യുവജ​നങ്ങൾ ചോദി​ക്കു​ന്നു . . .

ഗതി​ഭേ​ദിത റോക്ക്‌ സംഗീതം അതെനി​ക്കു​ള്ള​തോ?

“ഞങ്ങൾ യുവജ​നങ്ങൾ അഭിമു​ഖീ​ക​രി​ക്കുന്ന വ്യത്യസ്‌ത പ്രശ്‌ന​ങ്ങ​ളെ​യും അനുഭ​വ​ങ്ങ​ളെ​യും പറ്റിയുള്ള പാട്ടു​ക​ളോട്‌ എനിക്ക്‌ അനുഭാ​വ​മുണ്ട്‌.”—15 വയസ്സു​കാ​രൻ ജോർജ്‌.a

“അതിനു പോപ്പ്‌ സംഗീ​ത​ത്തി​ന്റെ​യും ഹെവി​മെ​റ്റ​ലി​ന്റെ​യും ഇടയി​ലുള്ള നിലവാ​ര​മാ​ണു​ള്ളത്‌.”—19 വയസ്സു​കാ​രൻ ഡാൻ.

“അതു പുത്തനാണ്‌, വ്യത്യ​സ്‌ത​മാണ്‌, വൻതോ​തിൽ ഉത്‌പാ​ദി​ത​മാ​കുന്ന മുഖ്യ​ധാ​രാ​സം​ഗീ​ത​ത്തിൽപ്പെ​ടു​ന്നതല്ല.”—17 വയസ്സു​കാ​രി മരിയ.

ഗതി​ഭേ​ദിത റോക്ക്‌ സംഗീതം. പല യുവജ​ന​ങ്ങൾക്കും അതു കേൾക്കാൻ ഇഷ്ടമാണ്‌. ചില മുതിർന്ന​വരെ ഇത്‌ അസ്വസ്ഥ​രാ​ക്കു​ന്നു. പ്രാഥ​മി​ക​മാ​യി, അതെന്തർഥ​മാ​ക്കു​ന്നു എന്നു മിക്ക മാതാ​പി​താ​ക്കൾക്കും കാര്യ​മാ​യി അല്ലെങ്കിൽ ഒട്ടും അറിയില്ല.

ഗതി​ഭേ​ദി​ത റോക്ക്‌ സംഗീതം എന്നാൽ എന്താ​ണെന്നു കൃത്യ​മാ​യി വിശദീ​ക​രി​ക്കുക എളുപ്പ​മ​ല്ലെന്നു സമ്മതി​ക്കു​ന്നു. തുടക്ക​ത്തിൽ, എന്തെങ്കി​ലും വ്യത്യ​സ്‌ത​മാ​യത്‌, റേഡി​യോ​യി​ലൂ​ടെ കേൾക്കുന്ന ജനപ്രീ​തി​യാർജിച്ച മുഖ്യ​ധാ​രാ സംഗീ​ത​ത്തിൽനി​ന്നും ഗതി​ഭേദം ഭവിച്ച ഒന്ന്‌ ആഗ്രഹി​ച്ചി​രുന്ന യുവജ​ന​ങ്ങ​ളു​ടെ സംഗീ​ത​മാ​യി​രു​ന്നു ഇത്‌. ഇതി​ന്റെ​യെ​ല്ലാം തുടക്കം, പ്രാ​ദേ​ശിക കോ​ളെജ്‌ റേഡി​യോ നിലയങ്ങൾ ഫലത്തിൽ തീർത്തും അറിയ​പ്പെ​ടാ​തി​രുന്ന ഗായക സംഘങ്ങൾക്ക്‌—വാണിജ്യ സംഗീത വ്യവസാ​യ​ത്തിൽനി​ന്നു നേട്ടം കൈവ​രി​ക്കു​ന്ന​തി​നു തങ്ങളുടെ സംഗീ​ത​ത്തി​നു മാറ്റം വരുത്താ​ത്ത​തിൽ അഭിമാ​നി​ക്കുന്ന സംഗീ​ത​ഗ്രൂ​പ്പു​കൾക്ക്‌—പ്രക്ഷേ​പ​ണ​സ​മയം അനുവ​ദി​ച്ച​പ്പോ​ഴാ​യി​രു​ന്നു​വെന്നു ചിലർ പറയുന്നു. ഈ പുതിയ വിഭാഗം സംഗീ​തജ്ഞർ മുഖ്യ റെക്കോ​ഡിങ്‌ കമ്പനി​ക​ളെ​യും സംഗീത വീഡി​യോ​കൾ പോലുള്ള വൻകിട വിപണ​ന​ത​ന്ത്ര​ങ്ങ​ളെ​യും അവഗണി​ച്ചു. മാത്രമല്ല, അവർ എഴുതിയ വിഷയങ്ങൾ ഏറ്റവും ജനപ്രീ​തി​യാർജിച്ച 40 പാട്ടു​ക​ളിൽ അപൂർവ​മാ​യി മാത്രം ഉൾപ്പെ​ടു​ത്ത​പ്പെ​ട്ട​വ​യാ​യി​രു​ന്നു.

