കുട്ടി​കളേ—നിങ്ങളു​ടെ സ്‌കൂൾ ജീവി​ത​ത്തിൽ നിന്നു പ്രയോ​ജനം നേടുക

¹ വേനല​വധി കഴിഞ്ഞു സ്‌കൂ​ളി​ലേക്കു മടങ്ങി​ച്ചെ​ന്ന​പ്പോൾ നിങ്ങൾക്ക്‌ എന്തു തോന്നി? മറ്റൊരു അധ്യയന വർഷത്തിൽ നിന്നു നിങ്ങൾ പ്രയോ​ജനം നേടു​ന്നു​ണ്ടോ? നിങ്ങളു​ടെ സഹപാ​ഠി​ക​ളു​മാ​യും അധ്യാ​പ​ക​രു​മാ​യും സത്യം പങ്കു​വെ​ക്കു​ന്ന​തി​നു സ്‌കൂൾ പ്രദാനം ചെയ്യുന്ന അവസര​ങ്ങളെ നിങ്ങൾ പ്രയോ​ജ​ന​പ്പെ​ടു​ത്തു​മോ? സ്‌കൂ​ളിൽ, കഴിവി​ന്റെ പരമാ​വധി ചെയ്യാ​നാ​ണു നിങ്ങളു​ടെ ആഗ്രഹം എന്നു ഞങ്ങൾക്ക്‌ ഉറപ്പുണ്ട്‌.

² ഒരു നല്ല വിദ്യാർഥി ആയിരി​ക്കുക: നന്നായി തയ്യാറാ​യി ക്ലാസ്സിൽ പോകു​ക​യും നന്നായി ശ്രദ്ധി​ക്കു​ക​യും ചെയ്‌താൽ നിങ്ങൾ നിലനിൽക്കുന്ന പ്രയോ​ജ​നങ്ങൾ കൈവ​രി​ക്കും. ഗൃഹപാ​ഠങ്ങൾ ചെയ്യു​ന്ന​തിൽ ശുഷ്‌കാ​ന്തി​യു​ള്ളവർ ആയിരി​ക്കുക. എന്നാൽ, നിങ്ങളു​ടെ സ്‌കൂൾ പ്രവർത്ത​നങ്ങൾ ദിവ്യാ​ധി​പത്യ പ്രവർത്ത​ന​ങ്ങൾക്കു തടസ്സം സൃഷ്ടി​ക്കാ​തി​രി​ക്കാൻ ശ്രദ്ധി​ക്കുക.—ഫിലി. 1:10, NW.

³ പുതിയ സ്‌കൂൾ വർഷം യഹോ​വ​യു​ടെ സാക്ഷി​ക​ളും വിദ്യാ​ഭ്യാ​സ​വും എന്ന ലഘുപ​ത്രി​ക​യു​ടെ വായന​യോ​ടെ ആരംഭി​ക്കുക. അതിനു ശേഷം നിങ്ങളോ നിങ്ങളു​ടെ മാതാ​പി​താ​ക്ക​ളോ അതിന്റെ ഓരോ പ്രതി വീതം നിങ്ങളു​ടെ എല്ലാ അധ്യാ​പ​കർക്കും നൽകുക. അവരുടെ ഏതൊരു ചോദ്യ​ത്തി​നും ഉത്തരം നൽകാ​മെന്ന്‌ പറയുക. ഇത്‌ നിങ്ങളു​ടെ തത്ത്വങ്ങ​ളെ​യും വിശ്വാ​സ​ങ്ങ​ളെ​യും കുറിച്ചു മെച്ചമാ​യി മനസ്സി​ലാ​ക്കാ​നും പഠിച്ച കാര്യങ്ങൾ നിങ്ങൾ ബാധക​മാ​ക്കു​മ്പോൾ അതി​നോ​ടു സഹകരി​ക്കാ​നും അവരെ സഹായി​ക്കും. കൂടാതെ, മൂല്യ​വ​ത്തായ വിദ്യാ​ഭ്യാ​സം നേടാൻ അധ്യാ​പകർ നിങ്ങളെ സഹായി​ക്കവേ, നിങ്ങളും മാതാ​പി​താ​ക്ക​ളും അവരു​മാ​യി സഹകരി​ക്കാൻ ആഗ്രഹി​ക്കു​ന്നു​വെ​ന്നും ഇതു നിങ്ങളു​ടെ അധ്യാ​പ​കർക്ക്‌ ഉറപ്പേ​കും.

