kendo nyaka iwach gik moko duto ma abiro chiki.+
9 Eka Jehova norieyo bade momulo dhoga.+ Kendo Jehova nowachona niya: “Aseketo wechena e dhogi.+ 10 Kawuononi aseketi e wi ogendni kendo e wi pinjeruodhi, mondo ipudhi kendo imuki, igo piny kendo ikethi, kendo mondo iger kendo ipidhi.”+
11 Wach Jehova nochako obirona kendo niya: “Ang’o mineno Jeremia?” Ne adwoke ni, “Aneno bad yadh lozi.”*
12 Jehova nowachona kama: “Iwacho kare, nimar an bende ok anind kata matin, to arito nyaka achop wachna.”
13 Wach Jehova nobirona mar ariyo niya: “Ineno ang’o?” Ne adwoke niya: “Aneno agulu ma yienyo yo nyandwat, to dhoge oleng’ore kochomo yo milambo.” 14 Eka Jehova ne owachona niya:
“Masira nobi kowuok yo nyandwat
Kuom ji duto modak e pinyno.+
15 Nimar, ‘Aluongo dhoudi duto moa e pinjeruodhi man nyandwat,’ Jehova owacho,+
‘Kendo ginibi; ng’ato ka ng’ato biro chungo kom-lochne
E dho rangeye mag Jerusalem,+
E ohinga duto molwore,
Kendo e mier duto mag Juda.+
16 Abiro nyisogi bura ma aseng’adonegi nikech timbegi maricho,
Nimar giseweya,+
Kendo giwang’o misengni ne nyiseche mamoko,+
Ka gikulore ne gik ma giloso gi lwetgi.’+
17 Omiyo, koro nyaka iikri ne tich,
Kendo nyaka ia malo mondo inyisgi gik moko duto ma achiki.
Kik iluorgi,+
Nono to abiro miyo ibed ma luor e nyimgi.
18 Nimar kawuono aseketi ibedo dala mochiel motegno,
Siro mar nyinyo, kendo ohinga mar mula molworo piny,+
E nyim ruodhi mag Juda kod jodongo mage,
E nyim jodolo mage kod jo piny.+
2 Wach Jehova nobirona niya: 2 “Dhi iland wechegi e it Jerusalem, ‘Ma e gima Jehova owacho:
“Aparo maber kaka ne ichiworina ka ne pod in rawera,+
Hera ma ne inyisa ka ne watimo kisera,+
Kaka ne iluwa e thim,
E piny ma ne ok chuoye kodhi.+
3 Israel ne ler e nyim Jehova,+ ne gin kaka cham mokwongo nyakne.”’
‘Bura ne loyo ng’ato ang’ata ma ne temo kethe.
Masira ne biro kuomgi,’ Jehova owacho.”+
4 Yaye od Jakobo, winjuru wach Jehova,
Kod un dhoudi duto mag Israel.
5 Jehova penjo kama:
“En ketho mane ma kwereu nonwang’o kuoma,+
Ma nomiyo gibaro mabor koda,
Kendo giluwo sanambe+ manono mi gin giwegi gibedo jo manono?+
6 Ne ok gipenjo ni, ‘Jehova ni kanye,
Jal ma nogolowa e piny Misri,+
Ma notelonwa e thim,
E piny motwo kendo motimo bugni,+
E piny motwo+ kendo motimo mudho mandiwa,
E piny ma ji ok wuothie
Kendo ma ji ok odakie?’
7 Ne akelou e piny ma nigi puothe mabeyo,
Mondo ucham olembege kod gik mabeyo monyago.+
To un nubiro mudwanyo pinya;
Numiyo mwanduna obedo gima osina.+
8 Jodolo ne ok openjo ni, ‘Jehova ni kanye?’+
Jo ma ne olony gi Chik ok nong’eya,
Jokwath nong’anyona,+
Jonabi ne koro wach e nying Baal,+
Kendo ne giluwo jo ma ok nyal konyogi.
9 ‘Omiyo, koro abiro dhi nyime kedo kodu,’+ Jehova owacho,
‘Kendo abiro kedo gi nyikwau.’
10 ‘To koro, ng’aduru nam udhi e chulni mag Kitim+ mondo une.
Ee, oruru ji odhi Kedar+ kendo unon matut;
Mondo une ane ka be gima ka ma osegatimore.
11 Be nitie oganda moseweyo nyisechegi mondo giluw gik ma gineno ni ok gin nyiseche?
To joga osewilo duong’na gi gik manono.+
12 Dhieruru nono, un polo;
Beduru maluor ahinya,’ Jehova owacho,
13 ‘Nikech joga osetimo gik moko ariyo maricho:
14 ‘Be Israel en jatich kata misumba monyuol e od ng’ato?
To kara ang’o momiyo ji yakogi?
15 Sibuoche motegno rutone;+
Giseting’o dwondgi malo.
Gisemiyo pinye obedo ka malich.
Osewang’ miechgi, mondo ji kik dagie.
16 Jo-Nof*+ gi Jo-Tapanes+ chamo pat wiu.
19 Richou onego orieu,
Kendo timbeu ma ok kare onego okweru.
Mondo ung’e kendo ufweny kaka weyo Jehova Nyasachu
En gima lit kendo rach ahinya;+
Usechaya,’+ Jehova Wuon Loch Duto kendo Nyasach oganda lweny owacho kamano.
20 ‘Nimar e kinde machon, ne aturo jok maru+
Kendo ne achodo nyorocheu.
To ne iwacho niya: “Ok anatini,”
Nimar e wi gode maboyo kod e tiend yiende duto mabeyo,+
Ne inindo ataro, kidwanyori kaka dhako ma jachode.+
21 Ka ne apidhi ne in koth mzabibu makwar kendo maler;+
To ang’o momiyo isekethori mibedo mzabibu marach e wang’a?’+
22 ‘Kata ka ilwokori gi pi chumbi, kendo tiyo gi sabun mang’eny,
Pod abiro neno kuonde ma richoni otonie,’+ Jehova Wuon Loch Duto owacho.
23 Ere kaka diwach ni, ‘Pok adwanyora.
Pok aluwo Baal’?
Parieuru yoreu e hoho.
Nonieuru gik ma usetimo.
Uchalo gi ngamia ma dhako*
Ma ringo aringa koni gi koni,
24 Punda modak e thim
Ma ng’weyo yamo komanyo thuon.
Ng’ano ma nyalo geng’e sa modwaro ni oluwe?
Thuondi duto ma manye ok chandre.
Ee, gibiro yude ka kinde ma iluwego ochopo.
25 Rit tiendi mondo kik iwuoth ma onge wuoche
Kendo dwondi kik two.
To ne iwacho ni, ‘Ok anyal timo kamano!+
26 Mana kaka wich-kuot yudo jakuo sa ma omake,
E kaka Jo-Israel oseyudo wich-kuot,
Gin, ruodhigi, gi jotendgi,
Jodologi, kaachiel gi jonabigi.+
27 Giwacho ne yath niya, ‘In e wuonwa,’+
Kendo ne kidi niya, ‘In e ma ninyuolowa.’
An to gilokona ng’egi mondo kik ging’iya.+
To e chieng’ masira, gibiro wacho ni,
‘A malo mondo ireswa!’+
28 To koro, ere nyisecheu ma ne uloso?+
Mad gia malo ka ginyalo resou chieng’ masira,
Nimar nyisecheu ng’eny mana kaka miechu, yaye Juda.+
29 ‘Ang’o momiyo usiko kupiem koda?
Ang’o momiyo uduto useng’anyona?’+ Jehova penjo.
30 Asegoyo nyithindi to pod wigi tek.+
31 Yaye tieng’ni, nonuru uwegi wach Jehova.
Be aselokora thim e wang’ Israel
Kata piny motimo mudho ma ji sandoree?
Ang’o momiyo ogandani, joga awuon, wacho ni, ‘Wawuotho awuotha kaka wadwaro.
Ok wanachak waduog iri kendo’?+
32 Be wi nyako nyalo wil gi gigene mag dusruok,
Be wi miaha nyalo wil gi msibe motueyo ariwa e kore?
To wi joga osewil koda kuom ndalo mang’eny.+
33 Yaye dhako, ilony e yoreni mimanyogo hera!
Isetiegori milony e yore richo.+
34 Kata mana lepi omienore gi remb jo ma odhier kendo ma onge ketho,+
Kata obedo ni ne ok ayudogi ka gituro ute;
Rembgi to omienore e lepi duto.+
35 To in iwacho ni, ‘Aonge ketho.
Adier, ich-wang’ ma ne en-go koda koro oserumo.’
Koro ang’adoni bura
Nimar iwacho ni, ‘Pok atimo richo.’
36 Ang’o momiyo ok idew timbeni maricho?
37 Mani bende e momiyo ibiro wuok kimako wiyi,+
Nikech Jehova osedagi jogo ma ne igeno;
Ok ginikonyu e yo moro amora.”
3 Ji penjoga niya: “Ka ng’ato oriembo chiege mi odhi mobedo chi ng’at machielo, be chwore mokwongocha nyalo kawe kendo?”
Donge pinyno osekethore chuth?+
“Iseterori gi osiepeni mang’eny,+
Be koro owinjore iduog ira?” Jehova owacho.
2 “Ting’ wang’i malo irang wi gode ma onge bungu.
En kanye ma ji pok onindoe kodi?*
Ne ibedo e bath yore kiritogi,
Kaka Ja-Arabu* e thim.
Isiko ka idwanyo piny
Gi timbe mag chode kod richoni.+
3 Mano e momiyo ogeng’ koth,+
Kata mana kodh opon bende ok chue.
Wang’i tek mana ka wang’ dhako ma jachode;
Ionge wich-kuot.+
4 To koro sani iywakna ni,
‘Wuora, isebedo osiepna chakre tinna!+
5 Be i ng’ato onego owang’ nyaka chieng’,
Kata mako sadha kinde duto?’
Mano e gima iwacho,
To pod idhi nyime timo gik maricho kaka idwaro.”+
6 E ndalo mag Ruoth Josia,+ Jehova nowachona niya: “‘Be iseneno gima Israel ma osedaga timo? Oseidho e wi gode duto maboyo kendo osedhi e tiend yiende duto mabeyo mana mondo oterre.+ 7 Kata bang’ timo gigo duto ne asiko ka akwaye mondo oduog ira,+ to ne ok oduogo; nyamin-gi ma Juda to ne ng’iyo ang’iya timbene marichogo.+ 8 Ka ne aneno mano, ne ariembo Israel mi amiye barup ketho kend chuth+ nikech ne ojachode.+ To luoro ne ok omako nyamin-gi ma Juda ma bende ne en ja andhoga; en bende ne odhi mochako chodo.+ 9 Ne ochodo ma ok odew, kendo ne osiko ka odwanyo piny ka oterore gi kite kod yiende.+ 10 Kata bang’ mago duto, nyamin-gi ma Juda ne ok oduogo ira gi chunye duto, to ne owuondore awuonda,’ Jehova owacho.”
11 Eka Jehova nowachona niya: “Kata obedo ni Israel ne odaga, osenyisore ni ober moloyo Juda ja andhoga.+ 12 Dhi iland wechegi yo nyandwat:+
“‘“Yaye Israel ja andhoga, duogi,” Jehova owacho.’+ ‘“Ok anang’iyi gi mirima+ nimar aheri gi hera mosiko,” Jehova owacho.’ ‘“Ok anasik ka akecho kodi. 13 To yie ayiea ni iseketho. Iseng’anyo ne Jehova Nyasachi, isekeyo berni ne jo ma welo* e tiend yiende duto mabeyo, kendo isedagi winjo dwonda,” Jehova owacho.’”
14 “Duoguru, un nyithindo mohero andhoga,” Jehova owacho. “Nimar asebedo ruodhu* madier; abiro kawou, ng’at achiel e dala maduong’ kendo ji ariyo e ot achiel, mi anakelu Sayun.+ 15 Anamiu jokwath ma moro chunya,+ mi ginipidhu gi ng’eyo kod rieko. 16 E ndalogo ubiro bedo mang’eny kendo ubiro nyuoloru e piny,” Jehova owacho.+ “Ok giniwach kendo ni, ‘sandug singruok mar Jehova!’ Wach sandugno ok nobi e chunygi, ok ginipare kata gombe, bende ok nolose kendo. 17 E ndalogo gibiro luongo Jerusalem ni kom-loch mar Jehova;+ kendo ibiro chok ogendni duto Jerusalem e nying Jehova,+ kendo ok ginichak giluw chunygi mopong’ gi richo.”
18 “E ndalogo dhood Juda kod dhood Israel biro wuotho kanyachiel.+ Ginibi kanyachiel ka gia e piny mar nyandwat nyaka e piny ma ne amiyo kwereu kaka pok margi.+ 19 Kendo ne aparo e chunya ni, ‘Ne aketi e kind nyithindo, kendo namiyi piny maber, pok maberie moloyo e kind ogendni!’+ Ne aparo ni ibiro luonga ni ‘Wuora!’ kendo ni ne idhi luwa kinde duto. 20 ‘To adier, mana kaka dhako ma ja andhoga weyo chwore e kaka Jo-Israel oseweya,’+ Jehova owacho.”
21 Dwol moro winjore e wi gode,
Jo-Israel ywak kendo gisecho,
Nimar giserocho yoregi;
Wigi osewil gi Jehova Nyasachgi.+
22 “Duoguru ira, un nyithindo mohero andhoga.
Anachang chunyu mohero andhoga.”+
“Eri wan kae! Wasebiro iri,
Nimar, A Jehova in e Nyasachwa.+
23 Adier, tungni manie gode madongo kod matindo en kayiem nono.+
Adier, Jehova Nyasachwa e resruok mar Israel.+
24 To nyasach wich-kuot oseketho gik ma kwerewa notiyone matek chakre ka ne watindo,+
Kwedhegi gi jambgi,
Yawuotgi gi nyigi.
25 Waninduru piny nikech wich-kuot,
Mad wich-kuot oumwa,
Nimar wan kaachiel gi kwerewa,
Waseketho ne Jehova+ Nyasachwa chakre tinwa,+
Kendo wasedagi winjo dwond Jehova Nyasachwa.”
4 “Yaye Israel, ka iduogo,” Jehova owacho,
“Ka iduogo ira
Kendo ka igolo sanamu magi makwero e nyima,
Eka ok inibed ng’at ma bayo abaya.+
2 Kendo ka ikuong’ori gi adiera, gi bura makare, kendo gi tim makare niya,
‘Akuong’ora gi nying Jehova!’
Eka ogendni biro yudo gueth kokalo kuome,
Kendo ginisungre nikech en.”+
3 Nimar ma e gima Jehova onyiso Jo-Juda kod Jo-Jerusalem:
“Pururu puotheu momewo,
Kendo kik uchuo kodhi e kind kuthe.+
4 We mondo oteru nyangu nikech Jehova,
Kendo uter chunyu nyangu,+
Un Jo-Juda kod jo ma odak Jerusalem.
5 Landeuru Juda, kendo huleuru Jerusalem.
Koguru kendo ugo tung’ e piny duto.+
Wachuru matek ni, “Chokreuru,
Mondo waring e mier mochiel motegno.+
6 Chunguru bendera kochomo Sayun.
Manyuru kar bwok, kendo kik uchung’ achung’a,”
Nimar akelo masira koa yo nyandwat,+ masira malich.
Osewuok ka ma odakie mondo oketh pinyu, kendo oweye kolich.
Ibiro keth miechu chuth kendo onge ng’at ma biro dakie.+
9 “E ndalogo,” Jehova owacho, “chuny ruoth biro tho,+
Chuny jotende bende biro tho;
Jodolo biro hum, to jonabi biro ng’eng’.”+
10 Eka nawacho niya: “Yaye Jehova Wuon Loch Duto! Adier isewuondo ogandani+ gi Jerusalem kiwacho ni, ‘Unubed gi kuwe,’+ to kara oseket ligangla e ng’utwa.”
11 E ndalogo ibiro wach ne ogandani gi Jerusalem niya:
“Yamo maliet nokuth koa e gode modong’ nono me thim
Enotiek joga;*
Ok nobi mondo opiedhi kata golo chilo.
12 An e ma nami yamo makutho matek oa kuondego.
Koro anahul buche ma abiro ng’adonegi.
13 Neuru! Enobi ka boche polo,
Gechene chalo gi yamo mager.+
Farasene ringo matek moloyo otenga.+
Yaye piny lichnwa, nimar osekethwa!
14 Yaye Jerusalem, lwok richo manie chunyi mondo oresi.+
Ibiro siko kiparo gik maricho nyaka karang’o?
15 Nimar nitie dwol moro ma lando wach e Dan,+
Kendo olando masira e gode mag Efraim.
16 Landeuru, ee, landeuru ne ogendni;
Landuru gima dhi yudo Jerusalem.”
“Jorit* biro koa e piny moro man ka mabor,
Gibiro goyo koko ne mier mag Juda.
17 Gimonje ka gilwore koni gi koni ka jorit ma rito puodho ma ok ochiel,+
Nimar oseng’anyona,”+ Jehova owacho.
18 “Yoreu kod timbeu biro hinyou uwegi.+
To mano kaka masira moyudou lit,
Nimar ochopo nyaka e chunyu!”
19 Yaye awinjo malit, awinjo malit!
Awinjo malit ahinya e chunya.
Chunya gwecho matek.
20 Ilando masira bang’ masira,
Nimar pinyno duto osekethi.
Apo mana ka hembena osekethi,
Matin nono, to lep hembena bende okethi.+
21 Nyaka karang’o ma abiro neno bendera ka kwadhore,
Kendo winjo dwond tung’ ka ywak?+
22 “Nimar joga ofuwo;+
Ok gidewa kata matin.
Gin nyithindo mofuwo ma weche ok donjnegi.
Gilony mana e timo gik maricho,
To ok ging’eyo timo gik mabeyo.”
23 Ne arango pinyno, kendo ne! ne onge gimoro e iye.+
Ne arango polo, to ne onge gima ne rienyie.+
24 Ne arango gode madongo, kendo ne! ne giyiengni,
Gode matindo bende ne tetni.+
25 Ne arango, kendo ne! ne onge ng’ato ang’ata,
Kendo winy ma fuyo e kor polo noseringo.+
26 Ne arango, kendo ne! puodho maber noselokore thim,
Kendo mieche duto nosekethi.+
Jehova e ma ne otimo mano,
Nikech mirimbe ne ger.
27 Ma e gima Jehova owacho: “Piny duto biro dong’ nono,+
To ok abi kethe chuth.
En nikech asewacho kendo aseng’ado kamano,
Ok abi loko pacha, abiro timo mana kamano.+
29 Dwond joidh farese kod joba aserni,
Miyo dala duto ringo.+
Gidonjo e bunge,
Kendo giidho lwendni.+
Mier duto dong’ nono,
Onge jo ma dak e igi.”
30 Koro nikech osekethi, ibiro timo ang’o?
Ne ihero rwako lewni makwar,
Kendo dusori gi gige dhahabu,
Kendo wiro wang’i gi rangi marateng’.
31 Nimar asewinjo dwol ma chalo gi mar dhako ma nigi rem,
Dwol ma chalo gi mar dhako ma chandore konyuolo nyathine mokwongo,
Dwond nyar Sayun ma gamo muya.
Owacho kama sa ma orieyo bedene:+
“Piny lichna, asenyosora nikech jonek!”
5 Wuoth e nderni mag Jerusalem.
Ng’i koni gi koni adimba.
Many e laru mage
2 Kata ka gikuong’ore niya: “Akuong’ora gi nying Jehova!”
To pod gibiro kuong’ore gi miriambo.+
3 A Jehova, donge wang’i dwaro mana neno jo mohero adiera?+
Ne ichwadogi, to ne ok gibuok.
Ne itiekogi, to ne gitamore winjo puonjni.+
4 To ne awacho e chunya niya: “Nyaka bed ni magi jochan.
Gionge rieko nikech ok ging’eyo yor Jehova,
Kata buche ma Nyasachgi oseng’ado.
5 Koro, abiro dhi wuoyo gi jo ma nigi huma,
Nimar nyaka bed ni ging’eyo yor Jehova adimba,
Buche ma Nyasaye oseng’ado.+
Giduto ne giseturo jok
Mi gichodo tonde motueyogi.”
6 Mano e momiyo sibuor modak e bungu monjogi,
Ondiek modak e thim siko kidhogi,
Kwach kiyogi e miechgi.
Ng’ato ang’ata mowuok oko ikidho matindo tindo.
Nikech kethogi ng’eny;
Timbegi maricho thoth.+
7 Ere kaka daweni richoni?
Nyithindi osejwang’a,
Kendo gikuong’ore gi nying nyiseche manono.+
Ne amiyogi gik ma ne gidwaro,
To ne giterore atera,
Kendo ne gichokore e od jachode.
8 Gichalo gi farase ma gombo ohewo,
Ng’ato ka ng’ato gombo chi wadgi.+
9 “Donge onego akumgi kuom gik ma kamago?” Jehova owacho.
“Donge onego achul kuor ne oganda ma kamano?”+
10 “Chadhuru puothene mag mzabibu mondo ukethgi,
To kik ukethgi chuth.+
Ng’aduru bedene mochako twi,
Nimar ok gin mag Jehova.
11 Od Israel kaachiel gi od Juda
Osendhoga ahinya,” Jehova owacho.+
13 Yamo e mopong’o jonabi,
Gionge gi wach* e igi.
Gibiro lal nono mana ka weche ma gikorogo!”
14 Kuom mano, ma e gima Jehova Nyasach oganda lweny owacho:
“Nikech jogi wacho wachno,
Koro amiyo wechena obed ka mach e dhogi,+
Kendo jogi nobed ka yien,
Mi majno biro tiekogi.”+
15 “A in od Israel, eri akelonu oganda moro moa mabor,”+ Jehova owacho.
“En oganda mosiko.
16 Ofukegi mag aserni chalo gi liel mong’amo dhoge;
Giduto gin jolweny molony.
17 Gibiro tieko chambu kod makateu.+
Gibiro tieko yawuotu gi nyiu.
Gibiro tieko kwedhu gi jambu.
Gibiro tieko mzabibu magu gi ng’opeu.
Gibiro tieko miechu muchielo motegno kendo mugeno gi ligangla.”
18 “Kata mana e ndalogo, ok anatieku chuth.” Jehova owacho.+ 19 “To ka gipenji ni, ‘Ang’o momiyo Jehova Nyasachwa osekelonwa gigi duto?’ Ibiro dwokogi ni, ‘Mana kaka ne ujwang’a mutiyo ne nyasaye ma wendo e pinyu, e kaka ubiro tiyo ne jomoko e pinygi.’”+
20 Land wachni ne od Jakobo,
Kendo hule ne Juda, kiwacho niya:
21 “Winjuru wachni un jo mofuwo kendo ma weche ok donjnegi:+
22 An Jehova apenjou kama, ‘Ere gimomiyo ok uluora?
Donge onego ukirni e nyima?
An e ma naketo kuoyo manie nam mondo ogeng’ nam,
Tong’ mosiko ma pi ok nyal kalo.
Kata ka apaka mag nam ogingore to ok ginyal kadho;
Kata ka giwuo matek, pod ok ginyal kalo tong’no.+
23 To jogi wigi tek, kendo chunygi oseng’anyona;
Gisebaro ma gichako luwo yoregi giwegi.+
24 Kendo ok giwach e chunygi niya:
“Koro waluoruru Jehova Nyasachwa,
Ng’at ma miyowa koth e kindene,
Kodh chwiri gi kodh opon,
Ng’at ma miyowa kinde mag keyo higa ka higa.”+
25 Timbeu maricho e mosegeng’o gigo kik binu;
Richou osemonou yudo gik mabeyo.+
26 Nimar nitie jo maricho e kind joga.
Gibuto mana ka jochik winy.
Gichiko obadho ma neko,
To dhano e ma gimako.
27 Mana kaka od winyo mopong’ gi winy,
E kaka utegi opong’ gi mibadhi.+
Mano e momiyo gin gi teko kendo gimewo.
28 Gichwe kendo dendgi leny;
Gipong’ gi richo.
29 “Donge onego akumgi kuom gik ma kamago?” Jehova owacho.
“Donge onego achul kuor ne oganda ma kamano?
30 Gimoro marach kendo malich osetimore e pinyno:
31 Jonabi koro miriambo,+
Jodolo tayo ji gi agoko.
Kendo mano e gima joga ohero.+
To ubiro timo ang’o ka giko ochopo?”
6 Yaye nyithind Benjamin, manyuru kar bwok mabor gi Jerusalem.
Nimar masira moro biro koa yo nyandwat, masira maduong’.+
2 Nyar Sayun chalo gi nyako ma jaber kendo ma dende yom.+
3 Jokwath nobi gi kwedhegi.
4 “Ikreuru udhi uked kode!
Auru malo, wamonjeuru godiechieng’!”
“Yaye, sa koro ng’eny,
Tipo modhiambo medo bedo mabor!”
5 “Auru malo wadhi wamonje gotieno
Kendo waketh ohinga mage mochiel motegno.”+
6 Nimar Jehova Nyasach oganda lweny owacho kama:
“Tong’uru yien kendo ubiw pith mondo umonj Jerusalem.+
En e dala ma nyaka kum;
Onge gima chielo ma timore e dalano mak mana sando ji.+
7 Mana kaka yawo kano pige mondo osik ka ng’ich,
E kaka en bende okano richone.
Timbe gero gi kethruok e mopong’e;+
Tuoche gi adhonde e ma pile nie nyima.
8 Yaye Jerusalem, tang’ ahinya, nono to ibiro joga ma aweyi;+
Anami idong’ nono, piny ma ji ok odakie.”+
9 Jehova Nyasach oganda lweny owacho kama:
“Gibiro choko Jo-Israel modong’ mana kaka ng’ato choko olemb mzabibu modong’.
Rie lweti kendo ka ng’at ma pono mzabibu.”
10 “Ng’ano ma abiro wuoyogo kendo miyo siem?
Ng’ano ma biro chiko ite?
Neuru! Itgi odinore, ok ginyal winjo.+
Neuru! Wach Jehova osebedonegi gir tugo;+
Ok gimorgo.
11 E momiyo mirimb Jehova opong’ kuoma,
Aol gi geng’e.”+
“Puke kuom nyathi manie yo,+
Kuom yawuoyi mochokore kanyachiel.
Ibiro makgi giduto, dichwo gi chiege,
Jomoti kod jomoti ahinya.+
12 Ibiro mi jomamoko utegi,
Kaachiel gi puothegi kod mondegi.+
Nimar abiro rieyo lweta mondo ago jo modak e pinyno,” Jehova owacho.
13 “Chakre ng’at matinie mogik nyaka maduong’ mogik, ng’ato ka ng’ato yudo ohala e yor mibadhi;+
Chakre janabi nyaka jadolo, giduto gihero mibadhi.+
14 Gitemo thiedho tuo marach ma joga nigo ka gima ok en gima lich, ka giwacho ni,
‘Kuwe nitie! Kuwe nitie!’
To kuwe onge.+
15 Be wigi kuot nikech gik maricho ma gisetimo?
Gionge wich-kuot kata matin!
Bende, ok ging’eyo kata tiend bedo gi wich-kuot!+
Omiyo, gibiro lwar e kind jo ma oselwar.
Gibiro chwanyore chieng’ ma abiro kumogie,” Jehova owacho.
16 Ma e gima Jehova wacho:
“Chung’uru e akek yore mondo une.
To giwacho ni: “Ok wanawuoth e yorno.”+
To ne giwacho niya: “Ok wanawinji.”+
18 Omiyo, winjuru un ogendni!
Kendo un chokruok, ng’euru,
Gima biro timorenegi.
19 “Yaye piny, chik iti!
Akelo ne jogi masira+
Nikech chenrogi maricho.
Nikech ne ok giwinjo wechena
Kendo ne gidagi chikna.”
20 “Ere tiende kelona ubani ma wuok Sheba
Kod odundu moa mabor ma nigi suya mamit?
Ok abi yie gi misengni miwang’o ma uchiwona,
Misengni ma uchiwona ok mora.”+
21 Omiyo, ma e gima Jehova wacho:
“Anaket ne jogi gik ma chwanyo tiendegi,
Kendo gigo biro chwanyogi,
Wuone kod yawuotgi,
Jabut ng’ato kod osiepne,
Giduto gibiro lal nono.”+
22 Jehova owacho kama:
“Neuru! Oganda moro biro koa yo nyandwat,
Kendo oganda moro ma nigi teko biro chung’ koa e kuonde maboyo mag piny.+
23 Gibiro mako atung’ gi tong’.
Gikwiny kendo ok ginikech ng’ato,
Dwondgi biro wuo ka nam.
Kendo giidho farese.+
Yaye nyar Sayun, gibiro kedo kodi ka gichanore mana ka jalweny achiel.”
24 Wasewinjo humbgi.
25 Kik udhi e puotheu,
Kendo kik uwuoth e nderni,
Nimar jasigu nigi ligangla;
Gik ma kelo luoro olworowa koni gi koni.
26 Yaye nyar joga,
Rwak gunia+ kendo ing’ielri e buru.
Ywag malit mana ka ng’at ma ywago wuode achiel kende,+
Nikech jal ma kelo kethruok nobi kuomwa apoya.+
27 Aseketi* mondo ibed ng’at ma nono chuma e dier joga,
Jal ma nono gimoro adimba;
Onego ing’egi maber, kendo inon yoregi adimba.
Gichalo gi mula gi nyinyo;
Giduto gihero mibadhi.
29 Gik kudho mach osewang’.
Lisasi wuok e majgino.
Ng’ato timo kinda mar pwodho chuma, to en kayiem nono.+
Pok ogol jo maricho e kind oganda.+
30 Ji biro luongogi ni fedha maricho,
Nimar Jehova osedagigi.”+
7 Ma e wach Jehova ma nobiro ne Jeremia: 2 “Chung’ e dho ranga od Jehova mondo iland oteni, ‘Winjuru wach Jehova un Jo-Juda duto ma donjo gi dho rangeyegi mondo ukulru ne Jehova. 3 Ma e gima Jehova Nyasach oganda lweny, Nyasach Israel owacho: “Lokuru yoreu kod timbeu, eka anayienu udag kae.+ 4 Kik ugen weche mag miriambo, kendo wacho ni, ‘Ma en hekalu mar Jehova, hekalu mar Jehova, hekalu mar Jehova!’+ 5 Nimar ka uloko yoreu gi timbeu adier; ka uyalo buch ng’ato gi nyawadgi e yo makare;+ 6 ka ok usando jodak, nyithi kiye, kod mond liete;+ ka ok uchuero remb jo ma onge ketho; kata luwo nyiseche mamoko ma biro mana hinyou uwegi;+ 7 eka abiro yienu dak e pinyni, en e piny ma namiyo kwereu mondo gidagie nyaka chieng’.”’”
8 “To un usegeno mana weche mag miriambo,+ onge ohala ma wechego biro kelonu. 9 Ere kaka unyalo kwelo,+ neko, teroru, kuong’oru gi miriambo,+ chiwo misengni ne Baal,+ kendo luwo nyiseche manono ma ne ok ung’eyo, 10 kae to ubiro chung’ e nyima e ot miluongo gi nyinga kuwacho ni, ‘Ibiro reswa,’ ka konchiel to utimo timbe marichogo duto? 11 Ang’o momiyo useloko ot miluongo gi nyingani mondo obed rogo mar jomecho?+ An awuon aseneno mano gi wang’a,” Jehova owacho.
12 “‘To koro dhiuru Shilo+ ka ma ne akwongo yiero mondo nyinga obedie,+ mondo une gima ne atimone nikech richo mar joga Israel.+ 13 To ne udhi nyime gi timbego,’ Jehova owacho, ‘kendo kata obedo ni ne awuoyo kodu nyadinwoya, to ne ok uwinjo.+ Ne asiko ka aluongou, to ne udagi dwoka.+ 14 Omiyo, mana kaka ne atimo ne Shilo,+ e kaka abiro timo ne ot mugeno+ kendo miluongo gi nyingani.+ Kamano bende e kaka abiro timo ne piny ma ne amiyou kod kwereu. 15 Abiro riembou e nyima, mana kaka ne ariembo oweteu duto ma nyikwa Efraim.’+
16 “To in, kik ilem ne jogi. Kendo kik ikwaya wach moro kata saya e logi,+ nimar ok abi winji.+ 17 Donge ineno gik ma gitimo e mier mag Juda kod e nderni mag Jerusalem? 18 Nyithindo moto, wuone kudho mach, to mine dwalo mogo mondo gilosgo kek ma gichiwo ne Ruoth ma Dhako mar Polo,*+ kendo gichiwo chiwo miolo ne nyiseche mamoko mondo gichwanyago.+ 19 ‘Be giparo ni an e ma gihinya?’* Jehova owacho. ‘Donge gin e ma gihinyore kendo kelo wich-kuot kuomgi giwegi?’+ 20 Kuom mano, ma e gima Jehova Wuon Loch Duto wacho, ‘Neuru! Abiro olo mirimba mager kae,+ abiro ole kuom ji kod le, kuom yiende manie pap kod gik ma lowo nyago. Gibiro wang’ kendo majno ok bi tho.’+
21 “Ma e gima Jehova Nyasach oganda lweny, Nyasach Israel wacho, ‘Keturu misengni miwang’o kuom misengni mamoko muchiwo, kendo ucham ring’ogo un uwegi.+ 22 Nimar, chieng’ ma ne agolo kwereu e piny Misri, ne ok achikogi mondo gichiw misengni miwang’o kod misengni mamoko.+ 23 To ma e chik ma ne amiyogi: “Winjuru dwonda, mi anabed Nyasachu to unubed joga.+ Wuothuru e yore duto ma achikou mondo weche odhinu maber.”’+ 24 To ne ok giwinjo kata chiko itgi;+ kar mano, ne giluwo riekogi kod chunygi ma nopong’ gi richo,+ mi kar sudo nyime, ne gidok mana chien. 25 Ne gitimo kamano chakre chieng’ ma ne giwuok e piny Misri nyaka kawuononi.+ Omiyo, asebedo ka aoronu jotichna ma jonabi pile ka pile.+ 26 To ne gidagi winja, kendo ne ok gichikona itgi.+ Kar mano, wigi ne tek, kendo ne gitimo madongo moloyo kata kweregi!
