യഹോ​വ​യു​ടെ സാക്ഷി​ക​ളെ​ക്കു​റി​ച്ചുള്ള തെറ്റി​ദ്ധാ​ര​ണകൾ തുടച്ചു​നീ​ക്കു​ന്നു

യഹോ​വ​യു​ടെ സാക്ഷി​ക​ളിൽപ്പെട്ട രണ്ടുപേർ വീടു​തോ​റു​മുള്ള പ്രസം​ഗ​വേ​ല​യിൽ, തനിക്കു താത്‌പ​ര്യ​മി​ല്ലെന്നു പറഞ്ഞ ഒരു വ്യക്തിയെ കണ്ടുമു​ട്ടി. സാക്ഷികൾ ഒന്നും മിണ്ടാതെ അവിടം വിട്ടു. എന്നാൽ, അവർ നടപ്പാ​ത​യി​ലൂ​ടെ നടക്കവേ ആ മനുഷ്യൻ തങ്ങളുടെ പിന്നാലെ വരുന്ന​താ​യി അവർ ശ്രദ്ധിച്ചു. “ദയവായി ഒന്നു നിൽക്കൂ!” ആ മനുഷ്യൻ വിളി​ച്ചു​പ​റഞ്ഞു. “എനിക്കു നിങ്ങ​ളോ​ടു മാപ്പു ചോദി​ക്കണം. എനിക്കു സാക്ഷി​ക​ളെ​ക്കു​റി​ച്ചൊ​ന്നും അറിയില്ല. പലർക്കും നിങ്ങ​ളെ​ക്കു​റി​ച്ചു തെറ്റായ വിവര​ങ്ങ​ളാ​ണു ലഭിച്ചി​രി​ക്കു​ന്ന​തെന്നു ഞാൻ കരുതു​ന്നു.”

എന്നിട്ട്‌, താൻ കാലി​ഫോർണി​യ​യി​ലെ ദക്ഷിണ സാൻ ഫ്രാൻസി​സ്‌കോ​യു​ടെ റോട്ടറി ക്ലബ്ബിലെ കാര്യ​പ​രി​പാ​ടി അധ്യക്ഷ​നായ റെനാൻ ഡോമി​ങ്കെസ്‌ ആണെന്ന്‌ ആ മനുഷ്യൻ സ്വയം പരിച​യ​പ്പെ​ടു​ത്തി. ഒരു സാക്ഷി, ക്ലബ്ബിൽ വന്ന്‌ യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങ​ളെ​യും പ്രവർത്ത​ന​ങ്ങ​ളെ​യും കുറിച്ച്‌ ഒരു പ്രസംഗം നടത്തു​മോ​യെന്ന്‌ അദ്ദേഹം ചോദി​ച്ചു. കാര്യ​പ​രി​പാ​ടി തയ്യാറാ​ക്കി. 30 മിനിറ്റ്‌ നേരം സാക്ഷി പ്രസം​ഗി​ക്കും. അതിനു​ശേഷം, സദസ്യ​രിൽനി​ന്നുള്ള ചോദ്യ​ങ്ങൾക്ക്‌ ഉത്തരം നൽകും. അനേകം വർഷമാ​യി സാൻ ഫ്രാൻസി​സ്‌കോ പ്രദേ​ശത്ത്‌ ഒരു സാക്ഷി​യാ​യി​രുന്ന ആർണസ്റ്റ്‌ ഗരെറ്റി​നോട്‌, 1995 ആഗസ്‌ററ്‌ 17-ന്‌ റോട്ടറി ക്ലബ്ബിനു​വേ​ണ്ടി​യുള്ള പരിപാ​ടി നടത്തണ​മെന്ന്‌ ആവശ്യ​പ്പെട്ടു. പിൻവ​രുന്ന അനുഭവം അദ്ദേഹം പങ്കു​വെ​ച്ച​താ​യി​രു​ന്നു:

