ജൂ​ലൈ​യിൽ ലഘുപ​ത്രി​കകൾ ഫലപ്ര​ദ​മാ​യി ഉപയോ​ഗി​ക്കൽ

¹ ശിഷ്യ​രാ​ക്കൽ വേല ത്വരി​ത​പ്പെ​ടു​ത്തു​ന്ന​തി​നു സ്ഥാപനം ധാരാളം വ്യത്യസ്‌ത പ്രസി​ദ്ധീ​ക​ര​ണങ്ങൾ ഉദാര​മാ​യി പ്രദാനം ചെയ്‌തി​രി​ക്കു​ന്നു. ഭൂമിയെ സംബന്ധിച്ച ദൈ​വോ​ദ്ദേ​ശ്യം, ത്രിത്വം, ദൈവ​നാ​മം, രാജ്യ​ഗ​വൺമെൻറ്‌, ദുഷ്ടത സംബന്ധിച്ച ദൈവ​ത്തി​ന്റെ അനുമതി എന്നിങ്ങ​നെ​യു​ളള പ്രത്യേക വിഷയങ്ങൾ കൈകാ​ര്യം ചെയ്യുന്ന ലഘുപ​ത്രി​കകൾ ഇവയിൽ പെടുന്നു. നമ്മുടെ പ്രദേ​ശ​ത്തു​ളള ആളുകളെ സഹായി​ക്കാൻ നമുക്കു ലഘുപ​ത്രി​കകൾ എങ്ങനെ ഫലപ്ര​ദ​മാ​യി ഉപയോ​ഗി​ക്കാൻ കഴിയും?

² നമ്മുടെ പ്രശ്‌നങ്ങൾ—അവ പരിഹ​രി​ക്കാൻ നമ്മെ ആർ സഹായി​ക്കും? എന്ന ലഘുപ​ത്രിക കഷ്ടപ്പാ​ടിൽനി​ന്നു വിമു​ക്ത​മായ ഒരു ലോകം സമീപ​മാ​ണെന്നു വിശദ​മാ​ക്കു​ന്നു. ഇതു നമുക്ക്‌ എങ്ങനെ പരിച​യ​പ്പെ​ടു​ത്താ​വു​ന്ന​താണ്‌? ന്യായ​വാ​ദം പുസ്‌ത​ക​ത്തി​ന്റെ 393-ാം പേജിൽ ആരംഭി​ക്കുന്ന “കഷ്ടത” എന്ന മുഖ്യ തലക്കെ​ട്ടിൻകീ​ഴിൽ നിർദേ​ശങ്ങൾ കണ്ടെത്താൻ കഴിയും, അല്ലെങ്കിൽ പന്ത്രണ്ടാം പേജിലെ “അനീതി⁄കഷ്ടപ്പാട്‌” എന്ന ശീർഷ​ക​ത്തിൻ കീഴുളള മുഖവുര ഉപയോ​ഗി​ക്കാൻ നിങ്ങൾ ഇഷ്ടപ്പെ​ട്ടേ​ക്കാം.

³ നിങ്ങൾ ഇങ്ങനെ പറഞ്ഞേ​ക്കാം:

◼“‘മനുഷ്യർ പ്രശ്‌ന​ങ്ങ​ളെ​യും കഷ്ടപ്പാ​ടു​ക​ളെ​യും നേരി​ടു​ന്നതു സംബന്ധി​ച്ചു ദൈവം യഥാർഥ​ത്തിൽ ചിന്തയു​ള​ള​വ​നാ​ണോ’ എന്നു നിങ്ങൾ എപ്പോ​ഴെ​ങ്കി​ലും സംശയി​ച്ചി​ട്ടു​ണ്ടോ?” പ്രതി​ക​ര​ണ​ത്തിന്‌ അനുവ​ദി​ക്കുക. സങ്കീർത്ത​നങ്ങൾ 72:12-14 വായി​ക്കുക. അതിനു​ശേഷം നമ്മുടെ പ്രശ്‌നങ്ങൾ—അവ പരിഹ​രി​ക്കാൻ നമ്മെ ആർ സഹായി​ക്കും? എന്ന ലഘുപ​ത്രി​ക​യി​ലെ 8-ാം പേജി​ലേക്കു തിരി​യു​ക​യും ആ പേജിലെ തടിച്ച തലക്കെ​ട്ടിൻ കീഴുളള വിവര​ങ്ങ​ളും അതു​പോ​ലെ 18-ാം പേജിൽ പരാമർശി​ച്ചി​രി​ക്കുന്ന, ഭാവിയെ സംബന്ധിച്ച നമ്മുടെ പ്രത്യാ​ശ​യും ചർച്ച ചെയ്യുക. ലഘുപ​ത്രിക നിരസി​ക്കു​ന്നെ​ങ്കിൽ വിഷാ​ദ​മ​ഗ്നർക്ക്‌ ആശ്വാസം അല്ലെങ്കിൽ സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്നിവ​പോ​ലു​ളള ലഘു​ലേ​ഖ​ക​ളിൽ ഒന്ന്‌ എന്തു​കൊ​ണ്ടു സമർപ്പി​ച്ചു​കൂ​ടാ?

⁴ നല്ല ഭരണകൂ​ടം ഇന്നു താത്‌പ​ര്യ​മു​ളള ഒരു വിഷയ​മാണ്‌. മനുഷ്യ​ഭ​രണം ലോകത്തെ ഒന്നിപ്പി​ക്കു​മോ എന്നു പലരും അത്ഭുതം കൂറുന്നു. സഹായ​ക​മായ നിർദേ​ശങ്ങൾ ന്യായ​വാ​ദം പുസ്‌ത​ക​ത്തി​ന്റെ 152-ാം പേജിൽ തുടങ്ങുന്ന “ഗവൺമെൻറ്‌” എന്ന ശീർഷ​ക​ത്തി​നു കീഴിൽ കാണാ​വു​ന്ന​താണ്‌.

⁵ നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌:

◼“നിലനിൽക്കുന്ന സന്തുഷ്ടി കൈവ​രു​ത്തുന്ന ഒരു ഗവൺമെൻറ്‌ സ്ഥാപി​ക്കാൻ മനുഷ്യർക്കു സാധ്യ​മാ​ണോ?” മറുപടി പറയാൻ അനുവ​ദി​ച്ച​ശേഷം ഇങ്ങനെ ചോദി​ക്കുക: “മാനു​ഷ​ച​രി​ത്ര​ത്തി​ന്റെ ഏടുകൾ എന്തു പ്രകട​മാ​ക്കു​ന്നു?” യിരെ​മ്യാ​വു 10:23-ലേക്ക്‌ അല്ലെങ്കിൽ ന്യായ​വാ​ദം പുസ്‌ത​ക​ത്തി​ന്റെ 152-ാം പേജി​ലേക്കു തിരിഞ്ഞ്‌ അനു​യോ​ജ്യ​മായ വാക്യ​ങ്ങ​ളും അഭി​പ്രാ​യ​ങ്ങ​ളും വായി​ക്കുക. അതുക​ഴിഞ്ഞ്‌, ഗവൺമെൻറ്‌ ലഘുപ​ത്രി​ക​യി​ലെ 24-ഉം 25-ഉം പേജു​ക​ളി​ലേക്കു തിരിഞ്ഞു ചിത്ര​ങ്ങ​ളും തിരു​വെ​ഴു​ത്തു​ക​ളും പരിചി​ന്തി​ക്കുക. ദൈവ​ത്തി​ന്റെ ഗവൺമെൻറ്‌ ആളുകളെ ഗോള​വ്യാ​പ​ക​മാ​യി എങ്ങനെ ഒന്നിപ്പി​ക്കും എന്നു വിശദ​മാ​ക്കുക. വീട്ടു​കാ​രൻ ലഘുപ​ത്രിക സ്വീക​രി​ക്കു​ന്നി​ല്ലെ​ങ്കിൽ ഈ ലോകം അതിജീ​വി​ക്കു​മോ? എന്ന ലഘുലേഖ നിങ്ങൾക്കു സമർപ്പി​ക്കാ​വു​ന്ന​താണ്‌.

