ബൈബിൾകാ​ല​ങ്ങ​ളി​ലെ യുവദാ​സൻമാർ

തങ്ങളുടെ ദൈവ​സേ​വനം ഗൗരവ​മാ​യി എടുത്ത​വ​രും അങ്ങനെ ചെയ്‌ത​തി​നാൽ സമൃദ്ധ​മാ​യി അനു​ഗ്ര​ഹി​ക്ക​പ്പെ​ട്ട​വ​രു​മായ ഉത്തമരായ യുവജ​ന​ങ്ങ​ളെ​ക്കു​റിച്ച്‌ ബൈബിൾ പറയുന്നു. നാം ചെറു​പ്പ​ക്കാ​രാ​യി​രു​ന്നാ​ലും വയസ്സു​ചെന്ന്‌ നരച്ചവ​രാ​യി​രു​ന്നാ​ലും ഈ ഉത്തമ ബൈബിൾ ദൃഷ്ടാ​ന്ത​ങ്ങൾക്ക്‌ വലിയ പ്രോൽസാ​ഹനം പ്രദാ​നം​ചെ​യ്യാൻ കഴിയും.

യോ​സേഫ്‌ ഈജി​പ്‌റ​റി​ലെ അടിമ​ത്ത​ത്തി​ലേക്കു വിൽക്ക​പ്പെ​ട്ട​പ്പോൾ അവൻ വെറും 17 വയസ്സു​ള്ള​വ​നാ​യി​രു​ന്നു. അവിടെ, തന്റെ കുടും​ബ​ത്തിൽനിന്ന്‌ അകലെ​യാ​യി​രു​ന്നി​ട്ടും, അവനെ അറിയാ​വു​ന്ന​വ​രു​ടെ കണ്ണിൽപെ​ടാ​തി​രു​ന്നി​ട്ടും, യോ​സേഫ്‌ തന്റെ നിർമ്മലത തെളി​യി​ച്ചു. പോത്തീ​ഫ​റി​ന്റെ ഭാര്യ യോ​സേ​ഫി​നെ വഴിപി​ഴ​പ്പി​ക്കാൻ ശ്രമി​ച്ച​പ്പോൾ അവൻ പറഞ്ഞു: “ഈ മഹാവ​ഷ​ള​ത്വം പ്രവർത്തി​ക്കാ​നും ദൈവ​ത്തി​നെ​തി​രെ പാപം​ചെ​യ്യാ​നും എനിക്ക്‌ എങ്ങനെ കഴിയും?” തന്റെ നാളിലെ ഏററവും ശക്തനായ രാജാ​വാ​യി​രുന്ന ഫറവോ​യു​ടെ മുമ്പാ​കെ​പോ​ലും, ഫറവോ​യു​ടെ സ്വപ്‌ന​ങ്ങ​ളു​ടെ വ്യാഖ്യാ​ന​ത്തി​ന്റെ ബഹുമതി ദൈവ​ത്തി​നു കൊടു​ക്കാൻ യോ​സേഫ്‌ അവസരം പ്രയോ​ജ​ന​പ്പെ​ടു​ത്തി. അവൻ സമൃദ്ധ​മാ​യി അനു​ഗ്ര​ഹി​ക്ക​പ്പെട്ടു. ക്ഷാമത്താ​ലുള്ള മരണത്തിൽനിന്ന്‌ ഈജി​പ്‌റ​റു​കാ​രെ​യും തന്റെ കുടും​ബ​ത്തെ​യും രക്ഷിക്കാ​നും തന്റെ പിതാ​വായ യാക്കോ​ബി​നെ​യും കുടും​ബ​ത്തെ​യും ഈജി​പ്‌റ​റി​ലേക്കു കൊണ്ടു​വ​രാ​നും അവനെ ദൈവം ഉപയോ​ഗി​ച്ചു.—ഉല്‌പത്തി 37:2; 39:7-9; 41:15, 16, 32.