ഹെവി​മെ​റ്റൽ, റാപ്പ്‌ സംഗീ​ത​ത്തിൽനി​ന്നു വ്യത്യ​സ്‌ത​മാ​യി ഗതി​ഭേ​ദിത റോക്ക്‌ സംഗീതം അത്ര എളുപ്പം തിരി​ച്ച​റി​യാ​വു​ന്ന​തോ തരംതി​രി​ക്കാ​വു​ന്ന​തോ അല്ല. സംഗീത വ്യവസാ​യ​ത്തി​ലെ വിദഗ്‌ധർ പോലും ഗതി​ഭേ​ദിത റോക്ക്‌ കൃത്യ​മാ​യി എന്താ​ണെ​ന്ന​തി​ന്റെ കാര്യ​ത്തിൽ യോജി​പ്പി​ലെ​ത്തി​യി​ട്ടില്ല. അതിനു കാരണം, അതിന്റെ പേരു സൂചി​പ്പി​ക്കു​ന്ന​തു​പോ​ലെ​തന്നെ അതിൽ വിപു​ല​വൈ​വി​ധ്യ​മാർന്ന ശബ്ദങ്ങളും ഭാവങ്ങ​ളും വികാ​ര​ങ്ങ​ളും ഉൾക്കൊ​ള്ളു​ന്നു എന്നതാണ്‌. ഒരു ചെറു​പ്പ​ക്കാ​രൻ പറഞ്ഞു: “അതിനെ ഒരു പ്രത്യേക വകുപ്പിൽപ്പെ​ടു​ത്തുക പ്രയാ​സ​മാണ്‌. അതിൽ ആധുനിക സംഗീ​ത​ത്തി​ന്റെ വിപു​ല​മായ മണ്ഡലം ഉൾക്കൊ​ള്ളു​ന്നു.” മറ്റൊരു യുവാവു കൂസലി​ല്ലാ​തെ ഇങ്ങനെ പറഞ്ഞു: “അതെ​പ്പോ​ഴും, ഉച്ചത്തി​ലു​ള്ള​തോ മൃദു​സ്വ​ര​ത്തി​ലു​ള്ള​തോ, വേഗത്തി​ലു​ള്ള​തോ മന്ദഗതി​യി​ലു​ള്ള​തോ, ആനന്ദക​ര​മോ ദുഃഖ​ക​ര​മോ അല്ല.” ഒരു യുവാവ്‌ “എനിക്കു ഗതി​ഭേ​ദിത റോക്ക്‌ സംഗീതം ഇഷ്ടമാ​ണെന്ന്‌ ഉറപ്പി​ച്ചു​പ​റ​യാൻ കഴിയില്ല. അതെന്താ​ണെ​ന്ന​തി​നെ​പ്പറ്റി എനിക്കത്ര നിശ്ചയ​മില്ല എന്നതു​തന്നെ കാരണം” എന്നു​പോ​ലും സമ്മതി​ച്ചു​പ​റഞ്ഞു.

എന്താ​ണെ​ങ്കി​ലും, ഗതി​ഭേ​ദിത റോക്ക്‌ സംഗീ​ത​ത്തി​ന്റെ കൂടുതൽ അറിയ​പ്പെ​ടുന്ന പല കലാകാ​ര​ന്മാ​രെ​യും ഇപ്പോൾ മുഖ്യ​ധാ​രാ സംഗീ​ത​ത്തി​ന്റെ ഒരു ഭാഗമാ​യി കണക്കാ​ക്ക​ത്ത​ക്ക​വി​ധം ആ സംഗീ​ത​ത്തി​ന്റെ പ്രശസ്‌തി വർധി​ച്ചി​രി​ക്കു​ന്നു. മാത്രമല്ല, ഹെവി​മെ​റ്റ​ലി​നോ​ടോ റോക്ക്‌ സംഗീ​ത​ത്തി​ന്റെ മറ്റു തട്ടു​പൊ​ളി​പ്പൻ സംഗീ​ത​രൂ​പ​ങ്ങ​ളോ​ടോ ഉള്ള എതിർപ്പു വെച്ചു നോക്കു​മ്പോൾ ഈ സംഗീ​ത​രൂ​പത്തെ എതിർക്കാ​നുള്ള പ്രവണത മാതാ​പി​താ​ക്കൾക്കും താരത​മ്യേന കുറവാ​ണെന്നു കാണ​പ്പെ​ടു​ന്നു. എങ്ങനെ​യാ​യാ​ലും, ഏതെല്ലാം സംഗീ​ത​ട്രൂ​പ്പു​ക​ളെ​യാണ്‌ അല്ലെങ്കിൽ ഏതെല്ലാം പേരി​ലുള്ള സംഗീത ആൽബങ്ങ​ളെ​യാണ്‌ ഗതി​ഭേ​ദി​ത​മെന്നു വിളി​ക്കു​ന്ന​തെന്നു പ്രത്യ​ക്ഷ​ത്തിൽ അറിയാ​വുന്ന മാതാ​പി​താ​ക്കൾ വളരെ​ക്കു​റച്ചേ ഉള്ളൂ​വെ​ന്നതു തീർച്ച​യാണ്‌. ഇങ്ങനെ​യെ​ല്ലാം ആണെങ്കി​ലും, ഈ സംഗീ​ത​ത്തി​ന്റെ കാര്യ​ത്തിൽ ഒരളവു​വ​രെ​യുള്ള മുൻക​രു​തൽ ആവശ്യ​മാണ്‌.

