വെല്ലു​വി​ളി​യെ നേരിടൽ

വർഷങ്ങ​ളി​ലൂ​ടെ എഡിഎ​ച്ച്‌ഡി-ക്കുവേണ്ടി ഒട്ടേറെ ചികി​ത്സാ​രീ​തി​കൾ നിർദേ​ശി​ക്ക​പ്പെ​ട്ടി​ട്ടുണ്ട്‌. ഇവയിൽ ചിലത്‌ ആഹാര​ക്ര​മത്തെ കേന്ദ്രീ​ക​രി​ച്ചു​ള്ള​താണ്‌. എങ്കിലും, ഭക്ഷ്യവ​സ്‌തു​ക്ക​ളിൽ ചേർക്കുന്ന ഗുണസം​വർധക ഘടകങ്ങൾ സാധാരണ അമിത ചുറു​ചു​റു​ക്കി​നു കാരണ​മ​ല്ലെ​ന്നും പോഷ​ണ​ലാ​യ​നി​കൾക്കൊ​ണ്ടു മിക്ക​പ്പോ​ഴും വലിയ ഫലമി​ല്ലെ​ന്നും ചില പഠനങ്ങൾ അഭി​പ്രാ​യ​പ്പെ​ടു​ന്നു. എഡിഎ​ച്ച്‌ഡി ഭേദമാ​ക്കാ​നുള്ള മറ്റു മാർഗങ്ങൾ വൈദ്യ​ചി​കിത്സ, പെരു​മാ​റ്റ​രൂ​പീ​ക​രണം, അനുഭ​വ​ബോ​ധ​ത്തി​ല​ധി​ഷ്‌ഠി​ത​മായ പരിശീ​ലനം എന്നിവ​യാണ്‌.a

വൈദ്യ​ചി​കി​ത്സ. എഡിഎ​ച്ച്‌ഡി-ക്കു കാരണം മസ്‌തി​ഷ്‌ക​പ്ര​വർത്ത​ന​ത്തി​ലുള്ള ക്രമ​ക്കേ​ടാ​ണെന്നു കാണ​പ്പെ​ടു​ന്ന​തു​കൊണ്ട്‌ ഉചിത​മായ രാസസ​മ​നില പുനഃ​സ്ഥി​തീ​ക​രി​ക്കാ​നുള്ള വൈദ്യ​ചി​കിത്സ പലരുടെ കാര്യ​ത്തി​ലും സഹായ​ക​മാ​ണെന്നു തെളി​ഞ്ഞി​ട്ടുണ്ട്‌.b എങ്കിലും, വൈദ്യ​ചി​കിത്സ പഠനത്തി​നു പകരമാ​കു​ന്നില്ല. അത്‌, പുതിയ കഴിവു​കൾ പഠിക്കു​ന്ന​തി​നുള്ള അടിസ്ഥാ​നം നൽകി​ക്കൊണ്ട്‌, ശ്രദ്ധ കേന്ദ്രീ​ക​രി​ക്കാൻ കുട്ടിയെ സഹായി​ക്കുക മാത്ര​മാ​ണു ചെയ്യു​ന്നത്‌.

എഡിഎ​ച്ച്‌ഡി ഉള്ള പല മുതിർന്ന​വർക്കും ഇതു​പോ​ലെ വൈദ്യ​ചി​കി​ത്സ​വഴി സഹായം ലഭിച്ചി​ട്ടുണ്ട്‌. എങ്കിലും, എഡിഎ​ച്ച്‌ഡി ചികി​ത്സി​ച്ചു​മാ​റ്റാൻ ഉപയോ​ഗി​ക്കുന്ന ചില ഉത്തേജക മരുന്നു​കൾ ആസക്തി​യു​ള​വാ​ക്കി​യേ​ക്കാ​മെ​ന്ന​തു​കൊണ്ട്‌ യുവാ​ക്ക​ളും മുതിർന്ന​വ​രും ജാഗ്രത പുലർത്തു​ന്നതു നന്നായി​രി​ക്കും.