മോശ​യും യൗവന​ത്തിൽ വിശ്വ​സ്‌ത​രാ​യി​രുന്ന മററു​ള്ള​വ​രും

ഫറവോ​യു​ടെ മകൾ മോശയെ തന്റെ സ്വന്തം കുട്ടി​യാ​യി സ്വീക​രി​ച്ചു, എന്നാൽ മോശ​യു​ടെ അമ്മക്കും അപ്പനും സത്യ​ദൈ​വ​ത്തെ​ക്കു​റിച്ച്‌ അവനെ പഠിപ്പി​ക്കാൻ കഴിഞ്ഞു. മോശ മുതിർന്ന​വ​നാ​യ​പ്പോൾ “പാപത്തി​ന്റെ താല്‌ക്കാ​ലിക ആസ്വാ​ദനം ഉണ്ടായി​രി​ക്കു​ന്ന​തി​നെ​ക്കാൾ ദൈവ​ജ​ന​ത്തോ​ടു​കൂ​ടെ ദുഷ്‌പെ​രു​മാ​റ​റ​ത്തിന്‌ വിധേ​യ​നാ​കു​ന്ന​തി​നെ തെര​ഞ്ഞെ​ടു​ത്തു​കൊണ്ട്‌ ഫറവോ​യു​ടെ മകളുടെ മകൻ എന്ന്‌ വിളി​ക്ക​പ്പെ​ടു​ന്ന​തിന്‌ വിസമ്മ​തി​ച്ചു” എന്ന്‌ ബൈബിൾ പറയുന്നു. തന്റെ ജനത്തെ ഈജി​പ്‌റ​റിൽനിന്ന്‌ കൊണ്ടു​വ​രാ​നും സീനാ​യി​യിൽ ന്യായ​പ്ര​മാ​ണം സ്വീക​രി​ക്കാ​നും ബൈബി​ളി​ന്റെ ഒരു വലിയ ഭാഗം എഴുതാ​നും ദൈവം മോശയെ ഉപയോ​ഗി​ച്ചു. നിങ്ങളു​ടെ പ്രായം എന്തുത​ന്നെ​യാ​യി​രു​ന്നാ​ലും മോശ ചെയ്‌ത​തു​പോ​ലെ ദൈവത്തെ സേവി​ക്കാ​നുള്ള ഒരു തീരു​മാ​നം നിങ്ങൾ വളർത്തി​യെ​ടു​ക്കു​ന്നു​വോ?—എബ്രായർ 11:23-29; പുറപ്പാട്‌ 2:1-10.

ദൈവ​ത്തി​ന്റെ ന്യായ​പ്ര​മാ​ണം ഇസ്രാ​യേ​ലി​നെ വായി​ച്ചു​കേൾപ്പി​ച്ച​പ്പോൾ ശേഷിച്ച ജനത​യോ​ടൊ​പ്പം “കൊച്ചു​കു​ട്ടി​ക​ളും” ശ്രദ്ധി​ച്ച​താ​യി തിരു​വെ​ഴു​ത്തു​കൾ നമ്മോടു പറയുന്നു. (ആവർത്തനം 31:10-13) നെഹെ​മ്യാ​വി​ന്റെ നാളിൽ ന്യായ​പ്ര​മാ​ണം കേൾക്കു​ന്ന​തിന്‌ “ശ്രദ്ധി​ക്കാൻ പ്രായ​മായ എല്ലാവ​രും അതിരാ​വി​ലെ മുതൽ ഉച്ചവരെ” നിന്നു. (നെഹമ്യാവ്‌ 8:1-8) കൊച്ചു​കു​ട്ടി​കൾ സകല കാര്യ​ങ്ങ​ളും ഗ്രഹി​ച്ചി​ല്ലെ​ങ്കിൽത്ത​ന്നെ​യും അവർ യഹോ​വ​യാം ദൈവത്തെ അനുസ​രി​ക്കു​ക​യും സ്‌നേ​ഹി​ക്കു​ക​യും ആരാധി​ക്കു​ക​യും ചെയ്യേ​ണ്ട​തു​ണ്ടെന്ന്‌ അവർക്ക്‌ വിലമ​തി​ക്കാൻ കഴിഞ്ഞു. നിങ്ങളു​ടെ പ്രായം എന്തുത​ന്നെ​യാ​യി​രു​ന്നാ​ലും ദൈവ​വ​ചനം ചർച്ച​ചെ​യ്യ​പ്പെ​ടുന്ന കൺ​വെൻ​ഷ​നു​ക​ളി​ലും സമ്മേള​ന​ങ്ങ​ളി​ലും നിങ്ങൾ ശ്രദ്ധി​ച്ചി​ട്ടു​ണ്ടോ? ആ യുവ ഇസ്രാ​യേ​ല്യർ ചെയ്‌ത​തു​പോ​ലെ, അവനെ അനുസ​രി​ക്കു​ന്ന​തി​ന്റെ പ്രാധാ​ന്യം നിങ്ങൾ മനസ്സി​ലാ​ക്കി​യി​ട്ടു​ണ്ടോ?

