ഞങ്ങളുടെ വായന​ക്കാ​രിൽനിന്ന്‌

ശരീര​ത്തി​ന്റെ മുന്നറി​യി​പ്പു​കളെ ശ്രദ്ധിക്കൽ കഴിഞ്ഞ​വർഷം അണ്ഡാശ​യ​ത്ത​ക​രാ​റു​കൾ കാരണം മൂന്നു​മാ​സ​ത്തേക്കു ഞാൻ ആശുപ​ത്രി​യി​ലാ​ക്ക​പ്പെട്ടു. വർഷങ്ങ​ളോ​ളം മുന്നറി​യി​പ്പു​സൂ​ച​നകൾ ഉണ്ടായി​രു​ന്നെ​ങ്കി​ലും, ഞാൻ അത്ര കാര്യ​മാ​ക്കി​യില്ല. അവസാനം ഞാൻ ആശുപ​ത്രി​യിൽ പോകു​ക​യും പെട്ടെന്നു ശസ്‌ത്ര​ക്രിയ ആവശ്യ​മാ​ണെന്നു മനസ്സി​ലാ​ക്കു​ക​യും ചെയ്‌തു. നിങ്ങളു​ടെ “ശരീര​ത്തി​ന്റെ മുന്നറി​യി​പ്പു​കളെ ശ്രദ്ധിക്കൽ” എന്ന ലേഖനം (ഒക്‌ടോ​ബർ 8, 1992) അന്നു കിട്ടി​യി​രു​ന്നെ​ങ്കിൽ, നേര​ത്തേ​തന്നെ എനിക്ക്‌ ഒരു ഡോക്ട​റു​ടെ അടുത്തു പോകാ​നുള്ള ധൈര്യം ഉണ്ടായി​രി​ക്കു​മാ​യി​രു​ന്നു.

എം. യു., ജപ്പാൻ

എയർക​ണ്ടീ​ഷ​നിംഗ്‌ മുപ്പത്തി​യ​ഞ്ചു​വർഷ​ത്തി​ല​ധി​ക​മാ​യി ഞാൻ എയർക​ണ്ടീ​ഷ​ണ​റു​കൾ നന്നാക്കി​ക്കൊ​ണ്ടി​രി​ക്കു​ന്ന​തി​നാൽ, “എയർക​ണ്ടീ​ഷ​നിംഗ്‌ നിങ്ങൾക്ക്‌ ആവശ്യ​മാ​ണോ?” എന്ന ലേഖനം (ജൂലൈ 8, 1992) എനിക്ക്‌ ആകർഷ​ക​മാ​യി​രു​ന്നു. മുമ്പ്‌ 1950-കളിൽ, എന്റെ തൊഴിൽ ഞാൻ പഠിക്കാൻ തുടങ്ങി​യ​പ്പോൾ, ബ്രിട്ടീഷ്‌ തെർമൽ യൂണി​ററ്‌ എന്ന വിഷയം പല ദിവസങ്ങൾ പഠി​ക്കേ​ണ്ടി​വന്നു. നിങ്ങൾ ഈ വിഷയം വെറും ഒരു ഖണ്ഡിക​യിൽ വളരെ സരളവും മനസ്സി​ലാ​ക്കാ​വു​ന്ന​തു​മായ വിധത്തിൽ വിവരി​ച്ചു! ഈ ലേഖനം അന്നു കിട്ടി​യി​രു​ന്നെ​ങ്കിൽ എന്നു ഞാൻ ആശിച്ചു.

