മഞ്ഞോ മഴയോ ആധിക്യ​മോ തപാൽ വിതരണം മുടക്കു​ന്നി​ല്ല

“പോസ്‌റ​റു​മാൻമാർ ഉള്ളട​ത്തോ​ളം കാലം ജീവിതം ആസ്വാ​ദ്യ​മാണ്‌.”—വില്യം ജയിംസ്‌, യു.എസ്‌. തത്ത്വശാ​സ്‌ത്രജ്ഞൻ (1842-1910)

തപാൽ സേവന​ത്തെ​ക്കു​റിച്ച്‌ പറയാൻ എല്ലാവർക്കും​തന്നെ അസഹ്യ​പ്പെ​ടു​ത്തുന്ന ഒരു വിവരണം കാണും. അവൻ അയച്ച കത്തു വന്നതു പ്രതീ​ക്ഷി​ച്ച​തി​നെ​ക്കാൾ ആഴ്‌ച​ക​ളോ മാസങ്ങ​ളോ കഴിഞ്ഞാണ്‌, തപാൽ നിരക്കു വളരെ പെട്ടെന്നു വർധി​ക്കു​ക​യാണ്‌, അല്ലെങ്കിൽ പോസ്‌റ​റാ​ഫീ​സി​ലെ ക്യൂ അസഹ്യ​മാണ്‌ എന്നിങ്ങനെ. ആയിര​ത്തി​ത്തൊ​ള്ളാ​യി​ര​ത്ത​റു​പ​ത്താറ്‌ ഒക്‌ടോ​ബ​റിൽ വിപത്ത്‌ ഒരു തപാൽ സമ്പ്രദാ​യത്തെ ഭീഷണി​യി​ലാ​ക്കി. “ചിക്കാ​ഗോ​യി​ലുള്ള ക്രോ​സ്സ്‌റോ​ഡ്‌സി​ലെ അന്നത്തെ ഏററവും വലിയ യു.എസ്‌. തപാൽ ഓഫീ​സിൽ തപാലു​രു​പ്പ​ടി​കൾ കുന്നു​കൂ​ടു​ക​യും കൈകാ​ര്യം ചെയ്യുക അസാധ്യ​മാ​കു​ക​യും ചെയ്‌ത​പ്പോൾ അത്‌ അക്ഷരാർഥ​ത്തിൽ അടച്ചിട്ടു” എന്ന്‌ ഒരു യു.എസ്‌. തപാൽ സേവന വക്താവ്‌ ഉണരുക!യോടു പറഞ്ഞു.

തപാൽ പ്രവാഹം നിലയ്‌ക്കു​ന്നി​ല്ലെ​ന്നും നിങ്ങളു​ടെ കത്തു ലക്ഷ്യത്തി​ലെ​ത്തു​ന്നു​വെ​ന്നും ഉറപ്പു​വ​രു​ത്തു​ന്ന​തിന്‌ എന്താണു ചെയ്യ​പ്പെ​ട്ടി​രി​ക്കു​ന്നത്‌? നിങ്ങൾക്കു ലഭിക്കുന്ന സേവനത്തെ മെച്ച​പ്പെ​ടു​ത്താൻ നിങ്ങൾക്ക്‌ എന്തെങ്കി​ലും ചെയ്യാൻ കഴിയു​മോ? കത്തുവി​തരണ രീതി​കൾക്കും ആശ്രയ​ത്വ​ത്തി​നും നൂററാ​ണ്ടു​ക​ളി​ലൂ​ടെ ശ്രദ്ധേ​യ​മായ മാററം ഭവിച്ചി​ട്ടു​ണ്ടോ?

പുരാതന തപാൽ സേവനം

ഏററവും ആദ്യത്തെ തപാൽ സേവനങ്ങൾ ഗവൺമെൻറ്‌ ഉപയോ​ഗ​ത്തി​നു മാത്ര​മു​ള്ള​താ​യി​രു​ന്നു. അത്തരം സമ്പ്രദാ​യങ്ങൾ പുരാതന ചൈന​യി​ലും ഈജി​പ്‌തി​ലും അസീറി​യാ​യി​ലും പേർഷ്യ​യി​ലും ഗ്രീസി​ലും നിലവി​ലു​ണ്ടാ​യി​രു​ന്നു. റോമൻ തപാൽ സമ്പ്രദാ​യ​ത്തി​ന്റെ പേർ കൂർസൂസ്‌ പൂബ്ലി​ക്കൂസ്‌, അക്ഷരാർഥ​ത്തിൽ “പൊതു മാർഗം” എന്നായി​രു​ന്നു. എന്നിരു​ന്നാ​ലും അതു മുഖ്യ​മാ​യും ഗവൺമെൻറി​നു മാത്ര​മാ​യുള്ള സേവന​മാ​യി​രു​ന്നു. രസാവ​ഹ​മാ​യി, എഫേസൂ​സി​ലെ​യും കൊ​ലോ​സ്സ്യ​യി​ലെ​യും സഭകൾക്കും ഫിലേ​മോ​നും ഉള്ള ബൈബിൾ എഴുത്തു​കാ​ര​നായ പൗലോ​സി​ന്റെ ലേഖനങ്ങൾ അയച്ചത്‌ സ്വകാര്യ ക്രമീ​ക​ര​ണ​ങ്ങ​ളി​ലൂ​ടെ​യാ​യി​രു​ന്നു, റോമൻ ഗവൺമെൻറി​ന്റെ തപാൽ സേവനം മുഖേ​ന​യ​ല്ലാ​യി​രു​ന്നു.—എഫെസ്യർ 6:21, 22; കൊ​ലൊ​സ്സ്യർ 4:7-9; ഫിലേ​മോൻ 21, 22.