ദാവീ​ദും യോശീ​യാ​വും യിരെ​മ്യാ​വും

ദൈവം എട്ടു സഹോ​ദ​രൻമാ​രിൽ ഇളയവ​നായ ദാവീ​ദി​നെ പ്രത്യേ​ക​സേ​വ​ന​ത്തി​നാ​യി തെര​ഞ്ഞെ​ടു​ക്കു​ക​യും അവനെ​ക്കു​റിച്ച്‌ ഇപ്രകാ​രം പറയു​ക​യും​ചെ​യ്‌തു: “ഞാൻ യിശ്ശാ​യി​യു​ടെ മകനായ ദാവീ​ദി​നെ എന്റെ ഹൃദയ​ത്തിന്‌ ഇണങ്ങിയ ഒരു പുരു​ഷ​നാ​യി കണ്ടെത്തി​യി​രി​ക്കു​ന്നു, അവൻ ഞാൻ ആഗ്രഹി​ക്കുന്ന എല്ലാ കാര്യ​ങ്ങ​ളും ചെയ്യും.” തന്റെ ജനത്തിന്റെ “ഒരു ഇടയൻ” ആയിരി​ക്കാൻ ദൈവം അവനെ തെര​ഞ്ഞെ​ടു​ത്തു, അനേക​വർഷ​ക്കാ​ലം യഹോ​വ​യോ​ടുള്ള തന്റെ സ്‌നേഹം തെളി​യി​ക്കെ, ദാവീദ്‌ ആ സേവനം നിർവ​ഹി​ച്ചു. അവൻ 70ലധികം സങ്കീർത്ത​നങ്ങൾ രചിക്കു​ക​യും യേശു​ക്രി​സ്‌തു​വി​ന്റെ ഒരു പൂർവ​പി​താ​വാ​യി​ത്തീ​രു​ക​യും ചെയ്‌തു. ചെറു​പ്പ​ക്കാ​ര​നോ പ്രായ​മു​ള്ള​വ​നോ ആയിരു​ന്നാ​ലും നിങ്ങൾ ദാവീ​ദി​നെ​പ്പോ​ലെ, ദൈവ​ത്തി​ന്റെ വഴികൾ വിലമ​തി​ക്കു​ന്നു​ണ്ടോ, അവൻ ആഗ്രഹി​ക്കുന്ന കാര്യങ്ങൾ നിങ്ങൾ ചെയ്യു​ന്നു​ണ്ടോ?—പ്രവൃ​ത്തി​കൾ 13:22; സങ്കീർത്തനം 78:70, 71; 1 ശമൂവേൽ 16:10, 11; ലൂക്കോസ്‌ 3:23, 31.

യോശീ​യാവ്‌ വെറും എട്ടു വയസ്സു​ള്ള​പ്പോൾ രാജാ​വാ​യി​ത്തീർന്നു. ഏതാണ്ട്‌ 15 വയസ്സു​ള്ള​പ്പോൾ “അവൻ ഒരു ബാലനാ​യി​രി​ക്കു​മ്പോൾത്തന്നെ, തന്റെ പൂർവ​പി​താ​വായ ദാവീ​ദി​ന്റെ ദൈവത്തെ അന്വേ​ഷി​ച്ചു​തു​ടങ്ങി.” യോശീ​യാവ്‌ 20 വയസ്സാ​കു​ന്ന​തി​നു​മു​മ്പേ വ്യാജാ​രാ​ധ​ന​ക്കെ​തി​രെ പ്രചാ​ര​ണ​മാ​രം​ഭി​ച്ചു. പിന്നീട്‌ അവൻ ആലയത്തി​ന്റെ കേടു​പോ​ക്കു​ക​യും ദേശത്ത്‌ ശുദ്ധാ​രാ​ധന പുനഃ​സ്ഥാ​പി​ക്കു​ക​യും ചെയ്‌തു. നാം വായി​ക്കു​ന്നു: “അവന്റെ നാളി​ലൊ​ക്കെ​യും അവർ തങ്ങളുടെ പൂർവ​പി​താ​ക്കൻമാ​രു​ടെ ദൈവ​മായ യഹോ​വയെ അനുഗ​മി​ക്കു​ന്ന​തിൽനിന്ന്‌ വ്യതി​ച​ലി​ച്ചില്ല.” നമു​ക്കെ​ല്ലാ​വർക്കും യോശീ​യാ​വി​നെ​പ്പോ​ലെ രാജാ​വാ​യി​രി​ക്കാൻ കഴിക​യില്ല, എന്നാൽ നമ്മുടെ പ്രായം എന്തായി​രു​ന്നാ​ലും നമുക്ക്‌ ദൈവത്തെ സേവി​ക്കാ​നും വ്യാജാ​രാ​ധ​ന​ക്കെ​തി​രെ ഉറച്ചു​നിൽക്കാ​നും കഴിയും.—2 ദിനവൃ​ത്താ​ന്തം 34:3, 8, 33.