പെരു​മാ​റ്റ രൂപീ​ക​രണം. കുട്ടിക്ക്‌ എഡിഎ​ച്ച്‌ഡി ഉണ്ടെന്നു​ള്ളതു ശിക്ഷണം നൽകാ​നുള്ള കടപ്പാ​ടിൽനി​ന്നു മാതാ​പി​താ​ക്കളെ ഒഴിവാ​ക്കു​ന്നില്ല. ഈ അസുഖ​ത്തോ​ട​നു​ബ​ന്ധിച്ച്‌ കുട്ടിക്കു പ്രത്യേക ആവശ്യങ്ങൾ ഉണ്ടായി​രു​ന്നേ​ക്കാ​മെ​ങ്കിൽത്ത​ന്നെ​യും ബൈബിൾ മാതാ​പി​താ​ക്കളെ ഇപ്രകാ​രം ബുദ്ധ്യു​പ​ദേ​ശി​ക്കു​ന്നു: “ബാലൻ നടക്കേ​ണ്ടുന്ന വഴിയിൽ അവനെ അഭ്യസി​പ്പിക്ക; അവൻ വൃദ്ധനാ​യാ​ലും അതു വിട്ടു​മാ​റു​ക​യില്ല.” (സദൃശ​വാ​ക്യ​ങ്ങൾ 22:6) നിങ്ങളു​ടെ അമിത ചുറു​ചു​റു​ക്കുള്ള കുട്ടി (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ബാർബ്ര ഇങ്കർസോൾ അഭി​പ്രാ​യ​പ്പെ​ടു​ന്നു: “പരാജ​യ​മ​ടഞ്ഞ്‌, അമിത ചുറു​ചു​റു​ക്കുള്ള തന്റെ കുട്ടിയെ ‘കയറൂരി വിടുന്ന’ മാതാ​വോ പിതാ​വോ കുട്ടിക്കു നന്മ ചെയ്യു​ന്നില്ല. മറ്റ്‌ ഏതു കുട്ടി​യേ​യും​പോ​ലെ അമിത ചുറു​ചു​റു​ക്കുള്ള കുട്ടി​ക്കും ക്രമമായ ശിക്ഷണം ആവശ്യ​മാണ്‌. എന്നാൽ അതോ​ടൊ​പ്പം കുട്ടി​യോട്‌ ഒരു വ്യക്തി​യെ​ന്ന​നി​ല​യി​ലുള്ള ആദരവും ഉണ്ടായി​രി​ക്കണം. വ്യക്തമായ പരിധി​കൾ വെക്കണ​മെ​ന്നും ഉചിത​മായ ശിക്ഷകൾ നൽകണ​മെ​ന്നു​മാണ്‌ ഇതിന്റെ അർഥം.”

അതു​കൊണ്ട്‌, ചിട്ട​യോ​ടു​കൂ​ടിയ ജീവി​ത​നി​ല​വാ​രം കുട്ടി നിഷ്‌ഠ​യോ​ടെ പിൻപ​റ്റു​ന്നു​വെന്നു മാതാ​പി​താ​ക്കൾ ഉറപ്പാ​ക്കു​ന്നതു പ്രധാ​ന​മാണ്‌. കൂടാതെ, ദിനച​ര്യ​ക​ളു​ടെ കാര്യ​ത്തിൽ കണിശ​മായ പട്ടിക​യു​ണ്ടാ​യി​രി​ക്കണം. ഗൃഹപാ​ഠം, പഠനം, കുളി തുടങ്ങിയ കാര്യങ്ങൾ നിർവ​ഹി​ക്കാ​നുള്ള സമയം ഉൾപ്പെടെ ഈ പട്ടിക തയ്യാറാ​ക്കു​ന്ന​തിൽ കുട്ടിക്ക്‌ അൽപ്പം സ്വാത​ന്ത്ര്യം നൽകാ​വു​ന്ന​താണ്‌. അങ്ങനെ​യെ​ങ്കിൽ അതു പിൻപ​റ്റുന്ന കാര്യ​ത്തി​ലും ദൃഢത​യു​ള്ള​വ​രാ​യി​രി​ക്കുക. ദിനച​ര്യ​ക​ളോ​ടു പറ്റിനിൽക്കു​ന്നു​ണ്ടോ എന്ന്‌ ഉറപ്പു വരുത്തുക. ഫി ഡെൽറ്റ കാപ്പാൻ അഭി​പ്രാ​യ​പ്പെ​ടു​ന്നു: “എഡിഡി അല്ലെങ്കിൽ എഡിഎ​ച്ച്‌ഡി ഉണ്ടെന്ന വസ്‌തുത എന്തും ചെയ്യാ​നുള്ള ഒരു ലൈസൻസ്‌ അല്ലെന്നും മറിച്ച്‌, അസുഖ​മുള്ള കുട്ടിക്ക്‌ ഉചിത​മായ സഹായം നൽകാ​നുള്ള ഒരു വിശദീ​ക​ര​ണ​മാ​ണെ​ന്നും കുട്ടി​ക്കും മാതാ​പി​താ​ക്കൾക്കും വിവരി​ച്ചു​കൊ​ടു​ക്കാ​നുള്ള ബാധ്യത ഡോക്ടർമാർക്കും മനശ്ശാ​സ്‌ത്ര​വി​ദ​ഗ്‌ധർക്കും സ്‌കൂൾ അധികൃ​തർക്കും അധ്യാ​പ​കർക്കും ഉണ്ട്‌.”

