ദൈവത്തെ മഹത്ത്വ​പ്പെ​ടു​ത്തുന്ന നല്ല നടത്ത ഉള്ളവരാ​യി​രി​ക്കുക

¹ നാം എവിടെ ആയിരു​ന്നാ​ലും നമ്മുടെ നടത്തയും വസ്‌ത്ര​ധാ​ര​ണ​വും ചമയവും നമ്മെക്കു​റി​ച്ചും നാം ആരാധി​ക്കുന്ന ദൈവ​ത്തെ​ക്കു​റി​ച്ചും സാക്ഷ്യം നൽകുന്നു. അനേകർ നമ്മെ നിരീ​ക്ഷി​ക്കാൻ ഇടയാ​കുന്ന, ദൈവ​ജ​ന​ത്തി​ന്റെ വലിയ കൂടി​വ​ര​വു​ക​ളിൽ ഇത്‌ പ്രത്യേ​കി​ച്ചും ശ്രദ്ധേ​യ​മാ​യി​ത്തീ​രു​ന്നു. നാം മാതൃ​കാ​യോ​ഗ്യർ ആയിരി​ക്കു​മ്പോൾ യഹോ​വ​യു​ടെ നാമം മഹത്ത്വീ​ക​രി​ക്ക​പ്പെ​ടു​ന്നു. (1 പത്രൊ. 2:12) എന്നിരു​ന്നാ​ലും, ഏതാനും പേരുടെ അനുചി​ത​മായ പെരു​മാ​റ്റ​വും വരും​വ​രായ്‌ക നോക്കാ​തെ​യുള്ള പ്രവർത്ത​ന​ങ്ങ​ളും ദൈവ​ത്തി​നും അവന്റെ ജനത്തി​നും നിന്ദ വരുത്തി​വെ​ച്ചേ​ക്കാം. (സഭാ. 9:18ബി) നമ്മുടെ നടത്തയാൽ പുറത്തു​ള്ളവർ നമ്മുടെ സംഘട​ന​യെ​യും നാം ആരാധി​ക്കുന്ന ദൈവ​ത്തെ​യും വിലയി​രു​ത്തു​മെന്ന്‌ മനസ്സിൽ പിടി​ക്കു​ന്നത്‌ ‘എല്ലാം ദൈവ​ത്തി​ന്റെ മഹത്വ​ത്തി​ന്നാ​യി ചെയ്യു​ന്ന​തിൽ’ കൂടുതൽ ശ്രദ്ധയു​ള്ള​വ​രാ​യി​രി​ക്കാൻ നമ്മെ സഹായി​ക്കും.—1 കൊരി. 10:31.

² ഹോട്ടലുകളിലെ മാതൃ​കാ​യോ​ഗ്യ​മായ നടത്ത: മിക്ക സന്ദർഭ​ങ്ങ​ളി​ലും, യഹോ​വ​യു​ടെ സാക്ഷി​ക​ളു​ടെ ശുദ്ധി​യും ക്രമവും നല്ല പെരു​മാ​റ്റ​രീ​തി​ക​ളും ഹോട്ട​ലു​ക​ളി​ലെ ജീവന​ക്കാ​രിൽ നല്ല മതിപ്പു​ള​വാ​ക്കി​യി​ട്ടുണ്ട്‌. തന്റെ ഹോട്ട​ലിൽ മുറി​യെ​ടു​ത്തു താമസിച്ച സാക്ഷി കുടും​ബ​ങ്ങ​ളെ​ക്കു​റിച്ച്‌ ഒരു മാനേജർ പറഞ്ഞു: “യഹോ​വ​യു​ടെ സാക്ഷി​ക​ളു​ടെ കുട്ടികൾ വളരെ നല്ലവരാണ്‌, അത്തരം കുട്ടി​കളെ ഞാൻ മുമ്പൊ​രി​ക്ക​ലും കണ്ടിട്ടില്ല! മാന്യ​മാ​യി​രു​ന്നു അവരുടെ വസ്‌ത്ര​ധാ​രണം; അവർ മര്യാ​ദ​യും വിനയ​വും നല്ല പെരു​മാ​റ്റ​രീ​തി​ക​ളും ഉള്ളവരാണ്‌, അവർ ഞങ്ങൾക്ക്‌ യാതൊ​രു​വിധ പ്രശ്‌ന​വും ഉണ്ടാക്കി​യില്ല. കുട്ടി​ക​ളെ​പ്രതി നിങ്ങളെ അഭിന​ന്ദി​ക്കാ​തി​രി​ക്കാൻ വയ്യ. നിങ്ങളു​ടെ കുട്ടികൾ ഇവിടെ ഉണ്ടായി​രു​ന്നതു ഞങ്ങൾക്കു സന്തോഷം പകർന്നു.” ഇതു​പോ​ലുള്ള അഭി​പ്രാ​യങ്ങൾ ചോദി​ക്കാ​തെ​തന്നെ പലരും പറയാ​റുണ്ട്‌. കാരണം, നമ്മളു​മാ​യി ഇടപഴ​കു​ന്ന​വർക്ക്‌ യഹോ​വ​യു​ടെ ജനത്തി​നി​ട​യി​ലെ സ്‌നേ​ഹ​വും ആദരവും കാണാൻ കഴിയു​ന്നു.

