തളർച്ച നിങ്ങൾക്ക്‌ എങ്ങനെ തരണം ചെയ്യാം?

അനുദിന ഉത്‌ക​ണ്‌ഠ​ക​ളു​ടെ​യും പോരാ​ട്ട​ങ്ങ​ളു​ടെ​യും സമ്മർദ​ത്താൽ ഭാര​പ്പെ​ടു​മ്പോൾ പലരും മദ്യപാ​ന​ത്തി​ലൂ​ടെ തങ്ങളുടെ ദുഃഖങ്ങൾ മറക്കാൻ ശ്രമി​ക്കു​ന്നു. ഇന്ന്‌ ഏററവു​മ​ധി​കം ദുരു​പ​യോ​ഗം ചെയ്യ​പ്പെ​ടുന്ന മയക്കു​മ​രു​ന്നായ മദ്യം കടുത്ത യാഥാർഥ്യ​ങ്ങ​ളിൽനി​ന്നു രക്ഷപെ​ടാ​നുള്ള ശ്രമത്തിൽ പലരും ഉപയോ​ഗി​ക്കു​ന്നു​മുണ്ട്‌. ഉത്‌ക​ണ്‌ഠ​കളെ കൈകാ​ര്യം ചെയ്യു​ന്ന​തി​നു മററു ചിലർ പ്രസി​ദ്ധ​മായ മരുന്നു​കളെ ആശ്രയി​ച്ചി​ട്ടുണ്ട്‌. ഇനിയും വേറെ ചിലർ മരിഹ്വാ​ന, മെതാം​ഫീ​റ​റാ​മൈൻസ്‌, കൊ​ക്കെയ്‌ൻ തുടങ്ങി മനസ്സിനെ മാററി​മ​റി​ക്കുന്ന മയക്കു​മ​രു​ന്നു​കളെ അവലം​ബി​ച്ചി​ട്ടുണ്ട്‌. ജീവി​ത​യാ​ഥാർഥ്യ​ങ്ങ​ളിൽനിന്ന്‌ ഓടി​യൊ​ളി​ക്കാൻ കൊച്ചു​കു​ട്ടി​കൾ പോലും മയക്കു​മ​രു​ന്നു​കൾ ഉപയോ​ഗി​ക്കു​ന്ന​താ​യി അറിവാ​യി​ട്ടുണ്ട്‌. അമേരി​ക്കൻ യുവജ​ന​ങ്ങ​ളിൽ 95 ശതമാ​ന​വും ഹൈസ്‌കൂൾ പാസ്സാ​കു​ന്ന​തി​നു മുമ്പ്‌ ഒന്നോ അതില​ധി​ക​മോ നിയമ​വി​രു​ദ്ധ​മായ മയക്കു​മ​രു​ന്നു​കൾ ഉപയോ​ഗി​ച്ചു​ക​ഴി​ഞ്ഞി​രി​ക്കു​മെന്നു പറയ​പ്പെ​ടു​ന്നു.

ഉള്ളിൽ വിഷാ​ദ​മ​നു​ഭ​വി​ക്കു​മ്പോൾ കൂട്ടു​കാ​രു​മൊ​ത്തു കുടി​ച്ചു​കൂ​ത്താ​ടി നടന്നു​കൊ​ണ്ടോ സന്തോ​ഷ​ത്തി​ന്റെ ഒരു മുഖം​മൂ​ടി അണിഞ്ഞു​കൊ​ണ്ടോ അനുദിന സമ്മർദ​ത്തിൽനിന്ന്‌ ഓടി​യ​ക​ലാൻ ശ്രമി​ക്കു​ന്ന​വ​രു​മുണ്ട്‌. അല്ലെങ്കിൽ തെററായ ഉദ്ദേശ്യ​ത്തിൽ അവർ വിപരീ​ത​ലിം​ഗ​വർഗ​ത്തിൽപ്പെട്ട ആളുക​ളു​ടെ സ്‌നേ​ഹ​വും വാത്സല്യ​വും തേടുന്നു. എന്നാൽ സമ്മർദത്തെ കൈകാ​ര്യം ചെയ്യു​ന്ന​തി​നു രക്ഷപെടൽ മാർഗ​ങ്ങളെ അവലം​ബി​ച്ചാൽ അതു നിരാശ വർധി​പ്പി​ക്കു​കയേ ഉള്ളൂ. ലഹരി​പാ​നീ​യ​മോ മാനസി​കാ​വ​സ്ഥയെ മാററി​മ​റി​ക്കുന്ന മറേറ​തെ​ങ്കി​ലും വസ്‌തു​ക്ക​ളോ ഉപയോ​ഗി​ച്ചു സമ്മർദം ഇല്ലായ്‌മ ചെയ്യാൻ ആളുകൾ ശ്രമി​ക്കു​മ്പോൾ തങ്ങളുടെ ഉത്സാഹം വീണ്ടും നേടി​യെ​ടു​ക്കു​ന്ന​തി​നു പകരം തളർച്ച സംഭവി​ക്കാ​നുള്ള പ്രക്രി​യയെ അവർ ത്വരി​ത​പ്പെ​ടു​ത്തു​ക​യാ​യി​രി​ക്കും ചെയ്യു​ന്നത്‌. അങ്ങനെ​യെ​ങ്കിൽ, നിങ്ങളു​ടെ ഉള്ളിലെ ഉത്സാഹം സാവധാ​നം കെട്ടട​ങ്ങു​ന്ന​താ​യി തോന്നു​മ്പോൾ നിങ്ങൾക്ക്‌ എന്തു ചെയ്യാൻ കഴിയും?