“പണമി​ട​പാ​ടു​കാർ, അഭിഭാ​ഷകർ, ഡോക്ടർമാർ എന്നിങ്ങനെ ബിസി​നസ്‌ രംഗത്തും സമുദാ​യ​ത്തി​ലു​മുള്ള നേതാ​ക്ക​ന്മാ​രായ റോട്ടറി ക്ലബ്ബ്‌ അംഗങ്ങ​ളോട്‌ എനിക്ക്‌ എന്തു പറയാൻ കഴിയും എന്നതി​നെ​ക്കു​റി​ച്ചു ഞാൻ ചിന്തിച്ചു, പ്രാർഥി​ച്ചു. ഞാൻ ചെറിയ തോതിൽ ഒരു ഗവേഷണം നടത്തി, സമുദാ​യത്തെ ശക്തി​പ്പെ​ടു​ത്തു​ക​യാണ്‌ റോട്ടറി ക്ലബ്ബിന്റെ പ്രഖ്യാ​പിത ലക്ഷ്യ​മെന്നു മനസ്സി​ലാ​ക്കി. അതു​കൊണ്ട്‌, ‘നിങ്ങളു​ടെ ജനസമു​ദാ​യ​ത്തി​നു സുവാർത്ത​യ്‌ക്കുള്ള പ്രാ​യോ​ഗിക മൂല്യം’ എന്നു നാമക​രണം ചെയ്യപ്പെട്ട, യഹോ​വ​യു​ടെ സാക്ഷികൾ ഇരുപ​താം നൂററാ​ണ്ടിൽ എന്ന ലഘുപ​ത്രി​ക​യു​ടെ 23-ാം പേജിലെ വിവരം ഞാൻ അവതരി​പ്പി​ച്ചു.”a

“ഈ ദിശയിൽ യഹോ​വ​യു​ടെ സാക്ഷികൾ ഒരു സ്വാധീ​ന​മാണ്‌ എന്നു ഞാൻ വിശദ​മാ​ക്കി. ആഴ്‌ച​യിൽ എല്ലാ ദിവസ​വും തങ്ങളുടെ സമുദാ​യ​ത്തി​ലെ വീടു​കൾതോ​റും അവർ പോകു​ന്നു. അയൽക്കാർക്കു ബലിഷ്‌ഠ​മായ ഒരു കുടും​ബ​മു​ണ്ടാ​യി​രി​ക്കു​ന്ന​തിന്‌ അവരെ സ്വാധീ​നി​ക്കാ​നാണ്‌ അവർ ആഗ്രഹി​ക്കു​ന്നത്‌—ബലിഷ്‌ഠ​മായ കുടും​ബം ബലിഷ്‌ഠ​മായ സമുദാ​യത്തെ ഉണ്ടാക്കു​ന്നു. ക്രിസ്‌തീയ തത്ത്വങ്ങൾക്ക​നു​സൃ​ത​മാ​യി ജീവി​ക്കാൻ എത്രയ​ധി​കം വ്യക്തി​ക​ളെ​യും കുടും​ബ​ങ്ങ​ളെ​യും യഹോ​വ​യു​ടെ സാക്ഷികൾ സ്വാധീ​നി​ക്കു​ന്നു​വോ സമുദാ​യ​ത്തിൽ കൃത്യ​വി​ലോ​പം, അധാർമി​കത, കുറ്റകൃ​ത്യം എന്നിവ അത്രയ​ധി​കം കുറഞ്ഞി​രി​ക്കും. ഈ വിവരം അംഗങ്ങൾക്കു നന്നേ ബോധി​ച്ചു. കാരണം, ഇതു റോട്ടറി ക്ലബ്ബിന്റെ ലക്ഷ്യങ്ങ​ളു​മാ​യി ചേർച്ച​യി​ലാ​യി​രു​ന്നു.”

“നിങ്ങൾ എന്തു​കൊണ്ട്‌ രാഷ്‌ട്രീയ കാര്യ​ങ്ങ​ളിൽ ഉൾപ്പെ​ടു​ന്നില്ല?”

