തളർച്ച ആർ അപകട​ത്തിൽ, എന്തു​കൊണ്ട്‌?

കുടും​ബ​മുള്ള ഒരു ഓഫീസ്‌ ജീവന​ക്കാ​ര​നാ​ണു നിങ്ങ​ളെന്നു സങ്കൽപ്പി​ക്കുക—അല്ലെങ്കിൽ ഒരുപക്ഷേ നിങ്ങൾ അത്തര​മൊ​രാ​ളാ​യി​രി​ക്കാം. ചെയ്‌തു​തീർക്കാ​നുള്ള ഒരുപാ​ടു ജോലി​കൾ നിങ്ങളു​ടെ മേശയിൽ കുമി​ഞ്ഞു​കൂ​ടി കിടക്കു​ന്നു. ആവശ്യങ്ങൾ ഉന്നയി​ച്ചു​കൊണ്ട്‌ ഉപഭോ​ക്താ​ക്കൾ ഇടതട​വി​ല്ലാ​തെ ഫോൺ വിളി​ക്കു​ന്നു, അവരുടെ ആവശ്യങ്ങൾ നടത്തി​ക്കൊ​ടു​ക്കുക ഏറെക്കു​റെ അസാധ്യ​മാണ്‌. നിങ്ങൾ ക്വാട്ടാ​യിൽ എത്താത്ത​തി​നാൽ നിങ്ങളു​ടെ സൂപ്പർ​വൈ​സർക്കു നീരസ​മുണ്ട്‌. നിങ്ങളു​ടെ മകൻ സ്‌കൂ​ളിൽ കുഴപ്പം കാട്ടി​യി​രി​ക്കു​ന്നു. ഉടൻതന്നെ നിങ്ങളെ കാണാൻ അധ്യാ​പകൻ ആഗ്രഹി​ക്കു​ന്നു. സഹായി​ക്കാ​നുള്ള നിങ്ങളു​ടെ അഭ്യർഥ​ന​കൾക്ക്‌ ഇണയിൽനിന്ന്‌ ഉദാസീ​നത മാത്ര​മാ​ണു കിട്ടു​ന്നത്‌. സാഹച​ര്യം നിയ​ന്ത്ര​ണാ​തീ​ത​മാ​കു​മെന്നു തോന്നു​മ്പോൾ തളർച്ച​യ്‌ക്കു വഴി​യൊ​രു​ക്കി​ക്കൊ​ണ്ടു സമ്മർദം ദുഃഖ​മാ​യി മാറുന്നു.

തളർച്ച അമിത​ജോ​ലി കൊണ്ടു​ണ്ടാ​കു​ന്ന​താ​ണോ? “സമനി​ല​യി​ല്ലാ​തെ ജീവി​ക്കു​ന്ന​തി​ന്റെ, വിശ്ര​മ​മി​ല്ലാ​തെ പണി​യെ​ടു​ക്കു​ന്ന​തി​ന്റെ, ഫല”മാണ്‌ തളർച്ച എന്ന്‌ മസ്‌തി​ഷ്‌ക​ഗ​വേ​ഷ​ക​യായ ആൻ മഗീ-കൂപ്പർ പറയു​ക​യു​ണ്ടാ​യി. അമിത​ജോ​ലി മാത്രമല്ല ഒരേ​യൊ​രു ഘടകം; ഒരേ​പോ​ലെ സമ്മർദ​മുള്ള സാഹച​ര്യ​ത്തിൻ കീഴിൽ ചിലർക്കു തളർച്ച ഉണ്ടാകു​ന്നു, എന്നാൽ മററു ചിലർക്ക്‌ അതുണ്ടാ​കു​ന്നില്ല.

