¿Mnijäˈäp ti mdunaampy ko ajotkumonë mˈayoˈonbäädët?

Mbäät ajotkumonë nˈayoˈonbatëm mä kyaj ndimˈawijx ndimjëjpˈijxëm (Sant. 4:14). Per tuˈugë jäˈäy diˈib wijy, nnayjëjpˈijxëp (Pro. 22:3). ¿Mnijäˈäp tijatyë doktoor yajtuundëp ets diˈibë mgupëkaampy? ¿Të xykyujayë? Parë xynyijawët ti mdunëp, ix jawyiinë tyäˈädë bideo diˈib xyëˈäjtypy Alternativas a las transfusiones. Serie documental. Yëˈë mˈixëbë myëmajtsk pekypyë, Asistencia médica sin transfusiones. Necesidades y derechos del paciente. Mä jam xyˈixy, ta xyˈatsoojëmbitëdë yajtëˈëwën diˈib yä miimp. Mä tyäˈädë bideo tap nyaxy mä jäˈäy yajtsuktë, pääty yëˈë uˈunktääk uˈunkteety nyijawëp pën tyukˈijxtëbë yˈuˈunk yˈënäˈkë mutskatypyë o kyaj.

1) ¿Tiko tyamë doktoor wyinmaytyë ko kyajxyëp nyekytyëkë neˈpyny niniˈkxoty? 2) Nigäjpx tëgëëgë ijxpajtën mä jäˈäy yajtsuktë mëjwiin kajaa ets kyaj tyëkë neˈpyny. 3) ¿Tiko jyaˈˈaty milˈamë doktoor diˈib kyupëjktëp dyajtsoybyatäˈändë jäˈäy ets kyaj dyajtunëdë neˈpyny? 4) ¿Ti të tpëktë kuentë mä kanäägë hospital ko doktoor dyajtundë neˈpyny? 5) ¿Ti jotmay mbäät yajpääty ko tyëkë neˈpyny niniˈkxoty? 6) ¿Wiˈixë net mayë doktoor wyinmaytyë ko tˈixtë yˈoybyëtsemy tijaty yajtuundëp ko jäˈäy ttsuktë ets ko kyaj dyajtëkëdë neˈpyny? 7) ¿Tiko jäˈäy tmëdatyë anemia, ets ti mbäät yajtuny parë kyomëdë nyeˈpyny? 8) ¿Wiˈix mbäät myayë mä jäˈäyë nyiniˈkx yëˈë eritrocitos o glóbulos rojos? 9) ¿Tijatyë doktoor yajtuundëp parë kyaj nëgoo neˈpyny tyëgoyët ko jäˈäy ttsuktë? 10) ¿Tuump nanduˈun tijatyë doktoor yajtuundëp ko ttsuktë ënäˈkuˈunk o ko jäˈäy kajaa yˈayoˈonbääty? 11) ¿Ti mbäädë doktoor tmëdaty wyinmäˈänyoty parë yajxon dyajtsoybyatëdë jäˈäy?

Diˈib të xyˈixtë mä bideo tijatyë doktoor yajtuundëp, niduˈuk niduˈuk mbäät xywyinmaytyë diˈibë mgupëkandëp, per kyaj net ja meerë xyˈijxpäädët mä nety jam të mˈayoˈonbääty ets jaanëm xywyinmayët ti mgupëkaampy ets ti kyaj. Parë niˈigyë xynyijawët oy ko xykyäjpxëdë liibrë “Diosë tsyojkën”, kapitulo 7 etsë referensyë diˈib jap miimp. Käjpx nanduˈun mä Nuestro Ministerio del Reino diˈib nobiembrë 2006. Pën të mnëbajnë kujayë net diˈib mgupëkaampy mä mdarjetë DPA ets kyaj xyjyaˈaytyëgoyët ko mtsoonët.

[Letrë diˈib miimp mä pajina 3]

¿Mnijäˈäp tijatyë doktoor yajtuundëp ets diˈibë mgupëkaampy? ¿Të xykyujayë?