പത്തൊൻപ​താം നൂററാ​ണ്ടു​വരെ കത്തിട​പാ​ടു​ക​ളു​ടെ നീക്കത്തി​ലും വിതര​ണ​ത്തി​ലും വളരെ കുറച്ചു മാററ​ങ്ങളേ വന്നുള്ളു​വെ​ന്നി​രി​ക്കെ, സ്വകാര്യ തപാൽ സേവന​ങ്ങളെ നിയ​ന്ത്രി​ക്കു​ന്നത്‌ അഥവാ നീക്കം​ചെ​യ്യു​ന്നതു സംബന്ധിച്ച വീക്ഷണങ്ങൾ അതിനു മുമ്പേ വെളി​പ്പെ​ട്ടി​രു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ അധികാ​രി​കൾക്കു സ്വകാര്യ വാർത്താ​വി​നി​മ​യ​ങ്ങ​ളു​ടെ​മേൽ നിയമാ​ധി​കാ​ര​മു​ണ്ടാ​യി​രി​ക്കേണ്ട​തി​ന്റെ ആവശ്യം തോന്നി. തപാൽ സേവന​ങ്ങ​ളു​ടെ​മേൽ ഗവൺമെൻറ്‌ കുത്തക സൃഷ്ടി​ക്കു​ന്ന​തി​നു ദി യൂണി​വേ​ഴ്‌സൽ പോസ്‌ററൽ യൂണിയൻ എന്ന തന്റെ പുസ്‌ത​ക​ത്തിൽ ജോർജ്‌ എ. കോഡിൻ ജൂണിയർ രണ്ടു പ്രമുഖ കാരണങ്ങൾ സമർപ്പി​ക്കു​ന്നു. ഒന്ന്‌, ഇതിന്റെ വരുമാ​നം “ഈ ഔദ്യോ​ഗിക സേവന​ത്തി​നു ധനസഹാ​യം നൽകു​ന്ന​തി​നുള്ള ഒരു അത്യുത്തമ മാർഗ​മാ​യി​രു​ന്നു.” രണ്ട്‌, ഇതിനു നൽകി​യി​രുന്ന സുരക്ഷി​ത​ത്വം രാഷ്‌ട്ര​ത്തി​ന്റെ ശത്രു​ക്ക​ളു​ടെ വാർത്താ​വി​നി​മ​യത്തെ നിയ​ന്ത്രി​ക്കു​ന്ന​തിന്‌ ഒരു സഹായ​മാ​യി​രു​ന്നു.

അങ്ങനെ, ദ ഫ്രഞ്ച്‌ റോയൽ പോസ്‌ററ്‌ 1464-ൽ കുറെ പൊതു തപാൽ കൈകാ​ര്യം ചെയ്യാൻ തുടങ്ങി. ആയിര​ത്തി​യ​റു​നൂ​റ​റി​മു​പ്പ​ത്ത​ഞ്ചിൽ ഇംഗ്ലണ്ടി​ലെ ചാൾസ്‌ ഒന്നാമൻ രാജകീയ തപാൽ സേവനം ജനങ്ങൾക്കു ലഭ്യമാ​ക്കി. മററു ഗവൺമെൻറു​കൾ സമാന​മാ​യി പ്രവർത്തി​ക്കു​ക​യും തദ്വാര ജനങ്ങൾക്കി​ട​യി​ലെ ഈ കൈമാ​റ​റ​ത്തിൻമേൽ നിയ​ന്ത്രണം ഏറെറ​ടു​ത്തു​കൊ​ണ്ടു തപാൽ സേവന​ത്തിൽ കുത്തക ഏർപ്പെ​ടു​ത്തു​ക​യും ചെയ്‌തു.

പണ്ടത്തെ അമേരി​ക്കൻ സമ്പ്രദാ​യത്തെ ബ്രിട്ടൻ നിയ​ന്ത്രി​ച്ചി​രു​ന്നു, റോമാ സാമ്രാ​ജ്യം അതിന്റെ തപാൽ ശൃംഖ​ലയെ ബ്രിട്ട​നി​ലേക്കു വ്യാപി​പ്പി​ച്ച​തു​പോ​ലെ​തന്നെ. റോമൻ സമ്പ്രദാ​യം പേർഷ്യൻ ക്രമീ​ക​ര​ണത്തെ മിക്കവാ​റും പകർത്തി​യി​രു​ന്നു, അവരു​ടേതു പൊ.യു.മു. (പൊതു​യു​ഗ​ത്തി​നു മുമ്പ്‌) ആറാം നൂററാ​ണ്ടിൽ സ്ഥാപി​ത​മായ, മാററ​ക്കു​തി​ര​കളെ ഉപയോ​ഗി​ച്ചു ജോലി ചെയ്‌ത അശ്വാ​രൂഢ സന്ദേശ​വാ​ഹ​ക​രു​ടെ ഒരു തപാൽ സമ്പ്രദാ​യ​മാ​യി​രു​ന്നു. ഇങ്ങനെ, അനേകം തപാൽ സമ്പ്രദാ​യ​ങ്ങ​ളി​ലെ സ്വഭാ​വ​വി​ശേ​ഷ​ത​ക​ളു​ടെ തുടക്കം പേർഷ്യ​യി​ലാ​ണെന്നു കണ്ടെത്താ​വു​ന്ന​താണ്‌.

