¿Diˈibë ëxpëjkpajn mbäät pyudëkëdë pënaty kyaj tmëbëktë Dios o Biiblyë?

1. Nimaytyäˈäk tiko näägë jäˈäy kyaj tˈëxpëkäˈändë liibrë ¿Ti tukniˈijxëbë Biiblyë?

¹ Parë tuˈugë jäˈäy tmëdunëdë Dios, jëjpˈam ets tnijawët tijatyë Biiblyë tukniˈˈijxëp. Per näägë jäˈäy diˈib kyaj tmëbëktë Jesus jyënäˈändë ko Biiblyë kyaj Dios tˈAyukëty. Etsë wiinkpë kyaj tmëbëktë ni Biiblyë ets ni Dios. Duˈumbë jäˈäy mbäät kyaj tˈëxpëkäˈändë liibrë ¿Ti tukniˈijxëbë Biiblyë? Pääty, ¿diˈibë ëxpëjkpajn mbäät nyajtuˈunëm ko nbatëmë duˈumbë jäˈäy? Yä yajnigäjpxäˈäny ti mbäät nduˈunëm extëm të jyënäˈändë nmëguˈukˈäjtëm diˈib yajpattëp 20 paˈis.

2. Ko tuˈugë jäˈäy xyˈanmäˈäyëm ko kyaj tmëbëkyë Dios, ¿ti tsojkëp nbayoˈoyëm, ets tiko?

² Pënaty kyaj tmëbëktë Dios. Ko tuˈugë jäˈäy xyˈanmäˈäyëm ko kyaj tmëbëkyë Dios, oy ko nnijäˈäwëm tiko kyaj tmëbëky. ¿Yëˈë nyitsiptuumbyë evolución? ¿Kyaj tmëbëkyë Dios mët ko tˈixy jyaˈˈatyë axëkˈäjtën o mët ko tˈixy tsäjptëgoty jeˈeyë jäˈäy wingëˈëy agëˈëy Dios awdattë? ¿Jam tsyoony mä tuˈugë paˈis mä jäˈäy kyaj tmëbëkyë Dios? ¿Waˈan kyaj tmëbëkyë Dios mët ko kyaj tjawë dyajtëgoyˈaty? Ko mayë nmëguˈukˈäjtëm dyajtëwdë jäˈäy: “¿Ets duˈunyëm kyaj xymyëbëkyë Dios?”, ta ja jäˈäy tnimaytyaˈaky. Jëjpˈam ets nmëdooˈijtëm wiˈix ja jäˈäy yˈatsoy ets kyaj ngajpxytyuktëjkëm, pes parë nnijäˈäwëm wiˈix mbäädë jäˈäy nbudëjkëm, tsojkëp jawyiin njaygyujkëm tiko kyaj tmëbëkyë Dios. Duˈuntsoo nnijäˈäwëm wiˈix mbäät nmëtmaytyakëm ets ti ëxpëjkpajn mbäät nˈawäˈänëm (Prov. 18:13).

3. ¿Wiˈix mbäät nyaˈijxëm ko nwintsëˈkëm ja jäˈäy ets tijaty myëbëjkypy?

³ Ko xymyëtmaytyäˈägët ja jäˈäy, wintsëˈëgë extëm wyinmay. Betel diˈib Estados Unidos, jyënaˈany: “Jëjpˈam ets nwintsëˈkëm ja madakën diˈib myëdäjtypy tuˈuk tuˈugë jäˈäy parë twinˈixët ti myëbëkaampy. Pääty, en lugäär ndukˈijxëm ja jäˈäy ko kyaj tyëyˈäjtënëty ti myëbëjkypy, mas oy ko nduˈunëmë yajtëˈëwën diˈib yajwinmayëdëp ets këˈëm tmëwinmäˈänybyäädët”. Duˈun ttuny tuˈugë sirkuitë. Ko tmëdooˈijtäˈäy wiˈix ja jäˈäy wyinmay, ta net dyajtëy: “¿Ets të tyäˈädë ja tuk pëky xyˈokwinmaabyë?”. Ta net tˈakˈyajnëjkxy ja myaytyaˈaky.

4. ¿Ti mbäät nmëdäjtëm winmäˈänyoty ko nmëtmaytyakëmë budista?

