താത്‌പ​ര്യ​ക്കാ​രെ കണ്ടെത്താൻ ലഘുപ​ത്രി​കകൾ വിശേ​ഷ​വൽക്ക​രി​ക്കൽ

¹ ലഘുപ​ത്രി​കകൾ ശക്തമായ ഉപകര​ണ​ങ്ങ​ളാണ്‌. കേവലം 32 പേജു​ക​ളിൽ തിരു​വെ​ഴു​ത്തു സത്യങ്ങൾ ഉറപ്പായി സ്ഥാപി​ക്കാ​നും ദൈവ​ത്തെ​ക്കു​റി​ച്ചു​ളള പരിജ്ഞാ​ന​ത്തി​നു വിരു​ദ്ധ​മായ ഉപദേ​ശ​ങ്ങ​ളെ​യും ന്യായ​വാ​ദ​ങ്ങ​ളെ​യും മറിച്ചി​ടാ​നും ഒരു ലഘുപ​ത്രി​കക്കു കഴിയും.—2 കൊരി. 10:5.

² യഹോ​വ​യു​ടെ സാക്ഷികൾ—ലോക​വ്യാ​പ​ക​മാ​യി ഐക്യ​ത്തിൽ ദൈവ​ത്തി​ന്റെ ഇഷ്ടം ചെയ്യുന്നു എന്ന ലഘുപ​ത്രിക വായി​ച്ച​ശേഷം ഇപ്രകാ​രം എഴുതാൻ ഒരു മനുഷ്യൻ പ്രേരി​ത​നാ​യി: “അത്തരത്തി​ലു​ളള സംഘാ​ടനം ഞാൻ ഒരിക്ക​ലും കണ്ടിട്ടില്ല. . . . മതപര​മായ ധാരാളം കാപട്യ​മു​ളള ഈ കാലത്തു ദൈ​വേഷ്ടം കാര്യ​മാ​ത്ര​പ്ര​സ​ക്‌ത​മാ​യി എടുക്കുന്ന ആളുകളെ കണ്ടെത്തു​ന്നതു വിസ്‌മ​യ​ക​ര​മാണ്‌.” ആഫ്രി​ക്ക​യി​ലെ ഒരു മന്ത്രവാ​ദി ഭൂമി​യിൽ എന്നേക്കും ജീവിതം ആസ്വദി​ക്കുക! എന്ന ലഘുപ​ത്രിക പഠിക്കു​ക​യു​ണ്ടാ​യി. അത്‌ അയാളിൽ എന്തു ഫലം ഉളവാക്കി? അയാൾ തന്റെ മന്ത്രവാ​ദം ഉപേക്ഷി​ക്കു​ക​യും ആദ്യഭാ​ര്യ​യെ​ക്കൂ​ടാ​തെ തന്നോ​ടൊ​പ്പം താമസി​ച്ചി​രുന്ന സ്‌ത്രീ​കളെ പറഞ്ഞയ​ക്കു​ക​യും ചെയ്‌തു, പിന്നീട്‌ അയാൾ ആദ്യഭാ​ര്യ​യെ നിയമാ​നു​സൃ​ത​മാ​യി വിവാഹം ചെയ്‌തു.