തളർച്ച ഉണ്ടാകാൻ സാധ്യ​ത​യു​ള്ള​വർ

ഒരു പ്രത്യേക രോഗം വരാൻ സാധ്യത കൂടു​ത​ലുള്ള ആളുകൾ ഉള്ളതു​പോ​ലെ​തന്നെ തളർച്ച സംഭവി​ക്കാൻ സാധ്യത കൂടു​ത​ലുള്ള ആളുക​ളു​മുണ്ട്‌. “തളർച്ച സംഭവി​ക്കു​ന്ന​തിന്‌ എന്തെങ്കി​ലും കാര്യ​ത്തിൽ നിങ്ങൾ തീക്ഷ്‌ണ​ത​യു​ള്ളവൻ ആയിരി​ക്കണം” എന്നു കാലി​ഫോർണിയ യൂണി​വേ​ഴ്‌സി​റ​റി​യി​ലെ സാമൂ​ഹിക മനശ്ശാ​സ്‌ത്ര പ്രൊ​ഫ​സ​റായ ഇലിയട്ട്‌ അരോൺസൺ പറയുന്നു. അതു​കൊണ്ട്‌, തളർച്ച സംഭവി​ക്കാൻ സാധ്യ​ത​യു​ള്ളവർ ഉയർന്ന ലക്ഷ്യങ്ങ​ളും ആദർശ​ങ്ങ​ളും പുലർത്തു​ന്ന​വ​രാണ്‌. തളർച്ച സംഭവി​ക്കു​ന്നവർ കമ്പനി​ക​ളി​ലെ ഏററവും സമർഥ​രായ ആളുക​ളാ​ണെന്നു പറയ​പ്പെ​ടു​ന്നു.

തളർച്ച സംഭവി​ക്കാൻ സാധ്യ​ത​യു​ള്ള​വ​രു​ടെ വ്യക്തിത്വ പ്രവണ​ത​കളെ സംഗ്ര​ഹി​ച്ചു പറഞ്ഞു​കൊണ്ട്‌ ജാപ്പനീസ്‌ റെഡ്‌ ക്രോസ്സ്‌ കോ​ളെജ്‌ ഓഫ്‌ നേഴ്‌സി​ങ്ങി​ലെ പ്രൊ​ഫസർ ഫുമി​യാ​ക്കി ഇനാ​വോ​ക്കാ മോയി​റ​റ്‌സൂ​ക്കി​ഷോ​ക്കോ​ഗുൺ (തളർച്ചാ സാകല്യം) എന്ന പുസ്‌ത​ക​ത്തിൽ ഇങ്ങനെ എഴുതി: “തളർച്ച ഉണ്ടാകാൻ ചായ്‌വു​ള്ള​വർക്ക്‌ അനുക​മ്പ​യും മനുഷ്യ​സ്‌നേ​ഹ​വും നല്ല വിവേ​ച​ന​യും അർപ്പണ​ബോ​ധ​വും ആദർശ​വാ​ദ​വും ഉള്ളവരാ​യി​രി​ക്കാ​നുള്ള ശക്തമായ പ്രവണ​ത​യുണ്ട്‌. ആലങ്കാ​രി​ക​മാ​യി പറഞ്ഞാൽ, അവർ യന്ത്രോൻമു​ഖരല്ല, പിന്നെ​യോ ‘മനു​ഷ്യോൻമു​ഖ​രാണ്‌.’”

തളർച്ച സംഭവി​ക്കാൻ സാധ്യ​ത​യു​ള്ള​വരെ പരി​ശോ​ധി​ച്ചു കണ്ടുപി​ടി​ക്കാൻ കഴിയുന്ന ഒരു രീതി വികസി​പ്പി​ച്ചെ​ടു​ക്കാൻ ആവശ്യ​പ്പെ​ട്ട​പ്പോൾ ആളുകളെ ജോലി​ക്കെ​ടു​ക്കുന്ന ഒരു മാനദ​ണ്ഡ​മെന്ന നിലയിൽ പരി​ശോ​ധ​നാ​രീ​തി ഉപയോ​ഗി​ക്ക​ണ​മെന്ന്‌ ഒരു വിദഗ്‌ധൻ പറഞ്ഞു. “തളർച്ച ഉണ്ടാകാൻ മാത്രം കരുത​ലുള്ള ആളുകളെ കണ്ടെത്തു​ക​യും . . . എന്നിട്ട്‌ തളർച്ച​യോ​ടു പൊരു​തു​ന്ന​തി​നുള്ള പരിപാ​ടി​കൾ വികസി​പ്പി​ച്ചെ​ടു​ക്കു​ക​യു​മാ​ണു കമ്പനികൾ ചെയ്യേ​ണ്ടത്‌.”