27 “Iniwachnegi wechegi duto,+ to ok giniwinji; iniluonggi, to ok ginidwoki. 28 Ibiro wachonegi ni, ‘Un e oganda ma nodagi winjo dwond Jehova Nyasachgi kod puonjne. Onge ng’ato ang’ata ma wacho adier e kindu nikech adiera oselalnu.’+
29 “Lieluru yie wiu maboyo,* kendo uwitgi mabor, ywaguru* e gode modong’ nono, nimar Jehova osedagi kendo obiro jwang’o tieng’ mosewang’o iyeni. 30 ‘Jo-Juda osetimo gik maricho e wang’a,’ Jehova owacho. ‘Gisechungo sanambegi makwero e ot miluongo gi nyinga, mondo gidwany oda.+ 31 Gisegero kuonde moting’ore malo miluongo ni Tofeth manie Hoho mar Wuod Hinom,*+ mondo giwang’ie yawuotgi gi nyigi.+ Ne ok achikogi mondo gitim gima kamano, kendo chunya pok noparo timo kamano kata matin.’+
32 “‘Neuru! ndalo biro,’ Jehova owacho, ‘ndalo ma ok noluong kanyo ni Tofeth kata Hoho mar Wuod Hinom,* to ibiro luonge ni Hoho mar Nek. Gibiro yiko ji e Tofeth nyaka opong’, ma koro onge ka ma diyikie ng’ato.+ 33 Ringre ogandani biro bedo chiemb winy ma fuyo e kor polo kod ondiegi mag piny, kendo onge ng’at ma biro riembogi.+ 34 Abiro tieko mor gi ilo duto, kendo ok nochak owinj dwond miaha kod wuon kisera+ e mier mag Juda kod e nderni mag Jerusalem, nimar ibiro keth pinyno chuth.’”+
8 “E ndalogo,” Jehova owacho, “choke ruodhi mag Juda kod choke jotende, gi choke jodolo, gi choke jonabi, kod choke jo modak Jerusalem ibiro gol e liete. 2 Ibiro mo chokego mondo chieng’ gi dwe gi sulwe me polo ma ne gihero kendo ma ne gilamo orieny kuomgi.+ Ok bi chokgi mondo oyikgi, to ibiro wegi mondo gibed kaka manyiwa e wi lowo.”+
3 “Ji duto modong’ e oganda marachni biro gombo tho kar ngima, e kuonde duto ma abiro keyogie,” Jehova Nyasach oganda lweny owacho.
4 “Kendo iniwachnegi ni, ‘Ma e gima Jehova owacho:
“Be gibiro podho ma ok gichung’ kendo?
Koso ka ng’ato olokore moduogo, donge ng’at machielo bende nyalo lokore ma duogi?
5 Ang’o momiyo ogandani, Jerusalem, osebaro kendo ok gidwar duogo ira?
Gimako miriambo matek;
Gidagi duogo ira.+
6 Ne achiko ita mondo awinj wechegi, to ne giwacho mana gik ma ok kare.
Onge ng’at ma nolokore mondo owe richone, kata ma noywagore ni, ‘Ang’o ma asetimoni?’+
Ng’ato ka ng’ato dok e yore ma ji mang’eny luwo mana ka faras ma ringo matek ka dhi e lweny.
7 Kata mana ogungo ma fuyo e kor polo ong’eyo ndalo moketne;
Akuche, opija, kod hundhwe* duogoga ka ndalogi ochopo.
To joga ok ong’eyo bura mar Jehova.”’+
8 ‘Ere kaka unyalo wacho ni: “Wariek, kendo wan gi chike mag Jehova”?
Adier, kalamb+ jondikou* itiyogo mana e ndiko miriambo.
9 Osekuod wi jo mariek.+
Luoro maduong’ osemakogi kendo ibiro jukgi.
Neuru! Gisedagi wach Jehova,
Koro ere rieko ma gin-go?
10 Omiyo, abiro miyo jomamoko mondegi,
Puothegi bende anami jomamoko;+
Chakre ng’at matinie mogik nyaka maduong’ mogik, ng’ato ka ng’ato yudo ohala e yor mibadhi;+
Chakre janabi nyaka jadolo, giduto gihero mibadhi.+
11 Gitemo thiedho tuo marach ma joga* nigo mana ka gima ok en gima lich, ka giwacho ni,
“Kuwe nitie! Kuwe nitie”
To kuwe onge.+
12 Be wigi kuot nikech gik maricho ma gisetimo?
Gionge wich-kuot kata matin!
Bende, ok ging’eyo kata tiend bedo gi wich-kuot!+
Omiyo, gibiro lwar e kind jo ma oselwar.
Gibiro chwanyore chieng’ ma abiro kumogie,’+ Jehova owacho.
13 ‘E kinde ma abiro chokogie, abiro tiekogi chuth,’ Jehova owacho.
‘Onge olemb mzabibu ma biro dong’ e bade, kata ng’owo ma biro dong’ e yadhe, kendo obokegi biro ner.
Kendo gik ma namiyogi biro lal nono.’”
14 “Ang’o momiyo pod wabet kae?
Wachokreuru mondo wadonj e mier mochiel motegno+ mondo watho kuno.
Nimar Jehova Nyasachwa biro tiekowa,
Kendo omiyowa pi motimo sum mondo wamodhi,+
Nikech waseketho ne Jehova.
15 Ne wageno yudo kuwe, to onge gima ne waneno,
Ne wageno ni wabiro chango, to luoro maduong’ e ma omakowa!+
16 Faresene ma futo winjore koa Dan.
Sa ma giywak,
Piny duto yiengni.
Gibiro ma gitiek piny kod gik moko duto manie iye,
Dalano kod jo modakie.”
17 “Eri akelonu thuonde,
Thuonde ma nigi sum ma ok nyal bo,
Kendo gibiro kayou,” Jehova owacho.
18 Kuyo ma an-go ok nyal thiedhi;
Chunya tuo.
19 Dwond ng’at ma ywak winjore koa e piny mabor
Dwond nyar joga:
“Donge Jehova pod ni Sayun?
Donge ruodhe nie iye?”
“Ang’o momiyo gisewang’o iya gi sanamu maggi,
Kaachiel gi nyiseche mag ogendni mamoko?”
20 “Keyo osekalo, oro oserumo,
To pok oreswa!”
Luoro maduong’ osemaka.
22 Donge mo mar balsam nitie Gilead, koso?+
Koso jathieth onge kuno?+
Ang’o momiyo joga* pok ochango?+
9 Mad wiya lokre soko mar pi,
Pi wengena ochuer ka aora!+
Eka daywag odiechieng’ gotieno
Nikech joga monegi.
2 Mad abed gi kar bworo e thim!
3 Giywayo lewgi ka atung’;
Miriambo kod gik ma ok kare e mopong’o piny.+
“Richogi medore ameda,
Kendo gisedagi winja,”+ Jehova owacho.
4 “Ng’ato ka ng’ato mondo otang’ gi nyawadgi,
Kendo kik igen kata mana owadu.
5 Ng’ato ka ng’ato wuondo jabute,
Onge ng’at ma wacho adier.
Gisepuonjo lewgi wacho miriambo.+
Timbegi maricho miyo gijony ahinya.
6 Idak e kind miriambo.
Gidagi ng’eya nikech miriambogi,” Jehova owacho.
7 Omiyo, ma e gima Jehova Nyasach oganda lweny owacho:
8 Lewgi chalo gi asere mager ma wacho miriambo.
Ng’ato ka ng’ato wuoyo gi kuwe gi jabute,
To e chunye ochikone obadho.”
9 “Donge onego akumgi kuom gik ma kamago?” Jehova owacho.
“Donge onego achul kuor ne oganda ma kamano?+
10 Abiro goyo nduru kendo ywago gode
Abiro wero wende mag ywago kuonde kwath manie thim,
Nimar osewang’gi ma ng’ato ok nyal kaloe,
Kendo onge dwond jamni miwinjo kuno.
Winy ma fuyo e kor polo kod ondiegi oseringo; gisedhi chuth.+
11 Abiro loko Jerusalem pidh kite,+ kar dak mar bwe,+
Abiro loko mier mag Juda gunda, onge ng’at ma nodagie.+
12 Ng’ano mariek ma nyalo winjo tiend wachni?
En ng’ano ma Jehova osenyiso wachno mondo odhi olande?
Ang’o momiyo piny osekethore?
Ang’o momiyo otwo mana ka thim
Ma koro onge ng’at ma nyalo kaloe?”
13 Jehova nodwoko kama: “En nikech gisedagi chik ma namiyogi, kendo gisetamore luwo chikno, to bende ok gidwar winjo dwonda. 14 Gisebedo ka giluwo gik ma chunygi dwaro,+ kendo giluwo nyiseche mag Baal mana kaka wuonegi ne opuonjogi.+ 15 Kuom mano, ma e gima Jehova Nyasach oganda lweny, kendo Nyasach Israel owacho, ‘Abiro miyo ogandani yath makech mondo gicham kod pi sum mondo gimodhi.+ 16 Abiro keyogi e ogendni ma gin kaachiel gi wuonegi ne ok ging’eyo,+ abiro oro ligangla mondo olawgi kendo otiekgi pep.’+
17 Ma e gima Jehova Nyasach oganda lweny owacho,
‘Beduru jo ma weche donjonegi.
Luonguru mon ma wero wende mag ywak,+
Oruru wach mondo mon mong’eyo ywak obi,
18 Gireti mapiyo mondo gikonywa ywak,
Mondo pi wengewa omol
Kendo pi wengewa ochuer.+
19 Nimar dwond ywagruok osewinjore koa Sayun:+
“Mano kaka waserumo chuth!
Mano kaka waseyudo wich-kuot maduong’!
Waseweyo pinywa, kendo gisemuko utewa.”+
20 Un mon, winjuru wach Jehova.
Chikuru itu ne wach moa e dhoge.
Puonjuru nyiu wend ywagruokni,
Kendo puonjreuru wend ywagruokni.+
21 Nimar tho osedonjo gie dirisewa,
Osedonjo e i ohinga magwa mochiel motegno
Mondo okaw nyithindwa e nderni
Kendo yawuotwa e laru mag dala.’+
22 Wach ni, ‘Ma e gima Jehova owacho:
“Ringre jo motho biro dhurore mana ka manyiwa e wi lowo,
Ginichal gi cham ma jakeyo osebeto,
To onge ng’at ma chokogi.”’”+
23 Ma e gima Jehova owacho:
“Ng’at mariek kik sungre nikech riekone;+
Ng’at ma ratego kik sungre nikech tekone;
Kendo ng’at ma nigi mwandu kik sungre nikech mwandune.”+
24 “To ng’at ma sungore mondo osungre nikech:
En gi rieko kendo ong’eya,+
Ni an Jehova, Ng’at mohero ji gi hera mosiko, ma ng’ado bura kare, kendo ma timo gik makare e piny,+
Nimar gigo e ma amorgo,”+ Jehova owacho.
25 “Neuru! Ndalo biro,” Jehova owacho, “ma abiro kumoe ng’ato ang’ata moseter nyangu e ringruok kende,*+ 26 kaachiel gi Misri,+ Juda,+ Edom,+ Jo-Amon,+ Moab,+ kod jogo duto motito yie wigi modak e thim;+ nimar ogendni duto pok oter nyangu, kendo dhood Israel duto pok oter nyangu e chunygi.”+
10 Yaye Israel, winjuru wach ma Jehova osewachonu. 2 Ma e gima Jehova wacho:
3 Nimar timbe mag ogendni gin kayiem nono.
Kik uluorgi, nimar ok ginyal hinyou,
Kata konyou.+
6 A Jehova, onge ng’at machal kodi.+
Iduong’, kendo nyingi nigi duong’ kod teko.
7 Yaye Ruodh ogendni,+ ng’ano ma ok nyal luori, nimar iwinjori gi luor;
E kind jorieko mag ogendni kod pinjeruodhigi duto,
Onge ng’ato ang’ata machal kodi.+
8 Giduto weche ok donjnegi kendo gifuwo.+
Rieko ma giyudo kuom yien mopa en manono.+
9 Sanambegi obaw gi fedha mogol Tarshish+ gi dhahabu mogolo Ufaz,
Tich lwet japecho, tich lwet jatheth.
Orwakgi gi lewni ma rambulu kod ma rajamna.
Giduto olosgi gi jotich molony.
10 To Jehova e Nyasaye madier.
En e Nyasaye mangima+ kendo Ruoth ma nyaka chieng’.+
Piny biro yiengni nikech mirimbe,+
Ogendni ok nyal timo gimoro ka mirima omake.
11 * Ma e gima onego iwachnegi:
“Nyiseche ma ok nochueyo polo gi piny
Biro lal nono e wang’ piny kendo e bwo polo.”+
13 Sa ma dwonde omor,
Pige manie polo wuo,+
Kendo omiyo boche polo wuok koa e tung’ piny konchiel nyaka komachielo.+
14 Ji duto timo timbe mofuwo kendo ok ginyis rieko.
Ibiro kuod wi jotheth duto nikech sanamu maggi;+
Nimar sanamu mothedhgo gin miriambo,
Kendo gionge muya.+
15 Gin gik manono, moromo chayo.+
Ka odiechieng bura ochopo, gibiro lal nono.
16 Pok mar Jakobo to ok chal gi gigo,
Nimar en e Ng’at ma nochueyo gik moko duto,
Israel e luth mar mwandune.+
Jehova Nyasach oganda lweny e nyinge.+
17 Chok giki mondo iting’gi,
Yaye in dhako modak e dala ma wasigu oselworo.
18 Nimar Jehova wacho niya:
“Awito jo modak e pinyni oko,+
Kendo anachandgi.”
19 Piny lichna nikech tuo ma an-go!+
Adhola ma an-go ok nyal thiedhi.
Ne awacho niya: “Adier, ma tuona, kendo nyaka adhil adhila kode.
20 Hemba osekethi, kendo tondene osechodi.+
Yawuota oseweya, koro gionge.+
Onge ng’at ma koro chungona hemba kata yarona law hema.
Mano e momiyo gionge rieko,
Kendo kwedhegi duto osekere.+
22 Winjuru! Wach moro biro!”
23 A Jehova, ang’eyo malong’o ni dhano onge gi teko e wi yorene owuon.
Dhano onge gi teko kata mar chiko ondamone.+
25 Ol mirimbi ne ogendni ma ok dewi+
Kaachiel gi dhoudi ma ok luong nyingi.
Nimar gisemuonyo Jakobo,+
Ee, gisemuonye ma koro ochiegni lal chuth,+
Kendo giseloko pinye mi odong’ gunda.+
11 Ma e wach Jehova ma nobiro ne Jeremia: 2 “Winjuru weche mag singruogni!
“Wach wechegi* ne Jo-Juda kod jo modak Jerusalem. 3 Iniwachnegi ni, ‘Ma e gima Jehova Nyasach Israel owacho: “Okuong’ ng’ato ang’ata modagi winjo weche mag singruok,+ 4 ma ne atimo gi kwereu ka ne agologi e piny Misri,+ mondo gia e sand mager.*+ Ne awachonegi ni, ‘Winjuru dwonda, kendo utim gik moko duto ma achikou; eka unubed joga kendo anabed Nyasachu,+ 5 mi anachop singruok ma ne atimo gi kwereu ka ne asingonegi ni anamigi piny mopong’ gi chak kod mor kich,+ kaka osebet kawuononi.’”’”
Eka ne adwoko niya: “A Jehova, obed mana kamano.”*
6 Kendo Jehova nowachona niya: “Land wechego e mier mag Juda kendo e nderni mag Jerusalem, kiwacho niya: ‘Winjuru weche mag singruogni kendo utimgi. 7 Nimar chakre chieng’ ma ne agolo kwereu e piny Misri nyaka kawuononi, asebedo ka asiemogi matek niya: “Winjuru dwonda.”+ 8 To ne ok giwinja kata chikona itgi; kar mano, ne gidhi nyime luwo chunygi mopong’ gi richo.+ Omiyo, ne akelonegi kum duto ma singruogno nowacho nikech ne gidagi rito singruogno.’”
9 Eka Jehova ne owachona niya: “Jo-Juda kod jo modak Jerusalem chano kaka gibiro piem koda. 10 Gisedok e richo kweregi ma notamore winja.+ Bende, gilamo nyiseche mamoko kendo tiyonegi.+ Jo-Israel kod Jo-Juda oseketho singruok ma ne atimo gi kweregi.+ 11 E momiyo Jehova wacho ni, ‘Abiro kelonegi masira+ ma ok ginitonyie. To ka giywakna mondo akonygi, ok abi winjogi.+ 12 Eka jo modak e mier mag Juda kod Jerusalem biro ywak ne nyisechegi ma gisebedo ka gitimonegi misengni mondo okonygi,+ to nyisechego ok bi resogi e masirano. 13 Nikech nyisecheni ng’eny mana kaka miechi, yaye Juda. Iseloso kendo mag misengni mang’eny ma dirom gi nderni mag Jerusalem, mondo ichiw misengni ne Baal,+ nyasach wich-kuot.’
14 “To in,* kik ilem ne ogandani, kendo kik iywagna kata lemo e logi.+ Nimar ok abi winjogi sa ma giywakna ka masira oyudogi.
15 En ratiro mane ma jaherana nigo mar bedo e oda
Sa ma ji mang’eny osetimo gik maricho ma ne gichano?
Koso giparo ni ginyalo geng’o masira ma nobi kuomgi mana kuom wang’ona misengni maler e hekalu?
Be ubiro tony chieng’no?
16 Nitie kinde ma Jehova ne luongi ni yath zeituni moloth,
Ma nyago olembe mabeyo.
To sani osekudho mach ma kakni kuome,
Kendo giseturo bedene.
17 “Jehova Nyasach oganda lweny, Jachuoyo+ ma nopidhou mana kaka ng’ato pidho yath, oselando ni masira nobi kuomu nikech richo ma Jo-Israel gi Jo-Juda notimona ka ne gichiwo misengni ne Baal.”+
18 Jehova ne onyisa mondo ang’e;
E kindego ne imiyo aneno gik ma ne gitimo.
19 Ne achalo gi nyarombo mamuol ma isembo kitero kar yeng’o.
Ne ok ang’eyo ni ne gichanona gik maricho:+
“Wakethuru yath gi olembene,
Kendo wagole, mi kare olal nono e piny jo mangima,
Mondo kik chak par nyinge kendo.”
Mad ane ka ichulonegi kuor,
Nimar aseketo bucha e lweti.
21 Omiyo, ma e gima Jehova wacho kuom Jo-Anathoth+ ma dwaro negi, kendo ma kweri niya: “Kik ikor wach e nying Jehova,+ nono to wabiro negi”; 22 ma e gima Jehova Nyasach oganda lweny owacho: “Abiro kumogi. Yawuoyi biro tho tho ligangla,+ kendo kech noneg yawuotgi gi nyigi.+ 23 Onge kata ng’ato achiel kuomgi ma biro dong’, nikech anakel masira ne Jo-Anathoth+ e higa ma ibiro kumgie.”
To ang’o momiyo yore mag joricho dhi maber,+
Kendo ang’o momiyo jo andhoga chunygi ng’ich?
2 Ne ipidhogi, kendo tiendgi osemoko e lowo.
Gisedongo mi ginyago olemo.
Giluongi gi dhogi, to chunygi* ni mabor kodi.+
Ketgi tenge ka rombe mitero e yeng’o,
Ketgi tenge ne odiechieng nek.
4 Piny nodhi nyime two nyaka karang’o
Kendo alode kod yien biro ner nyaka karang’o?+
Richo mag jo modak e piny,
Osemiyo le kod winy olal nono.
Nimar gisewacho niya: “Ok onyal neno gima biro yudowa.”
Sani chunyi ng’ich nikech idak e piny mokuwe,
Ibiro timo nang’o e piny motimo bunge manie bath Jordan?
6 Nimar kata mana oweteni, jood wuoru,
Osendhogi.+
Gisegoyo koko bang’i.
Kik igen-gi,
Kata ka giwachoni weche mabeyo.
7 “Asejwang’o oda;+ aseweyo pokna.+
Asechiwo jaherana ma ahero ahinya e lwet wasike.+
8 Pokna osebedona ka sibuor manie bungu.
Oserutona.
Omiyo, asin kode.
9 Pokna chalo gi winyo ma rangine ng’eny, kendo ma chamo le mamoko;
Winy ma chamo ring’o olwore mondo omonje.+
Biuru, chokreuru kanyachiel, un le duto mag bungu,
Biuru uchiem.+
Giseketho pinya machon ne ber ma giloke gunda.
11 Osedong’ nono.
Osetwo.*
Osedong’ gunda e nyima.+
Pinyno duto osejwang’,
To onge ng’at ma dewo mano.+
12 Jonek osebiro ka giluwo nderni duto moyugno manie thim,
Nimar ligangla mar Jehova tieko ji koa tung’ pinyno nyaka tung’ pinyno.+
Onge ng’ato ang’ata ma nigi kuwe.
13 Gipidho ngano, to gikayo kuthe.+
Gitiyo matek to onge ohala ma giyudo.
Gik ma gibiro nyago biro kuodo wigi
Nikech mirima mager mar Jehova.”
14 Ma e gima Jehova wacho ne ogendni maricho mokiewo koda, kendo mamulo pok ma ne omiyo Jo-Israel mondo obed margi:+ “Abiro pudhogi e pinygi,+ kendo abiro pudho Jo-Juda manie kindgi. 15 To bang’ ka asepudhogi, abiro kechogi mi anaduok ng’ato ka ng’ato e pinye kendo e lope owuon.”
16 “To ka ogendnigo opuonjore yore mag joga, kendo gikuong’ore gi nyinga ni, ‘Akuong’ora gi nying Jehova!’ mana kaka ne gipuonjo joga kuong’ore gi nying Baal, eka giniyud kargi e kind joga. 17 To ka gidagi winjo wach, abiro pudho ogandano mi anakethe,” Jehova owacho.+
13 Ma e gima Jehova nowachona: “Dhi ing’iew msip mar kitani, kendo itueye e nungoni, to kik inyume e pi.” 2 Omiyo, ne ang’iewo msip mana kaka Jehova nosechika, mi atueye e nungona. 3 Eka Jehova ne owuoyo koda kendo: 4 “A malo idhi nyaka Yufrate, mondo ipand msip ma ne ing’iewo mitueyo e nungonino. Ibiro pande e bur manie lwanda.” 5 Kuom mano, ne adhi mi apande but Yufrate mana kaka Jehova nosechika.
6 To bang’ ndalo mogwaro, Jehova nowachona niya: “A malo idog Yufrate mondo ikaw msip ma ne achiki ni ipand kuno.” 7 Omiyo, ne adhi nyaka Yufrate mi akunyo ka ma ne apandoe msibno, ne ayudo ka koro nosekethore kendo ne oonge tich.
8 Eka wach Jehova nobirona niya: 9 “Ma e gima Jehova owacho, ‘Kamano e kaka abiro ketho sunga mar Juda, kaachiel gi sunga marach mar Jerusalem.+ 10 Oganda marach ma odagi winjo wechenani,+ kendo ma luwo chunygi+ mopong’ gi richo, kod nyiseche mamoko ma gilamo kendo tiyonegi, biro chalo mana gi msip mosekethore ma onge tichni.’ 11 ‘Nimar mana kaka msip makoga nungo ng’ato matek, e kaka ne adwaro ni Jo-Israel kod Jo-Juda omaka matek, mondo gibedna oganda,+ nying,+ pak, kendo gimoro ma jaber. To ne gidagi winja,’+ Jehova owacho.
12 “Kendo onego inyisgi wachni, ‘Ma e gima Jehova Nyasach Israel owacho: “Onego opong’ agulni duto madongo gi divai.”’ To gibiro dwoki ni, ‘Donge wang’eyo ni onego opong’ agulni madongo gi divai, koso?’ 13 Eka iniwachnegi ni, ‘Ma e gima Jehova wacho: “Abiro miyo jopinyni duto obed momer,+ chakre gi ruodhi mobedo e kom-loch Daudi, jodolo kod jonabi, kaachiel gi ji duto modak e Jerusalem. 14 Abiro dhirogi mondo gituomre giwegi, wuone gi yawuotgi,” Jehova owacho.+ “Ok anakechgi, kata weyonegi, kata ng’wononegi; onge gima biro geng’a tiekogi.”’+
15 Winjuru, kendo chikuru itu.
Kik ubed josunga, nimar Jehova osewuoyo.
16 Miuru Jehova Nyasachu duong’
Ka pok okelo mudho
Kendo ka pok uchwanyo tiendeu e gode sa ma piny yuso.
17 To kutamoru winjo,
Abiro ywak ka mopondo nikech sungau.
18 Wach ne ruoth kod min ruoth,+ ‘Beduru piny,
Nimar osimbo magu mabeyo biro lwar piny.’
19 Oselor* mier man yo milambo, kendo onge ng’at ma diyawnegi.
Jo-Juda duto oseter e tuech, ee, osetergi giduto e tuech.+
20 Ting’ wang’i malo mondo ine jo mabiro koa nyandwat.+
Ere kueth ma nomiyi, rombeni mabeyo?+
21 Ibiro wacho ang’o ka jo ma yande iparo ni osiepeni
E ma koro kumi?+
Donge muoch biro kayi mana kaka dhako ma nyuol?+
22 Kendo ka di po iwacho e chunyi ni, ‘Ang’o momiyo gigi timorena?’+
En nikech timni marach e mosemiyo olonyi duk+
Kendo e mosemiyo ogo ofunj tiendi.
23 Be Ja-Kush* nyalo loko pien dende, koso kwach dilok kit dende?+
Ka en kamano, to kara un bende unyalo timo gik mabeyo,
Un jo mosetieg timo richo.
24 E momiyo abiro keyogi kaka lum motwo ma yamo moa e thim keyo.+
25 Ma e gima biro timoreni, pok ma asepogoni,” Jehova owacho,
26 Omiyo, abiro ting’o lawi malo,
Kendo ji biro neno dugi.+
27 Gibiro neno timbeni mag terruok,+ gomboni moowore,
Kaachiel gi timbeni mag chode modwanyore.
Aseneno kaka isedwanyori+
E wi gode, kendo e pap.
Yaye Jerusalem, nobedni malit!
Inisik ka ok iler nyaka karang’o?”+
14 Ma e wach Jehova ma nobiro ne Jeremia e wi wach oro ma nomako piny:+
2 Juda ywagore,+ kendo dho rangeyene oselal nono.
Gilwar e lowo ka gikuyo,
Kendo ywagruok winjore koa Jerusalem.
3 Ruodhi oro jotich* mondo oumbnegi.
Gidhi e sokni to ok giyud pi.
Giduogo gi agulni nono.
Wigi okuot, giwinjo marach,
Kendo giumo wigi.
5 Kata mana mwanda osejwang’o nyathine moa nyuolo
Nikech onge lum.
6 Punde mag bungu ochung’ e wi gode modong’ nono.
Gigamo yueyo ka bwe;
Wengegi ool nikech gimanyo lum to ok giyudi.+
7 Kata obedo ni richowa nyiso ni wan joketho,
Yaye Jehova, konywa nikech nyingi.+
Nikech waseweyi ding’eny,+
Kendo in e ma wasekethoni.
8 Yaye in e ma Israel ogeno, Jaresne+ e ndalo chandruok,
Ere gimomiyo itimori ka wendo e pinywa,
Kendo ka jawuoth mobworo otieno achiel?
9 Ang’o momiyo ichalo ka ng’at ma wach moro omako dhoge,
Kendo ka ng’at ma ratego ma ok nyal reso ng’ato?
Kik ijwang’wa.
10 Ma e gima Jehova wacho e wi ogandani: “Gihero bayo abaya;+ ok ginyal bet mos.+ Kuom mano, Jehova ok mor kodgi.+ Obiro paro richogi kendo kumogi nikech richogigo.”+
11 Eka Jehova ne owachona niya: “Kik ikwaya ni akony ogandani.+ 12 Sa ma giriyo kech ka gisaya, ok awinj sayogi,+ kendo sa ma gichiwona misengni miwang’o kod chiwo mag cham, ok arwakgi,+ nimar abiro tiekogi gi ligangla, kech, kod tuo.”+
13 Eka ne awacho niya: “Yaye, Jehova Wuon Loch Duto! Jonabi wachonegi ni, ‘Ligangla kod kech ok nobinu, to anamiu kuwe madier e pinyni.’”+
14 Eka Jehova ne owachona niya: “Jonabi koro miriambo ka gitiyo gi nyinga.+ Ok aorogi, kata chikogi, kata wuoyo kodgi.+ Gikoronu fweny mag miriambo kendo manono ma giparo apara e chunygi mopong’ gi wuond.+ 15 Kuom mano, ma e gima Jehova owacho ni biro yudo jonabi ma koro gi nyinga kata obedo ni ne ok aorogi, kendo ma wacho ni onge ligangla kata kech ma nobi e pinyni: ‘Kech kod ligangla e ma biro tieko jonabigo.+ 16 Kendo ringre jo ma gikoronegi ibiro wit e nderni mag Jerusalem nikech ligangla kod kech biro tiekogi. Onge ng’at ma biro yikogi,+ gin kaachiel gi mondegi, yawuotgi, kod nyigi, nimar abiro olonegi masira mowinjore kodgi.’+
17 “Iniwachnegi wechegi,
‘Mad pi wang’a mol odiechieng’ gotieno ma ok ochok,+
Nimar oseng’inj joga* mokethgi chuth,+
Gi adhola malich miwuoro.
18 Ka awuok oko e pap mi ang’icho,
Aneno ringre jo ma oneg gi ligangla!+
To ka adonjo e dala,
Aneno ka tuoche ogoyo ji nikech kech!+
Nimar janabi gi jadolo osewuotho koni gi koni e piny ma ok ging’eyo.’”+
19 Dibed ni iseweyo Juda chuth kata sin gi Sayun, koso?+
Ang’o momiyo isegoyowa malit ma ok wanyal chango?+
Ne wageno yudo kuwe, to onge gima ne waneno,
Ne wageno ni wabiro chango, to luoro maduong’ e ma omakowa!+
21 Kik ijwang’wa, nikech nyingi;+
Kik ikel achaya ne kom-lochni ma nigi duong’.
Par singruok ma ne itimo kodwa, kendo kik ikethe.+
22 Be nitie kata achiel kuom sanambe manono mag ogendni ma nyalo kelo koth adier?
To be polo owuon nigi teko mar kelo koth?
Donge in e Nyasaye, A Jehova Nyasachwa?+
In kendi e ma wageni,
Nimar in kendi e misetimo mago duto.
15 Eka Jehova nowachona niya: “Kata dabed ni Musa gi Samuel e ma ochung’ e nyima kae,+ ok anyal kecho ogandani. Riembgi gia e nyima. Wegi gidhi. 2 To ka gipenji ni, ‘Koro wadhi kanye?’ inidwokgi ni, ‘Ma e gima Jehova owacho:
“Jogo moket ne tuo malich, ginitho gi tuo malich!
Jogo moket ne ligangla, ginitho gi ligangla!+
Jogo moket ne kech, ginitho gi kech!
Jogo moket ne tuech, ginidhi e tuech!”’+
3 “‘Kendo abiro kelonegi masiche ang’wen,’+ Jehova owacho, ‘ligangla mondo oneggi, guogi mondo oywa ringregi, winy ma fuyo e kor polo kod ondiegi mag piny mondo ochamgi kendo otiekgi.+ 4 Abiro miyo pinjeruodhi duto mag piny odong’ kobwok+ ka ginenogi, nikech gik maricho ma Manase wuod Hezekia ne otimo Jerusalem, ka ne olocho Juda.+
5 Yaye Jerusalem, ng’ano ma biro kechi,
Ng’ano ma biro dewi,
Ng’ano ma biro rawo mondo openji kaka idhi?’
E momiyo abiro rieyo bada mondo atieku.+
Asekechou moromo.
7 Abiro piedhogi gi rapiedhi e rangeye mag pinyno.
Abiro mayogi nyithindgi.+
Abiro ketho joga,
Nikech gisetamore weyo yoregi.+
8 Mond lietegi biro bedo mang’eny moloyo kuoyo me nam.
Abiro kelonegi janek mondo omonjgi godiechieng’, obiro monjo mine gi yawuoyi.
Anakelnegi parruok kod luoro maduong’ apoya.
9 Dhako monyuolo nyithindo abiriyo ool;
Muche koro rumo.
Piny othone mudho,
Mi okelo wich-kuot kod achaya.’*
‘To jo manok modong’
Abiro chiwo e lwet wasikgi mi githo gi ligangla,’ Jehova owacho.”+
10 Yaye mama, litna ndi ni ne inyuola,+
Koro piny duto siko ka dhawo adhawa koda.
Pok aholo ng’ato gimoro to ji bende pok ohola;
To e ma podi gikuong’a akuong’a.
11 Jehova owacho: “Kuom adier, anatimni gik mabeyo;
Adier, abiro konyi e ndalo mag masira,
E ndalo ma ichandori nikech wasiki.
12 Be ng’ato nyalo turo nyinyo matindo tindo,
Nyinyo moa yo nyandwat, kata mula?
13 Abiro miyo ji oyak mwanduni kod gik ma in-go,+
Ok ginichuli gimoro, mondo akumi kuom richo ma isetimo e pinyi duto.
