Kwalok Nan ilo Kajerbal Aõ Buk in Bwebwenato ko Jen Baibel
1 “Men in wõt, kwon lale . . . ñe kwo ab meloklok men ko mejõm rar loi, im ñe rab joko jen buruõm ran ko otemjej in am mour; a kwon kwalok ñõn ro nejõm im ñõn ro jibwõm.” (Dut. 4:9) Kin nan kein, Jehovah ear keboje armij ro an ñõn deloñ ilo Enen Kallimur eo. Aet, ear aorõk bwe ritto im ajiri jimor ren katakin ir bwe ren jab ‘meloklok men ko’ Jehovah ear kõmmõni. Ewor ke oktak rainin ñe jej jutak tõrerein juõn Enen Kallimur elaplok an aibujuij, lõl eo ekãl an Anij?
2 Aõ Buk in Bwebwenato ko Jen Baibel ej juõn kein jerbal emõn ñõn jibañ kij aolep ñõn ‘lale’ kij make. Bwebwenato ko rekaitoktoklimo kin ta eo Jehovah ear kõmmõne ilo ran ko remotlok rej lamwan ak rejjab ilo kajin ajiri. Jeje ko rekilep im pija ko relõñ rej men ko ro redik im ritto jimor rej kamolol kaki. Ñe jej lelok book eo Aõ Buk in Bwebwenato ko Jen Baibel ilo July, kwomaroñ kõnan kajeoñ in kajerbal nan in rejañ kein tok.
3 Ñe kwoj kwalok book eo “Aõ Buk in Bwebwenato ko Jen Baibel” ñõn juõn jemen ak jinen, kwomaroñ kajitõk:
◼ “Kwoj lemnak ke bwe ebin kameleleik Bible eo ñõn ajiri ro? [Kõtlok an uak.] Elõñ ro jemen im jinen rar lo bwe book in ear keie ñõn katakin ajiri ro nejiir kin Bible eo. Ñõn wanjoñok, I kõnan kwalok kin ewi wãwen emaroñ jibañ yuk ñõn kamelele kin melelen “Jar eo an Iroij.” Kabellok book eo Aõ Buk in Bwebwenato ko Jen Baibel ñõn bwebwenato 91, “Jisõs Ej Katakin Ion Juõn Tol,” im kwalok kin ewi wãwen ej kamelele kin ailiñ in Anij ilo juõn wãwen elamwan. Elañe jemen ak jinen ej mol an itoklimo, door book eo. Mokta jen kwoj illok, konono John 17:3 im kajitõk, “Ewi wãwen jemaroñ bõk jelalokjen in ej tellok ñõn mour indio?” Kõmmõn karõk ko ñõn bar jeblak ñõn kwalok uak eo.
4 Ñe kwoj bar jeblak ñõn kamelele kin wãwen eo ñõn bõk jelalokjen in ej letok mour, kwomaroñ ba:
◼ “Iar kallimur ñõn bar jeblak ñõn kwalok ñõn kwe kin ewi wãwen kwomaroñ bõk jelalokjen eo ej tellok ñõn mour indio.” Eliklok ñõn bwebwenato 116 ilo Aõ Buk in Bwebwenato ko Jen Baibel eo im kalikar aorõkin an keini air katak Bible. Kwalok Jen Kõmmõni brochure eo, im kajerbal Katak 1, ñõn wanjoñok kake juõn katak kin Bible.
5 Ilo jerbal eo jen em-ñõn-em elañe jab kwalok nan ilo jabdewõt ien emõn tok, kwomaroñ lelok book eo “Aõ Buk in Bwebwenato ko Jen Baibel” ilo am kajitõk:
◼ “Kwoj lemnak ke bwe lõl in enaj juõn jikin ekamõnõnõ im ainemõn ñõn jokwe ion?” [Kõtlok an uak.] Kwalok pija eo ilo bwebwenato 71 im ba, “Kwojjab kõnan ke jokwe ilo juõn jikin erreo im ainemõn einwõt in?” Kwalok point ko relap jen Isaiah 11:6-9. Elañe armij eo ej itoklimo in kalaplok an katak kin paradise eo, lelok book eo im kamelele kin karõk in jabawõt eo. Ñe kwoj illok, kwomaroñ kajitõk, “Kwo jela ke ñãt Anij enaj kõmmõne lõl in ñõn juõn paradise?” Kõmmõn karõk ñõn bar jeblak ñõn uak kajitõk eo.
6 Ñe kwoj bar jeblak ñõn kamelele kin ñãt lõl in enaj erom juõn paradise, kwomaroñ ba:
◼ “Ien eo lok ke iar bed ijin, Iar kwalok juõn pija kin ewi wãwen naj lõl in ñe ej erom juõn paradise. Rainin I kõnan kwalok bar juõn pija.” Kabellok book eo Aõ Buk in Bwebwenato ko Jen Baibel ñõn bwebwenato 115, im ñe ri mweo ej lale pija eo, konono Revelation 21:3, 4. Inem kwomaroñ ba, “Elañe kwo kõnan mour ilo juõn paradise, ewor juõn men me Anij ej aikwij jen yuk.” Kwalok Jen Kõmmõne brochure eo im jino juõn katak kin Bible ilo Katak 1.
7 Nan ko ñõn Jino Bwebwenato ko: Ej lõñ men in jibañ katakin ilo Aõ Buk in Bwebwenato ko Jen Baibel me kwomaroñ kajerbali ñõn jino bwebwenato ko ilo ien lolok eo mokta ak ñe kwoj bar jeblak. Kwomaroñ jino juõn bwebwenato ilo am baj kajitõk juõn kajitõk ekkar. Ñõn wanjoñok, lale kajitõk kein im bwebwenato ko ijo kwomaroñ lo uak eo ie:
“Anij ear Karõk ke bwe Adam im Eve Ren Etal ñõn Lõñ?” (3)
“Etke Jej Rittolok im Mij?” (5)
“Ri Inea ro Rar Mour ke ion Lõl?” (8)
“Etke Anij Ear Kõmmõn Iia ko?” (11)
“Ta eo Ej Walok ñõn Ro Jitenburu Ibbed Rej Mij?” (92)
“Etke Jesus ear Kõmmõn Men in Kabwilõñlõñ ko?” (93, 96)
“Elap ke Tokjen Wãwen Am Kabuñ?” (108)
8 Kwomaroñ eliklok ñõn bwebwenato ko kwar kãlete ilo Aõ Buk in Bwebwenato ko Jen Baibel im kamelele kin point eo kwoj bwebwenato kake. Inem kõmmõn karõk ñõn bar jeblak ilo am bõkmantak juõn kajitõk ekkar me Jen Kõmmõne brochure eo elañe jab book eo Mour Indrio enaj uake. Jab meloklok in kir ri mweo ñõn Public Meeting eo im door juõn handbill. Lelok ñõn armij ien eo emõn ñõn jabawõt ñõn jerbal eo ad, bõlen ilo am ba, “Jet rekõnan kõmmõn jidik jabawõt ñõn jerbal eo am ibelakin lõl.”
9 Armij ro emol burueir rej aikwij jela kin men ko remõn Jehovah ear kõmmõni, im kin kallimur ko an kin ran ko renaj itok. Inem, jen wõnmanlok im “jerbal im kate kij, bwe jej kejatdikdik kij kin Anij emour, Eo ej kõnan lomoren armij otemjej, im E naj lomoren ro rej liki E.”—1 Tim. 4:10.