അനുഭ​വ​ബോ​ധ​ത്തി​ല​ധി​ഷ്‌ഠി​ത​മായ പരിശീ​ലനം. തന്നെക്കു​റി​ച്ചും തന്റെ വൈക​ല്യ​ത്തെ​ക്കു​റി​ച്ചു​മുള്ള കുട്ടി​യു​ടെ വീക്ഷണ​ഗതി മാറ്റി​യെ​ടു​ക്കാൻ സഹായി​ക്കു​ന്നത്‌ ഇതിൽ ഉൾപ്പെ​ടു​ന്നു. “ശ്രദ്ധക്കു​റവ്‌ വൈക​ല്യ​മുള്ള ആളുകൾ, സൗന്ദര്യ​മു​ള്ള​വ​രും ബുദ്ധി​മാ​ന്മാ​രും നല്ലവരു​മാ​ണെ​ങ്കി​ലും തങ്ങൾ ‘വിരൂ​പ​ന്മാ​രും വിഡ്‌ഢി​ക​ളും ഒന്നിനും കൊള്ളാ​ത്ത​വരു’മാണെന്നു വിചാ​രി​ക്കു​ന്നു,” ഡോ. റൊണാൾഡ്‌ ഗോൾഡ്‌ബർഗ്‌ അഭി​പ്രാ​യ​പ്പെ​ടു​ന്നു. അതു​കൊണ്ട്‌, എഡിഎ​ച്ച്‌ഡി ഉള്ള കുട്ടിക്ക്‌ ആത്മമൂ​ല്യ​ത്തെ​ക്കു​റി​ച്ചുള്ള ഉചിത​മായ വീക്ഷണ​ഗതി ഉണ്ടായി​രി​ക്കേ​ണ്ട​തും ശ്രദ്ധാ​സം​ബ​ന്ധ​മായ തന്റെ ബുദ്ധി​മു​ട്ടു​കൾ കൈകാ​ര്യം ചെയ്യാ​വു​ന്നതേ ഉള്ളൂ​വെന്ന്‌ അവൻ അറിഞ്ഞി​രി​ക്കേ​ണ്ട​തും ആവശ്യ​മാണ്‌. കൗമാ​ര​പ്രാ​യ​ത്തിൽ ഇതു പ്രത്യേ​കി​ച്ചും പ്രധാ​ന​മാണ്‌. എഡിഡി അല്ലെങ്കിൽ എഡിഎ​ച്ച്‌ഡി ഉള്ള ഒരു വ്യക്തി കൗമാ​ര​പ്രാ​യ​ത്തി​ലെ​ത്തു​മ്പോ​ഴേ​ക്കും സഹപാ​ഠി​ക​ളിൽനി​ന്നും അധ്യാ​പ​ക​രിൽനി​ന്നും കൂടപ്പി​റ​പ്പു​ക​ളിൽനി​ന്നും ഒരുപക്ഷേ മാതാ​പി​താ​ക്ക​ളിൽനി​ന്നു​പോ​ലും വളരെ​യ​ധി​കം വിമർശ​നങ്ങൾ ഏറ്റുവാ​ങ്ങി​യി​രി​ക്കാം. അവൻ ഇപ്പോൾ, വാസ്‌ത​വി​ക​മായ ലക്ഷ്യങ്ങൾ വെക്കു​ക​യും തന്നെക്കു​റി​ച്ചു​തന്നെ പരുഷ​മ​ല്ലാത്ത, ന്യായ​മായ ഒരു വിലയി​രു​ത്തൽ നടത്തു​ക​യും ചെയ്യേ​ണ്ട​താണ്‌.