സാമൂ​ഹി​ക പ്രവർത്തകർ, ഡോക്ടർമാർ, നേഴ്‌സു​മാർ, അധ്യാ​പകർ തുടങ്ങി മനുഷ്യ​രോ​ടു ബന്ധപ്പെട്ട സേവന​ങ്ങ​ളിൽ ഉൾപ്പെ​ട്ടി​രി​ക്കു​ന്ന​വർക്കു പ്രത്യേ​കിച്ച്‌ ഇതു സംഭവി​ക്കാൻ സാധ്യ​ത​യുണ്ട്‌. മററു​ള്ള​വ​രു​ടെ ജീവി​തത്തെ മെച്ച​പ്പെ​ടു​ത്താൻ സ്വയം അർപ്പി​ച്ചു​കൊണ്ട്‌ ആളുകളെ ആകാം​ക്ഷാ​പൂർവം സഹായി​ക്കാൻ അവർ ശ്രമി​ക്കു​ന്നു, തങ്ങൾ വെച്ചി​രി​ക്കുന്ന, ഒരുപക്ഷേ അപ്രാ​പ്യ​മായ, ലാക്കു​ക​ളിൽ തങ്ങൾ എത്തി​ച്ചേ​രു​ന്നില്ല എന്നു മനസ്സി​ലാ​ക്കു​മ്പോൾ അവർക്കു തളർച്ച ഉണ്ടാ​യേ​ക്കാം. അതേ കാരണ​ത്താൽ കരുത​ലുള്ള അമ്മമാർക്കും തളർച്ച സംഭവി​ച്ചേ​ക്കാം.

ആളുകൾക്കു തളർച്ച ഉണ്ടാകു​ന്ന​തി​ന്റെ കാരണം

നേഴ്‌സു​മാ​രു​ടെ ഇടയിൽ നടത്തിയ ഒരു സർവേ മൂന്നു കാരണങ്ങൾ തളർച്ച​യി​ലേക്കു നയിക്കു​ന്നു​വെന്നു വെളി​പ്പെ​ടു​ത്തി. ശ്രദ്ധി​ക്ക​പ്പെട്ട ഒന്നാമത്തെ ഘടകം നിരാശ ഉളവാ​ക്കുന്ന അനുദിന ഉത്‌ക​ണ്‌ഠ​യു​ടെ അളവാ​യി​രു​ന്നു. ഉദാഹ​ര​ണ​ത്തിന്‌, ഭൂരി​പക്ഷം നേഴ്‌സു​മാർക്കും ഘനമേ​റിയ ഉത്തരവാ​ദി​ത്വ​ങ്ങൾ നിറ​വേ​റേ​റ​ണ്ട​തു​ണ്ടാ​യി​രു​ന്നു, രോഗി​ക​ളോട്‌ ഇടപെ​ടു​മ്പോൾ ബുദ്ധി​മു​ട്ടു​കളെ നേരി​ടേ​ണ്ടി​യി​രു​ന്നു, പുതിയ ഉപകര​ണ​വു​മാ​യി പരിച​യി​ക്ക​ണ​മാ​യി​രു​ന്നു, വർധി​ച്ചു​വ​രുന്ന ചെലവു​കളെ നേരി​ട​ണ​മാ​യി​രു​ന്നു, ക്രമര​ഹി​ത​മായ ജീവി​ത​രീ​തി​യു​മാ​യി പൊരു​ത്ത​പ്പെട്ടു പോക​ണ​മാ​യി​രു​ന്നു. “ഈ അനുദിന ഉത്‌ക​ണ്‌ഠകൾ തളർച്ച സംഭവി​ക്കാൻ ഏററവും വലിയ ഒരു സ്വാധീ​നം ചെലു​ത്തു​ന്നു” എന്ന്‌ മോയി​റ​റ്‌സൂ​ക്കി​ഷോ​ക്കോ​ഗുൺ എന്ന പുസ്‌തകം പറയുന്നു. പ്രശ്‌നങ്ങൾ പരിഹ​രി​ക്ക​പ്പെ​ടാ​തെ നില​കൊ​ള്ളു​മ്പോൾ നിരാശ നുരഞ്ഞു​പൊ​ങ്ങി തളർച്ച​യി​ലേക്കു നയിക്കു​ന്നു.