സർവശ​ക്ത​നാ​യ ദൈവം യിരെ​മ്യാ​വി​നോ​ടു പറഞ്ഞു: “ഞാൻ നിന്നെ ഉദരത്തിൽ നിർമ്മി​ച്ചു​കൊ​ണ്ടി​രു​ന്ന​തി​നു​മുമ്പ്‌ ഞാൻ നിന്നെ അറിഞ്ഞി​രു​ന്നു, നീ ഗർഭപാ​ത്ര​ത്തിൽനിന്ന്‌ പുറ​പ്പെ​ട്ടു​വ​ന്ന​തി​നു​മുമ്പ്‌ ഞാൻ നിന്നെ വിശു​ദ്ധീ​ക​രി​ച്ചു. ഞാൻ നിന്നെ ജനതകൾക്കു പ്രവാ​ച​ക​നാ​ക്കി.” ഒരു പ്രവാ​ച​ക​നാ​യി​രി​ക്കാൻ താൻ വളരെ ചെറു​പ്പ​മാ​ണെന്ന്‌ യിരെ​മ്യാവ്‌ തടസ്സം പറഞ്ഞു: “അയ്യോ, പരമാ​ധി​കാ​രി​യാം കർത്താ​വായ യഹോവേ! ഇതാ എങ്ങനെ സംസാ​രി​ക്ക​ണ​മെന്ന്‌ എനിക്ക്‌ യഥാർത്ഥ​ത്തിൽ അറിയാൻപാ​ടില്ല, ഞാൻ വെറു​മൊ​രു ബാലന​ല്ലോ.” യഹോവ ഇപ്രകാ​രം പ്രതി​വ​ചി​ച്ചു: “‘ഞാൻ വെറു​മൊ​രു ബാലനാണ്‌’ എന്ന്‌ പറയരുത്‌. എന്നാൽ ഞാൻ നിന്നെ അയക്കുന്ന എല്ലാവ​രു​ടെ​യും അടുക്കൽ നീ പോകണം; ഞാൻ നിന്നോ​ടു കല്‌പി​ക്കു​ന്ന​തെ​ല്ലാം നീ സംസാ​രി​ക്കണം.” യിരെ​മ്യാവ്‌ 40-ൽ അധികം വർഷം അതുതന്നെ ചെയ്‌തു, അവൻ നിർത്താൻ ആഗ്രഹി​ച്ച​പ്പോൾപോ​ലും അവന്‌ അതിനു കഴിഞ്ഞില്ല. ദൈവ​ത്തി​ന്റെ വചനം “[അവന്റെ] അസ്ഥിക​ളിൽ അടക്ക​പ്പെ​ട്ടി​രി​ക്കുന്ന എരിയുന്ന തീ പോ​ലെ​യാ​ണെന്ന്‌ തെളിഞ്ഞു.” അവൻ സംസാ​രി​ക്കേ​ണ്ട​തു​ണ്ടാ​യി​രു​ന്നു! നിങ്ങളു​ടെ പ്രായം എന്തുത​ന്നെ​യാ​യി​രു​ന്നാ​ലും നിങ്ങൾ യിരെ​മ്യാവ്‌ ചെയ്‌ത​തു​പോ​ലെ, ദൈവ​സേ​വ​ന​ത്തിൽ മുന്നേ​റി​ക്കൊണ്ട്‌ അവനു​ണ്ടാ​യി​രുന്ന വിശ്വാ​സം വികസി​പ്പി​ക്കു​ന്നു​വോ?—യിരെ​മ്യാവ്‌ 1:4-8; 20:9.

