സത്‌പ്ര​വൃ​ത്തി​ക​ളിൽ മാതൃ​ക​യാ​യി​രി​ക്കുക

1. ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളിൽ നമ്മുടെ നടത്ത സംബന്ധിച്ച്‌ നാം വിശേ​ഷാൽ ശ്രദ്ധയു​ള്ളവർ ആയിരി​ക്കേ​ണ്ടത്‌ എന്തു​കൊണ്ട്‌?

¹ ഡിസ്‌ട്രിക്‌റ്റ്‌ കൺ​വെൻ​ഷ​നു​കൾ പോലുള്ള സാക്ഷി​ക​ളു​ടെ വലിയ കൂടി​വ​ര​വു​ക​ളിൽ നമ്മുടെ പ്രവൃ​ത്തി​ക​ളും മറ്റുള്ള​വ​രോ​ടു നാം ഇടപെ​ടുന്ന വിധവു​മെ​ല്ലാം ആളുകൾ പ്രത്യേ​കം ശ്രദ്ധി​ക്കാൻ ഇടവരു​ന്നു. അതു​കൊണ്ട്‌, ‘സുബോ​ധ​മു​ള്ള​വ​രാ​യി​രിക്ക, സകലത്തി​ലും നിന്നെ​ത്തന്നേ സൽപ്ര​വൃ​ത്തി​കൾക്കു മാതൃ​ക​യാ​ക്കി കാണിക്ക’ എന്ന ബൈബിൾ ബുദ്ധി​യു​പ​ദേ​ശ​ത്തിന്‌ നാം ഓരോ​രു​ത്ത​രും പ്രത്യേക ശ്രദ്ധ നൽകേ​ണ്ടത്‌ ആവശ്യ​മാണ്‌. (തീത്തൊ. 2:6, 7) “സ്വന്തഗു​ണമല്ല മററു​ള്ള​വന്റെ ഗുണവും കൂടെ നോ​ക്കേണം” എന്ന ഉദ്‌ബോ​ധനം പിൻപ​റ്റാൻ കൂടു​ത​ലായ ശ്രമം ആവശ്യ​മാ​യി വന്നേക്കാം. (ഫിലി. 2:4) വരാനി​രി​ക്കുന്ന, “ദൈവ​ത്തി​നു മഹത്ത്വം കൊടു​ക്കു​വിൻ” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ ഈ ബുദ്ധി​യു​പ​ദേശം പ്രാവർത്തി​ക​മാ​ക്കാൻ കഴിയുന്ന ചില മേഖലകൾ നമുക്കു പരിചി​ന്തി​ക്കാം.

2. താമസ​സൗ​കര്യ ക്രമീ​ക​ര​ണ​ത്തോ​ടുള്ള ബന്ധത്തിൽ നാം എന്തു മനസ്സിൽ പിടി​ക്കണം?

² താമസസൗകര്യ ക്രമീ​ക​രണം: താമസ​സൗ​ക​ര്യം ഏർപ്പെ​ടു​ത്തു​മ്പോൾ നമുക്ക്‌ സത്‌പ്ര​വൃ​ത്തി​കൾ പ്രകട​മാ​ക്കാൻ നല്ല ഒരു അവസരം ലഭിക്കു​ന്നു. നിങ്ങൾ ഉപയോ​ഗി​ക്കാൻ ഉദ്ദേശി​ക്കുന്ന ഹോട്ടൽ മുറി മാത്രം ബുക്ക്‌ ചെയ്യാൻ ദയവായി ശ്രദ്ധി​ക്കുക. ആവശ്യ​മായ അഡ്വാൻസ്‌ നൽകു​ന്നു​വെന്ന്‌ ഉറപ്പു​വ​രു​ത്തുക. സാധാ​ര​ണ​ഗ​തി​യിൽ ഹോട്ട​ലു​ക​ളിൽ, ആളുകൾ മുറി എടുക്കു​ക​യും ഒഴിഞ്ഞു​കൊ​ടു​ക്കു​ക​യും ചെയ്യുന്ന സമയങ്ങ​ളിൽ വലിയ തിരക്കാ​യി​രി​ക്കും. അങ്ങനെ​യുള്ള അവസര​ങ്ങ​ളിൽ നാം ദൈവാ​ത്മാ​വി​ന്റെ ഫലം പ്രകട​മാ​ക്കു​ന്നത്‌ വിശേ​ഷാൽ പ്രശം​സ​നീ​യ​മാ​യി​രി​ക്കും.—ഗലാ. 5:22, 23.

3. കൺ​വെൻ​ഷൻ സ്ഥലത്ത്‌ യഹോ​വ​യ്‌ക്ക്‌ പുകഴ്‌ച കൈവ​രു​ത്താൻ നമുക്ക്‌ എങ്ങനെ സാധി​ക്കും?