മേൽപ്പറഞ്ഞ ചികി​ത്സാ​രീ​തി​കൾ എഡിഎ​ച്ച്‌ഡി ഉള്ള മുതിർന്ന​വർക്കും പിൻപ​റ്റാ​വു​ന്ന​താണ്‌. “പ്രായത്തെ അടിസ്ഥാ​ന​മാ​ക്കി ഭേദഗതി ആവശ്യ​മാണ്‌. പക്ഷേ, ചികി​ത്സ​യു​ടെ—ഉചിത​മാ​യി​ടത്ത്‌ വൈദ്യ​ചി​കി​ത്സ​യും പെരു​മാ​റ്റ​രൂ​പീ​ക​ര​ണ​വും അനുഭ​വ​ബോ​ധ​ത്തി​ല​ധി​ഷ്‌ഠി​ത​മായ [പരിശീ​ല​ന​വും]—അടിസ്ഥാ​നം ആജീവ​നാ​ന്തം സാധു​വായ ഒരു സമീപ​ന​മാണ്‌.”

പിന്തുണ പ്രദാനം ചെയ്യൽ

എഡിഎ​ച്ച്‌ഡി ഉള്ള ഒരു കൗമാ​ര​പ്രാ​യ​ക്കാ​രന്റെ പിതാ​വായ ജോൺ സമാന സാഹച​ര്യ​ത്തി​ലുള്ള മാതാ​പി​താ​ക്ക​ളോട്‌ ഇപ്രകാ​രം പറയുന്നു: “ഈ പ്രശ്‌ന​ത്തെ​ക്കു​റിച്ച്‌ നിങ്ങൾക്കു കഴിയു​ന്നത്ര കാര്യങ്ങൾ പഠിക്കുക. അറിവിൽ അധിഷ്‌ഠി​ത​മായ തീരു​മാ​നങ്ങൾ എടുക്കുക. സർവോ​പരി, നിങ്ങളു​ടെ കുട്ടിയെ സ്‌നേ​ഹി​ക്കുക. അവനിൽ ആത്മാഭി​മാ​നം വളർത്തി​യെ​ടു​ക്കുക. ആത്മാഭി​മാ​ന​ക്കു​റവ്‌ ഒരു സംഹാ​ര​ക​നാണ്‌.”

എഡിഎ​ച്ച്‌ഡി ഉള്ള കുട്ടിക്ക്‌ ആവശ്യ​മായ പിന്തുണ ഉണ്ടായി​രി​ക്ക​ണ​മെ​ങ്കിൽ മാതാ​വും പിതാ​വും സഹകരി​ക്കണം. എഡിഎ​ച്ച്‌ഡി ഉള്ള ഒരു കുട്ടി “ഭവനത്തിൽ താൻ സ്‌നേ​ഹി​ക്ക​പ്പെ​ടു​ന്നു​വെ​ന്നും മാതാ​പി​താ​ക്കൾക്കി​ട​യിൽ സ്ഥിതി ചെയ്യുന്ന സ്‌നേ​ഹ​ത്തിൽനി​ന്നാണ്‌ ആ സ്‌നേഹം വരുന്ന​തെ​ന്നും” അറി​യേ​ണ്ടത്‌ ആവശ്യ​മാണ്‌ എന്ന്‌ ഡോ. ഗോർഡോൺ സർഫോൺടെ​യിൻ എഴുതു​ന്നു. (ചെരി​ച്ചെ​ഴു​ത്തു ഞങ്ങളു​ടേത്‌.) ദുഃഖ​ക​ര​മെന്നു പറയട്ടെ, അത്തരം സ്‌നേഹം എല്ലായ്‌പോ​ഴും പ്രകട​മാ​ക്ക​പ്പെ​ടു​ന്നില്ല. ഡോ. സർഫോൺടെ​യിൻ തുടർന്നു പറയുന്നു: “[എഡിഎ​ച്ച്‌ഡി ഉള്ള കുട്ടി​യുള്ള] കുടും​ബ​ത്തിൽ വൈവാ​ഹിക പൊരു​ത്ത​ക്കേ​ടും തകർച്ച​യും ഉണ്ടാകാ​നുള്ള സാധ്യത സാധാരണ കുടും​ബ​ത്തി​ലേ​തി​നെ​ക്കാൾ മൂന്നി​ലൊ​ന്നു കൂടു​ത​ലാണ്‌.” അത്തരം പൊരു​ത്ത​ക്കേ​ടു​കൾ തടയാൻ എഡിഎ​ച്ച്‌ഡി ഉള്ള കുട്ടിയെ വളർത്തി​ക്കൊ​ണ്ടു​വ​രു​ന്ന​തിൽ പിതാവ്‌ സുപ്ര​ധാ​ന​മായ ഒരു പങ്കു വഹിക്കണം. ഉത്തരവാ​ദി​ത്വം മാതാ​വി​ന്റെ ചുമലിൽ മാത്രം കെട്ടി​വെ​ക്ക​രുത്‌.—എഫെസ്യർ 6:4; 1 പത്രൊസ്‌ 3:7.

