പുതിയ അധ്യയന വർഷത്തി​നാ​യി ഒരുങ്ങുക

1. പുതിയ അധ്യയന വർഷത്തിൽ എന്തിനുള്ള അവസര​മാണ്‌ നിങ്ങൾക്കു​ള്ളത്‌?

¹ പുതിയ സ്‌കൂൾ വർഷം ആരംഭി​ക്കു​ന്ന​തോ​ടെ പുതിയ വെല്ലു​വി​ളി​ക​ളും പ്രശ്‌ന​ങ്ങ​ളും ഒക്കെ നിങ്ങൾക്കു നേരി​ട്ടേ​ക്കാം. എന്നാൽ അതോ​ടൊ​പ്പം, ‘സത്യത്തി​നു സാക്ഷി​നിൽക്കാ​നുള്ള’ പുതിയ അവസര​ങ്ങ​ളും തുറന്നു​കി​ട്ടും. (യോഹ. 18:37) ഒരു സാക്ഷ്യം നൽകാൻ നിങ്ങൾ നന്നായി തയ്യാ​റെ​ടു​ത്തി​ട്ടു​ണ്ടോ?

2. സ്‌കൂ​ളി​ലെ വെല്ലു​വി​ളി​കളെ നേരി​ടാൻ എങ്ങനെ​യെ​ല്ലാം തയ്യാ​റെ​ടു​ക്കാം?

² ജീവി​ത​ത്തി​ന്റെ എല്ലാ വശങ്ങളി​ലും വിജയി​ക്കാൻ ആവശ്യ​മായ നല്ല പരിശീ​ലനം യഹോ​വ​യിൽനി​ന്നും മാതാ​പി​താ​ക്ക​ളിൽനി​ന്നും വിശ്വ​സ്‌ത​നും വിവേ​കി​യു​മായ അടിമ​യിൽനി​ന്നും നിങ്ങൾക്കു ലഭിച്ചി​ട്ടുണ്ട്‌. (സദൃ. 1:8; 6:20; 23:23-25; എഫെ. 6:1-4; 2 തിമൊ. 3:16, 17) സ്‌കൂ​ളിൽ എന്തൊക്കെ പ്രശ്‌നങ്ങൾ ഉണ്ടാ​യേ​ക്കാം എന്നതു സംബന്ധിച്ച്‌ നിങ്ങൾക്ക്‌ ഇപ്പോൾത്തന്നെ ഒരു ഏകദേശ ധാരണ ഉണ്ടായി​രി​ക്കാം. നിങ്ങൾക്കു നേരി​ട്ടേ​ക്കാ​വുന്ന സാഹച​ര്യ​ങ്ങ​ളെ​ക്കു​റി​ച്ചുള്ള അറിവും ദൈവം നൽകുന്ന പരിശീ​ല​ന​വും പ്രയോ​ജ​ന​പ്പെ​ടു​ത്തി​ക്കൊണ്ട്‌ ഒരു സാക്ഷ്യം നൽകാൻ തയ്യാ​റെ​ടു​ക്കുക. (സദൃ. 22:3) യുവജ​നങ്ങൾ ചോദി​ക്കു​ന്നു (വാല്യം 1, 2), ഉണരുക!യിലെ യുവജ​ന​ങ്ങൾക്കു​വേ​ണ്ടി​യുള്ള ലേഖനങ്ങൾ എന്നിവ​യിൽ വന്നിട്ടുള്ള വിവര​ങ്ങ​ളും തിരു​വെ​ഴു​ത്ത​ധി​ഷ്‌ഠിത മാർഗ​നിർദേ​ശ​ങ്ങ​ളും ശ്രദ്ധ​യോ​ടെ പഠിക്കുക.

3. സാക്ഷ്യം നൽകാ​നുള്ള ഏതെല്ലാം അവസരങ്ങൾ നിങ്ങൾക്കുണ്ട്‌?