⁴ Parë mayë jäˈäy diˈib budista, kyaj jyaˈˈatyë Dios. Ets näägë nmëguˈukˈäjtëm diˈib Gran Bretaña, oy të wyimbëtsëˈëmxëdë ko tmëtmaytyäˈäktë duˈumbë jäˈäy ko dyajtundë foyetë Cómo hallar paz y felicidad duraderas. Jawyiin tnimaytyäˈäktë mä tyim tsondaˈaky, ta net tˈixtë mä jyënaˈany “¿Existe un Creador todopoderoso?”. Ets ko jatëgok tninëjkxtë, ta tnimaytyäˈäktë mä jyënaˈany “Una guía para toda la humanidad”. Taanëmë net tˈixtë pën mbäät tˈawanëdë liibrë ¿Ti tukniˈijxëbë Biiblyë?, ets tˈanëëmëdë: “Mëjwiin kajaa mbudëkëyaˈanyëty ko xyˈëxpëkëdë Biiblyë, oy xykyamëbëkyë Dios, pesë Biiblyë myëmiimbyë oybyë käjpxwijën”. Tuˈugë prekursoor diˈib yˈëxtaabyë jäˈäy diˈib kyäjpxtëbë chino jap Estados Unidos, jyënaˈany: “Jantsy nekykyäjpxtëbë jäˈäy mäjëtsë nderritooryë, pes kojëts nijëmbittë diˈib ojts dyajwëˈëmdë ëxpëjkpajn të tnakäjpxtäänyëdë. Perë nimaybyë tsip tjaygyukëdët tiko yaˈˈawanëdë parë yajtukˈëxpëktëdë Biiblyë. Pääty kojëts tim jawyiin ninëjkxtë, yëˈëjëts nˈawäˈänëbë foyetë Oybyë ayuk, diˈib të kyojy parë mëdë jäˈäy nimaytyakëm”. Tuˈugë sirkuitë diˈib kyuˈijxëbë naymyujkën chino jap Estados Unidos, wyinmay ko nan mbäät yaˈˈawanë liibrë ¿Ti tukniˈijxëbë Biiblyë? ko tim jawyiinë duˈumbë jäˈäy nmëtmaytyakëm. Jeˈeyë ko mas oy ko nyajtsondakëm mä kapitulo 2, mä aduˈuk tnimaytyaˈagyë Biiblyë, ets kyaj mä kapitulo 1 mä tnimaytyaˈagyë Dios.

5. ¿Tiko jyëjpˈamëty nmaˈkxtujkëm?

⁵ Kyaj mbäädë jäˈäy pojënë tmëbëkyë Dios, pääty jëjpˈam ets nmaˈkxtujkëm. Kyaj jeˈeyë tsyekyëty tëgok nmëtmaytyakëm parë tmëbëkët ko tam pën të xyajkojëm. Mbäät kanäkˈok nnijëmbijtëm ets taanëm jyënäˈänët ko waˈan jyamëtyë Dios o tjaygyukët tiko wiink jäˈäy tmëbëktë ko tamë Dios.

6. ¿Tiko näägë jäˈäy kyaj tkupëktë tijatyë Biiblyë tukniˈˈijxëp?

⁶ Pënaty kyaj tmëbëktë Biiblyë o kyaj ttsojkënyëˈattë. Nbatëmë jäˈäy diˈib myëbëjktëbë Dios, per kyaj tmëbëktë ko Biiblyë yëˈë Diosë yˈAyuk, ets pääty kyaj tnijawëyäˈändë ti Biiblyë myaytyakypy. Duˈun jyaty mä it lugäär mä mayë jäˈäy kyaj tmëbëktë Jesus ets wyinmaytyë ko Biiblyë tsyoony tsäjptëgoty. Nanduˈun jyaty mä jäˈäy tmëbëktë Kristë, per kyaj tnekyyajtsobäättë ja käjpxwijën diˈibë Biiblyë myëmiimpy. Pääty parë tˈoymyëdowdëdë Biiblyë ets nyaˈëxpëjkëm mëdë liibrë ¿Ti tukniˈijxëbë Biiblyë?, ¿ti mbäät nduˈunëm?

7. ¿Ti mbäät nduˈunëm parë jäˈäy tˈoymyëdowëdë Biiblyë?