“യോഗ​ത്തിൽ ചോദ്യ​ങ്ങൾ ചോദി​ക്കാ​നുള്ള സമയം വന്നെത്തി​യ​പ്പോൾ ആദ്യത്തെ ചോദ്യ​ങ്ങ​ളി​ലൊന്ന്‌, ‘നിങ്ങൾ എന്തു​കൊണ്ട്‌ രാഷ്‌ട്രീയ കാര്യ​ങ്ങ​ളി​ലും ഗവൺമെൻറ്‌ കാര്യ​ങ്ങ​ളി​ലും ഉൾപ്പെ​ടു​ന്നില്ല?’ എന്നായി​രു​ന്നു. ഈ ചോദ്യം ചോദിച്ച മാന്യ​ദേഹം എന്നിട്ട്‌ ഇപ്രകാ​രം കൂട്ടി​ച്ചേർത്തു: ‘നിങ്ങൾക്ക​റി​യാ​മോ, “കൈസർക്കു​ള്ളതു കൈസർക്കു കൊടു​ക്കുക” എന്നാണു ബൈബിൾ പറയു​ന്നത്‌.’ ആ പ്രസ്‌താ​വ​ന​യോ​ടു ഞങ്ങൾക്കു പൂർണ യോജി​പ്പാ​ണെ​ന്നും ഞങ്ങൾ അതു പൂർണ​മാ​യി അംഗീ​ക​രി​ക്കു​ന്നു​ണ്ടെ​ന്നും ഞാൻ അദ്ദേഹ​ത്തോ​ടു പറഞ്ഞു. ആ തിരു​വെ​ഴുത്ത്‌ ഉദ്ധരി​ക്കുന്ന ഭൂരി​ഭാ​ഗം പേരും, ‘ദൈവ​ത്തി​നു​ള്ളതു ദൈവ​ത്തി​നു കൊടു​ക്കുക’ എന്നുപ​റ​യുന്ന അതിന്റെ മറുഭാ​ഗം ഒരിക്ക​ലും ഉദ്ധരി​ക്കു​ന്ന​താ​യി ഞാൻ കേട്ടി​ട്ടി​ല്ലെ​ന്നും ചൂണ്ടി​ക്കാ​ട്ടി. (മത്തായി 22:21) അതു​കൊണ്ട്‌, എല്ലാം കൈസർക്ക്‌ അവകാ​ശ​പ്പെ​ട്ട​ത​ല്ലെന്നു നാം നിഗമനം ചെയ്യണം. ദൈവ​ത്തിന്‌ അവകാ​ശ​പ്പെട്ട ചില കാര്യ​ങ്ങ​ളുണ്ട്‌. കൈസർക്ക്‌ അവകാ​ശ​പ്പെ​ട്ടത്‌ എന്താ​ണെ​ന്നും ദൈവ​ത്തിന്‌ അവകാ​ശ​പ്പെ​ട്ടത്‌ എന്താ​ണെ​ന്നും നാം കണ്ടെ​ത്തേ​ണ്ടി​യി​രി​ക്കു​ന്നു.

“‘കൈസർക്കു കരം കൊടു​ക്കു​ന്നതു വിഹി​ത​മോ അല്ലയോ’? എന്നു യേശു​വി​നോ​ടു ചോദി​ച്ച​പ്പോൾ അതെ​യെ​ന്നോ അല്ലെന്നോ അവൻ ഉത്തരം നൽകി​യി​ല്ലെന്നു ഞാൻ അദ്ദേഹ​ത്തി​നു കാണിച്ചു കൊടു​ത്തു. ഒരു റോമൻ ദിനാ​റ​യായ ‘കരത്തി​ന്നുള്ള നാണയം കാണി​പ്പിൻ’ എന്ന്‌ അവൻ പറഞ്ഞു. അവൻ ചോദി​ച്ചു: ‘ഈ സ്വരൂ​പ​വും മേലെ​ഴു​ത്തും ആരു​ടേതു?’ അവർ പറഞ്ഞു: ‘കൈസ​രു​ടേത്‌.’ അപ്പോൾ അവൻ പറഞ്ഞു: ‘എന്നാൽ കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ.’ (മത്തായി 22:17-20) മറ്റു വിധത്തിൽ പറഞ്ഞാൽ, കൈസ​റിൽനി​ന്നു ചില ആനുകൂ​ല്യ​ങ്ങൾ നമുക്കു ലഭിക്കു​ന്ന​തു​കൊണ്ട്‌ കൈസർക്ക്‌ നികുതി നൽകുക. ഇവയ്‌ക്കു​വേണ്ടി ഞങ്ങൾ ശരിയാ​യി നികുതി അടയ്‌ക്കു​ക​യും ചെയ്യുന്നു. യഹോ​വ​യു​ടെ സാക്ഷികൾ തങ്ങളുടെ നികുതി അടയ്‌ക്കു​ന്നു​വെ​ന്നും ഗവൺമെൻറിന്‌ ശരിയാ​യി അവകാ​ശ​പ്പെട്ട കാര്യങ്ങൾ നൽകാതെ അതിനെ വഞ്ചിക്കു​ന്നി​ല്ലെ​ന്നും ഞാൻ വിശദ​മാ​ക്കി.