പൂർവ​സ്ഥി​തി പ്രാപി​ക്കു​ന്ന​തി​നുള്ള മാർഗം

ഏതെങ്കി​ലും പ്രത്യേക ചികി​ത്സാ​രീ​തി​ക​ളോ മരുന്നു​ക​ളോ ഉണരുക! ശുപാർശ ചെയ്യു​ന്നില്ല. എന്നുവ​രി​കി​ലും, ബൈബിൾ തത്ത്വങ്ങ​ളിൽ അടിസ്ഥാ​ന​പ്പെട്ട സഹായ​ക​മായ ഏതാനും നിർദേ​ശങ്ങൾ അതു നൽകു​ക​യാണ്‌, നിങ്ങളു​ടെ ഉള്ളിൽ സാവധാ​നം കെട്ടട​ങ്ങുന്ന കനലു​കളെ പുനർജ്വ​ലി​പ്പി​ക്കാൻ അതു നിങ്ങളെ സഹായി​ച്ചേ​ക്കാം. കേയോ യൂണി​വേ​ഴ്‌സി​ററി സ്‌കൂൾ ഓഫ്‌ മെഡി​സി​നി​ലെ ഒരു ഡയറക്ട​റായ ഡോ. യൂട്ടാക്കാ തളർച്ചയെ തരണം ചെയ്യു​ന്ന​തി​നുള്ള “മൂന്നു മാർഗങ്ങൾ” ശുപാർശ ചെയ്യുന്നു. അദ്ദേഹം വിശദീ​ക​രി​ക്കു​ന്നു: “ഈ ‘മൂന്നു മാർഗങ്ങൾ’ നിയ​ന്ത്രണം, ആശയവി​നി​മയം, തിരി​ച്ച​റിവ്‌ എന്നിവ​യാണ്‌.”

നിസ്സഹാ​യാ​വ​സ്ഥ​യു​ടെ വികാ​ര​ങ്ങളെ തരണം ചെയ്യു​ന്ന​തി​നു നിങ്ങളു​ടെ വികാ​ര​ങ്ങ​ളും പെരു​മാ​റ​റ​വും നിങ്ങളു​ടെ നിയ​ന്ത്ര​ണ​ത്തി​ലാ​ണെന്നു തോന്നാൻ കഴിയണം. നൈരാ​ശ്യം നിങ്ങളു​ടെ വികാ​ര​ങ്ങളെ അനുദി​നം ഭരിക്കു​ക​യും പ്രശ്‌നങ്ങൾ പരിഹ​രി​ക്കാ​നുള്ള നിങ്ങളു​ടെ പ്രാപ്‌തി​യെ അതു തകർക്കു​ക​യും ചെയ്യു​മ്പോൾ കാര്യങ്ങൾ നിങ്ങളു​ടെ നിയ​ന്ത്ര​ണ​ത്തി​ലല്ല എന്നു വിശ്വ​സി​ക്കുക എളുപ്പ​മാണ്‌. എന്നാൽ, വെറു​തെ​യി​രുന്ന്‌ അസ്വസ്ഥ​മാ​ക്കുന്ന ചിന്തക​ളിൽ മുഴു​ക​രുത്‌. പടിപ​ടി​യാ​യി നിങ്ങളു​ടെ പ്രശ്‌നം പരിഹ​രി​ക്കാൻ ശ്രമി​ക്കുക. (8-ാം പേജിലെ ചതുരം കാണുക.) കാര്യങ്ങൾ നീട്ടി​വെ​ക്ക​രുത്‌. ക്രിയാ​ത്മ​ക​മായ പ്രവർത്ത​ന​ങ്ങൾക്കു മുൻകൈ എടുക്കു​ന്ന​തി​നാൽ നിങ്ങൾക്കു കൂടുതൽ മാനസിക സുഖം അനുഭ​വ​പ്പെ​ടാൻ തുടങ്ങു​ക​യും നിയ​ന്ത്രണം കൈവ​രി​ച്ച​താ​യി തോന്നു​ക​യും ചെയ്യും.