അമേരി​ക്കൻ കോള​നി​ക​ളു​ടെ തപാൽ സമ്പ്രദാ​യം ഔദ്യോ​ഗി​ക​മാ​യി 1639-ൽ വിദേശ തപാൽ കൈകാ​ര്യം ചെയ്യാൻ തുടങ്ങി, ബോസ്‌റ​റ​ണി​നും ന്യൂ​യോർക്ക്‌ സിററി​ക്കു​മി​ട​യി​ലുള്ള ആഭ്യന്തര തപാൽ 1673-ലും. ഇപ്പോൾ യു.എസ്‌. ഹൈവേ 1-ന്റെ ഭാഗമായ ആ അല്‌പ​കാല തപാൽ മാർഗത്തെ ബോസ്‌ററൺ പോസ്‌ററൽ റോഡ്‌ എന്നു വിളി​ക്കാ​നി​ട​യാ​യി. പത്തൊൻപ​താം നൂററാ​ണ്ടി​ന്റെ മധ്യ​ത്തോ​ടെ തപാൽവണ്ടി, സ്‌ററീം​ബോട്ട്‌, റെയിൽ റോഡ്‌ എന്നിവ മുഖേന തപാൽ കൊണ്ടു​പോ​കാൻ തുടങ്ങി. ന്യൂ​യോർക്ക്‌ നഗരത്തിൽനി​ന്നു കാലി​ഫോർണി​യ​യി​ലെ സാൻഫ്രാൻസി​സ്‌കോ​യി​ലേ​ക്കുള്ള തപാൽ വിതര​ണ​ത്തിന്‌ കപ്പലിൽ ഏതാണ്ട്‌ ഒരു മാസമോ അതി​ലേ​റെ​യോ വേണ്ടി​വ​രി​ക​യും തപാൽവ​ണ്ടി​യിൽ അതിലും വളരെ കൂടുതൽ വേണ്ടി​വ​രി​ക​യും ചെയ്‌തു.

ദ പോണി എക്‌സ്‌പ്രസ്സ്‌

ഐക്യ​നാ​ടു​ക​ളി​ലെ​മ്പാ​ടു​മുള്ള വിതര​ണ​ത്തി​ന്റെ വേഗം കൂട്ടു​ന്ന​തി​നു തപാൽവ​ണ്ടി​യോ കപ്പലോ അല്ലാതെ മറെറ​ന്തെ​ങ്കി​ലും ആവശ്യ​മാ​യി​രു​ന്നു. ഈ പ്രശ്‌നം എങ്ങനെ പരിഹ​രി​ക്കു​മാ​യി​രു​ന്നു? നൂററാ​ണ്ടു​കൾ പഴക്കമുള്ള മാർഗ​മാ​യി​രുന്ന അഞ്ചലോ​ട്ട​ക്കാ​ര​നെ​യും കുതി​ര​യെ​യും ഉപയോ​ഗി​ച്ചു. ഹിസ്‌റ​ററി ഓഫ്‌ ദി യു.എസ്‌.പോസ്‌ററൽ സർവീസ്‌ 1775-1984 എന്ന ഗ്രന്ഥം 1860 മാർച്ചി​ലെ പത്രപ്പ​ര​സ്യം ഉദ്ധരി​ക്കു​ന്നു:

“ആവശ്യ​മുണ്ട്‌: 18 വയസ്സിനു താഴെ​യുള്ള ചെറു​പ്പ​ക്കാ​രായ, ചടച്ച, കമ്പി​പോ​ലത്തെ ശരീര​മു​ള്ളവർ. ദിവസ​വും മരണത്തെ അഭിമു​ഖീ​ക​രി​ക്കാൻ തയ്യാറുള്ള അതിസ​മർഥ​രായ സവാരി​ക്കാ​രാ​യി​രി​ക്കണം. അനാഥ​രാ​യ​വർക്കു മുൻഗണന.”

ശമ്പളത്തിന്‌ എടുക്ക​പ്പെ​ടു​ന്നവർ “അനാദ​രവു കാട്ടു​ക​യോ വഴക്കു​ണ്ടാ​ക്കു​ക​യോ തങ്ങളുടെ മൃഗങ്ങളെ ദുർവി​നി​യോ​ഗം ചെയ്യു​ക​യോ ഇല്ലെന്നും സത്യസ​ന്ധ​മാ​യി പെരു​മാ​റി​ക്കൊ​ള്ളാ​മെ​ന്നും ബൈബി​ളിൽ കൈ​വെച്ചു സത്യം ചെയ്യണ​മാ​യി​രു​ന്നു.” ഇതായി​രു​ന്നു കീർത്തി​കേട്ട പോണി എക്‌സ്‌പ്രസ്സ്‌. അതു മിസ്സൗ​റി​യി​ലെ സെൻറ്‌ ജോസ​ഫി​നും ഐക്യ​നാ​ടു​ക​ളു​ടെ പാശ്ചാ​ത്യ​തീ​ര​ത്തി​നും ഇടയിലെ 3,200 കിലോ​മീ​ററർ ദൂരത്തെ വിതര​ണ​സ​മയം പത്തു ദിവസ​മാ​ക്കി കുറച്ചു. പതിനഞ്ചു കിലോ​മീ​റ​റർമു​തൽ 25 കിലോ​മീ​റ​റർവരെ വേഗത്തിൽ സഞ്ചരി​ക്കു​ക​യും പിന്നെ താമസം​വി​നാ അടുത്ത കുതി​ര​ക്കാ​രനു കൈമാ​റു​ക​യും ചെയ്‌തു​കൊണ്ട്‌ ആ ചെറു​പ്പ​ക്കാ​രായ സവാരി​ക്കാർ ഏതു കാലാ​വ​സ്ഥ​യി​ലും പർവത​ങ്ങ​ളി​ലൂ​ടെ​യും സമതല​ങ്ങ​ളി​ലൂ​ടെ​യും നദിക​ളി​ലൂ​ടെ​യും പാഞ്ഞു​പോ​യി. ഏററവും വേഗം കൂടിയ കുതി​രകൾ ഉണ്ടായി​രു​ന്ന​തി​നാൽ, പോണി എക്‌സ്‌പ്രസ്സ്‌ നിലവി​ലു​ണ്ടാ​യി​രുന്ന കാല​ത്തെ​ല്ലാം, ഈ ധീരരായ സന്ദേശ​വാ​ഹകർ കുതി​ര​സ​വാ​രി​യിൽ അമേരി​ക്കൻ ഇൻഡ്യ​ക്കാ​രെ​യും പെരു​വ​ഴി​ക്ക​വർച്ച​ക്കാ​രെ​യും കടത്തി​വെ​ട്ടി​യി​രു​ന്നു; എങ്കിലും ഒരു സവാരി​ക്കാ​രൻ കൊല്ല​പ്പെട്ടു.