³ നേരെമറിച്ച്‌, മറ്റു ചില ഹോട്ട​ലു​ക​ളി​ലെ ജീവന​ക്കാ​രു​ടെ അഭി​പ്രാ​യങ്ങൾ തെളി​യി​ക്കു​ന്നത്‌ ചില സാക്ഷികൾ അശ്രദ്ധ​മാ​യി പെരു​മാ​റു​ക​യോ ഹോട്ടൽ സൗകര്യ​ങ്ങൾ ദുരു​പ​യോ​ഗ​പ്പെ​ടു​ത്തു​ക​യോ ചെയ്‌തു എന്നാണ്‌. ഇത്‌ പ്രശ്‌നങ്ങൾ സൃഷ്ടി​ക്കു​ക​യും അനാവ​ശ്യ​മായ വിമർശ​ന​ത്തിന്‌ ഇടയാ​ക്കു​ക​യും ചെയ്യുന്നു. നീന്തൽക്കു​ള​വും മറ്റ്‌ വിനോ​ദോ​പാ​ധി​ക​ളും ഉപയോ​ഗി​ച്ച​പ്പോൾ മാതാ​പി​താ​ക്ക​ളു​ടെ മേൽനോ​ട്ടം ഇല്ലാഞ്ഞ​തി​ന്റെ ഫലമായി കൊച്ചു​കു​ട്ടി​ക​ളും കൗമാ​ര​പ്രാ​യ​ക്കാ​രും ഒച്ചയു​ണ്ടാ​ക്കു​ക​യും അച്ചടക്ക​മി​ല്ലാ​തെ പെരു​മാ​റു​ക​യും ചെയ്‌ത​താ​യി ചില ഹോട്ടൽ മാനേ​ജർമാർ പരാതി​പ്പെ​ടു​ന്നു.

⁴ അതിഥികൾ പാലി​ക്കാൻ പ്രതീ​ക്ഷി​ക്ക​പ്പെ​ടുന്ന നിയമങ്ങൾ മിക്ക ഹോട്ട​ലു​കൾക്കു​മുണ്ട്‌. ശബ്ദത്തി​ന്റെ​യും മുറി​ക​ളിൽ പാചകം ചെയ്യു​ന്ന​തി​ന്റെ​യും കാര്യ​ത്തിൽ ചില സഹോ​ദ​രങ്ങൾ ഈ നിയമങ്ങൾ ലംഘി​ച്ചി​ട്ടുണ്ട്‌. പാചകം അനുവ​ദി​ച്ചി​ട്ടി​ല്ലാത്ത ഹോട്ടൽ മുറി​ക​ളിൽ, ആ വിലക്കി​നെ ലംഘി​ച്ചു​കൊണ്ട്‌ അങ്ങനെ ചെയ്യു​ന്നതു പലപ്പോ​ഴും ശ്രദ്ധയിൽപ്പെ​ട്ടി​ട്ടു​ണ്ടെന്ന്‌ ഹോട്ടൽ ഉടമകൾ നമ്മോടു പറയാ​റുണ്ട്‌. അതു നിമിത്തം മുറി​കൾക്ക്‌ കേടു​പാ​ടു സംഭവി​ച്ചി​ട്ടു​ണ്ടെന്നു മാത്രമല്ല, മുറി​ക്കു​ള്ളിൽ തങ്ങിനിൽക്കുന്ന മണം കാരണം പിന്നെ അത്‌ മറ്റുള്ള​വർക്ക്‌ ഉപയോ​ഗി​ക്കാൻ കൊടു​ക്ക​ണ​മെ​ങ്കിൽ ദിവസ​ങ്ങ​ളോ ആഴ്‌ച​ക​ളോ കഴിയണം. മുറി​യിൽ പാചകം ചെയ്യാ​മെന്നു പ്രത്യേ​കം പറഞ്ഞി​ട്ടി​ല്ലെ​ങ്കിൽ, അതു ചെയ്യരുത്‌.