ഉത്സാഹം കെടു​ത്തുന്ന വികാ​ര​ങ്ങ​ളിൽ കലാശി​ക്കുന്ന അസ്വസ്ഥ​മാ​ക്കുന്ന കാര്യങ്ങൾ ഒഴിവാ​ക്കുക. ഉദാഹ​ര​ണ​ത്തിന്‌, ഏതു നിസ്സാര കാര്യ​വും നിമിത്തം ചിലർ അസ്വസ്ഥ​രാ​കാൻ പ്രവണത കാട്ടുന്നു. കാര്യങ്ങൾ ഒരു പ്രത്യേക വിധത്തിൽ ചെയ്യണ​മെന്ന്‌ അവർ പിടി​വാ​ശി കാട്ടു​ക​യും മററു​ള്ളവർ അതിനു വഴങ്ങാ​ത്ത​പ്പോൾ അസ്വസ്ഥ​രാ​കു​ക​യും ചെയ്യുന്നു, അല്ലെങ്കിൽ സ്വന്തം പരാജ​യങ്ങൾ നിമിത്തം അവർ നിരാ​ശ​രാ​യി​ത്തീർന്നേ​ക്കാം. പുരാതന കാലത്തെ ജ്ഞാനി​യായ ഒരു മനുഷ്യൻ പറഞ്ഞു: “അതിനീ​തി​മാ​നാ​യി​രി​ക്ക​രു​തു; അതിജ്ഞാ​നി​യാ​യി​രി​ക്ക​യും അരുതു; നിന്നെ നീ എന്തിന്നു നശിപ്പി​ക്കു​ന്നു?” (സഭാ​പ്ര​സം​ഗി 7:16) വളരെ ഉയർന്ന നിലവാ​ര​ങ്ങ​ളോ​ടു പററി​നിൽക്കു​ക​യും ആ നിലവാ​ര​ങ്ങൾക്കൊ​ത്തു നിങ്ങൾ ഉയരു​ന്നില്ല എന്നു തോന്നു​ക​യും ചെയ്യു​മ്പോൾ തളർച്ച ഉണ്ടാകും, തീർച്ച.

ബൈബി​ളി​ലെ കൂടുതൽ സഹായ​ക​മായ ബുദ്ധ്യു​പ​ദേശം “നിന്റെ ദൈവ​ത്തി​ന്റെ സന്നിധി​യിൽ താഴ്‌മ​യോ​ടെ [“വിനയ​ത്തോ​ടെ,” NW] നട”ക്കാനാണ്‌. (മീഖാ 6:8) വിനയ​മു​ണ്ടാ​യി​രി​ക്കുക എന്നതിന്റെ അർഥം ഒരുവന്റെ പരിമി​തി​കൾ സംബന്ധി​ച്ചു ബോധ​മു​ള്ള​വ​നാ​യി​രി​ക്കുക എന്നോ “ഒരുവന്റെ പ്രാപ്‌തി​കൾ സംബന്ധി​ച്ചു മിതമായ ഒരു നിർണയം” പുലർത്തുക എന്നോ ആണ്‌. ജോലി​സ്ഥ​ലത്തു വെച്ചുള്ള ന്യായ​ര​ഹി​ത​മായ ആവശ്യ​പ്പെ​ട​ലു​ക​ളോട്‌ ഇല്ല എന്നു പറയു​ന്ന​തി​നെ ഇത്‌ അർഥമാ​ക്കി​യേ​ക്കാം.

തങ്ങളുടെ പരിമി​തി​കൾ അറിയാ​വു​ന്നവർ സഹായം സ്വാഗതം ചെയ്യുന്നു. തളർച്ച അനുഭ​വിച്ച ഒരു വനിതാ മാനേജർ, അത്‌ ഒഴിവാ​ക്കു​ന്ന​തി​നുള്ള പ്രമുഖ സംഗതി സഹായം അഭ്യർഥി​ക്കുക എന്നതാ​ണെന്നു പറഞ്ഞു. “സഹായം അഭ്യർഥി​ക്കാൻ അനേക​മാ​ളു​കൾ ഭയപ്പെ​ടു​ന്നു, കാരണം അവർ ജോലി​യിൽ സമർഥ​ര​ല്ലെന്നു വീക്ഷി​ക്ക​പ്പെ​ട്ടേ​ക്കാം” എന്നുകൂ​ടി അവർ പറയുന്നു. ഗൃഹ​ജോ​ലി​യോ സ്‌കൂൾജോ​ലി​യോ ലൗകി​ക​ജോ​ലി​യോ—തളർച്ച​യു​ണ്ടാ​ക്കു​മെന്നു നിങ്ങളെ ഭീഷണി​പ്പെ​ടു​ത്തുന്ന—എന്തുമാ​യി​ക്കൊ​ള്ളട്ടെ, നിങ്ങൾക്കു സാധ്യ​മാ​കു​ന്നി​ടത്തു ജോലി വീതിച്ച്‌ മററു​ള്ള​വരെ ഏൽപ്പി​ക്കുക. നിങ്ങൾ സർവകാ​ര്യ​ത്തി​നും നേരിട്ടു മേൽനോ​ട്ടം വഹിക്കാ​തെ കാര്യങ്ങൾ നടക്കു​ന്നതു കാണു​മ്പോൾ നിങ്ങൾ അമ്പരന്നു​പോ​കും.—താരത​മ്യം ചെയ്യുക: പുറപ്പാ​ടു 18:13-27.