ആയിര​ത്തെ​ണ്ണൂ​റ​റ​റു​പത്‌ ഏപ്രിൽ 3മുതൽ 1861 ഒക്‌ടോ​ബർ 26വരെ മാത്രം പ്രവർത്തിച്ച ഈ ധീരമായ തപാൽ സേവനത്തെ ഐതി​ഹ്യം പെരു​പ്പി​ച്ചു​കാ​ട്ടി​യി​രി​ക്കു​ന്നു. ഭൂഖണ്ഡ​വ്യാ​പ​ക​മാ​യുള്ള ടെല​ഗ്രാഫ്‌ സേവന​ത്തി​ന്റെ ആരംഭ​ത്തോ​ടെ അതു പ്രവൃ​ത്തി​പ​ഥ​ത്തിൽ ഇല്ലാ​തെ​യാ​യി, അമേരി​ക്കൻ തപാൽ ചരി​ത്ര​ത്തി​ലെ ഏററവും വർണോ​ജ്ജ്വ​ല​മായ അധ്യാ​യ​ങ്ങ​ളിൽ ഒന്നിനെ അവസാ​നി​പ്പി​ച്ചു​കൊ​ണ്ടു​തന്നെ.

ആധുനിക മാർഗങ്ങൾ

ഇന്ന്‌ ഒരു കത്തു തപാലിൽ അയച്ചാൽ അത്‌ എങ്ങനെ കൈകാ​ര്യം ചെയ്യ​പ്പെ​ടു​മെന്നു കാണാം. ഈ സേവനത്തെ നിങ്ങൾ ഉപയു​ക്ത​മാ​ക്കു​ന്ന​ത​നു​സ​രിച്ച്‌ അതിന്റെ വിതര​ണ​സ​മയം വ്യത്യാ​സ​പ്പെ​ട്ടേ​ക്കാം.

ദിവസത്തെ ജോലി​ക​ളെ​ല്ലാം തീർത്ത​തി​നു​ശേഷം, കുന്നു​കൂ​ടുന്ന കത്തിട​പാ​ടു​കൾ തപാലിൽ ഇടുന്നു. ഇതു നമ്മു​ടെ​യെ​ല്ലാം സാധാരണ രീതി​യാ​യ​തു​കൊണ്ട്‌ ഉച്ചക്കു​ശേഷം ഒരു തപാൽ പ്രളയം​തന്നെ തപാൽ പ്രവാ​ഹ​ത്തി​ലേക്കു പ്രവേ​ശി​ക്കു​ന്നു. അതു​കൊണ്ട്‌, രാവിലെ തന്നെ തപാലി​ലി​ടു​ന്നത്‌ ഏതാനും മണിക്കൂ​റു​ക​ളു​ടെ മേൻമ നൽകു​ക​യും അതു നിങ്ങളു​ടെ തപാൽ ഉരുപ്പ​ടി​കളെ പ്രതി​ദിന പ്രവാ​ഹ​ത്തി​ന്റെ മുൻനി​ര​യി​ലെ​ത്തി​ക്കു​ക​യും ചെയ്യും. ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റെ​റാ​ന്നിൽ ഐക്യ​നാ​ടു​ക​ളി​ലെ ഈ തപാൽ പ്രവാ​ഹ​ത്തി​ന്റെ പ്രതി​ദിന വ്യാപ്‌തി ശരാശരി 45 കോടി 40 ലക്ഷം എണ്ണമാ​യി​രു​ന്നു, അതിൽ 1 കോടി 33 ലക്ഷം ന്യൂ​യോർക്ക്‌ നഗരത്തി​ന്റേ​താ​യി​രു​ന്നു; ഫ്രാൻസിൽ 7 കോടി 10 ലക്ഷമാ​യി​രു​ന്നു, അതിൽ 55 ലക്ഷം പാരീ​സി​ന്റേ​താ​യി​രു​ന്നു; ജപ്പാനിൽ 6 കോടി 25 ലക്ഷമാ​യി​രു​ന്നു, അതിൽ 1 കോടി 70 ലക്ഷം ടോക്കി​യോ​യു​ടേ​താ​യി​രു​ന്നു; ബ്രിട്ട​നിൽ 6 കോടി​യാ​യി​രു​ന്നു.

തെരു​വി​ലോ ഒരു ചെറിയ തപാലാ​പ്പീ​സി​ലോ ഉള്ള എഴുത്തു​പെ​ട്ടി​യിൽ ഇടുന്ന കത്തുകൾ ഒരു വലിയ തപാലാ​പ്പീ​സി​ലേക്കു കൊണ്ടു​വ​രു​ന്നു. സംഭര​ണ​സ​മ​യ​ത്തി​നു തൊട്ടു​മു​മ്പും, പ്രാ​യോ​ഗി​ക​മെ​ങ്കിൽ വലിയ തപാലാ​പ്പീ​സു​കൾക്കു സമീപ​വും നിങ്ങളു​ടെ തപാൽ ഇടുന്നതു വിതര​ണ​സ​മ​യത്തെ മെച്ച​പ്പെ​ടു​ത്തു​ന്നു.