14 Anachiwgi ne wasiki
Mondo gitergi e piny ma ok ing’eyo.+
Nimar mirimba osemoko mach,
Kendo majno biro wang’i.”+
15 A Jehova, in ing’eyo,
Para kendo ket chunyi kuoma.
Kum jo ma sanda.+
Kik iwe alal nono mana nikech itero mirimbi mos.
Ng’e maler ni iyanya nikech in.+
16 Ne oyud wecheni, kendo nachamogi;+
Wecheni nomiyo chunya mor gi ilo,
Nimar iluonga gi nyingi, A Jehova Nyasach oganda lweny.
17 Ok abed gi jo mohero oyuma gi mor.+
18 Ang’o momiyo an gi rem malit kendo adhondena ok changi?
Gitamore chango.
Koso ibiro bedona kaka soko mar pi ma wuondo ji
Kendo ma ok nyal gen?
19 Kuom mano, ma e gima Jehova owacho:
“Kiduogo ira, to anarwaki,
Kendo ibiro chung’ e nyima.
Ka ipogo gik mabeyo e kind gik manono,
To ibiro wuoyo e loya.
Giniduog iri,
To in ok inidog irgi.”
20 “Aseketi mondo ibed ne ogandani ohinga motegno mar mula.+
21 “Abiro resi e lwet joricho
Abiro wari e lwet jo ma kwiny.”
16 Wach Jehova nobirona kendo niya: 2 “Kik ikendi, kendo kik inyuol yawuoyi kata nyiri e pinyni. 3 Nimar ma e gima Jehova owacho e wi nyithindo ma inyuolo e pinyni kaachiel gi jonyuolgi: 4 ‘Tuoche malich biro negogi,+ to onge ng’at ma noywaggi kata yikogi; gibiro lokore manyiwa e wi piny.+ Ligangla kod kech biro negogi,+ kendo winy ma fuyo e kor polo kod ondiegi mag piny biro chamo ringregi.’
5 Jehova owacho niya,
‘Kik idonj e ot ma itimoe nyasi mar ywago ng’at motho,
Kik igo nduru kata hoyo jo mokuyo.’+
‘Nimar asegolo kuwe ma ne amiyo ogandani,’ Jehova owacho,
‘Asegolo bende herana mosiko kod kechna kuomgi.+
6 Jo madongo kod jo matindo biro tho e pinyni.
7 Onge ng’at ma biro chiwo chiemo ne jo ma ywago ng’atgi,
Kohoyogo chunygi;
Kata ng’at ma nomigi okombe mar divai
Mondo giywaggo wuon-gi kata min-gi.
8 Kik idonj e ot ma ji timoe nyasi
Mondo ibed piny kichiemo kendo metho kodgi.’
9 “Nimar ma e gima Jehova Nyasach oganda lweny, Nyasach Israel owacho, ‘Abiro tieko mor kod ilo ma jogo nigo, ma kata dwond miaha kod wuon kisera ok bi winjore kendo.+ Gigi duto abiro timo ka pod ingima kendo kineno gi wang’i.’
10 “Ka inyiso ogandani wechegi, gibiro penji ni, ‘Ang’o momiyo Jehova dwaro kelonwa masira maduong’ni? En richo kata ketho mane ma wasetimo ne Jehova Nyasachwa?’+ 11 Ibiro dwokogi kama: ‘“En nikech kwereu ne oweya,”+ Jehova owacho, “kendo ne giluwo nyiseche mamoko, mi gitiyonegi ka gikulorenegi.+ Ne giweya mi gitamore luwo chikena.+ 12 To un usetimo gik maricho moloyo kata kwereu,+ ng’ato ka ng’ato kuomu luwo mana chunye mopong’ gi richo kar winjo wachna.+ 13 Kuom mano, abiro riembou e pinyni, mi ateru e piny ma ok ung’eyo kata ma kwereu bende ne ok ong’eyo,+ kendo kuno ubiro lamo nyiseche mamoko odiechieng’ gotieno,+ nikech ok abi kechou.”’
14 “‘Kata kamano, ndalo biro,’ Jehova owacho, ‘ma ok ginikuong’re kendo niya: “Akuong’ora gi nying Jehova, ma nogolo Jo-Israel e piny Misri!”+ 15 to gibiro kuong’ore niya: “Akuong’ora gi nying Jehova, ma nogolo Jo-Israel e piny man yo nyandwat, kendo e pinje mamoko duto ma ne okeyogie!” anaduokgi e piny ma ne amiyo kweregi.’+
16 ‘Eri, aluongo jolupo mang’eny,’ Jehova owacho,
‘Kendo gibiro makogi ka rech.
Bang’ mano, abiro luongo jodwar mathoth,
Ma biro lawogi e gode madongo kod matindo duto,
Kendo e lwendni kod buche manie lwendni.
17 Nimar wengena neno yoregi duto.
Gik ma gitimo ok opondo ne wang’a,
Richogi bende ok opondo ne wang’a.
18 To mokwongo, abiro chulogi nyadiriyo nikech kethogi kod richogi,+
Nimar gisedwanyo pinya gi sanambegi makwero ma onge ngima mana ka ringre jo motho
Kendo gisepong’o pokna gi gik ma sino ji.’”+
19 A Jehova, tekona kendo kar geng’ruokna,
Ka ma aringoe e ndalo chandruok,+
Ogendni moa e tunge piny nobi iri,
Kendo gibiro wacho niya: “Puonj ma kwerewa noyudo kuom wuonegi ne gin mana miriambo,
Weche manono kendo ma ok kony.”+
20 Be dhano nyalo loso nyiseche molamo,
Ka nyisechego ok gin nyiseche adier?+
21 “Omiyo, anami ging’e,
E kindegi abiro miyo ging’e tekona kod nyalona,
Kendo gibiro ng’eyo ni nyinga en Jehova.”
17 “Richo mar Juda osendiki gi kalam mar nyinyo.
Ogore e chunygi* gi kalam mabith molos gi kidi mar almasi*
Kod e tunge mag kendo mag misango,
2 Sa ma yawuotgi paro kendo maggi mag misango kod sirnigi mag yien*+
E but yiende mabeyo, e wi gode matindo,+
3 Kendo e wi gode madongo manie pewe.
Abiro miyo ji oyak gigeni duto, mwanduni duto+
Ee, gibiro yako kuonde magi moting’ore malo nikech isetimo richo e pinyi duto.+
4 Ibiro weyo mwandu ma an awuon ne amiyi.+
Obiro liel nyaka chieng’.”
5 Ma e gima Jehova owacho:
“Okuong’ ng’at ma keto genone kuom dhano,+
Mogeno teko ma dhano nigo,+
Kendo ma chunye ong’anyo ne Jehova.
6 Enochal gi yath man kende e thim.
Ok obi neno gik mabeyo ma biro,
To obiro dak ka motwo e thim,
E piny motimo chumbi ma ji ok odakie.
7 Ng’at moguedhi en ng’at moketo genone kuom Jehova,
Moyie kuom Jehova.+
8 Obiro chalo gi yath mopidh e bath pige,
Ma tero tiendene kochomo aora.
Ok obi parore sa ma chieng’ liet,
Obokene biro bedo mang’ich kinde duto.+
Ok obi bedo gi parruok e ndalo mag oro
Kendo ok obi weyo nyago olemo.
9 Chuny otimo wuond mang’eny moloyo gimoro amora, kendo onyalo kelo hinyruok.*+
Ng’ano ma nyalo ng’eye?
10 An Jehova, adayo chuny dhano,+
Anono paro ma iye,*
Mondo achul ng’ato ka ng’ato kaluwore gi yorene,
Kaluwore gi gik ma tichne onyago.+
11 Ng’at ma choko mwandu e yor mibadhi,+
Chalo gi winj aywer ma choko tong’ ma ne ok otoko.
Gibiro lalne ka pok oti,
Kendo bang’e fupe biro nenore.”
12 Kom-loch ma nigi duong’, ma noting’ malo a chakruok,
E ka ma hekalu marwa nitie.+
13 A Jehova, geno mar Israel,
Jogo duto moweyi biro yudo wich-kuot.
14 Changa, A Jehova, mondo abed mangima.
Resa, eka anayud kuwe,+
Nimar in e ma apaki.
15 Neuru! Nitie jo ma wachona niya:
“Ere wach ma Jehova nowacho?+
Mad ochopi!”
16 To an to, ne ok aringo mi aweyo luwi kaka jakwath,
Kata gombo chieng’ masira.
Ing’eyo malong’o gik ma dhoga osewacho;
Gik moko duto ne otimore e wang’i.
17 Kik ilokrina ng’at ma miya luoro.
In e kar bwokna e ndalo masira.
18 Mad jo ma sanda oyud wich-kuot,+
An to kik iwe ayud wich-kuot.
Mad luoro maduong’ omakgi,
An to kik iwe abed maluor.
Kelnegi odiechieng masira,+
Mondo ikethgi kendo itiekgi chuth.
19 Ma e gima Jehova ne onyisa: “Dhi ichung’ e dho rangach mar jo piny, ka ma ruodhi mag Juda donjogo kendo wuokgo, bang’e idhi e dho rangeye mamoko mag Jerusalem duto.+ 20 Iniwachnegi ni, ‘Winjuru wach Jehova, un ruodhi mag Juda, un Jo-Juda duto, kod ji duto modak Jerusalem ma luwoga dho rangeyegi. 21 Ma e gima Jehova owacho: “Ritreuru uwegi, kendo kik uting’ osigo moro amora chieng’ Sabato, kata kadho kode e dho rangeye mag Jerusalem.+ 22 Kik uting’ osigo moro amora kugolo e uteu chieng’ Sabato; kendo kik uti tich moro amora.+ Rituru odiechieng’ mowal mar Sabato, mana kaka ne achiko kwereu.+ 23 To ne gitamore winja kata chikona itgi, wigi e ma ne tek kendo ne gitamore winjo wachna kata rwako kum ma namiyogi.”’+
24 “‘“Kata kamano, ka uwinja,” Jehova owacho, “kendo ok uting’o osigo moro amora kukalo e dho rangeye mag dalani chieng’ Sabato, to urito chieng’ Sabato obedo maler ma ok utiyo tich moro amora,+ 25 eka ruodhi kod yawuotgi ma obedo e kom-loch mar Daudi,+ biro kadho e dho rangeye mag dalani, ka giidho geche lweny kod farese, gin kod jotendgi, kaachiel gi Jo-Juda gi jo modak Jerusalem;+ kendo ji biro dak e dalani kuom kinde duto. 26 Kendo ji nobi koa e mier mag Juda, kod mier mokiewo gi Jerusalem, gi piny Benjamin,+ kod pinje manie tiend gode+ gi manie wi gode, kaachiel gi Negeb. Gibiro kelo misengni miwang’o pep,+ gi misengni,+ gi chiwo mag cham,+ gi ubani, kod misengni mag goyo erokamano e od Jehova.+
27 “‘“ To ka ok uwinja, mi utamoru rito chieng’ Sabato mondo obed maler, kendo uting’o osigo moro amora ka ukalo dho rangeye mag Jerusalem chieng’ Sabato, abiro moko mach e dho rangeye mag dalano, mi majno biro wang’o ohinga motegno mag Jerusalem,+ kendo onge ng’at ma nonege.”’”+
18 Ma e gima Jehova ne owacho ne Jeremia: 2 “A malo, ilor idhi e od jachue-agulni,+ kendo abiro miyi wechena kuno.”
3 Kuom mano, ne adhi nyaka e od jachue-agulni, mi ayude ka ochueyo agulu e gir chuecho. 4 To agulu ma nochueyono ne okethorene. Omiyo, ne okawo lowono mi ochueyogo agulu machielo mana kaka ne odwaro.
5 Eka wach Jehova ne obirona niya: 6 “‘Yaye dhood Israel, donge anyalo timonu gima jachuechono timo ne lowo?’ Jehova owacho. ‘Neuru! Mana kaka lowo nie lwet jachue-agulni, e kaka un bende un e lweta.+ 7 Ka awacho ni abiro pudho, muko, kendo ketho oganda moro kata pinyruoth moro,+ 8 to bang’e ogandano olokore mi oweyo timbene maricho, an bende abiro loko pacha kuom masira ma ne adwaro kelonegino.+ 9 To ka awacho ni abiro pidho kendo gero oganda kata pinyruoth moro, 10 mi ogandano otimo gik maricho e wang’a kendo gitamore winjo dwonda, an bende abiro loko pacha kendo ok abi timonegi gik mabeyo ma ne adwaro timonegi.’
11 “Omiyo, koro dhi inyis Jo-Juda kod jo modak Jerusalem ni, ‘Ma e gima Jehova owacho: “Aikonu gimoro marach, kendo achano kelonu masira. Akwayou, lokreuru mondo uwe yoreu kod timbeu maricho.”’”+
12 To ne giwacho niya: “Ok wanyal lokore!+ Wabiro luwo mana pachwa, kendo ng’ato ka ng’ato kuomwa biro luwo mana kaka chunye mopong’ gi richo dwaro.”+
13 E momiyo Jehova owacho kama:
“Akwayou penjieuru ogendni wachni.
Ng’ano mosewinjo gima kama?
Jo-Israel* osetimo gima rach moloyo.+
14 Be wi gode mag Lebanon motimo lwendni nyalo bedo ma onge pe adier?
To be pige mang’ich mamol koa ka mabor nyalo duono koso?
15 To wi joga osewil koda.+
Nimar gichiwo misengni ne gik manono,+
Kendo gimiyo ji chwanyore e yoregi, e yore ma kweregi ne luwo chon,+
Ka giwuotho e yore mogondore, kendo motimo buche.
Ng’ato ka ng’ato ma biro kalo machiegni biro bwok kuom gima oneno, kendo gibiro kino wigi ka giwuoro.+
17 Abiro keyogi e nyim wasikgi mana ka yamb ugwe.
Abiro lokonegi ng’eya, ok gibi neno wang’a chieng’ ma masira oyudogi.”+
18 To ne giwacho niya: “Biuru, wachanuru gimoro marach ne Jeremia,+ nimar chik ok bi lal ne jodolo, rieko ok bi lal ne jo mariek, kendo wach ok bi lal ne jonabi. Biuru, wahangne wach, kendo kik wachik itwa ne gik mowacho.”
19 A Jehova, akwayi ni iwinja,
Kendo ichik iti mondo iwinj gima jo ma kweda wacho.
20 Be onego ochul ber gi richo?
Gisekunyona bur mondo anyumrae.+
Par kaka ne achung’ e nyimi ka anyisi weche mabeyo e wigi,
Mondo kik ibed gi mirima kodgi.
21 Kuom mano, we mondo yawuotgi otho gi kech,
Kendo chiwgi ne ligangla.+
Mad nyithi mondegi otho, kendo gidong’ mond liete.+
Mad masira malich oneg chwogi,
Kendo yawuotgi bende otho e lweny.+
22 Nduru mondo owinj e utegi,
E kinde mikelo jomonj kuomgi apoya.
Nimar gisekunyona bur mondo gimaka
Kendo gisechikona obadho mondo omak tienda.+
23 To in, A Jehova,
Ing’eyo chenro duto ma gichano mondo ginega.+
Kik ium kethogi,
Kendo kik iruch richogi e wang’i.
19 Ma e gima Jehova nowachona: “Dhi ing’iew agulu ir jachue-agulni.+ Bende, inikaw jodong-oganda moko kaachiel gi jodong-jodolo moko, 2 mondo udhi e Hoho mar Wuod Hinom,+ e dho rangach miluongo ni Ranga Jochue-Agulni. Kuno e ma ibiro landoe weche ma abiro nyisi. 3 Iniwachnegi ni, ‘Winjuru wach Jehova, un ruodhi mag Juda kod jo modak Jerusalem. Ma e gima Jehova Nyasach oganda lweny, Nyasach Israel owacho:
“‘“Achiegni kelo masira kae, kendo ng’ato ka ng’ato mowinjo wachno biro bwok.* 4 Abiro timo kamano nikech ne giweya,+ mi gidwanyo kae.+ Gichiwo misengni ne nyiseche mamoko ma ne ok ging’eyo, kendo kata ruodhi mag Juda kod kweregi ne ok ong’eyo. Kendo gisepong’e gi remb jo ma onge ketho.+ 5 Ne gigero kuonde moting’ore malo ne Baal mondo giwang’ie yawuotgi kaka misengni miwang’o ne Baal.+ Ne ok achikogi mondo gitim gima kamano, kendo chunya pok noparo timo gima kamano kata matin.”’+
6 “‘“Omiyo, neuru! ndalo biro,” Jehova owacho, “ma kae ok noluong kendo ni Tofeth kata Hoho mar Wuod Hinom, to ibiro luonge ni Hoho mar Nek.+ 7 Kae e ma abiro kethoe chenro mag Jo-Juda gi Jo-Jerusalem, anami wasikgi kaachiel gi jo ma dwaro monjogi oneggi gi ligangla. Kendo anami winy ma fuyo e kor polo kod ondiegi mag piny ringregi mondo gicham.+ 8 Abiro ketho dalani gi keth malich, mi ng’ato ang’ata mokalo bute biro bwok kendo liyo nikech masiche ma oseyude.+ 9 Abiro miyo gicham ringre yawuotgi gi nyigi giwegi, kendo gibiro chamo ringre jowetegi e kinde ma wasigu biro lworo dalani ka gidino yore duto mondo gineggi.”’+
10 “Kae to ito aguluno e wang’ jo ma idhigo, 11 kiwachonegi ni, ‘Ma e gima Jehova Nyasach oganda lweny owacho: “Abiro toyo ogandani kaachiel gi dalani, mana kaka ng’ato toyo agulu mi ok nyal chak chome; gibiro yiko ji e Tofeth nyaka opong’, ma koro onge ka ma diyikie ng’ato.”’+
12 “‘Mano e gima abiro timo ne dalani,’ Jehova owacho, ‘kaachiel gi jo modak e iye, kendo abiro loke mi ochal gi Tofeth. 13 Ute man Jerusalem gi ute ruodhi mag Juda biro bedo mogak mana ka Tofeth,+ ee, udi duto ma ne iwang’oe misengni e wi tatgi ne oganda mar polo,+ ka ma ne gichiwoe misengni miolo ne nyiseche mamoko.’”+
14 Ka Jeremia noseduogo koa Tofeth ka ma Jehova ne oore mondo okorie wach, ne ochung’ e laru mar od Jehova mi owacho ne ogandano niya: 15 “Ma e gima Jehova Nyasach oganda lweny, Nyasach Israel owacho, ‘Neuru! Abiro kelo masira ma ne awacho ni adhi kelo ne dalani kod mier duto mokiewo kode, nikech wigi tek, kendo gisetamore winjo wachna.’”+
20 Koro, Pashur wuod Imer ma jadolo kendo jatend jotich e od Jehova ne owinjo Jeremia ka koro wechegi. 2 Eka Pashur ne ogoyo Jeremia janabi matek, mi otueye e lodi+ ma ne nitie e Ranga Benjamin ma Malo e od Jehova. 3 To kinyne ka Pashur ne ogonyo Jeremia e lodigo, Jeremia ne owachone niya:
“Jehova osechaki ni Masira Kuonde Duto,+ to ok Pashur. 4 Nimar Jehova owacho ni, ‘Abiro miyo ilokri masira ne in iwuon, kendo ne osiepeni duto, kendo wasigu noneg osiepeni duto kineno gi wang’i;+ abiro keto Jo-Juda e lwet ruodh Babulon, kendo enotergi e tuech Babulon, mi noneggi gi ligangla.+ 5 Kendo abiro chiwo mwandu duto mag dalani, gigene duto mabeyo kendo ma nengogi tek, kaachiel gi mwandu mag ruodhi Juda ne wasikgi.+ Gibiro yakogi kendo ginitergi Babulon.+ 6 To in Pashur, ibiro maki mi teri e tuech in kaachiel gi joodi duto. Ibiro teri Babulon, kendo initho kuno, ibiro yiki kuno kaachiel gi osiepeni duto nikech ne ikoronegi miriambo.’”+
7 Ne iwuonda, A Jehova, ne iwuonda adier.
Ne ikedo koda, mi iloya.+
Ji nyiera odiechieng’ duto;
Ng’ato ka ng’ato jara ajara.+
8 Nimar sa asaya ma awuoyo, nyaka aland gi dwol maduong’,
“Mahundu gi kethruok nitie!”
Wach Jehova osemiyo ji jara kendo yanya odiechieng’ mangima.+
10 Ne awinjo miriambo mang’eny e wiya;
Luoro ne olwora koni gi koni.+
“Kwedeuru; mad wakwedeuru!”
Kata mana jo ma ne wuondore ni gin osiepena, ne gombo ni achwanyra:+
“Di po ka otimo tim moro mofuwo,
Mi waloye kendo chulo kuor.”
11 To Jehova ne ni koda mana ka jalweny ma ratego.+
Mano e momiyo jo ma sanda biro chwanyore mi podhi.+
Gibiro yudo wich-kuot maduong’, nimar ok gibi loya.
Ji biro paro wich-kuotgino nyaka chieng’.+
13 Wer ne Jehova! Pak Jehova!
Nimar osereso jadhier e lwet joricho.
14 Okuong’ odiechieng’ ma ne onyuolae!
Kik guedh odiechieng’ ma minwa ne onyuolae!+
15 Okuong’ ng’at ma nokelo ne wuonwa wach maber niya:
“Osenyuolni wuoyi, ee, nyathi ma wuoyi!”
Mi nomor sidang’!
16 Mad ng’atno obed ka mier ma Jehova ne oketho, ma ok oywago ang’e.
Mad owinj ka ji ywagore gokinyi, kendo ka tung’ ywak odiechieng’ tir.
21 Wach Jehova ma nobiro ne Jeremia, ka ne Ruoth Zedekia+ ooro Pashur+ wuod Malkia, kod Zefania+ wuod Maaseya jadolo ire kokwaye niya: 2 “Akwayi, penjnwae Jehova wach, nimar Nebukadnezar* ruodh Babulon kedo kodwa.+ Samoro Jehova nyalo timonwa hono moro, mi Nebukadnezar owere kodwa.”+
3 Eka Jeremia ne owachonegi niya: “Dhiuru unyis Zedekia ni, 4 ‘Ma e gima Jehova Nyasach Israel owacho: “Abiro duokou chien kaachiel gi gik lweny muting’o e lwetu, kukedogo gi Jo-Babulon+ kod Jo-Kaldea ma olworo ohinga magu koni gi koni. Abiro chokogi e dier dalani. 5 Kendo an awuon abiro kedo kodi+ ka arieyo bada ma nigi teko, gi ich-wang’, kendo gi mirima maduong’.+ 6 Abiro nego le kaachiel gi jo modak e dalani. Tuo malich biro negogi.”’+
7 “‘“Bang’ mano,” Jehova owacho, “Anachiw Zedekia ruodh Juda, gi jotichne, kod jo modak e dalani, tiende ni jo ma tuo, kata ligangla, kata kech ok bi nego, e lwet Nebukadnezar* ruodh Babulon kod wasikgi ma dwaro negogi.+ Obiro negogi gi ligangla. Ok nowegi, ok nokechgi, kendo ok notimnegi ng’wono.”’+
8 “Onego inyis jogi ni, ‘Ma e gima Jehova owacho: “Aseketonu yore ariyo mondo uyier, achiel dhi e ngima to machielo dhi e tho. 9 Ng’ato ang’ata modong’ e dalani biro tho gi ligangla, kech, kata tuo. To ng’ato ang’ata ma biro chiwore owuon e lwet Jo-Kaldea ma sani olworo dalani, biro tony, kendo ngimane biro chalo gi gima oyako e lwet wasigu.”’+
10 “‘“Nimar aseng’ado ni nyaka to aketh dalani, ok anyal weye,”+ Jehova owacho. “Ibiro chiwe e lwet ruodh Babulon,+ mi nowang’e.”+
11 “‘ To un jood ruodh Juda: Winjuru wach Jehova. 12 Yaye od Daudi, ma e gima Jehova owacho:
“Ng’aduru bura makare okinyi kokinyi,
Resuru ng’at ma imayo e lwet jamecho,+
Mondo kik mirima omaka ka mach mager+
Kendo ma ok nyal negi,
Mana nikech timbeu maricho.”’+
13 Yaye in ng’at modak e hoho, akedo kodi,
Yaye lwanda man e piny mopie,’ Jehova owacho.
‘To un mupenjo niya: “Ng’ano ma biro kedo kodwa?
Ng’ano ma biro monjo kuonde ma wadakie?”
14 Abiro kumou uduto
Gi kum mowinjore gi timbeu,’+ Jehova owacho.
Abiro chwinyo mach e bungene,
Kendo majno biro wang’o gik moko duto man machiegni kode.’”+
22 Ma e gima Jehova owacho: “Dhi e od ruodh Juda mondo inyise wachni. 2 Iniwachne ni, ‘Winj wach Jehova, A ruodh Juda mobet e kom-loch mar Daudi, in kaachiel gi jotichni gi jogi ma donjo gi dho rangeyegi. 3 Ma e gima Jehova owacho: “Ng’aduru bura kare, kendo urit tim makare. Resuru ng’at ma imayo. Kik usand jadak moro amora, kata nyathi kich, kata chi liel.+ Bende, kik uchuer remb ng’at ma onge ketho kae.+ 4 Nimar ka uwinjo wachni eka ruodhi ma obedo e kom-loch mar Daudi+ biro kadho e dho rangeye mag dalani, ka giidho geche lweny kod farese, gin kod jotichgi kaachiel gi joggi.”’+
5 “‘To ka utamoru winjo wechena, akuong’ora ni ibiro keth odni,’+ Jehova owacho.
6 “Nimar ma e gima Jehova owacho e wi od ruodh Juda,
‘Ichalona gi Gilead,
Kendo gi wi Got Lebanon.
To analoki thim;
Onge ng’ato ang’ata ma biro dak e miecheni.+
7 Abiro oro ji mondo okethi,
Ng’ato ka ng’ato nobi gi gigene mag lweny.+
Gibiro tong’o yiendeni mabeyo duto mag sida
Mi gilwargi e mach.+
8 “‘Ogendni biro kadho but dalani ka gipenjore niya: “Ang’o momiyo Jehova notimo gima chal kama ne dala maduong’ni?”+ 9 To ibiro dwokgi kama: “Nikech ne giweyo singruok ma ne gitimo gi Jehova Nyasachgi mi gichako kulore ne nyiseche mamoko kendo tiyonegi.”’+
10 Kik uyuag ng’at mosetho,
Kendo kik uwinjne lit.
Kar mano, ywaguru ng’at ma itero e tuech,
Nimar ok obi duogo thurgi kendo.
11 “Nimar ma e gima Jehova owacho e wi Shalum*+ wuod Josia ruodh Juda ma locho kar Josia+ wuon-gi, kendo ma osea e pinyni: ‘Ok obi duogo kendo. 12 Nikech obiro tho e piny ka ma otere e tuech, kendo ok none pinyni kendo.’+
13 Yaye, nobed malit ne ng’at ma ok ger ode gi tim makare
Kendo ma ok ger od gorofa gi bura makare,
Ma miyo jowetene tiyone kayiem nono,
To ok ochulgi osara;+
14 Ng’at ma wacho ni, ‘Abiro gero ot maduong’
Ma udine ma malo lach.
Abiro ketone dirise
Mi aketne yiend sida kendo wire gi rangi makwar.’
15 Be iparo ni ibiro dhi nyime locho mana nikech itiyo gi yiend sida mang’eny moloyo jomamoko?
Wuonu bende ne chiemo kendo metho,
To ne ong’ado bura kare, kendo notimo gik makare,+
Omiyo, weche ne odhine maber.
16 Ne oyalo buch jo ma sandore kod jochan e yo makare,
Mi gik moko ne odhine maber.
‘Donge mano e ma nyiso ni ng’ato ong’eya?’ Jehova owacho.
17 ‘To in kinde duto iketo chunyi e wuondo ji,
Ichuero remb jo ma onge ketho,
Ikwelo kendo ihero mibadhi.’
18 “Omiyo, ma e gima Jehova wacho e wi Jehoyakim+ wuod Josia ruodh Juda,
‘Ok gibi yuage kama:
“Yaye owadwa! Yaye nyaminwa!”
Ok gibi yuage niya:
“Yaye ruodhwa! Yaye ruodhwa!”
21 Ne awuoyo kodi e ndalo ma weche ne dhini maber.
To ne idwoka niya: ‘Ok abi winji.’+
Mano osebedo timni chakre tinni,
Nimar ok isewinjo dwonda.+
22 Yamo e ma biro kwayo jokwadhi duto,+
Kendo joherani nodhi e tuech.
Ibiro yudo wich-kuot kod achaya nikech masiche duto moyudi.
23 Yaye, un jo ma odak Lebanon,+
Modak e kind yiende mag sida,+
Mano kaka ubiro ywak ka rem otugore,
Rem ma chalo gi mar dhako ma muoch kayo!”+
24 “Jehova owacho ne Konia*+ wuod Jehoyakim+ ruodh Juda ni, ‘Akuong’ora ni kata dabed ni in e tere manie lweta ma korachwich, pod dawuodhi oko! 25 Abiro chiwi e lwet jo ma iluoro ma dwaro negi, e lwet Nebukadnezar* ruodh Babulon, kendo e lwet Jo-Kaldea.+ 26 Abiro witi kaachiel gi minu e piny moro nono, mi initho kuno. 27 Kendo ok ginichak gidogi e piny ma ne gihero.+
28 Donge Konia en mana ng’at ma ocha ka agulu motore,
Agulu ma ng’ato ang’ata ok dwar, koso?
Ang’o momiyo owite kaachiel gi nyikwaye
E piny ma ok ging’eyo?’+
29 Yaye piny, piny, piny, winj wach Jehova.
30 Ma e gima Jehova owacho:
‘Ndik piny ni ng’atni ne onge nyithindo,
Ng’at ma ngimane ok bi dhi maber,
Nimar onge nyakware kata achiel
Ma biro bet e kom-loch mar Daudi mondo olochi e piny Juda.’”+
23 “Yaye nobed malit ne jokwath ma jwang’o kendo keyo rombe manie legena!” Jehova owacho.+
2 Omiyo, ma e gima Jehova Nyasach Israel owacho e wi jokwath ma kwayo joga: “Usekeyo rombena; usiko ukeyogi akeya, kendo pok uritogi maber.”+
“Koro abiro kumou nikech gik maricho ma usetimo,” Jehova owacho.
3 “Eka abiro choko rombena modong’ ka agologi e pinje duto ma ne akeyogie,+ mi anaduokgi e lege maggi,+ kendo gibiro nyuolore mi gibed mang’eny.+ 4 Abiro ketonegi jokwath ma biro ritogi maber.+ Onge gima biro miyogi luoro, kata bwogogi, kendo onge kata achiel kuomgi ma biro lal,” Jehova owacho.
5 “Neuru! Ndalo biro,” Jehova owacho, “ma anachung ne Daudi bad yath makare.*+ Obiro locho+ gi rieko, kong’ado bura kare, kendo korito tim makare e piny.+ 6 E ndalone, ibiro res Juda,+ kendo Israel biro dak gi kuwe.+ Kendo nying ma ibiro luongego nobed: Wan Jo Makare Nikech Jehova.”+
7 “Kata kamano, ndalo biro,” Jehova owacho, “ma ok ginikuong’re kendo niya: ‘Akuong’ora gi nying Jehova, ma nogolo Jo-Israel e piny Misri!’+ 8 to gibiro kuong’ore ni, ‘Akuong’ora gi nying Jehova, ma nogolo kendo duoko nyikwa Israel e pinygi, kogologi e piny ma ni yo nyandwat kod pinje mamoko duto ma ne okeyogie,’ kendo ginidag e pinygi.”+
9 Kuom wach jonabi:
Chunya ool.
Chokena duto tetni.
Achalo gi ng’at momer,
Kendo ka ng’at ma divai omero,
Mana nikech Jehova kendo nikech wechene maler.
10 Nimar piny opong’ gi jochode;+
Kuong’no osemiyo piny okuyo+
Kendo kuonde ma ne lum ng’ichie, koro osetwo.+
Yoregi richo, kendo gitiyo gi tekogi e yo marach.
11 “Janabi gi jadolo dwanyore.+
Gitimo richo kata mana e i oda,”+ Jehova owacho.
12 “Yore ma giluwo nobed ma poth kendo motimo mudho;+
Ibiro dhirgi mi gilwar piny.
Nimar abiro kelonegi masira
E higa mar ng’ado bura,” Jehova owacho.
13 “Aseneno kuom jonabi mag Samaria+ gik ma osina.
Gikoro wechegi e nying Baal,
Kendo giwito joga ma Jo-Israel.
14 Kendo aseneno gik maricho ahinya kuom jonabi mag Jerusalem.
15 Kuom mano, ma e gima Jehova Nyasach oganda lweny owacho kuom jonabigo:
“Abiro miyogi yath makech mondo gicham
Kod pi sum mondo gimodhi.+
Nimar jonabi mag Jerusalem oselando weche ma kwedo Nyasaye e piny duto.”
16 Ma e gima Jehova Nyasach oganda lweny owacho:
“Kik uchik itu ne jonabi ma koronu weche.+
Gimiyo ugeno gik ma ok bi timore.
17 Pile giwacho ne jo mochaya ni,
‘Jehova owacho niya: “Unubed gi kuwe.”’+
Kendo ne ng’ato ang’ata ma wiye tek ni,
‘Onge masira ma nobi kuomi.’+
18 Nimar en ng’ano mosebedo e buch Jehova
Mondo one kendo winjo wachne?
Ng’ano mosechiko ite ne wachne mondo owinje malong’o?