നിങ്ങൾക്ക്‌ അൽപ്പം വിശ്രമം ആവശ്യ​മാ​യി​രു​ന്നേ​ക്കാം. തളർച്ച സംഭവി​ക്കാൻ സാധ്യ​ത​യുള്ള ഒരാൾ ഒരു അവധി​യെ​ടു​ക്കു​മ്പോൾ അതിന്‌ അത്ഭുതങ്ങൾ പ്രവർത്തി​ക്കാൻ കഴിയും. എന്നാൽ, നിങ്ങളു​ടെ സാഹച​ര്യ​ങ്ങൾ അങ്ങനെ ചെയ്യാൻ അനുവ​ദി​ക്കു​ന്നി​ല്ലെ​ങ്കിൽ “ഉല്ലാസ​വാ​നാ​യി​രി​ക്കാൻ എങ്ങനെ കഴിയു​മെന്നു നിങ്ങൾക്ക​റി​യാ​മെ​ങ്കിൽ അതിനു കാര്യ​മായ വ്യത്യാ​സ​മു​ള​വാ​ക്കാൻ കഴിയും” എന്ന്‌ ഗവേഷ​ക​യായ ആൻ മഗീ-കൂപ്പർ പറയുന്നു. പതിവു പ്രവർത്ത​ന​ക്ര​മ​ത്തിന്‌ അൽപ്പം മാററം വരുത്താൻ വേണ്ടി അവധി​യെ​ടു​ക്കു​ന്നത്‌ സർഗാത്മക ചിന്തകൾക്കു പ്രചോ​ദനം നൽകി​ക്കൊണ്ട്‌ ഉത്‌പാ​ദ​ന​ക്ഷമത വർധി​പ്പി​ക്കുക പോലും ചെയ്‌തേ​ക്കാം. വർഷങ്ങൾക്കു മുമ്പ്‌ ശലോ​മോൻ രാജാവ്‌ ബുദ്ധ്യു​പ​ദേ​ശി​ച്ച​തിൽ ഇപ്പോ​ഴും സത്യമുണ്ട്‌: “രണ്ടു കയ്യും നിറയ അദ്ധ്വാ​ന​വും വൃഥാ​പ്ര​യ​ത്‌ന​വും ഉള്ളതി​നെ​ക്കാൾ ഒരു കൈ നിറയ വിശ്രാ​മം അധികം നല്ലതു.”—സഭാ​പ്ര​സം​ഗി 4:6.

