ചോദ്യ​പ്പെ​ട്ടി

◼ യഹോ​വ​യു​ടെ സാക്ഷികൾ മേലിൽ തന്റെ വീട്ടിൽ വരരു​തെന്ന്‌ ഒരു വീട്ടു​കാ​രൻ നിഷ്‌കർഷി​ക്കു​ന്നെ​ങ്കിൽ കാര്യങ്ങൾ എപ്രകാ​രം കൈകാ​ര്യം ചെയ്യണം?

മതത്തിന്റെ പേരി​ലുള്ള സന്ദർശ​നങ്ങൾ കർശന​മാ​യി നിരോ​ധി​ച്ചി​രി​ക്കു​ന്ന​തായ ബോർഡു​കൾ വാതിൽക്ക​ലോ ഗെയ്‌റ്റി​ങ്ക​ലോ കാണു​ക​യാ​ണെ​ങ്കിൽ, ആ വീട്ടു​കാ​രന്റെ താത്‌പ​ര്യ​ങ്ങളെ മാനി​ക്കു​ക​യും വാതി​ലിൽ മുട്ടു​ന്നത്‌ ഒഴിവാ​ക്കു​ക​യും ചെയ്യു​ന്ന​താ​യി​രി​ക്കും നല്ലത്‌. പ്രത്യേ​കി​ച്ചും ആ എഴുത്ത്‌ യഹോ​വ​യു​ടെ സാക്ഷി​ക​ളു​ടെ കാര്യം എടുത്തു പറയു​ന്നു​വെ​ങ്കിൽ.

ചില​പ്പോൾ കച്ചവട​ക്കാ​രോ പിരി​വു​കാ​രോ പ്രവേ​ശി​ക്കു​ന്നതു തടഞ്ഞു​കൊ​ണ്ടുള്ള ബോർഡു​കൾ നാം കാണാ​റുണ്ട്‌. എന്നാൽ നാം ലാഭേച്ഛ കൂടാ​തെ​യുള്ള ഒരു മതപ്ര​വർത്ത​ന​ത്തി​ലാണ്‌ ഏർപ്പെ​ടു​ന്നത്‌ എന്നതി​നാൽ, അതു നമുക്കു ബാധകമല്ല. അത്തരം സ്ഥലങ്ങളിൽ മടിച്ചു നിൽക്കാ​തെ വാതി​ലിൽ മുട്ടു​ന്ന​താണ്‌ ഉചിതം. വീട്ടു​കാ​രൻ എതിർപ്പു പ്രകട​മാ​ക്കു​ന്നെ​ങ്കിൽ അത്തരം എഴുത്തു​കൾ നമുക്കു ബാധകമല്ല എന്നു നാം ചിന്തി​ക്കു​ന്നത്‌ എന്തു​കൊ​ണ്ടാ​ണെന്നു നയപൂർവം വിശദീ​ക​രി​ക്കാ​വു​ന്ന​താണ്‌. തദവസ​ര​ത്തിൽ, വിലക്ക്‌ യഹോ​വ​യു​ടെ സാക്ഷി​കൾക്കും ബാധക​മാണ്‌ എന്നു വീട്ടു​കാ​രൻ വ്യക്തമാ​ക്കു​ന്നെ​ങ്കിൽ നാം അയാളു​ടെ താത്‌പ​ര്യ​ങ്ങളെ മാനി​ക്കും.

നാം ഒരു പ്രദേ​ശത്തു പ്രവർത്തി​ക്കു​മ്പോൾ, ഒരു വീട്ടു​കാ​രൻ പ്രകട​മാ​യി അനിഷ്ടം കാണി​ക്കു​ക​യും വീണ്ടും അവിടെ ചെല്ലരു​തെന്ന്‌ നിർബ​ന്ധ​മാ​യി പറയു​ക​യും ചെയ്‌താൽ വീണ്ടും അവിടെ ചെല്ലരുത്‌. അതി​നെ​ക്കു​റി​ച്ചു ന്യായ​വാ​ദം ചെയ്യാൻ പോലും അദ്ദേഹം ആഗ്രഹി​ക്കു​ന്നി​ല്ലെ​ങ്കിൽ, നാം ആ അഭ്യർഥ​നയെ മാനി​ക്കണം. ഇതി​നെ​ക്കു​റിച്ച്‌ തീയതി സഹിതം വയൽ സേവന പ്രദേ​ശ​മാപ്പ്‌ കാർഡി​ന്റെ മറുവ​ശത്ത്‌ പെൻസിൽകൊണ്ട്‌ എഴുതി​വെ​ക്കണം. ഇത്‌ ഭാവി​യിൽ അവിടം സന്ദർശി​ക്കുന്ന പ്രസാ​ധ​കരെ ആ വീട്‌ ഒഴിവാ​ക്കാൻ സഹായി​ക്കും.