³ കൺ​വെൻ​ഷൻ സ്ഥലത്ത്‌: നാം കൺ​വെൻ​ഷനു വേണ്ടി വാടക​യ്‌ക്ക്‌ എടുക്കുന്ന കെട്ടി​ടങ്ങൾ സാധാ​ര​ണ​ഗ​തി​യിൽ വർഷങ്ങ​ളാ​യി ദുരു​പ​യോ​ഗം ചെയ്യ​പ്പെ​ട്ടി​രി​ക്കു​ന്ന​വ​യാ​യി​രി​ക്കും. മുമ്പ്‌ അത്‌ ഉപയോ​ഗി​ച്ചവർ കെട്ടി​ട​ത്തി​നും അതിനു​ള്ളി​ലെ സാധന​ങ്ങൾക്കു​മെ​ല്ലാം കേടു​പാ​ടു വരുത്തി​യി​ട്ടു​ണ്ടാ​യി​രി​ക്കും, അതു​പോ​ലെ ഹാളി​ലും പരിസ​ര​ങ്ങ​ളി​ലും കടലാ​സ്സും മറ്റു സാധന​ങ്ങ​ളും അലക്ഷ്യ​മാ​യി ഇട്ടിട്ടു​പോ​യി​ട്ടു​ണ്ടാ​കും. ടോയ്‌ലെ​റ്റു​ക​ളും പരിസ​ര​വും നമ്മുടെ പരിശുദ്ധ ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യി​ലു​ള്ളവ ആയിരി​ക്കില്ല. ഇത്‌ മാറ്റി​യെ​ടു​ക്കാൻ നിങ്ങൾക്ക്‌ എന്തു ചെയ്യാൻ കഴിയും? ടോയ്‌ലെ​റ്റു​കൾ വൃത്തി​യാ​ക്കുക, ഓഡി​റ്റോ​റി​യം അടിച്ചു​വാ​രുക, ഇരിപ്പി​ടങ്ങൾ തുടയ്‌ക്കുക തുടങ്ങിയ ജോലി​കൾ ചെയ്യാൻ നിങ്ങൾക്ക്‌ സ്വമേ​ധയാ പേര്‌ നൽകാൻ സാധി​ക്കും. കൺ​വെൻ​ഷൻ സ്ഥലത്തിന്റെ ഓരോ മൂലയും നമ്മുടെ ശുദ്ധി​യുള്ള ദൈവ​ത്തി​ന്റെ വ്യക്തി​ത്വ​ത്തെ പ്രതി​ഫ​ലി​പ്പി​ക്കു​ന്നു​വെന്ന്‌ ഉറപ്പു​വ​രു​ത്തുക. ഇതെല്ലാം നിരീ​ക്ഷ​ക​രിൽ മതിപ്പ്‌ ഉളവാ​ക്കും. അത്‌ യഹോ​വ​യു​ടെ ‘പുകഴ്‌ചെ​ക്കും കീർത്തി​ക്കും മാനത്തി​ന്നും’ സംഭാവന ചെയ്യും.—ആവ. 26:19.

4, 5. യഹോ​വ​യ്‌ക്കു മഹത്ത്വം കരേറ്റാൻ കുട്ടി​കൾക്ക്‌ എങ്ങനെ സാധി​ക്കും, മാതാ​പി​താ​ക്കൾക്ക്‌ എന്ത്‌ ഉത്തരവാ​ദി​ത്വം ഉണ്ട്‌?

⁴ മാതാപിതാക്കളും കുട്ടി​ക​ളും: യുവജ​ന​ങ്ങ​ളിൽ മിക്കവ​രും വളരെ മോശ​മായ പെരു​മാ​റ്റം കാഴ്‌ച​വെ​ക്കുന്ന ഈ ലോകത്ത്‌, നമ്മുടെ കുട്ടികൾ ശ്രദ്ധേ​യ​മാം​വി​ധം വ്യത്യ​സ്‌തത പുലർത്തു​ന്നു. അത്‌ യഹോ​വ​യ്‌ക്കും അവന്റെ സംഘട​ന​യ്‌ക്കും സ്‌തുതി കരേറ്റു​ന്നു. എന്നിരു​ന്നാ​ലും ചില​പ്പോൾ കുട്ടി​കൾക്ക്‌ ശരിയായ മേൽനോ​ട്ടം ലഭിക്കാ​തെ വരു​മ്പോൾ പ്രശ്‌നങ്ങൾ ഉണ്ടായി​ട്ടുണ്ട്‌. (സദൃ. 29:15) മാതാ​പി​താ​ക്കൾ തങ്ങളുടെ മേൽനോ​ട്ട​മി​ല്ലാ​തെ കുട്ടി​കളെ ഹോട്ട​ലി​ലോ അവിടത്തെ നീന്തൽക്കു​ള​ത്തി​ന​രി​കെ​യോ കൺ​വെൻ​ഷൻ സ്ഥലത്തോ തനിച്ചു വിടരുത്‌.

