ശുശ്രൂ​ഷ​യി​ലെ നമ്മുടെ വൈദ​ഗ്‌ധ്യം വർധി​പ്പി​ക്കുക—താത്‌പ​ര്യ​ക്കാ​രു​ടെ രേഖ ഉണ്ടാക്കുക

“നിന്നെ​ക്കു​റി​ച്ചും നിന്റെ പ്രബോ​ധ​ന​ത്തെ​ക്കു​റി​ച്ചും എപ്പോ​ഴും ശ്രദ്ധാ​ലു​വാ​യി​രി​ക്കുക.” (1 തിമൊ. 4:16) അപ്പൊ​സ്‌ത​ല​നായ പൗലോസ്‌ തിമൊ​ഥെ​യൊ​സി​നു നൽകിയ ഈ നിശ്വസ്‌ത ഉപദേശം സൂചി​പ്പി​ക്കു​ന്നത്‌, പുതി​യ​വ​രാ​യാ​ലും അനുഭ​വ​പ​രി​ച​യ​മു​ള്ള​വ​രാ​യാ​ലും പുരോ​ഗതി വരുത്താൻ നമ്മൾ കഠിന​ശ്രമം ചെയ്യണം എന്നാണ്‌. ഇതിനു നമ്മെ സഹായി​ക്കാ​നാ​യി “ശുശ്രൂ​ഷ​യി​ലെ നമ്മുടെ വൈദ​ഗ്‌ധ്യം വർധി​പ്പി​ക്കുക” എന്ന പുതിയ പരമ്പര നമ്മുടെ രാജ്യ ശുശ്രൂ​ഷ​യിൽ ആരംഭി​ക്കു​ക​യാണ്‌. ഓരോ ലേഖന​വും പ്രധാ​ന​പ്പെട്ട ഒരു വൈദ​ഗ്‌ധ്യം വികസി​പ്പി​ക്കു​ന്ന​തി​നു​വേണ്ട ചില നിർദേ​ശങ്ങൾ ചർച്ച ചെയ്യും. അതാതു മാസം രാജ്യ ശുശ്രൂ​ഷ​യിൽ ചർച്ച​ചെ​യ്യുന്ന വൈദ​ഗ്‌ധ്യ​ത്തി​നു പ്രത്യേക ശ്രദ്ധ കൊടു​ക്കാൻ എല്ലാവ​രെ​യും പ്രോ​ത്സാ​ഹി​പ്പി​ക്കു​ന്നു. ഓരോ മാസാ​വ​സാ​ന​വും, ഇതിലൂ​ടെ എങ്ങനെ പ്രയോ​ജനം നേടി​യെന്നു പറയാ​നുള്ള അവസരം സേവന​യോ​ഗ​ത്തി​ലെ ഒരു പരിപാ​ടി​യിൽ ഉണ്ടായി​രി​ക്കും. ഈ മാസം താത്‌പ​ര്യ​ക്കാ​രു​ടെ ഒരു രേഖ ഉണ്ടാക്കു​ന്ന​തി​നാണ്‌ പ്രോ​ത്സാ​ഹി​പ്പി​ക്കു​ന്നത്‌.

എന്തു​കൊ​ണ്ടു പ്രധാനം: നമ്മുടെ നിയോ​ഗം നിറ​വേ​റ്റു​ന്ന​തിൽ, പ്രസം​ഗി​ക്കു​ന്ന​തി​ല​ധി​കം ഉൾപ്പെ​ടു​ന്നു. നാം നട്ട സത്യത്തി​ന്റെ വിത്ത്‌ നനയ്‌ക്കാ​നാ​യി, താത്‌പ​ര്യം കാണി​ച്ച​വ​രു​ടെ അടുക്കൽ മടങ്ങി​ച്ചെന്ന്‌ പഠിപ്പി​ക്കേ​ണ്ട​താണ്‌. (മത്താ. 28:19, 20; 1 കൊരി. 3:6-9) ഇതിൽ വ്യക്തിയെ വീണ്ടും കണ്ടെത്തു​ന്ന​തും അദ്ദേഹ​ത്തി​ന്റെ ആകുല​ത​ക​ളെ​ക്കു​റി​ച്ചു സംസാ​രി​ക്കു​ന്ന​തും ആദ്യ സന്ദർശ​ന​ത്തി​ന്റെ ചുവടു​പി​ടി​ച്ചു സംഭാ​ഷണം തുടരു​ന്ന​തും ഉൾപ്പെ​ടു​ന്നു. അതു​കൊണ്ട്‌ താത്‌പ​ര്യം കണ്ടെത്തു​മ്പോൾ അതിന്റെ രേഖ ഉണ്ടാക്കണം.