കുടും​ബ​ത്തി​ന്റെ ഭാഗമ​ല്ലെ​ങ്കി​ലും അടുത്ത സുഹൃ​ത്തു​ക്കൾക്കു വളരെ​യ​ധി​കം പിന്തു​ണ​യേ​കാൻ കഴിയും. എങ്ങനെ? “ദയയു​ള്ള​വ​രാ​യി​രി​ക്കുക,” നേരത്തേ ഉദ്ധരിച്ച ജോൺ പറയുന്നു. ബാഹ്യ​മായ കാര്യങ്ങൾ മാത്രം കണക്കി​ലെ​ടു​ത്താൽ പോരാ. കുട്ടിയെ അറിയാൻ ശ്രമി​ക്കുക. മാതാ​പി​താ​ക്ക​ളോ​ടും സംസാ​രി​ക്കുക. അവർ എങ്ങനെ​യി​രി​ക്കു​ന്നു? അവർ നിത്യേന നേരി​ടുന്ന കാര്യങ്ങൾ എന്തൊ​ക്കെ​യാണ്‌?”—സദൃശ​വാ​ക്യ​ങ്ങൾ 17:17.

ക്രിസ്‌തീ​യ സഭയിലെ അംഗങ്ങൾക്ക്‌ എഡിഎ​ച്ച്‌ഡി ഉള്ള കുട്ടി​ക്കും മാതാ​പി​താ​ക്കൾക്കും പിന്തു​ണ​യേ​കാൻ തക്കവണ്ണം വളരെ​യ​ധി​കം ചെയ്യാൻ സാധി​ക്കും. എങ്ങനെ? ന്യായ​യു​ക്ത​മായ കാര്യങ്ങൾ പ്രതീ​ക്ഷി​ച്ചു​കൊണ്ട്‌. (ഫിലി​പ്പി​യർ 4:5) ചില​പ്പോൾ, എഡിഎ​ച്ച്‌ഡി ഉള്ള കുട്ടി ശല്യമു​ണ്ടാ​ക്കി​യേ​ക്കാം. “നിങ്ങളു​ടെ കുട്ടിയെ ഒന്നു നിയ​ന്ത്രി​ച്ചാ​ലെന്താ?” അല്ലെങ്കിൽ “നിങ്ങൾ എന്തു​കൊണ്ട്‌ അവനു ശിക്ഷണം നൽകു​ന്നില്ല?” എന്നു പരുഷ​മാ​യി പറയു​ന്ന​തി​നു​പ​കരം എഡിഎ​ച്ച്‌ഡി ഉള്ള കുട്ടിയെ വളർത്തി​ക്കൊ​ണ്ടു​വ​രു​ന്ന​തി​ലെ ദൈനം​ദിന വെല്ലു​വി​ളി​കൾ നിമിത്തം മാതാ​പി​താ​ക്കൾ വിഷമി​ക്കു​ന്നു​ണ്ടെന്നു വിവേ​ക​മുള്ള ഒരു സഹവി​ശ്വാ​സി മനസ്സി​ലാ​ക്കും. കുട്ടി​യു​ടെ ശല്യം നിയ​ന്ത്രി​ക്കാൻ തങ്ങളാ​ലാ​കു​ന്നതു മാതാ​പി​താ​ക്കൾ തീർച്ച​യാ​യും ചെയ്യണം. എങ്കിലും, അലോ​സ​ര​പ്പെട്ട്‌ പൊട്ടി​ത്തെ​റി​ക്കു​ന്ന​തി​നു​പ​കരം വിശ്വാ​സ​ത്തിൽ ബന്ധപ്പെ​ട്ടി​രി​ക്കു​ന്നവർ ‘സഹതാപം’ കാണി​ക്കാ​നും ‘അനു​ഗ്ര​ഹി​ക്കു​ന്ന​വ​രാ​യി​രി​ക്കാ​നും’ കഠിന​മാ​യി ശ്രമി​ക്കണം. (1 പത്രൊസ്‌ 3:8, 9) സഹാനു​ഭൂ​തി​യുള്ള സഹവി​ശ്വാ​സി​ക​ളി​ലൂ​ടെ​യാണ്‌ ദൈവം “എളിയ​വരെ ആശ്വസി​പ്പി”ക്കുന്നത്‌.—2 കൊരി​ന്ത്യർ 7:5-7.

