നിങ്ങളു​ടെ കുട്ടികൾ സജ്ജരാ​ണോ?

1. പുതിയ അധ്യയന വർഷത്തി​നാ​യി കുട്ടികൾ ഒരു​ങ്ങേ​ണ്ടത്‌ എന്തു​കൊണ്ട്‌?

¹ പുതിയ ഒരു അധ്യയന വർഷം ആരംഭി​ക്കു​ക​യാ​യി. പുതിയ വെല്ലു​വി​ളി​ക​ളും സമ്മർദ​ങ്ങ​ളും നിങ്ങളു​ടെ കുട്ടി​കളെ കാത്തി​രി​ക്കു​ന്നു​ണ്ടാ​കും എന്ന കാര്യ​ത്തിൽ സംശയ​മില്ല. അതോ​ടൊ​പ്പം ‘സത്യത്തി​നു സാക്ഷി​നിൽക്കാ​നുള്ള’ അവസര​ങ്ങ​ളും അവരുടെ മുമ്പി​ലുണ്ട്‌. (യോഹ. 18:37) ആ അവസരങ്ങൾ ഉപയോ​ഗ​പ്പെ​ടു​ത്താ​നും വെല്ലു​വി​ളി​കൾ നേരി​ടാ​നും അവർ സജ്ജരാ​ണോ?

2. നിങ്ങളു​ടെ കുട്ടി​കൾക്ക്‌ എന്തു സംബന്ധിച്ച്‌ അറിവു​ണ്ടാ​യി​രി​ക്കണം?

² ദേശഭ​ക്തി​പ​ര​മായ ചടങ്ങു​ക​ളി​ലും മതപര​മായ ആഘോ​ഷ​ങ്ങ​ളി​ലും പങ്കുപ​റ്റ​രുത്‌ എന്നു പറയു​മ്പോൾ അതിൽ എന്തെല്ലാം ഉൾപ്പെ​ട്ടി​രി​ക്കു​ന്നു​വെന്ന്‌ നിങ്ങളു​ടെ കുട്ടി​കൾക്ക്‌ അറിയാ​മോ? അത്‌ തെറ്റാ​യി​രി​ക്കു​ന്ന​തി​ന്റെ കാരണം അവർക്ക്‌ വ്യക്തമാ​ണോ? ഉന്നതവി​ദ്യാ​ഭ്യാ​സ​ത്തി​നു പോകാ​നോ പ്രണയി​ക്കാ​നോ മദ്യവും മയക്കു​മ​രു​ന്നും ഉപയോ​ഗി​ക്കാ​നോ ഉള്ള സമ്മർദത്തെ ചെറു​ക്കാൻ അവർ സജ്ജരാ​ണോ? ‘അത്‌ ഞങ്ങളുടെ മതത്തിന്‌ എതിരാണ്‌’ എന്നു പറയു​ന്ന​തി​നു പകരം തങ്ങളുടെ വിശ്വാ​സങ്ങൾ വിശദീ​ക​രി​ച്ചു​കൊ​ടു​ക്കാൻ കുട്ടി​കൾക്ക്‌ അറിയാ​മോ?—1 പത്രോ. 3:15.

3. സായാഹ്ന കുടും​ബാ​രാ​ധ​ന​യിൽ കുട്ടി​കളെ പരിശീ​ലി​പ്പി​ക്കാൻ മാതാ​പി​താ​ക്കൾക്ക്‌ എന്തു ചെയ്യാൻ കഴിയും?

