ദൈവ​വ​ച​ന​ത്തി​ന്റെ ഉപദേ​ഷ്ടാ​ക്ക​ളാ​യി​രി​ക്കുക—ലഘുപ​ത്രി​കകൾ ഉപയോ​ഗി​ച്ചു​കൊണ്ട്‌

¹ യഹോ​വ​യു​ടെ എല്ലാ സമർപ്പിത ദാസർക്കും മറ്റുള്ള​വരെ ദൈവ​വ​ചനം പഠിപ്പി​ക്കുന്ന വേലയിൽ പങ്കുപ​റ്റു​ന്ന​തി​നുള്ള ഉത്തരവാ​ദി​ത്വ​മുണ്ട്‌. “സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന കൽപ്പന നൽകി​യി​രി​ക്കു​ന്നതു സ്വർഗ​ത്തി​ലും ഭൂമി​യി​ലും സകല അധികാ​ര​വു​മു​ള്ള​വ​നാ​ണെന്നു നാം വിലമ​തി​ക്കു​മ്പോൾ ഈ ഉത്തരവാ​ദി​ത്വ​ത്തി​ന്റെ ഗൗരവം വ്യക്തമാ​കു​ന്നു. (മത്താ. 28:18-20) തന്മൂലം, സുവാർത്താ പ്രസം​ഗ​ത്തിൽ പങ്കുപ​റ്റു​ന്ന​തി​നു നാമോ​രോ​രു​ത്ത​രും ഉപദേ​ഷ്ടാ​ക്ക​ളാ​യി​രി​ക്കേണ്ട ആവശ്യ​മുണ്ട്‌!—2 തിമൊ. 2:2.

² ആഗസ്റ്റ്‌ മാസത്തിൽ ലഘുപ​ത്രി​കകൾ സമർപ്പി​ക്കു​മ്പോൾ നമുക്ക്‌ പഠിപ്പി​ക്കു​ന്ന​തി​നുള്ള നമ്മുടെ വൈദ​ഗ്‌ധ്യ​ങ്ങൾ ഉപയോ​ഗി​ക്കാം. അവയി​ലുള്ള രസകര​മായ ഏതാനും തിരു​വെ​ഴുത്ത്‌ ആശയങ്ങൾ തിര​ഞ്ഞെ​ടു​ക്കു​ന്ന​തി​നും ഒരു സംഭാ​ഷ​ണ​ത്തി​നു തുടക്ക​മി​ടു​ന്ന​തി​നു നമ്മെ സഹായി​ക്കുന്ന തിരു​വെ​ഴു​ത്തു​പ​ര​മായ ഏതാനും അഭി​പ്രാ​യങ്ങൾ തയ്യാറാ​കു​ന്ന​തി​നും നമുക്കു കഴിയും.