“എന്നിട്ട്‌, തങ്ങളുടെ ജീവൻ കൈസർക്ക്‌ അവകാ​ശ​പ്പെ​ട്ട​താ​ണെന്നു യഹോ​വ​യു​ടെ സാക്ഷികൾ വിശ്വ​സി​ക്കു​ന്നി​ല്ലെന്നു ഞാൻ പറഞ്ഞു. തങ്ങളുടെ ആരാധന ദൈവ​ത്തിന്‌ അവകാ​ശ​പ്പെ​ട്ട​താ​ണെന്ന്‌ അവർ വിശ്വ​സി​ക്കു​ന്നു. ഇത്‌ അവർ ശരിയാ​യി അവനു തിരിച്ചു നൽകുന്നു. അതു​കൊണ്ട്‌, ഞങ്ങൾ ഈ നിലപാ​ടു സ്വീക​രി​ക്കു​മ്പോൾ കൈസ​റോട്‌ ഏതെങ്കി​ലും തരത്തി​ലുള്ള അനാദ​രവ്‌ കാണി​ക്ക​ണ​മെന്ന്‌ ഉദ്ദേശി​ക്കു​ന്നില്ല. കൈസ​റു​ടെ എല്ലാ നിയമ​ങ്ങ​ളും ഞങ്ങൾ അനുസ​രി​ക്കു​ന്നു. എന്നാൽ, വൈരു​ദ്ധ്യ​മു​ള്ള​പ്പോൾ ഞങ്ങൾ മനുഷ്യ​രെ​ക്കാ​ളു​പരി ദൈവത്തെ ഭരണാ​ധി​കാ​രി എന്ന നിലയിൽ അനുസ​രി​ക്കാൻ തീരു​മാ​നി​ക്കു​ന്നു. അപ്പോൾ, ഈ ചോദ്യം ഉന്നയിച്ച വ്യക്തി മുഴു സംഘത്തി​ന്റെ​യും മുമ്പാകെ ഇപ്രകാ​രം പറഞ്ഞു: “എനിക്ക്‌ അതി​നോ​ടു വിയോ​ജി​ക്കാൻ കഴിയില്ല!”

നമ്മുടെ പ്രസം​ഗ​പ്ര​വർത്ത​ന​ത്തെ​ക്കു​റി​ച്ചുള്ള നിരവധി ചോദ്യ​ങ്ങൾക്ക്‌ ഉത്തരം നൽകാ​നും ഞങ്ങൾക്കു കഴിഞ്ഞു. യോഗ​ത്തി​നു​ശേഷം അംഗങ്ങ​ളിൽ പലരും വന്ന്‌ ഹസ്‌ത​ദാ​നം നൽകി. അവർ ഞങ്ങളോ​ടു പൂർണ​മാ​യും യോജി​ക്കു​ന്നു​വെന്ന്‌—അതായത്‌, സുസ്ഥി​ര​മായ ഒരു സമുദാ​യ​ത്തി​ന്റെ നട്ടെല്ല്‌ കുടും​ബ​മാ​ണെന്ന്‌—പറയു​ക​യു​ണ്ടാ​യി. അതിനു​ശേഷം, ഞങ്ങൾ ഓരോ അംഗത്തി​നും യഹോ​വ​യു​ടെ സാക്ഷികൾ ഇരുപ​താം നൂറ്റാ​ണ്ടിൽ എന്ന ലഘുപ​ത്രിക നൽകി.