³ കുടും​ബാ​രാ​ധ​ന​യി​ലൂ​ടെ അവരെ സജ്ജരാ​ക്കുക: വർഷത്തിൽ ഉടനീളം നിങ്ങൾക്ക്‌ അവരു​മാ​യി അത്തരം കാര്യങ്ങൾ ചർച്ച​ചെ​യ്യേ​ണ്ടി​വ​രും എന്നതു ശരിതന്നെ. എന്നാൽ സ്‌കൂൾ തുറക്കു​ന്ന​തി​നു​മുമ്പ്‌ അവ ചർച്ച​ചെ​യ്യു​ന്നത്‌ കുട്ടി​കൾക്ക്‌ ആത്മവി​ശ്വാ​സം പകരും. ഒന്നോ രണ്ടോ കുടും​ബാ​രാ​ധ​നാ​വേ​ളകൾ അതിനാ​യി ഉപയോ​ഗ​പ്പെ​ടു​ത്താ​വു​ന്ന​താണ്‌. സ്‌കൂ​ളിൽ പോകു​ന്ന​തി​നെ​ക്കു​റിച്ച്‌ ഓർക്കു​മ്പോൾ അവരെ ഏറ്റവും ഉത്‌ക​ണ്‌ഠ​പ്പെ​ടു​ത്തു​ന്നത്‌ എന്താ​ണെന്ന്‌ കുട്ടി​ക​ളോട്‌ ചോദി​ച്ച​റി​യുക. ഇപ്പോൾ കുട്ടികൾ വളരു​ക​യും അവരുടെ അറിവ്‌ വർധി​ക്കു​ക​യും ചെയ്‌തി​രി​ക്കുന്ന സ്ഥിതിക്ക്‌ മുൻവർഷ​ങ്ങ​ളിൽ നിങ്ങൾ അവരു​മാ​യി സംസാ​രി​ച്ചി​ട്ടുള്ള കാര്യങ്ങൾ വീണ്ടും അവരു​മൊത്ത്‌ ചർച്ച​ചെ​യ്യു​ന്നത്‌ കൂടുതൽ പ്രയോ​ജ​ന​ക​ര​മാ​യി​രി​ക്കും. (സങ്കീ. 78:5) കുടും​ബാ​രാ​ധ​ന​യിൽ പരിശീ​ലന സെഷനു​കൾ ഉൾപ്പെ​ടു​ത്താം; നിങ്ങൾക്കു വേണ​മെ​ങ്കിൽ ടീച്ചറി​ന്റെ​യോ സഹപാ​ഠി​യു​ടെ​യോ മറ്റോ റോൾ അഭിന​യി​ക്കാ​നാ​കും. ബൈബിൾ ഉപയോ​ഗിച്ച്‌ എങ്ങനെ ഉത്തരം നൽകാ​മെ​ന്നും ന്യായ​വാ​ദം, യുവജ​നങ്ങൾ ചോദി​ക്കു​ന്നു തുടങ്ങിയ പ്രസി​ദ്ധീ​ക​ര​ണങ്ങൾ എങ്ങനെ ഉപയോ​ഗ​പ്പെ​ടു​ത്താ​മെ​ന്നും കുട്ടി​കളെ പഠിപ്പി​ക്കുക. ഓരോ അധ്യയന വർഷത്തി​ന്റെ​യും ആരംഭ​ത്തിൽ പുതിയ അധ്യാ​പ​കരെ സമീപിച്ച്‌ തങ്ങൾ യഹോ​വ​യു​ടെ സാക്ഷി​ക​ളാ​ണെന്ന കാര്യം അവരെ അറിയി​ക്കാൻ ഒരു അമ്മ തന്റെ മക്കളെ പരിശീ​ലി​പ്പി​ക്കു​മാ​യി​രു​ന്നു.—2010 ഡിസംബർ 15 ലക്കം വീക്ഷാ​ഗോ​പു​ര​ത്തി​ന്റെ 3-5 പേജുകൾ കാണുക.

4. ജ്ഞാനി​ക​ളായ മാതാ​പി​താ​ക്കൾ എന്തു ചെയ്യും?

⁴ അന്ത്യകാ​ലത്ത്‌ ക്രിസ്‌തീയ യുവജ​ന​ങ്ങൾക്ക്‌ “ദുഷ്‌ക​ര​മായ” അനേകം വെല്ലു​വി​ളി​കൾ നേരി​ടേ​ണ്ടി​വ​രു​ന്നു. (2 തിമൊ. 3:1) ജ്ഞാനി​ക​ളായ മാതാ​പി​താ​ക്കൾ അവ മുൻകൂ​ട്ടി​ക്കണ്ട്‌ മക്കളെ അതിനാ​യി ഒരുക്കും. (സദൃ. 22:3) അടുത്ത അധ്യയന വർഷം ആരംഭി​ക്കു​ന്ന​തി​നു​മു​മ്പു​തന്നെ മക്കളെ സജ്ജരാ​ക്കാൻ നിങ്ങളാ​ലാ​വു​ന്ന​തെ​ല്ലാം ചെയ്യുക.