പ്രദേ​ശ​ത്തെ തപാലാ​പ്പീ​സിൽ നിങ്ങളു​ടെ കത്തുകൾ ബാഗി​ലാ​ക്കി, വണ്ടിയിൽ കയററി, ഓട്ടോ​മാ​റ​റിക്ക്‌ തപാൽ സോർട്ടിംഗ്‌ ഉപകരണം ഉപയോ​ഗ​പ്പെ​ടു​ത്തുന്ന സെക്‌ഷണൽ സെൻറർ എന്ന തപാൽ ഓഫീ​സി​ലേക്കു കൊണ്ടു​പോ​കും. അവിടെ, വിദഗ്‌ദ്ധ​മാ​യി രൂപക​ല്‌പന ചെയ്‌തി​ട്ടുള്ള യന്ത്രങ്ങൾ ഉപയോ​ഗിച്ച്‌, കൺവെയർ ബെൽറ​റി​ലൂ​ടെ മുമ്പോ​ട്ടു പോകുന്ന കത്തുക​ളു​ടെ, തിരച്ചി​ലും മുഖപ്പു​റം വേണ്ടി​ടത്തു വരുത്ത​ലും മുദ്ര കുത്തലും ഇനം തിരി​ക്ക​ലും കൂട്ടി​വെ​ക്ക​ലും എല്ലാം നടക്കു​ന്ന​തിന്‌ അവ ഓട്ടോ​മാ​റ​റി​ക്കാ​യി​ട്ടു മറിക്കു​ക​യും തിരി​ക്കു​ക​യും ചെയ്യുന്നു. ഫെയ്‌സർ-ക്യാൻസലർ എന്ന ഒരു ഉപകരണം അതി​വേഗം സ്‌ററാ​മ്പിൽ മുദ്ര കുത്തി​ക്കൊ​ണ്ടു മണിക്കൂ​റിൽ 27,000 കത്തുകൾ കൈകാ​ര്യം ചെയ്യുന്നു.

ഉച്ചതി​രിഞ്ഞ്‌ രാത്രി​വരെ, പുറ​ത്തേ​ക്കു​വി​ടേണ്ട തപാൽ സോർട്ട്‌ ചെയ്യുന്നു. എളുപ്പം വായി​ക്കാ​വുന്ന മേൽവി​ലാ​സ​മുള്ള കത്തുകൾ—ടൈപ്പ്‌ ചെയ്‌ത​തോ, പ്രിൻറ്‌ ചെയ്‌ത​തോ, കൈ​കൊണ്ട്‌ എഴുതി​യ​തോ—യന്ത്രം ഉപയോ​ഗി​ച്ചു സോർട്ട്‌ ചെയ്യാൻ കഴി​ഞ്ഞേ​ക്കും. പുതിയ യന്ത്രങ്ങൾ ‘സിപ്‌’ അഥവാ തപാൽ കോഡ്‌; നഗരം, സംസ്ഥാനം അഥവാ പ്രവിശ്യ; തെരുവ്‌ എന്നിവ ഉൾക്കൊ​ള്ളുന്ന രണ്ടു വരയി​ടു​ന്നു.

ഇത്തരം യന്ത്രങ്ങൾക്കും അനുബന്ധ ഉപകര​ണ​ത്തി​നും മണിക്കൂ​റിൽ ആയിര​ക്ക​ണ​ക്കി​നു കത്തുക​ളു​ടെ മേൽവി​ലാ​സങ്ങൾ സ്വയം “വായിക്കു”ന്നതിനും അതിൽ പ്രത്യേക തപാൽ കോഡു​കൾ അച്ചടി​ക്കു​ന്ന​തി​നും കഴിയും. യന്ത്രത്തി​നു കൈകാ​ര്യം ചെയ്യാൻ കഴിയാത്ത ഫസ്‌ററ്‌-ക്ലാസ്സ്‌ തപാൽ ഉരുപ്പ​ടി​കൾ കൈ​കൊ​ണ്ടു സോർട്ട്‌ ചെയ്യണം, മണിക്കൂ​റിൽ ശരാശരി 800 എണ്ണം വീതം. ഐക്യ​നാ​ടു​ക​ളിൽ ‘സിപ്‌’ കോ​ഡോ​ടു​കൂ​ടിയ (മററു മിക്ക രാജ്യ​ങ്ങ​ളി​ലും തപാൽ കോഡ്‌), എളുപ്പം വായി​ക്കാ​വുന്ന ഒരു മേൽവി​ലാ​സം നിങ്ങളു​ടെ കത്തു കൂടുതൽ കാര്യ​ക്ഷ​മ​മായ മാർഗ​ങ്ങ​ളിൽ വേഗം കൈകാ​ര്യം ചെയ്യാൻ സഹായി​ക്കു​ന്നു.

പുറ​ത്തേ​ക്കു പോകുന്ന തപാൽ വായൂ​മാർഗ​മോ കരമാർഗ​മോ അയക്കുന്നു. ഫസ്‌ററ്‌-ക്ലാസ്സ്‌ തപാൽ ചില പ്രത്യേക നഗരങ്ങ​ളി​ലേ​ക്കും സെക്‌ഷണൽ സെൻറ​റു​ക​ളി​ലേ​ക്കും സാധാ​ര​ണ​മാ​യി പിറെ​റ​ദി​വസം തന്നെയും, പ്രാ​ദേ​ശി​ക​മാ​യി നിർദേ​ശി​ച്ചി​രി​ക്കുന്ന സംസ്ഥാ​ന​ങ്ങ​ളിൽ രണ്ടു ദിവസ​ത്തി​ന​ക​വും, ഐക്യ​നാ​ടു​ക​ളിൽ മറെറ​വി​ടെ​യും മൂന്നു ദിവസ​ത്തി​ന​ക​വും വിതരണം ചെയ്യുന്നു. ബ്രിട്ട​നിൽ ഫസ്‌ററ്‌-ക്ലാസ്സ്‌ തപാലിൽ 90 ശതമാനം പിറേറ പ്രവൃത്തി ദിവസം​ത​ന്നെ​യും സെക്കൻറ്‌-ക്ലാസ്സ്‌ തപാലിൽ 97.4 ശതമാനം മൂന്നാം ദിവസം​ത​ന്നെ​യും വിതരണം ചെയ്‌തി​രി​ക്കണം. ഫ്രാൻസി​ലാ​ണെ​ങ്കിൽ ആഭ്യന്തര കത്തുക​ളിൽ 81 ശതമാനം പിറേറ ദിവസ​വും തപാൽ ഉരുപ്പ​ടി​ക​ളിൽ 96.3 ശതമാനം രണ്ടു ദിവസ​ത്തി​നു​ള്ളി​ലും (ഞായറാ​ഴ്‌ച​ക​ളും അവധി ദിവസ​ങ്ങ​ളും ഒഴികെ) വിതരണം ചെയ്‌തു എന്ന്‌ 1992 മെയ്‌ മാസത്തിൽ പ്രസി​ദ്ധീ​ക​രിച്ച ഫ്രഞ്ച്‌ പോസ്‌ററൽ സർവേ കാണി​ക്കു​ന്നു. അങ്ങനെ, ഈ പുറ​ത്തേക്കു പോകുന്ന തപാലു​കൾ, രാത്രി വൈകി ഏരിയാ മെയിൽ പ്രോ​സ​സ്സിംഗ്‌ ഓഫീ​സു​ക​ളി​ലും പിന്നെ ഉദ്ദിഷ്ട തപാൽ ഓഫീ​സു​ക​ളി​ലും അകത്തേക്കു വരുന്ന​വ​യാ​യി​ത്തീ​രു​ന്നു. അകത്തേക്കു വരുന്ന തപാലു​കൾ രാത്രി​യി​ലും രാവി​ലെ​വ​രെ​യും വിതരണം ചെയ്യു​ന്ന​തി​നാ​യി സോർട്ട്‌ ചെയ്യുന്നു.

