സാത്താ​ന്യാ​രാ​ധ​ന​യു​ടെ തോഴി​മാർ—മയക്കു​മ​രു​ന്നു​ക​ളും ഹെവി-മെററൽ സംഗീ​ത​വും

യൂണി​വേ​ഴ്‌സി​ററി ഓഫ്‌ ഡെൻവർ ഇൻസ്‌റ​റി​റ​റ്യൂട്ട്‌ ഓഫ്‌ ഹ്യുമാ​നി​റ​റീസ്‌ ഡയറക്ട​റായ കാൾ എ. റാഷ്‌കേ ഇങ്ങനെ എഴുതി: “നാം സാത്താന്റെ യുഗത്തി​ന്റെ മൂന്നാം ദശാബ്ദ​ത്തി​ലേക്കു നീങ്ങു​മ്പോൾ മയക്കു​മ​രു​ന്നു​ക​ളും ഹെവി-മെററൽ സംഗീ​ത​വും മൃഗീ​യ​ത​യും അനിയ​ന്ത്രി​ത​മായ അക്രമ​വു​മെ​ല്ലാം മമനു​ഷ്യ​ന്റെ വിനാശം വിളി​ച്ച​റി​യി​ച്ചു​കൊ​ണ്ടു പാറുന്ന കൊടി​ക്കൂ​റ​ക​ളാ​യി​ത്തീർന്നി​രിക്കു​ന്നത്‌ അപ്രതീ​ക്ഷി​തമല്ല.” അദ്ദേഹം ഇങ്ങനെ​യും പറഞ്ഞു: “സുവി​ശേ​ഷ​ഗീ​ത​വും ക്രിസ്‌ത്യാ​നി​ത്വ​വും തമ്മിലുള്ള ബന്ധമാണു ഹെവി മെററൽ റോക്ക്‌ സംഗീ​ത​ത്തി​നു സാത്താ​ന്യാ​രാ​ധ​ന​യു​മാ​യുള്ള ബന്ധമെന്നു നിങ്ങൾക്കു പറയാ​വു​ന്ന​താണ്‌. വളരെ കുറച്ച്‌ ആളുകൾ മാത്രമേ റേഡി​യോ​യിൽ സുവി​ശേ​ഷ​സം​ഗീ​തം കേട്ടു ക്രിസ്‌ത്യാ​നി​ത്വ​ത്തി​ലേക്കു പരിവർത്ത​നം​ചെ​യ്യു​ന്നു​ള്ളു. എന്നാൽ ഹെവി മെററൽ വളരെ ശക്തമായ ഒരു പ്രബല​ന​ഘ​ട​ക​മാണ്‌. അതു കുട്ടികൾ ഇപ്പോൾത്തന്നെ ഉൾപ്പെ​ടുന്ന വൃത്തി​കെട്ട പ്രവർത്ത​ന​ങ്ങളെ നിയമാ​നു​സൃ​ത​മാ​ക്കു​ന്നു.”

ഇത്‌ ഇന്നത്തെ യുവജ​ന​ങ്ങ​ളിൽ ഒട്ടേറെ പേർ ജീവി​തോൽക്ക​ണ്‌ഠ​ക​ളിൽനി​ന്നുള്ള വിടുതൽ നൽകുന്ന സാധാരണ വിനോ​ദ​മാ​ണെന്നു കരുതുന്ന ഹെവി-മെററൽ മ്യൂസി​ക്കി​നും മയക്കു​മ​രു​ന്നു​കൾക്കു​മെ​തി​രായ ഒരു ശക്തമായ കുററ​പ​ത്ര​മാണ്‌. ഈ ആരോ​പ​ണ​ങ്ങളെ ന്യായീ​ക​രി​ക്കാൻ കഴിയു​മോ? മയക്കു​മ​രു​ന്നു​ക​ളും ഹെവി-മെററൽ സംഗീ​ത​വും സാത്താ​ന്യാ​രാ​ധ​ന​യു​ടെ ലക്ഷണങ്ങ​ളാ​യി​രി​ക്കാൻ സാധ്യ​ത​യു​ണ്ടോ? സാത്താ​ന്യാ​രാ​ധ​ക​രു​ടെ അക്രമത്തെ മുഖാ​മു​ഖം നേരി​ട്ടി​ട്ടു​ള്ള​വ​രു​ടെ​യും അവയെ പരി​ശോ​ധി​ച്ചി​ട്ടു​ള്ള​വ​രു​ടെ​യും അഭി​പ്രാ​യങ്ങൾ പരിചി​ന്തി​ക്കുക.