എ. ഡി., ഐക്യ​നാ​ടു​കൾ

വികല​ശേ​ഖരം “വികല​ശേ​ഖരം നിയ​ന്ത്ര​ണാ​തീ​ത​മാ​കു​മ്പോൾ” എന്ന ലേഖന​ത്തിന്‌ (ഓഗസ്‌ററ്‌ 8, 1992) നിങ്ങൾക്കു നന്ദി. എന്റെ ജീവി​ത​ത്തി​ലെ 44 വർഷങ്ങ​ളിൽ മിക്ക​പ്പോ​ഴും ഞാൻ ഈ പോരാ​ട്ടം നടത്തി​ക്കൊ​ണ്ടി​രി​ക്ക​യാ​യി​രു​ന്നു, അതു​കൊ​ണ്ടു ലഭിക്കാ​വുന്ന ഏതു സഹായ​വും ഉപയോ​ഗി​ക്കാൻ എനിക്കു സാധി​ക്കും. ഏററം പ്രാ​യോ​ഗി​ക​മായ നിങ്ങളു​ടെ നിർദ്ദേ​ശ​ങ്ങൾക്കു നന്ദി.

സി. ആർ., ഐക്യ​നാ​ടു​കൾ

എന്റെ ഭർത്താവ്‌ ആദ്യം ലേഖനം വായി​ക്കു​ക​യും ഞങ്ങളുടെ ഭവനത്തിൽ വികല​ശേ​ഖ​ര​മു​ള്ള​താ​യി സൂചി​പ്പി​ക്കു​ക​യും ചെയ്‌തു! ഞങ്ങളുടെ വസന്തകാ​ല​ശു​ചീ​ക​രണം ഈയിടെ തീർത്തി​രു​ന്ന​തി​നാൽ, ഞങ്ങളുടെ ഭവനം ഇതി​നേ​ക്കാൾ ഒരിക്ക​ലും മെച്ചമാ​യി കാണ​പ്പെ​ട്ടി​രു​ന്നി​ല്ലെന്ന്‌ എനിക്കു തോന്നി. അനന്തരം ലേഖനം വായിച്ചു ഗ്രഹി​ക്കാ​നുള്ള എന്റെ ഊഴം വന്നു. എന്റെ ഭവനത്തി​ന്റെ യഥാർത്ഥ അവസ്ഥ തിരി​ച്ച​റി​ഞ്ഞ​പ്പോൾ ഞാൻ എത്രമാ​ത്രം ചിരി​ച്ചു​പോ​യി! നിങ്ങളു​ടെ ലേഖനം വികല​ശേ​ഖ​ര​ക്കു​ന്നു​കൾതന്നെ നീക്കം ചെയ്യാൻ എന്നെ സഹായി​ച്ചു. നിങ്ങൾക്കു നന്ദി.

എസ്‌. സി., ഐക്യ​നാ​ടു​കൾ

അന്തർദ്ദേ​ശീയ നിർമ്മാ​ണം “നിങ്ങൾ അതു ചെയ്‌തേ തീരൂ” (സെപ്‌റ​റം​ബർ 8, 1992) എന്ന ലേഖനം കിട്ടയ​തിൽ ഞങ്ങൾ പുളകി​ത​രാ​യി. തെക്കേ അമേരി​ക്ക​യി​ലെ കൊളം​ബി​യാ​യി​ലുള്ള ഒരു വാച്ച്‌ ടവർ നിർമ്മാണ പദ്ധതി​യിൽ സന്നദ്ധ​സേ​വ​ക​രാ​യി സേവി​ക്കു​ന്ന​തിന്‌ എന്റെ ഭാര്യ​യും ഞാനും പോകു​ന്ന​തി​നു വെറും ഒരാഴ്‌ച​മു​മ്പാണ്‌ അതെത്തി​യത്‌. ലേഖനം, ഞങ്ങൾ എന്തു പ്രതീ​ക്ഷി​ക്കണം എന്നതി​നെ​പ്പ​ററി ‘മുമ്പേ തന്നെ എത്തി​നോ​ക്കാൻ’ അവസരം നൽകി. പോരു​ന്ന​തി​നു​മു​മ്പാ​യി കുടും​ബ​ക്കാർക്കും തൊഴി​ലു​ട​മ​കൾക്കും താത്‌പ​ര്യ​ക്കാർക്കും ബൈബിൾ വിദ്യാർത്ഥി​കൾക്കും പല പ്രതികൾ സമർപ്പി​ക്കാ​നും ഞങ്ങൾക്കു സാധിച്ചു. ഞങ്ങൾക്കു പങ്കെടു​ക്കാൻ പദവി​ല​ഭി​ച്ചി​രുന്ന വേല​യേ​പ്പ​ററി മെച്ചപ്പെട്ട ഒരു ഗ്രാഹ്യം ലഭിക്കാൻ ഇത്‌ അവരെ സഹായി​ച്ചു.