ഇത്‌ എങ്ങനെ ചെയ്യാം:

• താത്‌പ​ര്യം കാണി​ക്കു​ന്ന​വ​രു​ടെ രേഖ ഉണ്ടാക്കു​ന്ന​തി​നു വേണ്ട​തെ​ല്ലാം സാക്ഷീ​കരണ ബാഗിൽ ഉണ്ടെന്ന്‌ ഉറപ്പു​വ​രു​ത്തുക. രേഖകൾ വൃത്തി​യു​ള്ള​തും അടുക്കും​ചി​ട്ട​യു​മു​ള്ള​തും പുതു​ക്കി​ക്കൊ​ണ്ടി​രി​ക്കു​ന്ന​തും ആയിരി​ക്കണം. സന്ദർശനം കഴിഞ്ഞാ​ലു​ടൻ രേഖ ഉണ്ടാക്കണം.

• വീട്ടു​കാ​രന്റെ വിവരങ്ങൾ അതായത്‌, അദ്ദേഹ​ത്തി​ന്റെ പേര്‌, ബന്ധപ്പെ​ടാ​നുള്ള മേൽവി​ലാ​സം, ഫോൺ നമ്പർ, ഇ-മെയിൽ എന്നിവ രേഖ​പ്പെ​ടു​ത്തുക. പ്രത്യേ​ക​മാ​യി എന്താണ്‌ അദ്ദേഹ​ത്തി​ലും കുടും​ബ​ത്തി​ലും നിരീ​ക്ഷി​ച്ചത്‌?

• നിങ്ങളു​ടെ സംഭാ​ഷണം സംബന്ധിച്ച വിവരങ്ങൾ രേഖ​പ്പെ​ടു​ത്തുക. ഏതു തിരു​വെ​ഴു​ത്തു​ക​ളാണ്‌ വായി​ച്ചത്‌? തന്റെ വിശ്വാ​സ​ത്തെ​ക്കു​റിച്ച്‌ അദ്ദേഹം എന്താണു പറഞ്ഞത്‌? ഏതു പ്രസി​ദ്ധീ​ക​ര​ണ​മാണ്‌ നൽകി​യത്‌? സന്ദർശന സമയം, ദിവസം, തീയതി എന്നിവ​യും രേഖ​പ്പെ​ടു​ത്തുക.

• മടക്കസ​ന്ദർശന ക്രമീ​ക​ര​ണ​ങ്ങ​ളെ​ക്കു​റി​ച്ചു രേഖ​പ്പെ​ടു​ത്തുക. എന്തു ചർച്ച ചെയ്യാ​മെ​ന്നും എപ്പോൾ മടങ്ങി​ച്ചെ​ല്ലാ​മെ​ന്നു​മാണ്‌ പറഞ്ഞത്‌?

• മടങ്ങി​ച്ചെ​ല്ലുന്ന ഓരോ തവണയും രേഖ പുതു​ക്കുക. വിവരങ്ങൾ കൂടി​പ്പോ​യാ​ലും പ്രയോ​ജ​ന​മേ​യു​ള്ളൂ.

മാസത്തി​ലു​ട​നീ​ളം ഇതു പരീക്ഷി​ക്കുക:

• രേഖയു​ണ്ടാ​ക്കു​മ്പോൾ കൂടെ പ്രവർത്തി​ക്കു​ന്ന​വ​രോട്‌ എന്തെല്ലാം കാര്യ​ങ്ങ​ളാണ്‌ എഴുതി​യ​തെന്നു പറയുക.