വാച്ച്‌ ടവർ സൊ​സൈ​ററി പോലുള്ള വൻകിട പതിവു​കാർ തങ്ങളുടെ വ്യവസാ​യ​ശാ​ല​ക​ളിൽ നിന്നു തപാലാ​പ്പീ​സു​കാർക്കു ട്രാക്‌ററർ ട്രെയി​ല​റിൽ കയററി​ക്കൊ​ണ്ടു​പോ​കാൻത​ക്ക​വണ്ണം തപാലു​കൾ ക്രമീ​ക​രി​ച്ചു​വെ​ക്കു​ന്നു. തപാലാ​പ്പീസ്‌ ഈ തപാൽ നേരിട്ടു രാജ്യ​ത്തി​നു കുറു​കെ​യുള്ള തപാൽ വിതരണ ജോലി​ക്കാർക്ക്‌ എത്തിച്ചു​കൊ​ടു​ക്കു​ന്നു. തപാൽ സേവകർ ഇലക്‌​ട്രോ​ണിക്ക്‌ തപാൽ (E-mail; വിദൂര വാർത്താ​വി​നി​മയ മാർഗ​ങ്ങ​ളി​ലൂ​ടെ കമ്പ്യൂട്ടർ ഉപയോ​ഗി​ച്ച​യ​ക്കുന്ന വിവരങ്ങൾ) പോലുള്ള മത്സരാ​ത്മ​ക​മായ വാർത്താ​വി​നി​മയ മാർഗങ്ങൾ വർധിച്ച തോതിൽ ഉപയോ​ഗ​പ്പെ​ടു​ത്തു​ന്നു. ഫ്രഞ്ച്‌ സമ്പ്രദാ​യം കഴിഞ്ഞ വർഷം ഒരു കോടി വിദൂര നിയ​ന്ത്രിത പ്രിൻറിം​ഗു​കൾ (E-mail) അയച്ചു.

രാജ്യ​ങ്ങൾക്കി​ട​യിൽ തപാൽ നടപടി​കൾ വ്യത്യ​സ്‌ത​മാ​യി​രു​ന്നേ​ക്കാ​മെ​ങ്കി​ലും ലോക​ത്തി​ലെ തപാലു​ക​ളിൽ ഏറിയ പങ്കും ഞങ്ങൾ വർണി​ച്ചി​രി​ക്കുന്ന യു.എസ്‌. പോസ്‌ററൽ സർവീ​സി​നോ​ടു സമാന​മായ രീതി​യി​ലാ​ണു കൈകാ​ര്യം ചെയ്യു​ന്നത്‌. അതു ലോക തപാൽ വ്യാപ്‌തി​യു​ടെ 40 ശതമാനം കൈകാ​ര്യം ചെയ്യുന്നു.

മററു പോസ്‌ററൽ സർവീ​സു​കൾ

തപാൽ കൈകാ​ര്യം ചെയ്യു​ന്ന​തു​കൂ​ടാ​തെ തപാൽ സമ്പ്രദാ​യങ്ങൾ മററന​വധി സേവനങ്ങൾ ചെയ്യുന്നു. ഒരു യു.എസ്‌. തപാലാ​പ്പീസ്‌ പാസ്‌പോർട്ട്‌ സമ്പാദി​ക്കാൻ നിങ്ങളെ സഹായി​ക്കും. ജപ്പാനി​ലെ ഒരു തപാലാ​പ്പീ​സി​ലോ ബ്രിട്ടീഷ്‌ ജൈ​റോ​ബാ​ങ്കി​ലോ (മുമ്പു ബ്രിട്ടീഷ്‌ പോസ്‌ററൽ സർവീ​സി​ന്റെ ഉടമസ്ഥ​ത​യി​ലു​ണ്ടാ​യി​രു​ന്നത്‌) നിങ്ങൾ ബാങ്കി​ട​പാ​ടു​കൾ നടത്തി​യേ​ക്കാം. കൂടാതെ, നഷ്ടപ്പെ​ടു​ക​യോ കേടു​പ​റ​റു​ക​യോ ചെയ്‌താൽ വിലയീ​ടാ​ക്കു​ന്ന​തിന്‌, തപാലിൽ അയക്കുന്ന സാധനങ്ങൾ ഇൻഷ്വർ ചെയ്യു​ക​യോ രജിസ്‌ററർ ചെയ്യു​ക​യോ ചെയ്‌തേ​ക്കാം. തപാലിൽ അയച്ചു അഥവാ എത്തിച്ചു​കൊ​ടു​ത്തു എന്നതിന്റെ തെളിവു മാത്രം മതി​യെ​ങ്കിൽ സാക്ഷ്യ​പ്പെ​ടു​ത്തി അയച്ചാൽ മതി, അതു രജിസ്‌ററർ ചെയ്യു​ന്ന​തി​നെ​ക്കാൾ ചെലവു കുറഞ്ഞ​താണ്‌. ജപ്പാൻ പോസ്‌ററൽ സർവീ​സിൽ നിന്ന്‌ ആളുകൾക്കു ലൈഫ്‌ ഇൻഷ്വ​റൻസും ലഭിക്കും.