19 Neuru! Jehova osemiyo mirimbe okutho matek mana ka ahiti;
Mana ka kalausi mager, obiro kutho e wi jo maricho.+
20 Mirimb Jehova ok bi kuwe
Nyaka chop otim gik ma chunye oseng’ado.
E ndalo mag giko, unuwinj tiend wachni malong’o.
21 Ne ok aoro jonabigo, to ne girikni biro.
Ne ok awuoyo kodgi, to ne gikoro wach.+
22 To ka dine gichung’ e bucha,
Dine gimiyo joga owinjo wechena
Kendo dine gimiyo gilokre mi giweyo yoregi kod timbegi maricho.”+
23 “Be an mana Nyasaye ka an machiegni kodu,” Jehova owacho, “to ka an mabor kodu ok an Nyasaye?”
24 “Be ng’ato dipond kamoro ma ok anyal nenee?”+ Jehova owacho.
“Donge an e ma apong’o piny gi polo?”+ Jehova owacho.
25 “Asewinjo ka jonabi ma koro miriambo gi nyinga wacho ni, ‘Ne aleko wach moro! Ne aleko wach moro!’+ 26 Jonabi ma koro weche miriambogo biro dhi nyime nyaka karang’o? Gin jonabi ma koro mana weche ma giparo e chunygi.+ 27 Gidwaro ni wi joga owil gi nyinga nikech lek ma ng’ato ka ng’ato pimo ne nyawadgi, mana kaka wi kweregi nowil gi nyinga nikech Baal.+ 28 Janabi moseleko onego ohul lekno, to ng’at ma nigi wach moa kuoma, onego ohul wachno gadier.”
“Koso yugi gi cham chalre?” Jehova owacho.
29 Jehova owacho ni, “Donge wachna chalo gi mach,+ kendo gi nyundo ma baro lwanda matindo tindo, koso?”+
30 “Kuom mano, amon gi jonabi ma kwalo wechena kuom jonabi wetegi,” Jehova owacho.+
31 “Amon gi jonabi ma tiyo gi lewgi e wacho ni, ‘Nyasaye osewacho!’” Jehova owacho.+
32 “Amon gi jonabi ma wuondo ji gi lekgi,” Jehova owacho, “ma hulo lekgi mag miriambo, nimar giwito joga gi miriambo kod sungruokgi.”+
“Ne ok aorogi kata chikogi. Omiyo, ok ginikony ogandani kata matin,”+ Jehova owacho.
33 “To ka ng’ato kuom joga, kata kuom jonabi, kata jodolo openji ni, ‘Ere ting’ mapek* moa kuom Jehova?’ inidwokgi ni, ‘“Un e ting’ mapek, kendo abiro witou oko,”+ Jehova owacho.’ 34 To jonabi kata jodolo kata ng’ato ang’ata ma owacho ni, ‘Ma en ting’ mapek* mar Jehova!’ Abiro kumo ng’atno kaachiel gi joode. 35 Ma e gima ng’ato ka ng’ato kuomu wacho ne nyawadgi kendo ne owadgi, ‘Ere dwoko ma Jehova osechiwo? Ere gima Jehova owacho?’ 36 Kik uchak uhul ting’ mapek* mar Jehova, nimar ting’no en wach mar ng’ato ka ng’ato owuon, kendo useloko weche mag Jehova Nyasachwa mangima, Nyasach oganda lweny.
37 “Ma e gima ibiro penjo jonabi, ‘Dwoko mane ma Jehova osemiyou? Kendo Jehova osewachonu ang’o? 38 Kendo kuwacho ni, “Ting’ mapek* mar Jehova!” ma e gima Jehova owacho: “Nikech usewacho ni, ‘Wachni e ting’ mapek mar Jehova,’ bang’ ka nasewachonu ni, ‘Ok onego uwach niya: “Ting’ mapek* mar Jehova!”’ 39 neuru! abiro ting’ou mi awitu ua e wang’a, un kaachiel gi dala ma namiyou gi kwereu. 40 Abiro miyou wich-kuot mochwere, gi achaya ma wi ji ok nowilgo nyaka chieng’.”’”+
24 Jehova ne onyisa okepni ariyo ma ne nigi olemb ng’owo, ma noket e nyim hekalu mar Jehova. Mano ne otimore bang’ ka Nebukadnezar* ruodh Babulon nosetero Jekonia*+ wuod Jehoyakim+ ruodh Juda e tuech, gi jotend Juda, gi jo molony e tij lwedo, kaachiel gi jotheth.* Ne ogologi Jerusalem mi oterogi Babulon.+ 2 Okapu achiel ne nigi olemb ng’owo mabeyo ahinya, ma chal ka ng’owo mokwongo nyak. To okapu machielo ne nigi olemb ng’owo maricho ahinya, ma ng’ato ok nyal chamo.
3 Eka Jehova ne openja niya: “Ineno ang’o Jeremia?” Ne adwoke niya: “Aneno olemb ng’owo. Moko beyo ahinya, to moko richo ahinya ma ok nyal cham.”+
4 To wach Jehova nobirona niya: 5 “Ma e gima Jehova Nyasach Israel owacho, ‘Abiro kwano Jo-Juda ma ne atero e tuech e piny Jo-Kaldea ka ng’owo mabeyogi. 6 Wang’a biro ritogi pile, kendo anaduokgi e pinyni.+ Abiro gerogi to ok anamukgi; abiro pidhogi, to ok anapudhgi.+ 7 Anamigi chuny mar ng’eyo ni an Jehova.+ Ginibed joga, to anabed Nyasachgi,+ nimar giniduog ira gi chunygi duto.+
8 “‘To Jehova osewacho kama e wi olemb ng’owo maricho ma ok nyal cham:+ “Mano e kaka abiro kwano Zedekia+ ruodh Juda, jotende, kod Jo-Jerusalem duto modong’ kae, kaachiel gi jo modak e piny Misri.+ 9 Abiro kelo kuomgi masira malich ma nobwog pinjeruodhi duto manie piny.+ Ibiro yanygi, lokgi ngero, jargi, kendo ibiro kuong’gi+ kuonde duto ma abiro keyogie.+ 10 Abiro oronegi ligangla,+ kech, kod tuoche+ nyaka chop gilal chuth e piny ma namiyogi kod kweregi.”’”
25 Wach ma ne obiro ne Jeremia e wi Jo-Juda e higa mar ang’wen mar loch Jehoyakim+ wuod Josia ruodh Juda. Mano bende e higa mokwongo mar loch Nebukadnezar* ruodh Babulon. 2 Ma e gima janabi Jeremia nonyiso Jo-Juda kod ji duto ma ne odak Jerusalem:
3 “Kuom higni 23, chakre higa mar 13 mar loch Josia+ wuod Amon ruodh Juda nyaka kawuononi, Jehova osebedo ka wuoyo koda, kendo asebedo ka anyisou wechene nyadinwoya, to ok uwinji.+ 4 Jehova ne ooronu jotichne duto ma jonabi nyadinwoya, to ne utamoru winjogi kata chikonegi itu.+ 5 Ne ginyisou ni, ‘Lokreuru uwe yoreu maricho kod timbeu maricho;+ eka unudhi nyime dak e piny ma Jehova ne omiyo kwereu e ndalo machon. 6 Kik uti ne nyiseche mamoko, kendo kik ukulrenegi. Kik uwang’ iya gi gik muloso gi lwetu; nono to abiro kelonu masira.’
7 “‘To ne udagi winjo wachna,’ Jehova owacho. ‘Ne uwang’o iya gi gik ma ne uloso gi lweteu, mi masira oyudou.’+
8 “Kuom mano, ma e gima Jehova Nyasach oganda lweny owacho, ‘“Nikech ne udagi winjo wechena, 9 anakel ogendni duto moa yo nyandwat,”+ Jehova owacho. “Anakel Nebukadnezar* ruodh Babulon ma jatichna.+ Anakelgi mondo giked gi pinyni,+ gi jo ma odak e iye, gi ogendni duto mokiewo kode.+ Anatiekgi chuth, kendo jo ma biro nenogi biro bwok, mi giniwuor ka giliyo. 10 Abiro tieko mor gi ilo duto,+ kendo ok nochak owinj dwond miaha kod wuon kisera.+ Pong’ ok bi rego, kendo taya ok bi liel. 11 Pinyni duto biro dong’ gunda, kendo jo ma biro nene biro bwok. Ogendnigi duto biro tiyo ne ruodh Babulon kuom higni 70.”’+
12 “‘Bang’ higni 70,+ abiro kumo ruodh Babulon kod ogandane nikech richogi,’+ Jehova owacho, ‘kendo abiro ketho piny Jo-Kaldea mi enodong’ gunda nyaka chieng’.+ 13 Abiro kelo ne pinyno kum duto ma ne asewacho ni abiro kelonegi, gik moko duto mondik e bugni, ma Jeremia osekoro e wi ogendni duto. 14 Nimar ruodhi madongo kod ogendni+ biro lokogi wasumbni,+ kendo abiro kumogi kaluwore gi timbegi kod tich lwetegi.’”+
15 Ma e gima Jehova Nyasach Israel nowachona: “Ma okombe moting’o divai mar mirimba. Kawe imi ogendni duto ma aori irgi mondo gimadhe. 16 Ka gisemadhe gibiro kwang’ kendo neko nomakgi nikech ligangla ma aoro e kindgi.”+
17 Omiyo, ne akawo okombeno e lwet Jehova, mi amiyo ogendni duto ma Jehova ne oora irgi mondo gimadhi:+ 18 nachako gi Jerusalem kod mier mag Juda,+ ruodhige kod jotende, mondo okethgi. Ji biro bwok kendo liyo konenogi, kendo ginibed jo ma okuong’,+ mana kaka kawuononi; 19 eka Farao ruodh Misri gi jotichne, gi jotende, gi joge duto,+ 20 kaachiel gi ogendni mokikore modak e pinygi; ruodhi duto mag piny Uz; ruodhi duto mag piny Filistia,+ Ashkelon,+ Gaza, Ekron, gi Jo-Ashdod modong’; 21 Edom,+ Moab,+ gi Jo-Amon;+ 22 ruodhi duto mag Turo, ruodhi duto mag Sidon,+ kod ruodhi mag chulni; 23 Dedan,+ Tema, Buz, kod jogo duto motito yie wigi;+ 24 ruodhi duto mag piny Arabia+ kod ruodhi duto ma locho e wi ogendni mokikore modak e thim; 25 ruodhi duto mag Zimri, gi Elam,+ gi Media;+ 26 kod ruodhi duto mag pinje ma yo nyandwat man machiegni kata mabor, kaachiel gi pinjeruodhi duto manie piny biro madho okombeno, moro bang’ nyawadgi; kendo ruodh Sheshak*+ biro madhe bang’gi.
27 “Kendo iniwachnegi ni, ‘Ma e gima Jehova Nyasach oganda lweny, Nyasach Israel owacho: “Methuru umer, ung’og mi upodh piny mi chop ka ma ok unyal chung’+ nikech ligangla ma aoronu.”’ 28 To ka gitamore kawo okombeno e lweti mondo gimadhi, to inyisgi ni, ‘Ma e gima Jehova Nyasach oganda lweny owacho: “Nyaka to umadhe! 29 Nimar neuru! ka abiro kumo dala miluongo gi nyingani+ mokwongo, be dawe ma ok akumou?”’+
“‘Ok abi weyo ma ok akumou, nimar abiro kelo ligangla kuom ji duto modak e piny,’ Jehova Nyasach oganda lweny owacho.
30 “Ibiro koronegi wechegi kinyisogi ni,
‘Jehova biro ruto ka en malo,
Dwonde biro winjore e kar dakne maler.
Obiro ruto matek komon gi kare mar dak.
Obiro kok mana ka jo ma nyono mzabibu,
Obiro wer nikech oloyo ji duto modak e piny.’
31 ‘Dwol moro biro winjore nyaka e tunge piny,
Nimar Jehova nigi wach gi ogendni.
En owuon e mobiro ng’ado bura ne dhano duto.+
Obiro tieko joricho gi ligangla,’ Jehova owacho.
32 Ma e gima Jehova Nyasach oganda lweny owacho:
‘Neuru! Masira moro landore kuom ogendni duto,+
Kendo yamo maduong’ biro kutho koa pinje man mabor ahinya.+
33 “‘Chieng’no ringre jo ma Jehova onego biro kere chakre tung’ piny konchiel nyaka komachielo. Ok bi ywaggi, ok bi chokgi, kendo ok bi yikgi. Ginichal ka manyiwa e lowo.’
34 Gouru nduru un jokwath, ywaguru matek!
Ng’ielreuru piny, un jodongo mag kueth,
Nikech chieng’ ma inegoue kendo ma ikeyoue osechopo,
Ubiro podho mana ka agulu moro maber!
35 Onge ka ma jokwath nyalo ringoe,
Kendo jodongo mag kueth ok nyal tony.
36 Winjuru! Jokwath ywak
Jodongo mag kueth goyo nduru,
Nimar Jehova ketho kuonde ma gikwayoe.
37 Kendo kuonde ma ji ne odakie gi kuwe koro oling’ thi
Nikech Jehova nigi mirima mager.
38 Osewuok e kare mar dak mana ka sibuor motegno,+
Pinygi osedong’ ka lich
Nikech ligangla makwiny
Kendo nikech mirimbe mager.”
26 Ka ne Jehoyakim+ wuod Josia ruodh Juda ochako locho, wach Jehova nobirona niya: 2 “Ma e gima Jehova owacho, ‘Dhi ichung’ e laru mar od Jehova mondo iwuo gi ji duto modak e mier mag Juda ma biro lamo e od Jehova. Ininyisgi weche duto ma asechiki; kik iwe ma ok inyisogi kata wach achiel. 3 Samoro di po ka giwinjo wechego mi ng’ato ka ng’ato oweyo timne marach, kamano analok pacha kuom masira ma adwaro kelonegi nikech timbegigo.+ 4 Iniwachnegi niya: “Ma e gima Jehova owacho, ‘Kudagi winjo kendo luwo chik ma asemiyou, 5 kendo ka udhi nyime tamoru winjo weche ma asebedo ka aorogo jotichna ma jonabi nyadinwoya,+ 6 abiro timo ne odni gima ne atimo ne Shilo,+ kendo anami ogendni duto mag piny one dalani ka dala mokuong’.’”’”+
7 Jodolo gi jonabi kaachiel gi ji duto nowinjo ka Jeremia wacho wechego e od Jehova.+ 8 To ka ne Jeremia osetieko wacho weche ma Jehova nochike ni odhi owach ne ji duto, jodolo gi jonabi kaachiel gi ji duto nomake mi giwachone niya: “Nyaka to itho. 9 Ang’o momiyo isekoro e nying Jehova kiwacho ni, ‘Odni biro chalo gi Shilo, kendo ibiro keth dalani mi odong’ gunda’?” Eka ji duto ne ochokore molworo Jeremia e od Jehova.
10 Ka ne jotend Juda owinjo wechego, ne giwuok e od ruoth mi gidhi e od Jehova, kendo ne gibet e dho rangach manyien mar od Jehova.+ 11 Kendo jodolo gi jonabi nonyiso jotelogo kod ji duto niya: “Ng’ani owinjore otho,+ nimar osekoro weche maricho e wi dalani mana kaka usewinjo gi itu uwegi.”+
12 Eka Jeremia ne onyiso jotelogo kod ji duto niya: “Jehova e ma noora mondo akor weche ma usewinjogo duto e wi odni kod dalani.+ 13 Kuom mano, lokuru yoreu gi timbeu, kendo uwinj dwond Jehova Nyasachu, mi Jehova nolok pache kuom masira mosewacho ni obiro kelonu.+ 14 To an to an e lwetu, timnauru gimoro amora muparo ni bernu kendo ni kare. 15 To nyaka ung’e ni ka unega, unubed gi buch remo, un, gi dalani, kod ji duto modak e iye. Nimar Jehova e moseora mondo awachnu wechego duto.”
16 Eka jotelogo gi ji duto nowacho ne jodolo gi jonabi niya: “Ok owinjore ong’ad ne ng’atni buch tho, nimar osewuoyo kodwa e nying Jehova Nyasachwa.”
17 E wi mano, jodongo moko mag gweng’ ne ochung’ monyiso jo ma ne ochokorego duto niya: 18 “E ndalo loch Hezekia+ ruodh Juda, janabi Mika+ ma Ja-Moresheth, ne koro wach ne Jo-Juda duto ni, ‘Ma e gima Jehova Nyasach oganda lweny owacho:
“Ibiro pur Sayun ka puodho,
Ibiro keth Jerusalem modong’ pidhe,+
Kendo got mogerie hekalu biro chalo gi kuonde moting’ore malo e i bungu.”’+
19 “Be Hezekia ruodh Juda kod Jo-Juda ne onege? Donge ruoth ne oluoro Jehova mi okwayo Jehova ng’wono, kendo Jehova nowinje mi oloko pache kuom masira ma nosewacho ni odhi kelonegi?+ Wan to wachiegni kelo masira maduong’ni kuomwa wawegi.
20 “Ne nitie ng’at machielo ma bende ne koro e nying Jehova. Ne iluonge ni Urija ma wuod Shemaya Ja-Kiriath-jearim,+ en bende nokoro weche maricho e wi dalani kod pinyni mana kaka Jeremia. 21 Ka ne Ruoth Jehoyakim,+ gi joge ma roteke, kaachiel gi jotende owinjo wechenego, ruoth ne dwaro nege.+ Urija nowinjo kamano, ne obedo maluor mi oringo odhi Misri. 22 To ruoth Jehoyakim ne ooro Elnathan+ wuod Akbor kod chwo mamoko mondo gidhi Misri. 23 Ne gigolo Urija e piny Misri mi gikele ir Ruoth Jehoyakim, monege gi ligangla,+ kendo ne owit ringrene ka ma ne iyikoe ji ajia.”
24 To Ahikam+ wuod Shafan+ nodok ne Jeremia, mi ne ok ochiwe e lwet ji mondo onege.+
27 Ka ne Jehoyakim wuod Josia ruodh Juda ochako locho, wach Jehova ne obiro ne Jeremia niya: 2 “Jehova owachona ni, ‘Kaw tonde molir kod yiende, mondo ilosgo jok kae to irwak e ng’uti. 3 Kendo inimigi joote mobiro Jerusalem ir Zedekia ruodh Juda mondo gikowgi ne ruodh Edom,+ ruodh Moab,+ ruodh Jo-Amon,+ ruodh Turo,+ kod ruodh Sidon.+ 4 Kendo ichikgi mondo giwach wachni ne ruodhigi:
“‘“Ma e gima Jehova Nyasach oganda lweny, Nyasach Israel owacho mondo unyis ruodhiu, 5 ‘An e ma ne achueyo piny, dhano, kod le duto manie piny gi tekona maduong’, kendo gi bada moriere. Omiyo, anyalo chiwe ne ng’ato ang’ata ma adwaro.+ 6 To koro sani aseketo pinjego duto e lwet jatichna Nebukadnezar+ ruodh Babulon. Bende, asemiye le duto mondo otine. 7 Ogendni duto biro tiyone, kendo giniti ne wuode kod nyakware, nyaka chieng’ ma pinye nopodhi.+ E ndalogo, obiro bedo misumba ogendni mang’eny kod ruodhi madongo.’+
8 “‘“‘To ka oganda kata pinyruoth moro otamore tiyo ne Nebukadnezar ruodh Babulon, kendo otamore soyo ng’ute e majoko mar ruodh Babulon, abiro kumo ogandano gi ligangla,+ kech, kod tuo malich, nyaka chop atiek ogandano chuth gi lwet Nebukadnezar ruodh Babulon,’ Jehova owacho.
9 “‘“‘Kuom mano, kik uchik itu ne jo ma nyisou ni, “Ok ubi tiyo ne ruodh Babulon,” bed ni gin jonabiu, jo ma lokonu fweny, jo ma lokonu lek, ajuokeu, kata jo ma koronu wach. 10 Nimar jogo duto koronu mana weche mag miriambo, kendo gibiro miyo omaku mi teru mabor gi pinyu. Abiro keyou kendo unulal nono.
11 “‘“‘To oganda ma biro yie rwako majoko mar ruodh Babulon kendo tiyone, e ma abiro weyo mondo odong’ e pinye, kendo puro puothene,’ Jehova owacho.”’”
12 Kamano bende e kaka ne awuoyo gi Zedekia+ ruodh Juda ka anyise niya: “Rwakuru e ng’utu majoko mar ruodh Babulon, kendo utine kaachiel gi joge, e ka unubed mangima.+ 13 Ere tiende mondo in kod jogi utho gi ligangla,+ gi kech,+ kendo gi tuo+ mana nikech utamoru tiyo ne ruodh Babulon kaka Jehova ochiko? 14 Kik uchik itu ne jonabi ma koronu ni, ‘Ok ubi tiyo ne ruodh Babulon,’+ nikech gikoronu mana miriambo.+
15 “‘Nimar an awuon ok aorogi,’ Jehova owacho, ‘to gikoro mana miriambo gi nyinga, kendo mano biro miyo akeu mi ulal nono, un kaachiel gi jonabi ma koronu miriambogo.’”+
16 Ne anyiso jodolo kod ogandani duto kama: “Ma e gima Jehova owacho, ‘Kik uchik itu ne weche mag jonabiu ma koronu miriambo+ niya: “Neuru! Machiegnini,+ ibiro kel sende mag od Jehova koa Babulon!” 17 Kik uchiknegi itu ngang’. Tiuru ne ruodh Babulon to ubiro bedo mangima.+ Ere gimomiyo diketh dalani nono? 18 To ka gin jonabi madier kendo gikoro weche Jehova, we gikwa Jehova Nyasach oganda lweny mondo sende modong’ e od Jehova, kendo e od ruodh Juda kaachiel gi Jerusalem, kik ter Babulon.’
19 “Nimar ma e gima Jehova Nyasach oganda lweny owacho e wi sirni,+ Nam,*+ geche,+ kod sende duto ma nodong’ e dalani, 20 ka ne Nebukadnezar ruodh Babulon otero Jekonia wuod Jehoyakim ruodh Juda, kaachiel gi jodong Juda gi Jerusalem+ e tuech e piny Babulon, 21 ee, ma e gima Jehova Nyasach oganda lweny, Nyasach Israel owacho e wi sende duto ma nodong’ e od Jehova, e od ruodh Juda kendo e Jerusalem: 22 ‘“Ibiro tergi Babulon+ kendo ginidong’ kuno nyaka chieng’ ma anabinegi,” Jehova owacho. “Bang’ mano, abiro duokogi mi aketgi kaeri.”’”+
28 E higano, tiende ni e dwe mar abich mar higa mar ang’wen mar loch Zedekia+ ruodh Juda, Hanania janabi ma wuod Azur Ja-Gibeon,+ ne owachona wechegi e nyim jodolo kaachiel gi ji duto ma ne nie od Jehova: 2 “Ma e gima Jehova Nyasach oganda lweny, Nyasach Israel owacho, ‘Abiro turo jok mar ruodh Babulon.+ 3 Ka pok higni ariyo orumo, abiro duoko sende duto mag od Jehova ma Nebukadnezar ruodh Babulon nokawo motero Babulon.’”+ 4 “‘Kendo abiro duoko Jekonia+ wuod Jehoyakim+ ruodh Juda, kaachiel gi Jo-Juda duto ma ne oter e tuech e piny Babulon,+ nimar abiro turo jok mar ruodh Babulon,’ Jehova owacho.”
5 Eka Jeremia janabi ne odwoko Hanania janabi e nyim jodolo kaachiel gi ji duto ma ne oyudo ochung’ e od Jehova. 6 Jeremia ne owacho niya: Amin!* Mad Jehova otim mana kamano! Nyalo bedo maber ka Jehova omiyo weche duto mikorogo ochopo kare, mi oduoko sende duto mag od Jehova kaachiel gi ji duto ma noter e tuech Babulon! 7 Kata kamano, asayi in Hanania, kaachiel gi ji duto ni uwinj weche ma abiro wachonu. 8 Jonabi ma chon ma ne okwongonwa ne okoro ni lwenje, masiche, kod tuoche malich, ne dhi biro kuom ogendni kod pinjeruodhi madongo. 9 To ka janabi moro okoro ni kuwe dhi betie kendo otimore mana kamano, eka kuom adier, wabiro ng’eyo ni mano janabi ma Jehova ooro.”
10 Gikanyono, janabi Hanania ne ogolo jok e ng’ut Jeremia mi oture.+ 11 Kendo Hanania ne owacho e nyim ji duto niya: “Ma e gima Jehova owacho, ‘Abiro turo jok ma Ruoth Nebukadnezar oseketo e ng’ut ogendni mana kaka osetur jokni. Abiro timo kamano ka pok higni ariyo orumo.’”+ Kae to janabi Jeremia ne oa.
12 To bang’ ka Hanania ne oseturo jok ma ne nie ng’ut janabi Jeremia, Jehova ne owacho ne Jeremia niya: 13 “Dhi inyis Hanania ni, ‘Ma e gima Jehova owacho: “Iseturo jok molos gi yien,+ to ibiro loso jok mar nyinyo kargi.” 14 Nimar ma e gima Jehova Nyasach oganda lweny, Nyasach Israel owacho: “Abiro keto jok molos gi nyinyo e ng’ut ogendnigi duto mondo giti ne Nebukadnezar ruodh Babulon, adier, gibiro tiyone.+ Bende, abiro miye le duto mag bungu.”’”+
15 Eka janabi Jeremia ne owacho ne janabi Hanania+ kama: “Yaye Hanania, asayi, winji! Jehova ne ok oori, to isemiyo jogi ogeno mana miriambo.+ 16 Omiyo, ma e gima Jehova owacho, ‘Abiro goli e wang’ pinyni. Kendo ibiro tho ka higani pok orumo, nikech isemiyo jogi ong’anyo ne Jehova.’”+
17 Kamano, janabi Hanania ne otho dwe mar abiriyo e higano.
29 Magi e weche ma ne nie barua ma janabi Jeremia nondiko ka en Jerusalem, mi oore ne jodongo, jodolo, jonabi, kod ji duto ma Nebukadnezar nogolo Jerusalem motero e tuech Babulon. 2 Ne ondiko baruano bang’ ka Ruoth Jekonia,+ min mare,+ jodongo mag od ruoth, jotend Juda gi Jerusalem, jotheth,* kod jo ma nolony e tije mag lwedo nosewuok Jerusalem.+ 3 Ne oketo baruano e lwet Elasa wuod Shafan+ kod Gemaria wuod Hilkia, ma noyudo Zedekia+ ruodh Juda ooro ir Nebukadnezar ruodh Babulon. Baruano ne wacho niya:
4 “Ma e gima Jehova Nyasach oganda lweny, Nyasach Israel, osewacho ne ji duto ma ne agolo Jerusalem mi atero e tuech Babulon, 5 ‘Geruru udi mondo udagie. Pururu puothe kendo ucham gik ma ginyagonu. 6 Kenduru, mondo unyuol yawuoyi gi nyiri; bende, nyomburu ne yawuotu kendo uchiw nyiu, mondo gin bende ginyuol nyithindo. Nyuolreuru kuno mondo ubed mang’eny. 7 Daguru gi kuwe e piny ma aseteroue, kendo lemuru mondo Jehova okony dalano, nimar ka dalano nigi kuwe to unubed gi kuwe.+ 8 Nikech ma e gima Jehova Nyasach oganda lweny, Nyasach Israel owacho: “Kik uwe mondo jonabi kod jokor wach manie kindu owuondu.+ Kik uchik itu ne lek maggi. 9 Nimar, ‘gikoro miriambo gi nyinga, to an ok aorogi,’+ Jehova owacho.”’”
10 “Ma e gima Jehova owacho, ‘Bang’ higni 70 e piny Babulon, abiro parou+ mi anaduoku e pinyu mondo achopgo singona.’+
11 “‘Nimar an awuon ang’eyo gima aparo kuomu,’ Jehova owacho, ‘adwaro ni ubed gi kuwe to ok masira,+ mondo amiu gima unyalo geno bang’e.+ 12 Unuluonga, unubi ira mondo ulama, kendo anawinju.’+
13 “‘Unudwara mi unuyuda,+ nikech ubiro dwara gi chunyu duto.+ 14 Anawe mondo uyuda,’+ Jehova owacho. ‘Abiro golou e pinje duto ma asekeyoue mi anachoku,’+ Jehova owacho. ‘Anaduoku e piny ma ne agoloue ka ne aterou e tuech.’+
15 “Kata kamano, usewacho ni, ‘Jehova osemiyowa jonabi e Babulon.’
16 “Ma e gima Jehova wacho ne ruoth mobet e kom-loch mar Daudi,+ kod ji duto modak e dalani, tiende ni oweteu ma ne ok oter e tuech, 17 ‘Ma e gima Jehova Nyasach oganda lweny owacho: “Abiro oronegi ligangla, kech, gi tuoche malich.+ Abiro miyo gichal ka ng’owo motop, ma ok nyal cham.”’+
18 “‘Abiro lawogi gi ligangla,+ kech, kod tuo malich. Pinjeruodhi duto manie piny+ biro bwok nikech gima timorenegi. Ka moro amora ma akeyogie ji biro bwok kendo liyo+ konenogi, gibiro kuong’ogi kendo yanyogi.+ 19 Nikech ne gidagi winjo weche ma ne aoronegi kokalo kuom jotichna ma jonabi ma ne aoronegi nyadinwoya,’ Jehova owacho.+
“‘To usedagi winja,’+ Jehova owacho.
20 “Kuom mano, winjuru wach Jehova un ji duto moter e tuech, jo ma ne agolo Jerusalem mi atero Babulon. 21 Ma e gima Jehova Nyasach oganda lweny, Nyasach Israel owacho kuom Ahab wuod Kolaya, kod Zedekia wuod Maaseya ma koronu miriambo gi nyinga,+ ‘Abiro chiwogi e lwet Nebukadnezar* ruodh Babulon, mi enoneggi kuneno. 22 Kendo ka Jo-Juda ma noter e tuech Babulon dwaro kuong’o ng’ato, to gibiro wacho niya: “Jehova Nyasaye mondo otimni kaka notimo ne Zedekia kod Ahab, ma ne ruodh Babulon owang’o e mach!” 23 Nikech ne gitimo fuwo kuom Israel,+ ne giterore gi mond jowetegi, kendo ne giwacho miriambo gi nyinga to ne ok aorogi.+
“‘“An e ma ang’eyo wachno, kendo an janeno,”+ Jehova owacho.’”
24 “Iniwach ne Shemaya+ Ja-Nehelam ni, 25 ‘Ma e gima Jehova Nyasach oganda lweny, Nyasach Israel owacho: “Nikech iseoro barupe gi nyingi ne ji duto man Jerusalem, kendo ne Zefania+ wuod Maaseya, ne jadolo, kaachiel gi jodolo duto, kiwacho ni, 26 ‘Jehova oseketi mondo ibed jadolo kar Jehoyada, kendo ichung’ ne od Jehova. Kendo oseketi mondo imak ng’ato ang’ata ma janeko ma wuondore ni en janabi kendo itueye e lodi, initue ng’ute e lodi molos gi chuma.+ 27 To ang’o momiyo pok ikwero Jeremia Ja-Anathoth+ ma wuondore ni en janabi?+ 28 Nimar oseoronwa wach ka wan Babulon niya: “Ubiro dak kuno aming’a! Geruru udi mondo udagie. Pururu puothe kendo ucham gik ma ginyagonu,+—”’”’”
29 Ka ne jadolo Zefania+ osomo baruano ka janabi Jeremia winjo, 30 wach Jehova ne obiro ne Jeremia niya: 31 “Or wach ne ji duto manie tuech ni, ‘Ma e gima Jehova owacho kuom Shemaya Ja-Nehelam: “Nikech Shemaya osekoronu weche to ne ok aore, kendo osemiyo ugeno miriambo,+ 32 ma e gima Jehova owacho, ‘Abiro kumo Shemaya Ja-Nehelam gi nyikwaye. Onge kata ng’ato achiel e ode ma biro tony, kendo ok obi neno gik mabeyo ma natim ne joga,’ Jehova owacho, ‘nimar osemiyo ji ong’anyo ne Jehova.’”’”
30 Wach Jehova nobiro ne Jeremia niya: 2 “Ma e gima Jehova Nyasach Israel owacho, ‘Ndik weche duto ma awachoni e buk. 3 Nimar, “neuru! ndalo biro,” Jehova owacho, “ma abiro chokoe joga ma Jo-Israel kod Jo-Juda+ ma noter e tuech,” Jehova owacho, “kendo anaduokgi e piny ma ne amiyo kweregi, mi gibiro dak e pinyno kendo.”’”+
4 Magi e weche ma Jehova ne owacho ne Jo-Israel kod Jo-Juda.
5 Jehova owacho niya:
“Wasewinjo dwond jo ma tetni;
Luoro omako ji, kendo onge kuwe.
6 Penjuru mondo ung’e ka be muoch nyalo kayo dichwo.
To kara ang’o momiyo aneno ka jo ma roteke duto omako iyegi
Mana ka mon ma muoch kayo?+
Ang’o momiyo ng’ato ka ng’ato okuyo?
7 Yaye! Odiechiengno nobed odiechieng’ marach ahinya.+
Onge machal kode,
En kinde malit ne Jakobo.
Kata kamano, ibiro rese.”
8 “E odiechiengno,” Jehova Nyasach oganda lweny owacho, “abiro turo jok manie ng’uti, kendo abiro chodo tonde motueyigo diriyo; jopinje mamoko ok nochak oloke misumba kendo. 9 Gibiro tiyo ne Jehova Nyasachgi, kod Daudi ma abiro keto mondo obed ruodhgi.”+
10 “To in, jatichna Jakobo, kik iluor,” Jehova owacho,
“Kik ing’eng’, yaye Israel.+
Nimar abiro resi e piny mabor
Kendo anagol kothi e piny motuegie.+
Jakobo biro duogo, obiro bedo gi kuwe, onge gima biro chande,
Onge ng’at ma biro bwogogi.”+
11 “An kodi mondo aresi,” Jehova owacho.