³ നിങ്ങൾ ത്രിത്വ​ത്തിൽ വിശ്വ​സി​ക്ക​ണ​മോ? എന്ന ലഘുപ​ത്രിക സത്യത്തി​ന്റെ വസ്‌തു​നി​ഷ്‌ഠ​മായ തെളി​വു​കൾ നിരത്തുന്ന ന്യായ​യു​ക്ത​വും ഫലപ്ര​ദ​വു​മായ ഒരു ഉപകര​ണ​മാണ്‌. ഇതി​നെ​ക്കു​റിച്ച്‌ അഭി​പ്രാ​യ​പ്പെ​ട്ടു​കൊണ്ട്‌ ജമെയ്‌ക്ക വെസ്‌ററ്‌ ഇൻഡീ​സി​ലെ ദ സൺഡേ ഗ്ലീനറ​നു​വേ​ണ്ടി​യു​ളള ഒരു മതലേ​ഖകൻ ഇപ്രകാ​രം പറഞ്ഞു: “ഈ പ്രസി​ദ്ധീ​ക​രണം . . . സാക്ഷി​ക​ളു​ടെ അതിവി​ദ​ഗ്‌ദ്ധ​മായ ഒരു നീക്കമാണ്‌, ഇപ്പോൾ ഒരു ത്രിത്വ​വാ​ദി​യും—അല്ലെങ്കിൽ ദ്വിത്വ​വാ​ദി​യും—സുരക്ഷി​തനല്ല. ത്രി​ത്വോ​പ​ദേശം ബൈബി​ളിൽനിന്ന്‌ ഉത്ഭൂത​മാ​യതല്ല എന്നു കാണി​ക്കാൻ ഈ ലഘുപ​ത്രി​ക​യിൽ നിറയെ ചരി​ത്ര​പ​ര​വും ദൈവ​ശാ​സ്‌ത്ര​പ​ര​വു​മായ ഉറവു​ക​ളിൽനി​ന്നു​ളള ഉദ്ധരണി​ക​ളാണ്‌. . . . യേശു ദൈവ​മാ​ണെന്ന വീക്ഷണ​ത്തി​നെ​തി​രെ സാക്ഷികൾ അണിനി​ര​ത്തുന്ന അപ്രതി​രോ​ധ്യ​വും ശക്തവു​മായ വാദങ്ങൾക്ക്‌ ഇടത്തര​ക്കാർക്ക്‌—അല്ലെങ്കിൽ പളളി​യിൽ പോകുന്ന ഇടത്തര​ക്കാ​ര​നെ​ക്കാൾ മുതിർന്ന​വർക്ക്‌—എപ്രകാ​രം ഉത്തരം നൽകാൻ കഴിയു​മെന്നു കാണാൻ ഈ മതലേ​ഖ​കന്‌ ഏററവും വിഷമ​മാണ്‌.”

⁴ അവ നന്നായി ഉപയോ​ഗി​ക്കുക: ഫലപ്ര​ദ​മാ​യി​രി​ക്കു​ന്ന​തിന്‌, ആകർഷ​ക​വും ആധികാ​രി​ക​വു​മായ ഈ ഉപകര​ണങ്ങൾ അവ വായി​ക്കുന്ന ആളുകൾക്കു സമർപ്പി​ക്കണം. വ്യത്യസ്‌ത വിഷയങ്ങൾ കൈകാ​ര്യം ചെയ്യുന്ന വിവിധ ലഘുപ​ത്രി​കകൾ നമുക്കു​ള​ള​തു​കൊണ്ട്‌, നാം സാക്ഷ്യം നൽകുന്ന വ്യക്തിക്ക്‌ ഏററവും അനു​യോ​ജ്യ​മെന്നു നമുക്കു തോന്നുന്ന ഒരെണ്ണം സമർപ്പി​ക്കാൻ ശ്രമി​ക്കണം. നമ്മുടെ ലഘുപ​ത്രി​ക​ക​ളെ​ക്കു​റിച്ച്‌ അറിഞ്ഞി​രി​ക്കു​ന്ന​തും അവയിൽ പലതര​ത്തി​ലു​ളളവ നമ്മുടെ കൈവശം ഉണ്ടായി​രി​ക്കു​ന്ന​തും വയൽസേ​വ​ന​ത്തി​ലാ​യാ​ലും വീട്ടി​ലാ​യാ​ലും മറെറ​വി​ടെ​യാ​യാ​ലും അവ നന്നായി ഉപയോ​ഗി​ക്കാൻ നമുക്ക്‌ എളുപ്പ​മാ​ക്കി​ത്തീർക്കും.