“ഹെവി മെററൽ മ്യൂസി​ക്കി​ന്റെ പ്രകോ​പ​ന​പ​ര​മായ സന്ദേശം ‘മതപര’മാണ്‌ എന്നതിൽ സംശയ​മില്ല—അതു പ്രപഞ്ച​ത്തി​ന്റെ മേൽനോ​ട്ടം​വ​ഹി​ക്കുന്ന ഒരു ഉയർന്ന ശക്തിയെ ഘോഷി​ക്കു​ന്നു​വെന്ന അർഥത്തിൽ. എന്നിരു​ന്നാ​ലും ആ ശക്തി ദൈവമല്ല,” കറുത്ത ചിത്രം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ രാഷ്‌കേ എഴുതി. “മുഖ്യ ശത്രു​വായ സാത്താൻത​ന്നെ​യാണ്‌ . . . അതിന്റെ പ്രണേ​താവ്‌.” കൂടു​ത​ലാ​യി അദ്ദേഹം പറഞ്ഞു: “സാത്താ​ന്യ​മാ​യ​തി​ന്റെ ശക്തിയും അക്രമ​വും, പ്രത്യാ​ശ​യററ, മനഃസാ​ക്ഷി മുരടിച്ച, യുവജ​നങ്ങൾ അനായാ​സം ചെന്നക​പ്പെ​ട്ടു​പോ​കും​വി​ധം വശ്യമായ ഒന്നാണ്‌. . . . അസ്വസ്ഥ​രും ദുഷ്‌പെ​രു​മാ​റ​റ​ത്തി​നു വിധേ​യ​രു​മായ ചെറു​പ്പ​ക്കാർ ചെറപ്പു​കാ​ല​ത്തി​ലെ അനുഭവം തങ്ങളിൽ പതിപ്പിച്ച ഒരു തരം വിലക്ഷണ ധാരണകൾ ഹേതു​വാ​യി ആ ഉയർന്ന ശക്തി തിൻമ​യാ​യി​രി​ക്ക​ണ​മെന്നു വിശ്വ​സി​ക്കു​ന്നു. ഹെവി മെററൽ ഈ ‘ദൈവ​ശാ​സ്‌ത്ര’ത്തെ സ്ഥിരീ​ക​രി​ക്കു​ക​യും അതിനു സംഗീ​ത​ത്തിൽ വ്യവസ്ഥാ​പി​ത​രൂ​പം കൊടു​ക്കു​ക​യും ചെയ്യുന്നു.”

റെറന്നസി യൂണി​വേ​ഴ്‌സി​റ​റി​യി​ലെ ഡോ. പോൾ കിംഗ്‌ ഹെവി-മെററൽ സംഗീ​ത​ത്തെ​ക്കു​റി​ച്ചു യു​ണൈ​റ​റഡ്‌ സ്‌റേ​റ​ററ്‌ സെനറ​റിൻമു​മ്പാ​കെ സാക്ഷ്യം പറഞ്ഞു. അദ്ദേഹം പറയു​ന്ന​ത​നു​സ​രിച്ച്‌ അസ്വസ്ഥ​രായ ഒട്ടനവധി ചെറു​പ്പ​ക്കാർ അവരുടെ സംഗീ​ത​ത്തിൽ മുൻഗണന നൽകു​ന്നത്‌ “അക്രമം, വിദ്വേ​ഷം, മത്സരം, പ്രാകൃ​ത​മായ ലൈം​ഗി​കത, സ്‌ത്രീ​ജ​ന​ദ്രോ​ഹം, സാത്താന്റെ മഹത്ത്വീ​ക​രണം എന്നിങ്ങ​നെ​യുള്ള അസാധാ​രണ പ്രതി​പാ​ദ്യ​ങ്ങൾക്കാണ്‌. ഒരു യുവാ​വി​ന്റെ ജീവി​ത​ശൈ​ലി​യിൽ മയക്കു​മ​രു​ന്നു​കൾ ഉൾപ്പെ​ടു​മ്പോൾ ഈ മുൻഗ​ണ​നക്കു ഏറെ സാദ്ധ്യ​ത​യുണ്ട്‌.” ഹെവി മെററൽ സംഗീതം തിൻമ​യു​ടെ ശക്തിയെ മഹത്ത്വീ​ക​രി​ച്ചു വാഴ്‌ത്തു​ന്നു​വെന്നു കിംഗ്‌ പറഞ്ഞു. ഹെവി മെററൽ മ്യൂസി​ക്കിൽ, “സംഗീ​ത​ക​ച്ചേ​രി​ക​ളിൽ തിൻമ​പ്ര​വൃ​ത്തി​കൾ വാനോ​ളം വാഴ്‌ത്ത​പ്പെ​ടു​ക​യാണ്‌,” അദ്ദേഹം പറഞ്ഞു.