12 Ma e gima Jehova owacho:
“Onge yath ma nyalo chango tuo ma in-go.+
Adhola ma in-go ok nyal thiedhi.
13 Onge ng’at ma nyalo sayoni,
Onge yo minyalo thiedhgo adhola ma in-go.
Onge yath ma nyalo changi.
14 Joherani duto ok pari.+
Tinde ok gimanyi.
Nikech asechwadi gi chwat jasigu,+
Kendo gi chwat mar ng’at ma kwiny,
Nikech isetimo richo maduong’ kendo kethoni ng’eny.+
15 Ang’o momiyo iywak nikech tuonino?
Rem miwinjo ok nyal chango!
Nikech kethoni duong’ kendo richoni ng’eny+
E momiyo asetimoni kamano.
Jogo ma yako mwanduni, ibiro yaki,
Kendo abiro chiwo ji duto ma mayou giu e lwet jomecho.”+
17 “Kata obedo ni giluongi ni ng’at mojwang’:
‘Sayun, ma onge ng’ato ang’ata ma paro,’+
Abiro miyo ibed mangima, kendo abiro chango adhondeni,”+ Jehova owacho.
18 Ma e gima Jehova wacho:
“Abiro e hema mar Jakobo,+ mondo achok jo ma noter e tuech,
Abiro kecho ka ma yande gidakie.
Dalano ibiro ger e got ma yande entie,+
Kendo ohinga mochiel motegno biro chung’ kare machon.
19 Jo modak e iye nower wende mag erokamano, kendo gibiro kok gimor,+
Anami gimedre, kendo ok ginibed manok;+
Anami gimedre ameda,*
Kendo onge ng’at ma biro chayogi.+
20 Nyithinde nobed kaka chon,
Kendo chokruokne biro gurore motegno e nyima.+
Abiro kumo ji duto ma sandogi.+
21 Ng’at ma rahuma noa e kindgi,
Kendo ruoth noa e diergi.
Abiro miyo osud machiegni koda, mi nobi ira.”
“Nimar, en ng’ano ma dihedhre sudo buta?” Jehova owacho.
22 “Unubed joga,+ kendo anabed Nyasachu.”+
23 Neuru! mirimb Jehova biro kutho matek mana ka ahiti;+
Mana ka kalausi mager ma kutho e wi jo maricho.
24 Mirima mager mar Jehova ok bi kuwe
Nyaka chop otim gik ma chunye oseng’ado.+
E ndalo mag giko, unuwinj tiend wachni.+
31 Jehova owacho ni, “E kindego, anabed Nyasach dhoudi duto mag Israel, kendo ginibed joga.”+
2 Ma e gima Jehova owacho:
“Jo ma ne otony e dho ligangla, noyudo ng’wono e thim
Ka ne Israel dhi e kar yueyo mare.”
3 Jehova ne ofwenyorena gi ka mabor, mowachona niya:
“Aseheri gi hera mosiko.
Mano e momiyo aseywayi ira nikech aheri ahinya.*+
4 Abiro geri kendo, mi inigerri.+
5 Ibiro pidho kendo puothe mag mzabibu e gode mag Samaria;+
Jochuoyo nochuo, kendo ginicham olembegi.+
6 Kinde biro ma jorit manie gode mag Efraim noluong ji niya:
‘Auru malo, wadhiuru Sayun ir Jehova Nyasachwa.’”+
7 Nimar ma e gima Jehova owacho:
“Koguru gi ilo ne Jakobo.
Koguru gimor nikech un e wi ogendni.+
Landuru wachno; pakeuru kuwacho ni,
‘A Jehova, res jogi, jo modong’ mag Israel.’+
8 Anakelgi ka agologi e piny man yo nyandwat.+
Abiro chokogi kanyachiel ka agologi e tunge piny.+
Muofni kod rong’onde nobed e kindgi,+
Mon ma yach kod ma muoch kayo bende.
Giniduog e pinyni ka gin oganda maduong’.+
9 Ginibi ka giywak.+
Anatelnegi ka gikwaya mondo akechgi.
Anatergi e pige mamol,+
Kendo e yore mopie mondo kik gichwanyre.
Nimar an e Wuon Israel, kendo Efraim e wuoda makayo.”+
10 Un ogendni, winjuru wach Jehova,
Kendo huluru wachno ne chulni man kuonde maboyo:+
“Ng’at ma ne okeyo Israel biro choke kanyachiel.
Obiro rite mana ka jakwath ma rito kwedhe.+
12 Gibiro duogo mi gikog gi mor e Got Sayun+
Ginibed mamor kuom gik mabeyo ma Jehova ochiwonegi,
Cham gi divai manyien+ kod mo,
Kaachiel gi nyithind rombe gi dhok.+
13 “E kindego, nyiri ma silili nomiel gimor,
Yawuoyi kod jo ma dongo bende nomiel kanyachiel.+
Analok kuyo margi obed ilo.+
Anahogi mi anamigi mor kar kuyo.+
14 Anami jodolo chiemo ma miyo,
Kendo berna norom joga,”+ Jehova owacho.
15 “Ma e gima Jehova owacho:
‘Dwol moro winjore Rama,+ nduru kod ywak malit:
Rahel ywago nyithinde.+
Odagi hore koparo nyithinde,
Nikech koro gionge.’”+
16 Ma e gima Jehova owacho:
“‘Ling’, we ywak, kendo ywe pi wang’i,
Nimar ibiro yudo pok kuom gik misetimo,’ Jehova owacho
‘Gibiro duogo ka gia e piny wasigu.’+
17 ‘Kendo nitie wach minyalo geno neno bang’e,’+ Jehova owacho.
‘Nyithindi biro duogo e gweng’gi.’”+
18 “Adier, asewinjo ka Efraim ywagore ni,
‘Isechwada, kendo aserwako chwat,
Mana ka nyaruath ma pok otieg.
Duoga iri, to abiro duogo,
Nikech in e Jehova Nyasacha.
Ne ayudo wich-kuot maduong’,+
Nikech richo ma ne atimo ka ne arawera.’”
20 “Donge Efraim en wuoda ma ahero kendo ma ageno, koso?+
Kata obedo ni ajawachega ka amon kode, pod aparega ahinya.
Mano e momiyo awinjo malit ahinya e chunya.*+
Kuom adier, abiro keche,” Jehova owacho.+
21 “Ket ranyisi e wang’ yoreni,
Kendo ichung bao ma nyiso ka ma yo okagoree.+
Ket pachi e ndara, ee, e ndara monego iluw.+
Yaye nyar Israel ma silili, duogi, duog e miecheni.
22 Yaye nyako mohero andhoga, ibiro digni nyaka karang’o?
Jehova osechueyo gimoro manyien e piny:
Dhako biro manyo dichwo gi kinda.”
23 Ma e gima Jehova Nyasach oganda lweny, Nyasach Israel owacho: “Gibiro wacho wechegi kendo e piny Juda kod miechene e kinde ma abiro duoko jo ma noter e tuech: ‘Mad Jehova oguedhi, yaye kar dak makare,+ kendo got maler.’+ 24 Ji biro dak e piny Juda kod e miechene, jopur kaachiel gi jo ma kwayo rombe bende nodag kuno.+ 25 Abiro duogo chuny ng’at mool, kendo abiro yieng’o ng’at ma kech kayo.”+
26 Gikanyono, ne achiew mi ayawo wengena, kendo nindono ne oduogo chunya ahinya.
27 “Neuru! Ndalo biro,” Jehova owacho, “ma abiro chuoyo kodhi mar dhano kod kodhi mar jamni e dhood Israel gi dhood Juda.”+
28 “Mana kaka ne aketo chunya kuomgi mondo apudhgi, amukgi, agogi piny, akethgi, kendo ahinygi,+ e kaka abiro keto chunya kuomgi mondo apidhgi kendo agergi,”+ Jehova owacho. 29 “E kindego, ok giniwach kendo ni, ‘Wuone nochamo mzabibu ma numu, to leke nyithindgi e ma nodikore.’+ 30 Ng’ato ka ng’ato biro tho nikech kethone owuon. Ng’ato ang’ata ma biro chamo mzabibu ma numu e ma lekene biro dikore.”
31 “Neuru! Ndalo biro,” Jehova owacho, “ma abiro timo singruok manyien gi dhood Israel, kod dhood Juda.+ 32 Ok obi chalo gi singruok ma ne atimo gi kweregi chieng’ ma ne amako lwetgi mondo atagi ka agologi e piny Misri.+ Ne giketho singruokna,+ kata obedo ni an e ma ne an ruodhgi madier,’* Jehova owacho.”
33 “To bang’ ndalogo, ma e singruok ma abiro timo gi dhood Israel,” Jehova owacho. “Anaket chikna e igi,+ kendo anandike e chunygi.+ Anabed Nyasachgi, to ginibed joga.”+
34 “Onge ng’ato kuomgi ma biro puonjo wadgi kata owadgi kendo ni, ‘Dwarore ni ing’e Jehova!’+ nimar giduto gibiro ng’eya, chakre ng’at matinie mogik nyaka ng’at maduong’ mogik,”+ Jehova owacho. “Nimar abiro weyonegi kethogi, ok anapar richogi ngang’.”+
35 Ma e gima Jehova owacho,
Ma chiwo ler mar wang’ chieng’ godiechieng’,
Ma keto chike ne dwe kod sulwe mondo girieny gotieno,
Ma tugo nam kendo miyo apaka madongo wuo,
Ma nyinge en Jehova Nyasach oganda lweny:+
36 “‘Ka di po ni chieng’ moro chikegi orem,’ Jehova owacho,
‘Chieng’no e ma koth Israel nowe bedo oganda e nyima nyaka chieng’.’”+
37 Ma e gima Jehova owacho: “‘Dabed ni inyalo pim polo, kendo mise mag piny inyalo non, eka di ne ajwang’o koth Israel nikech gik maricho duto ma gisetimo,’ Jehova owacho.”+
38 “Neuru! Ndalo biro,” Jehova owacho, “ma ibiro ger+ ne Jehova dalani kochakore e Ohinga mar Hananel+ nyaka e Rangach ma Tung’.+ 39 Kendo tol mipimogo+ biro riere tir koa kanyo nyaka e got man Gareb, eka obiro lokore kochomo Goa. 40 Kendo hoho duto mowitie ringre gik motho kod buch kendo, nobed ka maler moyang ne Jehova,+ kaachiel gi puothe duto manie Hoho mar Kidron+ nyaka e Ranga Farese+ man yo wuok chieng’. Ok nochak omuke kendo kata pudhe ngang’.”
32 Wach Jehova ma nobiro ne Jeremia e higa mar 10 mar loch Zedekia ruodh Juda. Mano bende e higa mar 18 mar loch Nebukadnezar.*+ 2 E kindeno, noyudo jolwenj ruodh Babulon monjo Jerusalem, bende, noyudo janabi Jeremia otue e Laru mar Jarit+ manie od ruodh Juda. 3 Nimar ka ne Zedekia ruodh Juda otueyo Jeremia kanyo,+ ne openje ni, “Ang’o momiyo ikoro wachni? Iwacho ni, ‘Ma e gima Jehova wacho: “Abiro chiwo dalani e lwet ruodh Babulon, kendo enokawe.+ 4 Kendo Zedekia ruodh Juda ok bi tony e lwet Jo-Kaldea, nimar ibiro make mi tere e nyim ruodh Babulon, mi enonene kendo enowuo kode wang’ gi wang’.”’+ 5 ‘Obiro tero Zedekia e Babulon, kendo enobed kuno nyaka chieng’ ma abiro pare,’ Jehova owacho. ‘Kata obedo ni ikedo gi Jo-Kaldea, ok inilogi.’”+
6 Jeremia nowacho niya: “Wach Jehova osebirona ni, 7 ‘Hanamel wuod owadgi wuonu ma Shalum nobi iri kendo nowachni niya: “Ng’iew puotha man Anathoth,+ nikech in e ma in gi ratiro mokwongo mar waro puodhono.”’”+
8 Kamano, Hanamel wuod owadgi wuonwa nobiro ira e Laru mar Jarit, mana kaka Jehova nosewacho, mowachona niya: “Ng’iew puotha man Anathoth e piny Benjamin, nikech in gi ratiro mokwongo mar ware mondo obed mari. Ng’iewe obed mari.” Eka ne afwenyo ni mano ne en wach Jehova.
9 Omiyo, ne ang’iewo puodho ma ni Anathoth kuom Hanamel wuod owadgi wuonwa. Ne achule pesa+ ma romo shekel* abiriyo kod ng’injo apar mag fedha. 10 Ne andiko winjruok ma ne wasetimono e barua,+ mi atueyo baruano, kae to ne aluongo joneno,+ mi ne apimo pesago e rapim. 11 Eka ne akawo barup puodho ma noyudo asetueyo kaluwore gi chik, kaachiel gi barua ma ne ok otue, 12 mi amiyo Baruk+ wuod Neria+ ma wuod Maseia barua ma ne ang’iewogo puodhono. Ne amiye e nyim Hanamel wuod owadgi wuonwa, e nyim joneno ma ne ondiko nyingegi e baruano, kendo e nyim Jo-Yahudi duto ma ne obet e Laru mar Jarit.+
13 Eka ne achiko Baruk e nyim jogo niya: 14 “Ma e gima Jehova Nyasach oganda lweny, Nyasach Israel owacho, ‘Kaw barupe ariyogi, ma osetue kod ma ok otue kendo ikan-gi e agulu mondo kik gikethre.’ 15 Nimar ma e gima Jehova Nyasach oganda lweny, Nyasach Israel owacho, ‘Ute, gi puothe, gi puothe mzabibu ibiro ng’iew kendo e pinyni.’”+
16 Ka ne asemiyo Baruk wuod Neria barup ng’iewo puodho, ne akwayo Jehova e lamo niya: 17 “A Jehova Wuon Loch Duto, nichueyo polo gi piny gi tekoni maduong’,+ kendo gi badi moriere. Onge gima lich ma nyalo tami timo. 18 Inyiso hera madier ne ji gana gi gana, to ikumo nyikwayo nikech ketho mag kweregi,+ in Nyasaye madier, Jal ma nigi teko kod duong’, ma nyinge en Jehova Nyasach oganda lweny. 19 Ichano gik malich miwuoro, kendo itimo gik madongo,+ wengeni neno yore dhano duto+ mondo ichul ng’ato ka ng’ato kaluwore gi yorene kod timbene.+ 20 Ne itimo ranyisi kod honni e piny Misri, ma ji paro nyaka chil kawuono. Omiyo, nyingi ong’ere e piny Israel kendo e kind ogendni+ duto nyaka kawuononi. 21 Kendo ne igolo Israel jogi e piny Misri kitiyo gi ranyisi, honni, badi matek, badi moriere, kod gik ma nomiyo ji luoro ahinya.+
22 “Bang’e, ne imiyogi piny ma ne isingo ne kweregi,+ piny mopong’ gi chak kod mor kich.+ 23 To ka ne gidonjo e piny ma gidakieni, ne ok giwinjo dwondi kata luwo chikeni. Ne ok gitimo gimoro amora ma ne isechikogi. Mano e momiyo ne ikelo masirani kuomgi.+ 24 Ne ane kaka ji osebiro monjo dalani+ mi giloso pidhe molwore. Kendo ligangla,+ kech, kod tuoche+ nomi dalani opodh e lwet Jo-Kaldea ma kedo kode. Gik ma ne iwacho osetimore, kendo ineno mano ka timore. 25 Kata kamano, A Jehova Wuon Loch Duto, ne inyisa ni adhi ang’iew puodho kendo aluong joneno kata obedo ni dalani dhi podho e lwet Jo-Kaldea.”
26 Eka wach Jehova ne obiro ne Jeremia niya: 27 “An Jehova, Nyasach ji duto. Be nitie gima nyalo tama timo? 28 Omiyo, ma e gima Jehova owacho, ‘Achiwo dalani e lwet Jo-Kaldea kendo e lwet Nebukadnezar* ruoth Babulon mondo okawe.+ 29 Jo-Kaldea ma kedo gi dalani nodonj e iye, mi giniwang’ dalani+ kaachiel gi ute ma ji osebedo ka chiwoe misengni ne Baal e wi tatgi, kendo chiwo misengni miolo ne nyiseche manono mondo giwang’go iya.’+
30 “‘Nimar Jo-Israel gi Jo-Juda osebedo ka timo mana gik maricho e wang’a chakre tin-gi.+ Jo-Israel siko ka wang’o iya gi gik ma giloso gi lwetegi,’ Jehova owacho. 31 ‘Dalani osebedo ka miya mirima kod ich-wang’ chakre ne gere.+ Mano e momiyo nyaka kethe,*+ 32 nikech gik maricho ma Jo-Israel gi Jo-Juda osetimo. Ruodhigi,+ jotendgi,+ jodolo maggi, jonabigi,+ kaachiel gi Jo-Juda kod jo ma odak Jerusalem duto osewang’o iya. 33 Ne gisiko gilokona ng’egi, to ok wang’gi;+ kendo kata obedo ni ne atemo puonjogi nyadinwoya, ne gitamore winja.+ 34 Kendo ne giketo sanambegi makwero e ot miluongo gi nyinga, mondo gidwanye.+ 35 Bende, gisemiyo Juda otimo richo nikech gisegero kuonde moting’ore malo ne Baal e Hoho mar Wuod Hinom*+ mondo giwang’ yawuotgi gi nyigi ne Molek.+ Ne ok achikogi mondo gitim gima kamano,+ kendo chunya pok noparo timo gima rach kamano.’
36 “Omiyo, ma e gima Jehova Nyasach Israel owacho e wi dala ma uwacho ni ligangla, kech kod tuoche e ma biro miyo ochiwe e lwet ruodh Babulon, 37 ‘Abiro chokogi ka agologi e pinje duto ma ne akeyogie ka iya owang’ kendo ka an gi mirima mager.+ Abiro duokogi kae kendo gibiro dak gi kuwe.+ 38 Kendo anabed Nyasachgi, to ginibed joga.+ 39 Anamigi chuny achiel+ gi yo achiel mondo giluora kinde duto, mondo weche odhinegi maber, gin kaachiel gi nyithindgi.+ 40 Kendo anatim kodgi singruok ma nyaka chieng’+ ni ok nawe timonegi gik mabeyo.+ Anami giluora gi chunygi duto mondo kik gilokre mi giweya.+ 41 Anatimnegi maber ka chunya mor+ kendo anagurgi motegno e pinyni.+ Anatim kamano gi chunya duto kendo gi tekona duto.’”
42 “Nimar ma e gima Jehova owacho, ‘Mana kaka asekelo masira kuom jogi, e kaka abiro timonegi gik mabeyo duto ma asingonegi.+ 43 Kendo ji biro ng’iewo puothe e pinyni+ kata obedo ni uwacho ni, ‘En piny mojwang’ ka ma dhano kata le ok odakie, kendo osechiwe e lwet Jo-Kaldea.”’
44 “Ji biro ng’iewo puothe, ibiro ndik barupe mag ng’iewo puothe mi tuegi e nyim joneno. Mano notimre e piny Benjamin,+ e alwora mag Jerusalem, e mier mag Juda,+ e mier manie gode, e mier manie pap,+ kendo e mier ma ni yo milambo, nikech abiro golo joggi e tuech,’+ Jehova owacho.”
33 Ma e wach Jehova ma nobiro ne Jeremia ka ne pod otueye e Laru mar Jarit:+ 2 “Jehova Jachuech mar piny, Jehova Nyasaye ma noloso piny kendo gure motegno; Jal ma nyinge Jehova owacho ni, 3 ‘Luonga, to anadwoki, kendo ananyisi gik madongo kendo malich ma ok ing’eyo.’”+
4 “Nimar ma e gima Jehova Nyasach Israel osewacho e wi ute man e dalani, kendo e wi ute ruodhi mag Juda ma gisemuko ka gigeng’ogo pidhe mag lowo ma wasikgi osebiwo mondo gimonj dalani, kaachiel gi liganglagi,+ 5 kendo e wi jo ma kedo gi Jo-Kaldea. Nimar gimiyo apong’o dalani gi ringre jo ma anego gi mirima mager, jogo ma richogi osemiyo apando wang’a ne dalani: 6 ‘Abiro thiedhe kendo anakelne yath ma change,+ abiro changogi mi anamigi kuwe mogundho kod adiera.+ 7 Anaduok Jo-Juda gi Jo-Israel ma noter e tuech,+ mi anagergi mana kaka ne atimo chon.+ 8 Anapwodhgi kuom richogi duto ma gisetimona,+ mi anawenegi ketho kod timbegi ma mono duto.+ 9 Kendo enobedna dala ma nyinge kelona mor, pak, kod duong’ e nyim ogendni duto manie piny ma biro winjo weche duto mabeyo ma asetimone.+ Luoro maduong’ biro mako ogendnigo+ nikech gik mabeyo kod kuwe ma abiro kelo ne dalani.’”+
10 “Ma e gima Jehova owacho: ‘Usewacho ni pinyni osewe nono, ma onge ng’ato kata jamni, kendo ni mier madongo mag Juda kod nderni mag Jerusalem osedong’ nono ma onge dhano modakie, kata jamni. To kinde biro ma ubiro winjoe 11 mor gi ilo,+ dwond wuon kisera gi miaha, kaachiel gi dwond jo ma wacho niya: “Gouru erokamano ne Jehova Nyasach oganda lweny, nimar Jehova ber;+ herane osiko nyaka chieng’!”’+
“‘Gibiro kelo chiwo mag goyo erokamano e od Jehova,+ nikech abiro gologi e tuech, mana kaka chon,’ Jehova owacho.”
12 “Ma e gima Jehova Nyasach oganda lweny owacho: ‘Mier ma sani onge gi ji kata jamnigi, biro pong’ gi lege ma jokwath biro kwayoe kwedhegi.’+
13 “‘Jo ma kwano rombe biro kwanogi kendo e gwenge manie piny gode kod manie tiend gode, kod manie piny milambo gi manie piny Benjamin, kaachiel gi mier mokiewo gi Jerusalem+ kod mier mag Juda,’+ Jehova owacho.”
14 “Jehova owacho ni, ‘Neuru! Ndalo biro ma anachop singruok ma ne atimo gi dhood Juda kod dhood Israel ni anatimnegi gik mabeyo.+ 15 E ndalogo kendo e kindego, abiro miyo bad yath* moro makare mar jo ka Daudi otwi,+ mi enong’ad bura makare kendo rito tim makare e piny.+ 16 E ndalogo, ibiro res Juda,+ kendo Jerusalem biro dak gi kuwe.+ Kendo nying ma ibiro luongego nobed: Wan Jo Makare Nikech Jehova.’”+
17 “Nimar Jehova owacho niya: ‘Koth Daudi e ma nobed e kom-loch mar Israel kinde duto.+ 18 Kendo kinde duto jodolo ma Jo-Lawi e ma biro chung’ e nyima ka gichiwo misengni miwang’o pep, gi chiwo mag cham, kod misengni mamoko.’”
19 Wach Jehova nobiro ne Jeremia kendo niya: 20 “Ma e gima Jehova owacho, ‘Ka di ne unyalo ketho singruok ma naketo kuom odiechieng’ kod otieno, ni kik odiechieng’ gi otieno bi e sa mowinjore,+ 21 e ka singruok ma ne atimo gi Daudi jatichna ni wuode e ma biro bet e kom-lochne+ dikethre.+ Bende, singruok ma ne atimo gi jotichna ma Jo-Lawi, dikethre.+ 22 Mana kaka ok nyal kwan sulwe manie polo, kata pimo kuoyo manie nam, e kaka abiro miyo koth Daudi jatichna omedore, kaachiel gi koth Jo-Lawi ma tiyona.’”
23 Wach Jehova nobiro ne Jeremia kendo niya: 24 “Donge isewinjo ka ji wacho ni, ‘Jehova biro jwang’o dhoudi ariyo ma noyiero’? Kuom mano, gisechayo joga kendo ok gikwan-gi ka oganda.
25 “Ma e gima Jehova owacho: ‘Mana kaka asetimo singruok mosiko gi odiechieng’ gi otieno,+ kendo aseketo chike ne polo gi piny,+ 26 e kaka ok anawe koth Jakobo gi koth Daudi jatichna, ma ok akawo kothe mondo obed ruodhi e wi nyikwa Ibrahim, Isaka, kod Jakobo. Nimar anagolgi e tuech,+ kendo anakechgi.’”+
34 Ma e wach ma Jehova nonyiso Jeremia e kinde ma Nebukadnezar* ruodh Babulon gi jolwenyne duto, kod pinjeruodhi duto ma ne nie bwo lochne, kaachiel gi ji duto ne kedo gi Jerusalem kod mieche:+
2 “Jehova Nyasach Israel owacho ni, ‘Dhi ir Zedekia+ ruodh Juda mondo iwachne niya: “Ma e gima Jehova wacho, ‘Abiro keto dalani e lwet ruodh Babulon, mi enowang’e gi mach.+ 3 Kendo ok ibi tony e lwete, nimar ibiro maki mi teri ire.+ Ubiro nenoru kode wang’ gi wang’, kendo ibiro wuoyo kode achiel kachiel. Adier, ibiro teri e piny Babulon.’+ 4 Kata kamano, winj gima Jehova owacho, yaye Zedekia ruodh Juda, ‘Ma e gima Jehova owacho kuomi: “Ok bi negi gi ligangla. 5 Ibiro tho gi kuwe,+ kendo ibiro wang’ni gik mang’we ng’ar mana kaka ne owang’ ne ruodhi ma nokwongoni. Ji biro ywagi ka giwacho ni, ‘Yaye, ruodhwa otho!’ nimar, ‘An e ma asewacho mano,’ Jehova owacho.”’”’”
6 Janabi Jeremia ne owacho wechego duto ne Zedekia ruodh Juda ka en Jerusalem, 7 sa ma ne jolwenj ruodh Babulon kedo gi Jerusalem kod Lakish+ gi Azeka.+ Nimar mier ariyogo kende e miech Juda mochiel motegno ma ne pok gikawo.+
8 Jehova ne owuoyo gi Jeremia bang’ ka ne Zedekia osetimo singruok gi Jo-Jerusalem ni gigony wasumbni maggi,+ 9 mondo ng’ato ka ng’ato kuomgi ogony misumbane ma Ja-Hibrania, obed ma dichwo kata ma nyako, mondo kik Ja-Hibrania oti ne Ja-Hibrania wadgi kaka misumba. 10 Omiyo, jotelo duto kod ji duto nowinjo wachno. Mi ng’ato ka ng’ato ma ne otimo singruogno ne ogonyo jatichne ma misumba mi oweye thuolo. 11 To bang’e ne giloko pachgi mi giduoko wasumbnigi ma yande gisegonyo mondo otinegi kendo. 12 Kuom mano, wach Jehova ne obiro ne Jeremia kowuok kuom Jehova niya:
13 “Jehova Nyasach Israel owacho ni, ‘Ne atimo singruok gi kwereu+ chieng’ ma ne agologi e piny Misri, ka ma ne otuegie kaka wasumbni.+ Mi awachonegi niya: 14 “E giko higa mar abiriyo, ng’ato ka ng’ato kuomu onego ogony owadgi ma Ja-Hibrania ma ne ong’iewo, kendo mosetiyone kuom higni auchiel. Obiro gonye mondo obed thuolo.”+ To kwereu ne odagi winja kata chikona itgi. 15 Yande uselokoru mutimo gima long’o e wang’a kuom gonyo oweteu ma ne tiyonu ka wasumbni, kendo ne utimo singruok e ot miluongo gi nyinga. 16 To bang’e, ne uchako uloko pachu muketho nyinga+ ka ne uduoko wasumbniu ma chwo kod ma mon mondo gitinu kendo.’
17 “Kuom mano, ma e gima Jehova owacho: ‘Ne achikou mondo ugony oweteu kod jo ma udakgo, to ne udagi winja.+ E momiyo, abiro weyou mondo ligangla, tuo malich, kod kech otieku,+ kendo abiro miyo pinjeruodhi duto obwogi ka giwinjo gima otimorenu,’+ Jehova owacho. 18 Ma e gima biro timore ne jo ma ok orito singruokna, kendo ma ok otimo kaka ne gikuongorena chieng’ ma ne ging’ado nyaroya diriyo mi gikalo e diere,+ 19 tiende ni, jotend Juda, jotend Jerusalem, jodong od ruoth, jodolo, kod ji duto e pinyno ma nokalo e dier nyaroyano: 20 Abiro chiwogi e lwet wasikgi gi jo ma dwaro negogi, ringregi biro bedo chiemb winy ma fuyo e kor polo kod ondiegi mag piny.+ 21 Abiro chiwo Zedekia ruodh Juda kaachiel gi jotende e lwet wasikgi kod jo ma dwaro negogi, kendo e lwet jolwenj ruodh Babulon+ moseweyo kedo kodu.’+
22 “‘Adier, abiro golo chik,’ Jehova owacho, ‘kendo giniduog monjo dalani, gibiro kedo kode, mi ginikawe, kendo giniwang’e gi mach;+ anami mier mag Juda odong’ gunda ma onge ng’at modakie.’”+
35 Ma e wach Jehova ma nobiro ne Jeremia e kinde loch Jehoyakim+ wuod Josia, ruodh Juda: 2 “Dhi ir Jo-Rekab+ mondo iwuo kodgi, kae to itergi e od chiemo moro manie od Jehova; kendo imigi divai gimadhi.”
3 Eka ne akawo Jaazania wuod Jeremia wuod Habazinia, owetene, yawuote, kaachiel gi Jo-Rekab duto 4 mi aterogi e od Jehova. Ne akelogi e od chiemo mar yawuot Hanan wuod Igdalia ng’at Nyasaye madier. To odno ne ni e bath od chiemo mar jotelo, e wi od Maaseya wuod Shalum ma ne jarit dhoot. 5 Eka ne aketo e nyim Jo-Rekab okombe madongo gi matindo mopong’ gi divai, mi awachonegi niya: “Madhuru divai.”
6 To ne giwachona niya: “Ok wanamadh divai nikech Jehonadab*+ wuod Rekab kwarwa, nochikowa ni, ‘Kik umadh divai. Yawuotu bende ok onego omadh divai nyaka chieng’. 7 Kendo kik uger udi, kata chuoyo kodhi, kata komo, kata bedo gi puoth divai. To onego udag mana e hembe. Eka unudag aming’a e piny ma unie weloni.’ 8 Kuom mano, pod waluwo chike ma Jehonadab wuod Rekab kwarwa nomiyowa, e momiyo wan, mondewa, yawuotwa, kod nyiwa, ok wanyal madho divai. 9 Ok wager udi mondo wadagie, kendo waonge gi puothe mag mzabibu, kata puothe mamoko, kata kodhi. 10 Pod wadak mana e hembe, kendo waluwo chike duto ma Jehonadab* nomiyowa. 11 To ka Nebukadnezar* ruodh Babulon nomonjo pinyni,+ ne wawacho ni, ‘Wadhiuru Jerusalem, mondo kik jolweny mag Kaldea kod Siria omakwa. Mano e momiyo sani wadak Jerusalem kae.’”
12 Wach Jehova ne obiro ne Jeremia niya: 13 “Ma e gima Jehova Nyasach oganda lweny, Nyasach Israel owacho, ‘Dhi iwach ne Jo-Juda gi jo ma odak Jerusalem niya: “Donge ne isayou nyadinwoya mondo uwinj wachna?”+ Jehova owacho. 14 “Jehonadab wuod Rekab ne ochiko nyikwaye ni kik gimadh divai, kendo giseluwo wachno nyaka kawuononi.+ To un asewuoyo kodu nyadinwoya, to udagi winja.+ 15 Bende, asebedo ka aoronu jotichna ma jonabi nyadinwoya,+ ka giwachonu ni, ‘Lokreuru uwe yoreu maricho,+ kendo utim gik makare. Kik uluw nyiseche mamoko mondo utinegi. Eka unudag aming’a e piny ma namiyou gi kwereu e ndalo machon.’+ To ne utamoru winja kata chikona itu. 16 Nyikwa Jehonadab wuod Rekab oseluwo chik ma kwargi nomiyogi,+ to ogandani osedagi winja.”’”
17 “Omiyo, ma e gima Jehova Nyasach oganda lweny, Nyasach Israel owacho: ‘Abiro kelo ne Jo-Juda kod jo modak Jerusalem masira ma ne awacho ni adhi kelonegi.+ Nimar asewuoyo kodgi, to gidagi chiko itgi, asiko aluongogi, to gidagi dwoka.’”+
18 Eka Jeremia nowacho ne Jo-Rekab niya: “Ma e gima Jehova Nyasach oganda lweny, Nyasach Israel owacho, ‘Nikech useluwo chike duto ma ne kwaru Jehonadab omiyou, kendo usetimo gik moko duto mana kaka nonyisou, 19 ma e gima Jehova Nyasach oganda lweny, Nyasach Israel owacho: “Kinde duto, nyaka nonwang’ nyakwar Jehonadab* wuod Rekab ma tiyo e nyima.”’”