⁵ ഹോട്ടൽ അധികൃ​ത​രോ​ടു പൂർണ​മാ​യി സഹകരി​ക്കാൻ നാം നല്ല ശ്രമം​തന്നെ നടത്തണം. തീർച്ച​യാ​യും യഹോ​വ​യു​ടെ ജനത്തെ​ക്കു​റിച്ച്‌ മോശ​മായ ഒരു ധാരണ ആളുകൾക്കു നൽകാൻ നാം ആഗ്രഹി​ക്കു​ന്നില്ല. ക്രിസ്‌ത്യാ​നി​കൾ എന്നനി​ല​യിൽ നാം എല്ലായ്‌പോ​ഴും സത്യസ​ന്ധ​മായ നടത്ത ഉള്ളവരാ​യി​രി​ക്കണം. കിടക്ക​വി​രി​ക​ളോ “സ്‌മര​ണ​വ​സ്‌തു”ക്കളോ ഒന്നും ഹോട്ട​ലിൽനിന്ന്‌ എടുത്തു​കൊ​ണ്ടു​പോ​ക​രുത്‌, അത്‌ മോഷ​ണ​മാണ്‌. അതു​പോ​ലെ​തന്നെ മുറി ബുക്കു ചെയ്യു​മ്പോൾ അല്ലെങ്കിൽ ഹോട്ടൽമു​റി​യിൽ വന്നു താമസ​മാ​ക്കു​മ്പോൾ ആ മുറി​യിൽ എത്ര പേർ താമസി​ക്കും എന്നു റിപ്പോർട്ടു ചെയ്യു​ന്ന​തി​ലും നാം സത്യസ​ന്ധ​രാ​യി​രി​ക്കണം.

⁶ കൺ​വെൻ​ഷൻ സ്ഥലത്തെ മാന്യ​മായ വസ്‌ത്ര​ധാ​രണം: കൺ​വെൻ​ഷൻ നടത്തു​ന്നത്‌ എവി​ടെ​യാ​യി​രു​ന്നാ​ലും, ആ സമയത്ത്‌ അതിനെ വലി​യൊ​രു രാജ്യ​ഹാ​ളാ​യി വീക്ഷി​ക്കേ​ണ്ട​താണ്‌. പ്രാ​ദേ​ശിക രാജ്യ​ഹാ​ളി​ലെ യോഗ​ങ്ങൾക്ക്‌ കൂടി​വ​രു​മ്പോ​ഴെ​ന്ന​പോ​ലെ ഇവി​ടെ​യും ഉചിത​മായ ചമയവും വസ്‌ത്ര​ധാ​ര​ണ​വും ഉള്ളവർ ആയിരി​ക്കാൻ ശ്രദ്ധി​ക്കണം. കൺ​വെൻ​ഷൻ പരിപാ​ടി​കൾക്കു മുമ്പും അവ നടക്കു​മ്പോ​ഴും അവയ്‌ക്കു ശേഷവും അനുചി​ത​മോ അങ്ങേയ​റ്റത്തെ ഫാഷനി​ലു​ള്ള​തോ ആയ വസ്‌ത്ര​ധാ​രണം സഹോ​ദ​രങ്ങൾ ഒഴിവാ​ക്കണം. അങ്ങനെ ചെയ്യു​ന്നത്‌ ലോക​ത്തി​ന്റെ ആത്മാവി​നെ തിരി​ച്ച​റി​യി​ക്കു​ക​യും ലോക​ക്കാ​രിൽനി​ന്നു നമ്മെ തിരി​ച്ച​റി​യി​ക്കാൻ ബുദ്ധി​മു​ട്ടാ​ക്കു​ക​യും ചെയ്യുന്നു. ‘ലജ്ജാശീ​ലം’ പ്രതി​ഫ​ലി​പ്പി​ക്കുന്ന വിധത്തിൽ വസ്‌ത്ര​ധാ​രണം നടത്താൻ സഹോ​ദ​രി​മാർ ശ്രദ്ധയു​ള്ള​വ​രാ​യി​രി​ക്കണം. (1 തിമൊ. 2:9, 10) കൺ​വെൻ​ഷൻ സ്ഥലത്തോ ഹോട്ട​ലു​ക​ളി​ലോ റെസ്റ്ററൻറു​ക​ളി​ലോ കടകളി​ലോ എവിടെ ആയിരു​ന്നാ​ലും ഇടർച്ച​യ്‌ക്കു ഹേതു കൊടു​ക്കാ​തെ എല്ലായ്‌പോ​ഴും ദൈവ​ശു​ശ്രൂ​ഷ​ക​രാ​ണെന്ന്‌ നാം തെളി​യി​ക്കണം.—2 കൊരി. 6:3.