ചുവടെ ചേർക്കുന്ന ഇനങ്ങളിൽ ഹെവി മെററ​ലി​ന്റെ ബോധാ​തീത സന്ദേശ​ത്തി​ന്റെ ഫലങ്ങൾ പരിചി​ന്തി​ക്കുക.

കഴിഞ്ഞ വർഷം യു.എസ്‌.എ-യിലെ ന്യൂ​ജേ​ഴ്‌സി​യിൽ 15 വയസ്സു​കാ​രായ രണ്ട്‌ ആൺകു​ട്ടി​കൾ ഒരു കുടും​ബ​ത്തി​ന്റെ പ്രിൻസസ്‌ എന്നു പേരുള്ള, ലാബ്ര​ഡോർ ഇനത്തിൽപ്പെട്ട ഒരു അരുമ​നാ​യയെ മൃഗീ​യ​മാ​യി കൊന്നു. “അതു സാത്താ​നു​വേ​ണ്ടി​യുള്ള ഒരു യാഗമാ​യി​രു​ന്നു,” അവർ അവകാ​ശ​പ്പെട്ടു. അവർ നായെ അതിന്റെ ചങ്ങലയിൽ തൂക്കി​പ്പി​ടിച്ച്‌ തൊഴി​ച്ചു​കൊ​ല്ലു​ക​യും അതിന്റെ നാക്കു പിഴു​തെ​ടുത്ത്‌ ഒരു സാത്താന്യ കർമത്തിന്‌ ഉപയോ​ഗി​ക്കു​ക​യും ചെയ്‌തു. നായുടെ കീറി​മു​റി​ച്ചു വികല​മാ​ക്കിയ ഉടൽ ഒരു അയൽക്കാ​രന്റെ മുററത്ത്‌ അവർ ഒരു ലോഹ​ക്കൊ​ളു​ത്തിൽ തൂക്കി​യി​ട്ടു. നായുടെ തലയിൽ സാത്താന്യ അടയാ​ളങ്ങൾ കണ്ടു, നായുടെ ഉടലിനു താഴെ നിലത്ത്‌ ഒരു പഞ്ചഭുജ നക്ഷത്ര​ചി​ഹ്നം കൊത്തി​യി​രു​ന്നു. അതിനെ കൊന്ന രാത്രി​യിൽ അവർ (ദൈവ​ഹത്യ എന്ന) ഒരു റോക്ക്‌ സംഘഗാ​നം കേൾക്കു​ക​യാ​യി​രു​ന്നു. അതിലെ മുഖ്യ ഗായകൻ മൃഗങ്ങളെ ദണ്ഡിപ്പി​ക്കു​ന്ന​താ​യും കൊല്ലു​ന്ന​താ​യും വീമ്പി​ള​ക്കാ​റുണ്ട്‌.