ആകർഷ​ണീ​യത എന്തു​കൊണ്ട്‌?

ഉദാഹ​ര​ണ​ത്തിന്‌, എന്തു​കൊ​ണ്ടാ​ണു യുവജ​ന​ങ്ങ​ളിൽ മിക്കവ​രും ഈ സംഗീ​ത​ത്തിൽ ആകൃഷ്ട​രാ​കു​ന്ന​തെന്നു പരിചി​ന്തി​ക്കാം. പലർക്കും അതു സുഹൃ​ത്തു​ക്ക​ളു​മാ​യി ഒത്തു​പോ​കാ​നുള്ള ഒരു സംഗതി മാത്ര​മാണ്‌. അതു സംഭാ​ഷ​ണ​ത്തി​നും ടേപ്പു​ക​ളോ സിഡി-കളോ കൈമാ​റു​ന്ന​തു​പോ​ലുള്ള പ്രവർത്ത​ന​ങ്ങൾക്കും ഒരു പൊതു അടിസ്ഥാ​ന​വും പ്രദാനം ചെയ്യുന്നു.

എങ്കിലും, മിക്ക യുവജ​ന​ങ്ങളെ സംബന്ധി​ച്ചും ഗതി​ഭേ​ദിത റോക്ക്‌ സംഗീ​ത​ത്തി​ന്റെ പ്രത്യേക ശൈലി​യും അതിന്റെ സന്ദേശ​വു​മാണ്‌ അതിനെ ഇത്ര ആകർഷ​ക​മാ​ക്കു​ന്നത്‌. പ്രത്യേ​കിച്ച്‌, ഗാനര​ച​യി​താ​ക്ക​ളു​ടെ അനുഭ​വ​ങ്ങ​ളോ​ടും വികാ​ര​ങ്ങ​ളോ​ടും തങ്ങൾ താദാ​ത്മ്യം പ്രാപി​ക്കു​ന്ന​താ​യി മിക്ക യുവജ​ന​ങ്ങ​ളും കണ്ടെത്തു​ന്നു. ടൈം മാഗസി​ന്റെ ഒരു കവർ ലേഖന​പ​രമ്പര ഈ വിഷയ​ത്തെ​പ്പറ്റി ഇങ്ങനെ വിശദീ​ക​രി​ച്ചു: “പോപ്പ്‌ സംഗീതം മിക്ക​പ്പോ​ഴും പ്രേമ​ത്തെ​ക്കു​റി​ച്ചാ​യി​രി​ക്കു​മ്പോൾ, ഗതി​ഭേ​ദിത റോക്ക്‌ സംഗീതം സാധാ​ര​ണ​മാ​യി കുറേ​ക്കൂ​ടി കടുത്ത വികാ​ര​ങ്ങ​ളാ​ണു കൈകാ​ര്യം ചെയ്യു​ന്നത്‌: നിരാശ, കാമാ​സക്തി, സംഭ്രമം തുടങ്ങി​യവ. . . . നിങ്ങൾ കൗമാ​ര​പ്രാ​യ​ത്തി​ലോ 20-കളിലോ ആണെങ്കിൽ നിങ്ങളു​ടെ കുടും​ബം ഒരു വിവാ​ഹ​മോ​ച​ന​ത്തി​ലൂ​ടെ കടന്നു​പോ​യി​രി​ക്കാ​നി​ട​യുണ്ട്‌. ഗതി​ഭേ​ദിത റോക്ക്‌ ഒരു വികാ​രോ​ദ്ദീ​പക സംഗീ​ത​മാണ്‌, ഉപേക്ഷി​ക്ക​പ്പെ​ടു​ന്ന​തി​ന്റെ​യും അന്യാ​യ​ത്തി​ന്റെ​യും പരിഹ​രി​ക്ക​പ്പെ​ടാത്ത പ്രശ്‌ന​ങ്ങളെ അതു പ്രതി​പാ​ദി​ക്കു​ന്നു.” അതു​കൊണ്ട്‌, 21-കാരനായ ഒരു കോ​ളെജ്‌ റേഡി​യോ സംഗീത അവതാ​രകൻ ഇങ്ങനെ പറയുന്നു: “അത്‌ എന്നെയും എന്റെ സുഹൃ​ത്തു​ക്ക​ളെ​യും ആകർഷി​ച്ചു, കാരണം ഞങ്ങളുടെ തലമുറ ലോക​ത്തോട്‌ അത്ര വിരക്തി​യു​ള്ള​വ​രാ​യി​രി​ക്കു​ന്നു. സ്‌കൂൾ പഠനത്തി​നു​ശേഷം ഞങ്ങൾക്കു കാര്യ​മായ പ്രതീ​ക്ഷ​യൊ​ന്നു​മില്ല.”

