Premier fois ki ou’nn joinde enn dimoune, eski ou’nn montré li couma enn l’etude la Bible deroulé?

Kan propose bann dimoune enn l’etude la Bible, certain dire ki zot pa interessé ou-soit ki zot deja pé etudié la Bible dan zot l’eglise. Parski zot pa koné ki fason ki nou etudié la Bible li different ar fason ki bann lezot groupe religieux faire, zot pa koné ki quantité kitsoz zot kapav aprann ek ki sa kapav enn l’experience ki faire zot plaisir. Alors, dan place ki ou zis offert enn l’etude premier fois ki ou joinde enn dimoune, kifer ou pa prend deux-trois minute pou montré couma enn l’etude la Bible deroulé? Anou prend enn l’exemple: Pa zis dire zot ki ou enn bon cuisinier ek ou propose pou retourne avek enn repas; laisse zot gouté desuite! C’est seki ou kapav faire dan deux-trois minute, basé lor suggestion ki trouve dan Ministère du Royaume janvier 2006, page 6:

“Eski ou pensé ki enn jour sa bann parole-la pou realisé? [Lire Isaïe 33:24, ek laisse dimoune-la reponn.] Laisse mo montré ou enn kitsoz interessant lor sa sujet-la.” Donne dimoune-la enn livre Ki la Bible enseigné vrai-mem?, ek montré li paragraphe 22 dan page 36. Lire question ki trouve enba dan page-la, ek demann dimoune-la pou rod reponse pendant ki ou pé lire paragraphe-la. Apré ré-pose question-la, ek ecoute seki dimoune-la dire. Lire enn lot verset la Bible ensam. Souleve enn question ki ou pou reponn pendant ou prochain visite, ek faire bann l’arrangement precis pou retourné. Ou finn commence enn l’etude la Bible!