കാലി​ഫോർണി​യാ​യിൽ രണ്ടു യുവക​മി​താ​ക്കൾക്ക്‌, സുഹൃ​ത്തു​ക്കൾ പറയു​ന്ന​ത​നു​സ​രിച്ച്‌, സാത്താ​ന്യാ​രാ​ധ​ന​യിൽ ഹരമായി. അവർ പെൺകു​ട്ടി​യു​ടെ മാതാ​വി​നെ കുത്തി​യും ഒരു വില്ലു​മു​റു​ക്കി​കൊണ്ട്‌ അടിച്ചും മൃഗീ​യ​മാ​യി കൊന്നു. അതേ പ്രദേ​ശത്തു മറെറാ​രു യുവാവ്‌ സാത്താ​നോ​ടു പ്രാർഥി​ച്ച​ശേഷം തന്റെ പിതാ​വി​നെ വെടി​വെ​ച്ചു​കൊ​ന്നു. ഹെവി മെററൽ മ്യൂസി​ക്കാ​യി​രു​ന്നു കാരണ​മെന്നു കുററാ​ന്വേ​ഷണം നടത്തിയ പൊലീ​സി​നു ബോധ്യ​മാ​യി. “അടിസ്ഥാ​ന​പ​ര​മാ​യി, ആരും മാതാ​പി​താ​ക്കളെ അനുസ​രി​ക്കേ​ണ്ട​തി​ല്ലെ​ന്നും അവരവർക്കു ബോധി​ച്ച​തു​പോ​ലെ ജീവിതം നയിക്ക​ണ​മെ​ന്നും സംഗീതം പഠിപ്പി​ക്കു​ന്നു” എന്ന്‌ ഒരു വനിതാ പോലീസ്‌ അധികാ​രി പറയു​ക​യു​ണ്ടാ​യി.

ഇംഗ്ലണ്ടിൽ കൂട്ട ബലാത്സം​ഗ​ത്തിന്‌ ഇരയാ​യവർ ബലാൽസം​ഗി​ക​ളിൽ ഒരാൾ ഒരു ഹെവി മെററൽ ഗായക​സം​ഘ​ത്തി​ന്റെ പദവി​ചി​ഹ്ന​ത്തി​ന്റെ പച്ചകു​ത്തി​യി​രു​ന്ന​താ​യി പൊലീ​സിൽ റിപ്പോർട്ടു​ചെ​യ്‌തു. ഈ ഗായക​സം​ഘ​ത്തി​ന്റെ ഗാനങ്ങ​ളിൽ ബലാൽസം​ഗം, അക്രമം എന്നിവ​യു​ടെ സന്ദേശ​ങ്ങ​ള​ട​ങ്ങിയ വരിക​ളാ​ണു​ള്ളത്‌.

യു.എസ്‌.എ., അർക്കിൻസാ​സിൽ ഗ്രാമീ​ണ​നായ ഒരു പതിനാ​റു​കാ​രൻ തന്റെ മാതാ​പി​താ​ക്കളെ കുറു​വ​ടി​കൊണ്ട്‌ അടിച്ചു​കൊ​ല്ലാ​നും ഒരു കശാപ്പു​ക​ത്തി​കൊണ്ട്‌ അരിയാ​നും ശ്രമിച്ചു. അവന്റെ ഓഡി​യോ കാസററ്‌ പ്ലേയറിൽ ഒരു ഹെവി മെററൽ ഗായക​സം​ഘ​ത്തി​ന്റെ “യാഗപീ​ഠം” എന്ന ഗാനം പാടാൻ ഒരുക്കി​വെ​ച്ചി​രു​ന്ന​താ​യി പൊലീസ്‌ കണ്ടുപി​ടി​ച്ചു, അതിലെ വരികൾ “മഹാപു​രോ​ഹി​തൻ കഠാര​യും കയ്യി​ലേന്തി ശുദ്ധമായ ചുടു​രക്തം ചിന്തി​ക്കൊ​ണ്ടു കാത്തി​രി​ക്കു​ന്നു. സാത്താന്റെ സംഹാരം, ആചാര മരണം, അവന്റെ ഓരോ കല്‌പ​ന​യ്‌ക്കും ഉത്തരം കൊടു​ക്കുക. സാത്താന്റെ മണ്ഡലത്തി​ലേക്കു പ്രവേ​ശി​ക്കുക. . . . ‘സാത്താനെ വാഴ്‌ത്തുക’ എന്ന പവിത്ര സ്‌തു​തി​വ​ചനം പഠിക്കുക” എന്ന്‌ അലറു​ക​യാണ്‌.