⁵ കൺ​വെൻ​ഷനു മുമ്പു​തന്നെ കുട്ടി​ക​ളു​മൊത്ത്‌, അവർ എങ്ങനെ​യാ​ണു പെരു​മാ​റാൻ പ്രതീ​ക്ഷി​ക്കു​ന്നത്‌ എന്ന കാര്യം പരിചി​ന്തി​ക്കു​ന്നത്‌ സഹായ​ക​മാ​ണെന്ന്‌ ചില മാതാ​പി​താ​ക്കൾ കണ്ടെത്തി​യി​രി​ക്കു​ന്നു. (എഫെ. 6:4) യഥാർഥ ക്രിസ്‌തീയ സ്‌നേഹം “അയോ​ഗ്യ​മാ​യി നടക്കു​ന്നില്ല” അല്ലെങ്കിൽ “സ്വാർത്ഥം അന്വേ​ഷി​ക്കു​ന്നില്ല” എന്നു മനസ്സി​ലാ​ക്കാൻ അവർ തങ്ങളുടെ മക്കളെ സഹായി​ക്കു​ന്നു. (1 കൊരി. 13:5) യഹോ​വ​യാൽ പഠിപ്പി​ക്ക​പ്പെ​ടു​ന്ന​തിന്‌ നീക്കി​വെ​ക്ക​പ്പെ​ട്ടി​രി​ക്കുന്ന ഒരു സമയമാണ്‌ ഡിസ്‌ട്രി​ക്‌റ്റ്‌ കൺ​വെൻ​ഷൻ. കൺ​വെൻ​ഷൻ സ്ഥലത്തും അതു​പോ​ലെ മറ്റ്‌ ഇടങ്ങളി​ലും തങ്ങൾ കാഴ്‌ച​വെ​ക്കുന്ന പെരു​മാ​റ്റ​ത്താൽ കുട്ടി​കൾക്കും മുതിർന്ന​വർക്കും ഒരു​പോ​ലെ ഈ ക്രമീ​ക​ര​ണ​ത്തോട്‌ ആദരവു കാണി​ക്കാൻ കഴിയും.—യെശ. 54:13.

6. നമ്മുടെ നല്ല നടത്തയ്‌ക്ക്‌ മറ്റുള്ള​വ​രു​ടെ മേൽ എന്തു ഫലം ഉളവാ​ക്കാൻ കഴിയും?

⁶ നമ്മുടെ നല്ല നടത്തയി​ലൂ​ടെ തെറ്റി​ദ്ധാ​ര​ണകൾ തിരു​ത്താ​നും ആളുകളെ സത്യാ​രാ​ധ​ന​യി​ലേക്ക്‌ ആകർഷി​ക്കാ​നും നമുക്കു സാധി​ക്കും. (മത്താ. 5:16; 1 പത്രൊ. 2:12) ഡിസ്‌ട്രി​ക്‌റ്റ്‌ കൺ​വെൻ​ഷൻ സമയത്ത്‌ നമ്മളു​മാ​യി സമ്പർക്ക​ത്തിൽ വരുന്ന ഏവർക്കും നമ്മുടെ പ്രവൃ​ത്തി​ക​ളും നാം അവരോട്‌ ഇടപെ​ടുന്ന വിധവും അനുകൂ​ല​മായ ഒരു സാക്ഷ്യം നൽകു​മാ​റാ​കട്ടെ. അതുവഴി, നാം നമ്മെത്തന്നെ ‘സൽപ്ര​വൃ​ത്തി​കൾക്കു മാതൃ​ക​യാ​ക്കി കാണി​ക്കു​ക​യും’ യഹോ​വ​യ്‌ക്ക്‌ മഹത്ത്വം കരേറ്റു​ക​യും ചെയ്യും.—തീത്തൊ. 2:7.

[4-ാം പേജിലെ ചതുരം]

മറ്റുള്ളവരോടു പരിഗണന കാണി​ക്കു​ക

▪ നിങ്ങൾ ഉപയോ​ഗി​ക്കാൻ ഉദ്ദേശി​ക്കുന്ന മുറി മാത്രം ബുക്ക്‌ ചെയ്യുക

▪ ഹോട്ട​ലി​ലെ റിസപ്‌ഷ​നിൽ തിരക്കുള്ള സമയത്ത്‌ ക്ഷമ പ്രകട​മാ​ക്കു​ക

▪ കൺ​വെൻ​ഷൻ സ്ഥലം വൃത്തി​യാ​യി സൂക്ഷി​ക്കു​ന്ന​തിൽ സഹകരി​ക്കു​ക

▪ കുട്ടി​ക​ളു​ടെ കാര്യ​ത്തിൽ ശരിയായ മേൽനോ​ട്ടം ഉണ്ടായി​രി​ക്കു​ക

▪ ഉചിത​മായ ടിപ്പ്‌ നൽകുക