⁶ നിങ്ങളു​ടെ അയൽപ്ര​ദേ​ശത്തു കുററ​കൃ​ത്യം സംബന്ധിച്ച ഭീതി​യു​ണ്ടെ​ങ്കിൽ, പിൻവ​രുന്ന മുഖവുര ആകർഷ​ക​മാ​യി​രു​ന്നേ​ക്കാം.

⁷ നിങ്ങൾക്ക്‌ ഇങ്ങനെ പറയാൻ കഴിയും:

◼“‘ദൈവം സ്‌നേ​ഹ​മാ​ണെ​ങ്കിൽ അവിടുന്ന്‌ എന്തു​കൊ​ണ്ടു ദുഷ്ടത അനുവ​ദി​ച്ചി​രി​ക്കു​ന്നു?’ എന്നു പലരും സംശയി​ക്കു​ന്നു. നിങ്ങളും ഇതി​നെ​ക്കു​റി​ച്ചു ചിന്തി​ച്ചി​ട്ടു​ണ്ടോ?” അഭി​പ്രാ​യം പറയാൻ അനുവ​ദി​ച്ച​ശേഷം ഇങ്ങനെ പറയുക: “ആളുകൾ ചെയ്യുന്ന മോശ​മായ കാര്യങ്ങൾ നിമിത്തം ദൈവത്തെ കുററ​പ്പെ​ടു​ത്തു​ന്ന​തി​നെ​തി​രെ സദൃശ​വാ​ക്യ​ങ്ങൾ 19:3 മുന്നറി​യി​പ്പു നൽകു​ന്നു​വെ​ന്നതു ശ്രദ്ധി​ക്കുക.” ആ വാക്യം വായി​ച്ച​ശേഷം “നോക്കൂ! ഞാൻ സകലവും പുതു​താ​ക്കു​ന്നു” എന്ന ലഘുപ​ത്രി​ക​യു​ടെ 15-ാം പേജി​ലേക്കു ശ്രദ്ധ തിരി​ക്കു​ക​യും 27-ാമത്തെ ഖണ്ഡിക വായി​ക്കു​ക​യും ചെയ്യുക. തുടർന്നു​ളള ഖണ്ഡികകൾ ചർച്ച ചെയ്യു​ന്ന​തി​ലേക്ക്‌ ഇതു നയി​ച്ചേ​ക്കാം.

⁸ സുവാർത്ത​യെ​ക്കു​റി​ച്ചു ചെമ്മരി​യാ​ടു​തു​ല്യ​രായ ആളുകളെ പഠിപ്പി​ക്കാൻ ലഘുപ​ത്രി​കകൾ ഉപയോ​ഗി​ക്കു​ന്നതു നമു​ക്കേ​വർക്കും ചെയ്യാൻ കഴിയുന്ന ഒന്നാണ്‌. ദൈവ​സ്ഥാ​പ​ന​ത്തോ​ടൊ​ത്തു സഹവസി​ക്കാൻ ജീവി​ത​ത്തി​ന്റെ എല്ലാ തുറക​ളി​ലു​മു​ളള ആളുകളെ നമുക്കു സഹായി​ക്കാൻ കഴിയും. നമ്മുടെ കാലാ​നു​സൃത ലഘുപ​ത്രി​കകൾ നാം ഫലപ്ര​ദ​മാ​യി ഉപയോ​ഗി​ക്കവേ, പ്രസം​ഗ​പ്ര​വർത്ത​ന​ത്തിൽ പങ്കുപ​റ​റു​ക​യെ​ന്നു​ള​ളതു നമ്മുടെ പദവി​യാണ്‌.