ആക്രോ​ശി​ക്കു​ന്ന ഹെവി മെററൽ ഗായക​സം​ഘ​ങ്ങ​ളി​ലെ അംഗങ്ങൾ പാടുന്ന മററു ഗാനങ്ങ​ളി​ലെ വരികളെ സംബന്ധി​ച്ചാ​ണെ​ങ്കിൽ—മിക്ക​പ്പോ​ഴും അവരുടെ ആരാധകർ ഗാന​മേ​ള​ക​ളിൽ വന്യമായ ഉൻമത്ത​ത​യോ​ടെ ഒത്തുപാ​ടു​മ്പോൾ അല്ലെങ്കിൽ മണിക്കൂ​റു​ക​ളോ​ളം ഓഡി​യോ​കാ​സ​ററ്‌ റേറപ്പു​കൾ കേൾക്കു​മ്പോൾ—ധാരണ പതിയുന്ന പ്രായ​ക്കാ​രായ ചെറു​പ്പ​ക്കാ​രിൽ അത്തരം സന്ദേശ​ങ്ങൾക്ക്‌ എന്തു സ്വാധീ​ന​മാ​ണു​ള്ളത്‌? ദൃഷ്ടാ​ന്ത​ത്തിന്‌, ഈ വരികൾ പരിചി​ന്തി​ക്കുക: “ദുഷ്ടമായ അംഗഭം​ഗ​പ്പെ​ടു​ത്ത​ലിൽ ഞങ്ങളുടെ ആചാര്യ​നായ സാത്താൻ ഓരോ പ്രഥമ ചുവടി​ലും ഞങ്ങളെ നയിക്കു​ന്നു,” “നിങ്ങളു​ടെ രക്തം ചൊരി​യുക, അത്‌ എന്നി​ലേക്കു പ്രവഹി​ക്കട്ടെ. എന്നെ സ്വീക​രി​ക്കു​ക​യും നിങ്ങളു​ടെ ജീവിതം വെടി​യു​ക​യും ചെയ്യുക . . . നിങ്ങൾ രക്തം ഒഴുക്കി​യി​രി​ക്കു​ന്നു. നിങ്ങളു​ടെ പ്രാണൻ എനിക്കു ലഭിച്ചി​രി​ക്കു​ന്നു.”

“അശ്ലീല ചിത്രങ്ങൾ ബാലജ​ന​ദ്രോ​ഹി​യെ ഉത്തേജി​പ്പി​ച്ചേ​ക്കാ​മെന്ന നിഗമ​നത്തെ നാം ഇപ്പോൾത്തന്നെ ശരി​വെ​ക്കു​ന്നു​വെ​ങ്കിൽ, കൊല്ലുക, അംഗച്‌ഛേദം നടത്തുക, അംഗഭം​ഗ​പ്പെ​ടു​ത്തുക, ദണ്ഡിപ്പി​ക്കുക, നശിപ്പി​ക്കുക, എന്നൊക്കെ അലറുന്ന വരികൾ കൃത്യ​മാ​യി അതേ ക്രിയകൾ നിർവ​ഹി​ക്കാൻ മാനസി​ക​നില തെററിയ ഒരാളെ യഥാർഥ​മാ​യി പ്രചോ​ദി​പ്പി​ച്ചേ​ക്കാ​മെന്ന ആശയം എന്തു​കൊ​ണ്ടു പരിഗ​ണി​ച്ചു​കൂ​ടാ?” എന്ന്‌ കാൾ രാഷ്‌കേ എഴുതി.