ആശയവി​നി​മ​യ​ത്തി​ന്റെ ഒരു പിന്തുണാ വലയം

ഡോ. ഓണോ പരാമർശിച്ച രണ്ടാമത്തെ “മാർഗം” ആശയവി​നി​യമം ഉൾപ്പെ​ട്ട​താണ്‌. അഗ്നിശമന പ്രവർത്ത​കർക്ക്‌ അപൂർവ​മാ​യേ തളർച്ച സംഭവി​ക്കു​ന്നു​ള്ളൂ എന്ന കാര്യം രസാവ​ഹ​മാണ്‌. ഇതിന്റെ കാരണം, അവർ വീരപു​രു​ഷൻമാ​രാ​ണെന്നു കരുത​പ്പെ​ടു​ന്ന​തി​നു പുറമേ, ശക്തമായ ഒരു സൗഹാർദ ബന്ധത്താൽ അവർ ബന്ധിക്ക​പ്പെ​ട്ടി​രി​ക്കു​ന്ന​താ​യി​രി​ക്കാം. ആശ്രയി​ക്കാൻ പററിയ ഒരു പിന്തുണാ സംഘമു​ള്ള​തു​കൊണ്ട്‌ ഒരുവന്‌ അവരിൽനി​ന്നു സഹായം നേടാൻ കഴിയും. ആശ്വാ​സ​ദാ​യ​ക​മായ പിന്തുണ ഇന്നു നിങ്ങൾക്ക്‌ എവിടെ കണ്ടെത്താം? ഡോക്ടർമാർക്കു തളർച്ചയെ തരണം ചെയ്യാൻ കഴിയുന്ന മാർഗ​ങ്ങ​ളെ​ക്കു​റി​ച്ചു വർണി​ക്കവേ മോയി​റ​റ്‌സൂ​ക്കി​ഷോ​ക്കോ​ഗുൺ (തളർച്ചാ സാകല്യം) എന്ന പുസ്‌തകം ഇങ്ങനെ പ്രസ്‌താ​വി​ക്കു​ന്നു: “ഡോക്ടർമാ​രെ സംബന്ധി​ച്ചി​ട​ത്തോ​ളം അവരുടെ കുടും​ബം, പ്രത്യേ​കിച്ച്‌ അവരുടെ ഇണ, ഏററവും ഫലപ്ര​ദ​വും വാസ്‌ത​വി​ക​വു​മായ ഒരു സഹായി​യാണ്‌.” വ്യക്തി​പ​ര​മായ വികാ​രങ്ങൾ തുറന്നു​പ​റ​യാൻ ഏതൊ​രാൾക്കും ആരെങ്കി​ലും വേണം. ആശയവി​നി​മ​യ​ത്തി​ന്റെ ഈ വശം സംബന്ധി​ച്ചു ബൈബിൾ പ്രാ​യോ​ഗി​ക​മായ മാർഗ​നിർദേശം നൽകു​ന്നുണ്ട്‌. പ്രേമ​പൂർവ​ക​മായ അടുപ്പം കാത്തു​സൂ​ക്ഷി​ക്കാൻ അതു വിവാ​ഹിത ദമ്പതി​കളെ പ്രോ​ത്സാ​ഹി​പ്പി​ക്കു​ക​യും ഈടു​റ​റ​തും പ്രാ​യോ​ഗി​ക​വു​മായ നിർദേ​ശങ്ങൾ തരാൻ കഴിവുള്ള സുഹൃ​ത്തു​ക്കളെ സമ്പാദി​ക്കാൻ അത്‌ എല്ലാവ​രോ​ടും പറയു​ക​യും ചെയ്യുന്നു.—സദൃശ​വാ​ക്യ​ങ്ങൾ 5:18, 19; 11:14.

“അടുത്ത സ്‌നേ​ഹി​ത​രും കുടും​ബ​വും അടങ്ങുന്ന നമ്മുടെ സ്വന്തം പിന്തുണാ സംവി​ധാ​നം നാം വളർത്തി​യെ​ടു​ക്കണം,” യുഎസ്‌എ ടുഡേ പറയുന്നു. എന്നിട്ട്‌ അതിങ്ങനെ കൂട്ടി​ച്ചേർക്കു​ന്നു: “നമ്മുടെ മതകേ​ന്ദ്ര​സ്ഥാ​ന​ങ്ങ​ളെ​യും മാനസി​കാ​രോ​ഗ്യ സേവന​ങ്ങ​ളെ​യും ഉപയോ​ഗ​പ്പെ​ടു​ത്താൻ നമുക്കു സ്വാത​ന്ത്ര്യം തോന്നു​ക​യും വേണം.” മതപര​മായ കേന്ദ്ര​ങ്ങളെ സഹായ​ത്തി​നു വേണ്ടി എങ്ങനെ ഉപയോ​ഗ​പ്പെ​ടു​ത്താ​മെ​ന്നതു സംബന്ധി​ച്ചു യേശു​വി​ന്റെ അർധസ​ഹോ​ദ​ര​നായ യാക്കോബ്‌ ഇപ്രകാ​രം എഴുതി: “നിങ്ങളിൽ ദീനമാ​യി കിടക്കു​ന്നവൻ സഭയിലെ മൂപ്പൻമാ​രെ വരുത്തട്ടെ. അവർ കർത്താ​വി​ന്റെ നാമത്തിൽ അവനെ എണ്ണ പൂശി അവന്നു വേണ്ടി പ്രാർത്ഥി​ക്കട്ടെ.” (യാക്കോബ്‌ 5:14) പ്രശ്‌ന​ങ്ങ​ളുള്ള ക്രിസ്‌ത്യാ​നി​കൾക്കു യഹോ​വ​യു​ടെ സാക്ഷി​ക​ളു​ടെ സഭകളി​ലെ മൂപ്പൻമാ​രു​മാ​യി സംസാ​രി​ക്കു​ന്ന​തി​നാൽ ആശ്വാസം കണ്ടെത്താൻ കഴിയും. തളർച്ചയെ കൈകാ​ര്യം ചെയ്യു​ന്ന​തിൽ മൂപ്പൻമാർ സ്‌പെ​ഷ്യ​ലി​സ്‌റ​റു​ക​ളൊ​ന്നു​മ​ല്ലെ​ങ്കി​ലും, അവർ നൽകുന്ന ആത്മീയ പിന്തുണ വിലതീ​രാ​ത്ത​താണ്‌.

