Elañe Ej Wor Tõbrak ko, Kajerbale!
1 Ad Jerbal Ñõn Ailiñ Eo ej wõnmanlok im letok ñõn kij elõñ kain ennan ko rej rejañ kaki ñõn ad kajerbali ilo jerbal in kwalok nan. Men in ej letok ñõn kij lemnak ko rekãl kin ewi wãwen jemaroñ kaitoklimoen armij kin ennan in Ailiñ eo. Emaroñ bwe kwoj kate yuk kajjojo alliñ ñõn katak kin juõn ak elõñlok ian ennan kein. Bõtab, jet ri kwalok ro remaroñ lo bwe ilo ien eo rar kajerbal juõn iair jejjo wõt alen, bar juõn Ad Jerbal Ñõn Ailiñ Eo ej letok ennan ko rekãl. Alikar ejjab aolep renaj maroñ katak juõn ennan ekãl mokta jen ej maroñ kili juõn jen eo mokta.
2 Emol, ewor elõñ thousand pioneer im ri kwalok ro jet me rej kajerbal elap ien ilo jerbal in kwalok nan. Bareinwõt, elõñ congregation ko rej jerbale aolep territory ko air elikin jejjo week ko. Ilo wãwen kein, ri kwalok ro rej kamolol bwe ewor wãwen im lemnak ko rekãl ñõn kwalok ennan eo. Men in ej jibañ ir ñõn kakõmõnmõnlok kabel ko air. Ej bareinwõt kõmmõn bwe jerbal eo air en laplok an wor itoklimo ie im tõbrak ko im ej jibañ ir ñõn jelmae aitwerõk ko rej iioni.
3 Ilo jabdewõt wãwen ko am, elañe kwar keboj juõn ennan me ebolemen in kaitoklimoen armij, wõnmanlok im kajerbali! Ejjab juõn men in aikwij ñõn kabõjrak am kajerbal juõn ennan ebolemen me ej walok tõbrak ko. Ilo lamwan kõmmõn bwe en jejjet ñõn book eo kwoj leloke ilo alliñ eo. Ñe kwoj elij ennan ko rej rejañ kaki ilo Ad Jerbal Ñõn Ailiñ Eo, kabukõt point ko rej kaitoktoklimo me kwo maroñ kõnan kajerbali ilo ennan eo am.
4 Inem ñe kwoj bõk juõn copy in Ad Jerbal Ñõn Ailiñ Eo ekãl, kememej bwe ennan ko ie rej baj ennan ko rej rejañ kake. Elañe kwo maroñ kajerbali, emõn. Ak elañe emwij am lo juõn ennan me ewor tõbrak ilo territory eo am, kajerbale! Men eo eaorõk ej ñõn “kajejit jerbal eo am” ilo juõn wãwen emõn, bukõt ro rej tellokiir im jibañ ir ñõn erom ri kalor ro.—2 Tim. 4:5.