ചില ക്രിസ്‌തീയ യുവജ​ന​ങ്ങ​ളും ഗതി​ഭേ​ദിത റോക്ക്‌ സംഗീതം വളരെ​യ​ധി​കം ഇഷ്ടപ്പെ​ടു​ന്നു. സ്വാഭാ​വി​ക​മാ​യും, മിക്കവ​രും മയമി​ല്ലാ​ത്ത​തും മത്സരാ​ത്മ​ക​വും അക്രമാ​സ​ക്ത​വും അധാർമി​ക​വു​മായ പാട്ടുകൾ ഒഴിവാ​ക്കി​യി​രി​ക്കു​ന്നു. എന്നിരു​ന്നാ​ലും, താരത​മ്യേന നിരു​പ​ദ്ര​വ​ക​ര​മെന്നു കാണ​പ്പെ​ടുന്ന ഇത്തരം പാട്ടു​കൾക്കെ​തി​രെ​യും ഈ യുവജ​ന​ങ്ങ​ളിൽ ചിലർ ശബ്‌ദ​മു​യർത്തി​യി​രി​ക്കു​ന്നു. യുവാ​വായ ഡാൻ ഇങ്ങനെ അഭി​പ്രാ​യ​പ്പെട്ടു: “പാട്ടു​കാ​രിൽ ചിലർ അറിയ​പ്പെ​ടുന്ന പുരു​ഷ​സ്വ​വർഗ​സം​ഭോ​ഗി​ക​ളോ സ്‌ത്രീ​സ്വ​വർഗ​സം​ഭോ​ഗി​ക​ളോ മയക്കു​മ​രു​ന്നു​പ​യോ​ഗി​ക്കു​ന്ന​വ​രോ ആണ്‌. അവരുടെ പാട്ടുകൾ അവരുടെ ജീവി​ത​രീ​തി​യെ പ്രതി​ഫ​ലി​പ്പി​ക്കു​ന്നു.” ജാക്ക്‌ എന്നു പേരുള്ള മറ്റൊരു യുവാവു പറയുന്നു: “ഇന്നത്തെ യുവജ​ന​ങ്ങ​ളെ​യോ അവരുടെ പ്രശ്‌ന​ങ്ങ​ളെ​യോ ഭാവി​യെ​യോ ആരും ഗൗനി​ക്കു​ന്നില്ല എന്നു ചില ഗായക സംഘങ്ങൾ വിചാ​രി​ക്കു​ന്നു. അതു​കൊണ്ട്‌, അവർ അതു തങ്ങളുടെ പാട്ടു​ക​ളിൽ പ്രതി​ഫ​ലി​പ്പി​ക്കു​ന്നു. മിക്കവർക്കും ഒരു ഉദ്ദേശ്യ​മോ പ്രത്യാ​ശ​യോ ഇല്ല.”

ഒരു മുന്നറി​യി​പ്പിൻ വാക്ക്‌

“സർവ്വ​ലോ​ക​വും ദുഷ്ടന്റെ,” പിശാ​ചായ സാത്താന്റെ, “അധീന​ത​യിൽ കിടക്കു​ന്നു”വെന്നു ബൈബിൾ നമ്മോടു പറയുന്നു. (1 യോഹ​ന്നാൻ 5:19) അതു​കൊണ്ട്‌, യുവജ​ന​ങ്ങളെ വഴി​തെ​റ്റി​ക്കാ​നാ​യി സാത്താൻ ഉപയോ​ഗി​ക്കുന്ന മാധ്യ​മ​ങ്ങ​ളി​ലൊ​ന്നാ​ണു സംഗീതം എന്നതു നിങ്ങളെ അതിശ​യി​പ്പി​ക്ക​രുത്‌. ഈ പത്രി​ക​യി​ലെ​യും ഇതിന്റെ കൂട്ടു​മാ​സി​ക​യായ വീക്ഷാ​ഗോ​പു​ര​ത്തി​ലെ​യും മുൻകാല ലേഖനങ്ങൾ ഈ വസ്‌തുത ആവർത്തി​ച്ചു വ്യക്തമാ​ക്കി​യി​ട്ടുണ്ട്‌.b ഹെവി​മെ​റ്റ​ലി​നെ​യും റാപ്പ്‌ സംഗീ​ത​ത്തെ​യും സംബന്ധി​ച്ചു നൽകി​യി​രുന്ന മുന്നറി​യി​പ്പു​കൾ ഗതി​ഭേ​ദിത റോക്ക്‌ സംഗീ​ത​ത്തി​നും ബാധക​മാണ്‌. ബൈബിൾ പറയു​ന്ന​പ്ര​കാ​രം, “സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.”—സദൃശ​വാ​ക്യ​ങ്ങൾ 14:15.