“ഈ യോഗ​ത്തി​നു​ശേഷം കാര്യ​പ​രി​പാ​ടി അധ്യക്ഷൻ, ശ്രീ. ഡോമി​ങ്കെസ്‌, തന്റെ ഓഫീ​സി​ലേക്കു വരാ​മോ​യെന്ന്‌ എന്നോടു ഫോണിൽ ചോദി​ച്ചു. നമ്മുടെ വിശ്വാ​സ​ങ്ങ​ളെ​ക്കു​റിച്ച്‌ അദ്ദേഹ​ത്തി​നു കൂടുതൽ കാര്യങ്ങൾ ചോദി​ക്കാ​നു​ണ്ട​ത്രേ. നിരവധി തിരു​വെ​ഴു​ത്തു​ക​ളെ​ക്കു​റി​ച്ചു ഞങ്ങൾ നല്ലൊരു ചർച്ചതന്നെ നടത്തി. രക്തം സംബന്ധിച്ച നമ്മുടെ നിലപാ​ടു വിശദ​മാ​ക്ക​ണ​മെന്ന്‌ അദ്ദേഹം പ്രത്യേ​കം എന്നോ​ടാ​വ​ശ്യ​പ്പെട്ടു. താൻ രക്തപ്പകർച്ച നടത്തു​ക​യി​ല്ലെന്ന്‌ അദ്ദേഹം സ്വമേ​ധയാ സമ്മതിച്ചു. രക്തം സംബന്ധിച്ച നമ്മുടെ നിലപാട്‌ ക്ലബ്ബ്‌ അംഗങ്ങ​ളു​മാ​യി സംസാ​രി​ക്കാൻ എന്നെ ക്ഷണിക്ക​ത്ത​ക്ക​വി​ധം രക്തത്തിന്‌ നിങ്ങളു​ടെ ജീവനെ എങ്ങനെ രക്ഷിക്കാൻ കഴിയും? എന്ന ലഘുപ​ത്രി​ക​യിൽനി​ന്നു ഞാൻ നൽകിയ വിവരം അദ്ദേഹ​ത്തിൽ അത്രയ്‌ക്കു മതിപ്പു​ള​വാ​ക്കി. ഈ പരിപാ​ടി​യിൽ എന്നോ​ടൊ​പ്പം ചേരാൻ ഡോൺ ഡാൽ എന്ന മറ്റൊരു സാക്ഷിയെ ഞാൻ ക്ഷണിച്ചു. സാക്ഷി​കൾക്കു ശസ്‌ത്ര​ക്രിയ ആവശ്യ​മു​ള്ള​പ്പോൾ ഡോക്ടർമാ​രോ​ടു പ്രശ്‌ന​ത്തെ​ക്കു​റി​ച്ചു ചർച്ച ചെയ്യാൻ അദ്ദേഹം ആശുപ​ത്രി​ക​ളി​ലേക്കു പോകാ​റുണ്ട്‌. തിരു​വെ​ഴു​ത്തു​പ​ര​മായ നമ്മുടെ നിലപാ​ടു വ്യക്തമാ​ക്കു​ന്ന​തി​നും രക്തപ്പകർച്ച​യ്‌ക്കു പകരമായ ചികി​ത്സകൾ നിർദേ​ശി​ക്കു​ന്ന​തി​നും നാം ഡോക്ടർമാ​രും ആശുപ​ത്രി​യു​ടെ കാര്യ​നിർവാ​ഹ​ക​രു​മൊ​ത്തു പ്രവർത്തി​ക്കുന്ന വിധം ഞങ്ങളൊ​ന്നിച്ച്‌ നന്നായി വിശദീ​ക​രി​ച്ചു.”—ലേവ്യ​പു​സ്‌തകം 17:10-12; പ്രവൃ​ത്തി​കൾ 15:19-21, 28, 29.

‘നിങ്ങളു​ടെ മകൻ മരിക്കാൻ അനുവ​ദി​ക്കു​മെ​ന്നാ​ണോ അർഥമാ​ക്കു​ന്നത്‌?’