ററി. ജി., ഐക്യ​നാ​ടു​കൾ

കുടും​ബങ്ങൾ വളർത്തൽ “ലോക​വ്യാ​പ​ക​മാ​യി കുടും​ബങ്ങൾ വളർത്തൽ—സ്‌നേ​ഹ​ത്തോ​ടും ശിക്ഷണ​ത്തോ​ടും മാതൃ​ക​യോ​ടും ആത്മീയ മൂല്യ​ങ്ങ​ളോ​ടും കൂടെ മാതാ​പി​താ​ക്ക​ളാ​യി വർത്തി​ച്ചു​കൊ​ണ്ടു​തന്നെ” എന്ന ലേഖനം (ഒക്‌ടോ​ബർ 8, 1992) ഒരു പുതിയ ബൈബിൾ വിദ്യാർത്ഥി എന്നനി​ല​യിൽ എനിക്കു വലിയ പ്രോ​ത്സാ​ഹ​ന​മാ​യി​രു​ന്നു. ഞങ്ങൾ ക്രിസ്‌തീയ യോഗ​ങ്ങൾക്കു ഹാജരാ​കാൻ തുടങ്ങി​യ​പ്പോൾ, എന്റെ മകൻ കുസൃതി കാട്ടു​ക​യും ഉന്‌മ​ത്ത​നേ​പ്പോ​ലെ കരയു​ക​യും ചെയ്‌തി​രു​ന്നു. എന്നാൽ ഞങ്ങളോ​ടൊ​ത്തു പഠിക്കുന്ന ക്രിസ്‌തീയ സ്‌ത്രീ​യിൽനി​ന്നുള്ള സഹായ​ത്താ​ലും നിങ്ങൾ പ്രസി​ദ്ധീ​ക​രി​ക്കുന്ന മാസി​ക​ക​ളിൽനി​ന്നുള്ള പ്രോ​ത്സാ​ഹ​ന​ത്താ​ലും ഞാൻ ഇപ്പോൾ ഫലം കൊയ്യു​ക​യാണ്‌. എന്റെ രണ്ടരവ​യ​സ്സുള്ള മകൻ ഇപ്പോൾ യോഗ​ങ്ങൾക്ക്‌ അടങ്ങി​യി​രി​ക്കു​ക​മാ​ത്രമല്ല ചെറിയ ഉത്തരങ്ങൾ പറയു​ക​പോ​ലും ചെയ്യുന്നു.