ഒരു സംഗതി, സംഗീ​ത​ത്തി​ലുള്ള നിങ്ങളു​ടെ അഭിരു​ചി​യു​ടെ കാര്യ​ത്തിൽ ഭൂരി​പ​ക്ഷ​ത്തി​ന്റെ പിന്നാലെ പോകു​ന്നതു വിവേ​ക​ശൂ​ന്യ​മാണ്‌ എന്നതാണ്‌. നിങ്ങളു​ടെ തീരു​മാ​നങ്ങൾ മറ്റുള്ള​വർക്കു വിടു​ന്ന​തി​ന്റെ കാര്യ​ത്തിൽ ബാധക​മാ​ക്കാ​വുന്ന ഈ ബൈബിൾ തത്ത്വം ശ്രദ്ധി​ക്കുക: “നിങ്ങൾ ദാസന്മാ​രാ​യി അനുസ​രി​പ്പാൻ നിങ്ങ​ളെ​ത്തന്നേ സമർപ്പി​ക്ക​യും നിങ്ങൾ അനുസ​രി​ച്ചു പോരു​ക​യും ചെയ്യു​ന്ന​വന്നു ദാസന്മാർ ആകുന്നു എന്നു അറിയു​ന്നി​ല്ല​യോ?” (റോമർ 6:16) ഒരു ക്രിസ്‌തീയ യുവാ​വി​നെ സംബന്ധി​ച്ചി​ട​ത്തോ​ളം, പ്രശ്‌നം, ഒരുവന്റെ സമപ്രാ​യ​ക്കാർ എന്ത്‌ അംഗീ​ക​രി​ക്കും എന്നതല്ല, പകരം “കർത്താ​വി​ന്നു പ്രസാ​ദ​മാ​യതു” എന്താണ്‌ എന്നതാണ്‌. (എഫെസ്യർ 5:10) കൂടാതെ, എങ്ങനെ​യുള്ള യുവജ​ന​ങ്ങ​ളാണ്‌ ഗതി​ഭേ​ദിത റോക്ക്‌ സംഗീ​ത​ത്തി​ലേക്ക്‌ ആകർഷി​ക്ക​പ്പെ​ടു​ന്നത്‌? സന്തുഷ്ട​രും സമനി​ല​യു​ള്ള​വ​രും ആത്മീയ​കാ​ര്യ​ങ്ങ​ളിൽ തത്‌പ​ര​രാ​യ​വ​രു​മാ​ണോ? അതോ, അതിന്റെ ശ്രോ​താ​ക്കൾ മുഖ്യ​മാ​യും, അതൃപ്‌ത​രും അസന്തു​ഷ്ട​രും കോപി​ഷ്‌ഠർ പോലു​മോ ആയ യുവാ​ക്ക​ളാ​ണോ?