³ “ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ?” എന്ന ലഘുപ​ത്രിക സമർപ്പി​ക്കു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“ഞങ്ങൾ നിങ്ങളു​ടെ അയൽക്കാ​രിൽ പലരെ​യും സന്ദർശി​ച്ച​പ്പോൾ കുറ്റകൃ​ത്യം, ഭീകര​പ്ര​വർത്തനം, അക്രമം എന്നിവ​യിൽ പെട്ടെ​ന്നു​ണ്ടായ വർധന​വിൽ അവർ ചിന്താ​കു​ല​രാ​ണെന്നു ഞങ്ങൾക്കു കാണാൻ കഴിഞ്ഞു. ഇത്‌ ഇത്ര വലിയ ഒരു പ്രശ്‌ന​മാ​യി​ത്തീർന്നത്‌ എന്തു​കൊ​ണ്ടാ​ണെ​ന്നാ​ണു നിങ്ങൾക്കു തോന്നു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] ഇതു സംഭവി​ക്കു​മെന്നു ബൈബിൾ മുൻകൂ​ട്ടി പറഞ്ഞി​രു​ന്നു​വെ​ന്നതു നമ്മെ സംബന്ധി​ച്ചി​ട​ത്തോ​ളം താത്‌പ​ര്യ​ജ​ന​ക​മായ സംഗതി​യാണ്‌. [2 തിമൊ​ഥെ​യൊസ്‌ 3:1-3 വായി​ക്കുക.] ഇത്‌ ‘അന്ത്യകാ​ലത്തു’ നടക്കാ​നി​രി​ക്കു​ന്ന​താ​ണെന്നു ശ്രദ്ധി​ക്കുക. അതിന്റെ അർഥം എന്തോ ഒന്ന്‌ അവസാ​നി​ക്കാൻ പോവു​ക​യാ​ണെ​ന്നാണ്‌. അതെന്താ​ണെ​ന്നാ​ണു നിങ്ങൾ കരുതു​ന്നത്‌?” പ്രതി​ക​രി​ക്കാൻ അനുവ​ദി​ക്കുക. 22-ാം പേജു തുറന്നു ചിത്രം കാണി​ച്ചിട്ട്‌ ആ പേജിൽ ഉദ്ധരി​ച്ചി​ട്ടുള്ള ഒന്നോ രണ്ടോ തിരു​വെ​ഴു​ത്തു​കൾ ചർച്ച​ചെ​യ്യുക. ഈ അനു​ഗ്ര​ഹങ്ങൾ സത്വരം സമീപി​ച്ചി​രി​ക്കു​ന്നു​വെന്നു നമ്മൾ വിശ്വ​സി​ക്കു​ന്ന​തി​നു കാരണ​മെ​ന്തെന്നു വിശദീ​ക​രി​ക്കാൻ പിന്നീടു മടങ്ങി​ച്ചെ​ല്ലു​ന്ന​തി​നുള്ള ക്രമീ​ക​ര​ണങ്ങൾ നടത്തുക.

⁴ “ജീവി​ത​ത്തി​ന്റെ ഉദ്ദേശ്യം എന്ത്‌—അതു നിങ്ങൾക്കെ​ങ്ങനെ കണ്ടെത്താം?” എന്ന ലഘുപ​ത്രിക സമർപ്പി​ച്ചി​ടത്തു നിങ്ങൾക്ക്‌ ഈ സമീപനം ഉപയോ​ഗി​ക്കാ​വു​ന്ന​താണ്‌:

◼“ജീവി​ത​ത്തിൽ ഒരു യഥാർഥ ഉദ്ദേശ്യം കണ്ടെത്തുന്ന കാര്യ​ത്തിൽ അനേകർക്കും ബുദ്ധി​മുട്ട്‌ അനുഭ​വ​പ്പെ​ടു​ന്നു. ചുരുക്കം ചിലർ പരിമി​ത​മായ അളവിൽ സന്തുഷ്ടി ആസ്വദി​ക്കു​മ്പോൾ മിക്കവ​രും നിരാ​ശ​യും കഷ്ടതയും നിറഞ്ഞ ജീവിതം നയിക്കു​ന്നു. നമ്മൾ ഇവ്വണ്ണം ജീവി​ക്കാ​നാ​ണു ദൈവം ഉദ്ദേശി​ച്ചി​രു​ന്നത്‌ എന്നു നിങ്ങൾ കരുതു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ഇത്തര​മൊ​രു ലോക​ത്തിൽ നമ്മൾ ജീവി​ക്കാ​നാ​ണു ദൈവം ആഗ്രഹി​ക്കു​ന്നത്‌ എന്നു ബൈബിൾ കാണി​ക്കു​ന്നു.” 21-ാം പേജി​ലുള്ള ചിത്രം കാണി​ക്കുക, എന്നിട്ട്‌ 25-ഉം 26-ഉം പേജു​ക​ളിൽ 4-6 ഖണ്ഡിക​ക​ളി​ലേക്കു തിരി​ഞ്ഞിട്ട്‌ അവൻ എന്താണു വാഗ്‌ദാ​നം ചെയ്‌തി​രി​ക്കു​ന്നത്‌ എന്നു ചൂണ്ടി​ക്കാ​ട്ടുക. മടങ്ങി​ച്ചെ​ല്ലു​മ്പോൾ ചർച്ച ചെയ്യു​ന്ന​തിന്‌ ഈ ചോദ്യം ഉന്നയി​ക്കുക: “ദൈവം തന്റെ വാഗ്‌ദ​ത്തങ്ങൾ നിറ​വേ​റ്റു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ എങ്ങനെ കഴിയും?”

