പുതിയ പ്രത്യേക സമ്മേള​ന​ദിന പരിപാ​ടി

2000 ഫെബ്രു​വ​രി​യിൽ തുടങ്ങുന്ന പ്രത്യേക സമ്മേള​ന​ദിന പരിപാ​ടി​യു​ടെ വിഷയം “ദൈവ​ത്തി​ന്റെ ആഴമുള്ള കാര്യങ്ങൾ അന്വേ​ഷി​ക്കൽ” എന്നതാണ്‌. (1 കൊരി. 2:10, NW) മൂല്യ​മുള്ള എന്തെല്ലാം കാര്യ​ങ്ങ​ളാ​യി​രി​ക്കും നാം പഠിക്കുക?

പലരും അറിവു തേടു​ന്നെ​ങ്കി​ലും, തങ്ങൾ കണ്ടെത്തുന്ന വിവരങ്ങൾ അവർക്ക്‌ ഉന്മേഷം പകരു​ന്നില്ല. ബൈബിൾ നമ്മെ ഊർജ​സ്വ​ല​രാ​ക്കു​ന്നു. “ദൈവ​വ​ചനം തേടു​ന്നത്‌ നവോ​ന്മേഷം പകരുന്നു” എന്ന ശീർഷ​ക​ത്തി​ലുള്ള പരിപാ​ടി സർക്കിട്ട്‌ മേൽവി​ചാ​രകൻ നിർവ​ഹി​ക്കു​മ്പോൾ അതു വ്യക്തമാ​കും. സന്ദർശക പ്രസം​ഗകൻ, “നിങ്ങൾ രാജ്യ​പ്ര​സം​ഗത്തെ എങ്ങനെ വീക്ഷി​ക്കു​ന്നു?” എന്ന വിഷയം കൈകാ​ര്യം ചെയ്‌തു​കൊണ്ട്‌ ദൈവ​ത്തി​ന്റെ ആഴമുള്ള കാര്യങ്ങൾ അന്വേ​ഷി​ക്കു​ന്ന​തും സുവാർത്ത പ്രസം​ഗി​ക്കു​ന്ന​തും തമ്മിലുള്ള ബന്ധം വ്യക്തമാ​ക്കും.

ദൈവ​വ​ച​ന​ത്തി​ലെ ആഴമുള്ള കാര്യ​ങ്ങ​ളി​ലേക്കു കുഴി​ച്ചി​റ​ങ്ങാൻ മാതാ​പി​താ​ക്കൾക്കു കുട്ടി​കളെ എങ്ങനെ സഹായി​ക്കാ​നാ​കും? “നിങ്ങളു​ടെ മക്കളിൽ ദൈവ​വ​ചനം ഉൾനടുക” എന്ന പരിപാ​ടി​യി​ലൂ​ടെ അതിനുള്ള പ്രാ​യോ​ഗിക നിർദേ​ശങ്ങൾ നൽക​പ്പെ​ടു​ന്ന​താ​യി​രി​ക്കും. സഭയിലെ ആത്മീയ പക്വത​യുള്ള വ്യക്തി​ക​ളു​മൊ​ത്തുള്ള സഹവാ​സ​ത്തിന്‌ ക്രിസ്‌തീയ യുവാ​ക്ക​ളു​ടെ​മേൽ ആരോ​ഗ്യാ​വ​ഹ​മായ ഒരു ഫലം ഉണ്ടായി​രി​ക്കും. അവർ എങ്ങനെ അനുകൂ​ല​മാ​യി സ്വാധീ​നി​ക്ക​പ്പെ​ടു​ന്നു എന്നതിന്റെ ഉദാഹ​ര​ണങ്ങൾ “മുതിർന്ന​വ​രിൽ നിന്നു പഠിക്കുന്ന യുവാക്കൾ” എന്ന പരിപാ​ടി​യി​ലൂ​ടെ എടുത്തു​കാ​ട്ട​പ്പെ​ടും.

യഹോവ രഹസ്യ​ങ്ങളെ വെളി​പ്പെ​ടു​ത്തു​ന്ന​വ​നാണ്‌. മറഞ്ഞി​രി​ക്കുന്ന ആത്മീയ നിക്ഷേ​പ​ത്തി​നാ​യി നാം ഇപ്പോൾ ഉത്സാഹ​പൂർവം അന്വേ​ഷി​ക്കേ​ണ്ടത്‌ എന്തു​കൊ​ണ്ടാണ്‌? യഹോവ പുരാതന കാലത്തും ആധുനിക കാലത്തും വെളി​പ്പെ​ടു​ത്തി​യി​രി​ക്കുന്ന കാര്യ​ങ്ങളെ കുറിച്ച്‌ “യഹോവ ആഴമുള്ള കാര്യങ്ങൾ അനു​ക്രമം വെളി​പ്പെ​ടു​ത്തു​ന്നു” എന്ന പ്രസം​ഗ​ത്തിൽ സന്ദർശക പ്രസം​ഗകൻ വിശദീ​ക​രി​ക്കു​ന്ന​താണ്‌. അത്‌, “ദൈവ​ത്തി​ന്റെ ആഴമുള്ള കാര്യങ്ങൾ അന്വേഷി”ക്കുന്നതിൽ തുടരാ​നുള്ള നമ്മുടെ ദൃഢനി​ശ്ച​യത്തെ ബലിഷ്‌ഠ​മാ​ക്കും.

സമ്മേള​ന​ത്തിൽ സംബന്ധി​ക്കാൻ ഇപ്പോഴേ ആസൂ​ത്രണം ചെയ്യുക. യഹോ​വയ്‌ക്കുള്ള സമർപ്പണം സ്‌നാ​പ​ന​ത്തി​ലൂ​ടെ പ്രതീ​ക​പ്പെ​ടു​ത്താൻ ആഗ്രഹി​ക്കു​ന്നവർ കഴിയു​ന്നത്ര നേരത്തെ അധ്യക്ഷ മേൽവി​ചാ​ര​കനെ അറിയി​ക്കേ​ണ്ട​താണ്‌. ദൈവ​വ​ച​ന​ത്തി​ലേക്ക്‌ ചുഴി​ഞ്ഞി​റ​ങ്ങാ​നുള്ള നമ്മുടെ ആത്മാർഥ​മായ ആഗ്രഹം നാം കേൾക്കുന്ന കാര്യ​ങ്ങ​ളാൽ ബലിഷ്‌ഠ​മാ​ക്ക​പ്പെ​ടും. അതു​കൊണ്ട്‌, ആത്മീയ പ്രബോ​ധ​ന​ത്തി​ന്റെ ഈ പ്രത്യേക ദിവസം നഷ്‌ട​പ്പെ​ടു​ത്ത​രുത്‌!