മയക്കു​മ​രു​ന്നു ദുരു​പ​യോ​ഗ​വും സാത്താ​ന്യാ​രാ​ധ​ന​യും കൈ​കോർത്തു നീങ്ങു​ന്നു​വെ​ന്ന​താണ്‌ എല്ലായി​ട​ത്തു​മുള്ള ഗവേഷ​ക​രു​ടെ അഭി​പ്രാ​യം. “മയക്കു​മ​രുന്ന്‌ ഉപയോ​ഗി​ക്കാത്ത ഒരു സാത്താ​ന്യാ​രാ​ധ​കനെ ഒരിക്ക​ലും കണ്ടിട്ടില്ല” എന്നു മുൻ കുററാ​ന്വേ​ഷ​ക​നായ ഡേവിഡ്‌ റേറാമാ വിലപി​ക്കു​ന്നു. “മയക്കു​മ​രു​ന്നു​ക​ളു​ടെ​യും മദ്യത്തി​ന്റെ​യും പുകമ​റ​യി​ലൂ​ടെ വീക്ഷി​ക്കു​മ്പോൾ വാസ്‌ത​വ​ത്തിൽ യാഥാർഥ്യ​മാ​യ​തും യാഥാർഥ്യ​മെന്നു തോന്നു​ന്ന​തും തമ്മിൽ തിരി​ച്ച​റി​യു​ന്നത്‌ അധിക​മ​ധി​കം പ്രയാ​സ​മാ​ക്കി​ക്കൊണ്ട്‌” മയക്കു​മ​രു​ന്നു​പ​യോ​ഗം പിശാ​ചാ​രാ​ധ​ന​യി​ലേക്കു തിരി​യുന്ന യുവജ​ന​ങ്ങൾക്കു കാര്യ​ങ്ങളെ കുഴപ്പി​ക്കു​ന്നു​വെന്നു ററീൻമാ​സിക റിപ്പോർട്ടു​ചെ​യ്‌തു.

“ചൂതാ​ട്ട​ഭ്ര​മ​ക്കാർക്കു ഭാഗ്യ​ക്കു​റി​കൾ എങ്ങനെ​യോ അങ്ങനെ​ത​ന്നെ​യാ​ണു മയക്കു​മ​രു​ന്ന​ടി​മ​കൾക്കു ഹെവി മെററൽ സംഗീതം,” രാഷ്‌കേ പറഞ്ഞു. “രാസപ​ര​മാ​യി ആസക്തനായ യുവാവ്‌ അഹങ്കാ​ര​ത്തി​ന്റെ​യും മൃഗീ​യ​ത​യു​ടെ​യും മോഷ​ണ​ത്തി​ന്റെ​യും ലൈം​ഗിക അമിത​ത്വ​ത്തി​ന്റെ​യും ജീവി​ത​ശൈലി സ്വീക​രി​ക്കു​ന്നു—ഈ വക തിൻമ​ക​ളെ​ല്ലാം ഹെവി മെററൽ സംഘങ്ങ​ളു​ടെ മുറവി​ളി​യും ഗർജന​ങ്ങ​ളും മുഖേന കരുത്താർജി​ക്കു​ന്നു.”

നിസ്സം​ശ​യ​മാ​യി, ഒരു ചെറു​പ്പ​ക്കാ​രന്റെ മസ്‌തി​ഷ്‌ക​ത്തിൽനി​ന്നു സുബോ​ധം നീങ്ങി വികട​ത്ത​ര​ത്തി​ന്റെ​യും അക്രമ​ത്തി​ന്റെ​യും ചിന്തകൾ തൽസ്ഥാ​നത്തു വരു​മ്പോൾ അവൻ സാത്താന്റെ സ്വാധീ​ന​ത്തിന്‌ അനായാ​സം ഇരയാ​കു​ന്നു.

[8-ാം പേജിലെ ആകർഷ​ക​വാ​ക്യം]

സുബോധം മസ്‌തി​ഷ്‌ക​ത്തിൽനി​ന്നു നീങ്ങി വികട​ത്ത​ര​വും അക്രമ​വും അടിച്ചു​ക​യ​റു​മ്പോൾ ഒരുവൻ സാത്താന്റെ സ്വാധീ​ന​ത്തി​ന്റെ അനായാസ ഇരയാണ്‌

[7-ാം പേജിലെ ചിത്രം]

നിങ്ങൾ എന്തു​കൊ​ണ്ടു നിങ്ങളു​ടെ മനസ്സിനെ നിറയ്‌ക്കു​ന്നു?