എങ്കിലും, ഉന്മേഷ​ഭ​രി​ത​വും ആഹ്ലാദ​ക​ര​വു​മായ വ്യക്തി​ത്വ​ങ്ങ​ളുള്ള ചില യുവജ​ന​ങ്ങ​ളും ഗതി​ഭേ​ദിത റോക്ക്‌ സംഗീ​ത​ത്തി​ലേക്ക്‌ ആകർഷി​ക്ക​പ്പെ​ട്ടേ​ക്കാ​മെ​ന്നതു നേരാണ്‌. പക്ഷേ ഇതു പരിചി​ന്തി​ക്കുക: ക്രിസ്‌ത്യാ​നി​കൾക്ക്‌, ചെറു​പ്പ​ക്കാർക്കും പ്രായ​മാ​യ​വർക്കും, തങ്ങളെ​ക്കാ​ത്തി​രി​ക്കുന്ന ഉജ്ജ്വല​മായ ഒരു ഭാവി മുന്നി​ലുണ്ട്‌. (2 പത്രൊസ്‌ 3:13) “ദൈവ​ത്തി​ന്നു ഭോഷ്‌കു​പ​റ​വാൻ കഴിയില്ല,” എന്നു പറഞ്ഞു​കൊണ്ട്‌ പൗലൊസ്‌ അപ്പോ​സ്‌തലൻ ദൈവിക വാഗ്‌ദ​ത്ത​ങ്ങ​ളു​ടെ നിവൃ​ത്തി​യെ​ക്കു​റി​ച്ചു നമ്മെ ഓർമി​പ്പി​ക്കു​ന്നു. (എബ്രായർ 6:18) അങ്ങനെ​യെ​ങ്കിൽ, ചില ഗതി​ഭേ​ദിത റോക്ക്‌ സംഗീ​തങ്ങൾ പ്രകടി​പ്പി​ക്കുന്ന ഭാവിയെ സംബന്ധിച്ച നിരു​ത്സാ​ഹ​പ്പെ​ടു​ത്തു​ന്ന​തും നിഷേ​ധാ​ത്മ​ക​വു​മായ വീക്ഷണ​വു​മാ​യി സമ്പർക്ക​ത്തിൽ വരുന്നത്‌ എന്തു മെച്ചമാ​ണു​ണ്ടാ​ക്കുക? ഭയം, നിരാശ, പ്രത്യാ​ശ​യി​ല്ലായ്‌മ തുടങ്ങി​യവ പ്രതി​ഫ​ലി​പ്പി​ക്കുന്ന സംഗീ​ത​ത്തിൽ അലിഞ്ഞു​ചേ​രു​ന്നതു നിങ്ങളു​ടെ വിശ്വാ​സ​ത്തി​നു തുരങ്കം​വ​യ്‌ക്കു​ക​യി​ല്ലേ? മാത്രമല്ല, അത്തരം സംഗീതം ക്രമമാ​യി കേട്ടാൽ അതു നിങ്ങളു​ടെ വൈകാ​രിക വീക്ഷണ​ഗ​തി​യിൽ എന്തു പരിണ​ത​ഫ​ല​മാ​ണു​ണ്ടാ​ക്കുക?

തിര​ഞ്ഞെ​ടു​ക്കു​ന്ന​വ​രാ​യി​രി​ക്കുക

“ഗതി​ഭേ​ദിത” എന്ന ലേബലുള്ള എല്ലാ സംഗീ​ത​വും അവശ്യം ഹാനി​ക​ര​മോ ദുഷി​പ്പി​ക്കു​ന്ന​തോ ആണെന്നു പറയു​ന്ന​തി​നല്ല ഇത്‌. എന്നാൽ, നിങ്ങൾക്കാ​രെ​ങ്കി​ലും വിഷം തരാൻ ശ്രമി​ക്കു​ക​യാ​ണെന്നു നിങ്ങള​റി​ഞ്ഞു എന്നു സങ്കൽപ്പി​ക്കുക. നിങ്ങൾ ഭക്ഷണം കഴിക്കു​ന്നതു നിർത്തു​ക​യി​ല്ലെ​ങ്കി​ലും, തീർച്ച​യാ​യും നിങ്ങളു​ടെ ഭക്ഷണം ശ്രദ്ധാ​പൂർവം പരി​ശോ​ധി​ക്കും, അല്ലേ? അതു​പോ​ലെ, സാത്താൻ നിങ്ങളു​ടെ വീക്ഷണ​ഗ​തി​യെ​യും മനോ​ഭാ​വ​ത്തെ​യും വിഷലി​പ്‌ത​മാ​ക്കാൻ ശ്രമി​ച്ചു​കൊ​ണ്ടി​രി​ക്കു​ക​യാ​ണെന്ന അറിവ്‌, നിങ്ങൾ തിര​ഞ്ഞെ​ടു​ക്കുന്ന സംഗീതം സംബന്ധി​ച്ചു നിങ്ങളെ ശ്രദ്ധാ​ലു​വാ​ക്കി​ത്തീർക്കണം. ബൈബിൾ പറയു​ന്ന​തു​പോ​ലെ “അണ്ണാക്കു ആഹാരത്തെ രുചി​നോ​ക്കു​ന്നു; ചെവി​യോ വചനങ്ങളെ ശോധന ചെയ്യുന്നു.” (ഇയ്യോബ്‌ 34:3) അന്ധമായി ഭൂരി​പ​ക്ഷത്തെ പിന്തു​ട​രു​ന്ന​തി​നു പകരം, നിങ്ങൾക്കി​ഷ്ട​മുള്ള സംഗീതം ശോധന ചെയ്യുക.