ഒരു മനുഷ്യ​പി​ന്തു​ണാ സംവി​ധാ​നം മറെറാ​രു ദിവസ​ത്തേക്കു കൂടി നമുക്ക്‌ ഊർജം പകർന്നേ​ക്കാ​മെ​ങ്കി​ലും എല്ലായ്‌പോ​ഴും അതു മതിയാ​കു​ക​യില്ല. നിസ്സഹാ​യാ​വസ്ഥ (ഇംഗ്ലീഷ്‌) എന്ന തന്റെ ഗ്രന്ഥത്തി​ന്റെ ആമുഖ​ത്തിൽ മാർട്ടിൻ ഇ. പി. സെലിഗ്മൻ ഇന്നു കാണുന്ന വിഷാ​ദ​ത്തി​ന്റെ വർധന​വി​നു കാരണ​മാ​യി പാശ്ചാ​ത്യ​ലോ​കത്തു കാണുന്ന അനിയ​ന്ത്രി​ത​മായ വ്യക്തി​പ്രാ​ധാ​ന്യ​ത്തി​ലേക്കു വിരൽചൂ​ണ്ടു​ക​യു​ണ്ടാ​യി. ജീവി​ത​ത്തിൽ അർഥം കണ്ടെ​ത്തേ​ണ്ട​തി​ന്റെ പ്രാധാ​ന്യം അദ്ദേഹം പ്രകടി​പ്പി​ച്ചു. “അർഥം കണ്ടെത്തു​ന്ന​തി​നുള്ള അനിവാ​ര്യ സംഗതി നിങ്ങ​ളെ​ക്കാൾ ശക്തിയുള്ള ഒന്നി​നോ​ടുള്ള അടുപ്പ​മാണ്‌” എന്ന്‌ അദ്ദേഹം പിന്നീടു പ്രകട​മാ​ക്കി. ഇന്ന്‌ ഒട്ടുവ​ളരെ പേർ ദൈവ​വു​മാ​യുള്ള തങ്ങളുടെ ബന്ധത്തെ ഗൗരവ​പൂർവം വീക്ഷി​ക്കു​ന്നി​ല്ലെ​ങ്കി​ലും തീർച്ച​യാ​യും “നിങ്ങ​ളെ​ക്കാൾ ശക്തിയുള്ള”വനായ സ്രഷ്ടാ​വു​മാ​യുള്ള ആശയവി​നി​മ​യ​ത്തി​നു നിസ്സഹാ​യാ​വസ്ഥ സംബന്ധിച്ച നിങ്ങളു​ടെ വികാ​ര​ങ്ങളെ തരണം ചെയ്യാൻ സഹായി​ക്കാൻ കഴിയും.

അനേകം പ്രതി​സ​ന്ധി​കളെ നേരിട്ട ദാവീദ്‌ രാജാവ്‌ തന്റെ പ്രജകളെ ഇങ്ങനെ പ്രോ​ത്സാ​ഹി​പ്പി​ച്ചു: “ജനമേ, എല്ലാകാ​ല​ത്തും [ദൈവ​ത്തിൽ] ആശ്രയി​പ്പിൻ; നിങ്ങളു​ടെ ഹൃദയം അവന്റെ മുമ്പിൽ പകരു​വിൻ; ദൈവം നമുക്കു സങ്കേത​മാ​കു​ന്നു.” (സങ്കീർത്തനം 62:8) നമ്മുടെ “ഉച്ചരി​ച്ചു​കൂ​ടാത്ത ഞരക്കങ്ങ”ൾക്കു പോലും ചെവി​ത​രു​വാൻ ദൈവം ഒരുക്ക​മു​ള്ള​വ​നാണ്‌. (റോമർ 8:26) അവനോട്‌ ആത്മാർഥ​മാ​യി അപേക്ഷി​ക്കു​ന്ന​തി​ന്റെ ഫലമായി തളർച്ച​യ്‌ക്കെ​തി​രെ “നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും . . . കാക്കു”വാൻ കഴിയുന്ന സമാധാ​നം ഉണ്ടാകു​ന്നു.—ഫിലി​പ്പി​യർ 4:6, 7.