ശ്രദ്ധി​ക്ക​പ്പെട്ട രണ്ടാമത്തെ ഘടകം പിന്തു​ണ​യു​ടെ അഭാവ​മാ​യി​രു​ന്നു. കാര്യങ്ങൾ തുറന്നു പറയാൻ ആരുമി​ല്ലാത്ത അവസ്ഥ. അതു​കൊണ്ട്‌, മററ്‌ അമ്മമാ​രിൽനി​ന്നു സ്വയം ഒററ​പ്പെ​ടു​ത്തുന്ന ഒരു അമ്മയ്‌ക്കു തളർച്ച ഉണ്ടാകാ​നുള്ള സാധ്യത കൂടു​ത​ലാണ്‌. വിവാ​ഹി​ത​രായ നേഴ്‌സു​മാ​രെ​ക്കാൾ അവിവാ​ഹി​ത​രായ നേഴ്‌സു​മാർക്കു തളർച്ച സംഭവി​ക്കാ​നുള്ള സാധ്യത കൂടു​ത​ലു​ള്ള​താ​യി മേൽ പരാമർശിച്ച സർവേ കണ്ടെത്തി. എന്നിരു​ന്നാ​ലും, ഭർത്താ​വും ഭാര്യ​യും തമ്മിൽ തുറന്ന ആശയവി​നി​യമം ഇല്ലെങ്കിൽ വിവാ​ഹി​താ​വസ്ഥ അനുദിന സമ്മർദങ്ങൾ കൂട്ടു​കയേ ഉള്ളൂ. എല്ലാവ​രും വീട്ടിൽ ഉള്ളപ്പോൾ പോലും ഒരുവന്‌ ഏകാന്തത അനുഭ​വ​പ്പെ​ട്ടേ​ക്കാം, കാരണം അയാളു​ടെ കുടും​ബാം​ഗങ്ങൾ ടിവി കാണു​ന്ന​തിൽ മുഴു​കി​യി​രി​ക്കു​ക​യാണ്‌.

നിസ്സഹാ​യാ​വ​സ്ഥ​യു​ടെ തോന്ന​ലു​ക​ളാ​ണു മൂന്നാ​മത്തെ ഘടകം. ദൃഷ്ടാ​ന്ത​ത്തിന്‌, നിസ്സഹാ​യാ​വസ്ഥ അനുഭ​വി​ക്കാൻ ഡോക്ടർമാ​രെ​ക്കാൾ കൂടുതൽ സാധ്യത ഉള്ളത്‌ നേഴ്‌സു​മാർക്കാണ്‌, കാരണം കാര്യ​ങ്ങൾക്കു ഭേദഗതി വരുത്താ​നുള്ള അധികാ​രം നേഴ്‌സു​മാർക്ക്‌ ഇല്ലാതി​രു​ന്നേ​ക്കാം. തങ്ങളുടെ ഏററവും വലിയ ശ്രമങ്ങൾ തങ്ങളെ ഒരിട​ത്തും എത്തിക്കു​ന്നി​ല്ലെന്നു തോന്നു​മ്പോൾ മധ്യത​ല​ത്തിൽ പ്രവർത്തി​ക്കു​ന്ന​വർക്കു തളർച്ച സംഭവി​ച്ചേ​ക്കാം. “വലിയ നേട്ടം കൈവ​രി​ക്കാൻ ശ്രമി​ക്കു​ക​യും എന്നാൽ ശ്രദ്ധി​ക്ക​പ്പെ​ടാ​തി​രി​ക്കു​ക​യും ചെയ്യു​മ്പോൾ നിരാ​ശ​രാ​യി​ത്തീ​രുന്ന”തുകൊ​ണ്ടാ​ണു തളർച്ച ഉണ്ടാകു​ന്ന​തെന്ന്‌ ഒരു മനുഷ്യ​വി​ഭ​വ​ശേഷി മാനേജർ പറയു​ക​യു​ണ്ടാ​യി.