⁴ ഒരു നല്ല സാക്ഷി ആയിരി​ക്കുക: എന്തു​കൊ​ണ്ടു സ്‌കൂ​ളി​നെ അനൗപ​ചാ​രിക സാക്ഷീ​ക​രണം നടത്തു​ന്ന​തി​നുള്ള നിങ്ങളു​ടെ വ്യക്തിഗത പ്രദേ​ശ​മാ​യി വീക്ഷി​ച്ചു​കൂ​ടാ? വരുന്ന അധ്യയന വർഷത്തിൽ നിങ്ങൾക്കു സാക്ഷീ​ക​രി​ക്കു​ന്ന​തി​നുള്ള അതുല്യ അവസരങ്ങൾ ലഭിക്കും. പങ്കു​വെ​ക്കു​മ്പോൾ ‘നിങ്ങ​ളെ​യും നിങ്ങളു​ടെ പ്രസംഗം കേൾക്കു​ന്ന​വ​രെ​യും രക്ഷിക്കുന്ന’ വിസ്‌മ​യാ​വ​ഹ​മായ ആത്മീയ ജ്ഞാനം നിങ്ങൾക്കുണ്ട്‌. (1 തിമൊ. 4:16) മാതൃ​കാ​പ​ര​മായ ക്രിസ്‌തീയ നടത്ത നിലനിർത്തു​ന്ന​തി​നാ​ലും ഉചിത​മായ ഏതൊരു അവസര​ത്തി​ലും സാക്ഷീ​ക​രി​ക്കു​ന്ന​തി​നാ​ലും നിങ്ങൾക്കു തന്നെയും മറ്റുള്ള​വർക്കും പ്രയോ​ജനം കൈവ​രു​ത്താ​വു​ന്ന​താണ്‌.

⁵ ഒരു യുവ സഹോ​ദരൻ തന്റെ സ്‌കൂ​ളി​ലെ സഹപാ​ഠി​കൾക്ക്‌ അനൗപ​ചാ​രിക സാക്ഷ്യം നൽകി. അനുകൂ​ല​മാ​യി പ്രതി​ക​രി​ച്ച​വ​രിൽ ഒരു കത്തോ​ലി​ക്ക​നും ദൈവ​വി​ശ്വാ​സം ഉള്ളവരെ പരിഹ​സി​ച്ചി​രുന്ന ഒരു നിരീ​ശ്വ​ര​വാ​ദി​യും കടുത്ത പുകവ​ലി​ക്കാ​ര​നും മദ്യപ​നു​മാ​യി​രുന്ന ഒരു ചെറു​പ്പ​ക്കാ​ര​നും ഉൾപ്പെ​ടു​ന്നു. തന്റെ സമപ്രാ​യ​ക്കാ​രാ​യി​രുന്ന മൊത്തം 15 പേരെ ഈ യുവ സഹോ​ദരൻ സമർപ്പ​ണ​ത്തി​ന്റെ​യും സ്‌നാ​പ​ന​ത്തി​ന്റെ​യും പടിയി​ലേക്കു നയിച്ചു!

⁶ അതു​കൊണ്ട്‌ കുട്ടി​കളേ, പഠിക്കാ​നും നിങ്ങളു​ടേതു മാത്ര​മായ സാക്ഷീ​കരണ പ്രദേ​ശത്തു പ്രവർത്തി​ക്കാ​നും ഉത്സാഹം കാണി​ക്കുക. അപ്പോൾ സ്‌കൂ​ളിൽ പോകു​ന്ന​തു​കൊ​ണ്ടുള്ള ഏറ്റവും വലിയ പ്രയോ​ജനം നിങ്ങൾ ആസ്വദി​ക്കും.