⁷ ശനിയാഴ്‌ച രാവിലെ സ്‌നാ​പനം നടക്കും. ആ അവസര​ത്തിൽ നമുക്കു​ണ്ടാ​യി​രി​ക്കേണ്ട മനോ​ഭാ​വത്തെ കുറിച്ച്‌ 1995 ഏപ്രിൽ 1 ലക്കം വീക്ഷാ​ഗോ​പു​ര​ത്തി​ന്റെ 30-ാം പേജിൽ കാണാ​വു​ന്ന​താണ്‌. അതിങ്ങനെ പറയുന്നു: “നാമെ​ല്ലാം സ്‌നാ​പ​നത്തെ ഉചിത​മായ ഗൗരവ​ത്തോ​ടെ വീക്ഷി​ക്കേ​ണ്ട​തുണ്ട്‌. വികാ​രാ​വേശ പ്രകട​ന​ത്തി​നോ, പാർട്ടി നടത്തു​ന്ന​തി​നോ ഉല്ലാസ​ത്തി​മിർപ്പി​നോ ഉളള സമയമല്ല അത്‌. അതേസ​മയം നിരു​ല്ലാ​സ​ക​ര​മോ മൂകമോ ആയ സമയവു​മല്ല അത്‌.” സ്‌ത്രീ​യാ​യാ​ലും പുരു​ഷ​നാ​യാ​ലും തീരെ ചെറി​യ​തോ ശരീര​ഭാ​ഗങ്ങൾ വെളി​പ്പെ​ടു​ത്തു​ന്ന​തോ ആയ വസ്‌ത്രങ്ങൾ ധരിക്കു​ന്നത്‌ തികച്ചും അനുചി​ത​മാ​യി​രി​ക്കും. അതു​കൊണ്ട്‌ എല്ലാവ​രും ക്രിസ്‌തീയ സ്‌നാ​പ​ന​ത്തി​ന്റെ ഗൗരവ​വും സന്തോ​ഷ​വും പ്രതി​ഫ​ലി​പ്പി​ക്കണം.

⁸ ‘നാം വിശു​ദ്ധ​ജീ​വ​ന​വും ഭക്തിയും ഉള്ളവർ ആയിരി​ക്കേണം’ എന്ന്‌ പത്രൊസ്‌ നമ്മെ ഓർമി​പ്പി​ക്കു​ന്നു. (2 പത്രൊ. 3:12) “ദൈവ​വ​ച​നാ​നു​സൃ​തം പ്രവർത്തി​ക്കു​ന്നവർ” ഡിസ്‌ട്രി​ക്‌റ്റ്‌ കൺ​വെൻ​ഷൻ സ്ഥലത്തെ നമ്മുടെ വാക്കു​ക​ളും പ്രവൃ​ത്തി​ക​ളും, സകല ബഹുമാ​ന​ത്തി​നും മഹത്ത്വ​ത്തി​നും യോഗ്യ​നായ മഹാ​ദൈ​വത്തെ അറിയാ​നും ആരാധി​ക്കാ​നും നമ്മെ നിരീ​ക്ഷി​ക്കുന്ന ആത്മാർഥ ഹൃദയരെ സഹായി​ക്കു​മാ​റാ​കട്ടെ.—1 കൊരി. 14:24, 25.