“യോഗ​ത്തി​നു​ശേഷം ഒരു മാന്യ​ദേഹം എന്നെ സമീപി​ച്ചു സ്വകാ​ര്യ​മാ​യി ചോദി​ച്ചു: ‘അപകട​ത്തിൽപെട്ട്‌ രക്തം വാർന്നൊ​ഴു​കുന്ന നിലയിൽ അത്യാ​ഹിത വിഭാ​ഗ​ത്തി​ലേക്കു താങ്കളു​ടെ മകനെ കൊണ്ടു​വ​ന്നാൽ അവൻ മരിക്കാൻ താങ്കൾ അനുവ​ദി​ക്കു​മെ​ന്നാ​ണോ അർഥമാ​ക്കു​ന്നത്‌?’ എനിക്ക്‌ ഒരു മകനു​ണ്ടാ​യി​രു​ന്ന​തു​കൊ​ണ്ടും 1988-ൽ സ്‌കോ​ട്ട്‌ലൻഡി​ലെ ലോക്കർബീ​യു​ടെ മുകളിൽവെ​ച്ചു​ണ്ടായ വിമാ​ന​ദു​ര​ന്ത​ത്തിൽ അവനെ നഷ്ടമാ​യ​തു​കൊ​ണ്ടും അദ്ദേഹ​ത്തി​നുള്ള ഉത്‌കണ്‌ഠ ഞാനും അനുഭ​വി​ക്കു​ന്നു​ണ്ടെന്ന്‌ ഉറപ്പു​നൽകി. അദ്ദേഹ​ത്തി​ന്റെ ചോദ്യ​ത്തി​നുള്ള മറുപടി എന്ന നിലയിൽ, എന്റെ മകൻ മരിക്കാൻ ഞാൻ ആഗ്രഹി​ക്കു​ക​യി​ല്ലെന്ന്‌ ആദ്യം അദ്ദേഹ​ത്തോ​ടു പറഞ്ഞു.

“ഞങ്ങൾ ഡോക്ടർവി​രോ​ധി​ക​ളോ ഔഷധ​വി​രോ​ധി​ക​ളോ ആശുപ​ത്രി​വി​രോ​ധി​ക​ളോ അല്ല. ഞങ്ങൾ വിശ്വാ​സ​രോ​ഗ​ശാ​ന്തി​ക്കാ​രല്ല. ഞങ്ങൾക്കു വൈദ്യ​ശാ​സ്‌ത്ര സംഘത്തി​ന്റെ സേവനങ്ങൾ ആവശ്യ​മാണ്‌. ഞങ്ങൾ ദൈവ​ത്തിൽ വിശ്വാ​സ​മർപ്പി​ച്ചി​രി​ക്കു​ന്നു. രക്തം സംബന്ധിച്ച ഇക്കാര്യ​ത്തിൽ അവന്റെ മാർഗ​നിർദേ​ശങ്ങൾ നമ്മുടെ നിലനിൽക്കുന്ന നന്മയ്‌ക്കാ​യി​ട്ടാ​ണെന്ന ഉറച്ച ബോധ്യം ഞങ്ങൾക്കുണ്ട്‌. ‘ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന’വനായി ബൈബിൾ ദൈവത്തെ വർണി​ച്ചി​രി​ക്കു​ന്നു. (യെശയ്യാ​വു 48:17) മരിച്ച​വരെ ഉയിർപ്പി​ക്കാ​നുള്ള കഴിവ്‌ അവൻ തന്റെ പുത്രനു നൽകി​യി​ട്ടുണ്ട്‌. യേശു പറഞ്ഞു: ‘ഞാൻ തന്നേ പുനരു​ത്ഥാ​ന​വും ജീവനും ആകുന്നു. എന്നിൽ വിശ്വ​സി​ക്കു​ന്നവൻ മരിച്ചാ​ലും ജീവി​ക്കും; ജീവി​ച്ചി​രു​ന്നു എന്നിൽ വിശ്വ​സി​ക്കു​ന്നവൻ ആരും ഒരുനാ​ളും മരിക്ക​യില്ല. ഇതു നീ വിശ്വ​സി​ക്കു​ന്നു​വോ?’—യോഹ​ന്നാൻ 11:25, 26.