ആവശ്യ​പ്പെ​ട്ടാൽ, ഐക്യ​നാ​ടു​ക​ളി​ലേതു പോലുള്ള ചില പോസ്‌ററൽ സർവീ​സു​കൾ ലഭ്യമായ മേൽവി​ലാസ-തിരുത്തൽ വിവരങ്ങൾ നൽകും. കവറിന്റെ മുൻവ​ശത്തു, മറുപടി മേൽവി​ലാ​സ​ത്തി​ന്റെ കീഴെ “മേൽവി​ലാസ-തിരുത്തൽ ആവശ്യ​പ്പെ​ട്ടി​രി​ക്കു​ന്നു” എന്നോ “അയക്കരുത്‌” എന്നോ എഴുതുക. കൂടു​ത​ലായ ചാർജ്‌ ഒന്നും കൂടാതെ, ഫസ്‌ററ്‌-ക്ലാസ്സ്‌ തപാലു​കൾ പുതിയ മേൽവി​ലാ​സ​ത്തോ​ടു​കൂ​ടി​യോ (ഒരു വർഷത്തിൽ കുറവെ ആയിട്ടു​ള്ളെ​ങ്കിൽ), വിതരണം ചെയ്യാ​ഞ്ഞ​തി​ന്റെ മറേറ​തെ​ങ്കി​ലും കാരണ​ത്തോ​ടു​കൂ​ടി​യോ നിങ്ങൾക്കു തിരി​ച്ചു​വ​രും.

ഇവയ്‌ക്കും മററു സേവന​ങ്ങൾക്കും ലോകം തപാൽ സമ്പ്രദാ​യത്തെ വളരെ ആശ്രയി​ക്കു​ന്നു. ഇവാ​ല്വേ​ഷൻ ഓഫ്‌ ദി യു​ണൈ​റ​റഡ്‌ സ്‌റേ​റ​റ​റ്‌സ്‌ പോസ്‌ററൽ സർവീസ്‌ റിപ്പോർട്ട്‌ ഇങ്ങനെ പറയുന്നു: “ബൃഹത്തായ അളവിൽ തപാൽ കൈകാ​ര്യം ചെയ്‌തു​കൊണ്ട്‌ ഈ പോസ്‌ററൽ സർവീസ്‌ ഒരു നല്ല വേല ചെയ്യുന്നു, എന്നാൽ തപാൽ വാസ്‌ത​വ​ത്തിൽ എപ്പോൾ പ്രതീ​ക്ഷി​ക്കാം എന്നു പൊതു​ജനം അറി​യേ​ണ്ട​തിന്‌, അപരി​ഹാ​ര്യ​മായ കുറവു​കൾ സമ്മതി​ച്ചു​പ​റ​യു​ന്ന​തിൽ അതു തുടരണം.” ഐക്യ​നാ​ടു​ക​ളിൽ, 25,00,00,000 പ്രതി​ദിന ഫസ്‌ററ്‌-ക്ലാസ്സ്‌ തപാലി​ന്റെ വെറും 5 ശതമാ​ന​ത്തി​നു പോലും താമസം നേരി​ട്ടാൽ അതു പ്രതി​ദി​നം 1,20,00,000-ത്തിലധി​ക​മാ​യി​രി​ക്കും. അത്‌, താമസി​ച്ചു വിതരണം ചെയ്‌തെന്ന അനേകം പരാതി​കൾക്കു കാരണ​മാ​കും.

അലട്ടുന്ന സാമ്പത്തി​കാ​വ​സ്ഥ​ക​ളും തപാൽ സമ്പ്രദാ​യത്തെ ബാധി​ച്ചി​ട്ടുണ്ട്‌. വർധി​ക്കുന്ന നിരക്കു​ക​ളും കേടു​പ​റ​റിയ ഉരുപ്പ​ടി​ക​ളും വൈകി​യെ​ത്തുന്ന തപാലു​ക​ളും ആധുനിക സാങ്കേ​തി​ക​വി​ദ്യ​യും ഗവൺമെൻറ്‌-നിയ​ന്ത്രിത സർവീ​സു​ക​ളോ​ടുള്ള വർധിച്ച മത്സരങ്ങൾക്കു പ്രോ​ത്സാ​ഹനം നൽകി. കൈകാ​ര്യം ചെയ്യു​ന്ന​തി​നുള്ള നവീന മാർഗങ്ങൾ തപാൽ പ്രവർത്ത​ന​ക്ര​മത്തെ മെച്ച​പ്പെ​ടു​ത്തി​യി​ട്ടു​ണ്ടെ​ങ്കി​ലും എല്ലാ സ്ഥാപന​ങ്ങ​ളു​ടെ മേലു​മുള്ള സമ്മർദങ്ങൾ തപാൽ സമ്പ്രദാ​യ​ങ്ങൾക്കു പ്രയാ​സ​ക​ര​മായ സമയങ്ങൾ ഉളവാ​ക്കി​യി​രി​ക്കു​ന്നു. യു.എസ്‌.പോസ്‌ററൽ സർവീ​സിന്‌ 1991-ൽ ഏതാണ്ട്‌ 150,00,00,000 ഡോള​റി​ന്റെ വരുമാന നഷ്ടമു​ണ്ടാ​യി​രു​ന്നു. ഇപ്പോ​ഴത്തെ സർവീസ്‌ തുടർന്നു കൊണ്ടു​പോ​കു​ന്ന​തി​നു തപാൽ നിരക്കി​ലെ വലിയ വർധന​വും ജോലി​ക്കാ​രെ കുറക്കു​ന്ന​തും പോലുള്ള കർശന​മായ നടപടി​കൾ ആവശ്യ​മാ​യി വന്നേക്കാം.