⁵ ദൃഷ്ടാ​ന്ത​ത്തിന്‌, താൻ ജീവി​ത​ത്തിൽ നേരി​ടുന്ന പ്രശ്‌നങ്ങൾ സംബന്ധി​ച്ചു വിഷാ​ദ​മ​ഗ്ന​നായ ഒരാ​ളോ​ടോ ഭാവിയെ സംബന്ധി​ച്ചു തീരെ പ്രതീ​ക്ഷ​യി​ല്ലാത്ത ഒരാ​ളോ​ടോ സംസാ​രി​ക്കു​ക​യാ​ണെ​ങ്കിൽ നിങ്ങൾ ഏതു ലഘുപ​ത്രിക ഉപയോ​ഗി​ക്കും? സ്‌നേ​ഹ​വാ​നായ ഒരു ദൈവം ഇത്രയ​ധി​കം യാതനകൾ അനുവ​ദി​ച്ചി​രി​ക്കു​ന്നത്‌ എന്തു​കൊ​ണ്ടെന്ന്‌ ആരെങ്കി​ലും ചോദി​ക്കു​ക​യാ​ണെ​ങ്കിൽ, ഏതു ലഘുപ​ത്രിക ആ ആവശ്യം നിറ​വേ​റ​റും? ആളുകൾക്കു പ്രയോ​ജനം ചെയ്യുന്ന ഒരു ഗവൺമെൻറി​നെ സംബന്ധിച്ച്‌ ഒരു വ്യക്തി താത്‌പ​ര്യം കാണി​ക്കു​ന്നെ​ങ്കിൽ, അദ്ദേഹ​ത്തി​നു പററിയ ലഘുപ​ത്രിക ഏതായി​രി​ക്കും?

⁶ ഏതു ലഘുപ​ത്രിക ഉപയോ​ഗി​ക്ക​ണ​മെന്ന്‌ അറിഞ്ഞി​രി​ക്കു​ന്നതു കൂടാതെ, അതിന്റെ ഉളളടക്കം എന്താ​ണെ​ന്ന​റി​യാ​നു​ളള ആ വ്യക്തി​യു​ടെ വിശപ്പു വർധി​പ്പി​ക്കാൻ ശ്രമി​ക്കുക. സാഹച​ര്യ​ങ്ങൾ അനുവ​ദി​ക്കു​ന്ന​പക്ഷം, ആ പ്രസി​ദ്ധീ​ക​രണം വായി​ക്കാ​നു​ളള അദ്ദേഹ​ത്തി​ന്റെ താത്‌പ​ര്യ​ത്തെ ഉത്തേജി​പ്പി​ച്ചേ​ക്കാ​വുന്ന ഒരു വിവര​ണ​മോ ചിത്ര​മോ ചൂണ്ടി​ക്കാ​ട്ടുക. അല്ലെങ്കിൽ നിങ്ങൾക്ക്‌ അദ്ദേഹ​ത്തോ​ടൊ​പ്പം ഒന്നോ രണ്ടോ ഖണ്ഡികകൾ വായി​ക്കാ​നും കൊടു​ത്തി​രി​ക്കുന്ന തിരു​വെ​ഴു​ത്തു​കൾ എടുത്തു​നോ​ക്കാ​നും ആ ഭാഗം ചർച്ച​ചെ​യ്യാ​നും കഴിയും. അനേകം നല്ല ബൈബി​ള​ധ്യ​യ​നങ്ങൾ ഈ വിധത്തിൽ തുടങ്ങി​യി​ട്ടുണ്ട്‌.

⁷ നമ്മുടെ ലഘുപ​ത്രി​കകൾ ലോക​ത്തിൽ നടക്കുന്ന മ്ലേച്ഛകാ​ര്യ​ങ്ങൾ നിമിത്തം നെടു​വീർപ്പി​ടു​ക​യും കരയു​ക​യും ചെയ്യു​ന്ന​വർക്കു തിരു​വെ​ഴു​ത്തു​പ​ര​മായ ഉത്തരങ്ങൾ നൽകു​ക​യും അവരിൽ പ്രത്യാശ ഉൾനടു​ക​യും ചെയ്യുന്നു. (യെഹെ​സ്‌കേൽ 9:4 താരത​മ്യ​പ്പെ​ടു​ത്തുക.) ചെമ്മരി​യാ​ടു​തു​ല്യ​രായ ആളുകൾ അത്തരം സാഹി​ത്യ​ത്തിൽ അടങ്ങി​യി​രി​ക്കുന്ന സന്ദേശ​ത്തോ​ടു പ്രതി​ക​രി​ക്കും. താത്‌പ​ര്യ​ക്കാ​രെ കണ്ടെത്താൻ ശ്രമി​ക്കവേ നമ്മുടെ ശുശ്രൂ​ഷ​യു​ടെ എല്ലാ മണ്ഡലങ്ങ​ളി​ലും ലഘുപ​ത്രി​കകൾ നന്നായി ഉപയോ​ഗ​പ്പെ​ടു​ത്താ​നു​ളള പദവി നമുക്കുണ്ട്‌.