“ഞങ്ങളുടെ നിലപാ​ടു മനസ്സാ​ക്ഷി​പ​ര​മാ​ണെ​ന്നും അതു സംബന്ധിച്ച്‌ ഒരു ഒത്തുതീർപ്പി​ലെ​ത്താൻ സാധി​ക്കു​ക​യി​ല്ലെ​ന്നും മനസ്സി​ലാ​ക്ക​ണ​മെന്നു മാത്ര​മാ​ണു ഞങ്ങൾ ഡോക്ടർമാ​രോട്‌ ആവശ്യ​പ്പെ​ടു​ന്നത്‌. വ്യഭി​ചാ​രം സംബന്ധിച്ച ദൈവ​നി​യ​മ​ത്തെ​ക്കു​റിച്ച്‌ ഒരു ഒത്തുതീർപ്പി​ലെ​ത്താൻ കഴിയാ​ത്ത​തു​പോ​ലെ​തന്നെ ഇതു സംബന്ധി​ച്ചും ഒരു ഒത്തുതീർപ്പി​ലെ​ത്താൻ ഞങ്ങൾക്കാ​വില്ല. ദൈവ​വു​മാ​യി ഒരു ഒത്തുതീർപ്പി​ലെത്തി ഇപ്രകാ​രം ചോദി​ക്കാൻ നമുക്കാ​വില്ല: ‘ദൈവമേ എനിക്കു വ്യഭി​ച​രി​ക്കാൻ കഴിയുന്ന ഏതെങ്കി​ലും അവസരം ഉണ്ടോ?’ എന്നിട്ട്‌ ഞാൻ ഈ വ്യക്തി​യോട്‌ പറഞ്ഞു: ‘രക്തപ്പകർച്ച നിഷേ​ധി​ച്ചു​കൊ​ണ്ടു ഞാൻ എന്റെ മകനെ മരിക്കാൻ അനുവ​ദി​ക്കു​മോ എന്നു താങ്കൾ ചോദി​ച്ചു. ഏതെങ്കി​ലു​മൊ​രു രാഷ്‌ട്ര​ത്തി​നു​വേ​ണ്ടി​യുള്ള സൈനി​ക​സേ​വ​ന​ത്തിൽവെച്ച്‌ താങ്കളു​ടെ മകൻ മരിക്കാൻ താങ്കൾ അനുവ​ദി​ക്കു​മോ എന്ന്‌ സകല ആദര​വോ​ടും കൂടെ ചോദി​ക്കാൻ ഞാൻ താത്‌പ​ര്യ​പ്പെ​ടു​ന്നു. ഉടനടി അദ്ദേഹം ദൃഢമാ​യി പറഞ്ഞു, ‘ഉവ്വ്‌! കാരണം അത്‌ അവന്റെ കടമയാണ്‌!’ ഞാൻ പറഞ്ഞു: ‘താങ്കൾ വിശ്വ​സി​ക്കുന്ന ഒരു തത്ത്വത്തി​നു​വേ​ണ്ടി​യാ​യ​തു​കൊണ്ട്‌ മകൻ മരിക്കാൻ താങ്കൾ അനുവ​ദി​ക്കും. എന്റെ മകന്റെ കാര്യ​ത്തി​ലും അതേ പദവി ഉണ്ടായി​രി​ക്കാൻ എന്നെ അനുവ​ദി​ക്കുക.’