⁷ Betel diˈib Grecia, tkujäˈäyë: “Mbäät mas oy nbudëjkëm pënaty kyaj ttsojkënyëˈatyë Biiblyë ko nyaˈpwäˈkxëm ets ndukˈijxëm wiˈix jyënaˈany. Mayë nmëguˈukˈäjtëm të tpëktë kuentë ko mas niˈigyë jäˈäy jyotjäˈtëty extëmë Biiblyë jyënaˈany ets kyaj dyuˈunëty wiˈix nˈanmäˈäyëm (Eb. 4:12). Mët yëˈëyë ko nääk tˈixtë ko tapë Diosë xyëë myiny mä Biiblyë, ta niˈigyë tnijawëyäˈändë”. Etsë Betel diˈib India, tkujäˈäyë: “Pënaty tyukˈijtëdëbë relijyonk hindú jyantsy yˈoymyëdoodëp wiˈixë Biiblyë tmaytyaˈagyë jukyˈäjtën etsë oˈkën. Nan nyijawëyandëp ko Dios wyandakypy tuˈugë jukyˈäjtënë mä niˈamukë jäˈäy ak tuknax nyayˈixäˈänëdë, ets kyaj pën yajjäämˈixäˈäny yajnääxˈixäˈäny”. Ko nmaytyakëm tijatyë jäˈäy myëmääy myëdäjtëp, mbäät dyaˈˈawäˈätsyë jënˈää tëjkˈää parë net nyaˈpwäˈkxëmë Biiblyë ets ndukˈijxëm wiˈixë Diosë Kyutujkën dyajjëjptëgoyaˈanyë tyäˈädë jotmay.

8. ¿Wiˈix mbäädë jäˈäy nˈanmäˈäyëm diˈib tëgatsy yˈijxypyë Biiblyë mët ko relijyonk diˈib myëbëjktëbë Kristë axëëk të dyajtuny?

⁸ Pën tuˈugë jäˈäy tëgatsy tˈixyë Biiblyë mët ko relijyonk diˈib myëbëjktëbë Kristë axëëk të dyajtundë, jëjpˈam ets ndukˈijxëm ko tijatyë tyäˈädë jäˈäy tyuundëp ets tukniˈˈijxëdëp kyaj duˈunë Biiblyë jyënaˈany. Betel diˈib India, duˈun tkujäˈäyë: “Näˈäty, jëjpˈam ets nyajjëgakëm mä jäˈäyë wyinmäˈäny ko abëkyë Biiblyë ets abëkyë relijyonk diˈib myëbëjktëbë Kristë”. Ets yˈakjënäˈäny ko jäˈäy diˈib hindú yˈoymyëdoodëbë foyetë ¿Qué propósito tiene la vida? ¿Cómo descubrirlo?, ëxpëjkën 4 mä tnimaytyaˈaky wiˈixë relijyonk të tjayajkutëgoyaˈanyë Diosë yˈAyuk o të tjayajmäˈädäˈäny. Tuˈugë prekursoor diˈib Brasil duˈunë jäˈäy tˈanëëmë: “Mayë jäˈäy tkäjpxtë Biiblyë parë jeˈeyë tˈixtë ti myëmiimpy ets kyaj tyimtsekyëty ttukˈitët tuˈugë relijyonk. ¿Tiko mijts duˈun xykyatuny? Mbäät duˈunyë mwëˈëmë ko xykyäjpxët”.

9. Ko pën xyˈanmäˈäyëm ko kyaj tˈëxpëkäˈänyë Biiblyë, ¿tiko kyaj yˈoyëty nˈëxtëkëwäˈkëm?

⁹ Jyobaa yëˈë yˈijxypy wiˈixë jäˈäyë kyorasoon yajpääty (1 Sam. 16:7; Prov. 21:2). Ets yëˈë myëjwoopy mä relijyongë tëyˈäjtënbë diˈib oyë kyorasoon (Fwank 6:44). Mayë jäˈäy kyaj tˈixyˈattë Dios ets ni tkaˈëxpëktë Biiblyë. Per ko ngäjpxwäˈkxëm, ta yˈawäˈätsy ja nëˈë tuˈu parë nyitsoˈoktët ko “tjaygyukëdët diˈibë dën tëyˈäjtën” (1 Tim. 2:4). Pääty, kyaj yˈoyëty nˈëxtëkëwäˈkëm ko pën xyˈanmäˈäyëm ko kyaj tˈëxpëkäˈänyë Biiblyë. Nˈokˈëxtäˈäyëm mä ëxpëjkpajn diˈib mbäät tˈoymyëdoy. Ets ko tiempë tpäädët, ta nyajtuˈunëmë liibrë ¿Ti tëyˈäjtën jantsy tukniˈijxëbë Biiblyë? diˈib nyajtuˈunëm parë jäˈäy nyaˈëxpëjkëm.

