¿Wiˈix ngäjpxwäˈkxëm ko nadënäˈäyëmë ëxpëjkpajn?

Mayë jäˈäy tnijawëdë tëyˈäjtën ko ngäjpxwäˈkxëm mä yajnaskëyë meesë o karruˈunk mä nyaˈijxëmë ëxpëjkpajn (Fwank 6:44). Pääty të yaˈˈanëëmëdë diˈib tuundëp mëjjäˈäy ets ttukniwitsëdët parë ngäjpxwäˈkxëm mä ja territooryë mä mayë jäˈäy nyaxtë. Kom yajkëëyëdijtp ja karruˈunk, kyaj tyimjëjpˈamëty nˈamdoˈowëmë permisë ja kuduunk justisë. ¿Pënaty mbäät tnadanëdë ëxpëjkpajn? Yëˈë nmëguˈukˈäjtëm diˈib mbäät tnijawë wiˈix tijaty ttunët, diˈib oy naywyit nayxyojxëp ets diˈib mbäät pojënë jäˈäy tmëtmaytyaˈaky. Min nˈokˈijxëm tijaty mbäät yajtuny ets tijaty kyaj. Ko yajtunët extëm yä yajnigajpxy, yëˈë xypyudëkëyäˈänëm parë yˈoybyëtsëmët.

Tijaty mbäät yajtuny:

It ajiiky amëguˈuk ets kyaj jagam mjëˈix mnasˈixët. Xiˈik xon ets ëboˈkx käjpxpoˈkx. Ko pën wyäˈkˈawët ets tˈixët ja ëxpëjkpajn, mbäät xyˈanëëmë: “Pën mtsejpy, mbäät tuˈuk xymyënëjkxy”.
Oy ko kyaj xynyadanët ja ëxpëjkpajn tim wingon o tim jagam. Ta näägë lugäär, mä nmëguˈukˈäjtëm të tˈixtë ko oybyëtsëëmp ko naa jaayë tyanëdë, per ta mä kyaj duˈun yˈoybyëtsëmy. Pääty, oy ko naa jagam mdanët axtë koonëmë jäˈäy myëjwäˈägët ets tˈixët ja ëxpëjkpajn. Taanëm xyajtsondäˈägët ja maytyaˈaky, extëm nˈokpëjtakëm, mbäät xyajtëy: “¿Të näˈä duˈun mˈoknayajtëëwëbë?”.
Pën mbäät, yajtun xëmë Biiblyë.
Ko pën tmënëjkxëdë ëxpëjkpajn diˈib mëdë jäˈäy nyaˈëxpëjkëm, extëmë liibrë ¿Ti tukniˈijxëbë Biiblyë?, tukmëtmaytyäˈäk wiˈixë jäˈäy nyaˈëxpëjkëm ets anëëmë parë mëët xyˈixëdë bideo ¿Tiko xyˈëxpëkëdë Biiblyë?
Ko xyˈixët ko ja jäˈäy yˈaknijawëyaampy, ta xyajtëwët mä tsyëënë, pën nyigäjpxaampy.

**Tijaty kyaj mbäät yajtuny:**

Kyaj nˈawäˈändakëm ets mëktaˈaky ja jäˈäy nmëtmaytyäˈägäˈänëm o nmoˈoyäˈänëm ja ëxpëjkpajn, nan kyaj nadënäˈäyëm ja ëxpëjkpajn extëmxyëp nguentˈäjtëm.
Kyaj nwinmäˈäyëm ko jeˈeyë ëxpëjkpajn nyajwäˈkxäˈänëm. Diˈib mbäät nduknibëjtakëm, yëˈë ets nyaˈëxpëjktsondakëmë jäˈäy, pääty, tsojkëp nduˈunëmë mëjää parë nyajtsondakëmë maytyaˈaky.
Kyaj nˈawäˈktujkëm ja ëxpëjkpajn o njantsy kyäjpx njantsy myaytyakëm mët ja nmëguˈukˈäjtëm. Pën yëˈë myajtunaambyë telefënë mët ko jam ti mjotmay, oy ko naa jagam mnaswäˈägët mä yˈity ja ëxpëjkpajn.
Kyaj nayˈoˈojëm mët ja jäˈäy diˈib kyaj tmëdowäˈänyë Diosë yˈayuk. Pën xytyim nibëdëˈkëm, oy ko wiinktsoo nmënëjkxëm ja ëxpëjkpajn.