ദാനി​യേ​ലും യേശു​വും തിമൊ​ഥെ​യോ​സും

നിങ്ങൾ ദാനി​യേ​ലി​നെ​ക്കു​റി​ച്ചു കേട്ടി​ട്ടി​ല്ലേ? ബാബി​ലോൻരാ​ജാ​വാ​യി​രുന്ന നെബു​ഖ​ദ്‌നേ​സ​റി​ന്റെ രാജസ​ദ​സ്സി​ലേക്ക്‌ തടവു​കാ​രായ മററ്‌ “കുട്ടി​ക​ളോ”ടൊപ്പം അവനെ കൊണ്ടു​പോ​യ​പ്പോൾ അവന്‌ 20 വയസ്സിൽ താഴെ പ്രായ​മു​ണ്ടാ​യി​രു​ന്നി​രി​ക്കണം. ദാനി​യേ​ലി​ന്റെ യുവത്വം ഗണ്യമാ​ക്കാ​തെ അവൻ ദൈവത്തെ അനുസ​രി​ക്കാൻ ദൃഢനി​ശ്ച​യം​ചെ​യ്‌തി​രു​ന്നു. ദാനി​യേ​ലും അവന്റെ ചങ്ങാതി​മാ​രും ദൈവ​നി​യമം ലംഘി​ക്കു​ന്ന​വ​യോ പുറജാ​തീയ മതചട​ങ്ങു​ക​ളാൽ മലിന​മാ​ക്ക​പ്പെ​ട്ട​വ​യോ ആയ ആഹാര​സാ​ധ​ന​ങ്ങൾകൊണ്ട്‌ തങ്ങളെ​ത്തന്നെ മലീമ​സ​മാ​ക്കു​ന്ന​തിന്‌ വിസമ്മ​തി​ച്ചു. എൺപതി​ല​ധി​കം വർഷങ്ങ​ളോ​ളം ദാനി​യേൽ ഒരിക്ക​ലും പതറി​യില്ല. ദൈവ​ത്തോ​ടു പ്രാർത്ഥി​ക്കു​ന്നത്‌ നിർത്തു​വാൻ വിസമ്മ​തി​ക്കുന്ന അളവോ​ളം അവന്റെ നിർമ്മലത കാത്തു​സൂ​ക്ഷി​ച്ചു​കൊ​ണ്ടു​തന്നെ. ഇത്‌ അവനെ സിംഹ​ങ്ങൾക്ക്‌ എറിഞ്ഞു​കൊ​ടു​ക്കു​ന്ന​തിൽ കലാശി​ക്കു​മാ​യി​രു​ന്നെ​ങ്കിൽപോ​ലും അവൻ അങ്ങനെ ചെയ്‌തു. നിങ്ങളു​ടെ ദൈവ​സേ​വ​ന​വും നിങ്ങളു​ടെ പ്രാർത്ഥ​ന​ക​ളും അത്ര ഗൗരവ​മു​ള്ള​താ​യി നിങ്ങൾ പരിഗ​ണി​ക്കു​ന്നു​വോ? നിങ്ങൾ അങ്ങനെ ചെയ്യേ​ണ്ട​താണ്‌.—ദാനി​യേൽ 1:3, 4, 8; 6:10, 16, 22.