36 Koro e higa mar ang’wen mar loch Jehoyakim+ wuod Josia ruodh Juda, wach Jehova ne obiro ne Jeremia niya: 2 “Kaw buk modol indikie weche duto ma asewacho e wi Israel, e wi Juda+ kod e wi ogendni duto.+ Inindik weche ma asewachoni chakre chieng’ ma ne awuoyo kodi e ndalo Josia, nyaka kawuononi.+ 3 Samoro ka Jo-Juda owinjo masiche ma achano kelonegi, ginyalo weyo yoregi maricho, mi awenegi kethogi kod richogi.”+
4 Eka Jeremia noluongo Baruk+ wuod Neria, mi onyise weche duto ma Jehova nosewachone, kendo Baruk ne ondikogi e buk modol.+ 5 Bang’e, Jeremia ne onyiso Baruk niya: “Sani otueya, kendo ok anyal donjo e od Jehova. 6 Omiyo, adwaro ni wang’ni sa ma ji tueyo chiemo, idhi isom weche manie buk modol mondo giwinj gik moko duto ma Jehova osenyisa, kendo ma asewachoni mi indiko. Onego itim kamano e od Jehova ka ma ji duto nyalo winjie, moriwo nyaka Jo-Juda duto mobiro koa e miechgi. 7 Samoro di po ka gilokore mi giweyo yoregi maricho kendo kwayo Jehova mondo okechgi. Nimar Jehova nigi mirima mager gi ogandani.”
8 Omiyo, Baruk wuod Neria notimo duto ma janabi Jeremia ne ochike ni otim. Ne osomo buk modol ma ne oting’o weche Jehova gi dwol maduong’ e od Jehova.+
9 Koro e higa mar abich mar loch Jehoyakim+ wuod Josia ruodh Juda, dwe mar ochiko, ji duto ma ne ni Jerusalem, kod ji duto ma nobiro Jerusalem koa e mier madongo mag Juda, ne ochako tueyo e nyim Jehova.+ 10 Eka Baruk ne odonjo e od Jehova, e ot ma iye mar Gemaria+ wuod Shafan+ jandiko, ma ne nie laru ma malo but dho rangach manyien mar od Jehova,+ mi osomo e nyim ji duto ma ne ni kanyo weche duto ma ne ni e buk modol ma Jeremia ne onyise ni ondiki.
11 Ka ne Mikaya wuod Gemaria wuod Shafan owinjo weche Jehova ma ne osom e buk modolno, 12 ne odhi e od ruoth, modonjo e ot ma iye mar jagoro. Jotelo duto ne ni kanyo, ne gin Elishama+ jagoro, Delaya wuod Shemaya, Elnathan+ wuod Akbor,+ Gemaria wuod Shafan, Zedekia wuod Hanania, gi jotelo mamoko duto. 13 Kae to Mikaya ne onyisogi weche duto ma ne owinjo ka Baruk osomo e nyim ji koa e buk modol.
14 Eka jotelogo ne ooro Jehudi wuod Nethania wuod Shelemia wuod Kushi ir Baruk niya: “Bi gi buk modol ma ne isomo e nyim jicha.” Omiyo, Baruk wuod Neria nokawo buk modolno modhigo irgi. 15 Jotelogo ne okwaye niya: “Bedie piny mondo isomnwa weche manie buk modolno.” Eka Baruk ne osomonegi.
16 Bang’ ka ne gisewinjo wechego duto, ne ging’iyore ka giluor, kendo ne giwacho ne Baruk niya: “Nyaka wanyis ruoth wechegi duto.” 17 Eka ne gipenjo Baruk niya: “Nyiswa ane kaka ne indiko wechegi duto. Dibed ni Jeremia e ma ne wachoni wechego to indiko?” 18 Baruk nodwokogi niya: “Jeremia e ma ne owachona wechegi duto mi andikogi e bugno gi wino.” 19 Kae to jotelo ne owacho ne Baruk niya: “Dhi upondi, in kaachiel gi Jeremia kendo ng’ato ang’ata kik ng’e ka ma untie.”+
20 Eka jotelogo ne okawo buk modolno ma gikano e ot ma iye mar Elishama. Kae to ne gidhi e laru ir ruoth mi ginyise gik moko duto ma ne giwinjo.
21 Ruoth ne ooro Jehudi+ mondo odhi oomne buk modolno, mi Jehudi ne odhi oome e ot ma iye mar Elishama jagoro. Kendo ne osome ne ruoth kod jotelo duto ma ne ochung’ but ruoth. 22 Ne en dwe mar ochiko,* kendo ne oyudo ruoth obet ka oyo mach e ot ma ojabetiega ka piny ng’ich. 23 To ka Jehudi ne osetieko somo lain adek kata ang’wen kama, ruoth ne ng’ado kuonde mosesomogo gi pand jagoro kendo wite e mach. Ne otimo kamano nyaka Jehudi otieko somo buk modolno duto. 24 To ruoth kod jotichne duto ma ne owinjo kisomo wechego ne ok obwok, kata yiecho lepgi. 25 Kata obedo ni Elnathan,+ Delaya,+ gi Gemaria+ ne osayo ruoth ni kik owang’ buk modolno, ne ok owinjogi. 26 E wi mano, ruoth ne ochiko Jerameel wuod ruoth, Seraya wuod Azriel, kod Shelemia wuod Abdeel, mondo odhi omak Baruk jagoro kod Jeremia janabi, kata kamano Jehova ne opandogi.+
27 Kendo bang’ ka ruoth ne osewang’o buk ma ne oting’o weche ma Jeremia ne onyiso Baruk mondo ondiki,+ wach Jehova ne obiro ne Jeremia niya: 28 “Kaw buk machielo mondo indikie weche duto ma ne nie buk ma Jehoyakim ruodh Juda ne owang’ocha.+ 29 Kendo iniwach ne Jehoyakim ruodh Juda ni, ‘Ma e gima Jehova owacho: “Isewang’o bugni, kendo isepenjo ni, ‘Ang’o momiyo ne indiko niya: “Ruodh Babulon nobi mi enoketh pinyni kendo tieko dhano kod le duto”?’+ 30 Kuom mano, ma e gima Jehova owacho ni biro timore ne Jehoyakim ruodh Juda, ‘Onge wuode kata nyakware ma biro bet e kom-loch Daudi,+ kendo ibiro wit ringrene oko mondo wang’ chieng’ ogoye godiechieng’, kendo koyo mang’ich ochame gotieno.+ 31 Abiro kume kaachiel gi nyikwaye kod jotichne duto nikech kethogi, kendo abiro kelonegi kaachiel gi jo ma odak Jerusalem gi Jo-Juda masiche duto ma ne awacho ni anakelnegi+ nikech ne gidagi winja.’”’”+
32 Eka Jeremia nokawo buk machielo momiyo Baruk wuod Neria jagoro,+ mi onyise weche duto ma ne nie buk ma Jehoyakim ruodh Juda ne owang’o.+ Kendo ne onyise weche moko momedore ma chalo gi mokwongoka.
37 Ruoth Zedekia+ wuod Josia nochako locho kar Konia*+ wuod Jehoyakim, nimar Nebukadnezar* ruodh Babulon nokete ruoth e piny Juda.+ 2 Kata kamano, en gi jotichne kaachiel gi ji duto ne ok giwinjo wach ma Jehova ne oorogo janabi Jeremia.
3 Ruoth Zedekia ne ooro Jehukal+ wuod Shelemia kod Zefania+ wuod Maaseya jadolo ir janabi Jeremia niya: “Wakwayi ni isanwa Jehova Nyasachwa.” 4 Noyudo Jeremia odak adaka gi ji ka en thuolo, nimar ne pok okete e tuech.+ 5 Koro Jo-Kaldea ma ne olworo Jerusalem nowinjo ni jolwenj Farao biro koa Misri.+ Omiyo, ne giweyo monjo Jerusalem.+ 6 Eka wach Jehova nobiro ne janabi Jeremia niya: 7 “Ma e gima Jehova Nyasach Israel owacho, ‘Dhi ir ruodh Juda ma ne oori ira mondo iwachne niya: “Jolwenj Farao ma biro konyou kedo biro dok thurgi Misri.+ 8 To Jo-Kaldea biro duogo mi gimonj dalani, kendo gibiro wang’e gi mach.”+ 9 Ma e gima Jehova wacho, “Kik uwuondru kuwacho ni, ‘Jo-Kaldea ok bi monjowa.’ Nikech kuom adier, ginimonju. 10 Kata dabed ni unyalo kedo gi jolweny mag Jo-Kaldea ma jo ma ohinyore kende e modong’, pod jo ma ohinyorego nyalo a malo kendo wang’o dalani.”’”+
11 Bang’ ka jolwenj Jo-Kaldea noweyo monjo Jerusalem nikech ne giwinjo ni jolwenj Farao biro,+ 12 Jeremia ne oa Jerusalem mi odhi ir joggi e piny Benjamin+ mondo oyud pokne. 13 To ka ne ochopo e Ranga Benjamin, jatend jorit ma nyinge Irija wuod Shelemia wuod Hanania ne omako janabi Jeremia mowachone niya: “Iseweyowa mi idhi riwori gi Jo-Kaldea!” 14 Kata kamano, Jeremia nodwoke niya: “Ooyo, ok nadhi riwora gi Jo-Kaldea.” To Irija ne odagi winje. Omiyo, ne omake mi otere ir jotelo. 15 Mirima nomako jotelogo+ mi gigoyo Jeremia kendo tueye+ e od Jehonathan jagoro. Odno ne oselok mobedo od tuech. 16 Ne gitueyo Jeremia e od tuech moro ma ne nie bwo lowo ma nodin matek, kendo ne obedo kuno aming’a.
17 Eka ruoth Zedekia ne ooro wach ni mondo okelne Jeremia e ode,+ kendo nopenje ling’ling’ niya: “Be nitie wach moro amora moa kuom Jehova?” Jeremia nodwoke ni, “Ee nitie, ibiro chiwi e lwet ruodh Babulon!”+
18 Kendo Jeremia nopenjo Ruoth Zedekia niya: “En ang’o marach ma asetimoni, gi jotichni, kaachiel gi ji duto momiyo utueya? 19 Ere jonabiu ma nokoronu wach ni, ‘Ruodh Babulon ok bi monjou, kendo ok bi monjo pinyni’?+ 20 Koro asayi ni mondo iwinja, A ruoth. Yie iwinj kwayona. Kik iduoka e od Jehonathan+ jagoro, nimar ka adok kuno to anyalo tho.”+ 21 Omiyo, Ruoth Zedekia ne ochiko ni mondo otue Jeremia e Laru mar Jarit,+ kendo ni omiye makate achiel pile ka pile koa kuom jolos makate.+ Ne gimiye makate nyaka ne makate orumo e dalano.+ Kamano, ne otue Jeremia e Laru mar Jarit.
38 Koro, Shefatia wuod Matan, Gedalia wuod Pashur, Jukal+ wuod Shelemia, kod Pashur+ wuod Malkija, ne owinjo weche ma Jeremia ne wacho ne ji duto niya: 2 “Ma e gima Jehova owacho, ‘Ng’ato ang’ata modong’ e dalani biro tho gi ligangla, kech, kata tuo malich.+ To ng’ato ang’ata mochiwore e lwet Jo-Kaldea biro tony, kendo ngimane biro chalo ka gima oyako e lwet wasigu.’+ 3 Ma e gima Jehova owacho, ‘Adier, ibiro chiw dalani e lwet jolweny mag ruodh Babulon, kendo obiro kawe.’”+
4 Jotelogo ne onyiso ruoth niya: “Wakwayi mondo oneg ng’atni,+ nikech kowuoyo kama to onyoso chuny jolweny kaachiel gi jo modong’ e dalani. Waneno ni ng’atni dwaro ni ji oyud masira, to ok kuwe.” 5 Ruoth Zedekia ne odwokogi niya: “Onge wach! Timuru gima uneno ni ber, nimar ruoth ok nyal geng’ou.”
6 Omiyo, ne gikawo Jeremia mi giwite e bugo moro matut. Bugono ne en mar Malkija wuod ruoth, kendo ne okunye e Laru mar Jarit.+ Noyudo bugono onge gi pi to mana chuodho. Ne giloro Jeremia gi tonde mi nochako nimo e chuodho.
7 Ebed-melek+ Ja-Ethiopia, jatich ma bwoch ma ne tiyo e od ruoth nowinjo ni jotelogo nosenyumo Jeremia e bugo. Noyudo ruoth obet e Ranga Benjamin,+ 8 omiyo, Ebed-melek noa e od ruoth, mi odhi onyiso ruoth niya: 9 “Yaye ruodha, jogi osetimo gima ok ber kata matin! Gisenyumo janabi Jeremia e bugo ka ma kech biro negee, nikech onge chiemo modong’ e dala duto.”+
10 Eka ruoth ne ochiko Ebed-melek Ja-Ethiopia niya: “Kaw chwo 30 mondo udhi ugol Jeremia e bugono ka pok otho.” 11 Omiyo, Ebed-melek ne okawo jogo mi odhi kodgi nyaka e od ruoth. Ne gidonjo e ot moro ma ne nie bwo od keno.+ Ebed-melek nokawo otembechni kod lewni moko moti mi olorogi piny ne Jeremia e bugo kotiyo gi tonde. 12 Eka Ebed-melek Ja-Ethiopia nonyiso Jeremia niya: “Ket lewnigo e yuothi mondo tonde kik hinyi.” Jeremia notimo kaka ne onyise, 13 mi ne giywaye gi tonde mi gigole oko. Bang’ mano, ne otue Jeremia e Laru mar Jarit.+
14 Ruoth Zedekia ne ooro wach mondo oluongne Jeremia e rangach mar adek, ma ne nie od Jehova. To ka nosebiro ire, ruoth nowacho ne Jeremia niya: “Adwaro penji wach moro, to kik ipanda kata matin.” 15 Jeremia ne onyiso Zedekia kama: “Ka anyisi wach madier to ibiro nega. To ka ang’adoni rieko, ok ibi winja.” 16 Kuom mano, Ruoth Zedekia ne okuong’ore ne Jeremia aling’ling’ niya: “Akuong’ora gi nying Jehova, Nyasaye ma nochueyowa, ok abi negi, kendo ok abi chiwi e lwet jo ma dwaro negi.”
17 Eka Jeremia nowacho ne Zedekia niya: “Ma e gima Jehova Nyasach oganda lweny, Nyasach Israel owacho, ‘Ka ichiwori e lwet jotend ruodh Babulon to ibiro tony, kendo dalani ok bi wang’ gi mach. Adier ibiro tony kaachiel gi joodi.+ 18 To ka idagi chiwori e lwet jotend ruodh Babulon, ibiro chiw dalani e lwet Jo-Kaldea, mi gibiro wang’e gi mach.+ Kendo ok ibi tony e lwetgi.’”+
19 Eka Ruoth Zedekia ne onyiso Jeremia niya: “Aluoro Jo-Yahudi moseringo modok ne Jo-Kaldea, nimar kochiwa e lwetgi to ginyalo sanda malit.” 20 To Jeremia nodwoke niya: “Ok nochiwi e lwetgi. Omiyo, akwayi, winj dwond Jehova mana kaka asenyisi, eka ok nonegi, kendo weche nodhini maber. 21 To kitamori chiwori e lwetgi, ma e gima Jehova osefwenyona: 22 “Mon duto modong’ e od ruodh Juda, ibiro gol mi ter ne jotend ruodh Babulon,+ kendo giniwach niya sa ma iterogi,
‘Osiepeni ma ne igeno osewuondi mi giloyi.+
Gisemiyo tiendi onyumore e chuodho.
Giseringo mi giweyi.’
23 Gibiro kawo mondeni gi nyithindi duto mi giter ne Jo-Kaldea, kendo ok ibi tony e lwetgi. Ruodh Babulon biro maki,+ kendo in e mibiro miyo owang’ dalani.”+
24 Eka Zedekia ne owacho ne Jeremia niya: “Kik inyis ng’ato ang’ata wechegi, di po ka itho. 25 To ka jotelo owinjo ni awuoyo kodi, mi gibiro penji ni, ‘Wachnwae mbaka ma nugoyo gi ruoth. Kipandowa wach moro, to wabiro negi.+ Ruoth ne onyisi ang’o?’ 26 Ibiro dwokogi niya, ‘Ne akwayo ruoth mondo kik oduoka e od Jehonathan, di po ka atho kuno.’”+
27 Bang’ kinde, jotelo duto mag ruoth nodhi ir Jeremia mi gipenje gima ne giwacho gi ruoth, to ne onyisogi mana kaka ruoth nosechiko ni owachi. Omiyo, ne ok ginyal timo gimoro nikech onge ng’at ma nowinjo gik ma nowacho gi ruoth. 28 Jeremia ne osiko e Laru mar Jarit+ nyaka chieng’ ma ne okaw Jerusalem. Chieng’ ma ne ikawo Jerusalem, pod noyudo ka en kuno.+
39 E higa mar ochiko mar loch Zedekia ruodh Juda, e dwe mar apar, Nebukadnezar* ruodh Babulon kaachiel gi jolwenje duto nobiro Jerusalem, mi gilwore.+
2 E odiechieng’ mar ochiko dwe mar ang’wen, e higa mar 11 mar loch Zedekia, ne gimuko ohinga mag dalano.+ 3 Eka jotend ruodh Babulon nodonjo e i dalano, mi gibet e rangach miluongo ni Rangach ma Diere.+ Jotelogo ne gin Nergal-shareza ma Ja-Samgar, Nebo-sarsekim ma Ja-Rabsaris,* Nergal-shareza Ja-Rabmag,* kod jotelo duto mag ruodh Babulon.
4 To ka ne Zedekia ruodh Juda kod jolwenje duto oneno gima nosetimore, ne giringo+ ma giwuok e dalano gotieno. Ne ging’ado puoth ruoth, mi giwuok gi rangach ma ne nie kind ohinga ariyo ka giluwo yo ma dhi Araba.+ 5 To jolweny mag Jo-Kaldea ne olawogi mi gijuko Zedekia e paw Jeriko.+ Ne gimake mi gitere ir Nebukadnezar* ruodh Babulon ma noyudo ni Ribla+ e piny Hamath.+ Kuno e ma ne ong’adoe buch Zedekia. 6 Ruodh Babulon ne ochiko mondo oneg yawuot Zedekia koneno mana e Ribla kanyo. Bende, nochiko mondo oneg jotelo duto mag Juda.+ 7 Eka ne otucho wenge Zedekia, kae to otueye gi nyororo mag mula, motere nyaka Babulon.+
8 Bang’e, Jo-Kaldea ne owang’o od ruoth gi ute ji,+ kendo ne gimuko ohinga mag Jerusalem.+ 9 Kae to Nebuzaradan+ ma ne en jatend jorit, ne okawo jo ma nodong’ e dalano, jo ma ne odokne, kod ng’ato ang’ata ma pod ne ni kanyo, mi oterogi e tuech e piny Babulon.
10 Kata kamano, Nebuzaradan jatend jorit ne oweyo jo modhier e piny Juda ma ne onge gimoro amora. Chieng’no bende nomiyogi puothe mag mzabibu mondo gitiye.*+
11 To Nebukadnezar* ruodh Babulon ne ochiko Nebuzaradan jatend jorit e wi Jeremia niya: 12 “Dhi ikaw Jeremia kendo irite maber; kik itimne gimoro marach, to ne ni imiye gimoro amora mokwayo.”+
13 Omiyo, Nebuzaradan jatend jorit, Nebushazban ma Ja-Rabsaris,* Nergal-shareza ma Ja-Rabmag,* kod jodong ruodh Babulon duto ne ooro wach 14 mi ne ogol Jeremia e Laru mar Jarit.+ Ne okete e lwet Gedalia+ wuod Ahikam+ wuod Shafan+ mondo otere e ode. Kamano Jeremia ne odak gi ji.
15 E kinde ma Jeremia pod ne otue e Laru mar Jarit,+ wach Jehova nobirone niya: 16 “Dhi inyis Ebed-melek+ Ja-Ethiopia ni, ‘Ma e gima Jehova Nyasach oganda lweny, Nyasach Israel owacho: “Masira ma ne akoro ni adhi kelo ne dalani biro timore, kendo inine odiechiengno.”’
17 “‘To abiro resi chieng’no,’ Jehova owacho, ‘ok bi chiwi e lwet jo ma iluorogo.’
18 “Nimar abiro resi, kendo ok initho gi tho ligangla. Ngimani nobed ka gimoro miseyako e lwet wasigu,*+ nikech ne iketo genoni kuoma,’+ Jehova owacho.”
40 Wach Jehova ma ne obiro ne Jeremia bang’ ka Nebuzaradan+ jatend jorit ne ogonye Rama.+ Ne oyudo otere kuno kotueye gi nyororo kaachiel gi jomoko duto ma ne ogol Jerusalem kod Juda kitero e tuech e piny Babulon. 2 Eka jatend jorit nokawo Jeremia mowachone niya: “Jehova Nyasachi ne okoro ni masirani ne dhi biro e pinyni, 3 kendo Jehova osekelo masirano mana kaka ne owacho nikech ne uketho ne Jehova kendo ne utamoru winjo dwonde. Mano e momiyo masirani oseyudou.+ 4 Kawuononi agonyo nyororo ma ne otuego lweteni. Ka ineno ni berni, bi wadhi Babulon, nimar abiro riti maber kuno. To ka ok idwar dhi koda, onge wach. Ne! Piny duto nie nyimi. Inyalo dhi kamoro amora mihero.”+
5 To ka ne Jeremia pod paro gima dotim, Nebuzaradan nowachone niya: “Dhi ir Gedalia+ wuod Ahikam+ wuod Shafan+ ma ruodh Babulon oseketo mondo oloch e wi mier duto mag Juda, mondo idag kode, kendo ibed gi jou; kata inyalo dak kamoro amora mihero.”
Eka jatend jorit ne omiye chiemo kod mich moko, kae to oweye mondo odhi. 6 Kamano, Jeremia ne odhi Mizpa+ ir Gedalia wuod Ahikam, kendo ne odak kode kuno kaachiel gi jo ma ne odong’ e pinyno.
7 Bang’ kinde, jotend jolweny moko kaachiel gi jolwenjgi ma ne ok ochiwore e lwet ruodh Babulon, ne owinjo ni ruodh Babulon noseketo Gedalia wuod Ahikam mondo oloch e wi piny Juda, kendo orit chwo, mon, gi nyithindo ma ne ok oter e tuech Babulon.+ Jo ma ne owego ne gin jo modhier moloyo e piny Juda. 8 Omiyo, jotend jolwenygo ne odhi Mizpa+ ir Gedalia. Ne gin Ishmael+ wuod Nethania, Johanan+ kod Jonathan yawuot Karea, Seraya wuod Tanhumeth, yawuot Efai Ja-Netofa, kod Jezania+ wuod Maakath. Ne gidhi kaachiel gi joggi. 9 Ka ne gichopo ire, Gedalia wuod Ahikam wuod Shafan ne okuong’orenegi kaachiel gi joggi niya: “Kik uluor tiyo ne Jo-Kaldea. Daguru e pinyni kendo uti ne ruodh Babulon, to weche biro dhinu maber.+ 10 An to abiro dak Mizpa kendo anawuo e lou ka Jo-Kaldea obiro. To un chokuru divai, gi olembe e ndalo keyo, kod mo, mondo ukan-gi e kuonde keno magu, kendo udag e mier ma usekawo.”+
11 Kamano, Jo-Yahudi ma ne nie piny Moab, Amon, Edom kod pinje mamoko, ne owinjo ni ruodh Babulon ne oseweyo jo ma ne odong’ mondo odag adaga e piny Juda, kendo ni ne oseketo Gedalia wuod Ahikam wuod Shafan mondo oloch e wigi. 12 Omiyo, Jo-Yahudi duto ma ne oseke e pinje mamoko ne ochako duogo e piny Juda. Ne gidhi Mizpa ir Gedalia. Kendo ne gichoko divai kod olembe mang’eny ahinya.
13 Bang’e, Johanan wuod Karea kod jotend jolweny ma ne ok ochiwore e lwet ruodh Babulon, ne odhi Mizpa ir Gedalia. 14 Ne gipenje niya: “ Be ing’eyo ni Baalis ruodh Jo-Amon,+ oseoro Ishmael wuod Nethania mondo onegi?”+ To Gedalia wuod Ahikam ne ok oyie gi wachgino.
15 Eka Johanan wuod Karea nonyiso Gedalia ka gin Mizpa ling’ling’ niya: “We mondo adhi aneg Ishmael wuod Nethania kendo onge ng’at ma biro ng’eyo wachno. Ere gimomiyo diweye aweya mondo onegi? Donge mano nyalo miyo Jo-Yahudi ma oduogo iri oke mi ji duto modong’ e Juda rum?” 16 To Gedalia+ wuod Ahikam ne owacho ne Johanan wuod Karea niya: “Kik itim kamano nimar gima ia wacho e wi Ishmael en miriambo.”
41 E dwe mar abiriyo, Ishmael+ wuod Nethania wuod Elishama ma ne wuok e anyuola mar joka ruoth, kendo achiel kuom jodong ruoth, ne odhi Mizpa+ kaachiel gi ji apar ir Gedalia wuod Ahikam. Sa ma ne oyudo gichiemo kanyachiel ka gin Mizpa, 2 Ishmael wuod Nethania gi joge apargo, ne oa malo monego Gedalia wuod Ahikam wuod Shafan gi ligangla. Ne onego ng’at ma ruodh Babulon ne oketo mondo oloch e wi pinyno. 3 Ishmael bende ne onego Jo-Yahudi duto ma ne ni Mizpa gi Gedalia kaachiel gi jolwenj Jo-Kaldea ma ne oyudo ni kuno.
4 Kinyne ka ne pok ng’ato ang’ata ong’eyo ni Gedalia osenegi, 5 ji 80 ne obiro koa Shekem,+ Shilo,+ kod Samaria.+ Yie tikgi ne oliel, lepgi ne oyiechi, kendo ne gisaro dendgi.+ Ne giting’o chiwo mag cham kod ubani+ ma ne gikelo e od Jehova. 6 Eka Ishmael wuod Nethania ne oa Mizpa mondo oromnegi. Ne odhi romonegi koywak. Ka ne ochopo irgi ne owachonegi niya: “Wadhiuru ir Gedalia wuod Ahikam.” 7 To ka ne gichopo dier dalano, Ishmael wuod Nethania ne onegogi, kae to owito ringregi e i bugo.
8 To ji apar kuomgi ne owacho ne Ishmael niya: “Kik inegwa, nikech wan gi gik moko ma wasepando e puodho. Wan gi ngano, shairi, mo, kod mor kich.” Omiyo, ne ok onegogi gi jowetegi. 9 Koro, Ishmael ne owito ringre jo ma ne onegogo e bugo moro maduong’ ma Ruoth Asa nokunyo e ndalo ma ne okedo gi Baasha ruodh Israel.+ Mano e bugo ma Ishmael wuod Nethania ne opong’o gi ringre jogo.
10 Ishmael ne omako ji duto ma ne ni Mizpa,+ moriwo nyaka nyi ruoth kod ji duto ma ne odong’ Mizpa, ma Nebuzaradan jatend jorit noketo e bwo Gedalia+ wuod Ahikam moterogi e tuech. Ishmael wuod Nethania ne okawo jo ma ne omakogo, mong’ado kodgi nyaka e piny Jo-Amon.+
11 To ka Johanan+ wuod Karea, kod jotend jolweny ma ne ni kode owinjo gik maricho duto ma ne Ishmael osetimo, 12 ne gikawo chwo duto mi gidhi kedo kod Ishmael wuod Nethania. Ne giyude e but pige mang’eny* man Gibeon.
13 Ka ne ji duto ma ne ni kod Ishmael oneno Johanan wuod Karea kod jotend jolweny ma ne ni kode, ne gimor ahinya. 14 Eka ji duto ma ne Ishmael omako Mizpa+ mondo otergi e tuech, ne olokore mi gidok gi Johanan wuod Karea. 15 To Ishmael wuod Nethania kod joge aboro, ne otony e lwet Johanan mi giringo nyaka ir Jo-Amon.
16 Eka Johanan wuod Karea kod jotend jolweny ma ne ni kode ne oreso jo ma Ishmael wuod Nethania ne omako Mizpa, bang’ ka nosenego Gedalia+ wuod Ahikam. Ne giduoko chwo, jolweny, mon, nyithindo, kod jodong od ruoth ma ne gigolo Gibeon. 17 Ne gia kuno mi gibworo Kimham but Bethlehem,+ nimar ne gichano dhi piny Misri+ 18 nikech ne giluoro Jo-Kaldea. Ne giluor nikech Ishmael wuod Nethania ne osenego Gedalia wuod Ahikam, jal ma ne ruodh Babulon oketo mondo oloch e wi pinyno.+
42 Eka jotend jolweny duto, gi Johanan+ wuod Karea, gi Jezania wuod Hoshaya, kaachiel gi ji duto, chakre ng’at matinie mogik nyaka ng’at maduong’ mogik, nodhi ir 2 janabi Jeremia, mi giwachone niya: “Wasayi ni ikwanwa Jehova Nyasachi mondo onyiswa ng’wono. Wasayi ni ilam ne jo modong’gi, nikech chon ne wang’eny to koro wasedong’ manok+ mana kaka inyalo neno. 3 Mad Jehova Nyasachi onyiswa yo monego waluw, kod gima onego watim.”
4 Janabi Jeremia ne odwokogi niya: “Asewinjou! Abiro sayo Jehova Nyasachu mana kaka usekwayo ni atim; kendo abiro nyisou gimoro amora ma Jehova owachona. Ok abi pandou wach moro amora.”
5 Ne gidwoko Jeremia kama: “Jehova mondo obed janeno makare kendo madier ka ok watimo duto ma Jehova Nyasachi biro nyisowa kokalo kuomi. 6 Bed ni onyisi gima ber kata gima rach, wabiro winjo dwond Jehova Nyasachwa ma waori ire. Nimar ka wawinjo dwond Jehova Nyasachwa, to mano e ma biro miyo wadhi maber.”
7 Koro, bang’ ndalo apar, wach Jehova ne obiro ne Jeremia. 8 Omiyo, Jeremia noluongo Johanan wuod Karea kod jotend jolweny duto ma ne ni kode, kaachiel gi ji duto, chakre ng’at matinie mogik nyaka ng’at maduong’ mogik.+ 9 Nowachonegi niya: “Ma e gima Jehova Nyasach Israel, ma ne uora ire mondo asanu kendo kwayonu ng’wono owacho: 10 ‘Ka uyie dhi nyime dak e pinyni, abiro gerou kar kethou, kendo abiro pidhou kar pudhou, nimar masira ma ne akelonu biro miyo abed gi kuyo.*+ 11 Kik uluor ruodh Babulon, ma sani miyou luoro.’+
“‘Kik uluore,’ Jehova owacho, ‘nimar an kodu mondo akonyu, kendo resou e lwete. 12 Abiro kechou,+ kendo en bende obiro kechou mi oduoku e pinyu.
13 “‘To ka uwacho ni, “Ok wanadag e pinyni!” mi utamoru winjo dwond Jehova Nyasachu 14 kuwacho ni, “Wabiro dhi mondo wadag e piny Misri,+ ka ma ok wabi nenoe lweny, kata winjo tung’ ma luongowa e lweny, kata winjo kech,” 15 kara winjuru gima Jehova owacho, yaye Jo-Juda modong’. Ma e gima Jehova Nyasach oganda lweny, Nyasach Israel owacho: “Ka uramo ni udwaro dhi e piny Misri mondo udag kuno kuom kinde, 16 to ligangla muluorono biro jukou, kendo kech ma uluorono bende biro jukou, kendo unutho e piny Misri kuno.+ 17 Ji duto moramo ni nyaka gidhi gidag e piny Misri ibiro neg gi ligangla, gi kech, kendo gi tuoche malich. Onge ng’ato ang’ata kuomgi ma biro tony kuom masira ma abiro kelonegi.”’
18 “Nimar ma e gima Jehova Nyasach oganda lweny, Nyasach Israel owacho: “Mana kaka ne aolo mirimba kod ich-wang’ kuom jo ma nodak Jerusalem,+ e kaka abiro olo mirimba kuomu ka po ni udhi e piny Misri. Unulokru gima bwogo ji, ji biro jarou, yanyou, kendo kuong’ou.+ Bende, ok unune kae kendo.’
19 “Jehova osesiemou, yaye Jo-Juda modong’. Kik udhi e piny Misri. Ng’euru ni asesiemou kawuononi, 20 ni kethou e ma biro kelonu masira. Nikech un e ma ne uora ir Jehova Nyasachu ni, ‘Dhi isanwa Jehova Nyasachwa, kendo wanatim gima Jehova Nyasachwa biro wacho.’+ 21 Asenyisou gik moko duto kawuononi, to ok unuwinj dwond Jehova Nyasachu, kata timo gik ma oora mondo anyisu.+ 22 Kuom mano, ng’euru maler ni unutho gi ligangla, gi kech, kendo gi tuoche ka ma ugombo dhi dakieno.”+
43 To ka ne Jeremia osetieko nyiso ji weche duto ma Jehova Nyasachgi ne oseore mondo onyisgi, ma ok opandogi kata wach achiel ma Jehova Nyasachgi nonyisogi, 2 Azaria wuod Hoshaya, Johanan+ wuod Karea, kod ji duto ma ne wigi tek, ne owacho ne Jeremia niya: “Iriambo! Jehova Nyasachwa pok oori ni iwachnwa ni, ‘Kik udhi e piny Misri mondo udag kuno.’ 3 To Baruk+ wuod Neria e mosethuwi kodwa mondo iketwa e lwet Jo-Kaldea mondo ginegwa, kata gimakwa giterwa Babulon.”+
4 Kamano, Johanan wuod Karea gi jotend jolweny duto, kaachiel gi ji duto ne otamore winjo dwond Jehova ni gidong’ e piny Juda. 5 Kar mano, Johanan wuod Karea gi jotend jolweny duto ne okawo ji duto ma nodong’ Juda ma noyudo oseduogo e piny Juda ka gia e pinje ma nokegie.+ 6 Ne gikawo chwo, mon, nyithindo, kod nyi ruoth, kaachiel gi ng’ato ang’ata ma Nebuzaradan+ jatend jorit ne oweyo e lwet Gedalia+ wuod Ahikam+ wuod Shafan.+ Bende, ne gikawo janabi Jeremia kod Baruk wuod Neria. 7 Ne gitamore winjo dwond Jehova mi giduto ne gidhi nyaka Tapanhes+ e piny Misri.
