¿Kyupëjktëp tsyoybyattët?

Kyupëjktëp. Ëëtsëty, Jyobaa tyestiigëty ngupëjktëbëts ntsoybyattët. Naygyuentˈäjtëdëbëts, per näˈäty tsojkëbëts nëjkxtët mä doktoor (Lukʉs 5:31). Ets ta näägë Testiigë diˈib tuundëp doktoor extëmë Lucas diˈib pyanëjkxë Kristë mä primer siiglë (Kolosʉ 4:14).

Per kyajts ngupëktë diˈib kyutëjpyë Diosë yˈanaˈamën. Extëm nˈokpëjtakëm, Biiblyë yajkubojkypy ko nˈaxäjëmë neˈpyny. Pääty, kyajts ngupëktë etsë doktoor dyajtëkëdë neˈpyny niniˈkxoty (Apostʉlʉty 15:20). Biiblyë nan yajkubojkypyë tsooy diˈib yajtuundëbë brujë o padooy panäjxpë parë jäˈäy dyaˈˈagëdäˈäktë (Galasyʉ 5:19-21).

Per taaˈäjtp mayë tsooy diˈibë Biiblyë kyaj tnigajpxy pën oy o pën kyaj, pääty tuˈuk tuˈugë Testiigë mbäät twinmay pën kyupëkaampy o kyaj. Mbäät tuˈugë Testiigë tkupëky diˈibë doktoor të tnigajpxy ets jatuˈuk kyaj (Galasyʉ 6:5).