യേശു 12-ാമത്തെ വയസ്സിൽ യരൂശ​ലേ​മി​ലെ ആലയത്തിൽ മതോ​പ​ദേ​ഷ്ടാ​ക്ക​ളു​ടെ നടുവിൽ “അവരെ ശ്രദ്ധി​ച്ചു​കൊ​ണ്ടും അവരോ​ടു ചോദി​ച്ചു​കൊ​ണ്ടും” ഇരിക്കു​ന്ന​താ​യി കണ്ടെത്ത​പ്പെട്ടു. “എന്നാൽ [യുവ യേശു​വി​നെ] ശ്രദ്ധിച്ച എല്ലാവ​രും അവന്റെ ഗ്രാഹ്യ​ത്തി​ലും അവന്റെ ഉത്തരങ്ങ​ളി​ലും നിരന്തരം വിസ്‌മ​യി​ക്കു​ക​യാ​യി​രു​ന്നു.” യേശു​വി​ന്റെ കാര്യ​ത്തി​ലെ​ന്ന​പോ​ലെ, ആലയത്തിൽ മൂപ്പൻമാ​രു​ടെ ഒരു തിരു​വെ​ഴു​ത്തു​ചർച്ച നിങ്ങളിൽ താത്‌പ​ര്യം ഉണർത്തു​മാ​യി​രു​ന്നോ? നിങ്ങളു​ടെ ഗ്രാഹ്യ​ത്താ​ലും നിങ്ങളു​ടെ ഉത്തരങ്ങ​ളാ​ലും മററു​ള്ളവർ വിസ്‌മ​യി​ക്കു​മാ​യി​രു​ന്നോ? ഇന്ന്‌, പഠിക്കു​ക​യും സൂക്ഷ്‌മ​മാ​യി ശ്രദ്ധി​ക്കു​ക​യും ക്രിസ്‌തീയ യോഗ​ങ്ങ​ളിൽ പങ്കുപ​റ​റു​ക​യും ചെയ്യുന്ന പല യുവസാ​ക്ഷി​കൾക്കും മുതിർന്ന​വരെ ആശ്ചര്യ​പ്പെ​ടു​ത്തുന്ന തിരു​വെ​ഴു​ത്തു​പ​രി​ജ്ഞാ​ന​മുണ്ട്‌.—ലൂക്കോസ്‌ 2:42, 46, 47.

ഒരു കുട്ടി​യെന്ന നിലയിൽ “വിശു​ദ്ധ​ലി​ഖി​തങ്ങൾ” പഠിപ്പി​ക്ക​പ്പെട്ട തിമൊ​ഥെ​യോ​സി​നെ​പ്പോ​ലെ​യാ​ണോ നിങ്ങൾ? ഒരു യുവാ​വാ​യി​രു​ന്ന​പ്പോൾ തിമൊ​ഥെ​യോസ്‌ ചുരു​ങ്ങി​യത്‌ രണ്ട്‌ സഭകളി​ലെ “സഹോ​ദ​രൻമാ​രാൽ നല്ല സാക്ഷ്യം ലഭിച്ച​വ​നാ​യി​രു​ന്നു.” തന്നോ​ടു​കൂ​ടെ സഞ്ചരി​ക്കാൻ അപ്പോ​സ്‌ത​ല​നായ പൗലോസ്‌ തിമൊ​ഥെ​യോ​സി​നെ തെര​ഞ്ഞെ​ടു​ത്തു, വെറും സാധനങ്ങൾ ചുമക്കു​ന്ന​വ​നാ​യി​രി​ക്കാ​നല്ല, പിന്നെ​യോ മററു​ള്ള​വരെ പഠിപ്പി​ക്കു​ന്ന​തിൽ പൗലോ​സി​നെ സഹായി​ക്കാൻ. അത്തരം പദവി​കൾക്ക്‌ നിങ്ങൾ തെര​ഞ്ഞെ​ടു​ക്ക​പ്പെ​ടു​മോ? നിങ്ങളു​ടെ സ്വന്തം സഭയിൽ മാത്രമല്ല, പിന്നെ​യോ മററു​ള്ള​വ​യി​ലും നിങ്ങളു​ടെ പ്രവർത്ത​ന​ത്തിന്‌ “നല്ല സാക്ഷ്യം” ഉണ്ടോ?—2 തിമൊ​ഥെ​യോസ്‌ 3:15; പ്രവൃ​ത്തി​കൾ 16:1-4.

നിങ്ങൾ ഏതു തരം ഭാവി ആഗ്രഹി​ക്കു​ന്നു?

യോ​സേ​ഫും മോശ​യും ദാവീ​ദും മററു​ള്ള​വ​രും ആയിരു​ന്ന​തു​പോല, ഇന്ന്‌ യുവജ​ന​ങ്ങൾക്ക്‌ വിശ്വ​സ്‌ത​രാ​യി​രി​ക്കുക സാദ്ധ്യ​മാ​ണോ? ഉവ്വ്‌, സാദ്ധ്യ​മാണ്‌. പല യുവാ​ക്ക​ളും ഉല്ലാസ​ത്തിൽമാ​ത്രം തത്‌പ​ര​രാ​ണെ​ന്നു​ള്ളത്‌ ശരിതന്നെ. എന്നാൽ മററു​ള്ളവർ ദൈവത്തെ അറിയാ​നും തങ്ങൾക്കു​വേ​ണ്ടി​യുള്ള അവന്റെ ഇഷ്ടം അറിയാ​നും അവരുടെ യൗവനം ജ്ഞാനപൂർവം ഉപയോ​ഗി​ച്ചു​കൊ​ണ്ടി​രി​ക്കു​ന്നു. ഇവർ ഈ ബൈബിൾ പ്രവചനം നിറ​വേ​റ​റു​ന്നു: “നിന്റെ സൈനി​ക​ശ​ക്തി​യു​ടെ നാളിൽ നിന്റെ ജനം സ്വമേ​ധയാ തങ്ങളെ​ത്തന്നെ അർപ്പി​ക്കും. . . . മഞ്ഞുതു​ള്ളി​കൾ പോലെ യുവാ​ക്ക​ളു​ടെ സൈന്യം നിനക്കു​ണ്ടാ​യി​രി​ക്കും.”—സങ്കീർത്തനം 110:3.