നിങ്ങൾക്കെ​ങ്ങ​നെ അതു ചെയ്യാൻ കഴിയും? “സംഗീതം തെര​ഞ്ഞെ​ടു​ക്കാ​നൊ​രു വഴികാ​ട്ടി” എന്ന പേരി​ലുള്ള ചതുര​ത്തിൽ നിങ്ങൾക്കു പരീക്ഷി​ച്ചു​നോ​ക്കാ​വുന്ന സഹായ​ക​മായ ചില നിർദേ​ശങ്ങൾ ഉണ്ട്‌. നിങ്ങളു​ടെ ക്രിസ്‌തീയ മാതാ​പി​താ​ക്ക​ളോട്‌ നിങ്ങൾക്കി​ഷ്ട​പ്പെട്ട സംഗീ​ത​ത്തെ​പ്പറ്റി അവരെന്തു വിചാ​രി​ക്കു​ന്നു എന്നു ചോദി​ക്കാൻ ശ്രമി​ക്കുക. (സദൃശ​വാ​ക്യ​ങ്ങൾ 4:1) അവരുടെ ഉത്തരങ്ങൾ നിങ്ങളെ അതിശ​യി​പ്പി​ച്ചേ​ക്കാം! തീർച്ച​യാ​യും, നിങ്ങളു​ടെ മാതാ​പി​താ​ക്കൾ നിങ്ങ​ളെ​ക്കാൾ പ്രായ​മേ​റി​യ​വ​രാണ്‌. സംഗീ​ത​ത്തി​ലുള്ള നിങ്ങളു​ടെ അഭിരു​ചി​യോട്‌ ഒരുപക്ഷേ അവർക്ക്‌ ഒത്തു​പോ​കാ​നാ​വി​ല്ലാ​യി​രി​ക്കാം എന്നതു മനസ്സി​ലാ​ക്കാ​വു​ന്ന​തേ​യു​ള്ളൂ. എന്നാൽ, അതിനെ ദുഷി​പ്പി​ക്കു​ന്ന​തും അധഃപ​തി​പ്പി​ക്കു​ന്ന​തും വെറു​ക്ക​ത്ത​ക്ക​തു​മാ​യി കാണുന്ന ഘട്ടത്തോ​ളം അവർക്കു നിങ്ങളു​ടെ സംഗീ​ത​ത്തോട്‌ അനിഷ്ട​മാ​ണെ​ങ്കിൽ, നിങ്ങൾ അവർക്കു പറയാ​നു​ള്ള​തി​നെ അവഗണി​ക്ക​ണ​മോ? “ജ്ഞാനി കേട്ടിട്ടു വിദ്യാ​ഭി​വൃ​ദ്ധി പ്രാപി”ക്കും എന്നു ബൈബിൾ പറയുന്നു.—സദൃശ​വാ​ക്യ​ങ്ങൾ 1:5.

ഈ സംഗീതം നിങ്ങളെ ബാധി​ക്കു​ന്ന​തെ​ങ്ങ​നെ​യെ​ന്നും പരിചി​ന്തി​ക്കുക. അതു നിങ്ങളെ കോപി​ഷ്‌ഠ​നോ മത്സരി​യോ വിഷാ​ദ​മ​ഗ്ന​നോ ആക്കുന്നു​ണ്ടോ? അങ്ങനെ​യെ​ങ്കിൽ, ഇതു നിങ്ങൾ അവഗണി​ക്കാൻ പാടി​ല്ലാത്ത മുന്നറി​യി​പ്പിൻ അടയാ​ള​ങ്ങ​ളാണ്‌! നിങ്ങളു​ടെ പിരി​മു​റു​ക്കം അകറ്റു​ന്ന​തോ സാന്ത്വ​ന​മേ​കു​ന്ന​തോ ആയ അല്ലെങ്കിൽ ഉന്മേഷം പ്രദാനം ചെയ്യുന്ന തരം സംഗീതം എന്തു​കൊ​ണ്ടു കണ്ടെത്തി​ക്കൂ​ടാ?

സംഗീ​ത​ത്തി​ലെ പ്രവണ​തകൾ മാറി​ക്കൊ​ണ്ടേ​യി​രി​ക്കു​ന്നു. ഏറെത്താ​മ​സി​യാ​തെ, സംഗീ​ത​ത്തി​ലെ മറ്റേ​തെ​ങ്കി​ലും ശൈലി​യാ​യി​രി​ക്കും ഏറ്റവും പുതിയ അഭിനി​വേശം. എന്നാൽ മാറി​ക്കൊ​ണ്ടി​രി​ക്കുന്ന ഇത്തരം ഒഴുക്കി​നൊ​ത്തു നീങ്ങരുത്‌. സംഗീ​ത​ത്തി​ന്റെ കാര്യ​ത്തിൽ വിവേ​ച​ന​യു​ള്ള​വ​രും തെര​ഞ്ഞെ​ടു​ക്കു​ന്ന​വ​രു​മാ​യി​രി​ക്കുക. നിങ്ങൾ ശ്രദ്ധി​ക്കു​ന്നത്‌ ആരോ​ഗ്യാ​വ​ഹ​വും കെട്ടു​പ​ണി​ചെ​യ്യു​ന്ന​തു​മാ​ണെന്ന്‌ ഉറപ്പു​ള്ള​വ​രാ​യി​രി​ക്കുക. (ഫിലി​പ്പി​യർ 4:8) സംഗീ​ത​ത്തി​നു നിങ്ങളു​ടെ ജീവി​ത​ത്തി​ലെ അമൂല്യ​വും ആസ്വാ​ദ്യ​വു​മായ ഒരു ഭാഗമാ​യി​രി​ക്കാൻ കഴിയും!