നിങ്ങളു​ടെ വീക്ഷണ​ഗ​തി​ക്കു മാററം​വ​രു​ത്തൽ

ഒടുവിൽ, നിങ്ങളു​ടെ സാഹച​ര്യ​ത്തെ നിങ്ങൾ വീക്ഷി​ക്കുന്ന വിധത്തിൽ ഒരു മാററം അനിവാ​ര്യ​മാ​യി​രു​ന്നേ​ക്കാം. തളർച്ചയെ തരണം ചെയ്യു​ന്ന​തി​നു ഡോ. ഓണോ നിർദേ​ശി​ക്കുന്ന ഒടുവി​ലത്തെ “മാർഗം” തിരി​ച്ച​റിവ്‌ അഥവാ ഗ്രാഹ്യം ആണ്‌. വളരെ​യ​ധി​കം സമ്മർദം അനുഭ​വി​ക്കു​മ്പോൾ സർവകാ​ര്യ​ങ്ങ​ളെ​ക്കു​റി​ച്ചും നിഷേ​ധാ​ത്മക വിലയി​രു​ത്ത​ലു​കൾ നടത്താ​നും ശുഭാ​പ്‌തി​പ​ര​മ​ല്ലാത്ത വീക്ഷണ​ങ്ങ​ളിൽ സ്വയം കുരു​ങ്ങാ​നും നാം ചായ്‌വു കാണി​ക്കു​ന്നു. എന്നിരു​ന്നാ​ലും, നാം വാസ്‌ത​വി​ക​ബോ​ധ​മു​ള്ള​വ​രാ​യി​രി​ക്കേ​ണ്ട​തുണ്ട്‌. അത്തരം നിഷേ​ധാ​ത്മക ചിന്തയ്‌ക്കു യഥാർഥ​ത്തിൽ അടിസ്ഥാ​ന​മു​ണ്ടോ ഇല്ലയോ എന്നു വിശക​ലനം ചെയ്യുക. പരിണ​ത​ഫലം നിങ്ങൾ ഭയപ്പെ​ടു​ന്ന​തു​പോ​ലെ അത്ര മോശ​മാ​യി​രി​ക്കു​മോ? മറെറാ​രു വീക്ഷണ​കോ​ണ​ത്തിൽനി​ന്നു കാര്യ​ങ്ങളെ മനസ്സി​ലാ​ക്കാൻ ശ്രമി​ക്കുക.

“നിങ്ങൾക്കു തളർച്ച സംഭവി​ച്ചാൽ, ഒരുപക്ഷേ നിങ്ങൾ ‘നല്ല’ വ്യക്തി ആയതു​കൊ​ണ്ടാണ്‌, അല്ലാതെ ‘മോശ’മായതു​കൊ​ണ്ടല്ല എന്നു ചിന്തി​ക്കാൻ കഴിയും,” പേരൻറ്‌സ്‌ മാഗസിൻ പറയുന്നു. ഓർമി​ക്കുക: തളർച്ച ഉണ്ടാകാൻ പ്രവണത കാണി​ക്കു​ന്ന​വർക്ക്‌ ഉയർന്ന നിലവാ​ര​ങ്ങ​ളാ​ണു​ള്ളത്‌, അവർ മററു​ള്ള​വ​രെ​ക്കു​റി​ച്ചു കരുതു​ക​യും ചെയ്യുന്നു. തളർച്ച സംഭവിച്ച ഒരാളെ സംബന്ധി​ച്ചി​ട​ത്തോ​ളം ഏററവും സഹായ​ക​മാ​യി​രി​ക്കു​ന്നതു വിലമ​തി​പ്പി​ന്റെ ഒരു വാക്കാണ്‌. ഒരു വീടു പുലർത്തി​ക്കൊ​ണ്ടു​പോ​കു​ന്ന​തിൽ ഉൾപ്പെ​ട്ടി​രി​ക്കുന്ന സർവ​ജോ​ലി​യോ​ടും ഭർത്താ​വും കുട്ടി​ക​ളും വിലമ​തി​പ്പു പ്രകട​മാ​ക്കു​ക​യാ​ണെ​ങ്കിൽ ഒരമ്മയെ സംബന്ധി​ച്ചി​ട​ത്തോ​ളം അതൊരു വലിയ കാര്യ​മാ​യി​രി​ക്കും. ഇടനി​ല​ക്കാ​ര​നായ ഒരുവനു ജോലി​യിൽ തളർച്ച ഉണ്ടാകു​ന്നെ​ങ്കിൽ, വിലമ​തി​പ്പു നിറഞ്ഞ ഒരഭി​പ്രാ​യം നടത്തു​ന്ന​തും ഒപ്പം പുറ​ത്തൊ​ന്നു തലോ​ടു​ന്ന​തും അയാളു​ടെ വീക്ഷണ​ഗ​തി​യെ മെച്ച​പ്പെ​ടു​ത്താൻ ഉതകും.