മനുഷ്യ​രി​ലെ നിസ്സഹാ​യാ​വ​സ്ഥ​യു​ടെ വികാ​രങ്ങൾ വിലമ​തി​പ്പി​ല്ലാത്ത മനോ​ഭാ​വ​ങ്ങ​ളാ​കുന്ന മണ്ണിൽ മുളച്ചു​പൊ​ങ്ങി തളർച്ച എന്ന ഫലം പുറ​പ്പെ​ടു​വി​ച്ചേ​ക്കാം. ഭവനപ​രി​പാ​ല​ന​ത്തി​ലും കുട്ടി​കളെ നോക്കു​ന്ന​തി​ലും ഉൾപ്പെ​ട്ടി​രി​ക്കുന്ന ജോലി​യു​ടെ അളവ്‌ അംഗീ​ക​രി​ക്കാൻ ഭർത്താ​ക്കൻമാർ പരാജ​യ​പ്പെ​ടു​മ്പോൾ ഭാര്യ​മാർക്കു തളർച്ച ഉണ്ടാകു​ന്നു. നന്നായി ചെയ്‌ത ഒരു ജോലി​യെ അവഗണി​ച്ചു​കൊണ്ട്‌ നിസ്സാര തെററു​കളെ തന്റെ തൊഴി​ലു​ടമ വിമർശി​ക്കു​മ്പോൾ മധ്യത​ല​ത്തിൽ പ്രവർത്തി​ക്കു​ന്ന​വർക്കു തളർച്ച സംഭവി​ക്കു​ന്നു. “നമ്മുടെ ശ്രമങ്ങൾക്കു വിലമ​തി​പ്പും അംഗീ​കാ​ര​വും ലഭിക്ക​ണ​മെ​ന്ന​താണ്‌ അത്യന്തം പ്രധാ​ന​മായ സംഗതി,” പേരൻറ്‌സ്‌ മാഗസിൻ പറയുന്നു. “നാം ജോലി ചെയ്യു​ന്നതു നമ്മുടെ ശ്രമങ്ങൾക്കു പ്രതി​ഫലം കിട്ടാത്ത ഒരു സ്ഥലത്താ​ണെ​ങ്കിൽ—അതു നമ്മുടെ വീടോ ഓഫീ​സോ ആയാലും—നമുക്കു തളർച്ച സംഭവി​ക്കാൻ കൂടുതൽ സാധ്യ​ത​യുണ്ട്‌.”

രസാവ​ഹ​മെ​ന്നു പറയട്ടെ, നേഴ്‌സു​മാർക്കു വലിയ അളവിൽ തളർച്ച ഉണ്ടാകു​മ്പോൾ പ്രസവ​ചി​കി​ത്സാ​വി​ദ​ഗ്‌ധർക്കു വളരെ കുറച്ചു മാത്രമേ അത്‌ ഉണ്ടാകു​ന്നു​ള്ളൂ. പൊതു​വേ പറഞ്ഞാൽ, ഒരു പ്രസവ​ചി​കി​ത്സാ​വി​ദ​ഗ്‌ധന്റെ ജോലി​യിൽ ഉൾപ്പെ​ട്ടി​രി​ക്കു​ന്നത്‌ ലോക​ത്തി​ലേക്കു വരാൻ ഒരു പുതിയ ജീവനെ സഹായി​ക്കുക എന്നതാണ്‌. മാതാ​പി​താ​ക്കൾ അവർ ചെയ്യുന്ന വേലയ്‌ക്ക്‌ അവരോ​ടു നന്ദി പറയുന്നു. വിലമ​തി​ക്ക​പ്പെ​ടു​മ്പോൾ തങ്ങൾ ഉപയോ​ഗ​മു​ള്ള​വ​രാ​ണെന്ന്‌ ആളുകൾക്കു തോന്നു​ക​യും അവർ പ്രചോ​ദി​ത​രാ​യി​ത്തീ​രു​ക​യും ചെയ്യുന്നു.

ആർക്കാണു തളർച്ച സംഭവി​ക്കാൻ സാധ്യ​ത​യു​ള്ള​തെ​ന്നും എന്തു​കൊ​ണ്ടെ​ന്നും ഒരുവൻ മനസ്സി​ലാ​ക്കു​ന്ന​തോ​ടെ ആ പ്രശ്‌നത്തെ കൈകാ​ര്യം ചെയ്യുക കൂടുതൽ എളുപ്പ​മാ​യി​ത്തീ​രു​ന്നു. തളർച്ച സംഭവി​ച്ച​വർക്കു ജീവി​ത​ത്തോ​ടു സമനി​ല​യുള്ള ഒരു വീക്ഷണം പുലർത്തു​ന്ന​തി​നു പിൻവ​രുന്ന ലേഖനം സഹായം നൽകും.

[6-ാം പേജിലെ ആകർഷ​ക​വാ​ക്യം]

വിശ്രമമില്ലാതെ ജോലി ചെയ്യു​ന്ന​തി​ന്റെ ഫലമാണു തളർച്ച