⁵ “ഭൂമി​യിൽ എന്നേക്കും ജീവിതം ആസ്വദി​ക്കുക!” എന്ന ലഘുപ​ത്രി​ക​യു​ടെ മുന്നി​ലെ​യും പിന്നി​ലെ​യും താളു​ക​ളി​ലുള്ള ചിത്രം കാണി​ച്ചു​കൊണ്ട്‌ നിങ്ങൾക്ക്‌ ആ ലഘുപ​ത്രിക സമർപ്പി​ക്കാ​വു​ന്ന​താണ്‌:

◼“സന്തുഷ്ട​രായ ജനങ്ങ​ളെ​ക്കൊ​ണ്ടു നിറഞ്ഞ ഇത്തര​മൊ​രു ലോകത്തു ജീവി​ക്കാൻ നിങ്ങൾ ആഗ്രഹി​ക്കു​മോ? [പ്രതി​ക​രി​ക്കാൻ അനുവ​ദി​ക്കുക.] ദൈവം ജനങ്ങളെ സ്‌നേ​ഹി​ക്കു​ന്നു​വെ​ന്നും അവർ ഭൂമി​യിൽ സന്തുഷ്ടി​യിൽ ജീവി​ക്കാൻ ആഗ്രഹി​ക്കു​ന്നു​വെ​ന്നും ബൈബിൾ നമ്മോടു പറയുന്നു.” 49-ാം പേജു തുറന്ന്‌ അവിടെ ഉദ്ധരി​ച്ചി​രി​ക്കുന്ന തിരു​വെ​ഴു​ത്തു​ക​ളി​ലൊ​ന്നു വായി​ക്കുക. പിന്നീട്‌ 50-ാമത്തെ ചിത്രം ചൂണ്ടി​ക്കാ​ണി​ച്ചു​കൊണ്ട്‌ പറുദീ​സ​യിൽ ജീവി​ക്കാൻ ആഗ്രഹി​ക്കു​ന്നു​വെ​ങ്കിൽ നമ്മൾ എന്തു ചെയ്യണ​മെന്നു വിശദീ​ക​രി​ക്കുക. മടങ്ങി​ച്ചെന്ന്‌ യേശു​ക്രി​സ്‌തു​വി​ലുള്ള വിശ്വാ​സം പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടെന്നു ചർച്ച ചെയ്യാ​മെന്നു വാഗ്‌ദാ​നം ചെയ്യുക.

⁶ നമ്മൾ ‘നമ്മുടെ ഉപദേ​ശത്തെ സൂക്ഷി​ച്ചു​കൊണ്ട്‌ നമ്മുടെ അഭിവൃ​ദ്ധി പ്രസി​ദ്ധമാ’ക്കുമ്പോൾ യഹോവ സന്തോ​ഷി​ക്കു​ന്നു. (1 തിമൊ. 4:15, 16) ‘നന്മയെ സുവി​ശേ​ഷി​ക്കു’ന്നതു കേൾക്കാൻ കാംക്ഷി​ക്കു​ന്ന​വരെ സഹായി​ക്കു​ന്ന​തി​നുള്ള നമ്മുടെ ശ്രമത്തിൽ ലഘുപ​ത്രി​ക​കൾക്ക്‌ ഒരു യഥാർഥ സഹായ​മാ​യി​രി​ക്കാൻ കഴിയും.—യെശ. 52:7.