ഉത്തമരായ ആ യുവജ​നങ്ങൾ അവരുടെ ഇപ്പോ​ഴത്തെ ജീവിതം വിജയ​മാ​ക്കാൻ ദൈവ​ത്തിന്‌ അവരെ സഹായി​ക്കാൻ കഴിയു​ന്ന​തു​കൊ​ണ്ടും വരാൻ പോകുന്ന പുതിയ ലോക​ത്തിൽ ഒരു മഹത്തായ ഭാവി അവർക്കു നൽകു​ന്ന​തു​കൊ​ണ്ടും അവരുടെ പ്രായത്തെ കവിയുന്ന ജ്ഞാനം പ്രകട​മാ​ക്കു​ന്നു. (1 തിമൊ​ഥെ​യോസ്‌ 4:8) എങ്കിലും, ബൈബി​ളിൽ പരാമർശി​ച്ചി​രി​ക്കുന്ന ആ ചെറു​പ്പ​ക്കാ​രു​ടേ​തു​പോ​ലെ​യുള്ള ഒരു വിശ്വാ​സം വികസി​പ്പി​ച്ചെ​ടു​ക്കാൻ ഒരു ആധുനി​ക​യു​വാ​വിന്‌ എങ്ങനെ കഴിയും? നിങ്ങൾക്ക്‌ അറിയാൻ ആഗ്രഹ​മു​ണ്ടെ​ങ്കിൽ, ഈ മാസി​ക​യു​ടെ 27-ാം പേജിൽ തുടങ്ങുന്ന “യഹോ​വ​യു​ടെ സേവന​ത്തി​ലെ സന്തുഷ്‌ട​രായ യുവജ​നങ്ങൾ” എന്ന ലേഖനം വായി​ക്കാൻ ഞങ്ങൾ നിങ്ങളെ ക്ഷണിക്കു​ന്നു. (w90 8⁄1)

[5-ാം പേജിലെ ചിത്രം]

യുവാവായ മോശ ഈജി​പ്‌റ​റി​ലെ ധനത്താൽ വഴിപി​ഴ​പ്പി​ക്ക​പ്പെ​ട്ടില്ല

യുവാവായിരുന്ന ദാവീദ്‌ യഹോ​വ​യു​ടെ ഹൃദയ​ത്തിന്‌ ഇണങ്ങി​യ​വ​നാ​യി​രു​ന്നു

[6-ാം പേജിലെ ചിത്രം]

താൻ “വെറു​മൊ​രു ബാലൻ” ആണെന്ന്‌ യിരെ​മ്യാ​വി​നു തോന്നി​യെ​ങ്കി​ലും അവൻ ജനസമ്മ​തി​യി​ല്ലാഞ്ഞ ഒരു ദൂത്‌ ധീരമാ​യി പ്രസം​ഗി​ച്ചു

യേശു 12-ാമത്തെ വയസ്സിൽ ദൈവ​വ​ച​ന​ത്തെ​ക്കു​റി​ച്ചുള്ള തന്റെ ഗ്രാഹ്യ​ത്താൽ അവന്റെ മൂപ്പൻമാ​രെ വിസ്‌മ​യി​പ്പി​ച്ചു

[7-ാം പേജിലെ ചിത്രം]

ഇസ്രായേലിൽ കൊച്ചു​കു​ട്ടി​കൾപോ​ലും ദൈവ​ത്തി​ന്റെ ന്യായ​പ്ര​മാ​ണം വായി​ച്ച​പ്പോൾ ശ്രദ്ധിച്ചു. നിങ്ങൾ ശ്രദ്ധി​ക്കു​ന്നു​വോ?