പഠന​വൈ​ക​ല്യ​ങ്ങ​ളും എഡിഎ​ച്ച്‌ഡി ഉൾപ്പെടെ എല്ലാ മാനു​ഷിക അപൂർണ​ത​യും ആദ്യമ​നു​ഷ്യ​നായ ആദാമിൽനി​ന്നു വന്നതാ​ണെന്നു ബൈബി​ളി​ന്റെ പഠിതാ​ക്കൾ മനസ്സി​ലാ​ക്കു​ന്നു. (റോമർ 5:12) സ്രഷ്ടാ​വായ യഹോവ, ക്ലേശി​പ്പി​ക്കുന്ന രോഗങ്ങൾ മേലാൽ ഉണ്ടായി​രി​ക്കു​ക​യി​ല്ലാത്ത നീതി​യുള്ള ഒരു പുതിയ ഭൂമി കൊണ്ടു​വ​രു​മെ​ന്നുള്ള തന്റെ വാഗ്‌ദാ​നം നിവർത്തി​ക്കു​മെ​ന്നും അവർക്ക​റി​യാം. (യെശയ്യാ​വു 33:24; വെളി​പ്പാ​ടു 21:1-4) എഡിഎ​ച്ച്‌ഡി പോലുള്ള വൈക​ല്യ​ങ്ങ​ളാൽ ബാധി​ക്ക​പ്പെ​ട്ട​വരെ നങ്കൂര​മി​ട്ടു​റ​പ്പി​ക്കുന്ന ഒന്നാണ്‌ ഈ ഉറപ്പ്‌. “പ്രായ​വും പരിശീ​ല​ന​വും അനുഭ​വ​പ​രി​ച​യ​വും, വൈക​ല്യ​ത്തെ മനസ്സി​ലാ​ക്കി അതിന​നു​സ​രി​ച്ചു പ്രവർത്തി​ക്കാൻ ഞങ്ങളുടെ മകനെ സഹായി​ക്കു​ന്നു,” ജോൺ പറയുന്നു. “പക്ഷേ ഈ വ്യവസ്ഥി​തി​യിൽ അവൻ പൂർണ​മാ​യും സുഖ​പ്പെ​ടില്ല. പുതിയ ലോക​ത്തിൽ യഹോവ ഞങ്ങളുടെ മകന്റെ വൈക​ല്യം മാറ്റു​മെ​ന്നും അവനു ജീവിതം പൂർണ​മാ​യി ആസ്വദി​ക്കുക സാധ്യ​മാ​ക്കു​മെ​ന്നു​മുള്ള പ്രത്യാശ ഞങ്ങളെ ദിവസേന ആശ്വസി​പ്പി​ക്കു​ന്നു.”

[അടിക്കു​റി​പ്പു​കൾ]

[8-ാം പേജിലെ ചതുരം]

മാതാപിതാക്കൾക്ക്‌ ഒരു മുന്നറി​യിപ്പ്‌

ഒട്ടുമിക്ക കുട്ടി​ക​ളും മിക്ക​പ്പോ​ഴും ശ്രദ്ധക്കു​റ​വു​ള്ള​വ​രും അനിയ​ന്ത്രി​ത​മാ​യി പ്രവർത്തി​ക്കു​ന്ന​വ​രും അമിത ചുറു​ചു​റു​ക്കു​ള്ള​വ​രു​മാണ്‌. ഇത്തരം സ്വഭാ​വ​വി​ശേ​ഷങ്ങൾ എപ്പോ​ഴും എഡിഎ​ച്ച്‌ഡി ഉണ്ടെന്നു​ള്ള​തി​ന്റെ സൂചന അല്ല. വളരെ വൈകു​ന്ന​തി​നു​മുമ്പ്‌ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ഡോ. സ്റ്റാൻഡൻ ഇ. സാമെ​നോ അഭി​പ്രാ​യ​പ്പെ​ടു​ന്നു: “എന്തെങ്കി​ലു​മൊ​രു കാര്യം ചെയ്യാൻ ഇഷ്ടമി​ല്ലാത്ത ഒരു കുട്ടിക്ക്‌ അവന്റെ കുറ്റമ​ല്ലെന്ന്‌ ആളുകൾ കരുതുന്ന ഒരു വൈക​ല്യ​മോ അവസ്ഥയോ ആണെന്ന ധാരണ​യിൽ ഒഴിക​ഴി​വു നൽകുന്ന നിരവധി കേസുകൾ ഞാൻ കണ്ടിട്ടുണ്ട്‌.”