8 Eka wach Jehova nobiro ne Jeremia ka en Tapanhes kama: 9 “Kaw kite moko madongo mondo ipandgi e simiti manie ngas molos gi matofari, ma donjo e od Farao. Initim kamano e nyim Jo-Yahudi. 10 Kae to iwachnegi ni, ‘Ma e gima Jehova Nyasach oganda lweny, Nyasach Israel owacho: “Abiro luongo Nebukadnezar* ruodh Babulon ma jatichna,+ mi anaket kom-lochne e wi kite ma asepandogi. Kendo obiro yaro hembe e wi kitego.+ 11 Adier, enobi kendo enoketh piny Misri.+ Ng’at moket ni mondo tuoche oneg, tuo e ma biro nege, kendo ng’at moket ni itero e tuech, ibiro ter e tuech, to ng’at moket ni biro tho gi ligangla, ligangla e ma nonege.+ 12 Anami owang’ hekalu mag nyiseche Misri gi mach,+ obiro kawo nyisechegi mi enotergi e tuech. Obiro umore gi piny Misri mana ka jakwath ma umore gi lawe, kendo obiro a ma onge ng’at ma lawe.* 13 Obiro turo sirni mag Beth-shemesh* e piny Misri, kendo obiro wang’o hekalu mag nyiseche Misri gi mach.”’”
44 Ma e wach ma nobiro ne Jeremia ma nonego onyis Jo-Yahudi duto ma nodak e mier mag Migdol,+ Tapanhes,+ Nof,*+ kod Pathros+ e piny Misri:+ 2 “Jehova Nyasach oganda lweny, Nyasach Israel owacho ni, ‘Useneno masiche duto ma nakelo ne Jerusalem+ kod mier duto mag Juda, kata mana sani pod gikethore kendo onge ng’at modak e igi.+ 3 Ne atimo kamano nikech jo ma nodak kuondego notimo gik maricho mondo giwang’go iya. Ne gichiwo misengni,+ kendo tiyo ne nyiseche mamoko ma gin, kata un, kata kwereu ok nong’eyo.+ 4 Ne aoronu jotichna ma jonabi nyadinwoya, mondo gikweru niya: “Weuru timo timbe makwero kendo mosina.”+ 5 To ne gidagi winja kata chiko itgi, ne gidhi nyime timo richo ka gichiwo misengni ne nyiseche mamoko.+ 6 Mano e momiyo ne aolo mirimba mager e mier mag Juda kod e nderni mag Jerusalem. Ne awang’ogi gi mach mi gidong’ ka gikethore nyaka kawuononi.’+
7 “Koro ma e gima Jehova Nyasach oganda lweny, Nyasach Israel penjou, ‘Ang’o momiyo ukelo masira maduong’ni kuomu uwegi? Ok ung’eyo ni masirani nyalo nego chwou, mondeu, nyithindu madongo kod mayom e Juda, mi urum chuth? 8 Ang’o momiyo uwang’o iya gi gik ma lweteu timo kuchiwo misengni ne nyiseche mamoko e piny Misri ma sani udakie? Ubiro lal nono, kendo ji biro jarou kendo nenou kaka oganda mokuong’ e piny mangima.+ 9 Dibed ni wiu osewil gi gik maricho ma un gi mondeu,+ kendo ma kwereu, kaachiel gi ruodhi mag Juda+ gi mondegi+ notimo e piny Juda, kod e nderni mag Jerusalem? 10 To nyaka kawuononi pok uboloru kata luora.+ Kendo pod utamoru luwo chikena kod buchena ma ne amiyo kwereu.’+
11 “Omiyo, ma e gima Jehova Nyasach oganda lweny, Nyasach Israel owacho, ‘Aseng’ado ni abiro kelonu masira, mondo atiek Juda duto. 12 Abiro tieko bende Jo-Juda modong’ moseramo ni nyaka gidhi gidag Misri, gibiro tho e piny Misri.+ Ligangla kod kech e ma biro tiekogi; ligangla kod kech biro nego ji duto, chakre ng’at matinie mogik nyaka ng’at maduong’ mogik. Gibiro lokore gima bwogo ji, kendo ji biro jarogi, yanyogi, kendo nenogi kaka oganda mokuong’.+ 13 Abiro kumo jo ma odak Misri gi ligangla, kech, kod tuo malich,+ mana kaka ne akumo Jo-Jerusalem. 14 Onge kata ng’ato achiel kuom jo ma odhi Misri, ma biro tony ma dog e piny Juda. Gibiro gombo dok Juda mondo gidag kuno, to ok ginidogi. Jo manok ma biro tony kende e ma biro dok.’”
15 Eka chwo duto ma nong’eyo ni mondegi ne chiwoga misengni ne nyiseche mamoko, gi mon ma noyudo ochung’ kanyo, ma noloso oganda maduong’, kaachiel gi ji duto ma nodak Pathros+ e piny Misri,+ ne odwoko Jeremia niya: 16 “Wadagi winjo gimoro amora ma inyisowa e nying Jehova Nyasaye. 17 Kar mano, wabiro timo gik moko duto ma wasesingore gi dhowa ni wabiro timo. Wabiro chiwo misengni ne Ruoth ma Dhako mar Polo,* kendo wanaolne chiwo miolo,+ mana kaka kwerewa, ruodhiwa, kod jotendwa ne jotimo e mier mag Juda kod e nderni mag Jerusalem. E ndalogo ne wan gi chiemo mogundho, kendo ne waonge gi chandruok moro amora. 18 To nyaka ne wawe chiwo misengni ne Ruoth ma Dhako mar Polo,* kaachiel gi chiwo miolo, wasedoko modhier kendo ligangla gi kech osenegowa.”
19 Mon-go nomedo wacho niya: “Donge chwowa ne oyienwa chiwo misengni ne Ruoth ma Dhako mar Polo,* kendo chiwone kek molos e kite owuon, kaachiel gi chiwo miolo?”
20 To Jeremia ne owacho ne ji duto ma chwo gi ma mon ma ne osedwoke kamano niya: 21 “Uparo ni Nyasaye ne ok ong’eyo wach misengni ma un, kwereu, ruodhiu, jotendu, kaachiel gi jopinyu duto ne uchiwo e miech Juda kod e nderni mag Jerusalem?+ Wi Jehova ne ok owil, noparogi! 22 Ne ochopo ka ma Jehova ne ok nyal ling’ nikech richou kod gik modwanyore ma ne utimo. Pinyu osedong’ gunda malich ma bwogo ji, kendo ma ji yanyo ka kuong’o, onge ng’at modak e iye mana kaka uneno kawuononi.+ 23 Masirano oseyudou kaka uneno kawuononi, nikech ne uchiwo misengni ne nyiseche mamoko, mi utimo richo e nyim Jehova. Ne ok uwinjo dwond Jehova kata luwo chikene, buchene, kaachiel gi weche ma noparonu.”+
24 Jeremia nomedo wacho ne ji duto kaachiel gi mon-go niya: “Winjuru wach Jehova un Jo-Juda duto modak e piny Misri. 25 Ma e gima Jehova Nyasach oganda lweny, Nyasach Israel owacho, ‘Gima un kaachiel gi mondeu usewacho, usetimo gi lweteu, nimar ne uwacho niya: “Wabiro chopo singruok ma ne watimo mar chiwo misengni ne Ruoth ma Dhako mar Polo,* kendo wanachiwne chiwo miolo piny.”+ Un mon, chopuru achopa singruok maru, kendo timuru kaka usesingoru.’
26 “To koro un Jo-Juda duto modak e piny Misri, winjuru gima Jehova wacho: ‘“Akuong’ora e nyinga ma nigi duong’,” Jehova owacho, “ni ok nachak ayie ne Ja-Juda moro amora+ modak Misri okuong’re gi nyinga ni, ‘Mana kaka Jehova Wuon Loch Duto en Nyasaye mangima!’+ 27 Abiro neno ni giyudo masira to ok gima ber.+ Jo-Juda duto modak e piny Misri biro tho gi ligangla, gi kech, kendo ginirum chuth.+ 28 To ji manok kende e ma biro tony ne ligangla mi ginidog Juda ka gia Misri.+ Eka Jo-Juda modong’ ma nodhi dak e piny Misri nong’e ka an e ma ne awacho adier koso gin.”’”
29 “‘Kendo ma e ranyisi ma amiyou,’ Jehova owacho, ‘abiro kumou e pinyni, eka unung’e ni masira ma ne asingo ni abiro kelonu nobi adier. 30 Jehova owacho kama: “Abiro chiwo Farao Hofra ruodh Misri e lwet wasike, kendo e lwet jo ma dwaro nege, mana kaka ne achiwo Zedekia ruoth Juda e lwet Nebukadnezar* ruoth Babulon, ma ne en jasike kendo ma ne dwaro nege.”’”+
45 E higa mar ang’wen mar loch Jehoyakim+ wuod Josia ruodh Juda, Baruk+ wuod Neria nondiko e buk moro weche ma janabi Jeremia+ nowachone niya:
2 “Ma e gima Jehova Nyasach Israel owacho kuomi Baruk, 3 ‘Isewacho ni, “Yaye, awinjo malit ahinya, kendo Jehova osemedona kuyo! Aseywak mi aol, to pok ayudo kuwe.”’
4 “Kuom mano, nyise niya, ‘Jehova owacho kama: “Abiro muko gik moko duto ma asegero, kendo pudho gik ma asepidho. Abiro timo kamano e pinyno duto.+ 5 We manyo gik madongo ma chunyi gombogo.”’
“‘Nimar achiegni kelo masira ne ji duto,’+ Jehova owacho, ‘to in, kamoro amora midhiye inikuo, kendo inires ngimani.’”+
46 Ma e wach Jehova ma nobiro ne janabi Jeremia e wi ogendni.+ 2 Ka ma e kaka nowacho e wi Misri,+ kowuoyo e wi jolweny mag Farao Neko+ ruodh Misri, ma Nebukadnezar* ruodh Babulon ne oloyo Karkemish but Aora Yufrate e higa mar ang’wen mar loch Jehoyakim+ wuod Josia ruodh Juda. Nowacho niya:
3 “Ikuru okumba matindo* gi madongo,
Kendo udhi e lweny.
4 Ikuru fareseu kendo uidhgi, un joidh farese.
Rieduru maber kendo urwak oguteu mag lweny.
Piaguru tongeu kendo urwak lepu mag akor.
5 ‘Ang’o momiyo aneno ka luoro maduong’ osemakogi?
Giringo matek, thuondigi oselo.
Giringo ka giluor, joggi ma roteke ok go machiemo.
Luoro okwako kuonde duto,’ Jehova owacho.
6 Jong’wech ok bi yombo, kendo jolweny ma roteke ok bi tony.
Gisechwanyore mi gipodho+
Yo nyandwat e dho Aora Yufrate.’
7 Macha ng’a ma biro ka Aora Nael,
Mana ka aora ma omuomo gengene?
8 Misri biro mana ka Aora Nael,+
Mana ka aora ma omuomo gengene,
Kendo owacho ni, ‘Abiro dhi mi aim piny mangima.
Anaketh dala maduong’ kod jo modak e iye.
9 Un farese, dhiuru adhiya!
Ringuru ka jonekni, un geche lweny!
10 “Nimar chieng’no en odiechieng Jehova Wuon Loch Duto, Nyasach oganda lweny. En odiechieng’ mobiro chuloe kuor ne wasike duto. Ligangla biro chamogi mi yieng’, kendo obiro madho rembgi mi omer, nimar Jehova Wuon Loch Duto, Nyasach oganda lweny timo misango yo nyandwat bath Aora Yufrate.+
11 Dhiuru Gilead mondo ukel balsam,+
Yaye nyar Misri ma silili.
Isetiyo gi yien mang’eny kayiem nono,
Onge yath ma biro thiedhi.+
12 Ogendni osewinjo ni osekuod wiyi,+
Kendo ywakni opong’o piny.
Jolweny chwanyore kuom jolweny wetegi,
Kendo gipodho piny giduto.”
13 Ma e wach ma Jehova nowacho ne janabi Jeremia e wi Nebukadnezar* ruodh Babulon ma ne dhi biro monjo piny Misri:+
14 “Landeuru Misri, huleuru Migdol.+
Wach kama, ‘Rieduru ne lweny, kendo uikru,
Nimar ligangla biro tiekou koni gi koni.
15 Ere gimomiyo osetiek thuondi magi?
Ne ok gichung’ kar tiendgi,
Nikech Jehova osedhirogi mi gilwar.
16 Jolweny mang’eny osechwanyore mi opodho.
Ng’ato ka ng’ato wacho ne nyawadgi:
“Chung’ malo, wadog thurwa ir jowa
Nikech liganglano ger.”’
17 Ne giwacho ka gin kanyo ni,
‘Farao ruodh Misri wuoyo awuoya to timo nono
18 Ruoth ma nyinge en Jehova Nyasach oganda lweny, osekuong’ore ni, ‘Mana kaka angima,
Jalo* nobi mana kaka Tabor+ e wi gode
Kendo kaka Karmel+ e dho nam.
19 Yaye in nyako modak Misri,
Fund osikeni mondo oteri e tuech.
20 Misri chalo gi roya ma jaber,
To lwang’ni ma kecho moa yo nyandwat biro monje.
21 Kata mana jolwenje mondik ma chalo gi nyiroye machwe,
Gin bende giselokore mi giringo.
22 ‘Dwonde chalo gi dwond thuol ma ringo,
Nimar gilawe matek gi le,
Mana ka jo ma tong’o yien.
23 ‘Gibiro tong’o bungene kata obedo ni gitwere matek,’ Jehova owacho.
Nimar gikalo akwana, ging’eny moloyo det-bonyo.
24 Ibiro kuod wi nyar Misri.
Ibiro chiwe e lwet jo ma oa yo nyandwat.’+
25 “Jehova Nyasach oganda lweny, Nyasach Israel owacho: ‘Abiro kumo Amon+ manie dala mar No,*+ gi Farao, gi Misri kod nyisechene,+ kaachiel gi ruodhine, tiende ni Farao kod jo mogene duto.’+
26 “‘Abiro chiwogi e lwet Nebukadnezar* ruodh Babulon+ kod jotichne ma dwaro negogi. Kata kamano, bang’e ji biro dak e piny Misri kendo, mana kaka chon,’ Jehova owacho.+
27 ‘To in jatichna Jakobo, kik ibed maluor,
Yaye Israel, chunyi kik chandre.+
Nikech abiro resou e piny mabor,
Kendo kothi noa e piny motuegie.+
Jakobo biro duogo, mi nodag gi kuwe ma onge gima thage,
Kendo onge ng’at ma biro bwogogi.+
28 Omiyo, kik ibed maluor, jatichna Jakobo, an kodi,’ Jehova owacho.
47 Wach ma Jehova nonyiso janabi Jeremia e wi Jo-Filistia,+ ka ne Farao pok omonjo Gaza. 2 Jehova owacho kama:
“Neuru! Pige biro koa yo nyandwat.
Gibiro mwomo ka aora mopong’.
Kendo gibiro imo pinyno kod gik moko duto man e iye,
Gibiro imo dalano kod jo ma odak e iye.
Ji biro ywak matek,
Kendo ji duto modak e pinyno biro goyo nduru.
3 Ka giniwinj ka faresege diko piny,
Ka gechene ringo matek
Kendo ka tiende geche yiengo piny,
Wuone ok bi dok omo kata nyithindgi,
Nimar lwetegi notho thudhno,
4 Nikech odiechieng’ mikethoe Jo-Filistia duto biro;+
5 Bondo* biro mako wi Gaza.
Osetiek Ashkelon.+
Yaye un jo ma odong’ e hohni,
Ubiro saro dendu nyaka karang’o?+
6 Yaye ligangla mar Jehova!+
Ibiro nego ji nyaka karang’o?
Dog e odi.
Iyue mos, kiling’ thi.
7 Doling’ nade
To Jehova e ma osemiye tich mondo otim?
Onego otiek Ashkelon kod jo ma odak e dho nam,+
Nimar oseore kuno.”
48 Ma e gima Jehova Nyasach oganda lweny, Nyasach Israel owacho e wi Moab:+
“Yaye nobed malit ne Nebo!+ Nimar osekethe!
Osemak Kiriathaim+ mi okuod wiye.
Oseketh kar bwok ma nochiel motegno, mi okuod wiye.+
2 Tinde ok gipak Moab.
Gisechano kethruokne e Heshbon:+
‘Biuru, watiekeuru mondo kik obed oganda.’
Yaye un Jo-Madmen, ling’uru thi,
Nimar ligangla lawou.
3 Dwond jo ma ywak winjore Horonaim,+
Kethruok maduong’ kendo malich.
4 Osego Moab piny.
Nyithinde ywak matek.
5 Giywagore malit ka giidho Luhith.
Kethruokno+ miyo giywak malit sa ma giridore ka gia Horonaim.
6 Ringuru, resuru ngimau!
Unubed ka yadh junipa manie thim.
7 Nikech isegeno tich lweti kod mwanduni,
In bende ibiro maki.
Ibiro ter Kemosh+ e tuech,
Kaachiel gi jodolone gi jotende.
8 Ng’at ma kelo kethruok nobi e mier duto madongo,
Onge dala ma biro tony.+
Ibiro keth hoho,
Kendo piny mopie ibiro kethi, mana kaka Jehova osewacho.
9 Chunguru ne Moab ranyisi e yo,
Nikech chieng’ molwarie obiro ringo,
Kendo mier mage madongo nodong’ gundni malich,
Onge ng’at ma nodag e iye.+
10 Okuong’ ng’at ma ok ti tich Jehova gi chunye duto!
Okuong’ ng’at ma ok nek gi liganglane!
11 Moab osebedo gi kuwe chakre tinne,
Mana ka divai ma osewe aming’a e agulu.
Pok olokega e agulni mamoko,
Kendo pok oterega e tuech.
Mano e momiyo ndhathe pok olokore,
Kendo suya mogolo pok olokore.
12 “‘Koro, neuru! ndalo biro,’ Jehova owacho, ‘ma abiro oro ji mondo opukgi. Gibiro pukogi mana ka ng’at ma puko divai, kendo gibiro toyo agulnigo matindo tindo. 13 Kemosh biro kuodo wi Moab, mana kaka Bethel osekuodo wi Israel ma nogene.+
14 Ere kaka usungoru niya: “Wan thuondi moikore ne lweny”?’+
15 Oseketh Moab,
Osemonj mieche madongo,+
Kendo joge ma roteke osenegi,’+
Ruoth ma nyinge en Jehova Nyasach oganda lweny, oselando wachno.+
16 Masira mar Moab osekayo machiegni,
Kendo kethruokgi sudo mapiyo.+
17 Ji duto mokiewo kode biro keche,
Ee, ji duto mong’eyo nyinge.
Ywageuru ni, ‘Yaye, to mano kaka osetur luth ma ne tek, ee, luth ma ne ber!’
18 Lor piny ia e duong’ni,
Kendo ibed piny ka riyo oloyi,* yaye nyako modak Dibon,+
Nimar jal ma ketho Moab osebiro kethi,
Obiro muko kuondeni mochiel motegno.+
19 In ng’at modak Aroer,+ chung’ e bath ndara king’icho,
Penj dichwo gi dhako ma ringo ni, ‘Ang’o motimore?’
20 Osekuod wi Moab kendo luoro osemake.
Gouru nduru kuywak matek.
Landuru e Arnon+ ni oseketh Moab.
21 “Oseng’ad bura ne piny mopie.+ Oseng’ade ne Holon, Jahaz,+ kod Mefaath;+ 22 oseng’ade ne Dibon,+ Nebo,+ kod Beth-diblathaim; 23 oseng’ade ne Kiriathaim,+ Beth-gamul, kod Beth-meon;+ 24 oseng’ade ne Kerioth+ gi Bozra, kod mier duto man mabor kod man machiegni e piny Moab.
25 ‘Osegol teko* Moab;
Osetur bade,’ Jehova owacho.
26 Miyeuru kong’o mondo omer,+ nikech osepiem gi Jehova.+
Moab ng’ielore e ng’okne,
Kendo ji nyiere.
27 Donge chon ne inyieroga Israel?+
Be ne en jakuo, koso?
Ang’o momiyo ikino wiyi kiwuoyo kuome marach?
28 Un jo modak Moab, auru e miechu, dhiuru udag e lwanda,
Mondo ubed ka akuru mogero ode e dho lwanda.’”
29 “Wasewinjo kaka Moab sungore—kaka toke tek—
Wasewinjo wach wich tekone, sungane, tok tekone, kod kaka chunye ong’awore.”+
30 “‘Ang’eyo mirimbe,’ Jehova owacho,
‘Wechene ok nyal chopo gimoro.
Onge gima ginyalo timo.
Bedeni oseloth mong’ado nam.
Gisechopo e nam nyaka Jazer.
Jal ma kelo kethruok osebiro ketho+
Olembeni mag ndalo oro kod mzabibuni.
33 Mor kod ilo osegol e puotheu monyak maber
Kendo e piny Moab.+
Asemiyo divai owe mol e kuonde bicho.
Onge ng’at ma biro nyono mzabibu gi mor.
Gibiro kok gi dwol mopogore.’”+
34 “‘Ji ywak matek chakre Heshbon+ nyaka Eleale.+
Kata mana pige ma Nimrim biro duono.’+
35 Jehova owacho ni, ‘Abiro miyo piny Moab
Obed piny ma onge jo ma chiwo misengni kuonde moting’ore malo,
Kaachiel gi jo ma chiwo misengni ne nyisechegi.
36 Mano e momiyo chunya biro ywago Moab mana ka asili,*+
Kendo chunya biro ywago Jo-Kirheres mana ka asili.*
Nikech mwandune duto ma noloso biro lal nono.
37 Oseliel yie wich duto,+
Oseliel yie tik duto.
38 “‘Ji ywagore
E wi udi duto mag Moab,
Kendo e laru mage.
Nimar osetoyo Moab
Mana ka agulu ma onge tich,’ Jehova owacho.
39 ‘To mano kaka oluor! Go nduru!
To mano kaka Moab oseloko ng’eye ka wiye okuot!
Moab osebedo piny ma ji ochayo,
Kendo jo ma olwore bwok konene.’”
40 “Nimar ma e gima Jehova wacho:
41 Ibiro kaw taondene duto,
Kuondene mochiel motegno ibiro maki.
Chieng’no chuny thuondi mag Moab
Nobed kaka chuny dhako ma muoch kayo.’”
43 Yaye in ng’at modak Moab,
Luoro, bugo, gi obadho ochomi,’ Jehova owacho.
44 ‘Ng’ato ang’ata ma ringo masira, biro nyumore e bugo,
To ng’at mowuok e bugo, biro podho e obadho.’
‘Anatim gigo e higa ma abiro kumoe Moab,’ Jehova owacho.
45 ‘Jo moringo ochung’ e tipo mar Heshbon.
Nimar mach nowuog Heshbon
Kendo ligek mach noa Sihon.+
Obiro wang’o pat wi Moab,
Kod wi yawuotu mohero tungni.’+
46 Yaye, nobed malit ne Moab!
Osetiek Jo-Kemosh.+
Yawuotu osemaki,
Kendo nyiu oseter e tuech.+
47 To kata kamano, e ndalo mag giko abiro choko Jo-Moab moter e tuech,’ Jehova owacho.
‘Ma e giko mar buch Moab.’”+
49 Ma e gima Jehova owacho e wi Jo-Amon:+
“Iparo ni Israel onge gi yawuoyi?
Iparo ni oonge gi ng’at ma biro chamo mwandune?
To ang’o momiyo Malkam+ osekawo piny Gad?+
Kendo ang’o momiyo joge odak e mier mag Israel?”
2 “‘Omiyo, winjuru! ndalo biro,’ Jehova owacho,
‘Ndalo ma abiro miyo koko mar jo ma dhi kedo gi Raba+ man e piny Jo-Amon+ owinjre.
Obiro dong’ gunda,
Kendo ibiro wang’ mier matindo molwore.’
‘Bang’e, Israel biro kawo pinygi e lwet jo ma nomayogi,’+ Jehova owacho.
3 Yaye Heshbon, go nduru, nimar oseketh Ai!
Ywaguru matek, yaye un mier matindo molworo Raba.
Rwakuru ogunia.
Denguru kuwuotho koni gi koni e kund rombe,*
Nimar ibiro ter Malkam e tuech,
Kaachiel gi jodolone gi jotende.+
4 Yaye in nyako ma ja andhoga, mogeno mwandune,
Ang’o momiyo isungori gi hohni magi,
Gi peweni momewo
Kiwacho e chunyi niya: “En ng’ano ma dimonja?”’”
5 “‘Abiro kelonu masira malich,’ Jehova Wuon Loch Duto, Nyasach oganda lweny owacho,
‘Ma noa kuom jo mokiewo kodi.
Ibiro keyi kuonde duto,
Kendo onge ng’at ma biro choko jogi ma ringo.’”
6 “‘To bang’e, abiro choko Jo-Amon moter e tuech,’ Jehova owacho.”
7 Ma e gima Jehova Nyasach oganda lweny wacho e wi Edom:
“Dibed ni tinde rieko orumo e Teman?+
Rieko mag jong’adne rieko oselal, koso?
Dibed ni riekogi koro osetow?
8 Ringuru, baruru!
Yaye un Jo-Dedan, dhiuru udag e kuonde matut!+
Ka kinde ma akumoe Esau ochopo
Abiro kelone masira.
9 Ka jopon mzabibu e ma obiro iri,
Donge gibiro weyo mzabibu moko minyalo pon?
Ka jokuoge obiro iri gotieno,
Donge gibiro kawo mana gik ma gidwaro?+
10 Abiro lonyo Esau mi odong’ duk.
Abiro elo kuonde ma opondoe,
Mondo kik oyud ka ma dopondie.
11 Wena nyithindi ma kiye,
To abiro ritogi,
Kendo mond lieteu biro geno kuoma.”
12 Nimar ma e gima Jehova owacho: “Neuru! Ka jo ma ne ok owinjore omadh okombe mar mirimba e ma ne omadhe, be uparo ni ibiro weu ma ok okumu? Nyaka kumu. Nikech nyaka umadh okombe mar mirimba.”+
13 Jehova owacho ni, “An awuon asekuong’ora ni analok Bozra mi nodong’ ka gunda malich,+ mocha, mijaro, kendo mikuong’o; miechene duto biro dong’ kokethore chuth.”+
14 Asewinjo wach moa kuom Jehova,
Oseor jaote ir ogendni niya:
“Chokreuru mondo wadhi waked kode;
Ikreuru ne lweny.”+
15 “Ne! Asemiyo ibedo matin moloyo ogendni mamoko,
In ng’at ma ji ochayo.+
16 Ne imiyo ji oluori, kendo mano osewuondi,
Ne in gi sunga e chunyi,
Yaye in midak e i lwendni,
Idak e got mabor moloyo mamoko.
Kata obedo ni igero odi malo kaka otenga,
Pod abiro goli kuno mi akeli piny,” Jehova owacho.
17 “Masira malich+ biro mako Edom. Ng’ato ang’ata mokadho kanyo biro bwok kendo liyo koneno masira ma noyud dalano. 18 Mana kaka notimore ne Sodom gi Gomora kod mier ma nokiewo kodgi,”+ Jehova owacho, “e kaka biro timore ne piny Edom. Kendo onge ng’at ma nodag kata bworo e pinyno.+
19 “Neuru! Ng’at moro nomonj lege morit maber, mana ka sibuor+ moa e bunge man bath Jordan, to anami oring ka oa e pinygi. Anaket ng’at ma ayiero mondo orit pinyno. Ere ng’at machal koda, kata ma nyalo piem koda? Ere jakwath ma nyalo chung’ e nyima?+ 20 Kuom mano, winjuru wach ma Jehova oseng’ado ne Edom kendo ne jo modak Teman:+
Adier, ibiro ywa nyirombe oko.
Gin giwegi e ma ginimi olok pinygi gunda.+
21 Piny biro yiengni sa ma gipodho.
Nitie koko maduong’!
Kokono winjore nyaka e Nam Makwar.+
Chieng’no, chuny thuondi mag Edom
Biro chalo gi chuny dhako ma muoch kayo.”
23 Wach e wi Damaski:+
Osekuod wi Hamath+ gi Arpad,
Gisewinjo wach marach.
Luoro maduong’ osemakogi.
Nam osetugore kendo ok nyal kueye.
24 Damaski oselalo chir.
Luoro maduong’ osemake, oselokore mondo oringi.
Chandruok gi rem osase ahinya,
Mana ka dhako ma muoch kayo.
25 Ere kaka pok ojwang’ dala ma nigi huma,
Taon mopong’ gi mor?
26 Yawuote biro podho e laru mage,
Kendo chieng’no jolwenje duto biro tho,” Jehova owacho.
27 “Abiro wang’o ohinga mar Damaski,
Kendo majno biro wang’o ohinga motegno mag Ben-hadad.”+
28 Ma e wach ma Jehova nowacho e wi Kedar,+ kod pinjeruodhi mag Hazor ma Nebukadnezar* ruodh Babulon noloyo:
“A malo, dhi nyaka Kedar,
Kendo ineg yawuot Ugwe.”
29 Ibiro kaw hembegi, kwedhegi,
Lep hembegi, kod mwandugi duto.
Ibiro kaw ngamia maggi,
Kendo gibiro kok matek ka ginyisogi ni, ‘Masira olworou koni gi koni.’”
30 “Ringuru, dhiuru mabor!
Yaye un Jo-Hazor, dhiuru udag e kuonde matut,” Jehova owacho.
“Nimar Nebukadnezar* ruodh Babulon osechano kaka obiro monjou,
Osechano kaka obiro tiekou.”
31 “A malo, dhi imonj oganda modak gi kuwe,
Ma nigi arita maber!” Jehova owacho.
“Oonge gi dhoudi kata rageng’; gidak kar kendgi.
32 Ibiro yak ngamia maggi,
Kendo jambgi mang’enygo ibiro pe.
Abiro keyogi kuonde duto,
Jogo ma tito bath yie wigi,+
Anakelnegi masira moa koni gi koni,” Jehova owacho.
33 “Hazor nobed kar dak mar bwe,
Gunda ma nyaka chieng’.
Onge ng’at ma nodag kanyo,
Kendo ma nobwor e pinyno.”
34 Ma e wach Jehova ma nobiro ne janabi Jeremia e wi Elam,+ ka ne Zedekia+ ochako locho e piny Juda: 35 “Ma e gima Jehova Nyasach oganda lweny owacho, ‘Abiro turo atung’ ma miyo Jo-Elam+ teko. 36 Anami yembe ang’wen moa e tunge polo okuthi kochomo Elam, kendo anakegi kuonde ma yamogo oaye. Onge piny ma Jo-Elam ok noringie.’”
37 “Abiro miyo Jo-Elam obed maluor e nyim wasikgi, kendo e nyim jo ma dwaro negogi; abiro kelonegi masira, ee, mana mirimba mager,” Jehova owacho. “Kendo liganglana biro lawogi nyaka chieng’ atiekgi pep.”
38 “Anagur kom-lochna e Elam,+ kendo abiro nego ruoth kod jotende duto,” Jehova owacho.
39 “Kata kamano, e ndalo mag giko abiro choko Jo-Elam moter e tuech,” Jehova owacho.
50 Wach ma Jehova nowacho e wi Babulon+ piny Jo-Kaldea, kokalo kuom janabi Jeremia:
2 “Landuru wachni kendo huleuru e kind ogendni.
Chunguru bendera malo kendo uland wachno.
Kik upand wach moro amora.
Wachuru ni, ‘Osemak Babulon.+
Osekuod wi Bel.+
Luoro nego Merodak.
Osekuod wi sanamu mage.
Luoro nego sanambene makwero.’*
3 Nimar oganda moro moa yo nyandwat osebiro kedo kode.+
Osemiyo pinye odong’ ka lich;
Onge ng’at modak e iye.
Dhano gi le oseringo;
Giseringo mi gia.”
4 “E ndalogo, kendo e kindego,” Jehova owacho, “Jo-Israel kod Jo-Juda nobi kanyachiel.+ Gibiro ywak ka giwuotho.+ Gibiro manyo Jehova Nyasachgi kanyakla.+ 5 Wengegi biro chomo yo ma dhi Sayun sa ma gipenjo yo ma dhi kuno.+ Giniwach ni, ‘Biuru watim singruok mosiko gi Jehova, singruok ma wich ok nowilgo.’+ 6 Joga chalo gi rombe molal.+ Jokwadhgi osemiyo girwenyo.+ Giseterogi e gode mi giweyogi ka gibayo abaya e gode madongo gi matindo. Kendo koro wigi osewil gi kar yueyo margi. 7 Ng’ato ang’ata moyudogi to ngamogi.+ Kendo jowasikgi osewacho ni, ‘Ne giketho ne Jehova, omiyo, onge richo ka wamonjogi. Bende, ne ok gigeno Jehova, wuon tim makare kaka kweregi notimo.’”
8 “Ringuru ua Babulon,
Auru e piny Jo-Kaldea,+
Beduru ka nyuogi ma telo ne kueth.
9 Neuru! Achungo ogendni ma roteke moa yo nyandwat+
Mondo obi omonj Babulon.
Ginibi ire ka giriedo ka jolweny;
Kendo gibiro make.
10 Ibiro pe Kaldea.+
Ji duto ma biro peye nokaw gimoro amora ma gidwaro,”+ Jehova owacho.
Ne utugo ka roya ma tugo e lum,
Kendo nuywak ka farese ma chwo.
12 Osekuod wi minu.+
Chuny dhako ma nonyuolou osenyosore.