പ്രശ്‌ന​ങ്ങൾ ഉണ്ടായി​ട്ടും, പുരാതന കാലങ്ങ​ളി​ലെ ചെറു​ചാ​ലിൽ നിന്ന്‌ ഇന്നത്തെ കരകവി​ഞ്ഞൊ​ഴു​കുന്ന നദിയാ​യി, തപാൽ പ്രവാഹം തുടരു​ന്നു, ആശയവി​നി​യമം ചെയ്യാ​നുള്ള സഹജമായ ആവശ്യത്തെ തൃപ്‌തി​പ്പെ​ടു​ത്തി​ക്കൊ​ണ്ടു​തന്നെ.—ഒരു തപാൽ ജോലി​ക്കാ​രൻ സംഭാവന ചെയ്‌തത്‌.

[18-ാം പേജിലെ ചതുരം/ചിത്രം]

പേർഷ്യൻ രീതി​യി​ലുള തപാൽ വിതരണം

പുരാതന പേർഷ്യൻ സാമ്രാ​ജ്യ​മാ​ണു രംഗം. എഴുതിയ പ്രമാ​ണങ്ങൾ ശ്രദ്ധാ​പൂർവം തയ്യാറാ​ക്കി ഔദ്യോ​ഗി​ക​മാ​യി മുദ്ര​വെച്ചു ഗവൺമെൻറ്‌ പോസ്‌ററൽ സർവീസ്‌ മുഖേന അയയ്‌ക്കു​ന്നു. ആ കല്‌പ​നകൾ സത്വരം എത്തിക്കു​ക​യും അതനു​സ​രിച്ച്‌ ഉടനടി നടപടി എടുക്കു​ക​യും ചെയ്‌തി​ല്ലെ​ങ്കിൽ അനേകം ജീവൻ നഷ്ടപ്പെ​ടു​മാ​യി​രു​ന്നു. എന്നാൽ എങ്ങനെ​യാ​ണു തപാൽ കൊ​ണ്ടെ​ത്തി​ക്കുക? ആ “കത്തുകൾ രാജകീയ കുതി​രാ​ല​യ​ത്തിൽ നിന്നുള്ള കുതി​ര​ക​ളു​ടെ​മേൽ സവാരി ചെയ്യുന്ന അശ്വാ​രൂഢ സന്ദേശ​വാ​ഹകർ മുഖേന അയച്ചു. . . . അതു​കൊണ്ട്‌, രാജാ​വി​ന്റെ അടിയ​ന്തിര കല്‌പ​ന​യി​ങ്കൽ അവരുടെ രാജകീയ കുതി​ര​പ്പു​റ​ത്തേ​റിയ സന്ദേശ​വാ​ഹ​കരെ പരമാ​വധി വേഗത്തിൽ അയച്ചി​രു​ന്നു” എന്ന്‌ ദ ന്യൂ ഇംഗ്ലീഷ്‌ ബൈബിൾ എസ്ഥേർ 8:10, 14-ൽ പ്രസ്‌താ​വി​ക്കു​ന്നു.

ഏതാണ്ട്‌ 23 കിലോ​മീ​ററർ ഇടവിട്ടു നിർത്തി​യി​രുന്ന മാററ​ക്കു​തി​ര​കളെ ഉപയോ​ഗി​ച്ചു സഞ്ചരി​ച്ചി​രുന്ന ആ ആശ്രയ​യോ​ഗ്യ​രായ കുതി​ര​സ​വാ​രി​ക്കാർക്കാ​യി​രുന്ന പൊ.യു.മു. അഞ്ചാം നൂററാ​ണ്ടിൽ യഹൂദൻമാ​രെ വംശവി​ച്‌ഛേ​ദ​ത്തിൽനി​ന്നു രക്ഷിക്കു​മാ​യി​രുന്ന, അഹശ്വേ​രോശ്‌ രാജാ​വി​ന്റെ എതിർ കല്‌പന എത്തിച്ചു​കൊ​ടു​ക്കാൻ മുൻഗണന ലഭിച്ചത്‌. “തങ്ങൾ പോ​കേ​ണ്ടി​യി​രുന്ന ദൂരം തങ്ങളുടെ ഏററവും ഉയർന്ന വേഗത്തിൽ പൂർത്തി​യാ​ക്കു​ന്ന​തിൽനി​ന്നു” ഈ സന്ദേശ​വാ​ഹ​കരെ “മഞ്ഞോ, മഴയോ, ചൂടോ, രാത്രി​യി​ലെ ഇരുട്ടോ തടസ്സ”പ്പെടു​ത്തി​യി​രു​ന്നില്ല എന്നു ചരി​ത്ര​കാ​ര​നായ ഹെറോ​ഡോ​ട്ടസ്‌ പ്രസ്‌താ​വി​ച്ചു. ഇതായി​രു​ന്നു പേർഷ്യൻ സാമ്രാ​ജ്യ​ത്തു​ട​നീ​ളം ഉണ്ടായി​രുന്ന ദൈനം​ദിന ഗവൺമെൻറ്‌ വാർത്താ​വി​നി​മയ സമ്പ്രദാ​യം.

[17-ാം പേജിലെ ചിത്രം]

യന്ത്രങ്ങൾ ഒരു മണിക്കൂ​റിൽ ആയിര​ക്ക​ണ​ക്കി​നു കത്തുകൾ വായി​ക്കു​ക​യും സോർട്ട്‌ ചെയ്യു​ക​യും ചെയ്യുന്നു

[കടപ്പാട്‌]

USPS Photo