ഡോ. റിച്ചാർഡ്‌ ബ്രോം​ഫീൽഡ്‌ ജാഗ്ര​ത​യു​ടെ ആവശ്യ​വും കാണുന്നു. “എഡിഎ​ച്ച്‌ഡി ഉണ്ടെന്നു നിർണ​യി​ക്ക​പ്പെ​ട്ടി​ട്ടുള്ള ചില ആളുകൾ തീർച്ച​യാ​യും നാഡീ​സം​ബ​ന്ധ​മായ വൈക​ല്യ​മു​ള്ള​വ​രും വൈദ്യ​ചി​കിത്സ ആവശ്യ​മു​ള്ള​വ​രു​മാണ്‌,” അദ്ദേഹം എഴുതു​ന്നു. “എന്നാൽ, എല്ലാത്ത​ര​ത്തി​ലുള്ള ദുഷ്‌പെ​രു​മാ​റ്റ​ങ്ങൾക്കും കാപട്യ​ങ്ങൾക്കും അവഗണ​ന​യ്‌ക്കും മറ്റു സാമൂ​ഹിക കുഴപ്പ​ങ്ങൾക്കു​മുള്ള കാരണം ഈ വൈക​ല്യ​മാ​ണെന്ന്‌ ആരോ​പി​ക്കാ​റുണ്ട്‌. എന്നാൽ മിക്ക കേസു​ക​ളി​ലും ഇവയ്‌ക്ക്‌ എഡിഎ​ച്ച്‌ഡി-യുമായി ഒരു ബന്ധവു​മില്ല. യഥാർഥ​ത്തിൽ, ആധുനിക ജീവി​ത​ത്തി​ലെ മൂല്യ​ച്യു​തി—അനിയ​ന്ത്രി​ത​മായ അക്രമം, മയക്കു​മ​രു​ന്നു ദുരു​പ​യോ​ഗം എന്നിവ​യും ശിക്ഷണ​വും അടുക്കും ചിട്ടയു​മൊ​ന്നു​മി​ല്ലാത്ത ഭവനങ്ങൾപ്പോ​ലെ അധികം പേടി​പ്പെ​ടു​ത്താത്ത കാര്യ​ങ്ങ​ളും—നാഡീ​സം​ബ​ന്ധ​മായ ഏതെങ്കി​ലും തകരാ​റു​ക​ളെ​ക്കാ​ളു​പരി, എഡിഎ​ച്ച്‌ഡി പോലെ തോന്നി​ക്കുന്ന അസ്വസ്ഥ​തകൾ ഇളക്കി​വി​ടു​ന്നു.”

എഡിഎ​ച്ച്‌ഡി-യെ “ഒരു പൊതു​ത​ത്ത്വ​മാ​യി” ഉപയോ​ഗി​ക്കു​ന്ന​തി​നെ​തി​രെ ഡോ. റൊണാൾഡ്‌ ഗോൾബർഗ്‌ മുന്നറി​യി​പ്പു നൽകു​ന്നതു നല്ല കാരണ​ത്തോ​ടെ​യാണ്‌. “ശരിയായ നിഗമ​ന​ത്തി​ലെ​ത്താൻ തക്കവിധം സാധ്യ​മായ രോഗ​നിർണയ മാർഗ​ങ്ങ​ളെ​ല്ലാം നടത്തണ”മെന്നാണ്‌ അദ്ദേഹ​ത്തി​ന്റെ ഉപദേശം. എഡിഎ​ച്ച്‌ഡി-യോടു സദൃശ​മായ ലക്ഷണങ്ങൾ ശാരീ​രി​ക​മോ വൈകാ​രി​ക​മോ ആയ പ്രശ്‌ന​ങ്ങ​ളി​ലൊ​ന്നി​നെ സൂചി​പ്പി​ച്ചേ​ക്കാം. അതു​കൊണ്ട്‌, കൃത്യ​മായ രോഗ​നിർണയം നടത്താൻ അനുഭ​വ​സ​മ്പ​ന്ന​നായ ഒരു ഡോക്ട​റു​ടെ സഹായം അത്യന്താ​പേ​ക്ഷി​ത​മാണ്‌.