Neuru! En e oganda matinie mogik,
Ochalo piny motuo, ochalo thim.+
Ng’ato ang’ata ma nokadh kuno biro bwok
Kendo liyo nikech masichenego.+
14 Dhiuru uked gi Babulon kuriedo koni gi koni,
Un ji duto ma ywayo atung’.
15 Goneuru koko mar lweny koni gi koni.
Osegoyo bade piny.
Chulneuru kuor.
Timneuru mana kaka osetimo ne jomoko.+
16 Kik uwe ng’ato ang’ata ma chuoyo e Babulon,
Kaachiel gi ng’at ma ting’o pand keyo.+
Ligangla mager nomi ng’ato ka ng’ato odog ir joggi,
Ng’ato ka ng’ato biro ringo mi dog e pinygi.+
17 “Jo-Israel chalo gi rombe mokere.+ Sibuoche osekeyogi.+ Mokwongo, ruodh Asuria nongamogi;+ kae to Nebukadnezar* ruodh Babulon nobiro momuodo chokegi.+ 18 Kuom mano, ma e gima Jehova Nyasach oganda lweny, Nyasach Israel owacho: ‘Abiro kumo ruodh Babulon gi pinye mana kaka ne akumo ruodh Asuria.+ 19 Mi anaduok Israel e legene,+ kendo obiro kwayo jambe e Karmel kod e Bashan.+ Obiro chiemo moyieng’ e gode mag Efraim+ kod Gilead.’”+
20 “E ndalogo, kendo e kindego,” Jehova owacho,
“Ibiro many ketho mag Israel,
To ok bi yud kata achiel,
Kendo ok noyud richo mag Juda,
Nimar abiro ng’wono ne jo ma abiro weyo mondo odong’.”+
21 “Dhi iked gi piny Merathaim, kod jo modak Pekod.+
Neggiuru, kendo utiekgi chuth,” Jehova owacho.
“Timuru gik moko duto ma asechikou.
22 Nitie koko mar lweny e piny,
Masira malich nie piny.
23 To mano kaka nyundo ma ne goyo piny duto osepodho piny mi otur!+
To mano kaka Babulon osedong’ ka lich e kind ogendni!+
24 Yaye Babulon, ne achikoni obadho, kendo osemaki,
To ne ok ing’eyo mano.
Ne oyudi mi omaki,+
Nimar ne ikwedo Jehova.
25 Jehova oseyawo ode mar keno,
Osegolo gigene mag lweny gi mirima.+
Nimar Jehova Wuon Loch Duto, Nyasach oganda lweny nigi tich
E piny Jo-Kaldea.
26 Biuru ka ua e pinje man mabor mondo umonje.+
Yawuru dechene.+
Dhururu gigene mana ka pidhe mag cham.
Ketheuru chuth.+
Kik uwe ng’ate moro amora.
27 Neguru nyiruedhine duto;+
Wegiuru gidhi e kar yeng’o.
Nobednegi malit, nikech odiechienggi osechopo,
Odiechieng’ ming’adonegie bura.
28 Dwond jo ma ringo winjore,
Jo ma ringo koa e piny Babulon,
Mondo giland e Sayun kaka Jehova Nyasachwa osechulo kuor,
Osechulo kuor nikech gima ne gitimo ne hekalune.+
29 Luonguru jo ma bayo asere mondo omonj Babulon,
Jogo duto ma ywayo atung’.+
Lworeuru koni gi koni; kik uwe ng’ato ang’ata oringi.
Chuleuru kaluwore gi timbene.+
Timneuru kaka notimo ne jomoko.+
Osechayo Jehova,
Osechayo Ng’at Maler mar Israel.+
30 Yawuote biro podho e laru mage,+
Kendo chieng’no jolwenje duto biro tho,” Jehova owacho.
31 “Winji! Amon kodi,+ in ng’at ma wiye tek,”+ Jehova Wuon Loch Duto, Nyasach oganda lweny owacho,
“Nimar odiechieng’ ma abiro kumie, nochopi.
32 Yaye in ng’at ma wiye tek, ibiro chwanyori mi ipodhi,
To onge ng’at ma biro chungi.+
Abiro wang’o miechi madongo,
Kendo majno biro wang’o gik moko duto manie alworani.”
33 Ma e gima Jehova Nyasach oganda lweny owacho:
“Jo-Israel gi Jo-Juda sandore,
Jo ma noterogi e tuech omakogi matek.+
Gitamore gonyogi.+
34 Kata kamano, Jawargi nigi teko.+
Jehova Nyasach oganda lweny e nyinge.+
35 “Nitie ligangla ma biro ne Jo-Kaldea,” Jehova owacho,
“Obiro kuom Jo-Babulon, jotende, kod kuom joge mariek.+
36 Nitie ligangla ma biro ne jo ma wacho weche manono,* mi ginilokre jo mofuwo.
Nitie ligangla ma biro ne joge ma roteke, mi ginibed maluor.+
37 Nitie ligangla ma biro ne faresegi kod gechegi mag lweny,
Kendo ne ogendni mokikore kodgi,
Mi ginibed ka mon.+
Nitie ligangla ma biro ne mwandune, kendo ibiro yakgi.+
38 Nitie kethruok ma biro ne pigene, mi giniduon.+
Nimar en piny mopong’ gi nyiseche mopa,+
Fweny maggi bwogo ji, gimiyo ji bedo mofuwo.
39 Kuom mano, le mag thim kod ondiegi nodag kuno,
Kendo udo biro dak e iye.+
Onge ng’at ma biro dak e pinyno kendo,
Kata ma noger ode kuno kuom tienge duto.”+
40 “Mana kaka notimore ne Sodom gi Gomora+ kod mier ma nokiewo kodgi+ ka ne Nyasaye okethogi,” Jehova owacho, “e kaka biro timore ne pinyno. Kendo onge ng’at ma nodag kata bworo e pinyno.+
41 Neuru! Nitie jo ma biro koa yo nyandwat;
Oganda maduong’ kod ruodhi madongo+ ibiro chungi
E pinje man kuonde maboyo.+
42 Gimako atung’ kod tong’.+
Gikwiny kendo ok gibi kecho ng’ato ang’ata.+
Mana ka apaka ma wuo e nam,+
Tiende farese maggi yoko piny.
Ginyuakoni mana ka ng’at achiel ka giikore ne lweny, mondo giked kodi, yaye nyar Babulon.+
Oparore malit,
Mana ka dhako ma muoch kayo.
44 “Neuru! Ng’at moro nomonj lege morit maber, mana ka sibuor moa e bunge man bath Jordan, to anami Jo-Edom oring ka gia e pinygi. Anaket ng’at ma ayiero mondo orit pinyno.+ Ere ng’at machal koda, kata ma nyalo piem koda? Ere jakwath ma nyalo chung’ e nyima?+ 45 Kuom mano, winjuru wach ma Jehova oseng’ado ne Babulon,+ kod gima osechano timo ne piny Jo-Kaldea.
Adier, ibiro ywa nyirombe oko.
Gin giwegi e ma ginimi olok pinygi gunda.+
46 Sa ma iloyo Babulon, koko biro gore matek mi piny yiengni,
Kendo ogendni mamoko biro winjo kokono.”+
51 Ma e gima Jehova owacho:
2 Abiro oro jokeyo Babulon,
Gibiro kaye mi giweye kodong’ nono;
Gibiro monje koni gi koni chieng’ ma masira nomake.+
3 Kik iwe jal ma bayo asere oywa atung’.
Kik iwe ng’ato ang’ata ochung’ korwako lawe mar akor.
Kik ikech yawuote.+
Keth jolwenje duto.
4 Gibiro podho koneggi e piny Jo-Kaldea,
Ibiro chwogi e nderni mage.+
5 Jehova Nyasach oganda lweny ok oweyo Israel gi Juda odong’ ka chi liel.+
Kata kamano, pinygi* osepong’ gi richo e nyim Ng’at Maler mar Israel.
Kik utho nikech richone.
Nimar en kinde ma Jehova chuloe kuor.
Ochule nikech gik mosetimo duto.+
7 Babulon osebedo ka okombe mar dhahabu e lwet Jehova;
Osemiyo piny duto omer.
8 Babulon oselwar motur apoya.+
Ywageuru!+
Manyneuru balsam mondo okuwene rem; samoro onyalo chango.”
9 “Ne watemo thiedho Babulon, to ne ok onyal chango.
Waweyeuru, ng’ato ka ng’ato odog thurgi,+
Nikech kum mare osechopo nyaka e polo;
Obor mana ka boche polo.+
10 Jehova osenyiso ni wan jo makare.+
Biuru wahul e Sayun gik ma Jehova Nyasachwa osetimo.”+
11 “Piaguru aserni;+ kawuru okumbni molworore.*
Jehova osetugo chuny ruodhi mag Media,+
Nikech odwaro ketho Babulon.
Nimar Jehova chulo kuor, ochulo kuor ne hekalune.
12 Chunguru bendera+ e ohinga mag Babulon.
Keturu jorit, meduru jorit.
Keturu jo ma buto.
Nimar Jehova osechano kaka obiro monjogi,
Kendo obiro chopo gima nosingo ni odhi timo ne jo modak Babulon.”+
13 “Yaye in dhako modak e wi pige mang’eny,+
Kendo ma nigi mwandu mathoth,+
Gikoni osechopo, giko mar ohelni magi.+
14 Jehova Nyasach oganda lweny osekuong’ore owuon,
‘Anapong’i gi ji mang’eny kaka det-bonyo,
Ginikog gimor bang’ loyi.’+
16 Ka dwonde omor,
Pige manie polo tugore,
Omiyo boche polo wuok koa e tung’ piny konchiel nyaka komachielo.
17 Ji duto timo timbe mofuwo kendo ok ginyis rieko.
Ibiro kuod wi jotheth duto nikech sanamu maggi;+
Nimar sanamu mothedhgo gin miriambo,
Kendo gionge muya e igi.+
18 Gin gik manono,+ moromo chayo.
Ka odiechieng bura ochopo, gibiro lal nono.
19 Pok mar Jakobo to ok chal gi gigo,
Nimar en e Ng’at ma nochueyo gik moko duto,
Kata mana luth mar mwandune.+
Jehova Nyasach oganda lweny e nyinge.”+
20 “In e luth ma akedogo e lweny, gira mar lweny,
Anati kodi e ketho ogendni.
Anati kodi e ketho pinjeruodhi.
21 Anati kodi e ketho faras gi ng’at moidhe.
Anati kodi e ketho gach lweny kod ng’at ma riembe.
22 Anati kodi e nego dichwo gi dhako.
Anati kodi e nego jaduong’ gi wuoyi.
Anati kodi e nego wuoyi gi nyako.
23 Anati kodi e nego jakwath gi kuethne.
Anati kodi e nego japur gi jambe.
Anati kodi e nego gavana kod jotelo makonyo.
24 Ubiro neno ka achulo kuor ne Babulon kod ji duto modak Kaldea,
Nikech gik maricho duto ma gisetimo ne Sayun,”+ Jehova owacho.
Abiro rieyo bada mi adhiri e wi lwanda mondo ing’ielri nyaka piny
Kendo anami ibed got mowang’.”
26 “Kiteni ok nokaw mondo obed kidi ma riwo kor ot kata miketogo mise mar ot,
Nikech ibiro dong’ gunda nyaka chieng’,”+ Jehova owacho.
27 “Chunguru bendera e piny.+
Gouru tung’ mondo ogendni owinji.
Waluru ogendni ma dhi kedo kode.
Thuweuru gi pinjeruodhi man Ararat,+ Mini, gi Ashkenaz.+
Luongneuru jatend lweny mondo oked kode.
Monjeuru gi farese mang’eny ka det-bonyo.
28 Waluru ogendni ma dhi kedo kode,
Ruodhi mag Media,+ gavana maggi kod jotelo makonyo,
Kaachiel gi pinje duto ma gilochoe.
29 Piny biro tetni kendo yiengni,
Nikech wach ma Jehova oseng’ado ne Babulon biro timore
Enolok piny Babulon odong’ ka lich, mi onge ng’at ma nodag e iye.+
30 Jo roteke mag Babulon oseringo lweny.
Gibet kuondegi mochiel motegno.
Tekogi oserumo.+
Gichalo gi mon.+
Osewang’ utene.
Osetur rageng’ mage.+
31 Jang’wech ringo mondo orom ne jang’wech wadgi,
Kendo jaote bende mondo orom ne jaote wadgi,
Mondo giter wach ne ruodh Babulon ni osemonj dalane koni gi koni,+
32 Wasigu osedino kuonde ming’adogo aora,+
Osewang’ yiedhi molos gi togo,
Kendo luoro osemako jolweny.”
33 Ma e kaka Jehova Nyasach oganda lweny, Nyasach Israel owacho:
“Nyar Babulon chalo gi kar dino cham.
Kinde ochopo monego onyone piny matek.
Odong’ mana kinde matin to ikayo Babulon.”
Osebola mana ka agulu ma iye ni nono.
Osemuonya mana ka thuol.+
Osepong’o iye gi giga mabeyo.
Osewita oko.*
35 Jal modak Sayun wacho ni, ‘Mad timbe gero duto ma ne otimna, kendo ma ne otimne ringrena obi kuom Babulon!’+
To Jerusalem wacho ni, ‘Mad remba ma nochuer obi kuom jo modak Kaldea!’”
36 Kuom mano, ma e gima Jehova owacho:
Anaduon nambe, kendo anami sokone otwo.+
38 Giduto gibiro ruto kaka sibuoche.
Gibiro ng’ur ka sibuor matindo.”
39 “Sa ma giowore, abiro losonegi nyasi, kendo anami gimer,
Mondo gibed mamor;+
Kae to nindo notergi chuth,
Ok ginichiew ngang’,”+ Jehova owacho.
40 “Anatergi kar yeng’o mana kaka nyirombe,
Mana ka yimbe gi diek.”
Mano kaka Babulon osedong’ ka piny malich ma bwogo ogendni!
42 Nam oseumo Babulon.
Apaka mag nam mang’eny oseime.
43 Miechene madongo oselokore gik malich, thim ma pi ongee.
Onge ng’at ma biro dak e pinyno kata wuotho kuno.+
Onge oganda ma nodhi ire kendo,
Kendo ohinga mar Babulon biro podho.+
45 Auru kuome, un joga!+
Ringuru ures ngimau+ kuom mirima mager mar Jehova!+
46 Kuwinjo wach moro marach kaka wach lweny kata ni ruoth moro kedo gi wadgi,
Kik uparru kata bedo maluor.
Higa ok bi kalo ka pok oland wachno,
Kendo higa ma luwo ibiro land wach machielo.
47 Kuom mano, neuru! ndalo biro
Ma nakum nyiseche mopa mag Babulon.
Ibiro kuod wi pinye duto,
Kendo joge monegi nopodh e pinye.+
48 Polo gi piny kod gik moko duto manie igi
Biro kok gimor ka Babulon opodho.+
Jo ma biro monje biro a yo nyandwat,”+ Jehova owacho.
49 “Babulon ok nonego Jo-Israel kende+
Nonego bende jo ma ne a e piny mangima.
50 Un jo motony e dho ligangla, ringuru, kik uchung’!+
Paruru Jehova ka un ka mabor,
Kendo sikuru kuparo Jerusalem e chunyu.”+
51 “Ji osejarowa, omiyo, wiwa okuot.
Wich-kuot opong’o wengewa,
Jo pinje mamoko osemonjo kuonde maler e od Jehova.”+
52 “Kuom mano, neuru! ndalo biro,” Jehova owacho,
“Ma anakumie nyisechene mopa,
Kendo jo mohinyore biro chur e pinye duto.”+
53 “Kata ka po ni Babulon oidho nyaka e polo,+
Kata ka ogero ohinga mabocho kendo motegno,
To pod jo ma biro kethe noa kuoma,”+ Jehova owacho.
54 “Winjuru! Ywak moro winjore Babulon,+
Dwond kethruok maduong’ moyudo piny Jo-Kaldea,+
55 Nimar Jehova ketho Babulon,
Obiro miyo dwonde ma rahuma oling’ thi,
Gigoyo koko mana ka nam ma wuo.
Ji biro winjo dwondgi.
56 Nimar jaketh nomonj Babulon;+
Adier, obiro chulo kuor.+
57 Anami jotende kod joriekone omer,+
Anatim kamano bende ne gavana mage, jotendgi makonyo, kod joge ma roteke,
Kendo nindo notergi chuth,
Ok ginichiew kendo,”+ Ruoth ma nyinge en Jehova Nyasach oganda lweny owacho.
58 Jehova Nyasach oganda lweny owacho kama:
“Ibiro muk ohinga mar Babulon chuth, kata obedo ni olach,+
Kendo ibiro wang’ dho rangeyene, kata obedo ni giboyo.
Ji biro tiyo matek kayiem nono;
Ogendni biro tiyo kayiem nono mana ne mach.”+
59 Ma e wach ma janabi Jeremia ne onyiso Seraya wuod Neria+ wuod Maseia, ka ne odhi Babulon gi Zedekia ruodh Juda e higa mar ang’wen mar loch Zedekia. Seraya e ma ne rito mwandu mag ruoth. 60 Jeremia ne ondiko e buk achiel masiche duto ma ne dhi biro kuom Babulon, wechego duto ne ondik e wi Babulon. 61 E wi mano, Jeremia ne owacho ne Seraya niya: “Ka ichopo Babulon, isom weche duto manie bugni gi dwol maduong’. 62 Kae to iniwach ni, ‘A Jehova, isewacho ni ibiro keth dalani mi obiro dong’ gunda, kendo dhano kod le ok nochak odag e iye nyaka chieng’.’+ 63 Kendo ka isetieko somo bugni, initueye gi kidi kae to iwite e chuny Yufrate. 64 Bang’ mano, iniwach ni, ‘Kamano e kaka Babulon biro nimo, mi ok nochak ochung’ kendo.+ Nimar abiro kelone masira; kendo gibiro ol ahinya.’”+
Ma e giko weche Jeremia.
52 Zedekia+ nobedo ruoth ka en jahigni 21 kendo nolocho kuom higni 11 kodak Jerusalem. Nying min mare ne en Hamutal+ nyar Jeremia ma Ja-Libna. 2 Nodhi nyime timo gik maricho e wang’ Jehova. Notimo gik maricho duto ma Jehoyakim notimo.+ 3 Mirimb Jehova e ma nomiyo gigo duto otimore Jerusalem kod Juda nyaka nochopo ka ma nogologi e nyime.+ Bende, Zedekia ne ong’anyo ne ruodh Babulon.+ 4 E odiechieng’ mar apar dwe mar apar, e higa mar ochiko mar loch Zedekia, Nebukadnezar* ruodh Babulon nobiro gi jolwenje duto mondo gimonj Jerusalem. Ne gilworo dalano mi gigero ohinga molwore.+ 5 Ne gilwore nyaka e higa mar 11 mar loch Zedekia.
6 E odiechieng’ mar ochiko, dwe mar ang’wen,+ kech ne ger ahinya e dalano, kendo ne onge chiemo ma ji ne nyalo chamo.+ 7 Gikone, jolwenj Babulon ne omuko ohinga mag dalano, mi jolweny duto ne oringo ma giwuok e dalano gotieno. Ne gikalo e dho rangach ma ne nie kind ohinga ariyo ma ne ni but puoth ruoth, ka giluwo yo ma dhi Araba.+ To noyudo Jo-Kaldea pod olworo dalano. 8 Jolweny ma Jo-Kaldea ne olawo Ruoth Zedekia,+ mi gijuke e paw Jeriko, kendo jolwenje duto ne oringo moweye. 9 Ne gimake mi gitere ir ruodh Babulon ma noyudo ni Ribla e piny Hamath, mi ong’adone bura kuno. 10 Ruodh Babulon ne onego yawuot Zedekia e wang’e. Bende, ne onego jotelo duto mag Juda e Ribla kanyo. 11 Eka ruodh Babulon ne otucho wenge Zedekia,+ kae to otueye gi nyororo mar mula, motere Babulon. Ne odak e od tuech nyaka chieng’ ma nothoe.
12 E odiechieng’ mar apar, dwe mar abich, e higa mar 19 mar loch Nebukadnezar* ruodh Babulon, Nebuzaradan jatend jorit ma ne tiyo ne ruodh Babulon ne obiro Jerusalem.+ 13 Ne owang’o od Jehova,+ od ruoth, kaachiel gi udi duto ma ne ni Jerusalem. Bende, ne owang’o ute duto madongo. 14 Jolwenj Jo-Kaldea ma nobiro gi jatend jorit ne omuko ohinga duto ma nolworo Jerusalem.+
15 Nebuzaradan jatend jorit ne okawo moko kuom jo ma nodhier kod jo ma nodong’ e dalano, mi oterogi e tuech. Bende, ne okawo jo ma ne odok ne ruodh Babulon, kaachiel gi jotich molony ma ne pod odong’.+ 16 Kata kamano, Nebuzaradan jatend jorit noweyo moko kuom jo modhier ahinya e dalano mondo giti e puothe mag mzabibu kendo chunogi gi tije mamoko.+
17 Jo-Kaldea ne omuko sirni mag mula+ ma nolosgo od Jehova mi giturogi matindo tindo. Ne giketho geche+ kod Nam+ mar mula ma ne nie od Jehova, mi gitero mulago duto Babulon.+ 18 Bende, ne gikawo ndope, opewni, makas mag ng’ado otambi, bakunde,+ okombe,+ kod sende duto ma nolos gi mula ma ne itiyogo e hekalu. 19 Jatend joritno nokawo besende,+ gik ting’o mach, bakunde, ndope, gik chungo teyni,+ okombe, kod bakunde ma nolos gi dhahabu lilo kod fedha.+ 20 Mula ma Ruoth Solomon ne otiyogo e loso sirni ariyogo, Nam, ruedhi 12+ ma ne irenjoe Nam, kod geche ma ne itiyogo e od Jehova, ne pek ahinya mokalo apima.
21 Sirnigo ne romre. Bor moro ka moro ne en bede* 18, tol ma ne nyalo lwore ne romo bede 12;+ lachne ne en kor lith lwedo ang’wen,* kendo iye ne ni nono. 22 E wi siro ka siro ne nitie gimoro ma chalo agulu mar mula; bor mar agulu achiel ne en bede* abich;+ ne olwore gi thiwni kod gik machalo komamanga molos gi mula. Siro machielo bende ne chalo kamano, kendo en bende ne oketne komamanga. 23 Bethe sirogo ne nigi komamanga 96; tiende ni ne nitie komamanga 100 ma nolworo agulnigo.+
24 Jatend jorit ne omako jadolo maduong’ ma nyinge ne Seraya,+ gi Zefania+ jalupne, kaachiel gi ji adek ma ne rito dhoudi.+ 25 Bende, ne omako jatend jolweny ma ne tiyo e od ruoth, gi osiepe ruoth abiriyo ma pod ne nie dalano, kaachiel gi jagoro mar jatend jolweny, jal ma ne ndiko nying jo ma nonego obed jolweny, kod ji 60 ma pod ne nie dalano. 26 Nebuzaradan jatend jorit ne otero jogo duto Ribla ir ruodh Babulon. 27 Ruodh Babulon ne onegogi Ribla+ e piny Hamath. Kamano e kaka ne ogol Jo-Juda e pinygi motergi e tuech.+
28 Magi e jo ma Nebukadnezar* nomako motero e tuech. E higa mar abiriyo notero Jo-Yahudi 3,023 e tuech.+
29 E higa mar 18 mar loch Nebukadnezar,*+ ne okaw ji 832 e Jerusalem, motergi e tuech.
30 E higa mar 23 mar loch Nebukadnezar,* Nebuzaradan jatend jorit ne otero Jo-Yahudi 745 e tuech.+
Kuom mano, ji duto ma noter e tuech ne gin 4600.
31 Eka e odiechieng’ mar 25 dwe mar 12, ma ne en higa mar 37 nyaka ne ter Jehoyakin+ ruodh Juda e tuech, Evilmerodak ruodh Babulon nogonyo Jehoyakin ruodh Juda e jela.+ Mano e higa ma Evilmerodak nochakoe locho. 32 Ne owuoyo kode e yo mang’won, kendo ne oketo kom-lochne obedo gi duong’ moloyo mag ruodhi mamoko ma ne ni Babulon. 33 Omiyo, Jehoyakin ne olonyo lep jela, kendo ne ochiemo e od ruoth kuom ndalo duto mag ngimane. 34 Odiechieng’ kodiechieng’, ruodh Babulon ne miye chiemo nyaka chieng’ ma notho.
Tiende nyalo bedo, “Jehova Ting’o Malo.”
Kata, “ayieri.”
Kata, “awali.”
Hibrania, “ng’at ma ok nindi.”
Kata, “Jo-Memfis.”
Tiende ni, achiel kuom aoche matindo mag Aora Nael.
Tiende ni, Yufrate.
Tiende ni, ngamia ma dwaro ni thuondi oluwe.
Kata, “pok onindoe kodi gi thuon?”
Kata, “ng’at ma bayo.”
Kata, “nyiseche manono.”
Kata nyalo bedo, “chwori.”
Kata, “Gouru koru.”
Kata, “Enotiek nyar joga.” Nyalo bedo ni wendni ne iwero sa ma ikecho ng’ato.
Kata, “Jong’icho.” Tiende ni, jo ma rito kinde mowinjore mondo gimonj dala moro.
Kata nyalo bedo, “Awinjo koko mag lweny.”
Kata nyalo bedo, “Nyasaye onge.”
Kata, “ligangla.”
Tiende ni, wach Nyasaye.
Tiende ni, Jeremia.
Nying ma nomi nyasaye ma dhako ma Jo-Israel ma nong’anyo ne lamo; onyalo bedo nyasaye ma ne konyo e weche nyuol.
Kata, “gichwanya; giwang’o iya.”
Yie wich maboyo ne nyiso ni ng’ato ochiwore ne Nyasaye kaka Ja-Nazir.
Kata, “weruru wende ywagruok.”
Som Tiend Weche, “Gehena.”
Som Tiend Weche, “Gehena.”
Kata nyalo bedo, “ongo-wang’.”
Kata, “jogorou.”
Kata, “nyar joga.”
Kata, “nyar joga.”
Kata, “nyar joga.”
Kata, “nyar joga.”
Kata, “ng’ato ang’ata moseter nyangu to pok otere nyangu.”
Kata, “payo gi koyo.”
Kwan matindo 11 nokwong ndik e dho Aram.
Kata nyalo bedo, “En emoloso dhoot ne koth.”
Nyalo bedo ni iwuoyo gi Jeremia.
Kata, “mondo gia e mach mager ma lenyo chuma.”
Kata, “Amin.”
Tiende ni, Jeremia.
Hibrania, “nyarogno.”
Kata, “pachgi ma iye.” Hibrania, “nyarogno.”
Kata, “miyudo ni wan e winjruok achiel.”
Kata nyalo bedo, “Oywagore.”
Kata, “Wasigu oselworo.”
Kata, “Ja-Ethiopia.”
Kata, “Jo ma onge duong’.”
Kata, “nyar joga masilili.”
Kata nyalo bedo, “Usiko uwuotho kudok chien.”
Kata nyalo bedo, “Moyudo wich-kuot kod achaya.”
Kata, “isemiya ote moting’o kum.”
Nyalo bedo ni Jo-Israel ma nong’anyo ne luwo timbe mag ogendni mamoko sa ma ne giywago ng’at motho.
Kata, “Ogor e kidi mopamore manie chunygi.”
Kata, “diamond” e dho Kisungu. Ma en kidi matekie moloyo.
Som Tiend Weche.
Kata nyalo bedo, “kendo ok onyal chango.”
Hibrania, “nyarogno.”
Kata, “Nyar Israel.”
Kata, “ite biro sakni.”
Hibrania, “nyirokene.”
Iluonge bende ni Nebukadereza.
Iluonge bende ni Nebukadereza.
Iluonge bende ni Jehoahaz.
Iluonge bende ni Jehoiakin kata Jekonia.
Iluonge bende ni Nebukadereza.
Kata, “nyakwaro makare.”
Kata, “wach mapek.” E dho Hibrania, wachni nigi tiende ariyo: “ote mapek moa kuom Nyasaye” kata “ting’ ma turo ji.”
Kata, “ote mapek.”
Kata, “ote mapek.”
Kata, “ote mapek.”
Kata, “ote mapek.”
Iluonge bende ni Nebukadereza.
Iluonge bende ni Jehoiakin kata Konia.
Kata nyalo bedo, “kaachiel gi jo ma ne gero ohingni mag jorito.”
Iluonge bende ni Nebukadereza.
Iluonge bende ni Nebukadereza.
Nenore ni ma en nying mopondo mar Babel (Babulon).
Tiende ni, karaya maduong’ mar mula ma ne itiyogo e hekalu.
Kata, “Obed kamano.”
Kata nyalo bedo, “kod jo ma ne gero ohingni mag jorito.”
Iluonge bende ni Nebukadereza.
Kata, “rieyi.”
Kata nyalo bedo, “Anamigi duong’.”
Kata, “Asedhi nyime nyisi hera madier.”
Kata, “Mondo idhi imiel gi jo ma miel ka mor.”
Kata, “ne agoyo bamna nikech kuyo.”
Kata, “e nyimbiyena.”
Kata nyalo bedo, “chworgi madier.”
Iluonge bende ni Nebukadereza.
Shekel achiel ne romre gi gram 11.4. Som Apendiks B14.
Iluonge bende ni Nebukadereza.
Mano e momiyo nyaka gole e wang’a.
Som Tiend Weche, “Gehena.”
Kata, “nyakwaro,”
Iluonge bende ni Nebukadereza.
Iluonge bende ni Jonadab.
Iluonge bende ni Jonadab.
Iluonge bende ni Nebukadereza.
Iluonge bende ni Jonadab.
Ma ne en dier dwe mar Novemba nyaka e dier dwe mar Desemba. Som Apendiks B15.
Iluonge bende ni Jehoiakin kata Jekonia.
Iluonge bende ni Nebukadereza.
Iluonge bende ni Nebukadereza.
Yo machielo ma indikogi e dho Hibrania en, “Nergal-shareza, Samgar-nebo, Sarsekim, Rabsaris.”
Kata, “jatend ajuoke ma koro gi sulwe.”
Iluonge bende ni Nebukadereza.
Kata nyalo bedo, “mondo gitiye kaka wasumbni.”
Iluonge bende ni Nebukadereza.
Kata, “jatend jo ma tiyo e od ruoth.”
Kata, “jatend ajuoke ma koro gi sulwe.”
Kata, “ibiro reso ngimani e lwet wasigu.”
Kata nyalo bedo, “e but yawo maduong’.”
Kata, “osemiyo aywago ang’e.”
Iluonge bende ni Nebukadereza.
Kata, “obiro a gi kuwe.”
Kata, “Hekalu mar Wang’ Chieng’.” Tiende ni, Heliopolis.
Kata, “Memfis.”
Nying ma nomi nyasaye ma dhako ma Jo-Israel ma nong’anyo ne lamo; onyalo bedo nyasaye ma ne konyo e weche nyuol.
Nying ma nomi nyasaye ma dhako ma Jo-Israel ma nong’anyo ne lamo; onyalo bedo nyasaye ma ne konyo e weche nyuol.
Nying ma nomi nyasaye ma dhako ma Jo-Israel ma nong’anyo ne lamo; onyalo bedo nyasaye ma ne konyo e weche nyuol.
Nying ma nomi nyasaye ma dhako ma Jo-Israel ma nong’anyo ne lamo; onyalo bedo nyasaye ma ne konyo e weche nyuol.
Iluonge bende ni Nebukadereza.
Iluonge bende ni Nebukadereza.
Joba asere e ma kinde mang’eny ne ting’o okumbni matindo.
Iluonge bende ni Nebukadereza.
Kata, “Memfis.”
Hibrania, “kinde ma nowalne.”
Tiende ni, ngat ma nobi loyo Misri.
Kata, “Memfis.”
Kata nyalo bedo, “Obiro lokore thim.”
Tiende ni, Thebes.
Iluonge bende ni Nebukadereza.
Kata, “rieyi.”
Tiende ni, Krete.
Tiende ni, gibiro lielo yie wigi nikech wich-kuot kod kuyo.
Kata nyalo bedo, “Ibed piny e lowo.”
Kata, “tung.”
Tiende ni, asili ma ne itugo kiywago ng’ato e liel.
Tiende ni, asili ma ne itugo kiywago ng’ato e liel.
Kata, “kul molos gi kite.”
Iluonge bende ni Nebukadereza.
Iluonge bende ni Nebukadereza.
Wach moloki ni “sanamu makwero,” itiyogo kiwuoyo e wi owuoyo, kendo ihinyo ti kode kinyiso achaye e dho Hibrania.
Iluonge bende ni Nebukadereza.
Kata, “ne jonabi mag miriambo.”
Nenore ni ma en nying mopondo mar Kaldea.
Tiende ni, piny Jo-Kaldea.
Kata nyalo bedo, “pong’uru ofukeu mag aserni.”
Kata nyalo bedo, “En emoloso dhoot ne koth.”
Iluonge bende ni Nebukadereza.
Kata, “Oselawa mana ka ng’at ma lawo nanga bang’ lwoke.”
Nenore ni ma en nying mopondo mar Babel (Babulon).
Iluonge bende ni Nebukadereza.
Iluonge bende ni Nebukadereza.
Bat achiel ne romre gi sentimita 44.5 (inj 17.5). Som Apendiks B14.
Kor lith lwedo achiel ne romre gi sentimita 1.85. Som Apendiks B14
Bat achiel ne romre gi sentimita 44.5 (inj 17.5). Som Apendiks B14.
Iluonge bende ni Nebukadereza.
Iluonge bende ni Nebukadereza.
Iluonge bende ni Nebukadereza.