എം. ററി., ജപ്പാൻ

കുശു​കു​ശുപ്പ്‌ ഞാൻ ഒരു ഭയങ്കര കുശു​കു​ശു​പ്പു​കാ​രൻ ആയിരു​ന്നു. എന്നാൽ ഒരുദി​വസം സ്‌കൂ​ളിൽനി​ന്നു വീട്ടിൽ വന്നശേഷം ഞാൻ “കുശു​കു​ശുപ്പ്‌, ദ്രോ​ഹി​ക്ക​പ്പെ​ടു​ന്നത്‌ എങ്ങനെ ഒഴിവാ​ക്കാം” എന്ന പരമ്പര (ഏപ്രിൽ 8, 1992) വായിച്ചു. നിങ്ങളു​ടെ സഹായ​ത്തോ​ടെ ആ ദുശ്ശീലം നിർത്താൻ എനിക്കു കഴിഞ്ഞു. കുശു​കു​ശുപ്പ്‌ ഇത്ര ഗുരു​ത​ര​മാ​ണെ​ന്നും അതിന്‌ ആരു​ടെ​യെ​ങ്കി​ലും സൽപ്പേ​രി​നെ നശിപ്പി​ക്കാൻ കഴിയു​മെ​ന്നും ഞാൻ യഥാർത്ഥ​ത്തിൽ അറിഞ്ഞി​രു​ന്നില്ല. ഈ വിവര​ത്തി​നു ഞാൻ വളരെ നന്ദിയു​ള്ള​വ​നാണ്‌.

എഫ്‌. ബി., ഐക്യ​നാ​ടു​കൾ

ഈ ലേഖനങ്ങൾ വാസ്‌ത​വ​മാ​യും എന്റെ ജോലി​യെ രക്ഷിച്ചു. ഞാൻ ജോലി​ചെ​യ്‌തു​കൊ​ണ്ടി​രുന്ന ഫാക്ടറി അടച്ചു​പൂ​ട്ടു​ക​യാ​ണെന്ന ഒരു കിംവ​ദന്തി ഞാനും പരത്തി. ആ ദിവസം തീരു​ന്ന​തി​നു​മുമ്പ്‌ ഞാൻ എന്റെ മേലു​ദ്യോ​ഗ​സ്ഥന്റെ ഓഫീ​സി​ലേക്ക്‌ വിളി​ക്ക​പ്പെട്ടു. ഞാൻ കുശു​കു​ശുപ്പ്‌ നടത്തു​ക​യാ​ണെ​ന്നും ജോലി​ക​ളു​ടെ ദൗർല​ഭ്യം നിമിത്തം ഇത്തരം കാര്യ​ങ്ങ​ളു​ടെ പ്രചരണം ആളുകളെ ഭയചകി​ത​രാ​ക്കു​കയെ ഉള്ളു എന്നും അദ്ദേഹം പറഞ്ഞു. ഞാൻ ജോലി ചെയ്യു​ന്നി​ടത്ത്‌ ആളുകളെ ഒഴിവാ​ക്കാൻ ശ്രമി​ക്ക​യാ​യി​രു​ന്നു. എന്നെ ഒഴിവാ​ക്കു​ന്ന​തി​നുള്ള അവരുടെ ഒരു ഒഴിക​ഴി​വാ​ണിത്‌ എന്ന്‌ ഞാൻ നിഗമനം ചെയ്‌തു. കുശു​കു​ശു​പ്പി​നെ സംബന്ധിച്ച ഉണരുക! ലഭിച്ച​പ്പോൾ ഞാൻ അതിനെ മുകളിൽ നിന്നുള്ള ഒരു ബുദ്ധ്യു​പ​ദേ​ശ​മാ​യി കണക്കാക്കി. ഞാൻ അത്‌ എന്റെ മേലു​ദ്യോ​ഗ​സ്ഥനെ കാണി​ക്കു​ക​യും ഞാൻ പഠിച്ച​തെ​ന്താ​ണെ​ന്നും കുശു​കു​ശു​പ്പിൽ നിന്ന്‌ ഒഴിവാ​യി നിൽക്കു​ന്ന​തിന്‌ എന്നാലാ​വ​തെ​ല്ലാം ഞാൻ ചെയ്യു​മെ​ന്നും അദ്ദേഹ​ത്തോ​ടു പറയു​ക​യും ചെയ്‌തു. അദ്ദേഹം എനിക്കു നന്ദി പറഞ്ഞു—എനിക്ക്‌ ഇപ്പോ​ഴും എന്റെ ജോലി​യുണ്ട്‌.

എൽ. ജി. ഐക്യ​നാ​ടു​കൾ