എന്നാൽ അത്തരം ഭവനങ്ങൾ എക്കാല​ത്തേ​ക്കും ഒഴിവാ​ക്കാൻ പാടില്ല. ഇപ്പോ​ഴത്തെ താമസ​ക്കാർ അവി​ടെ​നി​ന്നു താമസം മാറ്റി​യേ​ക്കാം. അനുകൂ​ല​മാ​യി പ്രതി​ക​രി​ക്കുന്ന മറ്റൊരു കുടും​ബത്തെ നാം കണ്ടുമു​ട്ടി​യേ​ക്കാം. നാം സംസാ​രിച്ച വീട്ടു​കാ​രന്‌ മനംമാ​റ്റം ഉണ്ടാകാ​നും നമ്മുടെ സന്ദർശ​നത്തെ സ്വാഗതം ചെയ്യാ​നു​മുള്ള സാധ്യ​ത​യും ഉണ്ടായി​ക്കൂ​ടെ​ന്നില്ല. അതു​കൊണ്ട്‌ കുറച്ചു​കാ​ല​ത്തി​നു ശേഷം താമസ​ക്കാ​രെ​ക്കു​റിച്ച്‌, അവരുടെ അപ്പോ​ഴത്തെ മനോ​ഭാ​വം മനസ്സി​ലാ​ക്കു​ന്ന​തി​നു വേണ്ടി നയപൂർവം അന്വേ​ഷണം നടത്തേ​ണ്ട​താണ്‌.

വർഷത്തി​ലൊ​രി​ക്കൽ വീതം പ്രദേശ ഫയൽ പുനഃ​പ​രി​ശോ​ധി​ക്കു​ക​യും നാം സന്ദർശി​ക്ക​രുത്‌ എന്ന നിർദേശം ലഭിച്ചി​ട്ടുള്ള ഭവനങ്ങ​ളു​ടെ ഒരു ലിസ്റ്റ്‌ ഉണ്ടാക്കു​ക​യും വേണം. സേവന മേൽവി​ചാ​ര​കന്റെ മാർഗ​നിർദേ​ശ​ത്തിൻ കീഴിൽ നയചാ​തു​ര്യ​മുള്ള, അനുഭ​വ​സ​മ്പ​ന്ന​രായ ഏതാനും പ്രസാ​ധ​കരെ ഈ ഭവനങ്ങൾ സന്ദർശി​ക്കാൻ നിയമി​ക്കാ​വു​ന്ന​താണ്‌. അതേ വീട്ടു​കാ​രൻ തന്നെയാ​ണോ ഇപ്പോ​ഴും അവിടെ താമസി​ക്കു​ന്നത്‌ എന്ന്‌ അന്വേ​ഷി​ക്കാൻ വന്നതാണ്‌ എന്നു വിശദീ​ക​രി​ക്കാ​വു​ന്ന​താണ്‌. ന്യായ​വാ​ദം പുസ്‌ത​ക​ത്തി​ന്റെ 15-24 പേജു​ക​ളി​ലെ “സാധ്യ​ത​യുള്ള സംഭാ​ഷണം മുടക്കി​ക​ളോട്‌ നിങ്ങൾക്ക്‌ പ്രതി​ക​രി​ക്കാ​വുന്ന വിധം” എന്ന തലക്കെ​ട്ടിൻകീ​ഴി​ലുള്ള വിവര​ങ്ങ​ളു​മാ​യി പ്രസാ​ധകൻ നന്നായി പരിചി​ത​നാ​യി​രി​ക്കണം. ഉചിത​മായ പ്രതി​ക​രണം ലഭിക്കു​ന്ന​പക്ഷം ഭാവി സന്ദർശ​നങ്ങൾ സാധാരണ മട്ടിൽത്തന്നെ തുടരാ​വു​ന്ന​താണ്‌. വീട്ടു​കാ​രൻ തുടർന്നും ശത്രുതാ മനോ​ഭാ​വം കാണി​ക്കു​ക​യാ​ണെ​ങ്കിൽ ഒരു വർഷം കഴിയു​ന്നതു വരെ വീണ്ടും അവിടെ പോക​രുത്‌. ഒരു പ്രത്യേക കേസിൽ സാഹച​ര്യ​ങ്ങൾ വ്യത്യസ്‌ത​മായ ഇടപെടൽ ആവശ്യ​മാ​ക്കി​ത്തീർക്കു​ന്നു എങ്കിൽ ആ സ്ഥലത്തെ മൂപ്പന്മാ​രു​ടെ സംഘത്തിന്‌ പ്രസ്‌തുത സംഗതി സംബന്ധി​ച്ചു തീരു​മാ​ന​മെ​ടു​ക്കാ​വു​ന്ന​താണ്‌.