സാമർഥ്യ​മു​ള്ള ഒരു ഭാര്യ പ്രശംസ അർഹി​ക്കു​ന്നു​വെന്നു ബൈബിൾ പ്രകട​മാ​ക്കു​ന്നു: “അവളുടെ മക്കൾ എഴു​ന്നേ​ററു അവളെ ഭാഗ്യ​വതി എന്നു പുകഴ്‌ത്തു​ന്നു; അവളുടെ ഭർത്താ​വും അവളെ പ്രശം​സി​ക്കു​ന്നതു: അനേകം തരുണി​കൾ സാമർത്ഥ്യം കാണി​ച്ചി​ട്ടു​ണ്ടു; നീയോ അവരെ​ല്ലാ​വ​രി​ലും ശ്രേഷ്‌ഠ​യാ​യി​രി​ക്കു​ന്നു.” (സദൃശ​വാ​ക്യ​ങ്ങൾ 31:10, 28, 29) തീർച്ച​യാ​യും, “ഇമ്പമുള്ള വാക്കു തേൻക​ട്ട​യാ​കു​ന്നു; മനസ്സിന്നു മധുര​വും അസ്ഥികൾക്കു ഔഷധ​വും തന്നേ.”—സദൃശ​വാ​ക്യ​ങ്ങൾ 16:24.

ആദ്യ ലേഖന​ത്തിൽ പരാമർശിച്ച ക്രിസ്‌തീയ മൂപ്പനായ ഷിൻസോ തന്റെ തളർച്ച​യിൽനി​ന്നു കാര്യ​മായ വിധത്തിൽ സുഖം​പ്രാ​പി​ച്ചു. അദ്ദേഹ​ത്തി​നു വിദഗ്‌ധ സഹായം വേണ്ടി​വ​ന്നെ​ങ്കി​ലും ഷിൻസോ​യെ ഏററവു​മ​ധി​കം സഹായി​ച്ചത്‌ യഹോ​വ​യോ​ടുള്ള പ്രാർഥ​ന​ക​ളാ​യി​രു​ന്നു. സഹായ​ത്തി​നു വേണ്ടി ആത്മാർഥ​മാ​യി പ്രാർഥ​നകൾ നടത്തി​യ​ശേഷം, തന്നോ​ടൊത്ത്‌ ആദ്യമാ​യി ദൈവ​വ​ചനം പഠിച്ച മൂപ്പനെ അദ്ദേഹം കാണാ​നി​ട​യാ​യി. ആ മൂപ്പനും മററു സഹമൂ​പ്പൻമാ​രും അദ്ദേഹ​ത്തി​ന്റെ ഉത്‌ക​ണ്‌ഠകൾ കേട്ടു​കൊ​ണ്ടു പിന്തുണ കൊടു​ത്തു. നിങ്ങൾ ഇപ്പോൾ വായി​ക്കുന്ന ഈ പത്രി​ക​യു​ടെ ഒരു മുൻല​ക്ക​ത്തിൽനിന്ന്‌ നിഷേ​ധാ​ത്മക വികാ​ര​ങ്ങളെ തരണം ചെയ്യു​ന്നതു സംബന്ധി​ച്ചുള്ള ലേഖനങ്ങൾ ഭാര്യ അദ്ദേഹത്തെ വായി​ച്ചു​കേൾപ്പി​ച്ചു. (ഒക്‌ടോ​ബർ 8, 1992, ഇംഗ്ലീഷ്‌) താൻ സകല കാര്യ​ങ്ങ​ളും തന്നെത്താൻ ചെയ്യാൻ ശ്രമി​ക്കു​ക​യാ​ണെന്ന്‌ അദ്ദേഹം ഒടുവിൽ മനസ്സി​ലാ​ക്കി. തനിക്കു ചുററും സംഭവി​ക്കുന്ന കാര്യ​ങ്ങളെ അദ്ദേഹം വീക്ഷിച്ച വിധത്തി​നു മാററം വന്നു. ആദ്യം, നിരാ​ശ​യു​ടെ അനന്തമായ ഒരു തുരങ്ക​ത്തി​ലാ​ണു താനെന്ന്‌ അദ്ദേഹ​ത്തി​നു തോന്നി​യെ​ങ്കി​ലും, ഒടുവിൽ അതിൽനി​ന്നു പുറത്തു​വ​രു​ന്ന​തു​വരെ, ക്രമേണ വലുതാ​യി​ക്കൊ​ണ്ടി​രുന്ന ഒരു പ്രകാശം അദ്ദേഹം ആ തുരങ്ക​ത്തി​ന്റെ മറുത​ല​യ്‌ക്കൽ കണ്ടു.

ഷിൻസോ​യെ​പ്പോ​ലെ​തന്നെ നിങ്ങൾക്കും തളർച്ചയെ തരണം ചെയ്‌ത്‌ വീണ്ടും ജീവി​തത്തെ അഭിമു​ഖീ​ക​രി​ക്കാൻ കഴിയും.

[8-ാം പേജിലെ ചതുരം]

[8,9 പേജിലെ ചിത്രം]

വിട്ടുകൊടുക്കാൻ മനസ്സി​ല്ലാത്ത, നിർബ​ന്ധ​മ​നോ​ഭാ​വ​ക്കാ​ര​നായ, വ്യക്തി​യെ​യാ​ണു മിക്ക​പ്പോ​ഴും തളർച്ച പിടി​കൂ​ടു​ന്നത്‌