³ സാക്ഷ്യം നൽകാ​നുള്ള നിരവധി അവസര​ങ്ങ​ളാണ്‌ സ്‌കൂ​ളിൽ നിങ്ങൾക്കു​ള്ളത്‌. നിങ്ങളു​ടെ പെരു​മാ​റ്റം, സംസാരം, വസ്‌ത്ര​ധാ​രണം, സഹപാ​ഠി​ക​ളോ​ടും അധ്യാ​പ​ക​രോ​ടും നിങ്ങൾക്കുള്ള ആദരവ്‌, പഠനത്തി​ലുള്ള മികവ്‌ എന്നിവ​യൊ​ക്കെ കാണു​ക​യും മൂല്യാ​ധി​ഷ്‌ഠി​ത​മായ ഒരു ജീവി​ത​മാണ്‌ നിങ്ങൾ നയിക്കു​ന്ന​തെന്ന്‌ തിരി​ച്ച​റി​യു​ക​യും ചെയ്യു​മ്പോൾ, “നിങ്ങൾ എന്തു​കൊ​ണ്ടാണ്‌ വ്യത്യ​സ്‌ത​നാ​യി​രി​ക്കു​ന്നത്‌?” എന്ന്‌ ചില​രെ​ങ്കി​ലും ചോദി​ച്ചേ​ക്കാം. (മലാ. 3:18; യോഹ. 15:19;1 തിമൊ. 2:9, 10) ഒരു സാക്ഷ്യം നൽകാ​നും നിങ്ങളു​ടെ വിശ്വാ​സ​ത്തെ​ക്കു​റി​ച്ചു വിശദീ​ക​രി​ക്കാ​നും ഉള്ള അവസരം അതു തുറന്നു​ത​ന്നേ​ക്കാം. ദേശഭ​ക്തി​പ​ര​മായ ചടങ്ങുകൾ, മതപര​മായ ആഘോ​ഷങ്ങൾ എന്നിവ​യോ​ടു ബന്ധപ്പെട്ട്‌ പല വെല്ലു​വി​ളി​ക​ളും നിങ്ങൾക്കു നേരി​ടേണ്ടി വന്നേക്കാം. എന്തു​കൊ​ണ്ടാണ്‌ നിങ്ങൾ അവയിൽ പങ്കെടു​ക്കാ​ത്ത​തെന്ന്‌ ആരെങ്കി​ലും ചോദി​ച്ചാൽ, “ഞാൻ യഹോ​വ​യു​ടെ ഒരു സാക്ഷി​യാണ്‌, എന്റെ മതം അതു വിലക്കു​ന്നു” എന്നുമാ​ത്രം പറഞ്ഞ്‌ നിങ്ങൾ സംഭാ​ഷണം അവസാ​നി​പ്പി​ക്കു​മോ? അതോ, സ്‌നേ​ഹ​നി​ധി​യായ പിതാ​വും ദൈവ​വു​മായ യഹോ​വ​യെ​ക്കു​റിച്ച്‌ സാക്ഷ്യം നൽകാൻ നിങ്ങൾ ആ അവസരം പ്രയോ​ജ​ന​പ്പെ​ടു​ത്തു​മോ? യഹോ​വ​യു​ടെ നിർദേ​ശ​ങ്ങൾക്കു ചേർച്ച​യിൽ നല്ല തയ്യാ​റെ​ടു​പ്പു നടത്തു​ന്നെ​ങ്കിൽ അധ്യാ​പ​കർക്കും സഹപാ​ഠി​കൾക്കും മറ്റുള്ള​വർക്കും നല്ല സാക്ഷ്യം നൽകാൻ നിങ്ങൾക്കു കഴിയും.—1 പത്രോ. 3:15.

4. അധ്യയന വർഷം വിജയ​ക​ര​മാ​ക്കാൻ കഴിയു​മെന്ന്‌ നിങ്ങൾക്ക്‌ ഉറപ്പു​ള്ളത്‌ എന്തു​കൊണ്ട്‌?

⁴ സ്‌കൂ​ളിൽ ഉയർന്നു​വ​ന്നേ​ക്കാ​വുന്ന സാഹച​ര്യ​ങ്ങ​ളെ​പ്രതി നിങ്ങൾക്ക്‌ അൽപ്പസ്വൽപ്പം ഭയം തോന്നുക സ്വാഭാ​വി​ക​മാണ്‌. എന്നാൽ നിങ്ങളു​ടെ അധ്യയന വർഷം വിജയ​ക​ര​മായ ഒന്നായി​രി​ക്കാൻ ആഗ്രഹി​ക്കുന്ന നിരവധി പേരുടെ പിന്തുണ നിങ്ങൾക്കു​ണ്ടെന്ന്‌ ഓർക്കുക. സ്വന്തം ‘വയലായ’ സ്‌കൂ​ളിൽ, സാക്ഷീ​ക​ര​ണ​ത്തി​നുള്ള അവസരങ്ങൾ നിങ്ങൾ പ്രയോ​ജ​ന​പ്പെ​ടു​ത്തു​മ്പോൾ അതിൽ ഞങ്ങളും സന്തോ​ഷി​ക്കും. അതു​കൊണ്ട്‌ ധൈര്യ​ത്തോ​ടെ അതിനാ​യി തയ്യാ​റെ​ടു​ക്കുക!