[Dibujë mä pajina 4]

Pën ja jäˈäy jënäämp ko kyaj tmëbëkyë Dios

• Parë nnijäˈäwëm tiko kyaj tmëbëkyë Dios, mbäät nyajtëˈëwëm: “¿Ets duˈunyëm kyaj xymyëbëkyë Dios?”.

• Pën ja jäˈäy budista, ta nyajtuˈunëmë foyetë Cómo hallar paz y felicidad duraderas, pajina 9-12.

• Pën yëˈë nyitsiptuumbyë evolución, mbäät nyajtuˈunëmë tyäˈädë ëxpëjkpajn:

Artikulo diˈib miimp mä ¡Despertad!, “¿Casualidad o diseño?”

Bideo Las maravillas de la creación revelan la gloria de Dios

Foyetë Cómo lograr una vida llena de satisfacción, ëxpëjkën 4, ¿Es la vida obra de un Creador? etsë El origen de la vida. Cinco cuestiones dignas de análisis

• Pën ja jäˈäy kyaj tmëbëkyë Dios mët ko jyaˈˈatyë naytyëytyunë etsë ayoˈon, mbäät nyajtuˈunëmë tyäˈädë ëxpëjkpajn:

Liibrë ¿Existe un Creador que se interese por nosotros?, kapitulo 10

Foyetë ¿De veras se interesa Dios por nosotros?, expëjkën 6 etsë ¿Qué propósito tiene la vida? ¿Cómo descubrirlo?, ëxpëjkën 6

• Jantsy jeˈeyë ja jäˈäy tkupëkët ko waˈan jyamëtyë Dios, mbäädë net nˈawäˈänëmë liibrë ¿Ti tukniˈijxëbë Biiblyë?, ets nˈëxpëjktsondakëm mä kapitulo 2 o diˈib yˈoymyëdoopy.

[Dibujë mä pajina 5]

Pën ja jäˈäy jënäämp ko kyaj tmëbëkyë Biiblyë

• Nyajtuˈunëmë liibrë La vida... ¿cómo se presentó aquí? ¿Por evolución, o por creación?, kapitulo 17 ets 18.

• Pën ja jäˈäy hindú, ta nyajtuˈunëmë foyetë ¿Por qué debemos adorar a Dios con amor y verdad?

• Pën ja jäˈäy judiyë, ta nyajtuˈunëmë foyetë ¿Habrá algún día un mundo sin guerra?, pajina 3-11 (kyaj yˈokpëtsëëmnë amxan).

• Nˈoktukˈijxëm ja jäˈäy wiˈix xypyudëjkëm ko nbaduˈunëmë Biiblyë kyäjpxwijën. Ets mbäät nyajtuˈunëmë tyäˈädë ëxpëjkpajn:

Artikulo diˈib miimp mä ¡Despertad!, “Ayuda para las familias”

Bideo La Biblia: el poder que ejerce en su vida

Foyetë Oybyë ayuk diˈib tsoˈomp mä Dios, ëxpëjkën 9 ets 11, Un libro para todo el mundo, pajina 22-26 (kyaj yˈokpëtsëëmnë amxan) ets Cómo lograr una vida llena de satisfacción, ëxpëjkën 2

Pën ja jäˈäy budista, ta nyajtuˈunëmë foyetë El camino de la paz y la felicidad, pajina 3-7

Pën ja jäˈäy musulmán, ta nyajtuˈunëmë foyetë La fe verdadera, la puerta a una vida feliz, ëxpëjkën 3

Pën mä ja territooryë kyaj jäˈäy tmëbëktë Biiblyë, oy ko mä tim jawyiin ninëjkxëm kyaj nˈanmäˈäyëm mä tsyoony ja käjpxwijënë diˈib ndukmëtmaytyakëm