[അടിക്കു​റി​പ്പു​കൾ]

[22-ാം പേജിലെ ആകർഷ​ക​വാ​ക്യം]

“പോപ്പ്‌ സംഗീതം മിക്ക​പ്പോ​ഴും പ്രേമ​ത്തെ​ക്കു​റി​ച്ചാ​യി​രി​ക്കു​മ്പോൾ, ഗതി​ഭേ​ദിത റോക്ക്‌ സംഗീതം സാധാ​ര​ണ​മാ​യി കുറേ​ക്കൂ​ടി കടുത്ത വികാ​ര​ങ്ങ​ളാ​ണു കൈകാ​ര്യം ചെയ്യു​ന്നത്‌: നിരാശ, കാമാ​സക്തി, സംഭ്രമം തുടങ്ങി​യവ.”—ടൈം മാഗസിൻ

[23-ാം പേജിലെ ചതുരം]

സംഗീതം തിര​ഞ്ഞെ​ടു​ക്കാ​നൊ​രു വഴികാ​ട്ടി

◆ആൽബത്തിന്റെ കവർ പരി​ശോ​ധി​ക്കുക. ഇതു മിക്ക​പ്പോ​ഴും സംഗീ​ത​ത്തെ​യും സംഗീ​ത​ജ്ഞ​രെ​യും പറ്റി വളരെ​യ​ധി​കം നിങ്ങ​ളോ​ടു പറയും. അക്രമം, ഭൂതചി​ഹ്നങ്ങൾ, വിചി​ത്ര​മായ വസ്‌ത്ര​ധാ​ര​ണ​വും ചമയവും അല്ലെങ്കിൽ നഗ്നത എന്നിവ ചിത്രീ​ക​രി​ക്കുന്ന കവറുകൾ സംബന്ധി​ച്ചു ജാഗ്രത പുലർത്തുക.

◆വരികളിലുള്ള സന്ദേശം ശ്രദ്ധി​ക്കുക. സംഗീ​ത​ജ്ഞ​രു​ടെ ചിന്തക​ളെ​യും ജീവി​ത​രീ​തി​യെ​യും ഇതു തിരി​ച്ച​റി​യി​ക്കു​ന്നു. നിങ്ങൾ എത്തരം ആശയങ്ങൾ ഉൾക്കൊ​ള്ള​ണ​മെ​ന്നാണ്‌ അവർ ആഗ്രഹി​ക്കു​ന്നത്‌?

◆സംഗീതത്തിന്റെ മൊത്ത​ത്തി​ലുള്ള ശബ്ദം സംഗീ​തജ്ഞർ നിങ്ങൾക്കു​ണ്ടാ​ക​ണ​മെ​ന്നാ​ഗ്ര​ഹി​ക്കുന്ന ഭാവ​ത്തെ​യും വികാ​ര​ങ്ങ​ളെ​യും ധ്വനി​പ്പി​ക്കു​ന്നു—ശോകം, സന്തോഷം, മത്സരം, ലൈം​ഗിക ഉത്തേജനം, പ്രശാന്തത അല്ലെങ്കിൽ നിരാശ തുടങ്ങി​യവ.

◆പ്രസ്‌തുത സംഗീ​ത​സം​ഘ​ത്തി​ലേക്ക്‌ ആകർഷി​ക്ക​പ്പെ​ടുന്ന സാധാരണ ശ്രോ​താ​ക്കളെ പരിഗ​ണി​ക്കുക. അത്തര​മൊ​രു കൂട്ടം ആളുക​ളു​മാ​യും അവരുടെ മനോ​ഭാ​വ​ങ്ങ​ളു​മാ​യും ബന്ധമു​ള്ള​താ​യി തിരി​ച്ച​റി​യി​ക്ക​പ്പെ​ടാൻ നിങ്ങൾ ആഗ്രഹി​ക്കു​ന്നു​വോ?

[23-ാം പേജിലെ ചിത്രം]

മിക്ക യുവജ​ന​ങ്ങ​ളും ഇന്നത്തെ ഗാനങ്ങ​ളി​ലെ വരിക​ളു​മാ​യി താദാ​ത്മ്യം പ്രാപി​ക്കു​ന്നു