രോഗ​നിർണയം നടത്തി​യാൽത്ത​ന്നെ​യും മാതാ​പി​താ​ക്കൾ വൈദ്യ​ചി​കി​ത്സ​യു​ടെ നേട്ടങ്ങ​ളും കോട്ട​ങ്ങ​ളും നന്നായി വിലയി​രു​ത്തു​ന്നത്‌ ഉചിത​മാ​യി​രി​ക്കും. റിറ്റാ​ലിന്‌ അനഭി​ല​ഷ​ണീയ ലക്ഷണങ്ങൾ ഇല്ലാതാ​ക്കാൻ കഴിയും. എന്നാൽ ഉറക്കമി​ല്ലായ്‌മ, വർധിച്ച ഉത്‌കണ്‌ഠ, വേവലാ​തി, തുടങ്ങിയ അനഭി​കാ​മ്യ പാർശ്വ​ഫ​ലങ്ങൾ അത്‌ ഉളവാ​ക്കും. അങ്ങനെ, ലക്ഷണങ്ങൾ തുടച്ചു​നീ​ക്കാൻ മാത്രം കുട്ടിക്ക്‌ ഔഷധങ്ങൾ നൽകു​ന്ന​തി​നെ​തി​രെ ഡോ. റിച്ചാർഡ്‌ ബ്രോം​ഫീൽഡ്‌ മുന്നറി​യി​പ്പു നൽകുന്നു. “ഒട്ടേറെ കുട്ടി​കൾക്കും മുതിർന്ന​വർക്കും അനാവ​ശ്യ​മാ​യി റിറ്റാ​ലിൻ നൽകാ​റുണ്ട്‌,” അദ്ദേഹം പറയുന്നു. “എന്റെ അനുഭ​വം​വെച്ച്‌, റിറ്റാ​ലി​ന്റെ ഉപയോ​ഗം വലി​യൊ​ര​ള​വിൽ കുട്ടി​ക​ളു​ടെ പെരു​മാ​റ്റത്തെ സഹിക്കാ​നുള്ള മാതാ​പി​താ​ക്ക​ളു​ടെ​യും അധ്യാ​പ​ക​രു​ടെ​യും പ്രാപ്‌തി​യെ ആശ്രയി​ച്ചി​രി​ക്കു​ന്ന​താ​യി കാണ​പ്പെ​ടു​ന്നു. രോഗം ഭേദമാ​കാൻ റിറ്റാ​ലിൻ നൽകു​ന്ന​തി​നു​പ​കരം ശാന്തരാ​യി​രി​ക്കാൻ അതു നൽകപ്പെട്ട കുട്ടി​ക​ളെ​ക്കു​റിച്ച്‌ എനിക്ക​റി​യാം.”

അതു​കൊണ്ട്‌ തങ്ങളുടെ കുട്ടി​കൾക്ക്‌ എഡിഎ​ച്ച്‌ഡി അല്ലെങ്കിൽ പഠന​വൈ​ക​ല്യ​മാ​ണെന്നു മാതാ​പി​താ​ക്കൾ അത്ര വേഗത്തിൽ മുദ്ര​കു​ത്ത​രുത്‌. മറിച്ച്‌, ഒരു വിദഗ്‌ധന്റെ സഹായ​ത്തോ​ടെ അവർ തെളി​വു​കൾ ശ്രദ്ധാ​പൂർവം വിലയി​രു​ത്തണം. കുട്ടിക്കു പഠന​വൈ​ക​ല്യ​മോ എഡിഎ​ച്ച്‌ഡി-യോ ഉണ്ടെന്നു നിർണ​യി​ക്ക​പ്പെ​ട്ടാൽ, തങ്ങളുടെ കുട്ടി​ക​ളു​ടെ മെച്ചമായ ക്ഷേമത്തി​നു​വേണ്ടി പ്രവർത്തി​ക്കാൻ തക്കവണ്ണം മാതാ​പി​താ​ക്കൾ ആ പ്രശ്‌ന​ത്തെ​ക്കു​റി​ച്ചുള്ള വിവരങ്ങൾ നന്നായി അറിയാൻ വേണ്ട സമയം എടുക്കണം.

[9-ാം പേജിലെ ചിത്രം]

എഡിഎച്ച്‌ഡി ഉള്ള കുട്ടിക്കു ദയാപൂർവ​ക​മായ എന്നാൽ ക്രമമായ ശിക്ഷണം ആവശ്യ​മാണ്‌

[10-ാം പേജിലെ ചിത്രം]

മാതാപിതാക്കളുടെ പ്രശം​സ​യ്‌ക്കു വളരെ ഫലമുണ്ട്‌