• Nˈoktukmëtmaytyakëm wiˈix të yˈadëy tijatyë Biiblyë ojts tnaskäjpxë. Mbäät nyajtuˈunëmë tyäˈädë ëxpëjkpajn:

Bideo La Biblia: historia exacta, profecía confiable

Foyetë Un libro para todo el mundo, pajina 27-29 (kyaj yˈokpëtsëëmnë amxan)

• Jantsy jeˈeyë nˈijxëm ko ja jäˈäy nyijawëyaampy niˈigyë tijatyë Biiblyë myaytyakypy, mbäädë net nˈawäˈänëmë liibrë ¿Ti tukniˈijxëbë Biiblyë?

[Dibujë mä pajina 6]

Ko pën jyënäˈänët: “Kyajts nmëbëkyë Dios”

• Mbäät nyajtëˈëwëm: “¿Mnijäˈäwëp tikots ëjts të nmëbëky ko tam pën diˈib të xyajkojëm?”. Ta net ndukmëtmaytyakëm tuk pëky majtsk pëky diˈib miimp mä liibrë Razonamiento, pajina 87-89. Nan mbäät nˈanmäˈäyëm ko nmënëjkxäˈänëm tuˈugë ëxpëjkpajn diˈib të xypyudëjkëm.

• Mbäät nyajtëˈëwëm: “Ets koxyëp jyamëty pën të xyajkojëm, ¿wiˈixxyëp xytsyeky ets jyaˈayˈatët?”. Mayë jäˈäy ta yˈatsowdë ko paˈˈayoopxyëp, oyxyëp jyaˈayˈaty, niˈamukëxyëbë jäˈäy ttsojktäˈäy ets tëyˈäjtën myëëtxyëp tijaty ttuny. Ko nety të xyˈatsoˈowëm, mbäädë net ndukˈijxëm mëdë Biiblyë ko Dios myëdäjtypyë oybyë jäˈäyˈäjtën. (Mbäät nëjkxëm mä liibrë ¿Ti tukniˈijxëbë Biiblyë?, kapitulo 1 ets nˈëxpëjktsondakëm mä parrafo 6.)

Ko pën jyënäˈänët: “Kyajts nmëbëkyë Biiblyë”

• Mbäät nˈatsoˈojëm: “Mayë jäˈäy duˈun wyinmaytyë extëm mijts. Ta nääk diˈib jënandëp ko Biiblyë kyaj mbäät xypyudëjkëm mä tyäˈädë tiempë o ko kyaj tuknax myaytyaˈaky ko yaˈijxkijpxyë mët diˈibë ëxpëkyjyaˈay yˈëxpëjkpëtsëëmdëp. Per ¿të mijts xykyajpxyë? [Waˈan tˈatsoojëmbity. Ta net nˈëxpëjkëmë foyetë Cómo lograr una vida llena de satisfacción, ëxpëjkën 3 parrafo 1 ets 2.] Mbäät kojëts jatëgok nminy, ta ndukˈixët mä tyäˈädë foyetë tuˈuk majtskë käjpxwijën diˈibë Biiblyë myëmiimpy”.

• O nˈanmäˈäyëm: “Nanduˈunëts mayë jäˈäy xyˈatsowdë. Per njatukˈixaampy tuˈugë tekstë diˈibëts duˈunyë ojts xyajwëˈëmë [ta ngäjpxëmë Job 26:7 o Isaías 40:22, diˈib xytyukˈijxëm ko Biiblyë tëyˈäjtën tnigajpxy tijatyë ëxpëkyjyaˈay yˈëxpëjkpëtsëëmdëp]. Biiblyë nan myëmiimpy mayë käjpxwijën diˈib mbäät pyudëkëdë familyë. Njatsojkënyëˈajtypyëts jatëgok njëmbitäˈäny parë ndukˈixët”.

• Nan mbäät nˈanmäˈäyëm: “Oy ko xynyigajpxy wiˈix mwinmay. Per wiˈix mˈokjënäˈäny, koxyëbë Dios ojts dyajjäˈäyëty tuˈugë liibrë parë ëtsäjtëm, ¿tixyëp jap yajkujäˈäyë?”. Ta net ndukˈijxëm mä Biiblyë extëmë nety ja jäˈäy të yˈatsoy.