YAJTËˈËWËN DIˈIB YAˈˈATSOOJËMBIJTP MÄ BIIBLYË
¿Waˈan näˈä jyaˈˈatët tuˈugë gobiernë diˈib anaˈamëp abëtsemy nyaxwinyëdë?
¿Wiˈix mbäät dyajtuˈukmukyë nax käjpn tuˈugë gobiernë diˈib anaˈamp abëtsemy nyaxwinyëdë? (Isaías 32:1, 17; 54:13).
Okwinmay wiˈix ttukˈoyˈatëdë naxwinyëdë jäˈäy. Tyam, mayë ayoobë jäˈäy jyantsy ayowdë ets niwaanë diˈib mëkjäˈäy. Ko jyaˈˈatët tuˈugë gobiernë diˈib anaˈamëp abëtsemy nyaxwinyëdë ets tjantsy jaygyukët tijaty yajtëgoyˈäjttëbë jyaˈay, mbäät tmooytyaˈay ti yajtëgoyˈajtypy. Wiˈix mˈokwinmay, ¿mbäädë naxwinyëdë jäˈäy dyajjaˈˈatyë duˈumbë gobiernë? (Käjpxë Jeremías 10:23.)
Nuˈun kujkë xëë tiempë nyaxy, axëëgë jäˈäy të nyayjawëdë mët ko gobiernëtëjk të wyinˈëënëdë, ets diˈib mas axëëk nayjäˈäwëp, yëˈë ayoobë jäˈäy. Näägë gobiernë axëëk të ttundë jäˈäy (Eclesiastés 4:1; 8:9). Perë Dios diˈib winë määytyaayëp, të twandaˈaky tuˈugë gobiernë diˈib mëët dyajnitëgatsäˈäny ets të twinˈixy tuˈugë anaˈambë diˈib mbäät tkuentˈatyë jäˈäy. (Käjpxë Isaías 11:4 etsë Daniel 2:44.)
¿Ti tyunaambyë Diosë yˈAnaˈam Kyutujkën?
Jyobaa të twinˈixy tuˈugë oybyë Anaˈambë, yëˈë yˈUˈunk Jesukristë (Lukʉs 1:31-33). Ko jyukyˈajty yä Naxwiiny, naytyukjotmaytyuunë jäˈäy. Tyam extëmë Rey, yajtuˈugyëyaambyë nax käjpn ets yajjëjptëgoyaampy tukëˈëyë ayoˈon jotmay. (Käjpxë Salmo 72:8, 12-14.)
¿Kyupëjktëbëdaa niˈamukë Jesus extëmë yˈanaˈambë? Kyaj niˈamukë tkupëktë. Perë Jyobaa mëmaˈkxtujkëdëp (2 Peedrʉ 3:9). Mmooyëdëbë tiempë parë nyayajtëgatsëdët. Tim tsojkë Jesus dyajkutëgoyaˈanyë axëkjäˈäytyëjk ets dyajminäˈänyë tuˈugyëˈäjtën etsë jotkujkˈäjtën abëtsemy nyaxwinyëdë. (Käjpxë Miqueas 4:3, 4.)