ഇവയി​ലെ​ല്ലാം​വെച്ച്‌ ഏറ്റവും രസകര​മായ സംഭവ​വി​കാ​സം, കാര്യ​പ​രി​പാ​ടി അധ്യക്ഷൻ, ശ്രീ. ഡോമി​ങ്കെസ്‌ അദ്ദേഹ​ത്തി​ന്റെ​യും ഭാര്യ​യു​ടെ​യും ഒപ്പം അത്താഴം കഴിക്കാൻ എന്നെയും ഭാര്യ​യെ​യും ക്ഷണിച്ചു എന്നതാണ്‌. യഹോ​വ​യു​ടെ സാക്ഷി​ക​ളെ​ക്കു​റി​ച്ചു തെറ്റായ വിവര​ങ്ങ​ളും ധാരണ​ക​ളും തന്റെ ഭാര്യ​യ്‌ക്കു ലഭിച്ചി​രി​ക്കു​ന്ന​താ​യി അദ്ദേഹ​ത്തി​നു തോന്നി. അദ്ദേഹ​ത്തി​ന്റെ തോന്നൽ ശരിയാ​യി​രു​ന്നു. അവർ തെറ്റി​ദ്ധ​രി​പ്പി​ക്ക​പ്പെ​ട്ടി​രു​ന്നു. ആസ്വാ​ദ്യ​മായ ഒരു സായാഹ്നം ഞങ്ങൾ ചെലവ​ഴി​ച്ചു. ഞങ്ങളെ​യും ഞങ്ങളുടെ പ്രവർത്ത​ന​ത്തെ​യും സംബന്ധിച്ച്‌ അനേകം ചോദ്യ​ങ്ങൾ അദ്ദേഹ​ത്തി​ന്റെ ഭാര്യ ചോദി​ച്ചു. അതി​നെ​ല്ലാം വിശദ​മായ മറുപടി നൽകാ​നും അവർ അനുവ​ദി​ച്ചു. പിറ്റേ ദിവസം ഫോൺ ചെയ്‌ത്‌, ഞാനും ഭാര്യ​യു​മൊ​ത്തുള്ള കൂടി​ക്കാഴ്‌ച അദ്ദേഹ​ത്തി​ന്റെ ഭാര്യ വളരെ​യേറെ ആസ്വദി​ച്ച​താ​യും ഞങ്ങൾ വളരെ നല്ല ആളുക​ളാ​ണെന്നു കരുതു​ന്ന​താ​യും അദ്ദേഹം പറഞ്ഞു.

ശ്രീ. ഡോമി​ങ്കെ​സി​നെ ഞാൻ പതിവാ​യി സന്ദർശി​ക്കു​ന്നു. ബൈബി​ളിൽ അദ്ദേഹം കാര്യ​മായ താത്‌പ​ര്യം പ്രകട​മാ​ക്കു​ന്നു. അദ്ദേഹം എന്നോട്‌ ഇപ്രകാ​രം പറയു​ക​തന്നെ ചെയ്‌തു: ‘ഗ്രേറ്റർ സാൻ ഫ്രാൻസി​സ്‌കോ ബേ പ്രദേ​ശ​ത്തുള്ള എല്ലാ റോട്ടറി ക്ലബ്ബുക​ളു​ടെ​യും കാര്യ​പ​രി​പാ​ടി അധ്യക്ഷ​ന്മാ​രു​മാ​യി ബന്ധപ്പെട്ട്‌ ഞങ്ങളുടെ ക്ലബ്ബിൽ നിങ്ങൾ നടത്തി​യ​തു​പോ​ലുള്ള ഒരു പ്രസംഗം അവരുടെ ക്ലബ്ബിലും നടത്താ​നുള്ള പ്രോ​ത്സാ​ഹനം നിങ്ങൾക്കു നൽകാൻ ഞാൻ മടിക്കു​ന്നില്ല. എന്റെ പേർ നിങ്ങൾക്കു പരാമർശി​ക്കാ​വു​ന്ന​താണ്‌. എന്നോടു ചോദി​ക്കു​ന്ന​പക്ഷം, അതിഥി​പ്ര​സം​ഗ​ക​നെ​ന്ന​നി​ല​യിൽ നിങ്ങളെ ക്ഷണിക്കു​ന്ന​തി​നു വളരെ കാര്യ​മാ​യി ശുപാർശ ചെയ്യാൻ എനിക്കു സന്തോ​ഷ​മേ​യു​ള്ളൂ.’

“റോട്ടറി ക്ലബ്ബുകൾ സാർവ​ദേ​ശീ​യ​മായ ഒന്നാണ്‌. ഐക്യ​നാ​ടു​ക​ളി​ലും ലോക​മെ​മ്പാ​ടും ഉള്ള മറ്റു ക്ലബ്ബുകൾ യഹോ​വ​യു​ടെ സാക്ഷി​കളെ സ്വാഗതം ചെയ്‌തേ​ക്കു​മോ?”

[അടിക്കു​റിപ്പ്‌]

[18-ാം പേജിലെ ചിത്രം]

ആർണസ്റ്റ്‌ ഗരെറ്റ്‌ സഹോ​ദ​ര​നോ​ടൊ​പ്പം ശ്രീ. റെനാൻ ഡോമി​ങ്കെസ്‌ (ഇടത്ത്‌)